رواية كيف احببتك الفصل الحادي عشر11والثاني عشر12 بقلم ساره تيتو
فادي: تولين ممكن اسالك سؤال
تولين: اسأل
فادي: انتي عندك اخوات ولاد
تولين: ايوا
فادي: اسمهم ايه
تولين: عمرو واحمد
فادي: بس
تولين: ايوا اشمعنا
فادي: طيب تعرفي حد اسمو مصطفي
تولين: بغضب وقف بسرعه
فادي: مالك انا عملت حاجه
تولين: قولت وقف بسرعه
فادي واقف علي جنب ونزل وتولين نزلت
انا عملت ايه طيب
تولين: ملكش دعوه بيا ممكن ومش عايزه اشوفك تاني
ومشت
فادي مسك ايديها
تولين لفت وشها وضربتو كف جامد اوى لدرجه انا بوقه اتجرح
فادي حط ايديه علي خدو وعلي بوقه وفضل يمسح الدم اللي نزف من بوقه
تولين: بدموع انا اسفه والله مقصدش
فادي: امشي
تولين: معلش متزعلش منى
فادي: امشي يا تولين ومشا وسابها
تولين رجعت البيت متعصبه من نفسها اوي ودخلت اوصتها
انا مجنونه انا ليه عملت كدا ايوا انا اديقت منو عشان كلمني عن مصطفي بس مينفعش اعمل كده
ياربي
وفضلت تفكر فيه
ـــــــــــــــــــــــــــــــ
عند فادي
دخل البيت وطلع الاوضه بتاعتو علي طول
ودخل الاوضه وبص ف المرايا وافتكر كل اللي حصل وكان مدايق منها اوي بس كان في حاجه شاغله بالو ان مين مصطفي دا اللي بسببو ضربتو بغضب كدا
ودخل غسل وشو
وطلع
مني: مالك
فادي: مش عارف فاكره تولين اللي جت هنا معايا قبل كده
مني: ايوا مالها
فادي: حكلها اللي حصل
مني: طيب وانت متعصبه ليه كدا وازاي متعصبتش عليها وقتها
فادي: مش عارف بس انا مش بحب ازعلها او حد يدايقها
مني: ليه بقي
فادي: دي مش زي اي بنت عرفتها بس مين مصطفي ده
مني: انت بتحبها
فادي: مش عارف بس هيا قالتلي انها مستحيل تحبني عشان انا متاح للكل وهيا عايزه الشخص اللي هترتبط بيه يكون ليها لوحدها
مني: معاها حق
طيب اعترفتلها بحبك
فادي: مش عارف بحبها ولا لا بس انا قولتلها اني معجب بيها
مني: وايه ردة فعلها
فادي: قالتلي انا لو ف يوم حبيتك ودا مستحيل لازم تبعد عن كل البنات و تكون شاطر وتخلص دراستك
مني: بضحك معاها حق والله
فادي: انا غلطان انى بحكي
مني: لا مقصدش حاجه والله طيب هحضرلك الغدا وسابها علي الله
فادي: ونعم بالله
مش عايز اكل انا هنام شويه
تاني يوم
تولين: انا معرفتش انام طول الليل لاني حاسه بذنب تجاه فادي انا مجنونه هو دائماً بيساعدني كل دا بسببك يا مصطفي انا بكرهك
وطلعت وراحت المدرسه
ف المدرسه
نور: ازيك ياتولين
تولين: الحمدلله
نور: بتدوري علي مين
تولين شافت فادي جاي وساندي معاه
انا هراجعلك تاني
نور: استني في ايه
تولين: فادي ممكن ثواني
فادي: مش فاضي دلوقتي تعالي يا ساندي
تولين: عايزه اكلمك دقيقتين بس
فادي: قولت مش فاضي
نور: في ايه
تولين: لا مفيش يلا ندخل الفصل الحصه هتبدأ
ف الفصل
تولين قعدت مكانها
واستنت فادي ييجي
فادي دخل بس قعد جنب بنت تانيه
المستر دخل اذيكم ايه الاخبار
