رواية عذراء الرعد كامله بقلم بسمه ) جميع الفصول حتى الاخير الخاتمه

 رواية الحربايه والثعبان الفصل الخامس والثلاثون35 والسادس والثلاثون36 بقلم منه محمد

في منزل عائله آمير ع الموبيل

آمير: فيه ايه عماله تتصلي بستمرار وازعجتيني

دعاء: هو كلامي بقي للدرجه مزعج 

آمير: انا مقصدتش بالطريقه دي  انا بس مشغول من الاجتماعات هنا ليه مش بتفهمي لما مردش يبقي اكيد مشغول ايه الاحتمال التاني الي هيكون غير كده

دعاء: قولي انت ايه المحتمل التاني , غير انك بتعبر عن غضبك ناحيتي , مره واحده حاول تتخيل ان انا فيه حاجه هنا قلقاني مضيقاني , وانت بعيد

آمير بحده في الكلام: دعاء انتي عندك بسبب نفسك مش انا, اظن عطيتك فرصه تاتيه , بس كررتي نفس الغلطه

دعاء بعصبيه : قولت لك مش غلطتي ياآمير

آمير بعصبيه مماثله : بالله عليكي اعترفي لما تغلطي ’ الاعتراف مش هيقلل من قيمتك ابدا , انا بحاول ارجع الصفقه الي ضاعت عشان اسعد بابا ,عايز يرجع موقفه ناحيتك لوضعه الطبيعي , مش عارف ليه مش قادره تفهمي كدا

دعاء: فهمت !سلام يا آمير

..............قصص منه محمد كاتب..............

منزل عائله دعاء 

الفت: امي كان عندها حق 'كنت لازم امشي فتره محدش هنا مهتم بيا

داغر رفع عيونه من الاب توب وبصلها: كلامك مظبوط روحي لـ امك فتره

الفت: داغر

داغرساب الجهاز ورحلها: شوفي يالفت انتي محتاجه راحه وهدوء اعصاب 'وامك هتهتم بيكي 

الفت: ما انت ممكن تهتم بيا لو كنت عايز , لكن ليه تهتم بيا بعد ما ابنك مبقاش موجود خلاص

داغر: انا مسافر ست شهور للامارات ,الشركه داخله مشروع جديد , وهضطر اتعود ع نظامهم

الفت: هتسبني في حالتي دي  'وانا محتاجه لك 

داغر: انا مضطر مقدرش اقول لاء' والا هخسر وظفتي 

الفت: خلاص ,اسافر معاك

داغر: ازاي اخدك معايا ,انا هقيم في فندق تبع الشركه, لايمكن اخدك معايا ,وبعدين انا مسافر مع مجموعه كلها رجاله

الفت: ماشي ,سافر هعيش من غيرك,  نجيت من

 المـ وت , وهنجي تاني مره

داغر قام رجع مكانه وبص في الجهاز ورجع بصلها بضيق

.............قصص منه محمد كاتب.............

في منزل عائله آمير

دعاء نازله وجمال وقف تحت  بصلها وقال: نبجور

دعاء بتعدي شمال راح معاها راحت يمين اتحرك معاها ورحاب من فوق شافتهم

جمال بغلاسه: عدي, عدي

دعاء اتحركت لكن وقفت لما حست انه داس ع طرف العبايه لفت تضربه  لكن لقتها انها شابكه في مسمار وهو قرب وفكهالها ودعاء مشت وجمال بيرفع عيونه شاف رحاب

جمال طلع السلم جري: رحاب اسمعيني

رحاب: مش محتاج تفسر مفكر ايه؟؟ مفكر  تقدر تعمل مني غبيه,  شوفت نظراتك ع دعاء

جمال : بتحاولي تلمحي لـ ايه , فكري قبل ما تقولي اي كلمه تانيه,  والا هتكون النتيجه سيئه جدا , بالنسبه لك 

رحاب :بتهددني

جمال بصراخ: اتأدبي يارحاب

رحاب: متصرخش في وشي, بتصرخ في وشي, في وبيتي , في اوضتي, انا مسكتك متلبس

جمال: متلبس بالجريمه ,كنت بعمل ايه ؟اسمعي انتي متقدريش تستخدمي بيتك ,وتحطيني في وضع ادعاء ,ضدي

رحاب: انا مش بتهمك ,شوفتك وانت واقف معاها امبارح ,في الجنينه ليه؟؟!!

