رواية الحربايه والثعبان الفصل الخامس والعشرون25والسادس والعشرون26 بقلم منه محمد
في منزل عائله دعاء
داغر رحلها لقاها قاعده استغرب: الله انتي لسه ملبستيش يا امي , مش جايه معانا
بهيه: معاكم فين يابني؟؟!!
الفت همست بتريقه: خد الجيران كمان مفضلش الا هما
داغر سمعها ولف وبصلها بنظره غيظ
بهيه: لاء يابني روحوا انتم, انا مش واخده ع اكل برا خلوني اكل في بيتي
داغر بأصرار: لاء هتيجي معانا , مش هسيبك في البيت لوحدك
بهيه: لكن يابني
ميسر: ياحماتي انتي ليه عنيده, ابنك عازمك قومي البسي وتعالي معانا , وممكن تيجي باللبس الي عليكي , حطي بس خمار ويله بينا
بهيه بسعاده: حاضر يا ولاد لو مصممين اجي , وامري لله, هروح اغير الخمار
الفت فكرت في حيله انها متخرجش معاهم ومسكت دماغها بألم
داغر مسكها بقلق: ايه الي حصل ياالفت
الفت: دماغي مره واحده
ميسر : مالها دماغك
الفت: معرفش ياختي مرة واحده خبط جامد, مش قادره حتي اقف
ميسرعوجت شفايفها: طب اقعدي متفقيش
الفت: صداع هجم مره واحده , هدخل افرد جسمي ع السرير
ميسر: يعني باظت الخروجه واتلغت
الفت بحده : يعني بتفكري في نفسك ،وانا الولع يعني
داغر سحبها بهدوء: تعالي اديلك برشام
ميسر: اه خدها
معمر : هروح اشتري اي حاجه نتعشاء بيها
داغر: تمام ياخويا
الفت دخلت وقعدت ع السرير وداغر ناولها برشامه: خديها مع كوبايه العصير
الفت بأبتسامه: تسلم
داغر: ثانيه والصداع هيروح
الفت: اكيد البرشامه الي عطتهالي مفعولها قوي
داغر: ان شاء الله
الفت كشرت: الخروجه باظت بسببي
داغر: كانت اقتراحك
الفت: ايوه طب هناكل ايه , واحنا مطبخناش في البيت
داغر: معمر اشتري اكل جاهز 'واكيد كلهم اكلوا , وانا مستنيكي ناكل سوي
الفت بخبث: طيب انا جعانه دلوقت , واكيد معمر جاب اكل ع مزاج اختي , ايه رايك نخرج نتعشي بره
داغر حرك دماغه : يله
الفت: بجد
داغر: زي ما تحبي
الفت قامت: اه يله
.......................
في نفس المطعم قاعدين الاربعه
داغر طلع ومعاه الفت وآمير شافه لف وشه عنه
دعاء قامت ضمته بلهفه: داغر اخويا عامل ايه
داغر ضمها اوي: انا كويس لما شوفتك
آمير بص في طبقه وجمال عيونه عليهم ورحاب قلبت وشها بقرفه!!!
داغر نقل نظراته عليهم وقالها: دعاء علاقتنا مش محتاجه لـ اذن من حد ’ولا يمكن تنتهي بسبب حد
دعاء عيونها لمعت بدموع: بتقول ايه ياداغر , محدش فرض قيود
داغر بصلهم كلهم : اياك تحسي في يوم انك لوحدك ابدا’ اخوكي لسه عايش ع وش الدنيا واياك تفكري نفسك ضعيفه ووحيده , واعرفي ان سعادتك هي اهم حاجه بالنسبه لنا , ولو كنتي سعيده ومبسوطه احنا مبسوطين عشانك _ طبطب ع دراعها بحنيه_ اقعدي كملي سهرتك
داغر سحب الفت ومشي وآمير سحب دعاء تقعد تكمل اكلها
......................
يوم جديد رحاب بتتصل بقالها يومين بجمال مش بيرد
ناني قربت عليها وسألتها: بتتصلي بمين؟؟!!
رحاب: جيمي يامامي من الصبح مش بيرد عليا , حتي امبارح اتصلت بيه كذا مره , برضه مش بيرد
ناني: يابنتي يمكن مشغول 'وهيتصل بيكي لما يفضي
رحاب بضيق: مشغول في ايه 'وهو مشغول لدرجه مش بيرد ع مكالمه واحده مني
ناني مسحت ع شعرها بحنان : هيرد بلاش تغيري مودك بشئ صغير , بفكر اتصل بسولا اسأل عنها, واتكلم معاها عن فرحكم , واول ما توصل نجهزله ايه رآيك
رحاب: اوكيه زي ما تحبوا
دعاء قربت عليهم: طنط رايحه للدكتوره النهارده للمتابعه 'ممكن امشي
ناني: امشي واسألي الدكتوره فيه مضاعفات , وفيه امل تخلفي تاني , ولا مفيش
دعاء سكتت شويه وقالت : سلام
ناني لرحاب: يله اعدلي مزاجك
رحاب: هحاول اتصل بيه تاني
......................
في العياده الي مزدحمه شويه
آمير وقف : اظاهر لسه بدري ع دورنا , بقولك ايه ممكن نستنيني بعد الكشف , وهرجعلك تاني
دعاء: ليه انت رايح فين؟؟!!
