رواية الحربايه والثعبان
الفصل السابع عشر17والثامن عشر18
بقلم منه محمد
في جناح آمير
دعاء بدموع ورجاء: آمير اسمعني انت عارف انا لايمكن اهد كيان البيت , ولا اذي حد فيه , ايوه غلطت مكنش ينفع اتكلم مع طنط دره , بس والله كنت بحاول اساعد رحاب
آمير: انتي مش دعاء الي حبيتها, اتغيرتي ,دعاء الي حبيتها وخلتها جزء من حياتي , بريئه صادقه , غير دعاء الي كلها كدب وخداع
دعاء ببكاء: آمير
آمير بقهر: قوليلي ايه الي معملتوش عشانك, دافعت عنك في كل مكان ’اما انتي كدبتي عليا وبس
دعاء من بين دموعها : انا مكدبتش عليك
آمير صرخ عليها ورافض يبصلها :كفايه يادعاء, بتكدبي عليا دلوقت ’انا عايز افهم انتي عايزه ايه وصل بيا المطاف بأني مش قادر ادافع عنك قدام عائلتي وفقدتي مكانك بكدبك, امي عاوزني امشيكي لبيت اهلك بس انا مش عايز اعمل كده لاني لسه بحبك زي الاول
دعاء هجمتها دوخه سندت عليه:آمير
آمير لف وبصلها: دعاء مالك
دعاء: وقعت في حضنه اخدها قعدها وضرب خدها بخفيف: افتحي عينك يادعاء
دعاء فتحت وبصتله بوهن وهو اتفزع عليها وقال: يله هاخدك ع المستشفي
آمير سندها واخدها ونزل بيها : ع مهلك حالا نروح للدكتور نطمن
رياض قرب عليه بهتمام: فيه ايه يا آمير
آمير: وقعت من طولها هاخدها للمستشفي
رياك طيب يله جاي معاك
آمير: لا خليك هنا هتصل بمجرد ما اوصل هناك
رياض بقلق: سوق ع مهلك متجريش
آمير: حاضر
رحاب بحقد: دي لعبه ،انا متأكده بتمثل ،عشان ماتمشيش
رياض بضيق: ده وقته المناسب تقولي كدا وهي مش بتمثل ،البنت وشها مصفر ليمونه
رحاب: بابي ايه رايك كان المنظر ده حقيقي, دي مجرد خدعه تكسب تعاطفنا هي بتحاول تغير قررنا
ناني بتأيد: انا بقول كده زيك , أكيد امير بهدلها وقالها تمشي ،عشان كدا رسمت الدور ،انها اغمي عليها
رياض بشخط: جرالك ايه ياناني , هي برضو بني ادمه وبنت عالم , وعندنا زيها لاسمح الله لو ظلمنا هيتردلنا في بنتنا , ندعلها ربنا يحميها
............قصص منه محمد كاتب..............
في منزل دعاء بهيه ميسر اخدت معمر يخرجوا وهي قايمه ركبتها اتخبطت في التربيزه مبقتش عارفه تقوم فضلت تعيط من كتر الالم لحد ما موبيلها رن وكان داغر ردت عليه وهي بتعيط
داغر: مالك يا ماما؟؟ بتعيطي ليه ،فيه حد اتخانق معاكي
بهيه بتعيط وبس وهو قال: دعاء حصلها حاجه يا امي ردي بالله عليكي
بهيه مسحت دموعها: قلقانه عليك بس يابني
داغر: فكرت حصلكم حاجه ،اخدتي علاجك
بهيه: نسيته
داغر: ازاي تكوني مهمله في صحكتك بالشكل ده كده هتمرضي
بهيه: متقلقش انا بخير يمكن عشان حاسه اني بقيت وحيده في بعدك عني
داغر: ليه معمر فين؟؟!!
بهيه نزلت دموعها: اخد ابنه يفسحه طمني عليك عامل ايه ،تعبان من السفر ،والغربه
داغر : لاء يا ماما انا كويس , لو لوحدك كنتي اتصلتي بدعاء , وجودها هيطمني عليكي
بهيه: الله اعلم يابني مشغوله في ايه ,وبفضل اتصل بيها مش بترد من مره واحده , وخفت اقلقها عليا والسلام
داغر: اكيد مشغوله ماما هتتصل بيكي اول ما تفضي, بس ارجوكي ارتاحي , وخدي علاجك
بهيه: حاضر ياضنايا , مع السلامه
داغر: مع السلامه
.............قصص منه محمد كاتب...............
في منزل عائله آمير
ناني: كل ما افتكر الي حصل كله غلطتك ليه تدخلي دعاء في الامر ،رافضه رامز كنتي تيجي تقوليلي مين يشارك الي في قلبه مع حد غريب
رحاب: انا فكرتها صاحبتي .كنت هعرف منين انها بتكرهني للحد ده
رياض بصلهم بضيق وقال: لو سمحتوا انهوا الكلام في الموضوع ده بجد جبت اخري , المهم دلوقت نطمن ع صحه البنت
آمير دخل ومعاه عليه : مساء الخير
ناني بلهفه: طمني مراتك كويسه؟؟!!
آمير بسعاده: الحمد لله ،اتأخرنا لاننا جبنا تورته وصايه من اختيارنا
رياض بتعجب: تورته ليه؟؟!
آمير فتحها: الاول دوقوها وهقولكم
ناني: يابني احنا قلقانين هنا ،وانت رايح تجيب تورته
آمير حطلها حته في بؤها: ماما هتبقي نناه
ناني : ايه
رياض: قول والله
آمير بضحكه: والله مراتي حامل
ناني بفرحه: اخير هشوف ولادك وابقي نناه
رحاب بصت لفرحه دعاء الي ع وشها واتمنت تقوم تعمل اي حركه وتمحيها ولنفسها:فوتت فرصه من دهب ،بقي موقفها اقوي ولو فضلت عايشه هنا كدا كدبتي هتتكشف ،قرف كدا لازم ازيف صداقتي معاها مره تانيه
رحاب قامت بغل و دعاء لاحظت
رياض: ناني قومي ضمي مراه ابنك , وام حفيدك , وانت يا بني تعال جنبي بالتورته
ناني قامت ضمتها بسعاده: مبروك يادعاء
رياض باس دماغها: مبروك يابنتي الف مبروك
...........قصص منه محمد كاتب................
يوم جديد في جناح أمير دعاء واقفه قدام الدولاب وسرحت!!!