جمال: كانت بتسخر مني , هي مقهوره اني موجود هنا

رحاب: عظيم برغم بعد كل الي قالته  , من شهمتي ساعدتها , لما عبايتها شبكت في السلم

لاني كنت وراها لو صرخت واتهمتني اني دوست ع عبايتها , انا مش  حابب عايلتك تتهمني ودلوقت انضميتي ليهم من خلال شكك فيا' انا راجع بيتي وتقدري ترجعي لو حبيبتي 'غير كدا تقدري تخليكي في بيتك طول حياتك

رحاب طلعت تجري وراه  بفزع: جمال اسمعني

ناني: رحاب ايه الي حصل؟  ليه ماشي كدا اتخانقتم

رحاب شاورت ع دعاء بغضب شديد : من ساعه وصولها البيت  لايمكن حد فينا يعيش مرتاح,  هي لوحدها الي عايشه مرتاحه  , لانه بقي بيتها لوحدها , واحنا مجرد ضيوف وبس

ناني بصت لدعاء بغيظ: انتي قولت لها انها ضيفه

رحاب: اتخانقت معاه بسببها , وهو قالي كده (مقدرتش تكمل لان حصلها عدم اتزان ومسكت دماغها_

رياض بفزع: ايه الي حصلك؟؟!!

دعاء: طنط خلينا ناخدها اوضتها

ناني: هي فعلا مش كويسه

رياض قرب: خديها ياناني اوضتها 'يله هتصل بالدكتوره

ناني لرحاب: خالي بالك امشي ع مهلك

.............قصص منه محمد كاتب..........

في غرفه الجده 

الجده بعتاب: كدا برضو يارياض ,محدش يقولي

رياض بضيق: اقولك ايه يا امي ,انا مش ساعه ماشفتها كدا مش فاهم حاجه, اعتقدت ان البيت هنا لينا كلنا , ولما اموت هسيبه لولادي, لكن يظهر بدء الجشع يزداد  في البيت هنا ,وانا لسه عايش

الجده: بتقول ايه ما تفهمني

دعاء: هي غلطانه ياعمي انا مقولتش ان البيت ملكي لوحدي , قلت كلام تاني

رياض: ليه رحاب بتقول ع طول انهم بيتخانقوا بسببك

الجده: والله منا فاهمه حاجه, دعاء ايه شكوتك ناحيه جمال ’ ده انسان مؤدب وواخد باله من رحاب ع اكمل وجهه ساب بيته عشان راحتها

دعاء: هو مش زي ما واضح

الجده: بلاش تقولي عليه كده سامعه ,ربنا بينزع البركه من الي بيخلقوا مشاكل بين واحد ومراته

دعاء: ياجدتي ياعمي والله العظيم ما قلت حاجه لجمال , هو الي بيضايقني ,وبتجاهله في كل مره

رياض: اشتكيتي زمان من رحاب  ودلوقت من جمال ايه الي بتحاولي تحقيقيه,  عايزه رحاب وجمال يسيبو البيت هنا , وبعد كدا تركنينا انا وناني , وتتحكمي في البيت 

دعاء نزلت دموعها وطلعت تجري ع الجنينه!!!!

..............قصص منه محمد كاتب..............

