رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية الحربايه والثعبان الفصل التاسع والعشرون29والثلاثون30 بقلم منه محمد

وجات فقره العرسان والي المنظم الحفله طلب من اخت العروسه او صديقه مقربه هي الي تقدملهم العصير وناني طلبت دعاء هي الي تقدم العصير كان لحظه سوده ومنيله نكمل لكن للاسف جمال بمنتهي الحقاره والخسه حرك الصنيه من ايد دعاء اتكب العصير كله ع فستان رحاب الي قامت بكل غضبها وحقدها وغيرتها لطشت دعاء بالقلم ......وهنا الكل حصله حاله ذهول والاغاني وقفت والدنيا كلها وقفت تشاهد مشهد من اصعب مشاهد الحياه مؤلم بحق ......اما دعاء مبقتش عارفه تروح تدراي فين ولا تشتكي لمين نفسها بس تداري دموعها ووجعها من الي حواليها طلعت تجري علي بره وآمير جري وراها وهو حرفيا مصدوم

سولا شهقت بصدمه ووقفت بنفعال وبقهره: هي وقعت منها غصب عنها , مكنتش قاصده, ومكنش ينفع ابدآ ابدآ تضربيها بالقلم , قدام الناس دي كلها

ناني: ايه الي عملتيه ده؟؟!!البنت اتهلكت معاكي زي اختها كان لازم تحترميها

رحاب نفخت بضجر وشوحتلهم بدون اهتمام ورياض اتحكم في غضبه قدام الناس والجده زعلت جدا جدا من رحاب والكل راح عند دعاء يكونوا حواليها

آمير بدموع الصدمه: دعاء انا

دعاء جسمها بترعش: متقولش اي حاجه

آمير: لكن

دعاء: امير هنتكلم بعدين لو سمحت 'الوضع لوحده صعب 'متصعبهوش اكتر من كده

آمير بنفعال: انا هطريق الليله ع دماغها

دعاء مسكت ايده ونزلت دموعها: كدا هتفرج الناس عليا

آمير باس دماغها واخدها جوه حضنه وهي انهارت وهو انهار معاها

ميسر قربت : بجد معرفش ان دي الطريقه الي بتتعامل بيها دعاء من اهل جوزها

معمر بنرفزه من شدة الغضب: ده الي كان ناقص , نتفرج واختنا بتنضرب وتتهان قدام الناس

ميسر بحمقه: البدايه اهانه امك , وبعدين اتخانقوا مع داغر , اظن لازم نرد ع كل الاهانات وحالا

دعاء: ميسر ارجوك اهدي

داغر بغضب: دعااااء

دعاء ببكاء: داغر انت عارف ان ده مش الوقت المناسب نعمل اي حاجه

معمر: مفكره هقف واتفرج ع اهانتك دي مش هتعدي بالساهل , ضربتك قدام الناس وكأنك خدامه عندها

دعاء اتوترت : ابيه معمر ناس كتير هنا اي حاجه هتتعمل الي مخدش باله هيسأل , وهتبقي اهانه لعائله آمير

بهيه: بس يابنتي

دعاء بنظرات بتصرخ برجاء: امي من فضلك متقوليش اي كلمه وامنعيهم

رياض بص لناني بغضب وهي من الاحراج نكست دماغها لتحت

معمر: يظهر لا اختنا , ولا احنا لينا اي احترام , في بيتها وهنا

دعاء: الغضب والعصبيه , الوضع هيكبر , خلوا الليله بس تعدي ع خير ,وسلام

معمر بعصبيه وانفعال: يله يا ميسر , يله يا امي نمشي من هنا

دعاء: ابيه معمر

...........قصص منه محمد كاتب...............

في فيلا عائله جمال

سولا بنفعال: ايه الي مراتك عملته ده؟؟!!

جمال بهدوء: مام متخديش الي حصل ع محمل شخصي , رحاب غلطت , ومش هنقدر نغير الي حصل

سولا: والله انا برج من عقلي طار, بجد الي عملته منتهي التهور , ومش عارفه اقول قله تربيه انا لحد دلوقت مصدومه , معرفش انها قادره تبقي وقحه مع اي حد , وفي اي وقت , انت متعرفش الناس قالت عنها ايه

جمال: هي اتهورت شويه , بس انتي عارفه الخلاف بينها وبين دعاء

سولا: دعاء معملتش حاجه غلط , والحقيقه احترمت تصرفها جدا, لما حجمت اهلها , الناس دول اخلاقهم عاليه, لو فعلا ناس تانيه كانوا خلوها حرب , بس الناس كانوا في منتهي الادب والذوق انسحبوا بهدوء

جمال واقف مقهور من كلام امه لانه عارف اخلاق دعاء فوق الممتاز عشان كدا عشقها

سولا بضيق: ع كلا اطلع زمانها مستنياك

جمال: اوكيه

جمال اخد بعضه وطلع لرحاب ببوكيه ورد كبير ودخل قعد جنبها: مبروك ياجميله

رحاب: ميرسي

جمال: ليه مزاجك معكر

رحاب كشرت: انت شوفت الكل زعلانين مني , وخصا مامتك

جمال: لاء مام مش زعلانه منك , مين قالك كده

رحاب: انت مشفتش مامتك , ازاي اهانتني قدام الناس كلها , وازاي فضلت دعاء عليا قدامهم

