رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية لست جميلة الفصل الخامس عشر15والسادس عشر16بقلم سحر السحرتي

*دخلت سلمي غرفة الاطفال الملحقة بجانب غرفة النوم كان بها باب سري صممته كانت ستفاجا به حمزة حتى يسهل عليها الدخول على اطفالها باعتبار ما سوف يكون وبدأت في التقاط بعض الصور لهم دون ان يشعروا وخرجت بهدوء وهي تصارع مشاعرها المنهارة وعقلها الشارد لم تكن على استعداد لهذه المواجهة بينهم لن تحتمل فضلت ان تلملم شتات نفسها لم تكن تعرف اين تذهب ولا تدري بالوقت كانت تمشي على اقدامها لا تسمع ولا ترى احد من المارة بجانبها الى ان رن الهاتف وكان حمزة 

*حاولت ان تبدو طبيعية الى ان تفكر فيما ستفعله

:انت فين يا سلمى عشان اعدي عليك لان معاد الجلسة قرب

: لا ما تتعبش نفسك بابا كلمني وقال انه قريب وفاضي هيوصلني 

: وما قلتيش ليه دى انا كان عندى شغل واجلته عشانك

*نظرت الى الهاتف بسخرية : بابا لسة قافل معايا حالا وكنت لسة هتصل عليك لقيتك بترن وبعدين احنا متفقين لما يبقى عندك شغل ما تلزمش نفسك شغلك اهم

:ازاي طبعا انت الاهم 

:متاكد 

: نعم 

:لا مش بكلمك 

: طب يا حبيبتي خلى بالك من نفسك

: وانت اشتغل بذمة وضمير

: ايه مش فاهم

: لا دى انا بكلم واحد من العمال اصل واقفة احاسبهم وعايز زيادة وهو ما يستحقش 

بقلمي سحر السحرتي

*اغلقت معه وذهبت الى الجلسة هذه المرة بمفردها احست بوحشة الوحدة وفظاعتها 

*لاحظ الدكتور صمتها وحزنها على غير العادة : مالك يا سلمى انت عارفة ان الحالة النفسيه بتاثر على العلاج 

: اصل وانا جاية شفت قطة بتحاول تعدي الشارع وعربية خبطتها بلا رحمة وهرست قلبها حتى ما فكرش يقف يشوفها

: معلش بس ما تزعليش كده دى مهما كان قطة الحمد لله انها مش انسان 

:يعني لو انسان ازعل عادي

:طبعا الانسان اغلى

: بالعكس الانسان دلوقت بقى ارخص حاجه في الدنيا 

: ما تقوليش كدة هو انت جاية النهاردة مع مين خطيبك ولة بابا 

:ليه

: خليهم يفسحوك شويه عشان تخرجي من اللي انت فيه

:حاضر هبلغهم 

: هو انا باقي لي كام جلسة 

:ليه زهقتي مننا عموما مش باقي كتير نخلصهم ونعمل التحاليل بعدها نقرر محتاجة كمان ولة خلصنا 

: هو ينفع افوت الجلسة الجاية مضطرة اسافر 

:ممكن ناجل معادها يومين لو تحبي بس اكثر من كدة مينفعش

: شكرا

*طلبت من الممرضة ايصالها لباب المستشفى وطلبت سيارة توصلها وهي في الطريق اتصلت على والدها واخبرته انها تريد السفر لترفه عن نفسها من ضغط العمل والجلسات 

: قوي يا حبيبتي روحي بس في حد معاك

: لا نادر عنده شغل وحمزة عنده مامورية 

: يعني هتروحي لوحدك 

: لا معاك يا حبيبي

: ازاي انا مش فاضي 

: انت هتقول لنادر وحمزة كدة انت عارف مش هيوافقوا وانا هطق من القعدة ومتخافش عليا بنتك جدعة 