ناني ع الموبيل: انا خلاص ضجيت , ارجع في اقرب وقت ممكن

آمير: مقدرش ارجع بسرعه لسه عندي شغل كتير لازم اخلصه هنا ولو عملت كدا هتحمل خساره كبيره

ناني: هي مراتك هنا تعملي مشاكل , انا عارفه كل ست بتحب تسافر مع جوزها لكن واضح ان دعاء مكنش ليها رغبه تسافر معاك , عايزه تفضل هنا تخلق مشاكل بين جمال ورحاب

آمير :ماما هتكلم معاها 

ناني: وقولها لو عايزه تروح تعيش عند اخواتها تقدر تروح,  لكن بحق الله متسبهاش تخرب بيت بنتي

آمير: هتكلم معاها يا امي , طمنيني رحاب عامله ايه؟!وسألتي رحاب مراتي قالت ايه لجمال

ناني: اختك نايمه الدكتوره عطتها مهدء , وابوك بيتصل بجمال بعد ما مراتك قالته انهم ضيوف هنا لكنه رافض يرد عليه كنت بفكر  اتصل بسولا في امريكا تتكلم معاه

رياض دخل: هو ده آمير

ناني: ايوه

رياض: افتحي سبيكر الاول ,قبل ما نتكلم مع سولا نحاول نراضيه ,وانا متأكد انه هيسمعلنا , ولو مسمعش هنسيب الامر لسولا قولي لـ آمير

ناني: آمير سمعت ابوك , ويظهر عنده حق

آمير: تمام سلام , عشان سايب الناس

رياض راح لدعاء بهجوم: كنت دايما بعتبرك بنتي ,وقفت جانبك دايما ,عمري ما توقعت تبقي ظالمه لبنتي

دعاء: انا معملتش اي حاجه ,الي بيحصل بين رحاب وجمال دي مشكلتهم ,مليش فيها اي دور

الجده: سيبها !جوزها يتصرف معاها ,لما يرجع

دعاء: حضرتك بتحمليني المسؤليه

الجده: ليه فيه حد تاني

جمال دخل بخطواته: انا المسؤل دي غلطتي كله مني , لو رحاب كانت عايزه تيجي تعيش هنا كانت المفروض تيجي لوحدها,  لكن انا مكنش يصح اجي عشانها

رياض: يابني زي ماهو بيت بنتي , ده بيتك انت كمان

جمال: لاء ياعمو , مبقاش بيتها بعد جوازها بيتي بقي بيت رحاب زي ما البيت هنا يخص دعاء

ناني: جمال ياحبيبي متأخدش اي حاجه قالتها دعاء في قلبك واضح ان عقلها فك منها

جمال: ارجوكي ياطنط انا مش بشتكي من حدا ابدا, لاني مش عايز مشاكل في البيت هنا بسببي من فضلك نادي لرحاب , بلغيها اننا هنمشي حالا ,من غيرها بيتي بقي مهجور,  حتي مام مش في البيت

رياض: يابني حاول تفهم رحاب تعبانه والدكتوره قالت محتاجه لرعايه

جمال مثل الخضه وقال: دكتوره! عن اذنكم هطلع اشوفها

...................قصص منه محمد كاتب...................

 في غرفه رحاب

رحاب ببكاء: انا آسفه جدا ياجيمي, ارجوك سامحني 

جمال مسك ايدها:  انا الي آسف ليه تعيطي لازم تهدي

رحاب : حسيت انك سبتني للابد 

جمال: معقول ممكن اسيبك انتي عارفه قد ايه بحبك, انا جيت اخدك بيتنا لو فضلنا هنا فتره اطول المشاكل هتزيد شوفي ازاي فقدتي الثقه فيا

رحاب: لاء الموضوع مش كدا انا بثق فيك لكن مش واثقه اطلاقا في دعاء

جمال: معقول اقدر انسي الي عملته فيا دعاء هي اتهمتني بالزور وادعت ان عندي علاقات كتير والله اعلم ايه كمان شوفي انا بحبك كتير وللسبب ده مش عايز تكون بينا مسافات بسبب دعاء

رحاب: ماشي

جمال: يله لمي هدومك واحنا هنمشي اول ما النهار يطلع

رحاب: اوكيه

جمال مسح دموعها: متعيطيش

ناني كانت واقفه وسمعت كل كلامهم وبسرعه البرق راحت وفتحت الباب ع دعاء

ناني: حالا تلمي هدومك

دعاء: قصدك ايه؟؟!!