آمير: عندي اجتماع مهم ومش هينفع استني
دعاء: خلاص روح وانا هروح البيت في تاكسي
آمير: يعني مفيش مشكله
دعاء: لاء اطلاقا انا هرجع متقلقش
آمير: تمام يا قلبي سلام
دعاء: سوق ع مهلك
آمير وهو ماشي : اوكيه
دعاء خلصت الكشف والدكتوره طمنتها ممكن تحمل تاني وخرجت مطمنه ووقفت تاكسي وسرحت( الكون بيتغير كل يوم حتي الوقت بيتغير لكن بالنسبه لي انا كل حاجه اتغيرت فجأه .... عمري ما فكرت ابدا ان الفت حياتها هتتغير مع داغر بعد ما اخدت مني سعادتي في يوم من الايام ......حتي آمير لحد اليوم عمره ما سألني عن الي حصل او اجهضت ازاي...... لكن عارفه وحاسه بقهرته ......الله اعلم هعوضه امتي بطفل تاني
دعاء فاقت من افكارها لما شافت جمال قاعد مع بنت في العربيه في وضع مخل ونزلت بجسمها بسرعه ليشوفها ورجعت الفيلا وناويه تخلص منه للابد
دعاء دخلت عليهم: مساء الخير
الجده: مساء النور اتأخرتي ليه كدا يابنتي
دعاء: الدكتوره كان عندها زحمه
ناني: وقالت لك ايه
دعاء: كل حاجه تمام والحمد لله
ناني: ده مش واضح بعد ما كل حاجه ادمرت
رحاب نفخت بضجر: بليز مامي سيبك من الامور المحبطه وقوليلي طنط سولا قالت لك ايه
ناني ابتسمتلها: رحبت جدا بالفرح , وبتقول ايه رايكم يبقي الشهر الجاي , كدا فاضل ثلاث اسابيع يادوب نجهز فيهم
الجده: اه وتقريبا كل حاجه جاهزه , فيلا جمال موجوده , والعفش والديكورات امرهم سهل ونبدء من بكره ننقي الفستان , والشبكه , والقاعه , بس
ناني: بس حاجات كتير هنعملها يا ماما
الجده: الفلوس تخلص كل حاجه متقلقيش
دعاء حست انها واقفه مهمشه وخافت تقول اي كلمه دلوقت في عز فرحتهم هتتفهم انها حاقده انسحبت من سكات واخدت بعضها وطلعت جناحها
..............................
في الجنينه في منزل عائله آمير
دعاء راحتلها: رحاب
رحاب نزلت الموبيل ع ودنها: نعم
دعاء: كنت عايزه اقولك ع حاجه ,ممكن
رحاب: اه قولي
دعاء: النهارده شوفت جمال مع بنت
رحاب ربعت ايدها قدام صدرها: ايوه فين المشكله , هو له اصحاب كتير في الشله
دعاء: ايوه لكن الوضع الي كانوا فيه سوي ميتقلش انهم اصحاب وبس
رحاب: بتحاولي تقولي ايه؟؟!!
دعاء: يعني كانوا قريبين اوي من بعض وكان احم بيبوسها
رحاب بصوت عالي : انتي بتقولي ايه , انتي كريزي
ناني خرجتلهم بعدم فهم:: فيه ايه يارحاب؟؟!!
رحاب بنفعال: معرفش يا مامي مرآه ابنك بتتهم ان جمال كان مع بنت , وبيبوسها مش عارفه اي كدبه هتقولها تاني
دعاء هزت دماغها بنفي: هكدب ليه انا شوفتهم , واظن كنا عارفين جمال , كويس من ايام الجامعه
رحاب بدفاع : انا عارفه جمال اكتر منك , انتي بتقلبي الدنيا ضده لما تقولي الكدب ده عنه
رحاب: انا مش عايزه كدا يارحاب انا بقولك الحقيقه الي شوفتها بعيني , مش فاكره لما كان في الجامعه كان بتاع بنات
ناني بدهشه: رحاب بتقول ايه دي
رحاب بتحاول الانكار: ولاحاجه مامي هي بترمي تهم ع جمال , مش عارفه يعني اسبابها ان انا وهو مش نتجوز
ناني: اتصلي بيه اسألي هو فين
رحاب اتصلت وبعصبيه: الو جمال انت فين , انا بتصل بيك من الصبح مش بترد ليه؟؟!!!
جمال: سوري اتصلتي وانا مشغول , ومقدرتش اتصل بيكي تاني
رحاب: وياتري مشغول في ايه ياريت توضح
جمال: ابدا ابن عم صاحبي عمل حادثه, ودخل العمليات , وانا طول النهار مع سامو حتي اتبرعت بالدم
رحاب: يعني انت حاليا في المستشفي
جمال: لسه يادوب راجع البيت , وشوفت اتصالك , وكنت هاخد شور , واتصل بيكي , بس انتي سبقتيني واتصلتي
رحاب: اصل دعاء بتقول انها شافتك مع بنت
جمال: بنت انا مع سامو , لو مش مصدقاني خدي كلميه
سامو بصله والبنت كانت هتضحك وهو حط ايده علي شفايفها بغيظ وقال: سامو رحاب معاك
سامو رد: هالو رحاب
رحاب: هاي سامو ابن عمك عامل ايه حاليا
سامو كتم ضحكته وقال: الحمد لله بقي احسن
رحاب:تمام هكلمك اطمن تاني سلام
سامو: سلام
رحاب: مش بقولك انها كدابه
دعاء: انا مش كدابه ثقي فيا شوفتهم بنفسي
رحاب كرمشت ملامحها بقرف : استغفر الله العظيم
ناني بشخط فيها: عايزه ايه يادعاء ؟؟قدمنالك كل حاجه الاحترام والحب , عايزه ايه تاني اكتر من كده, انتي ليه عدوتنا كده , مالك ومال بنتي , ليه مستكتره عليها السعاده , لما يوصل آمير هقوله ع افعالك المقززه
.....................
في الصالون دعاء واقفه كأنها متهمه والقاضي بيحقق معاها
ناني بنفعال: حالا تسألها هي عايزه ايه مننا, ليه بتعمل كدا في رحاب ليه مستكتره عليها سعادتها , عملت لها ايه اختك عشان تسيئ ليها كدا؟!