دعاء بينها وبين نفسها: الكل باركلي وكانوا في منتهي السعاده الا رحاب انا كنت بحاول اساعدها ومتوقعتش تنكر انا غبيه خربت بيتي وانا بحاول اساعدها وهي بدل ما تساعدني ادعت عليا اني كدابه ونكرت كل الي قالتهولي ودي مش اول مره كان لازم اخد بالي واحذر من افعالها مش فاهمه هي عايزه ايه
آمير جه من وراها: حبيبتي بتعمل ايه
دعاء لفتله ببتسامه: بطلعلك بدله
آمير قفل الدرف وسحبها من ايدها بحنيه: انسي ده ويله معايا تفطري الاول
دعاء وقفته: آمير الاول انت لسه زعلان مني؟؟!!
آميرقرصها من خدها وع شفايفه ابتسامة كبيرة : معقول افضل زعلان منك
دعاء: والله العظيم كنت بحاول اساعد رحاب معرفش ان الامور هتكبر بالشكل ده
آمير: شوفي احنا منقدرش نغير الي حصل , ولازم ننساه ده كله , وعارف ان رحاب مذنبه زيك تماما مكنش ينفع تشاركك في الامر ده , ع كلا انسي كل ده ويله اشربي عصيرك , ومن دلوقت متعمليش اي شغل في البيت تهتمي بنفسك وبس لازم ترتاحي ونفسيتك تبقي مرتفعه ده كلام الدكتوره اوكيه
دعاء اخدت منه كاس العصير: اوكيه
آمير: انا هلبس وامشي لو فيه اي حاجه اتصلي هجيلك
دعاء: انا هنزل معاك هزهق لوحدي
آمير :تمام يله بس تقعدي
دعاء وصلت حبيبها لحد العربيه وراجعه لمحتها معديه: رحاب اقفي واسمعيني
رحاب بستهزاء: قولتي حاجه
دعاء: ايوه ليه كدبتي قدامهم قولتي انك معجبه بواحد تاني وعشان كدا رفضتي رامز ليه كدبتي وطلعتيني مذنبه قدام الكل
رحاب: واضح انك نسيتي لما قولت لك متجبيش اسمي في الموضوع كنت اقدر اعمل الي عملتيه ليه ذكرتي اسمي
دعاء: ولما تقدري تعملي ده بنفسك ليه شاركتيني وطلعتيني واحده كدابه ,وانتي عارفه كويس انا لايمكن اقنع طنط دره غير لما اقولها الحقيقه ,انا ساعدتك وبدل ما تقفي جنبي اتقلبتي عليا
رحاب: وندمت اني شاركتك في الامر ،وحطتيني في موقف محرج قدام عائلتي ،وفوق ده كله واقفه كمان تشتكيني
دعاء: انا الي اتأثرت ،مش انتي كنت اعمل ايه لو بيتي اتخرب ،عشان ادعم صداقتنا ،ولا مره فكرتي فيا
رحاب كرمشت ملامحها بقرفه: ترجيدي انتي عارفه كان افضل لو مطلبتش منك تساعديني
دعاء: يارتني رفضت اني اساعدك لاني لاول مره احس بالندم ع مساعدتك
دعاء سابتها ومشت ورحاب اتمكن منها الحقد اكتر وقررت اول فرصه تسقطها!!!
............قصص منه محمد كاتب.................
امال: ست دعاء كوبايه اللبن بتاعتك
دعاء بقرفه: لاء يا امال مش عايزه
امال :دي ناني هانم بعتهالك ولو مشربتهاش هتتعصب عليا
دعاء :معدتي بتكركب لما بشربه
ناني :مش مهم الي بتحسي بيه ،بس ده مفيد ليكي وللجنين
دعاء :طنط ناني
ناني :انتي مش طفله ،لازم تهتمي بنفسك لازم تغصبي ع نفسك ،حتي لو مش عايزه انتي محتاجه نظام غذائي متكامل وسليم اخدتي العلاج في معاده
دعاء :ايوه اخدته
ناني " طيب يله اشربي اللبن
دعاء موبيلها رن بمسدج وناني سألتها: مين
دعاء: دي الست الي انقذتها وبتفكرني بمعاد فرح ابنها ومش عارفه هل هروح ولا ايه
ناني: انتي حامل بس الصراحه الست جات وقدرت وعزمتنا كلنا ،اقولك روحي وخدي رحاب معاكي واهي تغيري جو
دعاء. اوكيه
............قصص منه محمد كاتب....................
في جناج آمير
دعاء واقفه في المرايا بتلبس الحلق وآمير واقف يتفرج عليها لحد ما لقاها ملخومه مش عارفه تقفل السلسله
آمير ابتسم ووقف وراها: حياتي محتاجه مساعده
دعاء رفعت شعرها: ياريت
أمير قفل القفل: خلصت
دعاء لفتله ولعبت في لياقه التي شيرت بدلع: بقولك ايه يابيبي , هو مش ممكن يعني تيجي معانا
آمير: انا بس انتي مش رايحه لوحدك رحاب رايحه معاكي
دعاء: هكون مبسوطه اكتر لو جيت معنا , وبعدين الست عزمتنا كلنا ولو جيت معانا هنرجع بدري
آمير: والله هو عشان كلمه بيبي دي هلبس واجي معاكي غمزها استيني نصايه
دعاء بسعاده: ماشي انا هنا
امير :يا
دعاء ضحكت : يابيبي
آمير باس خدها: روح وقلب البيبي
دعاء في سرها كدا احسن مش هدي رحاب فرصه تبوظ حياتي كفايه الي جالي منها
..............قصص منه محمد كاتب.................
قدام القاعه
آمير: ادخلوا شويه واحصلكم هركن العربيه
دعاء نزلت ووراها رحاب الي استأذنت منها تعمل مكمالمه
ام محرم بستقبال متواضع لدعاء: انا مبسوطه انك جيتي يادعاء
دعاء: ازي مجيش وحضرتك عزماني
ام محرم :كنت هزعل منك فعلا لو مجتيش بس انتي جايه لوحدك
دعاء: لاء جايه مع جوزي واخته
ام محرم: هسيبك شويه اشوف الضيوف
دعاء :خدي راحتك
جمال سمع صوتها لف يبصلها وهي بتتحرك كانت هتقع هو جري ولحقها وماسكها من دراعها في دخول أمير شافه ماسكها ودعاء اندهشت انه جمال وماسكها نفس المسكه من اربع سنين
امير راح عليها: دعاء حصلك ايه
دعاء بلجلجه: انا كويسه اطمن
آمير بص لجيمي: الف شكر لحضرتك
جمال بهدوء :معملتش حاجه دعاء عامله ايه متقولليش انك متعرفنيش
دعاء :لاء عرفاك
آمير: معني كدا انكم تعرفوا بعض
دعاء: ايوه اسمه جمال كان معايا في الجامعه
جمال: نفس القسم وبجد مفاجاه ساره ،رحاب كمان هنا عامله ايه؟؟!!