ناني: تلمي هدومك وهطلب من السواق يوصلك بيت اخواتك

دعاء: ازاي اسيب بيتي وامشي , لما مشيت اتصلتي بلآمير وقولتيله ارجع ورجعت بناء ع رغبتك

ناني: وغلطت وانا معترفه بغلطتي مكنش عندي اي فكره انك هتخلقي المشاكل دي كلها لبنتي رحاب مش كويسه ومش هسمح لها تمشي هاخدها لدكتور نفسي ومش هسيبها تمشي لحد ما تتعافي احسن لك تمشي لبيت اخواتك عشان نعيش براحه بال

دعاء: انا آسفه آمير طلب مني متحركش من هنا لحد ما يرجع تقدري تسأليه بنفسك ويؤسفني اقولك مش هقدر اسمع كلامك

ناني بصتلها ومشت ودعاء قفلت الباب لحد ما موبيلها رن

دعاء: الو

آمير: بعد اللحظه مستنيش مكالماتي

دعاء: من غير ما تسمع مني حكمت وأمرت

آمير: اتفضلي قولي فيه ايه عندك

دعاء:آمير انا معملتش حاجه 'اقسم لك بالله ماليا علاقه بالي حصل

آمير: لكن امي بتقول حصلت خناقه بين جمال ورحاب بسببك

دعاء: هي فاهمه غلط عندها سوء فهم

آمير: ليه اتكلمتي مع جمال بالسخريه دي 

دعاء: انت قولتلي ان ده بيتي , وانا كررت الي انت قولته لرحاب وجمال, جمال بيعلن حبه ليها لكن لما مبقتش قادره  تقف ع حيلها استخدمني اداه يعذبها بيها

آمير: انا حاسس بالمرض والتعب يادعاء امي بتقول كلام عكس كلامك وانا مبقتش عارف المفروض اصدق مين 'شوفي انا هنا في شغل اسمحولي اركز ع شغلي , ازاي اقدر اركز وانا في جو توتر

دعاء: انا مش عايزاك تتوتر بسببي بس انا قلقانه جدا ولو شايف اني لو مشيت كل الامور هتبقي هاديه هنا حالا امشي

آمير: مين بس طلب منك تمشي لاء طبعا مش هيعجبني انك تسيبي البيت ولا حتي تفكري في كده

دعاء: بس ده الي طلبته مني امك

آمير: هتكلم معاها لكن من فضلك حاولي تحسني علاقتك معاها حبيبتي اختي تعبانه وابويا وامي قلقانين عليها جدا حاولي تكوني ودوده مع الكل مين عارف لو علاقتك رجعت وديه مع رحاب جايز تسامح وتنسي

دعاء: حاضر ياآمير هعمل كل الي عليا عشان محدش يقلقك حاضر

آمير: حياتي انا مش قلقان بس ع رحاب انا قلقان عليكي انتي كمان  اعملي اي حاجه وانسفي الاسفين الي بينك وبين عايلتي لو سمحتي

دعاء: اوكيه

آمير: خدي بالك من نفسك سلام

دعاء: سلام

الفصل السادس والثلاثون  

قبل البارت الحلقه دي لكشف المستور لبهيه ولدعاء رايكم لاني تعبت في جدا  البارت الجديد خاص 

نبدء الاحداث

في منزل عائله آمير

رياض اتنهد براحه: الحمد لله التحاليل لرحاب واضحه  

ناني: الحمد لله طلع معندهاش حاجه, لكن ليه بتعاني من صداع متكرر؟؟!!

رياض: الدكتوره قالت ان رحاب بتعاني من توتر بدون سبب ,عشان كدا بيجلها صداع, كلميها وقوللها بلاش توتر مفيش حاجه مستاهله

ناني بحيره: معرفش ايه الي قلقها ,عندها كل حاجه من قبل حتي ماتطلبها ,ومش بتعافر عشان تحقق رغباتها

رياض: الحمد لله ان حالتنا ميسوره , ومش مخليناها ناقصها اي حاجه

ناني: انا ناويه اطلب من جمال ياخدها  ويسافروا ع اي بلد, يغيرو جو, يمكن ده يحسن حالتها النفسيه