آمير واقف ومكور كف ايده بعصبيه وبيحاول يتحكم في ثبات انفعاله
ناني: وبقولك اهو انا اتحملت بما يكفي , لكن لو حاولت تقف في طريق سعاده بنتي , مش هسامحها والافضل تفهمها بأسلوبك الخاص ان صبري له حدود
آمير مشي ع جناحه ودعاء جريت وراه: امير اسمعني انا مش كدابه جمال بيخدع رحاب شوفته مع بنت تانيه في وضع منحط , وانت عارف لايمكن اضر رحاب , عشان هي اختك وقبله هي صاحبتي
آمير: هي دي بقي الطريقه الي بتحافظي بيها ع صحوبيتك , قوليلي دي صداقه , بجد مبقتش عارف مشاعرك الحقيقه ناحيه اختي, لو مسمعتكيش بنفسي لما حاولتي تخففي عن اخوكي 'وانتي في الحقيقه جواكي بتتمني الشر لرحاب , وشوفي انا وانتي الي بنتحمل العواقب , وفقدنا ابننا , بس انتي موقفتيش , لسه مكمله مع تصرفاتك الغريبه
دعاء بحلقت فيه بصدمة: ده مفهومك عني
آمير بعصبيه شديده: لان دي الحقيقه , رحاب رفضت اخوكي , وانتي شايله , في قلبك ضغينه
ضدها' عاملتي مشكله مع عريسها رامز' ودلوقت بتكرري نفس الفعل
دعاء عيونها وسعت وفضلت ترمش بعيونها بدموع : بقي انا بفكر كدا , انت شايفني كدا يا آمير, بجد اخس عليك , بجد اخس
آمير اتغيرت ملامحه بقهره وقال: دعاء كفايه لان لا دموعك ولاعصبيتك , هيخيلوا عليا بعد اللحظه , وبحذرك ابعدي عن حياه اختي وخطيبها نهائي , ولو اتأثرت علاقتهم بسببك, اعتبرها نهايه لعلاقتنا انا وانتي
دعاء بصتله واتغير لون وشها وهو وخرج بكل غضبه وهي قعدت تبكي ولنفسها: جمال انتصر عليا مره تانيه ...وطلعت قدامهم كدابه ومعنديش دليل يثبت اني مش كدابه......ازاي افهمهم انه بيستخدم رحاب سلاح للانتقام مني...ورغم رحاب عارفه كل حاجه لسه بتصدقه وبتثق فيه ثقه عمياء... او انها بتحبه بشكل اعمي واطرش ..... والحب بيضغي بالتأكيد ع التفكير , جمال هو نقطه ضعف رحاب وهو بيغشها وقادر يخدعها ..وانا مع الاسف مش قادره انقذها من النار الي هتحرق نفسها فيها ........لان انا شايفه نفسي بتحرق فيها
..............
رياض: ده مش امر صغير عشان نتجاهله
ناني: ده الي بقوله مراه ابنك اتجاوزت كل حدودها , ولو موقفنهاش عند حدها هتزيد , وبنتي تخسر حبيبها
رياض: انتي بتقولي ايه بس , ليه دعاء تكدب في حاجه كبيره زي دي ؟؟!!
ناني: كنت هصدقها لو رحاب متصلتش بجمال وكان مع صاحبه في المستشفي , وبنتك كلمته بنفسها ودي مش اول مره دعاء تعملها , اظن عملتها مع دره , وعارفه انها مش هتقف
الجده: هو فيه حل واحد ينهي المشاكل , ان رحاب تتجوز جمال في اسرع وقت , عشان يبقي جوازهم في امان
ناني: دعاء عايزه تنهي اي ارتباط , عايزه تحرم بنتي من السعاده ومتتجوزش ابدا
رياص: هتكلم مع آمير بنفسي ،هسأله نعمل ايه بلاش انتي
ناني: انا اتكلمت معاه , وحذرته يوقف مراته , والا العواقب هتبقي كبيره
رياض: ناني ممكن تهدي انا عليا احافظ ع سعاده ابني وبنتي , لانهم غالين عندي, وبجد آمير بيعاني من المشاكل الكتير في حياته , من فضلك بلاش تزوديها عليه لو سمحتي ممكن
......................
في منزل عائله آمير في الصالون
رحاب صافحته بحراره: اتأخرت ليه؟؟!!
جمال سلم وقعد مثل الحزن : العربيه اتعطلت , وبصراحه كنت محروج اجي, بعد التهمه الي قالتها عني دعاء , ومحتار ليه قالت عني كدا , ومش عارف هواجهه البيت هنا ازي؟!
رحاب: دعاء اتجاوزت حدودها ولازم نوقفها والا هتخلق بينا خلافات كده وبس
جمال: ده الي كنت بفكر اعمله ازاي نوقفها , اقسم لك لو مكنتش جزء من عايلتك كان عندي كذا طريقه اوقفها , لكن مش عايز بيت آمير يتخرب بسببي
رحاب: لو بيته اتخرب هيبقي بسبب افعال مراته , انا حياتي بتبوظ , ولو كانت هي جزء من عيلتنا انت كمان جزء منها , وعارفه هي بتهاجمك لانها بتحاربني بشكل غير مباشر , وخداني عدوه ليها
جمال مثل الحنان: حبيتي اهدي ممكن , كل الامور هتبقي تمام , هنعمل كل حاجه سوي متقلقيش
الجده دخلت بترحاب : ليه يابني بطلت تيجي هنا
ناني: كان لازم اتصل بيك بنفسي
جمال اتنهد بحزن وضيق : ان جيتي للحق ياطنط , لو مكنتيش اتصلتي بيا وطلبتيني اجي , مكنتش جيت , لاني محرج جدا , ومش عارف ازاي هواجهكم
ناني: يابني احنا بقينا واحد مفيش حرج, بس نعمل ايه فيه امور بتحصل خارجه عن سيطرتنا وبعتذرلك كمان مره , بعد اعتذار بنتي رحاب
جمال بصلهم بهدوء وقال : لاء ياطنط , من فضلك متعتذريش عمال ع بطال , متحرجنيش , انا بس موجوع ان دعاء عندها ضغينه كبيره في قلبها ناحيتي , يمكن لسه مزعوجه من يوم القهوه , عشان كدا افترت عليا او انا مش عاجبها لرحاب
الجده: متقولش كدا يابني , دعاء غلطانه , أكيد شافت شخص تاني افتكرته انت!