رحاب: انا تمام
جمال: دعاء ليه معزمتنيش ع فرحك
آمير: رحاب كان المفروض تعزمك ما هي زميلتك كمان
رحاب: بصراحه يا اخويا معرفش انه رجع من امريكا
جمال بندهاش: هو يبقي اخوكي
رحاب: ايوه اخويا الكبير
جمال: ايوه بس معرفش انه اتجوز دعاء
آمير وشه اتغير وضم دعاء لصدره
جمال بغيره: الف مبروك
آمير: ميرسي
محرم قرب: جمال بدور عليك
جمال: محرم العريس بيدور عليا عن اذنكم سعيد جدا اني شوفتكم دعاء طالما شوفنا بعض بالصدفه لازم نفضل ع اتصال متبعديش لبعيد زي الاول
دعاء بصتله واكتفت بالسكوت اما رحاب حالتها حاله ولنفسها: جمال اتظاهر بأنه له صداقه عميقه مع دعاء وعطاها اهميه كبيره رغم ضربته وانا ايه اتجاهلني ولا كأن فيه اي علاقه بينا ازاي يعمل فيا كدا عشانها
جمال : مبسوط ياآمير اني شوفتك يله ياعريس
آمير لدعاء: انتي عمرك ما كلمتيني عن جمال
دعاء: هو مش البيست فريند ،اظن عارفني وعارف نظام بيتنا كويس, مينفعش اكون صداقات مع اي شاب, وكنت بتعامل مع اي زميل في حدود الزماله جوه الجامعه وبس
آمير: بس الطريقه الي كلمك بيها ،تعني انك انتي وهو مقربين
دعاء: وهو كمان صديق رحاب ،وبسببها اتعودنا نحيي بعض واظن قال قدامك انهم لسه بيكلموا بعض
آمير: اممم نقعد شويه ونمشي
دعاء: اوكيه
في منزل عائله دعاء الصبح الساعه ثمانيه
معمر: يله جاهزين
ميسر: معمر متجليش تاخدني الا بعد الساعه تمانيه , ومتفضلش تتصل بيا كل شويه , عايزه اقعد مع امي براحتي
معمر: حاضر مش هزعجك -لف بستغراب -ماما صحيتي ده انتي نمتي متأخر امبارح
بهيه: ابدا ياحبيبي بس ركبتي بتوجعني شويه , خلتني قلقانه طول الليل، نمت بعد ما صليت الضحي وعشان كدا معرفتش انام ،فطرتم
ميسر: دخلت اصحيكي لقيتك نايمه كنت هقولك رايحه عند امي , تقدري تحضري الفطار لنفسك, يله يامعمر هتتأخر , متقلقيش البت الشغاله هتكون عندك في اي لحظه, اه اعملي اي حاجه للعشي مش هقدر اجهز الاكل لما ارجع
معمر: اه اكيد
بهيه: متقلقيش هعمل كل حاجه
معمر: سلام يمه
بهيه: سلام
..........قصص منه محمد كاتب............
قدام بيت دعاء في العربيه
آمير: انا جبتك لكن خدي حذرك تعملي شغل كتير ممنوع
دعاء: حاضر يله مع السلامه
آمير: مع السلامه
دعاء دخلت وجريت ضمت امها: وحشتيني يابهيه
بهيه ضمتها بقوه: روحي ،وقلبي ،وعقل امك ،يا ام ياصغننونه كويس انك جيتي , كان نفسي اشوفك اوي انتي كويسه
دعاء: دعواتك معايا ممكن يحصلي حاجه
بهيه: ربنا يحفظك يله نقعد وحشاني
دعاء: امي مالها رجلك ليه بتعرجي
بهيه أأعدت بصعوبه: ولا حاجه اتخبطت في حرف التربيزه , وركبتي وجعاني شويه ،بس انا كويسه
دعاء: ازاي كويسه ،وانتي مش عارفه تمشي، روحتي لدكتور
بهيه: لاء حطيت مرهم ،وهتخف بعد كام يوم
دعاء: ازاي فين ابيه معمر وميسر
بهيه: اخوكي في شغله وهي راحت تزور امها
دعاء: وسابتك لوحدك وانتي بالوضع ده , حتي لو كانت هنا هيحصل فرق طيب اكلتي
بهيه: ايوه اكلت
دعاء: امي انتي بتكدبي عليا مش كدا , انتي مأكلتيش لحد دلوقت هجبلك لقمه تاكليها
بهيه رجعتها مكانها: لاء يابنتي خليكي قاعده معايا , جايه واحده تساعدني في شغل البيت ملوش لزوم تمدي ايدك في حاجه
دعاء: يعني مهنش عليها قبل ما تروح لـ امها تحطلك لقمه, انا هقوم اعملك لقمه سريعه ونقعد نتكلم اياك تقومي هرجع حالا
بهيه هزت لها دماغها ودعاء شويه رجعت بسندوتشات في طبق: خدي ياحبيبتي الاول اشربي كوبايه اللبن بالعسل ،ان شاء الله تساعد ع الشفاء , واتصلت بأمير وقال جاي في السكه هاخدك للدكتور
بهيه: ليه بس يابنتي تشغليه
دعاء: امال اسيبك تتوجعي
بهيه: يابنتي ده جوز بنتي ميصحش يعمل حاجه وابني موجود
دعاء: آمير عارف مدي اهمال ابيه معمر
بهيه: لاء يابنتي ده مهما كان اخوكي الكبير ميصحش تقولي عنه كده
دعاء: ايه الفايده لو كان كبرنا وهو مش بيعمل الي عليه ،طول حياته بيسمع لمراته كأن معندوش مسؤليات الا هي ،وهو شوفي مش قادر يهتم بيكي
بهيه: حد بيتصل (مسكت الموبيل وبفرحه) ده داغر اياك تقوليله ع وجع ركبتي
دعاء سحبت منها الموبيل: طيب هاتي لما ارد عليه وهفتح مكبر الصوت
بهيه: ماشي
دعاء: حبيبي يادغور
داغر بضحكه: هي الشمس طلعت من الشرق ولا ايه ،بتعملي ايه في بيتنا المتواضع
دعاء: بلاش تعمل شويتين المكر عليا ولا تفكر حتي تتصل تطمن ع اختك
داغر: واختي مشغوله لدرجه اوقات مش تبقي عارفه ترد ع امها ازاي هترد عليا
بهيه بهزار : بلاش تضايق بنتي
دعاء: سبيه يا ماما اشوفه بس, وهاخد حقي بنفسي
داغر بأسلوب مرح: وانا جاهز وجايب معايا العصايا ’ يله سلام هكلمكم تاني
بهيه: سلام يابني
دعاء: يله كوبايه اللبن دي تخلص حالا
بهيه: اكيد
...........قصص منه محمد كاتب.............