رياض: ياريت , جايز لو سافروا حتي اسبوع يحسن حالتها ,بقولك كنت عايز اكلمك في حاجه

ناني: ايه هي

رياض: متطلبيش تاني من دعاء تسيب بيتها

ناني: انا قولت لها تمشي , عشان رحاب تعيش مرتاحه

رياض: ياناني آمير كلمني وهو مضايق لقرارك

ناني: والي عملته مراته كان حلو ومش مضايق منه

رياض: عارف انك مضايقه, لكن مش معني كدا ان عشان بنتي تفضل هنا , نمشي مراه ابننا ونبعتها بيت اهلها ,الناس تاكل وشنا ,لان دي امور شاذه ,وغريبه ,حاولي تفهمي

........قصص منه محمد كاتب..................

في غرفه رحاب قاعده تعبانه

دعاء من ع عتبه الباب: ممكن ادخل يارحاب

رحاب نكست دماغها لتحت وفركت جبينها من الصداع

دعاء قربت بالصنيه: لما تحسي انك مش كويسه بلاش تضايقي , شوفي عملتلك شوربه خضار ومعاها قطع لحمه عارفه انك بتحبيها ,من فضلك كليها كلها 

رحاب بتهكم: بطلي شغل الدراما ,الخاص بيكي ,وياريت بلاش تتظاهري ,انك مهتمه بيا

دعاء: انا فعلا مهتمه بيكي يارحاب ,لاني قلقانه عليكي, عشان كل الي في البيت قلقان ناحيتك عمي وطنط وآمير كلهم قلقانين ع صحتك, ارجوكي خفي قريب ,وبعد كده اتخانقي معايا زي ما تحبي مش هقول كلمه واحده ,بس دلوقت ركزي ع صحتك, لو سمحتي

رحاب قفلت ملامحها وكشرت فيها: خلصتي !؟ ياريت تخرجي عندي صداع ,وانتي كملتي

دعاء قامت: حاضر ,خارجه ,لكن من فضلك خلصي اكلك ,وآسفه

دعاء طالعه وجمال داخل بصتله بنظره ومشت!!

جمال: قالت لك ايه؟؟!!

رحاب: ولا حاجه عملتلي شوربه خضار

جمال: واو لطيفه جدا 

رحاب: كانت بتحاول تتصرف كأنها مهتمه بيا , ولا يمكن حد يكون افضل منها ,وانت ليه راجع البيت بدري مكنش عندك شغل في الشركه

جمال :عندي طبعا لكن مش اهم منك, يله فوقي ناوي اخدك رحله طويله  ع يخت , ونتعشاء بره

رحاب  قامت بنطلاق: اوكيه هاخد شور واجي

جمال قعد  واكل من الشوربه وعجبته جدا لكن بكل خبث حط ملح كتير جدا فيها

..........قصص منه محمد كاتب...................

في غرفه ناني

دعاء بنكسار:  سامحيني مكنش ينفع اتكلم معاكي باللهجه دي

ناني :فيه امور متنفعش تعمليها انا  بندهش منك في بعض الاوقات , بقول اكيد عشان نشأت في البيئه الي عشتي فيها , شوفتي مراه اخوكي بتتعامل معاكي كدا ,وانتي هنا بتطبقي علينا

دعاء : عمري ما حبيت اؤذي اي شخص مهما جرحني ,عشان كدا ببذل كل جهدي اراعي الكل

ناني : ودي الطريقه الي لازم تحصل ,وهنشوف الايام الجايه

دعاء :طنط تقدري تعنفيني زي ما تحبي ,ومهما كانت شكوتك مني ومهما كان في قلبك ضدي من فضلك قوليلي اول بأول, لكن لو سمحتي بلاش تزعجي آمير بكل حاجه بتحصل هنا, ده طلبي

ناني: حتي انا مش عايزه آمير يعرف اي حاجه بتحصل هنا, لكن عيزاكي تتعدلي والا هبقي مضطره اقوله عن كل حاجه غير كدا مش حابه ازعج ابني كتير وهو في الغربه

دعاء :هعمل الي في وسعي المره الجايه ,ومش هسيب اي فرصه للشكوي مني , عن اذنك

..............قصص منه محمد كاتب...................

