رواية الحربايه والثعبان
الفصل السابع7 والثامن8
بقلم منه محمد
في غرفه العرسان
آمير دخل بصلها وابتسم وباس جبينها وشفايفها ولفها وفتحلها سحابه الفستان سمع صوت صريخ جاي من تحت ارتبك جدا وفتح الباب وطلب من دعاء تنتظره وخصاً انها خلعت الفستان
آمير جري ع تحت: رحاب مالك؟؟!!
رحاب بألم : رجلي اتلوت جامد يا آمير
ناني قربت عليهم بخضه: مالها بنتي
آمير: شكلها اتكعبلت رحاب هتقدري تمشي
رحاب بدموع: لاء مش قادره خالص
آمير شالها زي البيبي: تعالي اوضتك, هتصل بالدكتور
بالفعل الدكتور كشف وقال انه مجرد التواء بسيط ومفيش داعي للاشعه لان مفيش كسر وربطلها رباط ضغط وكتبلها ع مرهم ومسكن وغادر
آمير بقلق: ها احسن دلوقت؟؟!
رحاب ببتسامه: اممم احسن عارف انا مضايقه عشان كان يوم مهم بالنسبه لك ,وباظ بسببي
آمير: بتقولي ايه بس يا رحاب حتي متفكريش في ده , انتي اهم من اي حد في الدنيا عندي 'وبلاش تتصرفي معايا ع اني حد غريب عنك انتي اختي
ناني بسعاده: ربنا يخليكم لبعض ’ آمير يله اطلع ارتاح الوقت اتأخر ,وزمان عروستك مستنياك
آمير بص لرحاب وابتسم: حاضر! رحاب اهتمي بنفسك تصبحوا ع جنه
رحاب وناني: وانت من اهلها
ناني : يله هجبلك بيجامه تغيري وتنامي
رحاب: اوكيه
...........قصص منه محمد كاتب............
في غرفه دعاء آمير دخل بشويش لقاها نايمه قاعده اضايق وهي حست بصوت الباب قامت واتعدلت
آمير قرب منها وبأحراج: سوري جدا عشان, اتأخرت بصراحه رحاب جبنلها الدكتور
دعاء: ليه هي اتعورت
آمير مسك ايدها وميل بجنبه عليها : لاء هي كويسه , رجلها بس من الكعب اتلوت , والحمد لله انه مش كسر بس طبعا بتتوجع
دعاء اضايقت شويه بس سكتت
آمير: دعاء رحاب هي حياتي, لو اتشكت قلبي يوجعني عليها ,انا وهي بنحب بعض بشده وعشان تكسبي قلب كل فرد في البيت هنا ويحبوكي تاخدي بالك منها, احنا مبنقدرش نتحمل لو بس اتخدشت او حد زعلها 'اوعديني انك هتحبيها قد ما بحبها
دعاء ضربته ع ايده بهزار: اظاهر نسيت ان رحاب افضل صاحبه ليا
آمير: اوتش فعلا نسيت
دعاء ببتسامه لطيفه: متقلقش خالص, هحطها في عيوني واهتم بيها كتير , حتي لو انت مطلبتش ده مني
آمير: بس عارفه انك جميله اوي وانا هكلك هم دلوقت
دعاء: عارف سمعت عن هم يبكي وهم يضحك ومعاك سمعت عن هم ياجمل
آمير ضمها وضحك: وانا لو لفيت العالم كله مش هلاقي في خفه دمك , وحالا هاخدك لعالم تاني!!!
............قصص منه محمد كاتب.............
يوم جديد في الصباح في منزل دعاء
داغر رجع من السوق: امي جبتلك كل حاجه طلبتيها يله شهلي شويه
بهيه بتغلف العلب: حاضر يا ضنيا كله جاهز
داغر: يعني اتصل بالسواق يجيب العربيه
بهيه: ربع ساعه اعبي الحاجه والبس عبايتي والطرحه ونتوكل
داغر حط الموبيل ع ودنه وهو طالع ع بره: تمام هتصل اقوله
ميسر دخلت تتأمل الكياس بفضولها: ايه ده كله حلويات وفطير وقشطه ولبن رايب, كل ده عشان فطار دعاء! ممكن اقولك ع حاجه لو معندكيش مانع ياحماتي
بهيه بضيق: قولي يا ميسر
ميسر: يعني عايله جوز دعاء اغنياء اوي معقول هياكلوا الاكل البلدي ده
بهيه: اه هما اغنياء ,لكن هم ناس بسيطه جدا, وبعدين كل واحد بيقدم الي ع قده وده قدنا
بيبو: ستي هروح معاكم
بهيه مسحت ع شعره برفق: اه طبعا تعال
ميسر بشخط: ليه تروح هناك هتعمل ايه؟؟!
بهيه: ليه تقوليله لاء ,خليه يروح لعمته يشوف بيتها
ميسر لكن (سكتت ولنفسها) حتي انا مشوفتش بيتها لازم اعرف عايشه فين بصت لبهيه وقالت) تمام خديه معاكي وانا كمان جايه معاكم مشتفتش بيت دعاء
بهيه بارتباك :اه وماله
ميسر مسكت ايد ابنها وخارجه من المطبخ: تعال البسك والبس يا بيبو ونروح سوي
داغر اتك ع اسنانه بغيظ: دي ايه الي هيوديها
بهيه بضيق: قالت عايزه تروح
داغر بصوت عالي بسيط: هتشوفي هتعمل مشكله هناك وتحرق دمنا
بهيه :هش وطي صوتك, اسمعني كويس رايحين لبيت اختك, لو انت عملت مشكله معاها هناك هتشوف مني , يله حط معايا الحاجه في الشنطه خلينا نمشي
...........قصص منه محمد كاتب............
في غرفه رحاب
آمير: عامله ايه دلوقت؟؟!!