في منزل عائله دعاء بهيه رجعت من عند الدكتور مع امير ودعاء
معمر قام وقف سلم ع امير وقال: امي رجعت ملقتكيش روحتي فين
دعاء: اخدنا للدكتور ركبتها ورامه وعملنا اشاعه
معمر: يمه لما تعبانه ليه مقولتليش ليه بس تزعجيهم معاكي
ميسر دخلت: معمر عنده حق ياحماتي كان لازم تقوللنا ايه الداعي تزعجيهم
آمير بدون مايبصلها: مفيش ازعاج لان مفيش فرق لو اخدتها انا او معمر احنا واحد
معمر بصله وابتسم انه متواضع جدا
آمير: يله بينا احنا يادعاء السكه هتبقي زحمه وهنرجع كدا متأخر
دعاء: ماما ارجوكي خدي بالك من ركبتك ومتشليش اي حاجه وتحملي عليها ،ارتاحي قد ما تقدري
بهيه: حاضر ياحبيبتي اهتمي بنفسك وبحملك ومتعمليش اي شغل دلوقت
دعاء باست ايدها: حاضر همشي انا
آمير ودعاء سلموا وخرجوا وميسر دخلت اوضتها تستني معمر و تنفجر فيه
معمر: ليه يايمه مقولتليش يله هديلك العلاج
بهيه نزلت دموعها لانه عارف الصبح انها تعبانه ولا حتي عزم عليها لحد ما دخل يغير هدومه
ميسر : بجد عايزه افهم امك ست لئيمه ومش سهله اشتكتك قدام بنتها وجوزها ومقلتش اي حاجه حتي مفكرتش الراجل هيقول علينا ايه خططت تصغر ابنها
معمر طلع من كل حته دخان وحس ان امه قاصده تصغره فعلا
..............قصص منه محمد كاتب...............
بالليل في حناج آمير ودعاء
آمير قاعد بيشتغل ومندمج ودعاء قاعده ع السرير تفكر وبنينها وبين نفسها: ياتري اتصل اقول لداغر هيزعل لو عرف بعدين
آمير بصلها: دعاء ضايعه فين؟؟!!
دعاء: مقلتش لداغر وضع امي
أمير قعد جنبها : لما امك تعوزه يعرف خليها هي تقوله , هي عارفه انه مسافر بره , وميقدرش يرجع ومش هيعمل اي حاجه غير انه يقلق
دعاء: اممم معاك حق وعرفت انكم متخانقين
آمير: لاء محصلش
دعاء: آمير انا عارفه داغر اتصل بيا ولا مره سأل عنك
آمير ابتسم اوي : واد مجنون , وانا مش بزعل منه وبعدين كنت هجوزه اختي غصب عنها
دعاء: بس امي ظلمته برتباطه من الفت مفيش فرق بينها وبين اختها , الوضع الحالي بسبب ميسر وبمجرد ماتوصل اختها هيصعبوا الحياه ع امي اكتر
آمير: وقلقك هيخلي كل الامور افضل
دعاء:لاء
آمير: يعني انا قلقان عشانك، وانتي قلقانه ع عايلتك
دعاء: انا آسفه بس قلقانه ع امي
آمير: الدكتور قال وضعها هيتحسن وانتي حابه تقلقي نفسك وبس (قام وضربها ع كف ايدها بخفه وابتسم) وانا رايح اطمن ع امي وتقدري تقلقي زي ما انتي عايزه
دعاء : قصدك ايه آمير
آمير مردش عليها وكمل خروج وهي ابتسمت انه بيزعل زي الاطفال !!!
...............قصص منه محمد كاتب.........
في منزل عائله دعاء وتحديدا في المطبخ
ميسر بتغسل الفراخ: اقعدي اتغدي معايا هعملك فراخ مشويه اكيد بقالك يما مأكلتهاش
الفت بتقطع الفلفل: ضيفلها توابل مش تعكيها
نيسر: فشر اقعدي واتفرجي يادي القرف
الفت: فيه ايه؟؟!!
ميسر: الانبوبه فضيت مش هعرف اعمل الاكل
الفت: هو انتي يأما مفيش كهرباء ومره مفيش ميه ودلوقت مفيش غاز انتي عايشه ازاي في البيت ده لو كنت انا كنت زماني مشيت من زمان
ميسر عوجت بؤها: هو بالسهل تغير البيت والطريقه الي انا عايشه بيها هنا بقول الحمد لله اننا مش في بيت ايجار
الفت موزعه عيونها في المكان ونطقت بسخريه : انا مستحيل اعيش هنا بعد جوازي
ميسر : انا زيك بحلم ببيت واسع وفيه كل الامكانيات ولا المنطقه هنا مليانه بعالم بيئه والله بحس بالكسوف لما اتوبيس مدرسه ابني يجي يرجعه
الفت بغرور: اتكلمي مع معمر اطلبي منه يبيبع البيت وداغر يكمل ونشتري بيت حلو في حته حلوه
ميسر كشرت بقرف: داغر هياخد امه مستحيل يسيبها انا اتحملتها لسنين طويله ومستحيل اطلع اعيش معاها تاني خلاص نفسي اتخلص منها
الفت بخبث: اصبري هنتخلص منها انا وانتي لما اتجوز داغر , شوفي انا هعمل فيها ايه او ل ما يبقي داغر تحت سيطرتي , هبعد امه عن طريقنا
ميسر قلبت شفايفها بقرفه: داغر مش سهل السيطره عليه زي معمر, امه هي المسيطره عليه عشان كدا نصيحه مترسميش خطط خياليه من دماغك
الفت: كأنك قادره تعملي حاجه تانيه عشان كدا سبيني اعيش مع خيالي الواسع
ميسر عوجت شفايفها: انسي الخطه دلوقت , وجايز اطلبها منك بعدين
الفت: تمام يله شوفي هناكل ايه
بهيه واقفه وسمعت كل كلامهم وخططهم الي تفوق الشيطان والحسره مسكتها!!!!!
............قصص منه محمد كاتب.........
في الفراند
رحاب في الكام لجيمي: الحمد لله اخيرا فتحت ووافقت تكلمني
جمال بتكشيره: عايزه تقولي ايه؟؟!!