ناني: لكن ياماما مكنش يصح دعاء تعمل كده , حتي لو عندها ضغينه منه, جمال عنده حق , وده تدني منها , تعرف لولا آمير كنت طردتها من البيت
الجده بضيق منها: ناني بلاش الكلام ده , وقومي يارحاب قولي لـ امال تعمل حساب جمال معانا ع الغداء
رحاب قامت: حاضر
جمال في نفسه الخبيثه: جاي الوقت ده يادعاء وقريب.... لو مخرجتيش من هنا مهمتي كدا لسه ناقصه .........ولازم اكملها
.............قصص منه محمد كاتب.............
جمال شافها في الجنينه استأذن وخرج بحجه انه هيعمل مكالمه لقاها واقفه راح وقف وراها وقال: انتي حزينه لازم تبقي كده لانك مقدرتيش تحققي الي انتي عيزاه
دعاء لفت وبصتله: ليه بتخدع رحاب وهي بتحبك وواثقه فيك , وانت للاسف بتستخدم مشاعرها اسوء استغلال
جمال ابتسم بغرور : مبقتش عارف كام بنت بتعشقني , ومش معقول ههتم بمشاعرهم كلهم
دعاء : انت مش بتتكسف من نفسك , عندك فكره لما الكل يعرف وشك الحقيقي, مش هتقدر ترفع عينك في اي حد فيهم
جمال مط شفايفه لقدام: انا دلوقت قلقي عليكي وبس , لان الوضع الحالي انتي بتواجهي كل ده ياروحي
دعاء : انت بتنتقم مني مش كدا
جمال بنظره كلها غل: شور واظن عارفه السبب
دعاء : شوف مهما حصل مكنش مقصود ,عارفه غطلت في حقك غلطه كبيرة, لكن بعتذرلك عنها الف مره
جمال اتك ع اسنانه بقسوه رهيبه: اعتذار , بس انا مش قادر اسامحك يادعاء , رفضتي حبي الكبير , وانا الي اخترتك من كل بنات العالم تكوني زوجه ليا مش بنت اتسلي معاها , وردك عليا كان بلطشه قلم قدام زملائي, اهانتيني وكسرتي كبريائي , وروحتي اتجوزتي غيري مستحيل اسامحك عليه ابدا , الحرب بينا لسه منتهتش استعدي للجاي لانه اقوي
................
في فيلا عائله جمال
جمال مبتسم: اخيرا رجعتي مام
سولا: ايوه برغم خالك كان مًًصر افضل كمان شهر, لكن قلت ارجع وافضل معاك
جمال ابتسم: الشغل ماشي , لو خالو عايزك ارجعي اسبوعين حتي معاه
سولا بصتله ببتسامه: عارفه ان الشغل انت مهتم جدا بيه , لكن فيه امور تانيه لازم اسويها
جمال حط رجل ع التانيه وسألها: ايه هي
سولا :ناني اتصلت بيا واظن كدا بتلمح للفرح وبسرعه 'وبتقول انكم مخطوبين بقالكم فتره ونحدد معاد الفرح 'وهزورهم كمان يومين ونحدد هقوم اخد شور
جمال وقف : مام انا مش عايز اتجوز
سولا بستغراب : انت بتقول ايه ليه مش عايز تتجوز
جمال : قصدي مش عايز اتجوز دلوقت
سولا : وده كلام منطقي انت خاطب هنستني لحد امتي؟
جمال : لما اعوز انا
سولا : ابني ده مش كلام ناس عاقلين , خطبت وانت قلت بينكم تفهم متبادل , والمطلوب مننا نحدد معاد فرحكم , وانا معنديش اعتراض وعايزه افرح بيك
جمال : بس انا عندي اعتراض تام , وياريت بلاش تجبريني
سولا بندهاش: انا اجبرتك ع رحاب يا جمال
جمال نطق بحزم: ايوه لو مأجبرتنيش مكنتش خطبت اصلا( خطف موبيله وخرج
سولا بصوت عالي: جمال ولد عايز ايه بجد غريب
الفصل السادس والعشرون
في منزل عائله آمير وتحديد الصالون
دعاء: آمير ليه اتاخرت كدا , الكل مستنينك ع العشي
آمير بتكشيره: مش جعان
دعاء بهدوء: انت زعلان مني , لكن الاكل ماله بزعلنا , الكل مستنيك , مش حلوه يستنوا
آمير بقتضاب: هم مضايقين , عشان كدا مش عايز اواجههم , ومش عارف حتي ازاي هواجههم , كان قراري من الجواز منك
دعاء عيونها اتملت بالدموع ونزلت دماغها لتحت
آمير : دعاء من فضلك امشي , مش عايز اقول اي كلام ارجع اندم عليه , فـ امشي
رياض قرب لما دعاء مشت وقاله: عارف انك مضايق ياحبيبي
آمير بصوت مقهور: عشان متوقعتش الفعل ده من مراتي يابابا
رياض: يابني اوقات الي مش بنتوقعه هو الي بيحصل, وقادر افهم خيبه املك, لكن مينفعش تهمشها كونها انسانه
آمير: هو انت متخيل اني في يوم همشتها , انا كنت دايما بدعمها , اتخانقت مع امي في كل مره حسيت فيها انها ع حق , كنت دايما بفضلها , لكن هي خيبت املي وخذلتني
رياض بهدوء : انت بتفكر بعصبيه ومش دي الطريقه الي بتفكر بيها دايما , ياحبيبي لازم تفكر في المشكله الي بينك وبين دعاء بطريقه هاديه ناضجه , وتوازن الامور بينها وبين عائلتك , الي هم مضايقين بسبب التوتر الدائم بينكم
آمير: حاضر يابابا
رياض: عايز اتكلم معاك في موضوع تاني, مهما كانت المشاكل الي معاك انت وداغر مينفعش تمنع مراتك عنهم سيبها تقابل امها ده حقها
آمير: انا منعتها لان الامور زادت وخفت تكبر اكتر
رياض: غلط ايه عرفك يمكن تغير موقفها هو سبب حرمانها منهم , فكر يابني لو اختك تقبل جوزها يمنعها عننا
...........
