رواية حادث حب الفصل الثاني2 بقلم سحر حسين عزت
الدكتور طلع وقالي أنها لزم تحتاج للعلاج الطبيعي بس الموضوع ده للاسف هيطول شويه يعني ٣ أو ٤ شهور عشان الحادثه أثرت علي العمود الفقري
المهم الدكتور قالي كده وسابني ومشي وانا فضلت افكر مع نفسي هعمل في كام شهر اللي قالي عليهم دول طيب وحياتي انا معقول هوقف حياتي عشان افضل جامبها معني عارف ان انا السبب في اللي هي فيه ده بس مش عارف اعمل ايه عقل وقف مش عارف افكر ولا عارف اتصرف .
**************
وبعد شويه :
رجت كارما من غرفه الاشاعه وراحت علي غرفتها
كارما :
اه اه انا مش قادره انا تعبانه اوي يا سيف .
سيف :
معلش الدكتور هيكتبلك علاج دلوقتي وهتتحسني عليه وأن شاءالله هتبقي احسن .
كارما :
هو انا هفضل هنا كتير يا سيف .
سيف :
لا أن شاءالله هتتحسني في اقرب وقت وهتخرجي من هنا .
كارما :
طيب هو الدكتور قالك ايه .
سيف :
قالي انك لزم تقعدي هنا كام يوم كمان عشان يتابع حالتك
كارما :
بس انا مش عايزه اقعد هنا .
سيف :
صدقيني ده كده احسن عشان تخفي بسرعه .
كارما :
بس انا زهقت اووي .
سيف :
انا معاكي هنلعب ونعمل كل حاجه انتي عايزاها بس لزم اروح الشركه عندي مش هكمل نص ساعه وهرجع علي طول وانا كلمت ممرضه تفضل تقعد معاكي لحد ما اجي تمام .
كارما :
تمام ماشي بس انت متاكد انك هتيجي تاني ولا مش هترجع علي هنا .
سيف :
............ متخافيش هرجع هرجع .
كارما :
تمام سلام .
سيف :
سلام
******************
سبتها وخرجت ومش عارف ليه كلمتها وجعتلي قلبي اووي حاسس انها بتقولي متسبنيش وتمشي كأنها طفله صغيره وخايفه تقعد لوحدها روحت اشوف شغلي وانا عقلي معاها ومكنتش عارف اشلها من دماغي وفضل احل مشاكل الشغل لحد الساعه ٢ بليل و اول ما خلصت روحت جري علي المستشفى واول ما وصلت لقتها رايحه في سابع نومه ولقيت الممرضه بيقولي .........
****************
الممرضه :
اخيرا جيت يا استاذ سيف .
سيف :
في ايه بس .
الممرضه :
كانت قاعده مستنياك مش عايزه تاكل وكانت عماله تقولي انك اخر امل ليها واخر حد ليها بصراحه تعبتني جدا عقبال ما نامت .
سيف :
تمام ماشي انا اسف لحضرتك جدا خلاص اتفضلي وانا هكون هنا معاها .
الممرضه :
تمام تصبح على خير .
سيف :
وانتي من أهله .
*******************
روحت عند السرير وهي نايمه وحسست علي شعرها وبعدين روحت علي الكنبه اللي بنام عليها عشان انام ونمت لحد الصبح وصحيت علي صوتها وهي بتقول للمرضه
كارما :
وطي صوتك عشان ما يصحاش شكله تعبان اووي
الممرضه :
اه ده جه امبارح متأخر اووي .
كارما :
المهم انه جه اصلا .
الممرضه :
دلوقتي بتضحكي وآمال امبارح فتحتي في العياط .
كارما :
هشوووو وطي صوتك لحسن يصحي .
الممرضه :
طيب يا ستي انا همشي انا بقي وانتي طبعا مش محتاجاني دلوقتي .
كارما :
طيب لو احتجت حاجه هقولك .
****************************
خرجت الممرضه وانا عملت نفسي نايم وكنت سامع كل الكلام ده .
وبعد شوي :
صحيت .
سيف :
ايه الدوشه دي كلها .
كارما :
انا اسفه صحيتك بس والله العظيم مش انا دي الممرضه رغايه قوي بصراحه .
سيف :
الممرضه برضو .
كارما :
اه والله قصدك أن انا اللي رغايه .
سيف :
لا خالص ...... المهم عامله ايه دلوقتي احسن ولا لسه تعبانه .
كارما :
لا الحمدلله احسن كتير .
سيف :
طيب الحمدلله انا هقوم اغسل وشي وبعدين اشوف حاجه اكلها عشان انا جعان قوي .
كارما :
تمام ماشي .
*********************
سيف دخل يغسل وشه وانا كنت فرحانه قوي مش عارفه ليه يمكن عشان مفيش حد في حياتي غيره دلوقتي بس نفسي فرحانه لما يكون موجود معايا بس انا خايفه اتعلق بيه وفجأة يختفي زاي اي حد في حياتي .