رحاب: مالك ليه بتتصرف معايا بالطريقه دي قولي انت ليه زعلان مني
جمال: عارفه لكن بتعملي نفسك مش عارفه ,ليه خبيتي عني حقيقه ان دعاء هي مراه اخوكي
رحاب: هو الموضوع مش كدا كنت مضايق من سيرتها وسافرت امريكا بسببها مكنتش عايزه ازود واعمل اضافه
جمال: دعاء عمرها ما عجبتك لدرجه جوزتيها لـ اخوكي
رحاب قفلت ملامحها بستياء: اولا هي الي حصرت اخويا , اتصرفت ببراءه في الجامعه , فاكر رد فعلها عليك لما بس مسكت دراعها , وطول الوقت كانت بتصطاد اخويا لشبكها , انا بتعامل معاها عشان خاطر اخويا , والا انا مش طايقه اشوف وشها, جيمي بليز بلاش تزعل مني انت عارف اني مبتحملش زعلك مني وخصامك انت
جمال قطعها: بليز لو سمحتي, قولتلك احنا مجرد اصدقاء و Good في الصداقه , انا معجب بيكي لكن هتفضل اصحاب دايما , فمن فضلك متعديش وتكرري كلام في الموضوع . انا مش عايز اخسرك ولا اجرحك احنا هنفضل اصحاب وبس اوكيه
رحاب اغلقت معاه وطالعه شايطه خبطت في دعاء متعمده
دعاء اتألمت: مش قادره تشوفي ماشيه فين؟؟!!
رحاب بصتلها بحقد كبير وشخطت فيها : كنت عملت ايه يعني , ومين انتي عشان تزعقيلي , ده بيتي امشي فيه زي منا عايزه , ومين انتي عشان تديني اوامر
دعاء: ليه عملتي حكايه بقولك حاسبي ليه بتبالغي في رده فعلك
رحاب بغضب احمق: مين انتي عشان تقوليلي اعمل ايه , ومعملش ايه مين انتي , انتي واحده عملتيلي مشاكل كتير ونفسي( دفعتها عنها بوقاحه وعجرفه )
دعاء عيونها وسعت بصدمه وصرخت : رحااااااب
آمير خرج وشاف دعاء بترجع لوري جري مسكها وصرخ في اخته: انتي ازاي تزقيها كدا
رحاب: انا مزقتهاش
آمير اتك على سنانه بغل : هتكدبي انا شايفك , انتي كل يوم جنونك بيزيد , قوليلي ايه حكايتك , انا اتحملت اسلوبك الوقح لكن توصل انك تزقيها ده الي لايمكن اتسامح معاه
رحاب : آمير ده حصل غصب عني , انا محاولتش ازقها
ناني: رحاب فكرتي لو مره واحده, انتي عارفه انها حامل لو كانت وقعت وسقطت
آمير بعصبية وانفعال: انا مش عارفه فيه ايه بينك وبينها كل ما تحاول تتجنب المشاكل كل ما تزيد , عايزك تفهمي حاجه واحده , دعاء مراتي مش كيس ملاكمه تستخدميه تنفسي غضبك فيها , حلي مشاكلك بدل ما تتتعاملي بعـ نف , واعملي حسابك ده اخر تحذير , لو حصل حاجه لدعاء او البيبي بسببك, هتعامل معاكي بشكل وقح جدا
رحاب لفت وبصتله بغيظ: اوكيه
آمير شاور عليها بنفعال اسود: ماما خليها تفهم
ناني طبطبت ع كتفه : اهدء هتكلم معاها , دعاء انتي كويسه
دعاء: ايوه
ناني: خدها يا آمير ،خليها ترتاح ع ضهرها
آمير: يله حبيبتي تعالي
الفصل الثامن عشر
ناني دخلت وري رحاب: ليه بتعملي كدا , مبقتش قادره افهم انتي عايزه ايه؟؟؟
رحاب بعصبية وانفعال: انا كمان مش فاهمه ليه بقيتي متعاطفه مع مراه ابنك فجأه , وبالشكل ده , كنتي بتخططي معايا نطردها من البيت , ودلوقت واقفه تتخانقي معايا بسببها
ناني بنرفزه : لان الي عملتيه دلوقت غلط, انتي عارفه انها حامل ليه زقتيها كدا , انا ملاحظه انك بتتصرفي بشكل غيرطبيعي مع الكل هنا!!
رحاب: كل ده بيحصلي بسبب عزيزتك دعاء
ناني: عملتلك ايه بس
رحاب بضيق : ولا حاجه ارجوكي سبيني في حالي , مش عايزه اتكلم مع اي حد
ناني مسكتها من دراعها : اسمعيني يارحاب
رحاب سحبت دراعها منها ولفت بضهرها : بليز مامي امشي
............قصص منه محمد كاتب............
في الشركه الخاص بوالده جيمي
سامو صاحبه: تمام بس فيه حاجه محيراني اوي , يعني انا فاهم غضبك من رحاب , لكن دعاء المفروض تنساها ياصاحبي من اول ما ضربتك قدام الجامعه , ازاي لسه بالك مشغول بيها او بتفكر فيها انا بجد مبقتش عارف افهمك
جمال: لانك مش في وضعي عشان تقدر تفهمني لو حبيت من صميم قلبك والي انت حبيتها مكنتش من قسمتك ونصيبك بتفضل مشتاق ليها كل يوم وبتفضل موجوده في الذاكره حتي مش في نهايه الذاكره في المقدمه بتشوفها في كل مكان لكن مظلم, عارف لما بس سمعت صوتها قلبي ذات دقاته لانها اول بنت عشقتها ولان الحب الحقيقي مبيجيش غير مره واحده في الحياه ومش هنساها لحد مماتي
سامو: ياجيمي دعاء لاشكلك ولا نوعك , رحاب هي الي شبهك نفس المستوي الراقي وبصراحه واضح انها بتحبك
جمال: وانا مش بحبها , ولا هعرف احب دعاء بعد ما اتجوزت , لكن مش قادر انسي لما ذلتني وأهانتني قدام الكل وانا قررت اردهلها الضربه اضعاف بس بفكر اعمل ده ازاي
..............قصص منه محمد كاتب.............