: طب ايه رأيك تاخدي جدك معاك اهو يغير جو عشان ما يصحش تروحي لوحدك وهبقى قلقان عليك

: فكره حلوه تفتكر هيوافق 

: انت عارفه بيحبك قد ايه ويعمل عشانك اي حاجه

بقلمي سحر السحرتي

*ذهبت لجدها وطلبت منه مرافقتها للسفر معه احس الحزن في عينيها 

: انت متاكده انك مضغوطة بس

*حاولت التهرب بعينيها : اه يا جدو هيكون في ايه تاني يعنى

:طب خلاص ادينا هنقعد مع بعض كام يوم ندردش سوا

*قبلت جدها واخبرته ان يستعد للسفر في الصباح الباكر اتصلت على نادر تخبره واتصلت على حمزة الذي بدوره كان يريد الذهاب معها 

:لا ما تتعبش نفسك اكيد عندك شغل كتير ومش حابة اعطلك عنه

: طب انا جاي اودعك

: مالوش لزوم لاني هنام تعبانه من الجلسة 

:طب الصبح هكون عندك

: برضة ملوش لزوم جدو بيصحى بدري قوي وبيحب يسافر بدري فهتتعب نفسك وتصحى بدري جدااا عشان مين

: تعبك راحه يا حبيبتي

: ارجوك ما تتعبش نفسك اكتر من كده انت تعبت معايا بما فيه الكفاية ريح نفسك شويه ولما ارجع هنقعد مع بعض قعدة كبيرة 

: بس هنقعد في شقتنا عشان اشبع منك 

: شقتنا اه اما ارجع نشوف سلام 

*ثم اغلقت الخط سريعا قبل ان يرد او يلقي عليها تحية النوم المعتادة التى كانت تعشقها منه 

*صباحا ذهبت مع جدها وفي الطريق

:جدو حبيبي ممكن اطلب منك طلب

: اؤمري يا قلب جدو

:محتاجة افصل عن كل حاجة وهقفل التليفون وجبت شريحة  جديدة هسجلك رقمها واللي يتصل بيك يسال عليا قوله اني نسيت التليفون

: هكدب عشان خاطرك وربنا يسامحني لان حاسس ان في حاجه كبيره مزعلاك

:كفايه على انك حاسس بيا يا حبيبي ربنا يحفظك ليا بس اي حد يقولك خليني اكلمها قوله مش جمبي وانا لو كنت جمبك  هقوم عشان ما تبقاش كدبة تانيه

*ليضحك على مزحتها وهي تضحك معه من وراء قلبها

بقلمي سحر السحرتي

 *مرت ايام السفر كانت تمشي على شط البحر تفكر وتبكي تكاد ان تجن تتذكر كيف احبها كيف كان يخاف عليها ويغير عليها طرقه المتعددة لاسعادها هل كل ذلك كان تمثيل ولكنه قال لنهي انه يحبني فكيف يقوم بخيانتي

*كانت تجلس في الارض وتضع رأسها على قدم جدها ويقوم باللعب في شعرها مثلما كانت  وهي طفلة 

*فشلت جميع محاولات جدها بجعلها تتكلم معه وتخبره بما يحزنها

: خلاص انا هقول لنادر او حمزة هما هيعرفوا ايه اللي مزعلك 

*بكت بحرقة وامسكت يده تقبلها وتتوسل اليه

:ارجوك يا جدو عشان خاطري بلاش دول بالذات

: هو الموضوع كبير قوي كده طمنيني حمزة مزعلك 

: لا اطمن بس عندي مشكله في الشغل وهحلها لوحدي لو حد فيهم ادخل المشكلة هتكبر وممكن اسمي اللي بكبره في السوق يتهز 

: طب احكيلي ومش هقول لحد

: في مهندس اخد تصميم ليا ونفذه  ولما جيت انفذه لعميل قالي اني سرقت التصميم بس بحاول احلها ودي 