في غرفه رحاب: انا جاهزه

جمال  ابتسم بكل هدوء: ايوه كدا وشك انتعشي جدا

رحاب: يله نتحرك

جمال بمكر: ع فين ؟؟ تاكلي شوربتك الاول , ونتحرك بعد ما تاكلي

رحاب: محنا خارجين نتعشاك اكيد هيكون الاكل افضل من شوربه الخضار , هطلب من امال ترميها انا مش عايزه حاجه منها

جمال بخبث: تؤ تؤ , دعاء هي عدوتك مش الاكل ,ده حرام كلي شويه هي عملته قدامهم عشان تظهر انها مهتمه وترفع من قيمتها, لكن لو رمتيها هتظهري قدام الكل انك مش عايزه تنهي الخناق ,يله خليكي حلوه وكلي شويه هأكلك بأيدي

رحاب اخدت من ايده المعلقه وسعلت بشده

جمال: ايه الي حصل؟؟!

رحاب: دي شوربه ولا سم

جمال: بجد لما ادوقها كدا_ داق وسعل_ اه يادعاء اه  انا اسف مكنش ينفع اثق في البنت دي هنرميها

رحاب  بعصبيه وهي طالعه ناحيه الباب: مش قبل ما افرجها مقامها

................................

رحاب نزلت بغضب وزعيق: شوفتي يا مامي دعاء عملت فيا ايه؟؟!!!

ناني :عملت ايه تاني

رحاب :هي عملت لي شوربه خضار

ناني: ايوه كانت امال هتعملها ,بس هي طلبت منها تعملهالك بنفسها

رحاب : كميه الملح الي حطيته فيها قد ايه كان مش جدا لدرجه مقدرتش ابلعه

جمال بهدوء رتيب: طنط مفيش حاجه, اظن هي اتحدقت جدا عن طريق الخطاء ,ورحاب مش بتحب الاكل الحادق

ناني :لاء ياجمال الاكل متحطلوش ملح بالغلط ,هي عملت كده متعمده

رحاب :طبعا

دعاء :لاء ياطنط انا حطيت شويه ملح قليلين ,ممكن تسألي جدتي هي اكلت منها ,وانا عاملتها عادبه عشان عندها الضغط عالي, من فضل ياجده قوللهم

الجده بتاخد النفس بالعافيه :الشوربه كانت معقوله ,حتي ريحتني من الانفلونزا

رحاب بنرفزه :يعني انا بكدب ,و جمال كمان بيكدب  ,كانت شوربه جدتي تمام, لكن شوربتي انا كانت مليانه كميه ملح رهيبه ,وقالت انها قلقانه علي صحتي ,دي بقي الطريقه الي بتقلق بيها عليا 

دعاء نظراتها عليه وفي سرها  : انا عارفه مين الي عمل؟؟ كدا بس لو قلت حاجه دلوقت ....مستحيل حد يصدقني

رحاب رفعت السبابه في وشها: اسمعي طول منا هنا اياك تدخلي المطبخ فاهمه حطتلي ملح بكره تحط لي سم

جمال طلع وراها: رحاب استني

ناني : ايه مشكلتك في البيت هنا ,الله اعلم امتي هترتاحي

..............قصص منه محمد كاتب.................

الساعه واحده بعد نص الليل

رحاب بسعاده: بجد كان يوم ممتع بشكل جميل  عارف انا مبسوطه وسعيده النهارده قد ايه 

جمال بستغراب: ليه

رحاب: يعني قضينا يوم طويل مع بعض ,بجد ميرسي حبيبي ع اليوم ,هو اجمل عشاء في حياتي

جمال  مسح ع خدها برقه مصطنعه: انا نفسي اقدملك كل حاجه حلوه , واتمنيت اشوف الابتسامه دي ع وشك

