رواية لست جميلة الفصل الثالث عشر13والرابع عشر14بقلم سحر السحرتي

*مر شهرين ونصف لم ترى حمزة ولكن تحدثت معه مرات قليلة كانت من اسعد لحظات حياتها واصرت ان تنتظم في الجلسات والعلاج بمساعدة نادر ووالدها الذي لم يقصر معها ابدا في هذه الفترة كانت مفتقدة حمزة جدا 

*ذات يوم وهي تعمل في شقة الزوجية جاء حمزة وسال احد العمال عن سلمى اخبره انها بداخل الغرفة وتغلق على نفسها الباب فطلب منه حمزة ان يطرق الباب وينصرف هو وباقي العمال 

*فتحت سلمى الباب تفاجأت بحمزة فصرخت باسمه وارتمت باحضانه لم تنتبه لملابسها المتسخة بالالوان وبدات تقبيل وجهه بالكامل بكل حب واشتياق تعجب من تصرفها لانه على غير عادتها لكنه اشتاق اليها ايضا 

*اراد دخول الغرفة رفضت واغلقت الباب والتوتر ظاهر على ملامحها 

: انت قافلة على نفسك ليه 

: بشتغل مش بحب حد يزعجني 

: ممكن ادخل 

: لا مش ممكن تعالى اتفرج عملت ايه فى الشقة 

: انا هدخل يا سلمى

: لا لوسمحت يا حمزة عشان خاطري

: انا هدخل

*امسكت يده تمنعه والدموع في عينيها

: لا عشان مش هينفع

: ومش هينفع ليه سيبي ايدي هدخل يعنى هدخل 

بقلمي سحر السحرتي

*ونفض يدها بقوة  ليدخل ويفتش بالغرفة لم يجد بها شئ فدخل غرفة الدريسنج فوجدها فارغة ايضا ليلتفت ويتفاجأ باحد جدران الغرفة مرسوم عليه اجمل بورتريه منظر طبيعي ساحر وصورته وهو يرتدي ملابس تشبه ملابس سندباد ولديه اجمل ابتسامة 

:عايز افهم ما كنتيش عايزاني ادخل ليه

*لتصمت وتنظر في الاتجاه الاخر وعلامات الحزن والغضب على ملامحها

: انت زعلتي مني

:انت كنت متوقع تلاقي ايه جوة

:انت طريقتك قلقتني وقافلة الباب عليك

: انا طول عمري وانا برسم بورتريه بقفل عشان محدش يزعجني وانت عارف كدة كويس وما كنتش عيزاك تدخل الا لما اخلصه لانها كانت مفاجاة وانت بغباءك بوظتها 

*حزن بداخل نفسه على ظلمها وانشرحت نفسيته من برائتها وحبها الشديد له فقال بكل صدق

: انا اسف بس ايه غبائك دى انت  بتغلطي فيا

قالت بكل سخرية وغضب

: انت اللى ادتني الحق ده طالما بيني وبينك ولة نسيت وزعلانه منك

:اصالحك انا مشيت العمال مخصوص لانك وحشتينى وحابب اقعد معاك باقي اليوم

:لا دور كويس في الاوضة  يمكن تلاقي حد تحت السيراميك

:حبيبتي اسف بقى

: ايه اللى خلاك تفكر فيا كده شفت ايه عليا تفتكر ان اخلاقي تسمح بكدة بيتهيقلي عدينا مرحلة الثقة دي

: حقك عليا بقي

:حمزة عايزه الصراحة دى مش طبعك

بقلمي سحر السحرتي 

: اتفضلي تليفوني شوفي الرسايل الزبالة اللى ست نهى بتبعتها لسة فاتحه من فترة صغيرة لقيت كل الرسايل دي

*قرأت بعض الرسائل تتضمن: انت تسافر من هنا وهي تلعب بديلها ..... اللي انت مفكرها ملاك بكرة تكتشف الحقيقية ...  النوم على الودان عيب في حقك

*لتلقي له الهاتف وتتحدث بصدمة : وانت عشان جتلك كام رسالة تقوم تشك فيا بالشكل الجارح ده ولة ربطت الرسايل بالكلام بتاع حازم  ومفكر ان كلمة اسف ديه هتمسح اللي عملته