رحاب : نص نص
آمير: عارفه انا مقدرتش انام طول الليل من قلقي عليكي ،بس لما شوفتك ارتاحت
رحاب بدلع عليه: عارفه انك بتقلق عليا' بس انا كويسه
آمير اتنهد: الحمد لله بس الدكتور قال بلاش تدوسي عليها دلوقت , ونريحها وبعدين المشي هيزود المك
رحاب : يعني بالليل حفلتك وانا اقعد في السرير كده
آمير: يمكن ع بالليل تقدري تمشي عليها
رحاب رفعت كتافها ومطت شفايفها بمكر:يمكن
آمير : لو متحسنتيش هلغي الحفله بالليل
رحاب: لا مش محتاجين لده
آمير قام من مكانه: هقوم تحبي ابعتلك عصير
رحاب بتمسد ع الرباط : ياريت يكون orange juice
آمير شاورلها بتحذير : متلمسهاش كدا هتزودي الوجع
رحاب :اوكيه
آمير: شاطره هبعتلك orange juice
..........قصص منه محمد كاتب...........
في غرفه دعاء قامت اخدت شور وطلعت صلت الصبح وراحت لبست عبايه رقيقه ورفعت شعرها كله ع فوق وحطت ميكب اب لايذكر هادي جدا وراحت تبص من وري الازاز وهي مبسوطه بحياتها الجديده لقته فتح الباب ودخل
دعاء: انت كنت فين؟؟!!
آمير: نزلت اطمن ع رحاب والحمد لله بقت احسن
دعاء: وليه لما صحيت مصحتنيش معاك
آمير داعب خدها: حياتي سهرتك معايا طول الليل قلت اسيبك تصحي براحتك
دعاء: ياسلام ما انت سهرت معايا
آمير: ايوه بس انا مقدرتش انام من قلقي عليها ,اه بالحق داغر اتصل
دعاء بلهفه: وقالك ايه؟؟!!
آمير: شويه وجاين يشوفوكي , ممكن تنزلي لرحاب وتسالي عن صحتها هي هتحب الاهتمام منك
دعاء : حاضر
امير عدلها شعرها وهي نزلت مبسوطه وسألت عن رحاب عرفت انها في الجنينه
دعاء : رحاب
رحاب شاورت لها بأبتسامه مزيفه: تعالي
دعاء قربت : عامله ايه دلوقت امير قالي انك وقعتي من ع السلم
رحاب : اه اتكعبلت كدا فجأه
دعاء: انتي كويسه ولا حاسه بأيه
رحاب ايوه كويسه وبخير
دعاء : بس اوعاكي تمشي عليها لازم تريحيها ولو محتاجه اي حاجه اطلبي مني
رحاب :ده لطف منك انا مكسوفه من الي حصل امبارح بجد محروجه جدا
دعاء : ليه بتقولي كدا
رحاب :يعني اكيد استنيني آمير مده طويله
دعاء مسكت كف ايدها بحنان: رحاب بتقولي ايه؟؟ انتي عارفه مش بس اخت آمير , انتي صاحبتي الانتيم , واحنا الاتنين لايمكن نتحمل وجعك
رحاب طبطبت ع كف ايدها: ثانكيو كلامك له قيمه كبيره
دعاء قامت: لو احتاجتي اي حاجه متقوميش , اتصلي بيا ,وانا هروح اطمن ع جدتي ورجعالك
رحاب متابعها ولنفسها: بنت فقيره ....مكنتش عايزه اعمل معاها كده ....بس اعمل ايه اذتني كتير .....في الاول حاولت تخطف جيمي .....ودلوقت دخلت بيني وبين اخويا .....بس انا هدمر حياتها تماما..... وهخليها تفتكرني بالي هعمله فيها طول حياتها.......!!
...............قصص منه محمد كاتب.................
في الفيلا في الصالون
ناني بعتاب : ليه بس مكلفين وتاعبين نفسكم كدا وجايبن فطار
ميسر بحقد: ده بالظبط الي قولته , اصل مش معقول ناس في مستواكم هياكلو الاكل السوقي ده
بهيه وشها احمر وابتسمت غصب وقالت: الموضوع مش تعب ولا حاجه يامدام ناني ,بس عادات عدنا اهل العروسه بيجبولها الفطار
ناني ببساطه: يابهيه ده بيتك من دلوقت ,وعشان كدا هنقعد كلنا نفطر سوي
بهيه حركت دماغها برفض: لاء
ميسر بفضول: امال فين الانسه الصغيره مش شايفنها
ناني بصتلها وابتسمت: هي في اوضتها اصلها اتزحلقت امبارح وبتستريح
داغر حس ان قلبه وجعه عليها وبهيه قالت : سلامتها وهي عامله ايه دلوقت؟؟!!
ناني: الحمد لله افضل
ميسر : هي العروسه وشها شؤم ولا ايه؟؟!!
ناني اتصدمت وبهيه اتكت ع شفتها بقهره وداغر نفسه يعمل معاها مهرجان بس سكت
دعاء نزلت بفرحه: ماما (ضمتها) وحشتيني
بهيه تضمها وتبوس فيها: وانتي اكتر يا بنت قلبي
دعاء: عامله ايه ياحبيبتي
بهيه: لما شوفتك بقيت كويسه خالص
بيبو جري عليها: عمتي
دعاء ضمته لحضنها: حبيب عمتو عامل ايه يابيبو
بيبو : انا حلو
دعاء ضمت اخوها :عامل ايه ياداغر؟؟
داغر طبطب ع ضهرها : انا زي الفل
دعاء سلمت : ميسر ازيك
ميسر بحقد وغيظ: هيجرالي ايه؟؟ انا زي منا , بس انتي اتغيرتي واحلويتي , طبعا كماليات بتجمل وتعمل من البوصه عروسه
داغر كتم غيظه وقال: دودوه امال فين آمير
دعاء: اه آمير نازل حالا
امال الشغاله: مدام ناني الفطار جاهز ع السفره
ناني : اوكيه , يله يا بهيه كلنا هنفطر سوي
بهيه: لا احنا هنسلم ع امير ونمشي
ناني : ده اسمه كلام ميصحش , دعاء قولي لوالدتك واخوكي ومراه اخوكي , انهم لازم يفطروا معانا
دعاء قامت ومسكت ايد امها ومشت بيها : ماما تعالي يله داغر يله يله ياميسر
ميسر :زي ما تحبوا انا عن نفسي معنديش اعتراض
دعاء: تعال يا بيبو
ميسر: روح يابيبو ده بيت عمتك
............قصص منه محمد كاتب.........