جمال: رحاب كان لازم تقول كده لان اوردي فيه ناس كتير

رحاب: وانت كمان مغلطني زيهم , وانت عارف انها عملت كدا متعمده , تبوظ فستاني

جمال: عارف كل حاجه , وحاطط عيني ع كل الي بتعمله دعاء هي غيوره منك جدا , عشان كدا دايما عايزه تؤذيكي وخصوصا بعد ما اتجوزنا غصب عنها , كان لازم تفرغ احباطها ع حاجه تانيه

رحاب بغيظ : نجحت مره تانيه تبقي ضحيه , وانا متأكده مائه بالمائه ان بابي ومامي زعلانين مني جدا , والا كانوا اتصلوا بيا

جمال بص في ساعته: انتي عارفه الساعه كام , والكل مجهد فأكيد ناموا , وانا متأكد هيتصلوا بيكي الصبح(مسك ايدها بخبث) انسي الي حصل , وصدقيني انتي مغلطيش ابدا , ولو جالتك الفرصه رودي عليها بالمثل , ومتخافيش من اي حد ابدا , لاني حاليا معاكي اتفاقنا

رحاب: اتفاقنا

............قصص منه محمد كاتب.............

في منزل عائله دعاء بهيه بتعيط

معمر بنفعال: ايه فايده العياط دلوقت , اتوسلتي عشان اجوزها منه , قلتي آمير راجل جنتل مان ومؤدب , وهيفتح الابواب لدعاء , اتفضلي

ميسر عوجت بؤها بسخريه: شوفنا فعلا انه راجل جنتل مان , مكناش المفروض عطينا دعاء لجزارين, انا هقول كلمه واحده حتي لو هتوجع احنا غرقنا كلنا في العار , رغم عندها راجلين الا انها بتعيط ع اهل جوزها فين رجولتكم

معمر زادت غضبه: امي انا مش قادر اتحمل, انا هجيب دعاء وتفضل معانا هنا

بهيه ببكاء: بس يابني

معمر لداغر: جاي معايا ولا لاء

داغر: امي هم مش اهانوا بس دعاء لوحدها , احنا كمان الاهانه كانت لينا

معمربغضب: وانا مش قادر اتحمل هروح حالا اجيب دعاء

بهيه ببكاء : داغر روح مع اخوك ده متعصب وهيبهدل الدنيا زياده

داغر طلع وري اخوه وميسر طلعت وراهم

بهيه انفجرت في البكاء : جيب العواقب سليمه يارب منك لله ياميسر

............قصص منه محمد كاتب............

في منزل عائله آمير

رياص استقبلهم: انا اسف عن الي حصل امبارح من بـ

معمر قطعه: احنا مش جاين نسمع اعتذار

رياض: يابني انا مكسوف من الي حصل اقعدوا طيب ونتفاهم اتفضلوا

داغر قعد وقال: بص ياعم رياض دعاء هي اختنا الصغيره ووافقنا تتجوز آمير لاننا اعتقدنا هتلاقي الاحترام قبل الحب وهتتعامل بالمساواه هنا وكان عندنا امل انه يتم احترامها

معمر: والجوازه تمت بموافقه الكل احنا مرمناش نفسنا عليكم وانت يا آمير وعدتني هتحافظ ع كرامه اختي وسعادتها وجيت اتوسلت عشان اوافق اديلك اختي

آمير: انا مش قادر ارد ع كلامك , لان انا مكسوف من الي حصل ولحد دلوقت مذهول

معمر: احنا الي مكسوفين اختنا انضربت فاهم يعني ايه , وسكتنا لانها طلبت مننا نسكت محبتش تبوظ ليله فرح المحترمه اختك

رياض: والله انا محروج ووشي منكم في الارض وبعتذر

معمر: كام موقف هتعتذره عنه ها , انتم بتهنونا في اي وقت يخطر ع بالكم حتي مش مسموح لينا نخطي خطوه هنا نطمن ع اختنا , عارف قد ايه دي اهانه في حقنا, كان الاكرم نجوزها من اسره متواضعه لكن محترمه

ناني بنفعال: وانت مفكر اختك بريئه , هي كمان بتحط التوابل ع كل الي بنعمله

رياض بصلها بهجوم عنيف: ناااااني (بصله بكسره نفس) عندك حق يامعمر ارتكبنا غلط كتير في حق دعاء , لكن شوف يابني اي نسب بيحصل فيه مشاكل في اي لحظه, لكن احنا نصلحها

معمر بتهكم: نصلحها ! بنتك ضربت اختي قدام الناس,, ياتري الاعتذار هيمسح الاهانه الي حصلت امبارح عادي

آمير بص لدعاء نظرات كلها رجاء متمشيش معاهم !!

دعاء: ابيه معمر انا مش محتاجه اعتذار من حد , عارفه ان وجعي الي جابك هنا , وانكم متعودتوش تشفوني بتألم , لكن هم عايلتي زيكم , وهم كمان من امبارح بيتألموا لـ المي ووجعي وشايفه الندم والعار في عنيهم , ومش حابه اشوفهم كدا , فمن فضلك متزودش عليهم خجلهم

رياض عيونها فيها شبح دمعه: الله يبارك فيكي يابنتي وفي تربيتك, ومعنديش ادني شك ان عندك قلب وروح كريمه ومتسامحه واوعدك ان رحاب هتتعاقب ع عملتها وتعتزرلك كمان

دعاء عيونها دمعت : وانا مش عايزه منها حاجه هي اختي ومالهاش ذنب تتعاقب ع فعله غيرها وكلنا بنرتكب اخطاء وبنرجع نسامح وبنكمل عشان نعرف نعيش ونحافظ ع علاقتنا ليه متعملش كدا حاليا يا ابيه انت هنا عشاني مش كدا وانا مسامحه عشان نلم الامور

رياض: الله يبارك فيكي , انتي نعمه كبيره للبيت هنا, وانا فخور بيكي , ناني من فضلك قومي جهزلنا الفطار

داغر بهدوء: لاء ياعمي احنا لازم نمشي

رياض: ازاي يابني تمشوا اقعد نفطروا كلنا

معمر: لاء شكرا

رياض ضرب ناني بنظره كلها غيظ وراح يوصلهم

...............قصص منه محمد كاتب............

