رواية قسوت علي فاتنتي الفصل السابع عشر17 والثامن عشر18 بقلم سحر السحرتي
*تحدثت بصدمة عند سماع اسم هيام واخذت تردده
:هيام .... هيام اللي ضيعت على وموتت بابا وانت كمان اكيد بخت حاجة في وشك او أكلتك حاجة انت ما كنتش طبيعي أبدا
:لا انا ما كلت ......
*تذكر فجأة اصرارها ليشرب العصير : انا شربت بس عصير لما قدمتلها بس ده كان من البيت تفتكري أنها
:اكيد غفلتك وحطت حاجة فيه ومش بعيد اللي تستغل الناس وتاخد فلوسهم بالباطل وتخلي على يسرق أهله تعمل أكثر من كدة
:هي السبب ... هي السبب في حاجات كتيرة لما كنا في الأقصر ندهت عليا اشوفك قاعدة مع أدهم وهو بيحاول يمسك ايدك وقتها اتجننت وحصل اللي حصل هناك
بقلمي سحر السحرتي
: انا سمعتك تاني يوم جواز وفهمت أنها كانت عايزة تسافر معانا بس انت هددتها ليه
:هي صاحبة الخطة اني ارفع عليكم قضية طرد وأسلف على
:كمان .... دى طلع تأثيرها عليك مش على بس للدرجة دي عقربة
: لا دي حية سامة انا هوريها تعالي معايا
:فين
:هنروح مشوار مهم
:حسام انا مش قادرة يجمعنا تاني مكان واحد
:فتون انا اتاكدت دلوقت ان اللي حصل غصبن عني وكنت مغيب ارجوك المشوار ده هيحدد هنعمل ايه من غير ما حد فينا يتظلم ويمكن ينقذ جوازنا وحبنا ونبدأ صفحة جديدة
*كادت أن تركب معه السيارة وتذكرت سائق أدهم الذي ينتظرها
:استنى همشي السواق بتاع أدهم
:حاضر
*عادت وركبت معه : لو حبيت استفسر عن سبب عربية أدهم تسمحيلي
: انت لسة جوزي ومن حقك انا تعبت واستاذنت اروح أدهم حب يوصلني لانه شاف حالتي رفضت فبعت معايا العربية بالسواق عشان ما ابقاش لوحدي ويكون مطمن عليا
:هو أدهم بيحبك للدرجة دي
: اه زي اخته مش أكثر بلاش الشيطان يلعب بدماغك تاني أدهم كان انسان ضايع وفاشل وقفت جمبه وكنت بذاكر له ودلوقت حاول يرد الجميل
:مصدقك يا حبيبتي بس كنت عايز افهم
: حبيبتي
:هتفضلي حبيبتي لاخر يوم في عمري
:احنا رايحيين فين
: دكتور نفسي واستشارات زوجية
:نعم لمين
: انا هتعالج من انانيتي وانت تتعالجي من الأثر النفسي اللي سببته لك ولو قال ما ينفعش نكمل مع بعض هسمع كلامه واذا قالك تديني فرصة بلاش تضيعيها انت حب حياتي
: بس انا جوايا جرح كبير منك
: الدكتور هيساعدنا نرجع لبعض وهيدلنا على طريقة التعامل صدقيني هطبق كل اللي يقوله واتغير
بقلمي سحر السحرتي
*وصلوا إلى الدكتور وجلس معه روى له بكل أمانة وصدق أمام فتون كل الأحداث وحبه الجنوني لها
*روت أيضا فتون مشاعرها تجاهه وكيف كانت قسوته جعلتها تخفي حبها له خوفا من نهاية مؤلمة لهذا الحب بسببه
*طلب الدكتور من حسام انتظاره بالخارج وتحدث مع فتون
:عندك استعداد تسامحيه إذا اتعالج خلى بالك انت كمان لك دور في اللي حصل خبيتي مشاعرك على أمل انه يتغير بس كان رفضك بيزيد عنده الأنانية لو كنتي صارحتيه وطلبتي منه بشكل مباشر التغيير كانت النتيجة هتكون مختلفة لانه عنده استعداد يعمل اي شئ لك