في بيت اهل دعاء
ميسر بحقد : اه يا الفت الفيلا زي الي بتطلع في التلفزيون . ولا السفيره عزيزه ليها دور بحاله، مش زي العشه الي انا عايشه فيها
الفت : انا استنتجت لما شوفت القاعه ولا فستان دعاء وشبكتها حظها نار
ميسر :ده مش حظ ده ذكائها وقعت شاب غني واتجوزته ,مش لوكنتي سمعتي كلامي كنت جوزتك امير مهما كلفني الامر
الفت نفخت : كفايه قلت لك انا مش مهتمه بالجواز منه
ميسر مصمصت شفايفها : امال مهتمه تتجوزي من مين قوليلي
الفت بتردد: لو قولت لك مش هتهبي فيا
ميسر : مين ماتقولي
الفت بخوف : داغر
ميسر خبطت ع صدرها بنفعال: نهار امك اسود ,داغر انتي اتهبلتي ولا عقلك فوت 'بقي ده الي بتفكري فيه يا ام عقل مهلبيه
الفت: اعمل ايه بحبه
ميسر بغيظ: لو قمت هبدتك قلم سقع هترجعي لعقلك, يعني تحبي واحد مش محترم وفقران وانا بقول ليه كل شويه جايه تزورني دلوقت بس عرفت وفهمت , يرجع بس داغر من بره وانا هفرجه ازاي يحصل كده
الفت: اياك تقولي اي حاجه لداغر وتزعليه , ده انا بكافح اعلقه بيا , وكل ما بحاول اقرب يبعد عني اكتر
ميسر: انتي لازم تبعدي عنه حياتك هتدمر بالحب ده , وانا مش هسيبك تدمري نفسك , هقول لامك نوافق ع السمكري
الفت قامت: انتي ليه مش قادره تتحملي ,اني اكون سعيده هرجع بيتنا ,ولو قلتي اي كلمه لامك هشرب سم
ميسر: اسمعيني يا الفت انتي يابت
الفت مشت تبرطم وهبدت الباب ع اخره وميسر دخلت لقت بهيه راقده قالت تفش غلها فيها
ميسر زعقت وخبطت ع التربيزه : انتي لسه نايمه امال مين الي هيعمل الاكل
بهيه قامت اتعدلت بتعب: نمت بعد ماصليت الظهر حاسه جسمي همدان
ميسر: ده كده من يوم ,اسمعي انا من يوم ما اتجوزت ابنك وانا شايله مسؤليه البيت حتي كوبايه الشاي بتاعه الصبحيه مش بلحق اشربها ,ويقف احضر الفطر لابنك وحفيدك لحد امتي هيستمر الوضع ده
بهيه: انا صحتي تعبانه ودعاء مشت عشان كدا معلش اتحملي النهارده بس ومن بكره هبدء اشيل البيت
ميسر: خلاص خلاص هسيبك المره دي ,بس من بكره مفيش معاكي تهاون ,والي كانت بتعمله دعاء انتي الي هتعمليه بدالها ,جوزي بيجيب القرش وانا بروق بره وجوه ومن بكره مفيش تهاون سامعه
بهيه بتعب شديد :يارب اديني القوه والصبر
..............قصص منه محمد كاتب................
في بيت عائله امير
الجده: يا امال طلبت منك تدلكي ركبي
امال: والله يا حجا تغريد نسيت 'اتلخمت في شغل البيت
دعاء: مالك يا جدتي حاسه بأيه
الجده: الم في مفاصل ركبي وساعات بتشد عليا بس التدليك بيريحها اصل المسكن مش بيضيع الوجع
دعاء: لو سمحتلي انا ادلكهملك
الجده: يابنتي انتي لسه عروسه تقعدي مع عريسك امال هدلكم
دعاء مبتسمه : آمير نايم شويه ,والمسأله مش هتاخد عمر وبعدين شوفي الراحه الي هتحسيها من ايدي لو معنكديش مانع ممكن اعمل ده
الجده: يابنتي مش عايزه اشغلك
دعاء: يله بس انا هنا وهعمل شغل البيت
الجده: يازين ما ربيتك بهيه عشان كدا آمير اختارك ربنا يباركلك في صحتك وشبابك
رحاب سمعت كل كلامهم وده زود انتقامها اكتر وقالت في نفسها: بنت الغلابه بتعمل كدا عشان تاخد الكل وبتبهرنا بشغل الملاك ........دي مش هتاخد ثانيه هتشوف هعمل فيها ايه بتاعه التلات ورقات ....عايزه تشتغل في البيت اوكيه ......ماكون رحاب رياض ان ما خلتها خدامه عبده في البيت
............قصص منه محمد كاتب............
