روايه بلوجر بالصدفه الفصل الثاني عشر12والثالث عشر13 بقلم منه محمد

مر اسبوع و الحال كما هو عليه، اتت "اسراء"  لزياره صديقتها التي لم تراها منذ وقت طويل

عانقوا بعض بحراره :  وحشتني وحشتيني اوي يا شرين 

_ و انت كمان يا إسراء

= اممم يا بكاشه منا لو كنت وحشتك كنت كلمتيني بس شكله الجواز واخدك مننا،  المهم انت عامله ايه؟ 

_ انا كويسه الحمد لله 

= مش ناويه ترجعي الشغل و لا ايه بقالك فتره مبتنزليش

_ بصراحه مش عايزه انزل

= بس انت بقالك فتره طويله مئجزه كل ده مزهقتيش

_ لا انا مش عايزه انزل خالص،  بفكر اقدم استقالتي و اسيب الشغل 

= ايه شغل ايه اللي تسيبه انت اتجننتي،  انت نسيتي احنا تعبنا اد ايه عشان نلاقي الشغل ده عايزه تفرطي فيه بالسهوله دي 

_ ما هو بصراحه كده انا حاسه اني مش محتاجه الشغل دلوقتي

= و لو يا شرين اوعي تسيبي الشغل متضمنيش ظروفك

_ ماشي هابقي اشوف الموضوع ده بعدين 

بعد انتهائه من العمل ذهب لشركه ابيه ليزوره فهو لم يره منذ ان عادوا من شهر العسل 

_ حمد الله ع السلامه يا عريس عشان من شافك

= الله يسلمك يا بابا

_ اخبارك ايه مع الجواز حلو 

= الحمد لله 

تحدث ابيه بنبره قلقه :  قولي يا بنتي انت فعلا مبسوط بالجوزاه دي

شعر بالتوتر لكنه اخفى كل ذلك :  اه طبعا مبسوط الحمد لله،  و شرين انسانه كويسه 

= الحمد لله يا بني ربنا يطمنك علي طول،  اسمع لازم تزور مامتك لانها زعلانه منك

_ اكيد طبعا هاروحلها 

____________________________________________________________________

تحدثت الفتاتان في امور عده منها ما حدث عندما كانوا يلعبون مثل الاطفال

_او ماي جاد بجد مسكك و هو مغمص عينيه 

نظرت لها بتعجب علي بلاهتها :  اه !! 

_ انت عارفه ده معناه ايه 

= لا 

_ معني كده انه بيحبك

توترت عندما سمعت ذلك و لكنها ادعت انها غير مهتمه :  ايه لا طبعا ايه الكلام اللي انت بتقوليه ده !! 

= اممممم متنكريش واضح عليكي التوتر لما عرفتي

تحدثت بانكار :  امممم لا عادي يعني

تغيرت نبره "إسراء"  إلي الجد :  شرين انا عايزك اقولك حاجه سالم انسان كويس متفرطيش فيه و جربي تعيشي ف الواقع شويه بعيد عن السوشيال ميديا ممكن ساعتها تبقوا كابل مثالي بجد مش تمثيل 

نظرت لها بتعجب :  انت مالك قلبتي ماما ليه !! 

= صدقيني اللي انت فيه ده نعمه لازم تستغليها كويس الحياه مش كلها لايكات و فلو لازم تفكري تعيشي حياه حقيقه مع جوزك حياه مستقره و ناجحه بجد مش تمثيل،  ده احلي و مش مهم راى الناس فيكوا مدام حياتكوا طبيعيه و هاديه و إلا كل ده هايروح منك

تحدث بثقه و غرور :  مستحيل يروح انا حريصة كل الحرص ان الناس ميبقاش وراهم غيرنا

= ليه؟ 

_ عشان افضل معروفه  و محور اهتمام الناس بدل منا مهمشه محدش يعرف عني حاجه،  و انا  مستحيل افرط ف ده بعد ما وصلتله

تحدثت "اسراء"  بغضب منها :  حتي لو علي حساب حياتك و علي حساب جوزك لا يا شرين اللي بتعمليه ده غلط و مسيرك زي ما طلعتي بسرعه تقعي تاني و ساعتها محدش هايلحق و هتكوني خسرتي كل حاجه 

= انا مش هاخسر عارفه ليه عشان عامله حسابي كويس 

_ انت اتجننتي فعلا 

ثم ذهبت و تركتها و هي حزينه علي صديقتها لم تتوقع ان تفكر بالتلك الطريقه التي ستدمرها دون ان تشعر

في وقت لاحق كانت "شرين"  تصور (استوري)  علي الانستجرام : حبايبي الحلوين انهارده جالي جيفت مش عادي 

وبدأت بعرضه لهم 

اثناء ذلك دخل عليها "سالم"  و هي تصور ف جلس علي الفراش ينتظرها إلي ان انتهت

_ سالم انت جيت

نظر حوله بتعجب ثم اجاب ساخرا :  لا لسه مجتش انا بره 

_ مش مهم اسمع في قناه عايزه تعمل معانا مقابله 

= نعم احنا !! 