:ما افتكرش اقدر ارجعله بعد اللي حصل انا كرهته
:انت مصدقة انه ما كانش في وعيه
:اه انا حسيت ان ده مش حسام وقتها كان مرعب وثائر حتى كأنه مش سامعني
بقلمي سحر السحرتي
:يبقى بتلومي عليه من اللي عمله وهو مش في وعيه وكان عندك استعداد تسامحيه على طريقة جوازه منك لما حسيتي بالحب في شرم زي ما قلتي .... عموما اول خطوة في علاجك وعلاجه انه يطلقك ويديلك مطلق الحرية ترجعي بارادتك وهو كمان لازم يدرك انك ضعتي من ايده ويحاول يتغير بسرعة ويثبت لك ده عشان ترجعيله
:وانا موافقة
:خلاص اتفضلي وهقعد معاه واقنعه بس طبعا لينا جلسات مع بعض
*جلس مع الدكتور واقنعه ان علاجها ان تحس بالحرية وليس بالاجبار فادخلها حسام مرة أخرى
:انا بوعدك قدام الدكتور اني هطلقك بس مش هينفع دلوقت اولا عشان مامتك ثانيا لو حبيتي تكملي حياتك مع اي شخص ولقاك مطلقة بعد ١٠ ايام هتبقى وحشة في حقك ارجوك نستنى كام شهر عشانك انت ونلتزم بالجلسات مع بعض
:وانا موافقة بس هقعد عند ماما
*هنا تدخل الدكتور: حسام بيتكلم صح في موضوع سمعتك بس اللي عرفته ان والدتك مريضة وهتلاحظ غيابك عن بيتك بلاش ترجعي وهو يفرشلك غرفة ثانية تقعدي فيها
:موافقة بس المشكلة اني مش طايقة الشقة كلها
: كل اما ترجعلك الذكريات المؤلمة افتكري انه كان غصب عنه وحطي ذكرى جميلة من شرم قدام عينك لغاية ما تمر الايام
*خرجت من عند الدكتور تختلجها عدة مشاعر تجاه حسام هي تحبه منذ الصغر هل تسامحه ولكن الشعور الأصعب هل سيطلقها ويبتعد عنها فعلا ولن يكون له وجود في حياتها لقد فتحت عينيها وجدته أمامها... هل هذه هي النهاية افاقت من شرودها وافكارها عندما توقف بالسيارة ونزل وامسك يدها وساعدها على النزول .... وهي تنزل قبل يدها ورأسها وقال
: اسف مش هلمسك تاني بس لمحت هيام واقفة في البلكونة بتبص علينا حبيت أثبت لها اننا كويسين وان خطتها فشلت
: هي لسة بتبص
:اه ليه
بقلمي سحر السحرتي
*وضعت يدها بداخل ذراعه وراسها على كتفه
:ما تفهمش غلط عشان هيام بتبص بس
*في مدخل العمارة وجد البواب يتشاجر مع شخص شكله مريب
: في ايه يا عم مدبولي
:الاستاذ عايز يطلع للست هيام وهي قالت ما يطلعش
:خلاص روح انت خير كنت عايز هيام في ايه
:وحضرتك مين
:انا اخوها وكاتم اسرارها فتون اطلعي اطلبي الأسانسير وهحصلك
:بصراحة اشترت مني شريط حبوب منشطة وجت البيت عندي وانا مش موجود رجعت الشريط للمدام ناقص حباية وقالت انه مغشوش واخدت فلوسها من مراتي ... وهي اضطرت تدفع لأنها كانت بتزعق وهتعملي فضيحة في المنطقة وانا متاكد من بضاعتي
:لا دي بضاعتك دي زي الفل هات الشريط وادي فلوسك
:تسلم يا سعادة البيه لو احتجت حاجة ادي الكارت بتاعي سلام