في منزل عائله جمال وتحديدا غرفه نومهم

رحاب لفت وبصتله: ها شكلي طالع ازاي

جمال رفع عيونه من ع الموبيل: هممم خلابه

رحاب: ممكن تساعدني بليز

جمال قام: شور( لفها و قفلها القفل)

رحاب: مامي اتصلت جايه للزياره

جمال: مامتك بس ولا دعاء معاها

رحاب: مينفعش تيجي معاها انا امبارح يومي باظ بسببها ومش طايقه اشوف خلقتها وزي كل مره تلعب دور الضحيه والكل اتهمني اني غلطانه

جمال: ريلاكس انتي لسه بتفكري في الي حصل متقلقيش استعدي يله

رحاب: انا مستعده

جمال ابتسم واخد ايدها وطلعوا لكن اتفاجئو ان دعاء وآمير موجودين وسولا بترحب بيهم وخصا دعاء ترحاب شديد وبتشيد بيها من موقفها امبارح وانها زادت احترام في نظرها جدا

رحاب طارت في حضن امها وجمال سلم ع امير وناني اتجاهل دعاء لما لفت وشها عنه

رحاب: امير عامل ايه

آمير رفض حتي يبصلها

رحاب بضيق: ليه مجتيش لوحدك

ناني: كنت فعلا جايه لوحدي بس ابوكي بعت معايا دعاء وآمير تعتذرلها بسبب اللاسلوب الي اسائتي في معاملتها

رحاب بصتلها بضيق وجمال انزعج اما آمير قاعد مكسور ووشه مسود

ناني: ليه مبحلقه فيا كدا دي غلطتك وكلنا زعلانين جدا , وابوكي وجدتك دمهم محروق , بتفكري في ايه اعتذري

رحاب ع مضض: انا آسفه يادعاء , انا بالغت في رده فعلي , مكنش يصح اعمل كده

جمال انزعج ودعاء بصتله وآمير من شده الغضب كله تركيزه ع رحاب

...............قصص منه محمد كاتب..............

في غرفه رحاب رايحه جايه بغضب ولنفسها: مامي اهانتني ....قدامهم وقللت من شأني ....بس مشيت الجو عشان اعرف اخد حقي .....ولا يمكن انسي الاهانه بدا

الشغاله خبطت ع الباب: اتصلتي بيا يا مدام رحاب

رحاب: ايوه خدي البلوزه دي اكويها عشان خارجه

الشغاله: حالا افردها واجبهالك

لكن للاسف الشغاله نسيت المكواه ع البلوزه وراحت ترد ع التلفون والبلوزه اتحرقت

الشغاله اخدتها وراحت لرحاب ان ده حصل غصب عنها

رحاب بصراخ: ازاي تعملي كدا , انتي مفكيش عقل ازاي مستهتره كدا, بوظتي البلوزه, عارفه تمنها كام

الشغاله بخوف: عارفه اني غلطت , بس كنت برد ع التلفون , ونسيت خالص

رحاب بنرفزه وصوت عالي: انتي غبيه للحد ده , تنسي مكواه , وتروحي ترغي , انتي معندكيش فعلا اي عقل

سولا دخلت ع الصوت وسألت : رحاب بتعملي ايه ؟؟ ليه تزعقلها بالشكل المهين ده

رحاب: طنط عارفه الغبيه دي عملت ايه حرقت بلوزتي

سولا للشغاله: تقدري تروحي لشغلك(بصت لرحاب) رحاب صريخك مش هيعوض حرق البلوزه, كنتي الاول حذريها براحه ولما تكررها تاني ابقي اصرخي

رحاب: يعني كدا ببساطه احذرها متعملش كدا المره الجايه, ده ع اساس هي طفله , وانتي بتفضليها عليا

سولا : انا مش بفضل حد انا بفهمك تحسي بغلطك , انا عمري ما اتكلمت مع الشغالين بالاسلوب ده هم بشر من لحم ودم , ممكن يغلطوا زي ما احنا بنغلط , تقدري تشتري بلوزه جديده بدل ما تهيني انسان عشان حته قماشه , سهل تعوضيها لكن الي مش سهل تعوضيه عن الجرح والالم النفسي , من اهانتك خدي بالك المره الجايه وهطلب من جمال يشتريلك بلوزه جديده

رحاب قفلت ملامحها بستياء ومشت لجناحها ورزعت الباب

جمال طلع من الحمام بصلها: واو واضح اعصابك شايطه

رحاب رفعت البلوزه : شوف

جمال قرب ومسك البلوزه وسألها: مين الي عمل كده

رحاب: الشغاله عملت ايه؟؟!! ومامتك اتخانقت معايا , وبتقولي ان المفروض مكلمهاش, ولو وصلت اننا نتسامح مع خدمنا هيفهموه اننا بنتساهل معاهم ويستهتروا بينا

جمال: اوكيه هتكلم مع مام , مفيش داعي تعمليها حكايه , بدون داعي

رحاب : تقصد ايه بدون داعي , يعني انا اتعصبت بدون سبب

جمال: لا مش انتي’ يله انسي هاخدك لمامتك

رحاب أأعدت ع السرير: مش عايزه اروح اي مكان

جمال ضم حواجبه : ليه؟؟!!