*ودخلت الحمام واغلقت بابه بقوة  وتركته لتبدل ثيابها

:بعد اذنك عايزه اقفل الشقة

: رايحة فين

: مروحة انت اديت العمال اجازة باقي اليوم وانا كمان هاخد اجازة

: عارفة عيبك الوحيد ان زعلك وحش قوي ومش بتتصالحي بسهولة 

:المشكلة يا محترم ان كل زعلي منك اسبابه كبيرة مش تافهة وصغيرة

*لم يجد ما يقوله 

*فقام بتقبيلها قبلة شغف واشتياق بعده لايام طوال لم يعرف عددها لتتجاوب معه لانها اشتاقت له بشدة هي الاخرى ليبتعد عنها قبل ان يفقد اعصابه ويتمادى 

قال بكل حب وشوق

: صاف يا لبن ولة لسة عايزة تتصالحي 

*لتتحدث بدلع وهي تمسك ياقة قميصه بدلال : لو اخدتني في حضنك اللي وحشني ممكن اسامحك بس ما تكررهاش

*لياخذها داخل حضنه ويلف بها وهي تضحك وينزلها

: تعالي بقي هنا انت رسمتيني ليه كدة باللبس ده معناه ايه

:رسمتك عشان اول لما افتح عنيا اشوفك وخصوصا وانت عندك مأمورية ومش موجود واللبس ده كانك بالظبط  قمر الزمان 

*ليبتسم من خيالها الواسع وعشقها له

:طب وقمر الزمان مش لازم معاه اميرته 

: ما انا هنااك اهوه قاعدة على الصخرة اللي هناك بستناك 

: ياااه ومالك متوصية بنفسك كدة يا ظالمة

: مفيش حد بيعرف يرسم نفسه وكفاية صورتك تنور قلبي

بقلمي سحر السحرتي

*ليستمع لطرقات عنيفة على باب الشقة

: انت مستنية حد 

: لا يمكن حد من العمال نسي حاجه افتح شوف مين

:ولو حد من العمال يخبط بالشكل الهمجي ده حاضر جاي 

: ليجده نادر وعلامات الغضب تملاء وجهه 

: اهلا يا دكتور

: اقدر افهم ايه اللي بيحصل هنا

:خير يا ابيه متعصب كده ليه

: ازاي يا حمزة تدي فرصة لاي حد يقول كلام ما يصحش على سلمى 

:خير فهمني يا دكتور ايه اللى حصل

:الست نهى بتتصل عليا وتقولي الحق اختك قبل الصباحية 

*لتبكي سلمى بحرقة وتصرخ 

: هي عايزة مني ايه انا ما عملتش حاجة ليها .... لما رفضت تصاحبني انا بعدت من غير ما اعاتبها ليه مستكترة حمزة عليا وعاوزة تاخده مني انا مش عايزة حاجة من الدنيا غيره

*لياخذها حمزة داخل حضنه ويطبطب عليها

: انا قلت لك اربيها انت رفضتي بس وحياة دموعك دي مش هعدي اللي حصل على خير

*لتتسع حدقتي عين نادر من الذهول لعدم فهمه لما يدور

: اتفضل اقعد يا دكتور وانا هفهمك

*كانت هناك بعض المقاعد الخشبية يستخدمها العمال

*بعد ان شرح له ما حدث من اول حفل الخطوبة الى اليوم ومازالت سلمى بداخل حضنه

:هي بتحاول باي شكل تعيب في اخلاق سلمى والمفروض انت ما كنتش جيت لان ده غرضها

*لتخرج سلمى من حضنه : ماتقول لنفسك الكلام ده انت كمان

*جذبها ثانية لداخل حضنه : انت بتعيطي اسكتي واهدي بلاش تولعيها السؤال بقى عرفت اني هنا من اين انا لسة واصل واتخانقت مع سلمى بسببها حتى اسالها احكي على الخناقة دى انا بقالي ساعه بصالح فيها وهي زعلانة هاه لسه زعلانة ولة اكمل صلح ( وغمز لها) 

