فرح ودعت اهلها ومشت مع اهل جوزها
ف بيت محمود الجبالي الاغاني مليه المكان والكل مبسوط وبيرقص وفرحان الا عمر كان حاسس بالذنب انه اتجوز بعد مراتو الاوله و ان مينفعش حد ياخد مكانها
بعد شويا محمود قال يلا ياولدي خد مراتك واطلع اوضتك فوق
عمر: حاضر يابوي يلا يا عروسه
واخد فرح وطلعو الاوضه
ف اوضه عمر
فرح قاعده علي السرير ووشها متغطي بالطرحه
الباب خبط
عمر فتح الباب في ايه ليه الخبط دا
هبه: الناس مستنيه تحت
عمر: طيب شويا ونازل
ودخل جاب سكينه وجرح ايديه وجاب ملايه ومسح الدم فيها و خدها نزل
فرح: باستغراب هو عمل ايه دا
وبعد شويا طلع تاني ودخل الحمام اخد دوش ورجع نام علي الكنبه من غير مايبوصلها او يشوفها ومكلمهاش
فرح استغربت من اللي حصل وكانت قاعده علي السرير ووشها متغطي بالطرحه وعمر فضل بعيد عنها ونام زي ماتكون حد غريب مش مراتو حتي انه ميعرفش شكلها ايه
فرح: حتي مكلمنيش ايه دا وعينيها دمعت انا خايفه اكون ظلمت نفسي اني وفقت اتجوز من الراجل دا
وقامت دخلت الحمام واخدت دوش وغيرت هدومها لبست بيجامه ستان ورجعت وقعدت علي السرير وغطت وشها وفضلت تعيط شويا بصوت مكتوم وبعدين نامت
تاني يوم الصبح
عمر صحي وغير هدومو ونزل خرج من البيت
فرح صحت وملقتش عمر ف الاوضه وافتكرت اللي حصل امبارح والتجاهل اللي شافتو من عمر
وقامت اخدت دوش ولبست دريس واسع ولفت الطرحه وحطت ميكب خفيف ونزلت
تحت
ناصره: صباحيه مباركه يا حبيبتي
فرح: الله يبارك فيكي يا طنط
ناصره: طنط ايه بقا قوليلي ياما او يا ماما زي ما بتقولي
فرح: حاضر ياماما
ناصره: اومال فين جوزك يا بنتي
فرح بتوتر معرفتش تقول ايه عشان لما صحت ملاقتش عمر معاه ف الاوضه
بس قالت هو نزل هيروح مشوار وجاي
ناصره: مقالكيش رايح فين
فرح: لا ياماما
ناصره: طيب يلا تعالي افطري معانا
فرح: لا لما عمر يرجع نفطر سوا
ناصره ابتسمت وقالت ماشي يا حبيبتي
بعد ساعه
هبه: عن اذنك يا ماا اناهدخل اطبخ
ناصره: خدي فرح معاكي عشان ندوق وكلها
ف المطبخ
هبه: انت حلوة قوي يا فرح
فرح: بإبتسامة تسلمي يا حبيبتي
هبه: انتي هتفضلي اكده من غير وكل هتتعبي كلي ولما جوزك ييجي ياكل
فرح: لا لما يرجع ناكل سوا
هبه: طيب يا حبيبتي
عد اليوم ولسه عمر مرجعش البيت
وحضرو الاكل وقعدو يتعشو
هبه: تعالي كلي يا فرح هتتعبي
فرح: لا انا هطلع استني فوق
ناصره: طيب يا بنتي
فرح ف اوضتها دخلت وفضلت تعيط وكانت حسا بخنقه وصعبت عليها نفسها اوي وبعد شويه عينيها راحت ف النوم و نامت ودموعها علي خدها
دخل عمر الاوضه
ومبصش لفرح بس هيا صحت اول محست ان في حد معاها ف الاوضه
فرح: بتوتر انزل احضرلك العشا