رحاب: لاني مش عارفه ايه الي هيحصل لو روحتلهم

جمال: حالا نصبتي افترضات ارمي الي حصل وري ضهرك

رحاب ردت بغيظ : وعن الست دعاء

جمال: هتقطعي عائلتك عشان دعاء , يله قومي اجهزي

رحاب: اجهز اكتر من كده

جمال: الي اقصد اقوله قومي جددي نشاطك

رحاب: تمام

........قصص منه محمد كاتب............

في جناح دعاء

آمير بمتنان وعرفان: دعاء الف شكر

دعاء: ع ايه؟؟!!

آمير: ع تعزيز ثقتي فيكي , فكرت للحظه انك اتغيرتي لكن الطريقه الي عاجلتي بيها الموقف بجد مهما قلت مفيش كلام يوفي حقك , يعني طلعتيني انا واهلي من موقف الاحراج , عشان كدا بشكرك

دعاء بهدوء: آمير انت ملكش ذنب في الي حصل

آمير بضيق: ايوه لكن رحاب ظلمتك مره تانيه

دعاء: خلاص حبيبي انسي الي حصل, وبعدين مش بحب اشوفك زعلان ومكشر كدا

آمير: عشان مش عايزني كدا مضطره تتحملي كتير بسببي انا آسف

دعاء: اتس اوكيه

آمير: يله بينا

ناني شافتهم: رايحين في حته ياولاد

آمير: ايوه دعاء عايزه تزور والدتها

ناني: اه وماله

دعاء: ماما تعبانه بقالها كذا يوم

ناني بهتمام: بجد مالها

دعاء: الضغط عندها عالي جدا

ناني: لاء لازم تروحي , وانا هكلمها اطمن عليها , ويومين اروح ازورها بنفسي

دعاء: بأذن الله

جمال دخل: يعني ماشين واحنا داخلين

رحاب ضمت امها وجمال سلم ع آمير

رحاب: عارفه وحشتيني قد ايه

ناني : وانتي وحشتيني خالص

جمال بمرح : طنط بنتك كدابه, انتي موحشتهاش , ده انا اجبرتها تيجي

ناني: ميرسي يابني

جمال: اطلبيها وانا اجبهالك في اي وقت

آمير: اتفضل اقعد

جمال : شور هقعد

آمير لدعاء: حبيبتي هنمشي بعد شويه ممكن تعملنا القهوه

دعاء: حاضر

آمير: آسف

دعاء: ولا يهمك

ناني: انتم النهارده تقضوا معانا

جمال: مفيش اي مشكله

دعاء لما لقت القاعده مطوله طلعت الجنينه تكلم امها انها مش هتقدر تروحلها اليوم

جمال طلع وراها: لازم تروحي متخلهاش تستني , ولا مش عايزه تفوتي فرصه وجودي مش كدا

دعاء بصتله بتحدي : لو مشيت هتفكر اني خفت منك ومين عارف يمكن في غيابي تقلب الكل ضدي

جمال: انتي بتزيدي تحصن كل يوم وبدئت اخاف بجد منك وخاصه بعد الطريقه الي اتعاملتي بيها في موقف رحاب ورده فعلك البارده برافو

دعاء: لانك استفزتها وانت الي حركت الصنيه قاصد تكبها ع الفستان

جمال: انتي بجد بارده ازاي قادره تتحملي كل الاهانات دي لو كنت مكانك

دعاء قطعته بحده: متقدرش تكون مكاني ابدا لانك هنا لخلق عدم ثقه وجاي بغرض تنتقم مني ع رفضك الميمون وانا مش بحب الشر لحد وعارفه ان فيه ربنا فوق مطلع وبيرجع الحقوق زي منا عارفه ليه اتجوزت رحاب بس انا مش هسمحلك ابدا تنجح في مهمتك الدنيئه وتبخ السم زي الثعبان

دعاء سابته وماشيه قابلتها رحاب وهي كملت بدون ماتكلمها لانها قررت تبعد نهائي عنهم

رحاب راحت عليه: انت بتعمل ايه هنا؟؟!!

جمال بخبث طلع علبه وحط سيجاره بين شفايفه وقال: كنت بدخن

رحاب: وكنت ليه واقف مع دعاء هنا؟؟!!

جمال: دعاء كانت هنا بتحذرني

رحاب: من ايه

جمال بمكر الثعالب: بتقولي مش معني اننا اتجوزنا انها هتسيبنا في حالنا , لكن متقلقيش انا مش هخليها تدخل واديها الفرصه تفرقنا , يله تعالي ندخل ومتقلقيش

.............قصص منه محمد كاتب..................

