ف اوضه ساره بتحضر شنطه سفر
انت هتسافر بس لازم تلاقي وقت كل يوم نتكلم فيه
احمد راح واقف قدام ساره لو مكنتش متطر مكنتش سفرت بس لازم اسافر عشان الشغل واوعدك انك مش هتحسي اني بعدت هنفضل نتكلم علي طول
وهكلمك فيديو
ساره: اممم طيب ياحبيبي اتفقنا وحضنتو هتوحشني
احمد: وانت كمان هتوحشيني اوي
يلا بقا لازم امشي اتأخرت علي موعد الطياره
ساره: خلي بالك من نفسك
احمد: حاضر وانتي كمان خلي بالك من نفسك ومتنسيش علاجك خدي ف وقتو
بعد كام ساعه
مازن: شهد اعملي فنجان قهوة وجيبيه المكتب
ساره: عايز حاجه ياحبيبي
مازن: هااا اممم لا خلاص انا هدخل مكتبي عندي شغل مهم
ومشا
ساره: بتنهيد روحي ياعبير اعملي فنجان قهوه وجيبيه المكتب
وراحت عند مازن
وهيا واقفه عند باب المكتب سمعت صوت مازن وهو بيقول انتي عملتي فيا ايه ليه مش قادر انساكي
ساره خبطت علي الباب ممكن ادخل
مازن: امم اتفضلي
ساره قربت من مازن وحطت ايديها علي خدو انت كويس
مازن باس ايد ساره اه كويس ليه السؤال ده
ساره: انت بتحب شهد صح؟
مازن بذهول باصص لساره
ساره: حبتها
مازن: بدموع اه بحبها بس هيفيد بايه دلوقتي خلاص مشت ومبقتش علي زمتي
وبعياط باصص لساره عارفه ايه اللي قهرني انها كانت قريبه مني اوي كانت معايا وحاولت اكتر من مره وكانت بتعدي حاجات كتير بس... خلاص انسي
ساره: عارف يامازن هيا فعلاً شهد كويسه ومحترمه وكانت بتحبك فعلاً بجد بس برضو هيا بشر وبنت يعني كائن حساس محتاجه تحس بالامان عايزه تحس انها مهمه ف حياة حد محتاجه سند
حد يحميها يحتويها ويشوفها اجمل بنت موجوده علي وجه الارض ويحسسها بكدا، لما تزعل تلاقي حضن يطبطب عليها ولما تخاف تلاقي اللي تجري عليه ويحسسها بالامان محتاجه لحد يفهمها حد تهرب من كل متاعب الحياة ف حضنو
ومش شهد لوحدها اللي محتاجه دا
اي انثي محتاجه للشخص اللي هيقدملها الحاجات دي سواء كانت مراهقه او شابه او عجوزه حتا
بس انت مقدمتش ولا حاجه من دول لشهد انت اه عملت حاجه حلوه لما اتجوزتها عشان تساعدها بس ف الاخر قهرتها يمازن
مازن باصص لساره وعينيه مليانه دموع
ساره: انا مش بلؤمك اللي حصل حصل وخلاص ومش عارفين ايه اللي ممكن يحصل بكره
بس لازم تنسا يامازن عارفه انه صعب بس حاول لان خلاص شهد ماضي مش هيرجع
مهما عيطت فكر ف المستقبل وانت مستقبلك مع هيام متنساش انها حامل ف ابنك
مازن: بس هيا قتل*ت ابني
ساره: اهي دخلت السجن بس الجنين اللي ف بطنها ملوش زنب ومتنساش انه ابنك برضو
وهنا عبير دخلت بفنجان القهوة
ساره: حطيه هنا ياعبير انا هروح اشوف ذياد بقا مشفتوش انهارده
ـــــــــــــــــــــــــــــــــــــــــــــــــــــــــــــــ
ــــــــــــــــــــــــ
عند سيف وسيرين.