في منزل عائله آمير
الجده بصتلها: حاطه الايد ع الخد مالهاش اي فايده
ناني اتنهدت بحزن : قوليلي اعمل ايه يا ماما؟؟!!! انا قلقانه بخصوص رحاب ومحتاره جدا معرفش بتفكر ازاي
الجده: اظن دعاء كانت ع حق , ناني فيه واحد في حياه رحاب , واحنا منعرفهوش ودعاء عارفاه قوليلي ايه العيب في ابن دره ؟؟
ناني: عندك حق انا نفس رآيك, لو بتحب حد المفروض تقولنا عنه, ايه الداعي تتخانق مع دعاء من غير سبب , عارفه اخوها زعلان منها قد ايه , وهي مش حاسه , المهم نطبخ ايه النهارده
الجده: شوفيهم هم يحبوا ياكلوا ايه وانا هاكل منه
ناني:هم هنا حد بيقول هم بس يتريقوا ع نوع الاكل
ناني: امال
امال: نعم يا ست هانم
ناني: اطلع اسألي دعاء تحب تاكل اكله معينه
امال: حاضر
ناني: ده انا زهقت من اختيار الاصناف كل يوم
الجده لمحتها ندهت عليها: رحاب ممكن تقوللنا اكله مامتك محتاره
رحاب: نناه لو الاكل هيبقي ع ذوق دعاء , يبقي اسأليها هي مش انا , محدش ياخد رآي هي رآيها يمشي
ناني: شايفه اسلوبها
الجده: ربنا يهديها
ناني: لما اروح وراها اعقلها
...........قصص منه محمد كاتب...................
في غرفه رحاب واقفه في الفراند وبينها وبين نفسها الكل مهتم بدعاء عشان حامل واخدت رعايه واهتمام اكبر من قيمتها ازاي انزع قوتها واخليها ملهاش ثمن
ناني دخلت وراها: الاول تغلطي وبعدين تزعلي , جرالك ايه يابنتي مكنتش ده حالك , قوليلي سرك, انا بجد قلقانه عليكي , ليه رافضه الجواز كلام دعاء بصحيح
رحاب بتهكم : انتي بتثقي في اي حد في الدنيا الا انا , وبالذات بتثقي في الست دعاء
ناني: مفيش حاجه من دي, انا بحبك وخايفه عليكي
رحاب: مش دي الحقيقه من اول جات دعاء البيت جذبت انتباه الكل ,سواء آمير نناه بابي وانتي زيك زيهم ومهتمه بيها خصأ الايام دي
ناني: انا لحد اللحظه دي قلقانه بسببك , مش قلقانه ع دعاء , هي ليها وضع , وانتي ليك وضع مختلف عنها تماما
رحاب بحقد وغيره: مبقاش ليا اي قيمه في البيت خلاص , لما كان يتعصب عليا آمير بالصدفه يفضل يلف ورايا ويعتذرلي, لكن المره دي , اهاني جدا , ومجاش ولا اعتذر زي كل مره
ناني بهدوء: عشان كدا انتي الي تعتذريله مش عيب ابدا لما نغلط نعتذر وده آمير اخوكي وانتي غلطي ولازم يبقي عندك في التعامل مرونه وكمان تعتذري لدعاء , عمر الاعتذار ما يقلل قيمه الذات , ونمحي الزعل من قبل آمير , مش عايزه حد يدخل بينك وبين اخوكي فهمتي وجهه نظري ها
........قصص منه محمد كاتب.................
في الجنينه
دعاء: خدي التفاحه دي
الجده: اخر واحده معدتي اتملت , وبعدين عماله تزغطيني وناسيه نفسك
دعاء بضحكه جميله: لاء انا باكل
الجده اخدت التفاحه بالسكينه: كفايه يا دعاء انا شبعت هاتي اقطعلك انا
دعاء ضحكت وبتبعد ايدها: هاكل خلاص
الجده شدت منها السكينه: استني هأكلك انا
آمير قرب مبتسم: ازيكم ياحلوين جدتي بتعاملك معامله ميري
الجده: اصلها خدمتني من الصبح وجه دوري اردهولها
ناني قربت: انت رجعت
الجده: كنتي فين ياناني
ناني أأعدت: كنت مع رحاب قاعده لوحدها في الاوضه
الجده: ليه قاعده لوحدها ما تنزل تقعد وسطينا
ناني: مش عايزه تيجي وقاعده متعصبه ع نفسها
الجده: هتستفاد ايه من غضبها
ناني: انتي عارفه بتفضل متعصبه لو آمير فضل مخاصمها , ومش هتقتنع لو العالم كله حاول يقنعها هي مش بتتحمل بعده عنها
آمير بضيق: ماما انتي عارفه كويس جدا , انا متعصبتش عليها من فراغ , وانا مستحيل كنت انفعل عليها لو بتتصرف بعقل لكن اتصرفت بجنون مع مراتي
ناني: حاولت افهمها تعمل ايه عشان تصالحها
الجده بعقلانيه : امير حاول تتسامح طالما دلعتها كتير , وعاملتها كأميره طول عمرها , مينفعش دلوقت تيجي وتتعصب عليها , ده مش العقاب السليم
دعاء بصتله بتأيد : جدتي ع حق ياآمير , انت زعلان بس كمان المشكله بيني وبين رحاب واحنا هنسوي امورنا سوي , ارجوك انهي غضبك وصالحها
ناني بصتلها بحقد ولنفسها: اه يالئيمه الاخ واخته زعلانين من بعض بقالهم اسبوع بحاله , لكن محاولتيش تصالحيهم , وتنصحيه قدامنا فعلا حيه ذكيه
..............قصص منه محمد كاتب..............