مش عارفه اعمل ايه حاسه اني تقيله عليه مش هيستحمل كتير وهيسبني انا لزم اعمل حساب لكل حاجه .
سيف جه :
****************
كارما :
ايه جبت فطار .
سيف :
لا بعت حد من الفراشين يجيب هو الفطار
كارما :
ليه .
سيف :
هو ايه اللي ليه .
كارما :
قصدي مرحتش انت ليه عشان تجيب الفطار .
سيف :
عشان اكون معاكي .
كارما :
ده بجد والله .
سيف :
اه والله بجد امال هيكون ليه يعني .
كارما :
مش عارفه .
سيف :
المفروض ان انتي عندك جلسه علاج طبيعي ولازم اكون معاكي فيها
كارما :
ايوه صح نسيت ان النهارده عندي جلسه تمام بس الجلسه بعد العصر
سيف :
يا بنتي كلها شويه والعصر يؤذن وبعدين عايز اروح اكلم الدكتور واشوف الدنيا عشان لو تعرفي تخرجي وتيجي تعملي الجلسه في وقت ثاني يعني ما تبقيش مقيمه في المستشفى
كارما :
تمام ماشي بس لو انا خرجت المستشفى هتبقى تيجي معايا الجلسه ولا انت زهقت مني وعايز تخلص وخلاص على العموم تمام يا سيف براحتك .
سيف :
يا بنتي ايه اللي انت بتقوليه ده انا بدور على راحتك انتي ممرضه قالتلي عليك ان انت مش مرتاحه هنا عشان كده بدور على حاجه تكوني مرتاحه فيها مكان يعني .
كارما :
تمام اعمل اللي انت شايفه مناسب
سيف :
انا عايزه افهم انتي مش عايزه ترجعي لحياتك مش عايزه تخرجي من المستشفى دي مش عايزه ترجع لاي حاجه سايبها بره .
كارما :
انا ما بقاش عندي حاجه سايبها بره وما عنديش سبب اخرج عشانه هتصدقني لو قلت لك ان المستشفى دي دلوقتي بالنسبه لي احسن كثير من الدنيا اللي بره انا فعلا مش عايزه اخرج منها وبعدين حتى لو خرجت من هنا هروح فين او حتى هروح عند مين ما بقاش عندي حد امشي يا سيف امشي انت واطلع شوف حياتك اللي بره شوف الناس اللي انت سايبه اقول لك على حاجه انا حتى ما بقتش عايزاك
معايا وما تقلقش انا مش زعلانه منك روح انت برده ما لكش ذنب انك تفضل معايا هنا امشي يا سيف وما تخافش علي انا هعرف اخلي بالي من نفسي كويس
سيف :
يعني ايه ما عندكيش حد تخرج عشانه .
كارما :
يعني ما عنديش حد
سيف :
حتى لو ما عندكيش حد مش عايزه تخرجي حتى عشان نفسك مش عايزه تعيشي حياتك حتى ولو لوحدك ولا انت لازم يكون في حد في حياتك عشان تعتمدي عليها انا اسف يا كارما بس صدقيني لو فضلت كده عمرك ما هتعيشي يوم واحد حلو يوم ايه ساعه واحده ودايما هتقعدي تفكري هو انا ليه لوحدي وعمرك ما هتنجحي في اي حاجه في حياتك هتفضلي واقفه مكانك زي ما انت عجزه مش عارفه تتحركي .
كارما :
تصدق يا سيف انا فعلا دلوقتي بقيت عجزه وفعلا مش عارفه اتحرك واحتمال افضل عجزه كده لمده ثلاث شهور او يمكن اكثر او يمكن افضل كده عمري كله او يمكن ربنا يبص في وشي و..........
سيف :
انا اسف يا كارما انا ما قصدتش والله انا كل الحكايه اني مش عايزك تفقدي الامل في الدنيا ولا في الحياه عايزك تحاربي المرض عشان تقدري تقفي على رجلك تاني في حاجات كثيره في الدنيا انت لسه ما عملتهاش في حاجات كثيره في الدنيا تستاهل انك تتمسكي بحياتك عشانها على الاقل فكري ان في يوم من الايام وربنا يكرمك وتتجوزي واحد يعيشك مرتاحه بقت عمرك ويحبك وتحبيه او تشتغلي وتعيشي الحياه اللي انت بتتمنيها حتى لو ما معكيش حد فيها اوعي تحطي املك على حد واوعي تستني حد انه يكون هو سبب سعادتك يا كارما .
كارما :
صح يا سيف انت معاك حق انا ما ينفعش احط املي على حد حاضر انا هاخد العلاج وهعمل كل جلسات عشان اقدر اقف على رجلي تاني واحاول على قد ما اقدرش احتاج لحد ثاني
*******************
وفعلا حطيت كلام زين في اعتباري وبدات اهتم بنفسي وبالجلسات واخذ العلاج مظبوط عشان ما احتاجش لحد وفعلا شويه بشويه بدات اتحسن حتى نفسيتي اتحسنت وما كنتش مهتمه بوجود سيف معايا في المستشفى لحد ما جه يوم .......