عمر وهو باصص للارض لا مش جعان وعايز اقولك حاجه انا مكنتش عايز اتجوز بعد مراتي عشان انا متجوزها عن حب ولحد دلوقت بحبها ومش هحب غيرها عشان تكوني عارفه ومتتوقعيش مني حاجه ونام
فرح دموعها نزلت وجريت علي الحمام وفضلت تعيط انا ليه بيحصل معايا كدا ليه يارب
واتوضت وطلعت وفرشت سجده الصلاة وصلات وبعدين نامت من غير اكل
تاني يوم فرح صحت بدري ودخلت الحمام وطلعت ملقتش عمر معاها ف الاوضه وغيرت هدومها ونزلت
تحت كان في ناس جايه تبارك للعروسين
ناصره: تعالي يامرات ولدي سلمي علي ستك يا حبيبتي
فرح سلمت علي كل الموجودين
وفاء: تعالي معايا عايزاكي ف حاجه
فرح بصت لحماتها بمعني اروح ولا لا
ناصره: روحي يا فرح
واخدتها ودخلو المطبخ
وفاء: انا بنت عمت عمر بس هو ميعرفنيش وانا برضو اول مره اشوفو انهارده
فرح: بابتسامة اهلا يا حبيبتي
وفاء: انت عسوله قوي
فرح: تسلمي يارب
برا عمر دخل وستو قالتلو عمر روح نادي مراتك تقعد معايا شويه
ناصره: ف المطبخ يا ولدي
عمر دخل المطبخ عشان ينادي فرح بس هو مش عارف انهي فيهم فرح في بنتين واقفين قدامو
هبه: في حاجه يا عمر
عمر: ايوا ستي عايزه فرح
هبه: ادخل واقفه مع وفاء هناك اهي
عمر اتوتر عشان هو مش عارف مين فرح ومين وفاء
قرب منهم وهو باصص علي الارض وقال كلمي ستي عايزكي برا يا فرح
فرح بصتلوبفرح اول مره يكلمها من ساعه ماجات وقالت حاضر
عمر بصلها وف نفسو قال انت فرح وفاضل باصص لها شويه و سرح ف جمالها
فرح عدت من قدامو وطلعت
هبه: عايز حاجه تاني يا عمر
عمر: هاا لا لا وطلع برا
برا ست عمر تعالي يا حبيبتي اقعدي هنا تعالي
فرح قعدت جمبها وعمر فاضل باصص لها مكنش متخيل ان البنت اللي اتجوزها بالجمال دا
بعد ساعه
ناصره: يلا يابني خد مراتك واطلع فوق مش بتاكل غير وانت موجود امبارح طول النهار مكلتش لقمه واحده قالت لما جوزي ييجي
عمر بص لفرح وحس بالذنب انها مكلتش طول النهار ولما رجع البيت سالتو تحضر العشا عشان ياكلو وهو رفض وكمان دايقها بالكلام ونامت من غير اكل واكيد نامت زعلانه
واخدها وطلع فوق
ف الاوضه
الباب خبط
عمر فتح طلعت هبه اخد منها صنيه الاكل
عمر: اا انت مكلتيش امبارح بجد
فرح: ايوا
عمر: طيب تعالي كلي
فرح: هتاكل معايا
عمر: لا مش عايز
فرح: خلاص مش عايزه
عمر: بصلها كدا هتتعبي تعالي كلي بلاش دلع
فرح: سكتت وبعدين قالت مش جعانه
عمر اخد الصنيه وحطها علي السرير وقال خلاص هاكل وياكي
فرح: ابتسمت وقعدت اكلت معاه وبعدين اخدت الصنيه وقالت هنزلها وجايه
عمربصلها وهز رأسو بمعني ماشي
الفصل الرابع
تحت فرح دخلت المطبخ و غسلت الاطباق اللي اكلو فيها وقالت عن اذنكم هطلع فوق
ست عمر اتفضلي يا حبيبتي اطلعي لجوزك
فرح طلعت ودخلت اوضتها