في منزل عائله دعاء
الفت: داغر هو انت قبضت
داغر بيسرح شعره قصاد المرايا: ايوه بتسألي ليه
الفت: يعني مدتنيش اي فلوس
داغر بيقفل الشنطه: قولي عايزه كام ،مصروف ايدك وانا اديلك
الفت بتعجب: انا مش بسأل عن مصروف ايدي , بسأل عن مصروف خزين البيت طول الشهر
داغر: المرتب كله بديه لـ امي كل اول شهر هي تصرف
الفت: ده كان زمان 'لكن انا هنا ست البيت المفروض انا الي اخد واصرف
داغر: شوفي يا الفت امي هي الكبيره ولا يمكن حد يتحمل المسؤليه احسن منها
الفت: لكن معمر طول عمره بيدي المرتب لميسر
داغر بجديه: انا مش زي معمر , ولا هكون زيه ابدا , اسف جدا هديلك الفلوس الي انتي بس محتاجلها , لكن امي هي الي هتمسك مسؤليه المصاريف في البيت
الفت: يعني ده اخر كلام عندك
داغر وهو خارج من الباب: ايوه ومعنديش غيره
...............قصص منه محمد كاتب............
الفت دخلت عليها متعصبه: شايفه لازم اتحايل واتوسل عشان اخد فلوس
ميسر: حصل ايه, ليه داخله عليا بزعابيب أمشير
الفت: ماهو لازم تحصل زعابيب واعصار في البيت هنا
ميسر عوجت شفايفها: ده الحال . قوليلي اتخانقتي ليه مع داغر؟؟!
الفت: مش انتي طول عمرك الي شايله مسؤليه البيت , ومعمر عطاكي مرتبه طول السنين دي
ميسر: ايوه حصل
الفت: اشمعني انا لما طلبت من داغر امسك المصروف, رفض هو انا غلط
ميسر بتحريض: لاء ده حقك لكن كل حاجه في ايد امه , من اول ما جوزك اتوظف وهو بيدي كل المرتب لامه, والله اعلم بتحوش 'ولا بتصرفه كله
الفت: لما هي فلوس جوزي ليه يبقوا في ايد امه , بجد مش معقول, يقولي دي كبيره البيت سبيها تتحمل المسؤليه
ميسر بخبث : اظن قولت لك داغر زمامه في ايد امه, بس اوعي تسكتي, انتي مراته, لحد امتي هيتجاهلك لازم يخضع ويسمعلك انتي وبس!!!!
..................................
في منزل عائله دعاء ع العشاء
بهيه: داغر فين مراتك هي مش هتاكل؟!
داغر: يمكن مش جعانه يا امي
بهيه: ازاي يعني مش جعانه هقوم اجيبها
داغر مسك ايدها: امي ليه قلقانه , هي مش طفله , لو جعانه هتنزل تاكل
بهيه: سيبني اطلع اجيبها تاكل يابني
داغر: يعني هتعزميها زي الضيفه ده بيتها ,وهي واحده منه مش غريبه
ميسر: داغر هي مراتك ولازم تقلق عليها, وتشوفها ليه مش راضيه تاكل
بهيه: وليه يابنتي مش راضيه تاكل
ميسر قامت : لو حد هنا هيقلق يبقي انا اختها , ومش هقدر اكل لقمه لحد ما هي تنزل , تاكل معانا
بهيه: خليكي قاعده انا هطلع اجيبها
داغر بص لميسر وعارف انها بترسم ع حاجه لكن مفهومه
بهيه طلعتلها : مالك يا الفت كلنا تحت بناكل مالك انتي كويسه
الفت نزلت دموع التمثيل: هيجرالي ايه يعني اكتر ما حياتي بتدمر لان بختي وحظي قليل
بهيه: ايه الكلام الخايب ده , ليه كلامك يائس كدا , هو داغر قالك حاجه زعلتك
الفت: هيقول ايه يعني حتي لو مقلش حاجه عارفه انه مش بيقدرني من اساسه
بهيه ازاي يعني ده واجب عليه يقدرك ده حقك عليه
الفت : بتتكلمي عن الحقوق , وداغر مش مقدرني , هو مفكرني مقدرش اعمل حاجه رفض يسلمني مسؤليه البيت , انا قلت اخفف الحمل عليكي , بتعملي كل حاجه بنفسك , قلت اساعدك وطلبت منه يديني مصروف البيت لحد امتي هتشيلي الحمل, بس هو مش بيثق فيا , عشان كدا رفض بتصميم اني ممسكش مصروف البيت
بهيه : يعني ده الموضوع , والله فكرت مشكله كبيره(بتمسح دموعها في عطف وسحبتها من ايدها ع تحت) تعالي اتعشي الاول ولا تزعلي نفسك, من بكره تمسكي المصروف , وتمشي البيت , هتكلم مع داغر بنفسي , يله تعالي يابنتي
الفت نزلت مع بهيه وبصت لميسر بنتصار وداغر اتنهد بضيق منهم هي واختها !!!
ميسر رسمت الحنيه وقالت : تعالي يا الفت اقعدي كلي
...........................