*نادى حسام على البواب : عم مدبولي لو الست هيام سألت عن الراجل ده قولها انك مشيته وقلت له أنها عزلت وما تجبش سيرة اني اتكلمت معاه
:حاضر يا بشمهندس
*صعد لفتون وركب معها الأسانسير
:كان عايز ايه الراجل ده
:هحكيلك نعدي على ماما كريمة نطمنها اني رجعت من السفر ونطمن عليها ونطلع نتكلم
بقلمي سحر السحرتي
*عندما صعد أمام شقة كريمة تعمد ان يتحدث بصوت عالي
:فتون هاخد بوسة واحدة قبل ما ندخل عشان خاطري
*فهمت فتون ما يرمي إليه
: لا يا حبيبي اما نطلع شقتنا هديلك كل اللي انت عاوزه نطمن على ماما ونطلع بسرعة اصلك وحشتني قوى
*كانت تسترق السمع كالعادة وتوهجت النيران بداخلها وتحدث نفسها
: هو انا كنت عملت ده كله عشان تتصالحوا مع بعض طب انا هقهركم
*اتصلت بعلي وهي تتدلل عليه
: حبيبي هو احنا هنتجوز امتى
: قربت اخلص توضيب وفرش الشقة
:طب ما نكتب الكتاب ونقعد مع مامتك الفترة اللي جاية اصل انت بتوحشني قوي
:مش هقدر على مصاريف الفرح دلوقت
:هو انا طلبت منك فرح ايه رايك
:خلاص يا حبيبتي زي ما تشوفي
:يبقى الخميس الجاي نكتب الكتاب
:بس لازم اسال ماما في موضوع نقعد معاها ولو رفضت مش هقدر
: ليه ده بيتك زي ما هو بيتها
:لا دلوقت بيت فتون حسام كتب لها الشقة ولو ماما وافقت فتون مش هتقدر ترفض او تقول لها لا
:طب حاول يا حبيبي انا ما بقتش اقدر ابعد عنك
:وانا يا حبيبتي
*تحدث مع والدته وظل يترجاها فوعدته أنها سوف تأخذ رأي فتون
*عند فتون و حسام اخبرها ما حدث مع الرجل في مدخل العقار وان شكه كان صحيح
: وناوي تعمل ايه
:هكشفها لعلي واطردها قومي بقى ارتاحي جوة في الأوضة على ما احضر لك الاكل
: لا احنا اتفقنا على ايه
: انا ناوي اسيبلك الأوضة الكبيرة وهنام في غرفة الأطفال وفي واحدة هتيجي بكرة تعمل شغل البيت عندك وعند ماما كريمة لأنك مش هتقدري تعملي حاجة بدراعك
:لا هنام انا في غرفة الأطفال
:فتون السرير هناك صغير وانت دراعك محتاج سرير كبير عشان ترتاحي وانت نايمة
:مش قادرة يا حسام ارجع الغرفة دي تاني ذكرياتها وحشة معايا
:انا اسف بكرة هغيرها النهاردة نامي في غرفة الأطفال وهضم السريرين جمب بعض
: شكرا يا حسام ممكن تساعدني اغير هدومي
:حاضر محتاجة اي حاجة تاني
:لا شكرا
*ساعدها في ارتداء ملابسها وتصفيف شعرها وتمددت فوق السرير ... عندما رن هاتفها فاحضره لها
:دي ماما كريمة ردي عليها وهروح احضر لك الاكل
*سمع صوتها عالى وتقول ؛ لا يا ماما دي اخر واحدة ممكن تحط رجلها في البيت بابا الله يرحمه منعه من الجوازة دي بعد ما يموت تدخل مستحيل.... لا يا ماما مش بعمل كدة لان الشقة باسمي انا ناوية ارجعها لحسام .... وهي مستعجلة على الجواز دلوقت ليه .... حاضر يا ماما هتكلم مع حسام
:خير يا فتون بتزعقي ليه كده
*روت له ما حدث وما تنوي هيام فعله
:بس كدة حفرت قبرها باديها
:يعني ايه
:يعني .....