_ اه طبعا هو احنا قليلين و لا ايه،  انا مبسوطه اوي احنا لازم نجهز عايزه اشتري اوت فيت عشان الانترفيو ده ، انا متحمسه اووووي

قامت و تتحدث مع نفسها عن خططها  بينما هو ينظر لها بيأس

الفصل الثالث عشر 

اهلا بيكم ف حلقه جديده انهارده معانا ضيوف انتم بتحبوهم اوي ،الطف كابلز و روميو و جوليت العصر الحديث شرين و سالم

هكذا قدمتهم المذيعه في برنامجها الذي تابعه الجميع مخصوص لاجلهم

ضحكت "شرين" علي طريقتها في التقديم : هههه ميرسي اوي ع التقديمه القمر دي يا مروره

_ لا ده حقيقي ده كلام فنزاتكوا 

كانت امها و صديقتها يشاهدون الحلقه 

_  ما شاء الله عليكي يا بنتي الله اكبر الله اكبر لووووليييي

ضحكت "إسراء" علي رده فعل والده "شرين" : في ايه يا طنط ده انترفيو عادي 

= فرحانه اخيرا شوفت ع البت ع التلفزيون الحمد لله 

استمرت بالضحك 

انتهت المقابله و ذهبوا إلي احد الكافيهات كانت تتابع هاتفها و التعليقات التي علي الحلقه 

كان ينظر لها بضجر : شرين شرين شيري يا شريييين 

= ايوه 

_ حمد الله ع السلامه ، هتشربي ايه ؟

= اي حاجه يا حبيبي 

تحدث ساخرا : لا اي حاجه ازاي مش لازم تنقى حاجه حلوه كده عشان تعمليها فوتسيشن و تنزليها علي الانستجرام 

تركت الهاتف من يدها : مالك يا حبيبي

= لا خالص انا كويس ، سيبي انت بس الموبايل و هتعرفي مالي 

_ انا بشوف بس راي الناس ف الحلقه مينفعش اسيبهم كده يرضيك مردش عليهم 

= لا و ده يصح بردو ، هاتطلبي حاجه و لا نمشي 

عادو إلي المنزل و كانت لاتزال تبعث بهاتفها ، بينما هو ارتمى علي الفراش بضجر ، كانت بجواره تحدق ف الهاتف ، نظر لها طويلا 

لقد سئم منذ هذا هو يشعر ان هذه العلاقه كذبه و كل شئ كذب في كذب و هو لا يريد هذا يريد حياه حقيقه هادئه لكنها لا تتوقف عن نشر حياتهم المزيفه للعالم الذين يحسدونهم عليها و يتمنون ان يكونوا مثلهم و لو يعرفوا الحقيقه و ان كل هذه الحب و الاهتمام الذين يروه خلف الشاشات فقط لما تمنوه ابدا 

بعد ان انتهى من التفكير و التحديق فيها نهض و سحب منها الهاتف 

نظرت له بدهشه : انت بتاخد التلفون مني ليه ؟

= كفايه كده انا زهقت انت كل وقتك ع البتاع ده 

_ و انت ايه اللي مزعلك بقى 

= مزعلني ان الكل المعجبين دول معحبين علي وهم ، انا عايز افهم انت عايزه توصلي للايه باللي بتعمليه ده 

_ اني ابقى مشهوره 

= بس مشهورة بس من غير ما تحددي انت مشهوره ف ايه ؟

_ في اي حاجه المهم ابقى معروفه و الناس تفضل تتكلم عني 

نظر لها بحزن : لا مبتمشيش كده مفيش حاجه اسمها ابقى مشهوره و خلاص ع الاقل ابقى مشهورة بحاجه مفيدة ، مش بكدب و نشر حياه مزيفه 

تحدثت بلامبلاه : مش مهم عندي الكلام ده انا بوري الناس اللي هما عايزين يشوفه ، الناس بتحب النوع ده مشاكل بين عيله ، فضيحه ، اي حاجه غريبه و شاذه عن الطبيعي هي دي الحاجات اللي الناس بتتكلم عنها و بتكبرها ، اما المحتوى الهادف اللي بتقول عليه ده محدش بيعبره و فين فين علي اما حد يعرف اني موجوده اصلا لكن اللي بعمله ده هو اللي بيطلع بسرعه 

سحبت منه الهاتف و غادرت الغرفه تماما ، بينما هو في حاله ذهول لم يتوقع ان تكون تفكر بالتلك الطريقه لقد جنت تماما ، لوهله شعر بالندم لانه يشاركها في هذا تمني لو انه لم يقابلها