الطلاب: الحمدلله
المستر: مجموعه هتطلع دلوقتي عشان نبدأ المشروع
ومجموعه الحصه الجايه وهكذا
تولين بصت لفادي
فادي تجاهل تولين
المستر: الاسماء دي هتدخل المعمل انهارده
وفضل ينادي علي الاسماء وكان بينهم اسم تولين
المستر: يلا الاسماء اللي ناديت عليها تيجي
تولين: قامت وراحت للمستر
المستر: مين معاكي
تولين: مفيش حد
مروان: انا ممكن اكون معاها يا مستر
المستر: تعالي
فادي: لا انا مع تولين يا مستر كنت قاعد معاها امبارح
تولين ابتسمت وفادي راح وقف معاها
وطلعو للمعمل
فوق ف المعمل
المستر: طيب كل اتنين ف نفس الفريق يبداو المشروع وكل واخد يخلي بالو
تولين وفادي واقفين
مع بعض وبيحضرو للمشروع
تولين: انت زعلان منى
فادي مردش عليها
تولين: انا بكلمك
فادي: مش عايز اكلمك
تولين سكتت وعينياها دمعت
وفضلو يحضرو
تولين راحت تجيب احد المحاليل الكيمايئيه
وهيا ماشيه وقع منها علي الارض وجاه منو علي رجليها تولين بصراخ اااه رجلي
فادي: جري عليها
مالك ياتولين
المستر: ايه اللي حصل
تولين: وقع عليا
المستر: انزلي بسرعه
تولين: بعياط المشروع
المستر: يوم تاني عادي بس دلوقتي انزلي بسرعه وانا هجاي وراكي علي طول
تولين: بصوت عالي وعياط رجلي وجعاني
فادي: اهدي معلش هتبقي كويسه
تولين:بعياط مش قادره يا فادي
فادي شلها ونزل واخدها الحمام وفتح المياه علي رجليها
وعينيه دمعت
تولين: وهيا متعلقه ف راقبتو وبتعيط ااه مش قادره يافادي
فادي: بدموع عشان خاطري خلاص متعيطيش مش عارف اعملك ايه طيب تعالي هنروح المستشفي
واخدها وطلع
المستر: رايح فين بالبنت
فادي: المستشفى
المستر: طيب ازاي
فادي: بغضب هاخدها انت مش شايف بتتوجع ازاي
واخدها وطلع من المدرسه
ساندي: فادي فادي انت رايح فين
فادي مبصلهاش حتي وفضل يجري بتولين وهو شايلها
ووقف تاكسي وركب بيها
تولين: بعياط فادي عشان خاطري اعمل حاجه مش قادره
فادي: بدموع حاضر والله خلاص هنوصل
وبعد عشره دقايق
نزل وشالها ودخل بيها والدكتور بدأ يكشف عليها وطول الوقت كان ماسك ايديها
وعينيه فيها دموع
الدكتور: من ايه الحرق دا
فادي: محلول كيميائيّ
الدكتور: كويس انا جيت بيها بسرعه
هو الحرق بسيط الحمد لله فتره ويختفي خالص
بس دلوقتي هتاخد حقنه مسكن وهكتبلها علاج وكريمات ومراهم وهتبقي كويسه
فادي: شكرآ يا دكتور
واخد منو الروشته
تولين: حقن لا انا بخاف من الحقن
فادي: بإبتسامة ازاي تولين القويه تخاف من الحقن
تولين: اه بخاف
فادي: عشان خاطري يلا
تولين: بعياط لا والنبي
فادي: متخافيش انا معاكي
تولين: لا طيب اطلع برا
فادي طلع وبعد شويه دخل
بقيتي كويسه
تولين: ايوا شكرا يافادي
فادي: انا معملتش حاجه
تولين: اسفه طيب انت لسه زعلان منى
فادي: لا مش زعلان والله ولا زعلت بس كنت عايز اعرف مين مصطفى ده
تولين: حاضر هقولك
فادي: طيب يلا نمشي