وقربت من عمر وكانت متردده وقاعده قدامو علي السرير وقالت انا غلطت ف حاجه طيب من اول ما جيت وانت مش عايزه تكلمني او تبص ف وشي هو انا وحشه يعني
عمر: لا والله انت حتي زي القمر ااا اقصد يعني لا مش زعلان منك
فرح: طيب ليه الكلام اللي قولتو امبارح
عمر: بصي انا مكنتش عايز اتجوز تاني بعد مراتي ما ماتت بس انا اتجوزتك عشان اراضي اهلي بس انتي حلوه اقصد تستاهلي غيري وتعيشي وتفرحي مع حد يقدر يساعدك
فرح: انت مش هتقدر تسعدني
عمر: انا اا بصي انت حلوه وتتحبي بس انا مش هحب بعد فريده
فرح: فريده
عمر: مراتي الاولى كنت بحبها واتجوزتها وفضلنا سوا بس عملت حادثه وماتت فيها وانا كدا هظلمك معايا
فرح: تقصد ايه
عمر: احنا محصلش ببنا حاجه ممكن بعد فتره ننفصل وتتجوزي غيري وتكملي حياتك وبكدا ابقي مظلمتكيش وبرضو عملت اللي اهلي عايزنو
فرح: يعني اهلك عايزينك تطلقني
عمر: لا
فرح: طيب بلاش نتكلم ف الموضوع دا تاني انا متجوزتش عشان ارجع لاهلي بعد فتره
وبعدين انت من حقك تعيش حياتك وتكمل هيا اكيد حسا بكل دا وهتزعل منك لما تعرف انك وقفت حياتك بعدها اكيد هيا عايزك مبسوط
عمر بصلها وسكت وبعدين دخل الحمام وطلع قعد علي الكنبه
فرح: انت هتنام فين
عمر: مكاني هنا علي الكنبه
فرح: قبل ماتتجوزني كنت بتنام فين
عمر: علي السرير
فرح: طيب يبقي تنام علي السرير انا مش هلغبط حياتك
عمر: وانت هتنامي فين
فرح: علي السرير برضو احنا متجوزين
عمر بصلها وسكت
فرح: طيب خلاص انا هنام علي الكنبه
عمر: ازاي مينفعش تنامي علي الكنبه
فرح: طيب ايه
عمر: قام ونام جامبها علي السرير
تاني يوم الصبح
صحت فرح الاول وفضلت تبص لعمر وقالت انا جيت البيت دا بصفتي مراتك يبقي لازم اعمل وجبي كازوجه حتي لو انا اتجوزتك غصب عني وانت برضو مش بتحبني ومتجوزني غصب عنك وقامت دخلت اخدت دوش ولابست دريس واسع ولفت طرحه
عمر صحي
فرح: صباح الخير
عمر: صباح الخير
فرح: احضرلك هدوم
عمر: بصلها شويا وقال اممم ماشي
فرح ابتسمت وحضرت هدوم لعمر وعمر دخل الحمام اخد دوش وطلع لفاف فوطه علي وسطو وعينياه ف الارض اسف نسيت اخد الهدوم
فرح: بخجل اممم انا هنزل وطلعت من الاوضه
عمر: ايه دا اللي بيحصل معايا دا
ولبس و سرح شعرو ورش برفان ونزل
علي صوت عالي
محمود: اهدي بس احنا متفقناش علي اكده
صالح: انا مليش في برضو دي بنت بنتي ولازم تعيش ف بيت ابوها انتوا عشان تجوزو ابنكم تظلمو البنت
محمود: طيب واطي صوتك تعالي نتكلم جوه
صالح: مش متحرك من اهنا
عمر: شاف البنت والبنت جريت عليه
عمرحضن البنت واخدها ف حضنو حبيبتي وحشتيني
البنت: وانت كمان وحشتني يابابا
فرح: باستغراب بابا هيا قالت بابا
وكلهم واقفين ووشهم ف الارض