في منزل عائله آمير
ناني للجده: مش غريبه تيجي سولا ومتتكلمش عن معاد الفرح , ولا حتي جابت سيره نهائي
رحاب: مالك يا مامي اتكلمي مع نفسك
الجده: بتقولي ايه هو مش انتي العروسه , وعيب كل شويه نسأل امتي معاد الفرح ,ده هيبقي وضع مش لطيف
ناني: بالظبط انا لمحتلها مرتين , لكن مش هتكلم مباشر, يقوله علينا ايه , بنتنا فيها عيب وعايزين نتخلص منها
رحاب: مامي stupid انتي افكارك قديمه انا هتكلم بنفسي
ناني: انتي الي دلوقت stupid 'هتتكلمي تقولي ايه كدا الكلام محرج
رحاب: خلاص هكلم جمال يسأل مامته
ناني: حتي لما جات كان فيها حاجه متغيره متوتره ومرتبكه ياتري جمال حكلها عن الي عملته دعاء وهي زعلانه ومتكلمتش عن الفرح
الجده: احتمال اه, واحتمال لاء
ناني: انا قولت من الاول دعاء هتعمل اي حاجه عشان تفركش الجوازه دي ولو ده حصل
الجده: اهدي ياناني ده مجرد تخمينا احنا , والجواز متعلق بالقسمه والنصيب, لو بنتنا مكتوبه لجمال محدش يقدر يقف قدام المكتوب, متقلقيش ثقي في الله
ناني: اتمني ان ده يحصل , رحاب اتكلمي مع خطيبك , يمكن يقولك حاجه , ع الاقل نفهم , بدل ما احنا قلقانين كدا
رحاب: اوكيه هتكلم معاه
............
في الكافيه بتكلمه في معاد الفرح وحس انه هيتورط شغل دماغه وقرر يقلب التربيزه عليها ويهرب!!!
جمال بنفعال: مالك مفيش كلام ما بينا غير موضوع الفرح
رحاب بدهشه: انت الي مالك ليه بتتكلم معايا بنفعال كدا
جمال: مش فاهم سبب تسرعك انتي وعائلتك لجوزنا
رحاب: تسرع احنا بقالنا ست شهور مخطوبين , وده مجرد اجراء شكلي , ومش عجبني لان احنا اوردي عارفين بعض من سنين , وبنحب بعض ليه تضيع وقت
جمال بتهكم: سوري مين بيضيع وقت , انا بضيع وقت!!!
رحاب: برافو حالا تقلب كلامي وتخلق منه سوء تفاهم جيمي ليه مش قادر تفهمني
جمال: انا فاهم انتي مستعجله بسبب دعاء , عارفه ليه لانك شاكيتي اني بلعب بيكي
رحاب: لاء مش كدا انت فاهم غلط
جمال: لاء فاهمك صح جدا , انتي اساسا مش بتثقي فيا
رحاب مسكت ايده: جمال اسمعني مالك
جمال سحب ايده منها ووقف: مفيش حاجه تتسمع ويترد عليها , فقدان الثقه في العلاقه الكلام يبقي ملوش اي فايده هنا. بس انا كنت غبي , عشان استسلمت لحبك لكن للاسف حبك بالنسبه لي من غير ثقه
رحاب جريت وراه: جيمي اسمعني
.................
في منزل عائله آمير
رحاب بحده : دعاء اقفي
دعاء استغربت : فيه ايه
رحاب زعقت اكتر وهي بتعيط بنهيار : فيه ان كل الي يحصلي بسببك , عايزه ايه من اول ما دخلتي حياتنا اتحولت لجحيم ومرار, ليه بتدخلي في حياتي , عايزه مني ايه؟؟!!
رياض قرب بخضه: في ايه
ناني: رحاب ليه بتعيطي
رحاب من بين دموعها: مامي كل الي بيحصل بسببها
ناني: انتي قابلتي جمال حصل ايه
رحاب: جمال( مقدرتش تكمل وانفجرت في البكاء
ناني: يابنتي قولي حصل ايه
رحاب شهقت بقهر وهي بتشاور ع دعاء : حصل كله بسببها , قلبت جمال عليا 'لدرجه انه مبقاش عايز يتجوزني
رياض: جمال قالك كده
رحاب: لاء يابابي هو بيظن اني مش بثق فيه , وعشان كدا بنجبره يتجوزني
رياض بغضب: وانتي ازاي تتكلمي معاه في حاجه زي دي وانا روحت فين احل مشكلتك ماتفهمي بنتك
ناني اتنرفزت: اعمل ده ازاي , وانا مش فاهمة الموضوع كامل اساسا, بس ده معنها ان كل شكوكي كانت في محلها , جمال حكي لسولا كل حاجه , عشان كدا مشت بسرعه , مبسوطه يا ست دعاء فركشتي الخطوبه لتاني مره
رياض: ناني ليه تتهميها هي مالها , بكره نروح لبيت جمال نفهم الحكايه , ونتكلم وجه لوجهه ونبعد سوء الفم
رحاب جريت ع غرفتها وناني راحت وراها ورياض بص لدعاء بضيق ومشي
دعاء راحت غرفه الجده : انتي كمان مضايقه مني , زي البقيه مصدقه ان انا السبب زيهم وان انا بحاول اوقع رحاب في خطيبها , واسرق سعادتها, صدقيني مفيش في قلبي اي نيه وحشه ناحيه رحاب
الجده: يابنتي الله اعلم بنوايا كل البشر , بس الي اعرفه ان معندكيش نيه وحشه ناحيه اي حد
دعاء: ليه محدش مصدقني فكري في الامر , انا اقدر اتهمه بكدبه كبيره زي دي 'وانا عارفه العقاب والذنب
الجده: لكن مفيش دليل , ومينفعش نصدر احكام ع انسان من غير دليل , ده كدا يبقي منتهي الغباء فهمتي الامر غلط , وعشان كدا رحاب وجمال مش متفقين واحنا بنواجهه مشكله كبيره , وندعي الله ان ابني وناني يقنعوا سولا , وكل حاجه تتم ع خير , والا الامور هتبقي اسوء' ورحاب فرحتها هتتكسر
..........................