تولين: حاولت تقوم تمشي بس مقدرتش توقف علي رجليها
فادي شالها يلا نمشي
تولين مسكت فيه
وخرجو من المستشفى
تولين: انا همشي من غير حاجه ف رجلي
فادي: انت قادره تمشي عليها عشان تلبسي حاجه فيها
تولين: انا تقيله ولا لا
فادي: بصراحه اه تقيله
تولين: بغضب نزلني
فادي: تقدري تمشي
تولين: ايوا نزلني
فادي: بضحك والله لا بهزر انت خفيفه اوي انا مبسوط اني شايلك كفايا انك كدا قريبه من قلبي
تولين بخجل ابتسمت وسكتت
فادي: احنا هنروح علي بيتنا
تولين: باستغراب بيتنا
فادي: اه صحيح الدكتور قبل كدا سأل ايه العلاقه بينا وقلت خطيبتي لو كان الدكتور انهارده قالي مين دي كنت قولت مراتي
تولين: مراتك
فادي: ايوا ياريت
تولين: والبنات اللي تعرفهم
فادي: والله امسحهم من حياتي
تولين: انهارده واحنا خارجين من المدرسه ساندي كانت بتنادي عليك وانت مردتش عليها
فادي: بجد ماخدتش بالي بس انتي كنتي بتعيطي وموجوعه اخدتي بالك
تولين: يعني لو كنت اخدت بالك كنت هتقف تكلمها
فادي: انا وقتها مكنتش سامع غير صوتك وانتي بتعيطي والله
تولين: بدون ادراك ياروحي انا
فادي: قولتي ايه عشان خاطري قوليها تاني
تولين: لا قولتها غصب عني
فادي: هزعل منك
تولين: ازعل
فادي: هنزلك الارض وسيبك وامشي
تولين: لا مش هتعمل كدا
فادي: ليه بقي
تولين: عشان انت جدع مش هتسبني ف موقف زي ده لوحدي
فادي: لا عشان انتي اممم
تولين: ايه
فادي: والله ماهقولك بقي ❤️❤️❤️❤️❤️❤️❤️❤️❤️❤️❤️
فادي والله ماهقولك بقي
يلا وصلنا البيت
تولين: طيب نزلني قبل ماتخبط
فادي: لا
تولين: نزلني والنبي
فادي: اسكتي يابت
ورن الجرس
تولين: بت طيب انا هوريك
مني: ايه دا في ايه
فادي: عدي الاول بس ادخل
مني: مالها يا فادي
تولين: مفيش حرق بسيط فادي نزلها وقعدها علي الركنه
مني: ازاي حصل دا
فادي: حكي اللي حصل
مني: ياقلبي انتي كويسه دلوقتي
تولين: ايوا الحمد لله
مني: طيب ارتاحي هجيب الغدا بقي ناكل سوا
تولين: لا يطنط مش عايزه والله
فادي: لا جيبي انا جعان وهيا هتاكل غصب عنها
مني: راحت تحضر الاكل
فادي: هاا احكيلي بقي مين مصطفى
تولين بصتلو وسكتت
فادي: سامعك احكي
تولين: اممم دا كان حبيبي من سنتين وسابني وانا ف سنه تانيه
فادي: حبيبك
تولين: ايوا كنت مبسوطه اوي معاه وكنت بموت لو حصلو حاجه او اتأذي بس ف يوم عرف واحده كانت صحبتي وهيا حبتو وفضلت وراه لحد ماخدتو مني وقالت لواحده صحبتي برضو انها تروح وتقول كلام غلط عني واني ليا علاقات بشباب واني بنت مش كويسه وهيا كانت موافقه تعمل كدا عشان تيجبلها موبيل
ومصطفي صدق كل كلمه اتقالت عني
ونسي كل حاجه عملتها عشانو واني بسببو فارقت ناس كتير وكان وعدني يخطبني بس راح ارتبط بيها هيا وانا كنت تعبانه اوي وخلاص هموت وكلمتو قالي يومها انا مش عايز اعرف واحده زيك وميشرفنيش تكوني ف حياتي وقفل ف وشي المكالمه وحظرني