في منزل عائله دعاء

ميسر طالعه السلم شايطه وتبرطم: هو مفيش في البيت ده غيري تنزل الست الفت الحال ده مبقاش نافع

ميسر زقت الباب ودخلت لقت الفت قاعده وبتقلب في التلفزيون: والله عال , ياست الفت تقدري تتفرجي ع اللافلام والمسلسلات اي وقت لكن شغل البيت ملكيش دعوه بيه مش كدا

الفت: حصل ايه

ميسر: قولت لك اشتري شويه طلبات للبيت, لكن حضرتك بخلانه وماسكه ع الفلوس , والخزين خلص قبل الشهر ما ينتهي

الفت: المشاكل في البيت ملهاش نهايه , مفيش لحظه هدوء ابدا, انا مالي لو الخزين خلص , انا مالي, لازم تمسكوا ايدكم شويه

ميسر: نعم يعني انا باكله لوحدي , قوليلي هطبخ ايه ع الغداء , ومفيش اي حاجه في الثلاجه

الفت: انتي مبذره جدا, مش معني ان داغر مش مهتم بالمصاريف انك تبعزقوا شمال ويمين, انا وجوزي اتنين , رغم كدا لسه بندفع مصروف اكتر من جوزك بكتير

ميسر: يعني عايزه تقولي ان احنا عبئ عليكم

الفت: مقصدتش كدا

ميسر: انا فاهمه كل حاجه , من اول ما مسكتي المصروف بقيتي كأنك بتجبي عليا , واول ما اتكلم عن الخزين اشوف ازاي اسلوبك بيتحول ويتغير , لان داغر هو الي متكفل بمصاريف البيت , تمام هتكلم مع معمر انك تفصلي عننا, وخدي حماتك معاكي , ومن النهارده انا مليش دعوه بيكي , ولا هخدمك لما تتظاهري بالمرض , واهتمي بنفسك , والسلم والمدخل يتكنسوا ويتمسحوا , ومليش دعوه بحالتك وحملك من النهارده انا في ناحيه وانتي في ناحيه

الفت جريت وراها ومسكتها: استني بس ياميسر

ميسر سحبت ايدها منها بغيظ : اوعي انا رايحه عند امك ياختي

الفت وقفت والغيظ تملكها وقررت تخلص نهائي من بهيه وراحت جابت جردل مليان هدوم غرقانه ميه وطلعتلها

الفت: حماتي شوفي البت الشغاله سابت الهدوم كلها في الجردل وانتي عارفه الالوان بتدخل في بعضها لو سبناها مبلوله

بهيه: ازاي ده انا لما تيجي بكره هأنبها

الفت: ايوه بس الهدوم لازم تتنشر والا هتبوظ لو فضلوا كدا ع الصبح

بهيه: يابنتي لو كنت قادره بس ركبتي بتوجعني مقدرش اطلع السطح ع السلم الخشب قولي لميسر

الفت بمكر: ميسر مش هنا راحت لـ امي خلاص امري لله اطلع انا مفيش مشكله

بهيه بخوف: لاء ازاي هتشيلي جردل وتطلعي سلم , وانتي حامل , وبعدين متطلعيش ابدا عليه طول ما انتي حامل

الفت: حاضر

بهيه: روحي انا هطلع انشرهم

الفت بمكر: ماشي

بهيه استعانت بالله واخدت الجردل وطلعت السلم واحده واحده لكن تقل الجردل خذلها والم ركبتها مأسعفهاش ملحقتش نفسها ووقعت من ع اخر درجه سلم ونزلت سايحه في دمها وهي بتصرخ

الفت خلعت السماعه وطلعت لقتها سايحه في دمها وبتنازع بطلوع الروح وفي منتهي الجحود وقسوه القلب وموت الضمير سابتها ودخلت غرفتها وحطت السماعه وكملت سماع الاغاني عادي لحد ما بهيه دمها اتصفي وروحها طلعت لبارئها

الفصل الثلاثون 

في المستشفي وصلت بهيه قاطعه النفس تماما لكن تحت اصرار داغر الي مش مصدق ان اغلي الناس راحت انهم ينعشوها بجهاز القلب

دعاء وصلت وداخله بتجري: داغر

داغر ببكاء: دعاء امي

دعاء بنهيار: امي حالتها عامله ايه

داغر بعياط: معرفش

دعاء: يعني ايه متعرفش هو ايه الي حصلها

داغر: وقعت من ع السلم ونزفت دم كتير ويظهر وصلت ع هنا بعد فوات الاوان

دعاء اتجمعت الدموع في عينيها: متقولش كدا وبعدين ازاي وقعت من ع السلم

داغر: انا مكنتش موجود في البيت , الفت الي كانت معاها , وبتقول نايمه ومسمعتهاش

دعاء لمحت الدكتور راحت عليه: دكتور طمنا

الدكتور لداغر: زي ما قولتلك, لما وصلت الحاله جايه متوفيه , لانها فقدت دم كتير لكن لو كانت اتلحقت بدري كان فيه امل لـ انقاذها البقاء لله

دعاء جريت ع اوضتها لقت الممرضه بتغطيها بالملايا

دعاء شالت الملايا وقلبها رجف بصدمه وعدم تصديق: امي فتحي عنيكي , امي انا دعاء انا جيت اطمن عليكي قومي فتحي عنيكي بوصلي واتكلمي معايا امي

آمير دخل سحبها وهي بتصرخ صرخات مخنوقه جوه حضنه وهمس كلمات من القران الكريم

............قصص منه محمد كاتب...............

في منزل عائله جمال

الشغاله خبطت : ممكن ادخل

رحاب: تعالي في ايه؟؟!!