يوم جديد في جناح دعاء الي بتحاول تتصل بأمها واخوها مفيش اي رد وده خوفها
آمير دخل: مساء الخير ياقمر
دعاء: رجعت
أمير: لقيت قلبي قاعد بيفكر فيكي ومش عارف اركز في الشغل وعمال يقولي قوم روح واقعد مع مراتك الجميله ,فسمعت كلامه وجيت ,بس القمر شكله مضايق ,حد قالك حاجه في البيت ضايقتك
دعاء حركت دماغها شمال ويمين: لا مفيش حد قال
آمير: امال
دعاء: بتصل بأمي من بدري مش بترد
أمسر ابتسم: بقي عشان كدا روح قلبي مكشره يمكن نايمه , والله خضتيني قلت القيامه قامت
دعاء: يا آمير حتي داغر بتصل بيه مش بيرد
آمير: داغر مكلمني بعد الضهر
دعاء بخوف وقلق: امال ليه مش بيرد عليا
آميرحط الموبيل ع ودنه: استني هتصل من موبيلي ,,الو ايوه ياداغر دعاء عماله تتصل بيك انتي وخالتي من مده, ليه مش بترد عليها وهي قلقانه
داغر: آمير اخدت امي للمستشفي ولسه راجعين البيت
آمير: وهي عامله ايه دلوقت ؟؟ وقالك ايه الدكتور
دعاء بفزع : دكتور (شدت منه الموبيل) سبني انا اكلمه ايوه ياداغر مالها امي
داغر: امنا عندها سخونيه وجسمها هذيل شويه , اخدتها للدكتور وهي بخير متقلقيش
دعاء: هات امي اتكلم معاها
داغر: هي نايمه دلوقت اديتها العلاج واول ما تقوم هخليها تكلمك يله سلام
آمير: قالك ايه
دعاء بدموع: ازاي امي حرارتها عليت كدا فجأه
أمير ابتسم بستغراب: حياتي الناس عادي بيجلهم سخونيه في اي وقت , ولا هي المفروض تدينا معاد
دعاء: امير ممكن اروح اطمن عليها
آمير: يعني معقول انتي تروحي وقت ما تحبي
دعاء: طيب يله بينا دلوقت
آمير: تمام اجهزي وهاخدك
دعاء: هلبس في خمس دقائق
أمير اخدها ونزلوا لتحت : هطلع اشغل العربيه
دعاء: امير هروح اقول لطنط ناني
آمير مسك ايدها رجعها له : ماما مش في البيت , راحت النادي وانا بلغت رحاب تقولها لما ترجع , يله بينا حبي
...........قصص منه محمد كاتب................
في منزل عائله آمير
ناني دخلت مجهده من النادي: امال كوبايه ميه لو سمحتي
رحاب طلعت: رجعتي بدري
ناني: ايوه آمير لسه مرجعش
رحاب: جه وخرج تاني
ناني بتعجب: ع فين؟؟!!
رحاب بمكر: معرفش ع فين ماهو لما يتجوز واحده من اختياره هو مش هيقولك لما يجي يخرج هيقولها هي شايفه مهنش عليه يبلغلك
ناني: بتقولي ايه ابني مش كدا
رحاب: ايوه بس هي هتغيره ع اسلوبها وهيتعامل زيها , يامامي البيئات دي بيربوا البنات ع انهم يستحوزه ع الراجل و فرض السيطره , واظن شوفتي امير مجنون بيها ازاي لو قدر يتجاهلك مره هيقدر الف مره وهيبقي الامر عادي
ناني : كلامك صح , لان دي اول مره تحصل انه يخرج من غير ما يقولي , حتي لو مكنتش موجوده في البيت كان بيفضل يتصل او يكتب لي رساله ع الواتس
رحاب: مامي الوضع بقي مختلف , دعاء خليته ميتصلش وربما اجباري تتعودي والارجح هيرجعوا البيت متأخر , قومي ارتاحي
.........قصص منه محمد كاتب.............
في منزل عائله دعاء الي دخلت تتطمن ع امها
بهيه: ليه يابنتي جبتي جوزك ع ملا وشه يا امير انا كويسه الحمد لله
آمير ضحك : شايف ياخالتي وانتي عامله ايه دلوقت؟؟!!
بهيه: انا الحمد لله في صحه ونعمه بوجودكم حواليا
دعاء: لاء مش كدا داغر قالي عندك سخونيه من ايه؟؟!!
بهيه: يابنتي سخونيه خفيفه وداغر كبر الحكايه وصمم الا ياخدني المستشفي
دعاء: داغر عمل الصح لـ سمح الله حالتك سائت بعد كده
آمير: دعاء كانت قلقانه عشان كدا جبتها تطمن وترتاح
بهيه: هي كدا تقلق من اقل حاجه , بس ان جيت للحق عملت خير انك جبتها ,كانت بجد وحشاني
داغر بمرح: يا امي يعني احنا مصدقنا وعملنا المستحيل عشان تمشي من البيت , ويادوب مشت وارتاحنا
دعاء كشرت بطريقه كوميدي: ياخساره , مبسوط اوي انك مشتني من البيت
داغر بمرح : يابنتي ده انا كل يوم بصلي واشكر الله سجده شكر
دعاء: شايفه ابنك بيقول ايه؟؟!!
بهيه ضحكت اوي : داغر بيهزر ده انتي بتوحشيه اكتر مني , ويفضل يجيب في سيرتك كل دقيقه والتانيه!!