: طب يا حبيبتي لو عايزة مساعده كلمي اخوك او خطيبك دى حتى خطيبك ظابط يقدر يساعدك

: حاضر هحاول ودي الاول لان الموضوع لو انتشر ساعتها محدش هيصدق ان التصميم بتاعي لان اللي سرقه اسم كبير بس ارجوك محدش يعرف 

*كذبت عليه خوفا على صحته كانت بحاجه ان تتحدث مع اي شخص لتخرج ما بداخلها واخذت تبحث عن احد 

: لمى مرات نادر ولدت ومشغولة مع البيبي .... اسراء بنت خالته ..... مي اخته ... مش هتكلم مع حد....  مفيش غير جدو اجيبهاله بطريقه غير مباشرة 

: صحيح يا جدو بما اني شبه تيتة مفيش مرة لعبت بديلك كده او كدة

: حصلت مرة واحدة

: يا خبر معقول دى  انت كنت بتحبها قوي

: كانت وزة شيطان ملهاش علاقة بالحب او الست مقصرة او لا 

:  تيتة عملت ايه وقتها

:بتفكريني ليه بس 

:عشان خاطري يا جدو اهو بندردش مع بعض يمكن انسى مشكله الشغل

: طبعا زعلت وحست انها السبب بانها قصرت في شئ او حبي لها قل بس لما اعتذرت وفهمتها انها وزة شيطان سامحتني 

:على طول كده

: لا عذبتني واتحايلت عليها كتير ولانها متاكدة انه مش طبعي سامحتني

:وعرفت من اين انه مش طبعك من العشرة

: لا من حبي لها اللي عمره ما قل والانسان مش ملاك بيغلط فلازم اللي بيحب يسامح 

:حتى في الخيانة

: لو بيحب من قلبه يسامح  

:طب تصبح على خير يلا ننام لاننا هنصحى بدري راجعين 

*كلام جدها وضعها في حيرة اكثر فبدات تحدث نفسها

: هعمل ايه ... هتعامل معاه ازاي ... معقول كل الحب اللي حسيت بيه كان كذب بس لا انا مش هسامحه ولازم يندم انه خان واحدة زي حبته من قلبها انا مش قليلة ولا ضعيفة .... طب لو طلب انك تسامحيه يا سلمى هتعملي ايه .... مش ممكن الثقة هترجع من تانى وطول الوقت هفضل بشك فيه.... بس انت سمعتيه بيقول لنهى انه بيحبك ... وسمعته برضة بيقول انه ادبس في الجواز .... طب لو جه يعتذر عذبيه زي تيتة وبعدين سامحيه .... لا بعد اما ارجع لازم اطلب الانفصال 

*اتخذت قرارها وحاولت ان تتعافى من كسرة قلبها لكن الجرح عميق ليس بالسهولة التعافي لكن عاهدت نفسها ان تكون قوية وتكمل علاجها وتثبت بعملها انها تتحدي الصعب ولا يستطيع احد كسرها او تدمير احلامها

*عادت واخذت جلسة العلاج المتاخرة لم تتحدث مع حمزة حينها رن هاتفها لم ترد عليه

*ذهب الى منزلها اخبره جدها انها نائمة بعد الجلسة لانها متعبة وفي الصباح ستحدثه 

*كانت تراه من شباك غرفتها وهو غاضب ويلقي بقدمه كل حجر يقابله

بقلمي سحر السحرتي

: اتصلت عليه في الصباح

:طب كويس ان الهانم افتكرتني حمد الله على سلامة جنابك 

*ردت عليه بمنتهى البرود : الله يسلمك لو فاضي النهاردة ممكن نتقابل 

:طب كويس جدا انك هتتعطفي عليا كمان لو مش فاضي افضي نفسي عشانك هو انا عندي اغلى منك