في منزل عائله دعاء في شقه داغر
ميسر بحقد رهيب جواها : قوليلي بقي ايه نوع السحر الي لحستي بيه امه واخدتيها تحت جناحك وسمعت كلامك
الفت رفعه حاجب بكيد : مش هقولك عليه , لو قولت لك السحر اثره هيزول 'ويبطل مفعوله
ميسر رفعت حاجب بغيظ : والنبي ايه, انا اختك , وعارفه كل حيلك الخبيثه
الفت: يبقي بتسألي ليه , اظن اتعلمت ع ايدك , واظن معمر رقص ع افعالك , طول عشره 8 سنين , وانا عايزه اسيطر ع داغر, بنفس الطريقه
ميسر بخبت ومكر: هيكون صعب , لاء ده مستحيل , تقدري تجربي كل حيلك لكن مش هيرقص ع انغامك, لان لسه امه عايشه ع وش الدنيا , يارب تكوني بتفهمي!!
الفت تابعتها لحد ماخرجت ولمت الفلوس في حجرها وقالت: انا محتاجلها دلوقت لانه بيسمع كلامي بسببها..... لكن لما احقق هدفي ....هزحها من طريقي _كبشت الفلوس_ لماعد الفلوس تاني
...........
في منزل جمال
سولا بأحراج: اسفه مكنتش اعرف عن ده , جمال محكليش حاجه عن الي قاله لرحاب
ناني: رحاب زعلانه جدا واحنا بنقلق عليها لما بتضايق
سولا: هو جمال احيانا بيتصرف بطفوليه شويه, واكيد الي قاله كلام وقت غضب متقلقوش هتكلم معاه واخليه يراضي رحاب
ناني: هي دي طبيعه العلاقات الجميله , وحاسه ان هيستمر الحب والتفاهم ما بينا في المستقبل
رياض: مدام سولا انا هكون واضح جدا معاكي , احنا عايزين نجوزهم قبل ما يحصل سوء تفاهم , ويخلق بينهم مشاكل
سولا: انا كمان عايزه كدا , حتي اتكلمت مع جمال بس هو قلقان لانه داخل مشروع جديد , وطلب نأجل شويه , لكن اطمنوا هتكلم معاه تاني في الامر, وبجد معنديش خلفيه عن كلامه مع رحاب, لكن لو حضرتك شايف ان ده الحل الوحيد نزيل بيه سوء التفاهم ما بينهم , انا معنديش مانع , لانه انسب حل لينا احنا كمان ومنه نفرح بولادنا
رياض: كل ما تقصر فتره الخطوبه كل ما كان افضل
سولا: انا متفقه معاك 'متقلقش خالص هتكلم مع ابني
......................
سولا: عايزه افهم انت ليه متعصب كدا فيها ايه لوحددت المعاد
جمال بنفعال: من غير ما تسأليني عن رآي كنبه انا تحددي معاد فرحي
سولا: اظن اتكلمت معاك , مش مره واحده 'كذا مره , لدرجه مش فكراهم
جمال بعصبية : وقولت لك مش هتجوز دلوقت , مهما حصل
سولا: ما انت رافض الجواز منها ع سبب تافهه وسطحي , وهم اعتذروا عن اي سوء فهم عملته دعاء , عايز ايه تاني يبوسه ايدك ورجلك
جمال نفخ بضجر: الموضوع مش كدا خالص
سولا: مهما كان ترمي وري ضهرك, اظن انت الي اخترت رحاب , وانا روحت معاك زي ما طلبت عاوزني اطلع صغيره قدامهم
جمال: مام انتي مش فاهمه حاجه , انتي اساسا متعرفيش اي حاجه
سولا: جمال مش عايزه افهم ولا اعرف حاجه , احتفظ بيهم لنفسك, بس صعب اطلع مش قد كلمتي , ومش هتراجع بسبب اسلوبك الطفولي, لسه فاضل ثلاث اسابيع رتب افكارك وقرر, اظن دي مش مشكله عليك كبيره
.....................
في منزل عائله آمير
آمير فاتح الاب: ده حلوه اوي يارحاب
رحاب بأبتسامه: لاء مبهرج شويه
آمير بمرح : بصي كله ترتر
رحاب ضحكت: وانا بلبس ترتر
الجده بفرحه كبيره : بس يا آمير مضايقهاش , خليها تختار الفستان ع ذوقها , الا يارياض طبعت كروت الفرح
رياض: يا ماما ياريتها وقفت ع الكروت , ده لسه فاضل حاجات يما , ويارب نلحق ننجزها
ناني: كله هيخلص بأذن الله , بكره هننزل انا وبنوتي اشترلها الفستان واه كلم السواق يجي بالعربيه الكبيره , عشان لو اشترينا حاجات تانيه
رحاب: بابي العربيه الكبيره دي اهم حاجه , عشان الفستان , وغير كدا كمان طنط سولا جايه معنا للشوبنج
آمير: فكره حلو
رحاب: كفك ميرو
ناني: خلاص كله يروح للشوبنج
رياض: تمام هكلم السواق يجهزلكم العربيه الكبيره , تاخدكم كلكم , وانت يا آمير عليك تطبع كروت الفرح
آمير: بسيطه
دعاء حست ان ملهاش مكان وسطيهم قامت بهدوء طلعت جناحها
..........
دعاء قاعده حاطه ايدها ع خدها وآمير طلع من التوالت بصلها في انعكاس المرايا وقلبه وجعه عليها فتح درج وطلع منه الفيزا كارد
آمير مدهلها: خالي دي معاكي
دعاء بصتله: اعمل بيها ايه؟؟!!