دعاء باست ايدها: بجد انتي كويسه
بهيه: ايوه ياحبيبتي انتي ليه عامله قلق
ميسر من بره: شهل يامعمر الراجل هيقفل ومش هلحق اغير البلوزه
معمر بيلبس الكوتش: انا لسه راجع من الشغل ما كنتي تستني الصبح
ميسر: مقدرش اقعد للصبح مقدرش
معمر سمع صوت اخته قال لميسر: مش ده صوت دعاء (دخل) مش معقول دعاء وأمير اهلا بالعرسان جيتم امتي
آمير بعد ما سلم: من شويه , خالتي مكنتش كويسه جينا نطمن عليها
معمربقلق : ايه الي حصل ياامي
دعاء: عندها سخونيه عاليه شويه
معمر بصلها بضيق : وليه محدش بلغني ليه ياميسر مقولتليش
بهيه: اخدني اخوك للدكتور , وانا بقيت احسن بعد ما اخدت الدواء , متقلقش
معمر: كمان روحتوا للدكتور وانا معرفش ومحدش بلغني
ميسر: اظاهر احنا مش منهم لدرجه بلغوه جوز بنتهم
داغر بصلها بضيق: معمر كلنا عايشين تحت سقف واحد, لو سألت عن امك لمده خمس دقايق كنت هتعرف مالها , مش محتاج الامر لرساله خاصه
دعاء: حتي انا يا ابيه محدش اتصل قالي انا اتصلت بنفسي اطمن ع امي وعـ
ميسر قطعتها بحقد: فضينا مفيش داعي تشرحي نفسك , انا عارفه كل حاجه والي بتفكره فيه كلكم
معمر بصلها اتك ع سنانه: ده مش وقت مناسب للشكوي , امي تعبانه ودعاء وآمير اول مره بيزورنا يقول علينا ايه
امير: شكلك نسيت يا معمر انا مش اول مره اجي البيت
معمر: اه بس الوضع دلوقت مختلف ميسر روحي اعملي عصير او شاي
دعاء: لاء يا ابيه مفيش داعي للشكليات احنا مش غرب ميسر اقعدي هعمل كل حاجه
داغر: دودوه اقعدي , انتي ضيفه هنا وبعدين ميسر بتعمل عصير ليمون لذيذ , ودي فرصه نشربه
ميسر بصتله بغيظ وداغر ابتسم ببرود , اما آمير كتم ضحكته لانه فاهم حركات داغر انه بيفرسها
..............قصص منه محمد كاتب......................
في الجنينه
ناني كل شويه تبص في الساعه: شايف الساعه بقت كام ولسه مرجعوش
رياض بصلها: لسه عرسان جداد , وده الوقت الي يخرجوا ينبسطوا متقلقيش
ناني: مش ضد انهم يتفسحوا وينبسطوا , بس ع الاقل يبلغونا , ابني معلمهاش قبل كده كان بيقولي خط سيره
رياض: انتي مكنتيش موجوده في البيت
ناني بغضب : كان ع الاقل اتصل او هي قالت للجدته, مش معني انه اتجوز ينسي عادته , وده معناه انه مبقاش ليه قيمه عنده
رياض حط العصير بغيظ وانطلق فيها: حصلك ايه ياناني الامر مش جريمه , ومش مستاهل الغضب ده كله , حتي انا مش لاقي مشكله كبيره , وبعدين دعاء جات بيتنا امتي من يومين مش سنتين , واحده واحده هتتعود ع عادت واصول البيت , بلاش تعملي برومجنده ع مسأله صغيره , خالي قلبك كبير
ناني بنفعال : يعني انا معنديش قلب . التصرف ده يظهر ان دعاء انسانه انانيه متملكه , مهنش عليها تكلف نفسها وتبلغني قبل ما تخرج ’ وده ملوش غير معناه واحد انها نسيت وجودي وهتاخد ابني مني , وبعد كدا هتعمل الي هي عيزاه
رياض بزهق: بجد منطقك غريب وعجيب , البنت معندهاش حتي النيه لكل ده , وانها قاصده تتجاهلك ’ واسمعيني مش هنخلق مشاكل في البيت ع امور تافهه , وده معتمد عليكي وع دره فعلك
رحاب فوق سامعه كل كلامهم وبفرحه: دلوقت هقف استمتع وغضب امي بيزيد تدريجيا..... ولما يوصلوا هتنفجر ....ولازم اكون موجوده اثناء العرض الحصري ......لكن لو حضرت هتسأل من امير .....لا خليني هنا اتفرج عليها من فوق وهي بتتهزق تحت .....لما اروح اكلم جيمي .....الغبي مش بيتصل بيا ........لازم انا كل مره اتصل بيه
الفصل الثامن
علي شط البحر
دعاء: امير
آمير: افندم
دعاء: مش اتاخرنا ع البيت الساعه عدت اتنين
أمير ضمها: هنرجع نتمشي شويه كمان , المكان ده كنت دايما بتخيلك ماشيه معايا فيه , وقلت اول ما نرتبط هجيبك
دعاء: هو الصراحه حلو اوي
آمير بصلها مبتسم: ولسه فيه اماكن هاخدك عليها نخلد ذكريات لينا سوي
دعاء: انت روعه جدا ثانكيو حبيبي
آمير: بصراحه انا الي بقولك ثانكيو, المفروض كنا نسافرشهر عسل بس للاسف مقدرش احققلك ده , لاني ماسك شغل جديد ومقدرش اسيبه في الوقت الحالي , بس اوعدك هنسافر اي بلد تختاريها
دعاء: حبيبي ممكن في اي وقت نسافر لكن دلوقت خلينا هنا وبجد مبسوطه ومزاجي سوف فاني جدا وتوعدني نيجي هنا تاني
آمير: يعني دي رغبتك بس
دعاء: ايوه
آمير مسح ع شعرها بحنيه : ياستي عيوني عشانك
دعاء: تسلم عيونك ويله بينا بقي
آمير مسك ايدها بين ايديه : نتمشي شويه كمان
اتمشوا ورجعوا مبسوطين وداخلين بيضحكوا ويهزروا لقوا ناني قاعده
آمير ببتسامه واسعه: ماما انتي لسه صاحيه
ناني وقفت في مكانها : هي حصلت قبل كدا انام وانت مش موجود
آمير: اسف بس الوقت سرقنا وروحنـا
ناني قطعته بحده: مش مهتمه كنت فين؟؟ لكن البيت له قاعده ونظام ع الاقل اتصل , قولي انك هتخرج وترجع بعد نص الليل , عشان مقعدش قلقانه ومتوتره
دعاء بهدوء: طنط ناني دي مش غلطه امير انا
ناني بنرفزه : انا بتكلم مع ابني مش مستنيه تفهميني
آمير بضيق من اسلوبها مع حبيبته وقال: ايه الي حصل يا ماما انا بلغت رحاب هي مقلتلكيش
ناني: رحاب عيله انت مش قادر تبلغني
آمير: ابلغك ازاي وحضرتك مكنتيش في البيت
ناني: بس عايشه مامتش ع الاقل اتصل بيا تطمني
آمير: ماما مش ملاحظه انك بتكلميني كأني عيل صغير
ناني: يعني مش معترف بغلطك ولو شويه , لو انا مش مهمه بالنسبه لك , يبقي انا واحده عبيطه الي قاعده مستنياك لوقت الفجر
ناني مشت وآمير محروج من تعاملها معاه قدام مراته وانها بتحاسبه ع انه طفل صغير
واخد زوجته وطلع ع جناحه متعصب جدا
آمير: بجد مش فاهم هي ليه غضبانه كدا رغم اني قولت لرحاب
دعاء: يمكن نسيت تقولها
آمير بحمقه: ازاي يعني انا هروح اسألها واشوفها ازاي نسيت!!