رحاب باست خده :كلام جميل مقدرش اقوله حاجه عنه

جمال ضمها وبيضرب بعيونه لمح دعاء  واقفه في الفراند خرجها من حضنه وقالها: رحاب اسمعي ادخلي اوضتك ,وخدي علاجك ,انا هدخن سيجاره ,وهدخل وراكي

رحاب بأبتسامه واسعه:  اوكيه بس ادخل ع طول

جمال هزلها دماغه وطلع الموبيل اتصل بدعاء : مالك يادعاء؟؟ ليه بتكرري نفس الغلط كل مره , اسمعي الي يقدر يساوي امورك مع رحاب , هو انا

دعاء بدون اي كلمه قفلت الخط في وشه

جمال : امتي هتفهمي يادعاء ؟امتي ؟ بس هتفهم في يوم , ان ملهاش غيري

اما دعاء دخلت واتصلت بأميرها الي رد عليها من اول رنه

آمير: خير يادعاء كل شئ ماشي بخير في البيت

دعاء بضيق منه: هتسأل بس عن الناس الي في البيت, مش هتسال عني انا

آمير: انتي والناس الي في البيت مفيش اختلاف , وانتي عارفه

دعاء :راجع امتي

آمير: مش عارف لسه مفيش حاجه مؤكده ,رجوعي معتمد ع الشغل الباقي هنا

دعاء : عيد ميلادي بعد يومين

آمير كرمش ملامحه: تصوري نسيت حتي عيد ميلادك, ومش عارف هبقي عندك نحتفل بيه سوي , ع كلا ولو ملحقناش نحتفل بيه السنه الجايه, وبعدين اعياد الميلاد شئ مش مقدس للاحتفال

دعاء بقهره :زي ما تقول مع السلامه

آمير: مع السلامه

...............قصص منه محمد كاتب.................

يوم جديد في منزل عائله آمير تحديدا في الجنينه

داغر: انا مسافر وقلت اجي اديلك نصيبك في البيت

دعاء: داغر متزعلش مني ,والله ما كان في نيتي اي حاجه  وحشه غير ان البيت ميتبعش

داغر: دعاء انا عارف ان نيتك كانت خير ,  لكن مكنش يصح تاخدي القرار ,من غير موافقه جوزك , ونصيحته

دعاء بندم: عارفه اني غلطت ,بس ميسر اتحايلت عليا اسمع كلام ابيه معمر وابقي هاديه معاه, عارف عن الفلوس

داغر: تفتكري لو عرف هيشكل اي فرق ,,هو بياخد اي مسأله ناحيه الخناق ,يمكن كان عنده حق لو مش في نيته فعلا يبيع البيت ,ع العموم خدي فلوسك دول حقك في البيت وبلغيهم هنا انك اخدتي حقك بالطريقه دي هتكون قلوبهم نضيفه ناحيتنا ,وتقدري تتظاهري ان كل شئ بخير همشي انا

دعاء :مش هتسلم عليا قبل ما تسافر

داغر :لازم تيجي تسلمي عليا عارفه الوضع هنا بحس بالخجل من مواجهتم 'مش عايز ازيد عليكي وتتأذي نفسيتك ,جيت هنا بس عشان ارجعلك حقك ودلوقت همشي

دعاء جريت في حضنه وبكت

داغر مسح ع شعرها وعيونه رغرغت بالدموع: دعاء ليه بتعيطي ,هم يادوب ست شهور

دعاء :معرفش بس قلقانه  ,وهكون من غيرك وحيده

داغر  مسحلها دموعها: عارف بعد امنا حاسه بالوحده ,هطلب من معمر يسأل عنك , وانا كل شويه هتصل بيكي

دعاء :وعد

داغر مسح دموعه :وعد حبيبتي وعد

دعاء زقته بمرح:  يله امشي , وخالي بالك من نفسك

داغر  ابتسم وسلم عليها وهو ماشي قابل رحاب  وقف يبصلها بشغف وهي بصتله بستياء ومشت

.............قصص منه محمد كاتب..............