آمير: تشتري فستان لفرح رحاب , والا هتحضري بهدوم قديمه
دعاء: يظهر محدش عاوزني احضر فرحها, محدش بيشاركني في اي حاجه او حتي من باب المجامله , وجبر الخاطر , حتي اختك محبتش تفرجني حاجاتها حاسه اني غريبه في بيتي , وكأني مليش اي وجود , مجرد كرسي قاعد بس وسطيكم
آمير اتنهد وقعد جنبها: دعاء انتي المسؤله عن حالتك حاليا, والا كانت رحاب هتشاركك في ترتيبات فرحها , بصي انتي ساعدي امي واتولي المسؤليه وصدقيني واحده واحده كل حاجه هترجع, احسن
دعاء: ومعاك انت هترجع احسن , والا هتفضل تبعد وكارهني كدا
آمير اتنهد تنهيده طويله: انا بعدت مش بمزاجي , ومش معني اني بعدت ابقي كارهك , انا قولت ابعد عشان احافظ ع حبنا , وانتي عارفه يادعاء اني بحبك , والقلب عمره ما يسيب سكينته , لكن الي عملتيه ضايقني اوي منك وهتعب طول منا بعاتبك فيه
دعاء بنبرةٍ حزينة: واظن اول يوم اتجوزنا فيه قلت لك اياك تسبني, حتي في الخصام احتويني مهما حصل بينا , لانك سندي , وعكازي , واماني , وكل شئ ليا هنا
آمير ضمها لصدره بحنيه وابتسم : وانا ياستي لسه عكازك , عشان كدا هروح معاكي نعمل شوبنج , ونشتري سوي الفستان مبسوطه
دعاء دخلت في حضنه كأنها بتدور عن الامان فيه : اكيد يعني مبسوطه
.......................
في جناح دعاء ع الموبيل
دعاء: وحشتيني يا بهيه
بهيه: يافشاره معقول يعني انتي مشغوله لدرجه نسيتي امك خالص
دعاء: فيه حد ينسي امه برضو
بهيه: خلاص تيجي تزورينا النهارده , فاهمه انك مشغوله بس اعمل ايه وحشتي امك اوي يا ضنايا , وياعالم فاضل اد ايه في عمري
دعاء: بالله عليكي متقولي حاجه زي دي تاني
بهيه: خلاص مش هقول قوليلي امتي هتزوريني
دعاء: ماما مقدرش اوعدك , بس هعمل المستحيل واجي اشوفك
بهيه: لو عايزني اتحايل ع آمير انه يبعتك اشوفك اتحايل
دعاء: مفيش داعي للمحايله, اصل كمان اخته هتتجوز, وكلنا هنبقي مشغولين وآمير مشغول
بهيه: يعني رحاب هتتجوز , ربنا يتمم لها بخير , وبلغي مباركتي لجوزك واهله بالنيابه عني
دعاء: حاضر هوصل
بهيه: خليكي معاهم انتي مراه ابنهم الوحيد ولازم تبقي قد المسؤليه وانا عارفه انك قدها يادعاء وعارفه انك شاطره وخفيفه لكن يابنتي خدي بالك متديش لحد فيهم فرصه للشكيه منك
دعاء: حاضر يا ماما نسيت الاكل ع النار
بهيه ضحكت: تمام يابنتي مع السلامه
الفت كانت بتتسمع وبسرعه دخلت لداغر الي قاعد يشتغل
الفت: داغر سمعت ان رحاب هتتجوز
داغر ساب الي في ايده وحاسس بالسخط والقهر !!!
الفت بكيد : حتي معزمناش , بجد آمير ده طلع اي كلام , مش انت صاحبه ونسيبه كان لازم يعزمك
..................
في جناح آمير ودعاء
آمير دخل بهزار : حبيبتي اهلي فين اتخطفوا
دعاء ضحكت: كلهم راحوا يشتروا مع رحاب
آمير: بس الوقت اتأخر كانوا المفروض هنا
دعاء: يمكن الوقت سرقهم
آمير: اوكيه , يله احنا كمان نشتري , مفيش حد احسن من حد
دعاء بتعجب: دلوقت!!
آمير: اه دلوقت , ونشتري وبعده نتعشي سوي , وبعده نروح نزور السلطانه بهيه
دعاء بفرحه كبيره: بجد ياآمير هشوف امي
آمير: ايوه عارف انها اكيد وحشتك , وهي كمان بس البسي في ثواني
دعاء جريت بفرحه: حمامه هلبس في ثانيه , وتلاقيني طايره عليك
..............
في عربيه جمال ع الموبيل
سامو : راحت خطتك في الباي في كل الاحول
جمال: مام دمرت كل حاجه , حددت معاد الفرح من غير ما تسألني , وبتستعد كمان, انا اصلا مش عايز اتجوز من رحاب ابدآآ, انا اصلا مش عايز اتجوز
سامو: لو مامتك عرفت بخطتك الاصليه هتتبرء منك فورا
جمال: متقلقش خطتي اتعطلت شويه ودعاء لسه في مكانها
سامو: لو حابب كمل للنهايه طالما هتموت من بعد دعاء , اتجوز رحاب وبعدها بكام شهر طلقها
جمال اتعصب : ازاي يعني اطلقها , وانا اساسا مش طايق اتجوزها
سامو: اانت مش عايز تتجوز , خلاص عندي خطه لحياتك , ولا تكمل وتخلف عيال
جمال : بطل هبل وقولي ازاي اوقف الجوازه دي
سامو: قول لرحاب وش انك مش عايز تتجوزها
جمال : ايه الفكره الغبيه زيك دي
سامو : شوف رحاب بتكره دعاء كتير , وانا عارف ان دعاء مش مبسوطه وهي شيفاك حواليها , زائد انت ورحاب عندكم نفس الدافع الانتقام من دعاء
جمال: رحاب مش هتقبل ااجل الجوازه ابدا , هتاخد الموضوع ع برستيجها
سامو ضحك : يبقي تجهز نفسك تندب فيها
جمال اتنرفز جدا وحدف الموبيل وبيرفع عينه لقاه نفسه داخل في عربيه قدامه