في الكافيه
رحاب بقهر: لو حكتلك حكايات دعاء الخبيثه , هتحتاج ليوم كامل تسمعها, آمير ماشي بتعليماتها
هي بس, والي بتحمله عشانه هو
جمال اتحرك بنزعاج: بس هي مش كده
رحاب: لانك متعرفهاش عن قرب , كانت اعز صاحبه ليا في الجامعه , واليوم واقفه تتخانق معايا كل يوم لانها عايزه تنزل قيمتي قدام اخويا, تخيل مبقاش ليا اي اهميه في بيتي هزت موقفي لددجه اخويا بقي يسمعلها هي بدالي
جمال بعدم تصديق: ده غريب جدا انها تضعف بنت زيك , وانا من رآي لازم تعملي حاجه توقفها لحجمها ليه تتحمليها
رحاب مثلت البراءه: اعمل ايه اخرب بيت اخويا , وبعدين انا منزلش لمستواها واقف اتخانق مع واحده زيها , جمال انا حتي مش بشارك حد احساسي ناحيتها مع اي حد في البيت, انا حكتلك لانك اليست فريند المقرب , ولان انت كمان عانيت بسبب برائتها المزيفه , عشان كدا اتكلمت معاك , عشان تخرجها من قلبك هي لا تستاهل حب اخويا ولا حبك
جمال بينه وبين نفسه : مين الغبي الي قالك اني بحب دعاء , انا كمان زيك نفسي انتقم منها اكتر منك ولازم اردلها الضربه اضعاف لانها سابتني انا
رحاب حركت ايدها قدام عيونه: سرحت في ايه
جمال انتبه: تمام سيبك من الموضوع , بلاش يغير مودك ايه الفايده لو قلقتي ع حاجه لايمكن تعمليها تحبي اطلبلك عصير فريش
رحاب: لاء انا بحب الكابتشينو وبعدين لازم اروح
جمال: تحبي اوصلك
رحاب: ماشي
جمال: استني اخلص القهوه واوصلك
استوب ونكمل لما رحاب تحب تثبت انها قادره تعمل كتير لدعاء وفعلا تنفذ خطه جديده لكن قاسيه جدا
تكمله البارت الثامن عشر
#الحربايه_والثعبان
✿ قصص منه محمد كاتب ✿
https://www.facebook.com/groups/376065872516999/permalink/4977360432387497/
في غرفه رحاب شردت بتفكيرها الشيطاني : مفيش جديد هيحصل لو ضيعت وقت لازم احط دعاء في قيمتها , بس الاول لازم انهي الزعل مع آمير واعمل زي ما نصحتني مامي عشان كدا مضطره اتودد لدعاء
رحاب خرجت من غرفتها وراحتلها خبطت ع الباب وقالت: اقدر ادخل
دعاء سابت التاب من ايدها : ادخلي
رحاب قربت منها: انا اسفه جدا. انا حاسه بالذنب , مكنش ينفع ابدآ ابدا الي عملته
دعاء بهدوء : رحاب انا مش فاهمه ايه الي بيحصلك فجأه, كنا اصحاب لسنين طويله , ولما ارتبطت بآمير قلت صداقتنا هتقوي, لكن حصل العكس ومعرفش انا بعملك ايه او انتي بتتغيري معايا ليه؟؟!!
رحاب : احنا لسه زي محنا اصدقاء , انا بس عندي مشاكل كتير
دعاء: وانا ع يقين انه فيه سبب قوي, وري المشكله , واكيد الشخص الي بتحبيه مش كدا
رحاب اتنهدت وسكتت
دعاء مسكت ايدها: ليه بتخبي عليا يارحاب , ليه تشيلي في نفسك لو حب من طرف واحد ابعدي
رحاب: الامر مش بالبساطه دي, لاول مره في حياتي اسمع لقلبي بدل عقلي , وهو مش عارف اي حاجه عن مشاعري , وانتي مهما قلت لك لا يمكن تفهمي وتحسي بوجعي , ولا حد هيقدر يتخيل حجم الالم الي بعاني منه
دعاء: قوليلي مين هو يعني انا اعرفه
رحاب: انا ندمانه اني قولتلك عنه, لان مامي كل شويه تسألني من يوم ما اتكلمتي مع طنط دره وكله بسببك . ازاي اقولها والموضوع كله مش تحت سيطرتي , قوليلي مش من حقي ازعل واثور واغضب, بسبب كل ده, وآمير كمان زعلان مني , وانتي عارفه انا قادره اتحمل كل حاجه الا غضب آمير مني
آمير دخل وقال مبتسم: وآمير مش بيحب يزعل منك, وانتي عارفه ،مش بحب اشوف دمعه واحده في عيونك
رحاب جريت ضمته: انا اسفه
آمير طبطب عليها بحنان: انا كمان آسف , مكنش ينفع انفعل بالطريقه دي , ع العموم اقعدي كملي كلامك انا كنت نسيت موبيلي ،وطلعت اخده وانزل
رحاب ابتسمتله: ماشي
دعاء ببساطه : اظن انتي مبسوطه دلوقت
رحاب بابتسامه بارده: طبعا
.............قصص منه محمد كاتب................
في جناح ناني
ناني دخلت: اتفضل قهوتك
رياض: ثانكيو
ناني بفرحه: الحمد لله آمير صالح اخته وبقوا سمنه ع عسل ’ اصل الحياه كلها بتمر في حل مشاكل الاولاد , لو رضيت واحد التاني يتقمص ولو رضيت التاني الاولاني يزعل
رياض بضيق : ليه بيحصل كل ده ياناني؟؟!!ايه الي حصل فيهم ولا احنا معرفناش نربيهم
ناني: انت عارف هم بيحبوا بعض ازاي , ومفيش حاجه من دي حصلت قبل كدا , رحاب بتحب اخوها ومتعلقه بيه , وآمير عمره ما اتكلم معاها بالنبره القاسيه دي , لكن ده حصل بعد جوازه
رياض: يعني بتحملي دعاء المسؤليه
ناني: انا مقولتش كدا بس كل واحد موقفه بيتغير بعد الجواز , ولو آمير اتغير عن موقفه ده امر طبيعي , لكن رحاب مش متعوده ع القسوه دي, ودعاء بتزعل من امور بسيطه , واظن غيرانه من حب آمير لـ اخته
رياض: سألتي رحاب ليه اسلوبها كدا
ناني: سألتها وكنت هرتاح لو قالت لي عن الي جواها
رياض: انا ممكن اسألها بس مش شايف انه مناسب وهتلف , وتدور , وتحور , وانا بجد مبقتش عارف هي عايزه ايه؟؟!!انا قادر افهم سبب رفضها لداغر لكن لرامز
ناني: رامز كان شاب كويس اوي وكان الحل للمشكله انها تتجوز , لكن هي بتفكر في ايه او عايزه مين معرفش
رياض: ناني اظن بنتك كل يوم والتاني بترفض عرسان , اقعدي معاها وحاولي توصلي هي عايزه ايه؟؟!!
ناني: ان شاء الله
..............قصص منه محمد كاتب...............
يوم جديد في جناج دعاء بتفرش ملايا السرير
آمير دخل بكياس كتير لدعاء وقال : a surprise
دعاء بدهشه: ايه ده كله
آمير: شوفي بنفسك
دعاء فتحت الاكياس: ايه ده دي العاب كتير
آمير: ايوه للبيبي مش ليكي
دعاء ابتسمت علي كلامه : بس احنا مش محتاجين الحاجات دي دلوقت خالص , ده لسه بدري ع مايلعب
آمير: الوقت هيجري في غمضه عين
دعاء: يعني عملت شوبنج في قسم الاطفال , وكدا هتتملي الاوضه لعب , مش هيبقي فيه مساحه نعيش فيها
آمير: ايه يعني نعزل في اوضه تانيه الجناح كبير
دعاء ضربته ع كتفه بهزار : اعتقد اشتريت حاجه تانيه صح
آمير: ايوه اشتريت حاجه لينا احنا الاتنين
دعاء: ايه هي
آمير طلع من جيبه تذكرتين وحطهم في ايدها ببتسامه
دعاء : ايه ده هنسافر كندا ياآ مير
آمير هز دماغه: ايوه عندي شغل في كندا , وقلت ليه اسافر لوحدي , وسألت الدكتوره وسمحتلك بالسفر فقلت اسحب روحي معايا , وبعدين منها نعمل شهر عسل بالمره هم اول ثلاث ايام شغل , وباقي الوقت هننقضيه سوي
دعاء باست خده بسعاده: الف شكر ياحبيبي
آمير: اهلا وسهلا ،بس انا ميتكلش عقلي بألف شكر انا عايز العربون
دعاء مسكت دقنه بغمزه جريئه : عيوني عشانك
.............قصص منه محمد كاتب...............