دعاء: تروح فين مفيش فايده من الكلام معاها دلوقت , يمكن تقاوح معاك ويكبر الموضوع ,بص انهي الموضوع لحد هنا وتعال ننزل نعتذرلها
آمير: مكنش ينفع امي تتكلم معاكي بالطريقه المهينه دي
دعاء: أمير هي كانت متعصبه وانا مش زعلانه منها , ده انا عايزه انزل اعتذرلها بنفسي
آمير بتهكم: تعتذري ليه هو انتي غلطي في ايه , هي اهانتك
دعاء: لكن يا آمير
آمير اتنهد بقهره : سبيها هتروق الصبح قومي هات لي بيجامه الوقت اتأخر ولازم اروح الشركه الصبح
دعاء: حاضر
ناني كانت طالعه تصلح الي عملته لانها حست انها زودتها مع ابنها حتي دعاء قلت لها كتير بدون سبب لكن للاسف سمعت كل كلمه آميرقالها واخدته ان دعاء بتسخنه عليها وانها تطلع ملاك بريئ
............قصص منه محمد كاتب...........
في منزل اهل دعاء ميسر ربطت ضهرها ورقدت ع السرير
معمر: فيه ايه مالك ليه رابطه ضهرك
ميسر: مبقتش قادره ع خدمه البيت من فطار لغداء وعشاء , ولو قلت كلمه صغيره لـ امك تمسك المرض وتعمله عذر
معمربرجاء وتوسل : ميسر بالله عليكي متطلبيش من امي اي حاجه هي ست كبيره , ولو تعبت هتكون مشكله بالنسبه لينا , لازم ناخدها لدكتور وعلاج واشعه وتحاليل , وموضوع يطول شرحه ,فهمتي
ميسر: يعني عايزني خدامه في البيت واعامل اهلك كأنهم العيله المالكه
معمر: مين تبقي خدامه في بيتها , كانت دعاء بتعمل كل ده وعمرها ما في مره اشتكت ابدآآ
ميسر: لاء ياحبيبي بلاش تقارني بأختك , انا شايفه موقفك مختلف من ليله امبارح, ده بدل ما كنت تقول كلمه لداغر تسكتني
معمر: انا قلتلك كده مش عايز مشاكل , أمير بقي واحد من البيت ولو حصلت قدامه خناقه هنفقد احترامنا قدامه
ميسر:الكلام ده تروح تقوله لاخوك , بس انتم كلكم الي جواكم ليا شبه بعض
معمر بخنقه: انا غلطان وده مش هيحصل تاني , بس ليا رجاء واحد متطلبيش من امي تشتغل من فضلك
ميسر: هات لي خدامه ،مقدرتش اشتغل لوحدي انا بقولك بوضوح
معمر: انتي عارفه كويس اني مقدرش ادفع مرتب شغاله مقدرش
ميسر: لكن يامعمر
معمر: خلاص هدبرها مبسوطه، اتأخرت علي الشغل والشاي كمان برد يله سلام
ميسر بصوت عالي: انا عارفه ولا هتعمل اي حاجه اهو كلام ،بس انا هجيب واحده، عيشه تقرف
..............قصص منه محمد كاتب................
في منزل عائله آمير ع السفره
دعاء بأبتسامه مشرقه: صباح الخير
رياض والجده: صباح النور
آمير: صباح الخير
الجده: صباح الفل رياض امال فين ناني
رياض: ناني في اوضتها
الجده: في اوضتها مش هتفطر هي تعبانه
رياض: لاء هي كويسه الحمد لله , بس بتقول مش عايزه تفطر ,هتاكل بعدين , دعاء ناولي العصير لجوزك
دعاء: حاضر
أمير قام: لاء مش عايز انا هروح اشوف امي
أمير ماشي لمحها قاعده في الليفنج بتقلب في التلفزيون
آمير راحلها: يعني انتي قاعده هنا واحنا مستنينك ع الفطار
ناني بتكشيره: مش جعانه
آمير قعد قدامها : لسه زعلانه
ناني: وانت يهمك
آمير بهدوء : ماما معملتش ده عن قصد هي طلعت في دماغي نتمشي كدا فجأه
ناني اتعصبت : هو انا اعترضت, انا ولا ههتم اعمل الي انت عيزه , روح زي ماتحب خد مراتك وفسحها لحد نص الليل مين انا عشان امنعك
آمير: اوكيه انا آسف انا غلطان كان لازم اقولك
ناني: دي غلطه مراتك لازم يكون عندها اخلاق هي مش زريبه عايشه فيها, فهمها هي مش جاي تفهمني ولما اقول كلمه اطلع الحماه الشريره مش كدا
أمير بضيق: ماما دعاء مالها هي اتحايلت عليا امبارح انزل اعتذرلك وانا رفضت
ناني: لو مهتم بزعل امك مكنتش عملت كده
آمير: انتي زعلك يهمني انا قلت اعتذرلك الصبح, وبجد انا آسف والمره الجايه هاخد الاذن قبل ما اخرج يمين بالله لاخد اذنك تعالي بقي نفطر انا اتاخرت
ناني بتكشيره: قولت لك مش جعانه
آمير انكشها من دراعها: هتروحي معايا ازعلي بعدين ان شا الله تعلقيني في النجفه بس لما ارجع والمصحف اتاخرت ياحبيبتي يله بقي ياناني ياقمر
ناني ابتسمت: بتعرف تثبتني
امير بضحكه: ابن مين انا ناني يله نروح نفطر يا حلوه
...........قصص منه محمد كاتب.......