ذياد بيعيط وسيف شايلو
سيرين كفايا نوم بقا قومي انا اتاخرت عايز اغير هدومي عشان اروح الجامعه
سيرين: بنعاس هنام شويه انا طول الليل منمتش ساهرانه بالولد
سيف: بصوت عالي سيرين قومي بقا ذياد بيعيط ومش عارف اسكتو طيب خلي ينام وارجعي نامي
سيرين: اممم هنام شويه
سيف: بغضب والله هسيب الولا وهمشي انت حرا بقا
اممم طيب براحتك وحط الولد علي السرير وبعد
وسيرين لسه نايمه متحركتش
سيف: يوووا يابت قومي شوفيه بيعيط ليه
وهنا سيرين قامت واتعدلت قعدت وبغضب علي فكره هو ابنك كمان مش ابني لوحدي انا طول الليل قاعده بيها وحضرتك نايم
سيف: واعملك ايه يعني انت امو
سيرين: بتكشير والله عايزة انام ساعه بس ساعه
وهنا الباب خبط
سيف فتح الباب
ساره: صباح الخير
سيف: صباح النور ياماما اتفضلي
ساره دخلت اومال فين ذياد
هو بيعيط كدا ليه
سيف: مش عارف بقالو ساعه بيعيط مش راضي يبطل عياط
ساره راحت اخدت ذياد من حضن سيرين وفضلت تدلع فيه وتسكتو
سيف: طيب انا هدخل اخد دوش عشان اتأخرت اوي
وذياد فعلاً سكت
سيرين: بنوم كويس اوي انا هرجع انام بقا
ساره: بضحك طيب ياحبيبتي انا هاخد الولد اغيرلو هدومو واخليه معايا
سيرين مصدقت ونامت
بعد شويه سيف طلع من الحمام وجهز راح قعد جمب سيرين وهيا نايمه وبإبتسامه ياروحي انا عارف انك بتتعبي والله حقك عليا تخلص بس السنه دي وهشاركك ف تربيه ابننا متزعليش مني وقرب منها باسها ف خدها وقام وخرج من الاوضه
تـــــــــحت
ساره قاعده علي الكنبه ومعاها ذياد
هاجر: امو فين لسه نايمه لحد دلوقتي
ساره: اممم منمتش طول الليل قاعده بيه
هاجر: اممم ومالو
ساره: وبعدين انت مالك ابن ابني وعجبني انه معايا وفحضني
وهنا مازن خرج من المكتب وشاف ذياد
مازن قرب من ساره
ومد ايديه هاتي عايز اشايلو
واخدو منها
وفضل يبوس ف ذياد من خدودو ويدلع فيه
ساره بحزن بصت لمازن واتنهدت
هاجر: بإبتسامة كلها كام شهر وهيام تولد
مازن بصلها بحزن
اليوم عدا وجاه الليل
والكل علي السفره
سيف: بضحك دا انهارده سيرين كانت هتعيط بسببو
سيرين: اه مانا بصراحه كنت عايزة انام
ساره: بضحك قلب التيتا يعمل اللي هو عايزو براحتو ولا ايه
مازن: اكيد وبعدين لما يعيط ابقي جيبيه عندي هو بيسكت معايا
سيرين: بس كدة حاااضر
ـــــــــــــــــــــــــــــــــــــــــــــــــــــــــــــــ
ـــــــــــــــــــــ
ـــــــــــــــ
..
ـــ بعد مرور سنه ــ
كانت هيام خرجت من السجن وولدت
جابت ولد واسمو فارس.......