في منزل عائله دعاء
الفت اتصلت بداغر : الو
داغر: مين معايا
الفت كشرت: انا الفت ياداغر مش مسجل رقمي
داغر بضيق: متصله ليه يا الفت
الفت: متصله ليه يعني , من يوم ما سافرت ولا سألت عني ولا عن حالتي , وبتكلمني بالقسوه دي , وبتقولي ليه متصله بيك كمان
داغر: الفت متستنيش مني اي حاجه , انا ارتبطت بيكي غصب عني , وياريت تفكري ياأما تتعودي ع اسلوبي او قدامك فرصه تبعدي
الفت بحقد وغيظ : عمري ما شوفت واحد زيك من غير قلب , انت لا مهتم بحبي ولا عامل حساب لمشاعري , انا مستحمله كلامك المهين , ومضحيه بكرامتي عشان بحبك
داغر بضجر: وياستي يقولك بلاش تتحملي واحد قاسي زي , وبصراحه معنديش استعداد اخد نسخه مصغره من ميسر , وانا مستحيل اتخدع فيكي زي ما الكل مخدوع , وبلاش تضحي بحياتك عشاني , وانا بجد مش فاضي اسمع كلامك الفاضي , عندي شغل كتير لازم اعمله
الفت اتكت ع سنانها بغل: قفل السكه وقح جدا , وفعلا مش سهل السيطره عليه
ميسر دخلت بالعصير بصتلها وسألتها : مالك يابت , مبرقه كدا ليه في التلفون , في ايه؟؟!!
الفت بحقد: قوليلي تعرفي دجال
ميسر شرقت: ايه
الفت: الناس الي بيعملوا اعمال تعويذه يخالي داغر يركع تحت رجلي, قوليلي تعرفي حد
ميسر شوحتلها : لاء ياختي معرفش حد ولا عمري فكرت اعمل سحر وشعوذه
الفت رفعت حاجب بسخريه : بجد والله , بلاش تعمليهم عليا , انا مش غبيه , وعارفه انك بتسحري لمعمر انا متأكده انك عملتيله عمل
مبيسر: انتي اتجننتي انتي بتفكري تعملي سحر لداغر
الفت: اعمل ايه حبي لوحده مش واصل عنده , السحر الاسود يوصله اكيد , قوليلي في دجال تعرفيه
ميسر بتحذير: اسكتي ازاي تعملي عامله سوده زي دي , وبعدين كلهم نصابين بيطلبوا من الستات حاجات كتير غير الفلوس
الفت: مش مهم انا فقدت الامل وده اخر امل اجيبه راكع ذليل
..........قصص منه محمد كاتب...........
في بهو الفيلا قدام شاشه tv بدايه تنفيذ الخطه
رحاب قفلت الصوت وربعت : عشان كدا مش بحب اتابع مسلسل خيالي ،لما الوضع يبقي اسوء بتحصل معجزه ،وتتحل المشكله
ناني: ايوه بس ده بيحصل في المسلسلات والافلام , بعيد كل البعد عن الواقع ،ده مبيحصلش في الحقيقه
رحاب: بالظبط , اقولك ع حاجه بتحصل هنا متقلش عن اي دراما , فاكره لما طلبتي من آمير يبعت دعاء ع بيت امها , وفجأه بلغك بحملها , فكري كدا اظن زي المشهد الي حصل في الفيلم , لازم تروحي للدكتوره مع دعاء , وتتأكدي انها حامل مش تمثليه عاملنها عليكي
رحاب حطت طبق الفشار وقامت تنفذ خطتها اللعينه
ناني قامت وقفت تفكر في سرها: معقول ابني كدب عليا عشان يخفف غضبي ....لاء ابني ميقدرش يكدب في حاجه كبيره زي دي... (خبطت دماغها بصوابعها ) ايه التفكير ده مستحيل يألف انها حامل
اما رحاب راحت المطبخ وطلعت علبه عصير انانس وندهت: امال
امال بصتلها: نعم يا ست هانم
رحاب: طلعي كوبايه العصير دي لدعاء
امال: لكن ممنوع اي عصير فيه مواد حافظه
رحاب بشخط: ده عصيرها الي بتحبه اطلعي ادهولها والا هشتكيكي لمامي وبعدها هتهزقك كتير
امال: انا طالعه بلاش تتعصبي
رحاب: روحي
امال طلعت ورحاب وقفت تقطع كوكتيل فواكهه واخدت الطبق وطلعت
رحاب بأبتسامه مزيفه: دعاء انتي لسه مشربتيش العصير معقول
دعاء نزلت الموبيل: آسفه جدا كنت بكلم آمير ونسيت
رحاب: مفيش مشكله اشربي العصير وشوفي جبتلك سلطه فواكهه
دعاء: لاء مقدرش اكل ده , ده انا بالعافيه هخلص العصير , لاء مش هقدر اكله
رحاب مثلت الزعل: ده انا عملته مخصوص عشانك , عشان خاطري دوقيه , وقوليلي طعمه عامل ازي
دعاء بستغراب: بجد عملتيه بنفسك
رحاب رفعت صوابعها: ايوه عملته بأيدي الجميله وقطعت الاناناس الي بتحبيه يله دوقي
دعاء: لاء طالما من ايدك لازم ادوق شكله يفتح النفس (اكلت كتير) بجد لذيذ
رحاب بخبث: خلصيه كله والا عزعل
دعاء: وانتي مش هتاكلي منه
رحاب: اكلت تحت
دعاء وهو مندمجه في الاكل: الف شكر
رحاب: كلي الانانس كله
الليل هجم وامير كان نايم ودعاء طول الليل تتقلب من تقلص معدتها وتتقيئ لحد ما هو قام وسألها مالك وردت ان معدتها فيها تقلصات حادة وفجأه صرخت من شده الالم