: متاكد ان مفيش اغلى مني 

: ايه

: لا شوف تحب نتقابل في الكافيه او عندنا في الجنينة 

: هو احنا مش هنتقابل في شقتنا

: شقتنا ... لا اختار من المكانين ولو اني افضل الكافيه عشان نكون بعيد عن جدو لاننا هنتكلم في موضوع مهم ما ينفعش حد يقاطعنا 

:بس انا عايز اخدك في حضني وحشتيني قوي بقالي كثير ما شفتكيش وما سمعتش صوتك بسبب انك ناسية التليفون وكل اما اكلم جدك يقول انك مش جمبه

:لما نتقابل هتفهم كل حاجه فاضي امتى 

:دلوقتى حالا اكون عندك 

: خلاص يبقى بعد نص ساعه في الكافيه واغلقت الهاتف دون انتظار رده

لست جميلة

حلقة ١٦

*حينما وصل حمزة كانت سلمى قد سبقته وجلست في مكان واضح حتى لا يستفرد بها او يحاول لمسها فاضطر ان يقبل رأسها عندما هم ليمسك يدها سحبتها وتكلمت بكل جدية

: اقعد يا حمزة لو سمحت

: طب تعالى نقعد فى مكان تانى

: لا انا مستريحة كده

:في ايه انت مالك رسمية معايا ومتغيرة احب افهم 

: في البداية عايزة اشكرك على دعمك ليا وقد ايه انت كنت راجل معايا وجنتل مان حقيقى لك فضل كبير في الفترة المهمة دي من حياتي ومن غيرك اكيد ما كنتش هستحمل مراحل العلاج ده شئ لازم اعترف بيه

: مش فاهم ايه مناسبه الكلام ده

: دي مقدمة للطلب اللي هطلبه منك ......  لو سمحت ممكن ننفصل بهدوء وكل واحد يعيش حياته براحته من غير قيود 

: الله الله يعيش حياته هو في حد تاني دخل حياتك

:من غير تجريح او غلط في اخلاقي لاني بعيدة تماما عن السلوك القذر ده انا قصدى انك انت اللي تعيش حياتك

:هو انا كنت اشتكيت لك 

:لا حبيت اعفيك من الحرج واخلصك من الجوازة اللي انت ادبست فيها 

: ومين قالك الكلام ده كام مرة قلت لك اني بحبك 

:بتحبني ااااه  يعني انت ما قلتش لنهى انك ادبست في الجواز مني

: كدابة هي رجعت توقع بنا تاني انا هعرف اوقفها عند حدها المرة دي للابد 

: اهدى وما تعصبش نفسك هي ما قالتش حاجه وقبل ما تكدب لاني متعودة منك علي الصراحة ومش حابة اشوفك غير راجل قدامي زي ما طول عمري شيفاك حتى واحنا بنطلق

: انا طول عمري راجل يا سلمى وكلامك مش مريحني وطلاق ايه اللي انت عيزاه

بقلمي سحر السحرتي

: من غير ما تتنرفز وتعلي صوتك لاننا وسط ناس 

*وتصمت لبعض الوقت كأنها تستجمع شجاعتها حتى تكمل دون البكاء تنفست نفس عميق واعطت له الهاتف

: اتفرج على شويه الصور دى هتختصر اي كلام ومش هيبقى في مجال للكدب والمراوغة يا سيادة الرائد

*اخذ الهاتف والقى نظرة فصدم من رؤيتها

: وكمان سيادة ال .....اللي بعتلك الصور دي مفبركهم واكيد عايز يوقع بنا

: قلت لك مفيش مجال للمراوغة لان انا اللي صورتهم .... واه كنت يومها موجودة وسمعت كل الكلام بينك وبنها

*نزلت دموع حمزة لاول مرة تراهم سلمى واحست بحزنه الشديد امسك يدها بشدة حاولت افلاتها ولكنه متمسك بها بقوة 