في منزل عائله دعاء
في غرفه بهيه بتصلي الضحي سمعت صوت صرخه ميسر
بهيه خرجت: مالك بتصرخي ليه؟؟!!
ميسر: ياحماتي رجلي اتخبطت في الكنبه وشكلها اتكسرت
بهيه: كفالله الشر وريني رجلك
ميسر بتريقه: هو انتي هتعرفي منين تكنيش دكتوره اه بتوجعني اوي
بهيه: خلاص ادخلي ارتاحي ولما يرجع معمر ياخدك ع الدكتوره
ميسر بخبث: ازاي ارتاح ومين يعمل شغل البيت
بهيه بقله حيله: انا يابنتي هعمله , قومي ادخلي اوضتك استريحي
ميسر: لو مصره اوي هروح ارتاح ربنا يخليكي ياحماتي , اعملي الغداء بالمره , واخبزي العيش
بهيه وهي ماشيه في اتجاه المطبخ: متقلقيش هخلص كله
ميسر لنفسها: بنتها تستمتع بوقتها مع جوزها واهله في العز وهي هنا تدعي المرض وانا اتحمل العبي كله عليا مش هسمح بهدوء حياتهم للناس الي خلوني اشتغل زي الحمار
.........قصص منه محمد كاتب...........
في بيت عائله آمير
رحاب نازله: مامي هروح معاكي النادي , ونعمل شوبنج بس بليز نرجع بسرعه
ناني: حاضر
دعاء: طنط ناني عايزه اتكلم معاكي
ناني بوش جامد : اتفضلي
دعاء: انا كنت عايزه اعتذرلك بعد ليله امبارح , عارفه ان الوضع معجبكيش , بس هنحاول انه ميحصلش مره تانيه
ناني اتكلمت بجديه: ايوه امير مش غلطان , انا صدمتي منك كام يوم جيتي ع هنا ,وبدئتي تعملي الي يحلالك ,ولا عامله حساب للي في البيت!!!
دعاء: لاء ياطنط مفيش حاجه من دي, وكنا هنقولك بس حضرتك كنتي خارج البيت
ناني: والله مفيش تلفون تتصلوا بيا او تقولي لابني اتصل بأمك , وبعدين ايه المشوار المهم الي خرجتي جوزك عشانه
دعاء: قلقت ع امي وروحت اطمن عليها
ناني: وهو يصح تقعدي لوقت متأخر في بيت عايلتك مع آمير
دعاء: لاء يا طنط هو الموضـ
ناني قطعتها : شوفي يادعاء بعد الجواز البنات الي كل شويه يروحوا ع بيت اهاليهم ع امور تافهه مبيعمروش بيوتهم ابدا , وايه الي حصل فقلقتي يعني ع امك
دعاء بتجاهد دموعها لا تنزل : جالها سخونيه
ناني: بس وعملتي فوض اول ما جه آمير , كنتي ممكن تزوريها بالنهار , وبعدين مش شايفه انه مش مناسب لـ امير يروح عندكم كل شويه , الوضع الاول كان مختلف قبل جوازكم كان بيروح لصاحبه بس دلوقت بقي بيروح بيت اهل مراته , وانتي لازم تحافظي ع كرامته
دعاء بصوت مخنوق: هاخد بالي المره الجايه
ناني: ده احسن لك لو عايزه تكسبي احترامنا لازم تحترمينا , وبدل ماتركزي ع عايلتك حاولي تركزي في بيت جوزك لان ده بيتك حاليا
دعاء: حاضر
رحاب: مامي قلتي كتير لدعاء , عشان امر صغير بصيلها دي قربت تعيط
ناني: هو انا قلت حاجه غلط
رحاب: تمام كفايه شوفيها هي محروجه جدا , خلاص دوده اطلعي البسي و تعالي للنادي انا ومامي رايحين نلعب تنس
دعاء: انا مـ
ناني بحده: ملوش لزوم خرجت بالليل خليها هنا يله يارحاب
ناني طلعت ع براه ورحاب طبطبت ع كتف دعاء وهي مبسوطه جدا من جواها
رحاب: مامي كنتي قاسيه شويه ع دعاء
ناني: لانها اتعاملت معايا بستخفاف , امير ايني الوحيد وانا بحبه كتير لكن مش معني كده تستغلني اه اتجوز واحده من اختياره لكن البيت له قواعد وهي هتمشي عليها زي منا عايزه واتمني تكون الغبيه دي فهمت والا انا هعرف أوصلها الامر بطريقتي
رحاب : مامي انا رآي تخليها دايما مشغوله في اعمال البيت الدماغ الفضيه ملعب للشيطان مش كدا وزي اي بنت بسيطه هتخطط وتلعب في دماغ جوزها
ناني: عندك حق انا هتعامل معاها حسب قيمتها , مش عايزها تسيطر ع ابني وتهمشنا , لانها هتمشي ع حسب الي اتربيت عليه في بيت اهلها
رحاب: فعلا يله اتأخرنا اطلعي اركبي العربيه
...........قصص منه محمد كاتب............