*لتبتسم سلمى وتحاول ان تاكل شفتيها من الخحل لتذكر ما فعله

: لا خلاص المسامح كريم

نادر : ما حكتليش ليه يا سلمى على اللي عملته في الخطوبة كنت وقفتها عند حدها وما كملتش في اللي بتعمله ده

: بصراحه انت بتتعب معايا قوي قلت كفايه شايل همي واهو حمزة هيتصرف معاها وبصراحة اكثر اللي حصل كان محرج قوى

: وكنت عايزه تطلقي لو كنت مفكرة ان انا هقف ضد رغبتك ابدا يوم ماتحسي ان علاقتك بحمزة علاقة فاشلة وعايزة تنفصلي انا اول واحدة هقف معاك

:خير يا دكتور انت جاي تهدي النفوس بدل ما تقول لها ما لكيش الا حمزة

: لا ليها كتير ظهر وسند وبقول الكلام ده قدامك عشان تعرف ان لو في يوم زعلتها او فكرت تكسرها هتفقدها للابد 

: ان شاء الله مش هيحصل وهحطها جوة عنيا 

*ليعلو رنين هاتف نادر ليجيب على نهى وقبل ان يعاتبها على ما فعلته وجدها تبكي 

: الحقني يا ابيه قبضوا عليا

:ليه ايه اللي حصل

:مش عارفه كنت في عيد ميلاد واحده صاحبتي ارجوك بسرعة لو بابا عرف هيجراله حاجة

:طب انا جاي حالا

*ليتسال حمزة وسلمى 

: خير في ايه

: نهى مقبوض عليها ومش فاهم ليه رايح اشوفها حمزة وصل سلمى وما تجبوش سيرة لحد

: لا انا جاية معاك 

: وانا كمان هقدر اساعدك اكيد لي زمايل في القسم

لست جميلة

حلقة ١٤

*ذهب نادر لنجدة نهى يرافقه كل من سلمى وحمزة 

*يدخل حمزة للظابط المسؤول ويقدم نفسه ويستفسر عما حدث ويستئذ منه لرؤية نهى عند رؤيتها صرخت فى وجهه

: اكيد انت اللي عملت كده عشان السنيورة بتاعتك مش كده

*ليمسك بذراعها ويضغط عليه ويتحدث بصرامة ارعبتها

: انا عمري ما استغليت سلطتي ولا هستغلها حتى لاختى انا كنت هعمل فيك اكثر من كدة بس عمرى ما كنت هتبلى عليك فى شرفك وسمعتك زي ما انت عملتي مع سلمى فكري مع نفسك كدة وافتكري ان ده انتقام ربنا لانك حاولتي بكل الطرق تشوهي سمعة بنت عمك اللي المفروض اختك ومتربية معاك

بقلمي سحر السحرتي

*ليمسكه نادر: سيبك منها قلي فيه ايه

: الهانم كانت مفكره انها رايحة عيد ميلاد واحدة صاحبتها طلع بيت دعارة بيصطادوا البنات ويخدروهم وبعدين يصورهم ويبتزوهم يا اما ياخدوا فلوس او يشتغلوا معاهم الحمد لله ان البوليس وصل في اللحظة المناسبة

:طب والحل دلوقت دي هتبقى فضيحة

: لا هي وكام بنت اول مرة يروحوا والبنت اللي ضحكت عليهم اعترفت انها كانت مجرجراهم عشان تضحك عليهم اول ما يتعرضوا على النيابة هيخرجوا 

*ليوجه نادر كلام حاد لنهى : هو ده لبس تروحي بيه عند حد كام مرة كلمتك الحمد لله بعد ما تخرجي تصرفاتك لازم تتغير وان شاء الله عمي وجدي ما يعرفوش حاجه ولا الفضيحة دي تتنشر على النت عشان سمعتك محدش هيصدق انك ضحية 

*كانت سلمى تستمع وحزينة على ما حدث مع نهى لم تكن تتمنى لها ذلك بالرغم مما فعلته معها 

*يتقدم وكيل النيابة وفي طريقه لدخول غرفة التحقيق

: بشمهندسة سلمى ازي حضرتك بتعملي ايه هنا 

*سلمى بحرج شديد: كويسة الحمد لله بنت عمي عندها مشكلة هي مظلومة والله

*وتعرفه على نادر وحمزة الذي بدوره شرح لوكيل النيابة الوضع ويطلب منه سرعة التحقيق حتى يفرج عن نهى سريعا قبل ان يعرف والدها ليجيبه وكيل النيابة