: انا اسف انا بحبك دي نزوة هي اللي كانت بتطاردني

: ارجوك سيب ايدي وانت مش بتحبني انت بيتهيقلك لاني مريضة وكنت عايز تساعدني  ... لكن اوعدك هكمل علاجي وانا بجد بتمنالك السعادة مع نهى او غيرها لكن انا قصتي معاك انتهت خلاص ومفيش اي فرصة نرجع 

: سلمى فكرى تانى ارجوك عشان خاطرى

:تفتكر انا سافرت ليه  انا طول الفترة اللي فاتت مش بعمل حاجة غير اني بفكر ومش هكلمك عن احساسي وكسىرة قلبي ... ولا عن بجاحتك دلوقت وانت بتتهمني ان في حد تاني دخل حياتي... مش هعتب عليك لان كل خاين بيفكر الناس كلها زيه (اخذت نفس عميق) اتفضل دلوقت معايا على المأذون ننهي كل حاجه بنا بود واحترام وهنقول للناس ما حصلش نصيب

: مش هطلق يا سلمى مش بمزاجك انا هعمل اي حاجه عشان ترجعيلي 

:مفيش حاجة هتقدر ترجعني وكنت متوقعة ده يبقى ردك مفيش قدامى غير الخلع بس الاكيد اني مش هستخدم الصور  مش عشان ما افضحكش حد زبالة يستاهل الفضيحة ولا عشان هي بنت عمي لا عشان مش اخلاقي الاخلاق اللي انتم ما عرفتوش عنها حاجة 

*وقالت بكل صرامة : هاه هتقوم نخلص بالراحة بدل بهدلتنا في المحاكم انا عن نفسي مفيش ورايا حاجة بس برضة مش حابة شكلك في الشغل يبقى وحش ومراتك خلعاك لانك عملت معايا حاجات كتير حلوة وانا بعترف بالمعروف

بقلمي سحر السحرتي

: ورأي نادر ايه في موضوع الطلاق 

:محدش يعرف غيري وغيرك اظن احنا كبار بما فيه الكفاية نحل مشاكلنا لوحدنا

: سلمى انا بحبك

: وانا كنت بحبك 

: لا انت بتكدبي على ارجوك سامحيني 

: مش هقولك لو كنت مكانك كنت هتسامحني لانها مش اخلاقي بس مش هتستريح معايا لان كل لحظة هبقى شاكة فيك 

: هستحمل انا استاهل انا غلطت 

: بس انا ما استاهلش اعيش كل لحظة بشك فيك ومش مأمنة لوجودي معاك ما استهلش اعيش علاقة تستنفذ طاقتي ونفسيتي وانا كل دقيقة بقول زمانه مع واحدة انا استاهل واحد يحبني من قلبه ويكون مخلص ليا

: يعني انت لقيتي الحد ده 

:بطل اسلوبك ده  ارجوك خلينا ننفصل من غير ما حد يغلط في الثاني لاني مش هسمحلك تمس اخلاقي بسوء وعشان اريحك اكيد لما اتعافى من كسرتك لقلبي ممكن ربنا يعوضني بواحد يحس بيا ويحبني لشخصي 

: بس انا بحبك لشخصك 

:واضح عشان كدة اول ما خنتني اخترت ملكة جمال تعوضك النقص اللي عندي ..... انا مش زعلانة انا معترفة اني مش جميلة وعذراك عشان كدة عيزاك تعيش حياتك مع نهى اللي انت اخترتها لجمالها

: انت متخيلة اني هكمل مع واحدة باخلاق نهى 

*ضحكت ضحكة ساخرة

: اه صحيح نسيت انت بتتجوز اللي تصون البيت بس للاسف مش هتبقى انا احنا بقالنا كام شهر مخطوبين وخنتني امال لما  نتجوز هتخني يوم الدخلة

