رواية تزوجني غصبا الفصل الثالث3 الاخير بقلم سوليه نصار
اتصدم كريم من كلامها وقال :-كارمن اعقلي
كارمن بعنف:-والله انا عاقلة ده انا اكون مجنونة لو فكرت اكمل معاك وانت رايح ترتبط بواحدة وانا علي ذمتك !!!انتهي الكلام يا كريم انت هتطلقني بس نرجع ومتقلقش انت هتجوز الانسان اللي هيعرف يحميني كويس من خالي .
كريم بحزن:-براحتك يا كارمن
سكتت كارمن باقية الرحلة وهي بتفكر بطريقة تقهره زي ما قهرها .
......
كريم :-كارمن اصحي وصلنا
فتحت كارمن عيونها وقامت بسرعة وهي بتنزل من الاتوبيس ...نزل كريم وراها وشال الشنط
كريم :مش هنروح الاوتيل
كارمن :-اومال هنروح فين
كريم :لا دي مفاجأة
وقف كريم تاكسي وقاله علي العنوان قبل ما كارمن تاخد بالها ....
.....
وصل التاكسي المكان المطلوب واتصدمت كارمن لما شافت انهم قدام الشاليه اللي اتعودوا يجوا فيه وهما صغيرين ...نزلت من التاكسي وهي بتصرخ بحماس....ضحك كريم وحاسب السواق وراح وراها
كارمن :- مش مصدقة يا كريم انت رتبت الشالية ...امتي عملت كده ده حتي المرجيحة بقت احسن من الأول.
قالتها وجريت علي المرجيحة وركبتها وهي بتضحك ..ضحك كريم وحس قد ايه هي بريئة...رغم انها كبرت بس جواها طفلة...قرب منها وقعد يزقها وهو بيضحك وقال :خليت عم صالح يجيب واحدة ترتبها وكده كده الشاليه بيتنضف كل فترة فمأخدتش وقت ...اهو عم صالح جه
عم صالح :حمدلله علي السلامة يا ولاد
كارمن وكريم :الله يسلمك يا عم صالح
عم صالح ادي المفتاح لكريم وقال:انا خليت مديحة تنضفلكم الشقة وجهزتلكم الاكل جاهز علي التسخين روحوا ارتاحوا دلوقتي .
كريم :تسلم يا عم صالح تقدر تروح دلوقتي .
هز عم صالح راسه ومشي...نزلت كارمن وهي بتجري علي الشالية وهي بتفتكر ذكرياتها هنا هي وصغيرة ...قد ايه كانت قريبة من كريم بس للاسف كل حاجة اتغيرت .
كريم :ناكل الأول ولا تحبي ترتاحي شوية.
ابتسمت وقالت :لا انا هنام في اوضتي القديمة وانا روح اوضتك.
كريم :ايه?
كارمن :ايه بتكلم هندي ؟انت هتنام في أوضة وانا في أوضة زي ما اتفقنا عن اذنك .
اتنهد كريم وبصلها بحزن وقال بصوت واطي.: انا بحبك يا كارمن بس صدقيني مش هنقدر نكمل حياتنا مع بعض
يتبع
الجزء الثالث من الاسكريبت
في الليل .
كانت كارمن نايمة في اوضتها لما كريم دخل ...وقف لحظة منبهر..كانت زي الملاك قرب براحه او بيلمس شعرها افتكر ذكرياتهم سوا ...كارمن كانت حب حياته...كان يتمني من هو وصغير انه يتجوزها...بس الظروف للاسف مكانتش في صالحه...وحتي لما حقق حلمه جوازهم بقا مجرد مسرحية ...غمض عينيه وقرب منها وباسها علي رأسها...بعد بسرعة وهو بيتمالك نفسه وهزها براحة .
كريم :كارمن اصحي .
فتحت كارمن عينيها وقامت وقالت :
- هي الساعة كام دلوقتي
كريم :الساعة دلوقتي عشرة بالليل يالا عشان تاكلي وبعدين نامي براحتك
هزيت رأسها وقامت ودخلت الحمام عشان تغسل وشها في الوقت ده كريم جهز الاكل .