ف الجنينه
هاله معاها ذياد ومبسوطه بيه اوي لانه بدأ انه يتعلم المشي
هاله: بفرح يالا ياقلب تيتا ندخل بقا
واخدتو ودخلو جوا
ف المطبخ
سيرين واقفه تعمل حاجه لذياد ياكلها
سيف: بتكشيرانت مش ملاحظه انك اليومين دول مش مهتمه بيه وكل اهتمامات باذياد
سيرين بضحك باصت لسيف بتهزر صح
سيف: لا مش بهزر يعني مثلا انا لحد دلوقتي مكلتش بس مش مهتمه وبتعملي اكل لابنك ونسياني
سيرين بضحك ياروحي انت بتغير من ذياد ولا ايه
سيف: هاا اغير من ايه انت بتعتي انا اصلا وكنتي ليا قبل متبقي ليه اقصد يعني
وهنا سيرين قطعت سيف انا ليك علي طول بس ذياد ابننا
هو طفل ولسه بيتعلم المشي يعني المفروض اخلي بالي منو واكتر من الاول لازم اخلي عيني عليه علي طول
لانه بقا بيتحرك من مكان لمكان
امممم طيب وقربت من سيف اوي انا آسفه انا نسيت انك برضو ابني حقك عليا خلاص انا مش هعمل كدا تاني
هحضرلك الاكل بس الاول هأكل ذياد واخدت الاكل وطلعت
سيف: بحزن امم بجد شكلها نسيت ان بكره عيد ميلادي😔😔😔
عند مازن ف اوضتو
واقف قدام المرايا بيسرح
هيام قربت منو وحطت رأسها علي كتفو رايح ف حتا ياحبيبي
مازن: بضيق اكيد هروح الشغل
هيام: طيب ياحبيبي
مازن راح واخد فارس من علي السرير باسو وحضنو وحطو مكانو تاني وخرج من الاوضه
هيام: هاخد شويه وقت عشان ارجعك تاني يامازن بس هترجع
وهنا هاجر دخلت الاوضه
فارس صاحي
هيام: لا نايم
هاجر: كنت عايزاه
هيام: بقلق تعملي بيه ايه
هاجر: برفع حاجب هعمل ايه يعني عايزاه اخدو ادلع فيه تحت طول الوقت ساره ماسكه ذياد ومبسوطين بايه وانت دايما اخده الولد ف حضنك ومش بتسبيه
هيام: اممم بخاف عليه
هاجر: تخافي عليه من مين دا ف بيتو
هيام: منك مثلا
هاجر: بذهول مني دا ابن ابني انت بتقولي ايه
هيام: مستغربه ليه
ما ابن شهد كان ابن ابنك برضو
وقت*لتيه
هاجر: ششش يامجنونه بتقولي ايه اسكتي لحد يسمعك وبعدين انا عملت كدا عشانك انت ومازن لو كان عايش مكنتش امو مشت كانت هتفضل بينا وكان ممكن مازن يردها وابن الخادمه كان هيبقي ليه نسبه ف الثروه
هيام: امم معاكي حق
بعد كام ساعه
مازن رجع من الشغل
وكان ماسك موبيلو ومبتسم اه تعالي الفيله كبيره بدل ما تروح فندق
هاجر: مين دا ياحبيبي اللي بتقولو ييجي
مازن: دا دكتور اتعرفت عليه من فتره وبقينا صحاب
هو ساكن بعيد عن هنا بس عايز ييجي يقعد فتره هنا ف كان بيقول هينزل ف فندق قولتلو ييجي يقعد معانا ف الفيله
ايه رايك ياماما ساره
ساره: اكيد ياحبيبي معنديش مانع ييجي بس اشمعنا بتاخد رأيي انا
مازن: عشان الفيله باسمك
يعني لو معترضة
ساره: عيب عليك يامازن
مازن: خلاص كويس اوي هو هيجي بكره ان شاءلله
هوس ساره 2
الب27ارت
ساره: ينور ياحبيبي
مازن: طيب انا هطلع اوضتي انام شويه
هيام: استنا يامازن وراحت واقفت قدامو مين صحابك اللي جاي دا انت مكلمتنيش عنو
مازن باصصلها بقرف ليه هو لازم اعرفك علي صحابي وبتنهيده بصي انا تعبان هطلع ارتاح ف اوضتي شويا
هيام: طيب مش هتتغدا
مازن: لا اكلت برا
وطلع فوقــــــــــــــــ ـــــــــــــــــــــــــــــــــــــ
عندسيف واقف مع سيرين ف الجنينه
وكان مضيق اوي
سيرين: مالك ياحبيبي في ايه
سيف: بحزن لا مفيش انا هخرج اغير جو عشان زهقت
سيرين: تمام ياحبيبي خلي بالك من نفسك ومتتأخرش......