في منزل عائله دعاء بهيه واقفه تغسل المواعين
داغر دخل: امي بتعملي ايه
بهيه: بغسل المواعين
داغر: مش قولتلك بلاش تعملي اي شغل النهارده لو تعبتي تاني
بهيه: يابني انا كويسه متقلقش عليا ميسر من اول النهار اشتغلت بس رجلها اتخبطت في رجل الكنبه وانا قعدتها عن الشغل
داغر: الست دي مبتتحملش تريحك ليوم واحد مثلت بخبطتها
بهيه: خلاص ياداغر ليه بتكرها كتير ليه هتألف انها اتخبطت
داغر: كأنك متعرفهاش , سيب لي كل حاجه واطلعي استريحي
بهيه برفض: هستريح لما اخلص , قولي عملت ايه في الشركه الي روحتلها
داغر: عاجلا او اجلا ربنا هيرحمني ياامي برحمته , لحد امتي هفضل متحمل قسوه الحياه بالطريقه دي
بهيه: بأذن الله هتلاقي شغل بشهادتك بدعوه امك , يله ياضنيا روح غير ع ما اجهز السلطه وناكل انا وانت سوي
داغر: حاضر
..........قصص منه محمد كاتب............
في منزل عائله امير
الجده: هي ناني ورحاب لسه مرجعوش من النادي
رياض: فعلا اتأخروا كنت لسه بقول في بالي
الجده: كان زمانهم هنا من ساعه
رياض: اعتقد انتي عارفه طبع مراه ابنك تطلع من النادي تعمل شوبنج و تنسي طريق البيت
الجده: بس رحاب مش كدا هي بتزهق من اللف الكتير
رياض: انا فوجئت انها راحت مع امها الصبح
الجده: قولي فيه حاجه حصلت في البيت؟؟!!
رياض: لاء مفيش حاجه حصلت
الجده: بس دعاء مكشره جدا ،وكأنها عايزه تعيط وصوتها مخنوق
رياض بنرفزه : ماما بجد ناني بتبالغ في الامور, ليه وليه امبارح خرج امير هو ومراته يتفسحوا دول لسه عرسان جداد اشتكت انهم خرجوا من غير ما يقولولها بزمتك مستاهل الانزعاج
الجده: لاء مش مستهال طبعا سيبهالي انا هفهمها
رياض بعصبيه: ياريت يا امي مش عايز مشاكل في حياه ابني
الجده: اهدء يارياض لاحسن البنت تسمع
.............قصص منه محمد كاتب...............
آمير رجع البيت شاف دعاء قاعده سرحانه ووشها متغير جدا
آمير: بتفكري في ايه
دعاء مسحت بسرعه دموعها ولفتله: آمير بجد خضتني
آمير بشك : انتي متغيره ماما قالت لك حاجه زعلتك
دعاء حركت دماغها: لاء انا اتأسفتلها
أمير: ها وقالت لك ايه؟؟!!
دعاء: مقلتش حاجه كله تمام وراحت النادي مع رحاب
آمير: انا ورحاب بنقولها دايما قبل ما نخرج من البيت , وبتزعل وتقلق لو مقولنالهاش , كانت قاسيه عليكي
دعاء ابتسمت في وشه: قولت لك مقلتش حاجه ادخل خد شور
آمير: اوكيه اعمللنا كوبايتن نسكافيه نشربهم سوي في الجنينه
دعاء: حاضر
دعاء طلعت بالنسكافيه وامير نزل وقعد واخد منها المج وشرب
دعاء: ها النسكافيه لذيذ
آمير: من ايدك يبقي لذيذ
رحاب قربت: سوري اني هقطع عليكم وازعجكم
آمير ضحك: ايه الكلام ده بس ياحبيبتي انتي دايما بتزعجينا ايه الجديد
رحاب: مش هرد عليك , دعاء اشترتلك حته فستان تحفه يارب ذوقي يعجبك
دعاء: وايه لزومه يارحاب
رحاب: ازاي بقي انتي مرضتيش تروحي معانا , وبصراحه شوفته تخيلته عليكي قيسيه وقوليلي رآيك
دعاء: مش محتاج اكيد هيعجبني طبعا ده جاي بالحب شكرا جزيلا
رحاب: ولا يهمك
آمير: مفيش حاجه ليا
رحاب: انا ع طول بشتريلك , بس حاليا اشتريت لصاحبتي الحبوبه
آمير: وانا مش همنعك تشترلها , بس بلفت نظرك متنيسش اخوكي
رحاب: انت عارف ان ده مستحيل
آمير بستفهام: دوده ليه بصحيح مروحتيش معاهم النادي تغيري جو
دعاء : مأخدتش الاذن منك عشان كدا مروحتش
أمير: بتقولي ايه انتي مش محتاجه لاذن طالما رايحه مع امك واختك اي مكان
رحاب: اهو قالك كدا معاكي بلانش تروحي المره الجايه , واحنا مش هنبطل لعب تنس وشوبنج
دعاء: خلاص هروح المره الجايه
رحاب حكت جبينها : عندي حاجات كتير عايزه اورهالك , تعالي اوضتي لما تكوني فاضيه
دعاء: حاضر
رحاب قامت بمرح مزيف: سلام ياشباب
دعاء: سلام
آمير: هي لطيفه جدا اشترت هديه عشانك, انتي كمان اشترلها هديه
دعاء: اكيد