قسوت على فاتتني
حلقة ١٨
:يعني ايه
:يعني توافقي وانا هعمل كتب الكتاب على الروف واظبطها
:ما فهمتش انت ناوي تخلي على يتجوزها وتقعد عند ماما
:بعد اللي هعمله فيها يوم الخميس على نفسه هيمسحها من حياته
:تقدر تفهمني هتعمل ايه
:كلى الاول وانا هحكيلك
*بعد أن شرح لها تحدثت بصدمة
:انت تعرف عنها كل ده وساكت يا حسام
:كنت مستني اجمع شوية معلومات مؤكدة عشان على يصدق وخلاص وصلت للي انا عايزه
:طب وهتعمل ايه في كتب الكتاب
:هخليه يتعمل وكل الناس تعرف حقيقتها
بقلمي سحر السحرتي
*في اليوم التالي احضر حسام غرفة نوم جديدة بعد أن اختارتها فتون على ذوقها من الكتالوج كانت هيام تموت من الغيرة والحقد
*تسالت كريمة:ليه يا ابني مكلف نفسك دي الأولى لسة جديدة
: اعمل ايه لبنتك دخل فأر في الأوضة وانت عارفة بتخاف قد ايه رغم اني مسكته بس حالفة ما تدخلها وما اقدرش ازعلها
:يعني كل ما يدخل فأر هتغيرها
:لا اصله المرة دي كان فأر شيطاني وان شاء الله مش هيدخل تاني ولو طلبت اغير العفش كله عيوني لحبيبة قلبي
:ربنا يحفظكم لبعض
*كان يتحدث وهو واقف خارج شقة كريمة لتستمع هيام له وتزداد غيرتها
*ذهبت واتصلت بعلى
:ايه يا حبيبي انا افتكرت غرفة النوم الجديدة طالعة شقتكم جايبها ننام عليها بعد الزواج
:هيام حبيبتي انا مفيش معايا جنيه وانت مستعجلة على الجواز يا تنامي في غرفتي القديمة يا تستحملي لما اخلص توضيب شقتنا انا بشتغل شغلتين عشان الحق اجهز غير الأزمة اللي حصلت عندكم بضطر ادفع ايجار شقتكم
:هو انت هتذلني ما قلت لك انقل شقة صغيرة بايجار اقل انت رفضت وقلت عايزك جمبي اشوفك كل يوم وبعدين انا عروسة من حقي انام في أوضة نوم جديدة
:مش بذلك وحقك طبعا بس بلاش تضغطيني انا بنام بس كام ساعة واجري على الشغل لا بشوفك ولا بشوف امي المريضة
:ما فتون موجودة
:فتون مكسورة وانت عارفة
:طب استلف من حسام فلوس لاوضة النوم
:كفاية بقى حسام استغل فتون بوصل الامانة الاول وما حوشتش جنيه منه عشان ارجع له فلوسه
:يعني هو محتاجها اعتبره مهر اختك هو هيتجوزها ببلاش
:انا ما اتعودتش استلف وما ارجعش وبعدين لو مهر اختي اخده انا باي حق مش كفاية اخدت حقها وحق ماما في مكافأة بابا
بقلمي سحر السحرتي
*احست هيام ان سيطرتها على على بدأت تضعف فاخذته باللين
:خلاص يا حبيبي ما تزعلش حقك عليا مش عايزة حاجة بس ما تنساش تعدي علينا بالليل نتفق على المؤخر والقايمة
:حاضر لو رجعت بدري انا بحاول اخلص كل الشغل قبل ما اطلع اجازة الجواز
*مرت الايام وفي يوم الخميس قبل كتب الكتاب بربع ساعة دخل حسام مع على وحكى له ما فعلته هيام معه منذ رحلة الأقصر وحتى يوم الحادث المشؤوم مع فتون وأحضر له الرجل بائع الحبوب المنشطة ليؤكد كلامه