جوه
ساره: بقولك ايه ياعبير معلش اوضه الضيوف جهزيها عشان صاحب مازن جاي بكره
عبير: حاضر يامدام ساره
ــــ بعد كام ساعه ــــ
مازن قاعد علي الكنبه ومعاه ذياد
بيلعب معاه وبيدلع فيه
هيام: يلا بقا ياحبيبي نطلع اوضتنا الوقت اتأخر
مازن: اطلعي انت انا قاعد هنا شويه
وبص لسيرين انت عايزه ذياد
سيرين: اه الوقت اتأخر لازم ينام دلوقتي
مازن باس ذياد طيب خديه يلا روح لماما يحبيبي
سيرين اخدت ذياد وطلعت اوضتها
وبعد شويه كان ذياد نام
سيرين ابتسمت وفنفسها قالت انت فاكر اني هنسي ان انهارده عيد ميلادك ياحبيبي
وراحت اخدت قميص نوم من الدولاب ودخلت الحمام
وبعد كام دقيقه خرجت وراحت واقفت قدام المرايا عملت ميكب خفيف ورشت من البرفيوم اللي سيف بيحبو
وقعدت عند طرف السرير وفضلت مستنيه سيف
وكل شويه تشوف الساعه كام
عدت نص ساعه وسيف لسه مراجعش
سيرين بحزن واقف عند البلكونه وباصه للسما يوو بقا اتأخرت كدا ليه ياسيف
وهنا اخدت بالها ان الباب بينفتح جريت عند السرير وعملت نفسها نايمه
سيف دخل وراح قعد جمبها ماشي ياسيرين معقوله نسيتي عيد ميلادي دي اول مره تنسي
وقام من جمبها راح عند البلكونه
سيرين ببطئ قامت من مكانها وراحت حضنت سيف من ضهرو كل سنه وانت طيب ياحبيبي
سيف لف وشو وبإبتسامه ايه دا انتي فاكره
سيرين قربت منو وحوطت راقبتو بايديها اه فاكره ومستحيل انسا بس كنت عايزه اعملك مفاجأة بس برضو زعلانه منك كنت عايزه نبدأ سنتك الجديده سوا بس انت راجعلي نص الليل الساعه اتنين علي فكره
سيف: بدموع انا اسف بس بجد انا مبسوط اوي كنت فاكر انك نسيتي وانشغلتي مع ذياد
سيرين: بدلع اه وقولت اني بقيت بحب زياد اكتر منك
سيف: بإبتسامة بصراحه اه
سيرين قربت منو وباستو ف خدو ياحبيبي دا مستحيل وبدلع عارف انا اصلا بحب ذياد عشان هو ابنك وحتا منك بيفكرني بيك
سيف: بإبتسامة يشيخه
سيرين بصلو بدلع هزت رأسها اه والله
سيف شدها ليه طيب تعالي عايزك
سيرين: لا لا استنا تعالي معايا عشان تشوف الهدايه اللي جبتهلك
وراحت فتحت الدولاب وطلعت منو بوكس هدايا اممم افتحو
سيف: دا فيه ايه
سيرين: شوفو انت
سيف اخد البوكس وفتحو وكان مذهول اوي من اللي شافو فيه كان البوم تقريباً ف صور لكل لحظه عدت عليهم وهما سوا ذكريات ليهم قبل مايتجوزو وبعد الجواز وصور ليهم مع ذياد
سيف: بفرح جميل اوي ياقلبي
سيرين: طيب كمل
سيف وهو مبسوط دا البرفان المفضل
وايه دا مش دا التشيرت اللي عجبني لما خرجنا قبل كده بس مكنش فيه منو مقاسي
وبإبتسامه باصلها وقرب منها حضنها انا بحبك اوووووي
سيرين: وانا كمان بحبك اكتر بس شوف باقي الهدايا
سيف: تو تو بعدين وغمزلها وبعدين اممم 🫣🫣🫣
تاني يوم
ف اوضه مازن
صحا علي صوت فارس وهو بيعيط
قام وراح اخدو من سريرو وفضل يسكت فيه وفضل يدور علي هيام ف الاوضه
وهنا هيام دخلت الاوضه
مازن: بغضب كنتي فين
هيام: بتلبك بتفرك ف ايديها انا كنت تحت