ويوم ماتقبلنا ف الكافيه لما كنت بعيط فاكر يومها قبلتو وهيا كانت معاه وقالي انو خطبها انا بسببهم بقيت اخاف من البشر ومش بثق ف حد لدرجه ان كل الطلاب ف المدرسه بيقولو عني مغروره ومتكبره
فادي: كل دا حصل معاكي عشان كدا مش بتقربي او بتسمحي لحد يقرب منك
تولين: انا بعد موت بابا محستش بامان
فادي: ولدك متوفي
تولين: ايوا
فادي: ربنا يرحمو انا كمان بابا متوفي
تولين: بجد
فادي مسك ايديها متزعليش كل حاجه هتبقي كويسه وبكره يعرف انو غلطان ف حقك وخسرك
تولين هزت رأسها بمعني تمام
فادي: انا كنت حاسس ان في حاجه برضو عشان كدا انتي مش عايزه حد يكلمك او يقرب منك
ايوا بس انتي عندك نور اشمعنا دي صحبتك الوحيده
تولين: هيا اللي كانت معايا وانا تعبانه وفضلت جانبي وهيا اللي حذرتني منهم
فادي: اممم عشان كدا
طيب بس ليه مش بتكلمي هدي وعرفت انكم كنتو صحاب برضو
تولين: هدي اللي باعتني عشان الموبيل
فادي: باستغراب نعم
تولين: انا مش عارفه انا بحكي ليه
فادي: انتي مش واثقه فيا
تولين: غصب عني انا مش بثق فحد خالص
فادي: قرب منها بس انا غيرهم والله
طيب عارفه انا عايش مع ماما لوحدنا من وانا صغير ف الابتدائي بابا اتوفي وانا صغير ومش عندي حد غيرها واهلي مفيش حد فيهم يعرفني اصلا شوفي لدرجه ايه
ايوا احنا مبسوطين بالنسبة للفلوس والحمد لله
بس صدقيني دايما في حاجه مستخبيه بتوجع بتكون مؤلمه
مش لوحدك
تولين: عارف انا اول مره احس بالامان بعد وفاة بابا واللي حصل معايا وانا ف حضنك يوم مكنت بعيط ف الحمام بسبب هدي
فادي: بجد طيب احضنك تاني
تولين: برفع حاجب اتلم
فادي: حاضر بس هاا هتتجوزيني امتي
تولين: بطل هزار
فادي: مش بهزر والله انا بحبك يا تولين
تولين: بصتلو باستغراب ايه
فادي: بحبك والله العظيم
وعايز اخطبك وتكوني ليا لوحدي
وانا هكون ليكي لوحدك
تولين: ابتسمت وبعدين قالت اسكت عشان هصدق وانا مش قد اني اتعب او ازعل تاني
فادي: بتكلم بجد والله ماما ماماااا
تولين: انت مجنون بتنادي عليها ليه
مني: في ايه حصل حاجه
فادي: انا بحب تولين وعايز اخطبها اقنعيها بيا
مني: هو بالعافيه
فادي: اه بحبها مش هسيبها دي غير كل البنات اللي عرفتهم
مني: اديك قولت كل البنات اللي عرفتهم يعني انت تعرف بنات كتير
فادي: مش هعرف حد منهم تاني
مني: طيب انا مالي اهي قدامك
فادي: ايه رأيك ياتولين
تولين: بخجل انا عايزة امشي
فادي: حاضر بس ردي الاول
تولين: انا انا
مني: سيبها تفكر
فادي: انا قولتلك انك هتيجي تعترفيلي بحبك خلال يومين بس انا اللي اعترفت بحبي ليكي
مني: طيب قوم عشان تتغدي
قومي يا تولين
تولين حولت تقوم بس مقدرتش
فادي شالها وقتها تولين قلبها دق بسرعه
وقعدها علي الكرسي
وبدأو ياكلو وهو كان عايز يأكلها ف فوقها
مني: عيب ياولا انا قاعده معاكم والنت اتكسفت اسكت
تولين فضلت قاعده ساكته