: اكيد لو بريئة هخرجها بسرعه بس اطلع على المحضر وهتكون اول الناس اللى هستجوبهم 

*شكرته سلمى ليسالها حمزة

: انت تعرفيه من اين

: جوز واحدة صاحبتي من اللي صممت لهم شقتهم 

*وتوجهت لنهى : خلاص يا نهى ان شاء الله هتروحي معانا 

بقلمي سحر السحرتي

*ليقول نادر : بس على ما تخرج هيكون الوقت اتاخر وعلى ما تخلص هيعدي نص الليل هنقول ايه لعمي

ليقول حمزة: اتصلي عليه يا سلمى استأذنيه اني عازمكم على فرح واحد صاحبي وانك هتاخدي نهى معاك عشان ما تروحيش لوحدك  وهتروحي  تباتي عند نادر لان بيته اقرب

: حاضر

*لتخرج نهى من محنتها ولم تجد غير سلمى وحمزة ونادر ليقفوا بجانبها لتعتذر لسلمى والجميع على سوء تصرفها 

*بعد عدة ايام يتزوج حازم من لبنى ويعاملها اسوء معاملة رغم محاولاتها معه بان ينسى الماضي لكنه يرفض ولا ينسى انه تزوجها مجبر ويخبرها دائما انها ليست الزوجة التي كان يحلم بها 

*يلتقي بسلمى ذات يوم في حديقة المنزل وتجتاحه مشاعر مختلطة 

:سلمى ممكن اتكلم معاك دقايق

: اتفضل تقعد في الجنينة ولة عند جدو 

: لا هنا احسن انا اسف

: على ايه

: اني ضيعتك من ايدي وكنت حاسس بحبك بس علي ما حسيت اني بحبك كان الوقت ضاع وانا وانت كل واحد منا اتجوز انا مستعد اصلح غلطتي واطلق لبنى وانت اطلقي من حمزة ونتجوز

*ضحكت سلمى بصوت عالي 

: عايز تتجوزني انا .. بس انا عمري ما حبيتك انا بحب حمزة اللي شافني سلمى من جوة ومن بارة وقبل بيا مش انت كنت مسميني ايه ااه عم عبده صح ... انت بالنسبه لي ابن عمي وبس واقفل الموضوع ده نهائي عشان تفضل صلة الرحم بينا وحاول تصلح علاقتك مع مراتك هي بتحبك ومستعدة تتغير الوحش اللي فيها غيره وحاول تبص علي الحلو اللي عندها

*ليتهجم عليها حازم ويمسكها من ذراعها بقوة حتى كادت اصابعه تخترق عظامها

: انا عمري ما كنت عايز حاجه وسبتها من غير ما اخودها هو انت مفكره نفسك حاجه تحمدي ربنا اني عرضت عليك الجواز

*لتصفعه على وجهه : انا مش حاجة وجواز ايه اللي بتعرضه انت مش راجل لانك لو كنت ما تعرضش الجواز على واحده اصلا متجوزة ما انا كنت قدامك سنين احلويت دلوقتي في عنيك ....  ده بس لانك سافل وحقير

*فصفعها بقوة لدرجة ان اصابعه تركت علامة على وجهها لضعف جسدها بسبب العلاج وكاد ان يتهجم عليها لولا ان جدها صرخ باسمه 

: حازم انت اتجننت بتضرب بنت عمك لو اتعرضت لها مرة تانى تاخد مراتك وتشوف لك بيت تاني ورجلك ما تلمسش البيت نهائي اعتذر لها 

بقلمي سحر السحرتي

*امام اصرار جده اعتذر وصعد للبنى يخرج غضبه عليها 

*ترتمي سلمى بحضن جدها ليسألها عما حدث لم تستطع تاليف كذبة فقد استمع لجزء من الحوار فاخبرته