الشغاله: سولا هانم عاوزاكي لان فيه ضيوف في الرسببشن طالبينك

رحاب: لو هم ضيوفها انا هقابلهم ليه. قوللها عندها صداع ونامت

الشغاله: حاضر

رحاب: اقفلي الباب وراكي , وبلاش تدخلي كل شويه وتزعجيني , بدون سبب

الشغاله خرجت وقفلت الباب وراحت الرسبشن لسولا وقالت: مدام رحاب نايمه ياهانم

سولا بستغراب: هو ده وقت للنوم

الشغاله: بتقول عندها صداع ومش عايزه ازعاج

سولا: تمام روحي اعمللنا قهوه

صديقه سولا: خلاص ياسولا نقابلها المره الجايه

بنت الصديقه: بس كان نفسي اقابلها ده انا جايه مخصوص عشانها

سولا: انا آسفه جدا لو مش تعبانه كانت جات اكيد

صديقه سولا: احنا لسه مسافرين روما كمان اسبوعين ممكن نيجي تاني ونشوفها

البنت: تمام عيد ميلادي الاسبوع الجاي طنط سولا تحضر وتجيبها معاها

سولا: طبعا هجبها معايا ونحتفل بعيد ميلادك

الصديقه: انا رتبت للحفله وعزمت كل اصحابنا الي بقالنا يما متقبلناش من وقت

سولا: فكره هايله نحتفل اكيد

............قصص منه محمد كاتت...........

في جناح دعاء الي عيونها دبلت من كتر البكاء

آمير قاعد قصادها: حبيبتي ليه رافضه تاكلي اي حاجه , انا جبتلك سندوتشات وكوبايه لبن

دعاء قفلت عيونها بشده ونزلت دموعها بصمت

آميررفع دقنها : من فضلك كلي اي لقمه حتي لو صغيره

دعاء حطت وشها بين ايدها وعيطت

آمير ضمها: دعاء وحدي الله لازم تجمدي وتبقي قويه

دعاء: اجيبها منين القوه , وامي ماتت وسابتني في الدنيا , امي مبقتش موجوده ومش هشوفها تاني هعيش من غيرها ازاي يا آمير

آمير مسح على شعرها بحنان وقال: احنا ملناش سيطره ع الحياه والموت بس انتي مش لوحدك انا معاكي وجنبك , واامك كان نفسها تشوفك دايما سعيده

دعاء ببكاء: اه يا آمير, امي حبيبتي ماتت, ازاي هيزول الالم , ازاي هيقل الوجع

آمير شاركها دموعها : فكري لو شافتك في الحاله دي , هتتألم كتير

دعاء: نار يا آمير الفراق نار

آمير ضمها لحضنه ومسح على شعرها : عارف ومقدر حالتك , بس لازم تاكلي هتتعبي , والتعب مش هيرجع الي راح يله حياتي كلي اي لقمه عشان خاطري

ناني خبطت ودخلت واعدت جنبها بمواساه: دعاء وحدي الله وبعدين انا عارفه انك قويه وعندك عزيمه

دعاء ببكاء: حتي انا كنت معتقده كدا لكن موت امي هز قوتي ومبقتش قادره اتحمل امي كانت مصدر قوتي من يوم ما سبتني حاسه ان عزمتي مكسوره

ناني: يابنتي متقوليش كدا , حتي لو الاب والام مش موجودين في الدنيا بيبقوا دايما مع اولادهم صلي وادعي لله قادر يخفف عنك في الدنيا , ويخفف عنها في الاخره , وصدقيني هي حاسه بيكي يله كلي

دعاء اخدت من ايدها وبدئت تغصب نفسها وتاكل

آمير قام براحه: كدا اقدر امشي وانا مطمن

دعاء: استني احضرلك القهوه

آمير: لاء مفيش وقت عندي اجتماع مهم , لازم اكون من ساعه في الشركه , ولو سمحتي هدي نفسك وبلاش عياط

ناني: اطمن انا معاها 'ومش هسيبها 'ابدا لحد ماترجع بالسلامه

آمير باس دماغ امه وطبطب ع دعاء واخد بعضه وغادر من المكان!!!!

..........قصص منه محمد كاتب.............

في الكافيه

سامو: يعني مليت وزهقت

جمال: جدا مبقتش طايق اقعد دقيقه

سامو ضحك: اه لو سمعتك

جمال موبيله رن عوج شفته ورد: خير يارحاب فيه حاجه

رحاب: انت فين ياجمال

جمال: انا في الشغل هكون فين

رحاب: عارف الساعه كام

جمال: انا عندي شغل كتير

رحاب: احنا بقالنا اسبوعين متجوزين وبدئت تتجاهلني تماما

جمال: مش مسأله تجاهل

رحاب: بس انا حاسه انك متعمد تسهر في الشركه عشان تتخلص مني

جمال بتهكم: بتقولي ايه انتي حاسه بكلامك

رحاب: ايوه حاسه عشان كدا بقوله , انا هنا قاعده بين اربع حيطان وهـ موت من الملل وانت بدل ما تقعد تقضي وقت معايا او نسافر شهر عسل مقضي وقتك كله في المكتب

جمال: رحاب ريلاكس لو سمحتي هنتكلم لما ارجع البيت وهتأخر شويه عندي شغل مهم

جدا لازم اسهر عليه , روحي اقعدي مع اصحابك في النادي, او روحي زوري مامتك, كدا هيضيع الزهق وتحسني مزاجك , قولتي ايه؟؟!!

رحاب بنفخت بضجر : مش هعرف اروح لمامي , دعاء امها ماتت ومامي هناك

جمال: بجد خبر محزن جدا

رحاب: ع كلا بليز حاول ارجع بدري , خلص شغلك وتعال نخرج نتعشي, في اي مكان بره

جمال: هعمل اقصي جهدي, لكن عندي شغل مهم جدا ,وهرجع لما اخلصه باي

رحاب بضجر: باي

............قصص منه محمد كاتب................