مازن بصصلها بقرف انتي ازاي تنزلي وتسيبي الولد بيعيط بالشكل دا انت عارفه لو نتيجه اهمالك دا ابني حصلو حاجه مش هرحمك كفايا ان بسببك خسرت ابني الاول انت موجوده هنا لانك ام ابني لو مش هتعرفي تخلي بالك منو ملكيش مكان هنا انت فاهمه
وحط الولد ف سريرو لانه كان نام ودخل الحمام
هيام: بغيظ هو ازاي يتكلم معايا كدا
لا انا مش هتحمل المعامله دي هو بيعملو امو عادي خالص مع انها مشتركه معايا ف قت*ل ابن شهد
تـــــــــحت
ساره: انا عايزه انهارده الغدا يكون من احسن ما يمكن
عايزه مازن يتشرف قدام صحابو
سيف وسيرين كانو نازلين علي السلم
مبسوطين
وبيضحكو
ساره: بإبتسامة في ايه شكلكم مبسوطين اوي انهارده
سيف: لا عادي مفيش
ساره: بإبتسامة طيب ياحبيبي ربنا يفرح قلبك وتكون دايما مبسوط واااا
سيف: نعم
ساره حضنت سيف كل سنه وانت طيب ياعمري عقبال مليون سنه وانت مبسوط
سيف: بفرح انتي فاكره عيد ميلادي
ساره: اكيد طبعاً هنسا عيد ميلاد اقرب الناس لقلبي
مازن: لا والله انهارده عيد ميلاد سيف انا نسيت بس علي العموم كل سنه وانت طيب
سيف: وانت طيب
مازن: ماما دكتور سليم خلاص هيوصل بعد ساعه
ساره: هو اسمو سليم
مازن: اه دكتور سليم المهدي
ـــــــــــــــــــــــــــــــــــــــــــــــــــــــــــــــ
ـــــــــــــــــــ
ـ بعد مرور ساعه ـ
موبيل مازن رن
مازن: الو ايوا ياحبيبي بالظبط كدا
ساره: في حاجه يامازن
مازن: سليم جاه
تعالي نطلع نستقبلو براا
وهنا صوت جاي من ناحية الباب
انا جيت خلاص مش محتاج تطلع تستقبلني
مازن: بفرح جري علي سليم وحشتيني عامل اية
سليم: انا الحمد لله مبسوط اوي
مازن: تعالي اعرفك وقرب من ساره
دي امي
سليم: أهلا بيكي ياطنط
مازن راح وقف عند سيف دا اخويا ودي مراتو
والضغنن دا ابن اخويا
وراح عند هيام اخد منها فارس وبإبتسامه بص بقا القمور دا ابني انا
هيام: بإبتسامة وانا مرات مازن
سليم: بإبتسامة اهلاً بيكم كلكم
اتشرفت بمعرفتكم
هاجر: بغيظ مش هتعرفنا علي بعض ولا ايه
مازن: اه نسيت دي امي
سليم: باستغراب مش فاهم ازاي مش عرفتني علي مامتك من شويه
مازن: بضحك اه دي ماما اللي جبتني علي الدنيا
وراح واقف جمب ساره دي بقاا اللي علمتني اعيش ازاي
المهم تعالي ندخل معلش اكيد جاي من سفر وتعبان تعالي خد دوش عبال ما يحضرو الغدأ
سليم: اه بس ثواني اعرفكم علي مراتي
هيا نسيت موبيلها ف العربيه راحت تجيبو ومسك موبيلو رن عليها انتي فين ياحبيبتي يلا ادخلي
وهنا الكل واقفين وعينيهم علي الباب منتظرين مرات الدكتور سليم تدخل
سليم: بإبتسامة اهي جات وراح عندها مسك ايديها تعالي ياحبيبتي
وهنا الكل واقفين ومذهولين من البنت اللي دخلت جميله اوي لابسه بنطون جينز ديق وشميز قصيرة لونو موڤ
وشعرها طويل وناعم مفرود على ضهرها وعماله ميكب و حطه لينسيز ولون الروج بتاعها فاقع اوي
ولابسه هلز وشنطتها ف ايديها
واقفه ضهرها مشدود
سليم: ادخلي ياحبيبتي
ساره فنفسهاا دا معقول ولا انا بتخيل دي شهد 😳
مازن واقف مكانو متجمد وعينيه دمعت
سليم: بإبتسامة اعرفكم علي مراتي
شهد