طلعت علي الصالة ولقت كريم حط الاكل علي السفرة قعدت من سكات تاكل من غير ما تقوله كلمة
كريم :ها يا كارمن اظن انك حابة تتفسحي اكيد مش جاية شرم تنامي
كارمن ببرود:بكرة ان شاء الله لكن دلوقتي انا بصراحة تعبانة
كريم بآسي:براحتك .
وبعدها كملوا اكلهم في هدوء وبعدين شالوا الاكل وكارمن راحت تكمل نوم !.
...
تاني يوم .
صحي كريم بتعب وراح حمام اوضته عشان ياخد شاور ...خرج من اوضته ولبس هدومه وخرج من اوضته وهو بيدور علي كارمن ومش لاقاها...قلبه دق بسرعة معقول خالها يكون وصلها ...معقول يكون عمل فيها حاجة ...قعد يدور عليها في كل حته في الشالية ومش لاقاها...خرج برة بسرعة وقعد يبص حواليه فجأة وقف مصدوم وهو بيبص علي المنظر اللي قدامه !
.....
الجزء الاخير من الاسكريبت .
اتصدم لما لقي كارمن قدامه واقفة بتضحك وبتهزر مع واحد غريب ...
كريم زعق:كارمن !!
اتخضت كارمن وبصت لكريم بحيرة ...وصلها كريم ومسك دراعها جامد وزعقلها:مين ده يا هانم
اتدخل الشاب وقال :ايه يا كيمو مش فاكرني ولا ايه...انا اشرف اللي كنت جاركم هنا ...لا بجد اتصدمت فيك ..كارمن طلعت احسن منك .
كريم :اشرف يخربيتك والله ما عرفتك .وقرب وحضنه وحلف انه يفطر معاهم.
...
علي السفرة وهما بيفطروا
اشرف :انا كان قلبي حاسس انكم هترتبطوا يا اخي سبحان الله بحس بينكم كيميا فظيعة...بس بصراحة قلت ان كريم اهبل مش هيستغل الفرصة ويقرب من كارمن بس طلع نمس
ضحكت كارمن بسخرية وقالت:يعني انت شايف كده
بصلها كريم بغضب وارتبك اشرف وقال :هو انا قلت حاجة غلط .
هزت كارمن رأسها وقالت :لا سلامتك مفيش حاجة يا اشرف انا رايحة اتمشي علي البحر شوية
وقامت ومشيت بسرعة وهي بتمنع دموعها بالعافية .
بص اشرف لكريم وقاله :فيه ايه يا كريم..
كريم :مفيش حاجة كمل فطارك قبل ما يبرد
اشرف:لا يا كريم احكيلي كارمن مالها ...مش انا صاحبك قولي ايه مشاكلكم مع بعض يمكن أحلها .
اتنهد كريم وقرر يحكيله كل حاجة !
....
بعد شوية.
اشرف :انت غبي
كريم :ما تحترم نفسك يا عم .
اشرف :يا ابني البنت بتحبك وانت بتحبها ليه العذاب ده
كريم بتوتر :ومين قالك اني بحبها .
اشرف بخبث :محدش قالي بس شكلك فاضحك يا تور...استغل الفرصة دي يا كريم ومتبقاش غبي زيي وتخسر حب حياتك .
فكر كريم شوية في كلامه وحس نفسه حيران ....ما هو لو ربطها بيه هيبقي ظلمها كده!
.....
بعد شوية كان مشي اشرف ورجعت كارمن وهي متضايقة...قرب كريم منها وقرر يعترفلها بحبه وليه هو عايز يبعد عنها وساعتها هي تقرر اذا هتكمل معاه ولا لا
كريم :كارمن انا ...قاطعه جرس موبايله
كريم :وهو ده وقته ..طلع موبايله ورد عليه واللي سمعه صدمه ...
كريم :طيب سلام دلوقتي يا بابا ..هقولها اكيد
قلقت كارمن وقالت :فيه ايه يا كريم بابا حصله حاجة
كريم :لا مش ابوكي بس خالك مات .
اتصدمت كارمن وقعدت علي الكرسي وهي بتفكر يعني كده خلاص هي في امان ...الراجل اللي كان بيهدد حياتها مات ...وملوش لزوم تفضل متجوزة من كريم..