في فيلا جمال

جمال سألها بقلق : مام لسه منمتيش خير

سولا: اخيرا رجعت البيت قاعده مستنياك

جمال: بلغت رحاب اني هتأخر الليله

سولا: اممم ماهي قالت لي بس انت عارف لايمكن انام ابدا لحد ما ترجع البيت , اظن الوضع مش جديد فاليه متفاجئ

جمال: متزعليش بس انا قولت زمانك نمتي عشان عندك ميتنج الصبح بدري قوليلي ليه شكلك مضايقه فيه حاجه حصلت

سولا: جمال عايزه اكلمك عن رحاب

جمال عقد حواجبه وبترقب : مالها

سولا: مواقفها غريبه شويه , مش عارفه اشرحلك ازاي

جمال: ليه عملت ايه

سولا : يابني دي لا بتقدر, ولابتحترم حد غير نفسها دي ولا مهتمه بأي حاجه , وانتي عارفني اني مش من الامهات الي بتعمل من شئ تافه قضيه كبيره , ونظام الحماه الي بتجر شكل مراه ابنها , لكن يابني لازم تتهذب اكتر من كدا

جمال: مام ممكن تقوليلي هي عملت ايه؟؟!!

سولا بدئت تحكي لجمال وهو بينه وبين نفسه بعد ما سمع : مش قادر اتحمل اسلوبها السيئ زي ما هو صعب اتحملها معايا..... لكن لسه موصلتش للي بيدور في ذهني..... لازم اتأقلم معاها لكن لو زادت المشاكل بينها وبين مام ......وفضلت احكم بينهم ..... لاء لازم القي حل سريع للمشكله دي

..........قصص منه محمد كاتب..............

في منزل عائله دعاء

الفت بتحضر السفره: ده انا كنت مفكرها هتبقي كويسه

ميسر عوجت بؤها: حتي لو كانت , اكيد عضمها اتكسر , ولو كانت نجت منها هتبقي راقده في الفرشه , ولازم نخدمها طول حياتنا , ده غير ولادها هيلزقوا في سريرها ,ويشاركوها حزنها

الفت: عندك حق, احسن انها ماتت بدل الاعاقه , واحنا نتحمل خدمتها

ميسر: لما اروح اشوف معمر لبس عشان يجي يفطر

الفت: وانا هروح اشوف داغر صحي ولا فينه

الفت طلعت وشافته واقف قدام الكرسي الي كانت بهيه دايما تقعد عليه

الفت حطت ايدها ع كتفه: داغر ليه واقف هنا الفطار برد

داغر عيونه مليانه دموع: مش عايز اكل

الفت: شوف ياداغر قله الاكل مش هيرجعها , الناس الي من المفروض يمشوا بيمشوا , والحياه مش بتقف

داغربصوت مخنوق بقهره: لكن حياتي وقفت بعد وفاه امي , ومهما قلت انتي مش هتقدري تفهمي ده

الفت: يمكن ماليش علاقه دم معاها زيك , لكن كنت دايما بعتربها زي امي , بس مقدمناش غير الصبر , وننسي الالم ونتأقلم نعيش من غيرها , يله تعال افطر والا انا مش هفطر

داغر مسح دموعه: الفت بلاش تبقي عنيده, انتي لازم تاكلي عشان الجنين

الفت: لو قعدت تاكل انا كمان هاكل يله بينا

داغر مشي جنبها : يله

..............قصص منه محمد كاتب...............

في منزل عائله جمال تحديدا ع السفره

رحاب: قررت ايه؟؟!!

جمال بعدم فهم: عن ايه

رحاب: عن سفرنا لشهر العسل

جمال: اه اكيد هرتب في خلال ايام بسيطه متقلقيش

رحاب بضجر : هستني قد ايه كنا زمنا راجعين

جمال ساب الشوكه وبصلها: رحاب انا عندي شغل كتير , مقدرش اسيبه واسافر كدا فجأه وياستي هنسافر في خلال اسبوع او اسبوعين

رحاب قفلت ملامحها بتهكم: اسبوع او اسبوعين

جمال بهدوء: يس

رحاب : لو هي دي المشكله, مامتك تتولي الشغل ,واظن دي شركتها

جمال : اه تقدر لانها شركتها , بس لو هي موجوده , عشان كدا لازم اتولي انا الامور

رحاب ضمت حواجبها بسؤال: ليه هي رايحه فين

جمال: امريكا خالو تعبان جدا , ولازم تسافر تطمن عليه , ومتقلقيش هرتب بروجرام ممتاز واخدك ع هناك

رحاب : وعد

جمال بهدوء : وعد يله كلي

............قصص منه محمد كاتب..............

في منزل عائله جمال خرجت ع سنجه عشره وطالعه

سولا: انتي رايحه ع مكان

رحاب : ايوه رايحه النادي مع الشله ليه

سولا : بس بسأل , اظن قبل ما تتجوز كنتي بتخدي اذن من عائلتك قبل ما تخرجي , ولا بتخرجي منك لنفسك

رحاب : قصدك ايه

سولا : يعني من يوم ما اتجوزتي, وانتي ناسيه اني موجوده معاكي في البيت , ومش بتهتمي ابدا تقوليلي رايحه فين 'وتاخدي اذن مني

رحاب: اتصلت بجيمي وبلغته وهو عارف اني خارجه , وعارف رايحه فين 'وهبقي مع مين 'عشان كدا مفيش داعي ابلغ حد غيره , او اخد اذن غير منه هو

سولا بضيق: كنت غلطانه بخصوصك ,فكرت لوهله انك انسانه عاقله ,وبتقدري الاكبر منك بس كل يوم بتخيبي املي في امور كتير