: ما تزعليش لو اتعرضلك تاني انا اللى هقفله اطلعي نامي 

*فى اليوم التالي كان لدى سلمى جلسة علاج طلبت من حمزة الا يحضر وان والدها هو من سيرافقها لكن والدها اتصل على حمزة لانه مشغول ويطلب منه مرافقتها او ارسال مي 

*تفاجأ حمزة ان سلمى كذبت عليه وطلب من والدها ان يبلغ سلمى بالذهاب للمستشفي وانه سيقابلها هناك ولا يخبرها بذهاب حمزة لانه يعد لها مفاجاه

*ذهبت سلمى وصدمت عندما رأت حمزة امامها صدم هو الاخر مما رأه على وجهها وذراعها لكنه لم يسالها حتى تنتهي من الجلسة

*انتهت سلمى وامسكها حمزة وادخلها بالسيارة وذهب بها الى المنزل وصعد معها واغلق الباب ووضعها في السرير لتستريح

*بدات سلمى بشد الغطا لتنام لتجد يد حمزة تمسك الغطاء

:رايحة فين بتهربي حاجتين هتجاوبي عليهم من غير كدب انا سكت في المستشفي عشان المكان غير مناسب ايه اللي حصل وكدبتي على ليه 

:اصلي وقعت وخفت تزعل عليا او تزعقلي اني مهملة

:انت مخطوبة لواحد فرارجي انا ظابط ومن غير ما اكون ظابط اللي على وشك ده صوابع حد كل صوباع عامل علامة واكيد مش نادر ولا جدك وباباك مسافر اكمل بقيت العيلة ولة هتقولي الحقيقة وبحذرك تكدبي

: اوعدني تعرف وما تعملش حاجه جدو خلاص اتصرف

:سلمى انطقي من ساعة ما شفتك وانا هتجنن 

*لم تجد مفر من انها تروي له كل ما حدث وهي تبكي اخذها داخل حضنه

: بقى الاستاذ حازم اتهجم عليك وضربك وعايز يتجوزك كل ده وانت مراتي 

:حمزة ارجوك جدو كبير العيلة اتصرف لو سمحت ما تعملش مشكلة لان صحة جدو ما تستحملش

: هو انت هتفضلي لحد امتى عاملة حساب كل واحد

: جدو مش اي حد كفايه اني اغلى واحده عنده وبحبه قوي ولو جراله حاجه بسببي مش هسامح نفسي ولا هسامحك 

:حاضر هستحمل اشوف مراتي بتضرب قدامي واسكت بس هتوعديني دلوقت لو حصل منه اي شئ هتقوليلي الاول  

: اوعدك وسامحني عشان كدبت عليك اسفة ما حبتش تشوفني كده

: خلاص صالحيني

*قبلته في خده 

:انت شايفة ان غلطتك صغيرة ودي المصالحة بتاعتها

:ما تستغلش الظروف بقى انت عارف انا بتكسف وبضايق 

: وانا مش هتنازل عن حقي كفايه ساكت بالعافية فعاوز حاجة تصبرني احسن هروح اضربه بدل القلم عشرة.

: لا وعلى ايه اتفضل 

*خرج حمزة من منزل سلمى وهو غاضب ولم يتحمل ان حازم حاول التهجم عليها ولكنه وعدها الا يتعرض له وهو في عز تفكيره وجد اتصال من نادر

: ازيك يا دكتور

: كويس ازيك انت هي سلمى كويسه

: اه ليه

: اصلك وصلتها واتاخرت عندها خفت يكون حصل لها حاجه

:الحقيقة هو حصل معاها امبارح وكانت بتحكي لي لان المستشفي ما ينفعش نتكلم فيها وهحكيلك لان لو اتكرر تاني مش هسكت وتكون شاهد علي كده

*اغلق الخط مع نادر وكل منهم تشتعل النار بداخله لكنهم فضلوا الصمت اكراما لشاكر 

*تمر الايام وتنسى سلمى ما حدث مع حازم وتكمل تصميم شقة الزوجية حتى كادت ان تنتهي ولكن في يوم اسرعت لنادر لتقف معه في ولادة لمى التي انجبت طفل جميل اسماه سامر فرحت به جدا وباركت له