*لم يصدق على كل ما سمعه كانت صدمة اتتفق على طرد والدته وأخته وتجعلها تتزوج بالاجبار ولما لا فهي وزته على سرقة امه ومات والده بسبب ذلك
:مالك يا على مش مصدق ليه
:مصدق بس بربط الأحداث ببعضها وكمان اخدت منك فلوس دي مشطباني اول باول
:قوم عشان تكتب الكتاب
:كتاب ايه لا خلاص
:لا تعالى في كمان مفاجآت احنا مش هنكتبه بس لازم نمثل عشان باقي المفاجآت تظهر قول لها تخليني وكيلها
*جلس على أمام الماذون شارد الذهن وعندما وصل الماذون لجملة البكر الرشيد قاطعه حسام
:بكر ايه يا عم الشيخ غيرها دي مطلقة ما كملتش شهر مع جوزها واهله وبعدين معقول اكون وكيلها وأبوها موجود
*دهش جميع الضيوف عند دخول رجل كبير في السن يساعده شاب في الثلاثين من عمره
:دى بقى والدها واخوها... والدتها العظيمة تبقى زوجته الثانية بعد زوجته الأولى ما توفت بسبب عمايلها والام العظيمة موقعة كل اهل جوزها في بعض حتى اخوها طلق مراته بسبب اخته اللي كربونة من امها .... ودايما ينقلوا من شقة إلى شقة بعد ما تخلص فلوس اي مغفل تتعرف عليه بس طولت معانا هنا وكانت ناوية كمان تتجوزك ايه السبب معرفش
*ثارت هيام وبدأت بالصراخ والردح بطريقة سوقية كانت تخبئها عن على وترسم أنها ذات خلق عالى وتفوهت بافظع الكلمات والسباب
*تكلم حسام بحدة واخرسها بعد أن صعد البواب ومعه حقيبتين
:اتفضلي دول هدومك انت والست والدتك تاخدوا بعضكم وتمشوا من العمارة نهائي
:وفلوسي ودهبي وشبكتي اللي كانت في الشقة
:اي حاجة بتاعة على كل ده فلوسه اللي كنت مخلصاها اول باول
:لا مش كلها فلوسه
:قصدك على الفلوس اللي اخدتيها مني مقابل الخطة الحقيرة اللي رسمتيها وانا بمنتهى الغباء نفذتها ما تستحقيهاش وكمان لو فاكرة ان على كتب لك شقة الزوجية باسمك تبقى بتحلمي امشي بقى بالذوق
بقلمي سحر السحرتي
: مش همشي قبل ما احكي لحماتك ازاي اتجوزت بنتها غصب وازاي ضربتها واغتصبتها غصب برضة تنكر
فتون:انت بتكدبي لما حقيقتك ظهرت انا و حسام بنحب بعض وماما عارفة وشافتنا واحنا مسافرين كنا اسعد زوجين صح يا ماما ما تصدقيهاش
:طب يا اسعد زوجين اتفرجي كدة يا طنط على بنتك وهي خارجة من شقتها مسنودة على ايد اخوها وهي مضروبة ومكسورة
*وأعطت الهاتف لكريمة فقد صورت مقطع فيديو وهي تختبئ على السلم كان هدفها ان تشمت بها كلما رأته
:شفتي اجيبلك كمان مقطع صوت وهي بتصرخ
*وجعلت كريمة تستمع لصوت فتون وهي تصرخ وتقول ؛ لا يا حسام بلاش كدة يا حسام هكرهك
:كفاية كدة ولا اكمل
*صفعتها فتون على وجهها وامسكها حسام من شعرها وطردها خارج الروف
:مدبولي ارمي الزبالة دي بارة باب العمارة واقفله كويس
*جلست فتون أمام والدتها على ركبتيها وامسكت يدها التى كانت في حالة صدمة مما سمعته ومما احتملته ابنتها بمفردها
