رواية ارواح معكوسه الفصل الثاني2 بقلم منه محمد
بدأت ضربات قبلها تزداد بسرعه جنونيه و كانت تتتنفس بسرعه : النور قطع ليه انا عندي فوبيا من الاماكن المغلقه و المظلمه
نهى : الاتنين مع بعض بسم الله ماشاء الله
ليلي بغضب : انت بتترقي عليا اتصرفي، انا حاسه اني بتخنق
جلست علي الارض و هي تتنفس بصعوبه وتردد : مش قادره اخد نفسي حاسه اني هاموت
نهى : يا ستي بعد الشر متقوليش كده، و حاولت الاتصال بأي شخص لينجدها لكن لم يكن هناك تغطيه : الشبكه واقعه
ليلي يزع : يعني ايه هنفضل محبوسين هنا و اخذت ف البكاء و الصياح
بدأت "نهى" بضرب الباب بصوت عال و الصراخ لعل احد يسمعها : الحقونا الاسانسير وقف بينا
و ظلوا يصرخن حتي سمعهم احد الموظفين فركض بسرعه نحو الصوت : في ايه !!
نهى : احنا محبوسين هنا حد يطلعنا بسرعه
سأل الرجل : انت و مين؟
نهى : انا و ليلى بنت مدير الشركه
ليلى بتعجب : ليلى بس من غير اي القاب !!
نهى : يا ستي احنا ف ايه و لا ف ايه انت كمان، ثم وجهت حديثها للرجل : ارجوك اتصرف بسرعه
ركضت بسىرعه لتنفيذ الامر و دخل لمكتب "شكري" بندفاع مما جعله يتضايق
شكري : انت ازاي تدخل عليا المكتب بالشكل ده !!
تحدث الرجل و هو يلهث : شكري بيه مصيبه ف الاسانسير وقف ببنت حضرك و معها موظفه من الشركه
وقف بصدمه : ايه كلم الطوارئ بسرعه
_________________________________________________________________________
كانت تجلس ف المقعد متكوره علي نفسها و تتنفس بصعوبيه شديد
حاولت "نهى" الاقتراب منها لتهدئتها فصدتها : ابعدي عني
انزعجب منها نهى : انت حتى و انت بحاله دي بتتكبري ع الناس بردو
اشتغل المصعد فجأه مما جعلهن يصخرن و يمسكن ببعضن
عندما هبط االمصعد بسلام و فتح كانت الفتاتان قد فقدن وعيهن فذهبوا إلي المستشفي سريعا
________________________________________________________________________________
تم ابلاغ اهل "نهى" بما حدث ف اتوا إلي المستشفي سريعا
خرج الطبيب من عندهن فتجمعوا عليه جميعا
فتحيه : طمنا يادكتور نهى عامله
شكري : ايوه بنتي كويسه
الطبيب : اهدوا يا جماعه مفيش حاجه، ده تأثير الصدمه و هما هايبقوا كويسين و يخرجوا انهارده ان شاء الله
في اليوم التالي استيقظت من النوم بملل : ااااه راسى وجعني
نظرت حولها فتعجبت متي اصبحت غرفتها صغيره هكذا
قامت بكسل و دخلت إلي الحمام فدهشت عندما نظرت إلي المرآه : نهى انت هنا كمان نظرت خلفها فلم تجدها ، عادت تنظر للمرآه و تنظر للخلف عده مرات
ليلي بخوف : ايه ده لما مفيش حد معايا اومال اللي ف المرآيه دي مين نظرت مره اخرى ثم بدأت بعمل حركات عشوائيه فوجهها امام المرآه ثم تحسسته
عندما ادركت ان ما تنظه قد حدث بدأت بالصراخ