*وقامت باخراج علبة من داخل حقيبة يدها

: اتفضل دي شبكتك 

*وخلعت الدبلة والمحبس من يدها ووضعتهم بجانب العلبة 

: اظن كدة يبقى وصلك كل حاجة ولو سمحت حاول ما نتقابلش ولو صدفة 

*وقفت لتغادر المكان والتفتت له ثانية : قدامك يومين بالعدد ورقتي توصلني بالذوق اليوم الثالث هبدأ اجراءات القضية 

*امسك بيدها : سلمى ارجوك ما تمشيش بحق كل لحظاتنا الحلوة بلاش سامحيني 

: اسفه انا قلبي مش قادر يسامحك حاولت معاه كتير ربنا يكتب لك الخير مع غيري من قلبي لاني حبيتك بجد

*تركته ورحلت   

 *دخلت شقتها وانهارت فقد خلعت ماسك الشجاعة الذي كانت ترتديه لانها مهما حدث امراءة تضعف عندما تجرح لتجد بعد قليل من الوقت طرقات حادة على باب الشقة ... لتصيح وهي تجري لتفتح الباب ونسيت ان تمسح دموعها 

: بالراحة مين المتخلف اللي بيخبط بالشكل ده

: انا المتخلف اللي ضيعك من ايده قولي اللي انت عيزاه 

:ايه اللي جابك هنا 

:ما قدرتش قلبي وجعني وانا بتخيل انك انتهيتي من حياتي 

*ودفعها لداخل الشقة واغلق الباب 

: انت قفلت الباب ليه 

*جذبها وادخلها حضنه 

:عشان افكرك بالحب اللى بنا 

*قالت وهي تبكي : الحب اللي بنا انت اللي نسيته في حضن نهى انت اللي خنت مش انا

*وبعدت عنه : ارجوك ما تلمسنيش كل ما بتحاول تلمسني  بفتكر ايدك اللي لمست نهى حتى الحضن ده افتكرت انها كانت جواه اي حاجه تانية ناوي عليها وعملتها معاها مش عيزاها 

بقلمي سحر السحرتي

*بدات تنهار من البكاء وكل القوة التي رسمتها امامه من قبل انهارت وصوتها يعلو بحدة

: عارف احساسي كان ايه عارف قلبي اتقطع ازاي ولة هتعرف من اين انت شخص  بترضي شهواتك وغرايزك وبس الحب حاجة والخيانة حاجة تانية دي اذا كان في حب من الاساس

:في ياسلمى ارجوك سامحيني انا ممكن اموت من غيرك

: سمعت الكلام ده قبل كدة لما كنت بتقنعني بالعلاج للاسف زي الهبلة صدقته لكن دلوقت لا ارجوك اطلع بارة مش عايزة اشوفك تانى..... مش عايزة اعرفك ......نفسى انسى اليوم اللى سلمت قلبى لك واللي كسر قلبي اكتر في شقتي.... في اوضة نومي ....ولو كان السرير موجود ما كنتش هتقصر انت وهي مش متخيل كل ده عمل فيا ايه وبكل بساطة ووقاحة بتقول سامحيني

*مسحت دموعها : اتفضل روح لنهى هي بتديلك اللي مش هقدر اديهولك  

*ذهبت لفتح الباب : ما تجبرنيش اني ادخل كبار العيلة في الموضوع ساعتها شكلك هيبقى وحش قدامهم لاني هبقى مضطرة احكيلهم وابرر ليه عايزة اطلق  وانا لاخر لحظة حابة نسيب بعض بشكل متحضر وتفضل كبير في نظر اهلى

*امسك يدها : فكري يا سلمي ارجوك

*نظرت له نظرة احتقار : لو سمحت قلت لك الايد اللي لمست نهى ما تتمدش عليا واتفضل

*خرج واغلقت الباب لم يستطع الذهاب من صدمته بانها لم تسامحه وسمع صوت ارتطام حاد بالارض

                الفصل السابع عشر اضغط هنا

لقراءة باقي الفصول اضغط هنا

تعديل المقال