*اصر شاكر ان يقام السبوع في حديقة المنزل وتجتمع العائلة كلها 

*اجتمعت كل العائلة حتى سلوى وبناتها وزوجها وحضر حسن وزوجته كان يوم جميل مفرح للجميع الا ان حمزة التقى بحازم فوقف معه جانبا واخبره ان سلمى قصت عليه ما حدث وهي من منعته من اتخاذ اي موقف وحذره من الاقتراب منها مرة اخري

: انا اسف يا حمزة كانت اعصابي تعبانة ضغط شغل والبيت بس سلمى طول عمرها اخت لي

:واضح بأمارة مرة غلطت في اخلاقها ومرة تانية اتهجمت عليها ونعم الاخوة

:ما تزعلش عمري ما هكررها مش عشان تهديدك لا عشان هي طول عمرها طيبة معايا مهما عملت وبتسامح وانا كنت ندل بس هحاول ما ازعلهاش تاني ابدا

:اتمنى تكون صادق في كلامك

: بكرة الايام هتثبتلك بس نصيحة ابعد عن نهى

*انتهى اليوم وعادت سلمى لتجهيز شقة الزوجية واختيار الاثاث 

*في يوم لدى سلمى جلسة قبل ان تذهب اليها ذهبت لشقة الزوجية لتضع بها بعض الاشياء فسمعت اصوات تخرج من غرفة النوم فارتابت واخذت تحدث نفسها

: ايه ده حرامي ..... لا لا وهيسرق ايه .... اكلم حمزة يجي يشوف في ايه .... ممكن على ما يجي يكون مشي او يتهجم على .... طب هخلي التليفون في ايدي واصوره لو طلع واجري ...  وممكن يطلع حد من العمال هي اصلا الاوضه دي بالذات فاضية مفيهاش حاجة

*بدات تقترب بحذر سمعت احد يقول 

: خلاص بقى يا زومة بقالي كتير بصالحك كل ده عشان روحت عيد ميلاد صاحبتي وما سمعتش كلامك قلت لك دي صاحبتي من زمان مقدرش ازعلها

: زي صاحبتك التانيه اللي قلت لك التحريات بتقول انها مش كويسه ومش عشان ده كمان غلطاتك كتير قوي مع سلمى ناسية الرسايل الزبالة اللى بعتيها عنها على تليفوني والكلام اللي قلتيه لنادر ولة عشان عديت لك اللي عملتيه يوم الخطوبة وقلت عذرك كنت عايزة تتعرفي وتتقربي منى بس بطريقة غلط 

: ايه المشكلة يعني انت بتحبها ولة ايه

:انا قلت لك وحكيت لك اللي خلاني اعمل كدة لما كلمت نادر طلب منى اقنعها تتعالج وانا بكلمها لقيت نفسي مدبس في الجوازة بسرعة عشان ترضى تتعالج

:تتعالج ولة ما تتعالج ما تغور في داهية ولة تموت 

*امسكها من معصمها بقوة وعينه ممتلئة بالغضب 

: اوعي تغلطي فيها بكلمة لاني بحبها قوي وكفاية انها احسن منك ومحافظة على نفسها حتي معايا وانا جوزها واظن قلتي مش هامك المهم تبقي جمبي ومعايا ولو عايزه ترجعي في كلامك اتفضلي

: ما قدرتش انا عوزاك ليا لوحدي وبعدين مش قلت انك ادبست في الجوازة راجع تقول انك بتحبها

:ادبست اني اتجوزتها بسرعة لكن حبي ليها موجود من الاول

بقلمي سحر السحرتي

*كانت سلمى تستمع وكأن سكين حاد يقطع قلبها الى قطع صغيرة ويقوم بدهسها بلا رحمة او شفقة مستمر بلا توقف كادت ان تفقد وعيها لكن تحاملت على نفسها

:اجمدي يا سلمى انت مش ضعيفه ومهما حصل اكيد مش ده الانسان اللي يستاهل انك تنهاري عشانه

*بدات دموعها تتساقط بالرغم من محاولاتها البائسة فى التماسك الا انها سقطت بلا وعي 

: يا رب حكمتك اني دايما بسمع واعرف خليك معايا وقويني .... سامحني يا رب عارفة ان  اللي هعمله غلط بس عشان اواجهه   لو حب ينكر