رحاب : حتي انا غلطت في حاجات كتير اخدتها عنك , فكرتك هتكوني حماه سبور ,ولطيفه وحبوبه , وفري, لان ده موقفك معايا من اول ما قابلتك, لكن دلوقت اتغيرتي تماما تماما وبقيتي الحماه الغير نموذجيه

سولا بتهكم مسحوب بحده: انا مش كده , وبجد مش عايزه اشد معاكي , انا بفهمك الاصول, البيت هنا بيتك , وانتي زوجه لـ ابني وعليكي مسؤليه مهمه , لازم تتحمليها

رحاب ربعت ايدها بتكبر وغرور: اوكيه انتي بتروحي الشركه ,والندوات ,والحفلات ومستمتعه بحياتك , وعايزني افضل محبوسه في الفيلا مش كدا, سوري مقدرش اعمل شغل البيت لان ده انا مش متعوده عليه, واوردي الشغالين هم بس الي بيعملوه وبمتياز , واظن عندك ثقه كبيره فيهم , الافضل سبيهم هم الي يخدموكي , بلاش تسحبيني للامور دي باي

........قصص منه محمد كاتب..............

في الصالون سولا قاعده منفخه وبتشكتي منها لجمال

جمال: مام اظن قولتلك خلاص

سولا بنفعال: متقوليش انا , هي الي لازم تفهم , دي بتتكلم معايا في منتهي الوقاحه ,وقله الادب هي مش مدركه اني امك ,دي بترد عليا الكلمه بكلمه قدام الخدامين

جمال بتنهيده طويله: اوكيه مام ,هتكلم معاها لكن اعملي الي قولتهولك , هي مسأله اسابيع قليله وهصلح كل حاجه, لو فضلتوا تمسكوا في خناق بعض طول الوقت هتكون العيشه صعبه فأرجوكي اتعاملي بهدوء مع الموقف وعدي , مام لو مش عايزه حياه ابنك الوحيد تتعكر 'وحياته تستمر هاديه رجاء , دول يادوب عدوا ايام قليله لسه متجوزين وكل يوم خناق

سولا: يابني ليه ابقي عايزكم تتخانقوا , انا عايزها تتحمل المسؤليه وتتعامل بأحترام

جمال: هتتعلم صدقيني ,اديها بس شويه وقت انتي عاقله هي طايشه

سولا: يابني انا مش عايزه اتحكم فيها , انا عايزها تحترم الناس وتقدرني مش ديكور انا معاها

جمال: هتحترم اديها بس شويه وقت عشاني

سولا وهي قايمه بغضب: اوكيه اتكلم معاها وفهمها

جمال قعد بينه وبين نفسه قرر يخلص تماما من رحاب عشان يوصل لهدفه وبسرعه

............قصص منه محمد كاتب.....................

في منزل عائله دعاء

دعاء ببكاء : البيت هنا بعد امنا بقت كل حاجه كئيبه

داغر : حياتنا بقت فاضيه , عارفه كانت امي كل يوم تقعد مكانك منتظراني ادخل من الباب كانت بتفضل قلقانه , والخير الي انا فيه بسبب دعوه امي (عيط بحرقه) ليه حاسس اني فقدت شغف الحياه ومش عايز امشي خطوه فيها من غيرها

دعاء: بعد ابونا كانت امنا ملجأنا , بعد ما ما ماتت فقدنا الملجأ الوحيد , عشان كدا لازم نحط مرهم ع المنا بنفسنا , ونتحمل كل شئ بنفسنا , لكن مفيش حد في كل سجده بيدعلنا

داغر ضم اخته وبكاء: ازاي هنكمل حياتنا من غيرها ياختي ازاي

ميسر دخلت بضجر: يارب ارحمنا , مش هيبطلوا نواح , والله اعصابي تلفت من اول ما ماتت داغر مش مبطل نواح وجات دعاء تشاركه

الفت قلبت شفتها بسخريه: بتنوح بدل ما تقترح عليه ينسي ويكمل حياته , بتعيط معاه, انتي محظوظه غيري معمر مش نفس داغر زعل يومين اما دول مش مبطلين اواء ع امهم, بقولك ايه انتي لازم تتصرفي وتعملي اي حاجه تقطعي بيها رجل دعاء من هنا , امها ماتت ليه كل يومين والتاني جايه

ميس : وانا مالي , انتي الي تفكري في طريقه تمنعها من البيت هنا, بعد ما بعتي امها القبر شهلي واعملي ده مع دعاء

الفت اتوترت واتجمد الدم في عروقها : ازاي تتهميني كدا ؟ بقناعه اني موتها الكل عارف انها وقعت من ع السلم

ميسر رفعت حاجب بخبث: محدش بيمـ وت من وقعه سلم , لكن ماتت من النزيف, لو كانت راحت المستشفي في الوقت المناسب كان ممكن ينقذوا حياتها, وانا بس الي عارفه الحقيقه , لان انا الوحيده الي كنت عارفه انك مش طيقاها, وان انتي الوحيده الي كنتي رافضه وجودها لانه مأزمك لانها مسيطره سيطره كامله ع داغر

الفت بتوتر وانزعاج:وقفي كلامك الخايب ده

ميسر: مش خايب معمر طول عمره بيسمع كلمتي وبياخد بقراري , وعشان كدا عمري ما انزعجت منها وبعدين ليه وشك جاب الف لون, لو فيه حكايه مش هقولها لحد اظن لملمت وراكي بلاوي وده هيبقي سر مابينا

                الفصل الحادي والثلاثون من هنا 

لقراءة باقي الفصول من هنا

تعديل المقال