فرح: انا مش فاهمه حاجه
عمر: باستغراب انت متعرفيش اني عندي بنت
فرح: ايه انت مش اتجوزت سنه
عمر: مين قال كدا انا اتجوزت 6سنين ودي بنتي وعندها 5سنين
فرح: بصدمه ازاي يعني انت عندك بنت كمان
عمر: ايوا انت فاكره اني مخلفتش
فرح جريت علي فوق وهيا بتعيط
محمود: ينفع اكده اديها عرفت
عمر: عرفت ايه انتوا كدبتو عليها وقولتو اني اتجوزت سنه ومخلفتش
محمود: عشان اهلها يوافقو علي الجوازه يابني
عمر: جوازه ايه حرام عليكم البنت دي زنبها ف راقبتكم
وطلع جري علي فوق
ودخل الاوضه
شاف فرح بتعيط
فرح ممكن نتكلم شويه
فرح: بعياط انتوا عملتو فيا كدا ليه
عمر: عينياه دمعت انا انا بجد مكنتش اعرف كل دا انا لسه عارف دلوقت والله
فرح: انا ليه بيحصل معايا كدا يوم متجوز اتجوز واحد بيحب مراتو اللي ماتت ومش عايزني ولا قابل موجودي اصلا وعنده بنت انتوا ليه كدبتو عليا
عمر: حقك عليا انا اسف بس والله مكنتش اعرف انا مكنتش عايز اتجوز اصلا بس هما قالولي ان لازم اجيب واحده اتجوزها عشان تساعدني ف تربيه عطر
وتكون ام ليها
فرح: بدموع بصتلو ورجعت بصت علي الارض وسابتو ودخلت الحمام
بعد شويه طلعت من الحمام وملقتش عمر ف الاوضه وبصت علي السرير لقت البنت نايمه علي السرير
فرح قربت منها وقعدت جمبها على السرير وفضلت تمشي ايديها علي شعر البنت
عمر كان داخل الاوضه شافها فاضل واقف بعيد بيراقب فرح بتعمل ايه
فرح: ياحبيبتي انتي صغيره اوي وعايشه ف كل الكدب دا ومامتك مش معاكي ازاي يبقي عندهم بنت زي القمر كدا ويقولو انها مش موجوده اصلا وينكرو انها منهم وميلت علي رأس البنت وباستها
عمر عينياه دمعت ودخل
فرح اتعدلت وفضلت قاعده ساكته
عمر: اجبلك اكل
فرح: مش جعانه
عمر: طيب ونام علي الكنبه
الباب خبط فرح فتحت
هبه: هاخد عطر عشان تنام ف اوضه تانيه
فرح: لا سيبيها هتنام هنا
هبه: طيب ومشت
فرح قربت من عطر واخدتها ف حضنها ونامت
تاني يوم
عمر قام من النوم شاف عطر ف حضن فرح ازاي ايه البنت دي ازاي بتتعامل معاها اكده وهيا مش بنتها
فرح صحت وبصت لعمر
عمر: انا هدخل استحمي
عطر صحت شافت فرح
عطر: انتي ماما الجديده
عمر باصص عليهم
فرح: ايوا يا حبيبتي انت اسمك ايه
عطر: اسمي عطر وانتي
فرح: اسمك جميل اوي انا اسمي فرح وباستها ف خدها
عطر: انتي حلوه اوي عينك لونها ازرق
فرح: ايوا حلوين
عطر: ايوا حلوين
فرح: ياقلبي انتي احلي واخدتها ف حضنها
عطر: ممكن اقولك ياماماعشان انا معنديش ماما
فرح: بدموع ايوا ياروحي قوليلي يا ماما انا من انهارده ماما
عطر: انا بحبك يا ماما فرح
فرح: وانا بحبك يا روحي انتي
عمر باستغرب من طريقه فرح مع عطر وكمان ازاي عطر اخدت علي فرح بسرعه اوي كدا ودخل ياخد دوش