تنهدت براحة وبصت لكريم وقالت ببرود:كده افضل ..كده انت مش مجبر تكمل معايا ..اللي خلاك تتجوزني خلاص مات ودلوقتي اللي مفروض نعمله اننا نتطلق ....وفي اسرع وقت .
كريم مسك ايد كارمن وقال : كارمن بطلي جنان انا مش هطلقك ...
زقته وهي بتقول :وانا مش عايزة ابقي معاك ...مش عايزة خلي عندك كرامة ...انا هكلم بابا واخيله يطلقني منك .اتوتر كريم وكان عايز يتكلم معاها تاني بس فكر ان ده هو الأحسن . ..هو ميستحقش كارمن ...مسك ايديها وقال :اللي انتي عايزاه هيحصل بكرة هنرجع القاهرة وهطلقك تمام كده.
تمالكت كارمن نفسها وحاولت متبكيش وجريت علي اوضتها .
.....
تاني يوم .
كارمن بصت بحيرة للعربية اللي قدامها وقالت :هو مش مفروض نسافر في الأوتوبيس
كريم بتوتر :ايوة اصل استلفت العربية من اشرف عشان ترتاحي في السفر اكتر اركبي .
هزيت كارمن رأسها وركبت العربية بهدوء .
.......
كان كريم ماشي بالعربية وهو ساكت تماما لاحظت كارمن ده وحبت تفتح معاه حوار بس اتوترت ومقدرتش كان نفسها انه يترجاها انها تكمل معاه يقولها انه مش هيطلقها لكن واضح انه ما صدق خلص منها ...دموعها نزلت ومسحتها بسرعة مش هتخليه يشوفها بتبكي!!!....حطت رأسها علي ازاز العربية ونامت بعمق
....
بعد شوية صحيت عشان تلقي نفسها لوحدها في العربية...بصيت حوليها بخوف وخرجت من العربية وهي بتنادي علي كريم بس مبيردش...شافت بيت حجري شكله حلو اووي من برة وقررت تدخل ...
دخلت البيت وكانت شايفة ورود كتيرة وبلالين...كانت بتتأمل المكان ومحستش باللي جه وراها....صرخت كارمن برعب لما كريم حط ايده علي كتفها ...
كريم :اهدي يا حبيبتي
كارمن بتوتر .:ايه ده يا كريم
كريم ابتسم وقال :تعالي وانا اقولك
مسك كريم ايديها ودخلها زي قاعة كبيرة فيها صورها من هي وصغيرة لحد ما كبرت ....ركع كريم علي رجليه وطلع خاتم وقال :
انا بحبك يا كارمن...حاولت كتير اكدب ده حاولت اقاوم بس مقدرتش ولما حسيت اني هخسرك فقت....وبتمني تديني فرصة تاني عشان اثبتلك اني اتغيرت واني فعلا بحبك.
حطت كارمن ايدها علي بوقها وهي بتبكي
اتوتر كريم وقال :سكوتك معناه الرفض
اخدت كارمن الخاتم ولبسته جمب دبلة الجواز وقالت :لا يا متخلف السكوت معناه الرضا وانا ببكي من الفرحة مش اكتر
ابتسم كريم قام وحضنها جامد وهو بيلف بيها
بعدت كارمن ومسكت ايده وقالت:بس من حقي أفهم انت كنت بترفضني ليه
تنهد كريم وقال :عشان انا أكبر منك
كارمن بحيرة:بس
كريم :لا وعشان انتي اغني مني بكتير والناس هتفتكر اني طمعان في فلوسك عشان كده يا كارمن فلوس الورث هتحطيها في بنك واصرفيها انتي بمعرفتك بس انتي ملزمة مني واياكي تحطي جنيه في البيت !
بصتله كارمن بحب وقالت :موافقة
كريم :علي بركة الله يالا نرجع القاهرة ونعمل فرح جديد فرح احسن من الفرح اللي قبل ده ...فرح تعرفي الكل ان جوزك محبش ولا هيحب غيرك!!"
تمت بحمد الله