:ما تصدقيش يا ماما دي كدابة انا بحب حسام هو ما عملش فيا حاجة انا اتجوزته بارادتي
*أمسكت امها يدها وباليد الاخرى تمسك صدرها باتجاه القلب
:كل ده مخبياه عليا استحملتي كل ده هي دي الامانة يا حسام اللي وصاك عليها عبدالرحمن
حسام: يا ماما اللي حصل غصب عني هيام حتطلي دواء خلاني مش واعي وما عرفتش بعمل ايه صدقيني وانا وفتون اتصالحنا حتى شفتي احنا رجعنا لبعض
:ده بالنسبة لضربك ليها بس جوازك منها بالغصب برضة هيام حطيتلك دواء طلقها يا حسام الماذون لسة هنا بنتي ما تتجوزش غصب لو هنقعد في الشارع طلقها
بقلمي سحر السحرتي
سميحة:اهدي يا كريمة وهو هيعمل كل اللي انت عايزاه صحتك
:مش مهم صحتي وانا شايفة بنتي بتتذل وتتهان اتاري يوم جوزاها فرحتها مطفية وانا افتكرت لان ابوها مش معانا حسام امشي طلقها وردلها كرامتها
*وصرخت بصوت ضعيف والم :يلا اعمل زي ما بقولك
:حاضر انا اسف يا فتون انت طالق
فتون:خلاص يا ماما اهدي عشان خاطري
كريمة:خلي بالك من نفسك... على اختك ملكش غيرها وهي كمان مش هيفضل لها غيرك خليك راجل معاها زي ما كنت طول عمرك قبل ما تتغير
فتون ببكاء شديد : ما تقوليش كدة يا ماما ما تخوفنيش عليك
:سبيني اقول الكلمتين عبده مستنيني.... يا على سوء اختيارك موت ابوك اختار كويس يا ابني بلاش تغمض عنيك واختار واحدة بنت ناس .... حسام انا مسمحاك بس كان لازم اخلص بنتي قبل ما اموت بدل ما اشيل ذنبها ولو مكتوبالك هترجع لوحدها وبارادت......
*لم تكمل واغمضت عينيها
*صرخت فتون بعزم ما فيها :ماااا مااااا لااااا ما تسبنيش انت كمان لا ماما
*اخذها على بداخل حضنه وبكا هو الآخر لم يستطع حسام الاقتراب من فتون فهي لم تعد زوجته
*مرت ايام العزاء لم تترك سميحة فتون يوما واحدا وكانت تنام بجانبها وتاخذها داخل حضنها
بقلمي سحر السحرتي
*مر اسبوعين آخرين وجاء موعد فك الجبس وعادت ذراع فتون سليمة
*صعدت لشقة سميحة بعد عدة أيام من فكها للجبس
:تعالي يا فتون يا حبيبتي
:لا يا طنط شكرا اتفضلي
:ايه ده
:لو سمحت وصلي مفتاح الشقة لحسام انا كنت مستنية بس لما افك الجبس عشان اقدر الم هدومي وبكرة همشي مع على
:على فين يا حبيبتي كدة هتسبيني
*كانت كلاهما تبكيان
:معلش يا ديحة البيت طعمه مر قوي من غير بابا وماما وحاسة اني مخنوقة
:طب ادخلي شقتك اللي جمبي حسام بيبات هنا من يوم الموت
:حتى دي ذكرياتها سيئة معايا انا اصلا كمان هسافر واسيب البلد كلها بس بخلص إجراءات السفر
:تسافري وتقعدي لوحدك
:لا اياد هناك وشهر وجهاد هتحصلنا كلنا هنشتغل في فرع الشركة بارة
:يعنى مش هشوفك تاني
:لا هبقى انزل اجازات وهزورك
:لو عشت واتكتبلي عمر
:بلاش تقولي كدة يا حبيبتي انت اللي فضلالي دلوقت اشوف وشك بخير وابقي سلمي على حسام
*قامت باحتضانها وبكت بكل حزن والم على فراقها