دعاء دخلت بالكيس: عمي عايزه حضرتك في حاجه

رياض بصلها: خير يابنتي عايزه ايه

دعاء: الفلوس دي كنت عايزه ادهملك

رياض اخد منها كيسه الفلوس: فلوس اعمل بيهم ايه وبعدين دي فلوس كتير ليه تدهالي

دعاء: عمي الفلوس دي نصيبي من بيت ابويا واخويا داغر لسه حالا عطهملي

رياض: حبيبتي احنا مش محتاجين لفلوسك تقدري تخليهم معاكي

دعاء: هعمل بيهم ايه عندي كل حاجه هنا مش محتاجه لحاجه

رياض: ياحبيبتي واحنا مش محتاجين  اديهم لـ آمير

دعاء: آمير مش هنا ,وده مبلغ كبير , مش عايزه اشيله معايا

رياض: تمام ! لو كدا هحطهم في حساب آمير, وتقدري لما يرجع تاخديها منه , او تقدري تفتحي حساب تاني لنفسك

دعاء: شكرا ياعمي

رياض: ناني خدي الفلوس دي حطيها في الخزنه عندك, واطلعي بسرعه عشان نلحق مشوارنا

ناني اخدتهم منه: حاضر

رياض مسح ع كتف دعاء: يله بالسلامه يابنتي

دعاء: مع الف سلامه ياعمي

دعاء حست براحه ولنفسها: كدا الفلوس هتكون في امان معاهم..... والا اتوقع ان جمال يخفيهم عشان يثير قلقي

..............قصص منه محمد كاتب............

في مكتب رياض ع الموبيل

آمير: بابا عايز افاجئ دعاء بعيد ميلادها, بس متقولش لحد اني راجع

رياض: يابني هتهمل شغلك عشان المفجأه ,معقول تقدر تحتفل انت وهي في اي يوم تاني

آمير بهدوء: بابا متقلقش انا هنا خلصت ,والشغل الفاضل اقدر اتابعه من عندك ,وبعدين عايز انسف التوتر الي بيني وبينها وجايز عشان انا بعيد عنها بتعمل اخطاء , وحضرتك متقلقش كل الشغل ماشي كويس حسب توقعاتك , وانا عايز افاجئ حبيبتي كمان , واكيد هي متوقغه مني كدا

رياض: يابني انا عايزكم دايما مبسوطين , ابعت لي  وصول معاد طيارتك امتي , وهبعتلك السواق ياخدك من المطار

آمير: تمام ياحبيبي مع السلامه

رياض: مع السلامه

ناني قربت عليه: لمين هتعبت السواق؟؟!!

رياض: ده عميل جاي من لندن ,ولازم ابعتله عربيه للمطار , هاتي فلوس دعاء ,يادوب الحق معاد البنك  ,انتي عارفه البيت هنا مبقاش امان , الافضل اروح احطهم في حساب جوزها

ناني: هم موجودين في الخزنه , حالا اجيبهم

رياض لبس جاكت البدله: اوكيه

...............قصص منه محمد كاتب..............

في غرفه رحاب الي كانت في النادي ورجعت الفيلا

جمال دخل وسألها: رجعتي امتي البيت؟؟!!

رحاب: لسه من شويه

جمال بقلق: حصل حاجه انتي كويسه؟؟!

رحاب: انا تمام , بس قابلت نهال اليوم في النادي

جمال ضم حواجبه: نهال مين؟؟!!

رحاب: نهال صاحبتي من النادي , الي كان نفسي اجوزها لـ آمير ,وبعد ما اتفاقنا دخلت دعاء عارف حتي نهال اتكلمت معايا برخامه كانت بارده , وغلسه جدا

جمال حط علبه في الدرج وقالها: ايه رآيك في واحده مرفوضه؟؟ اكيد حاسه بـ الاهانه وعايزها تتكلم معاكي بلطف

رحاب: لكن انا كنت دايما في صالحها ,وكنت اكتر واحده عايزها لـ آمير, عارف دي كانت اول مره آمير يتجاهل كلامي , وكل ده بسبب الرخيصه البيئه دعاء

جمال بترقب: تمام لما تسيب دعاء حياه اخوكي  ,تقدري تجوزيه نهال ,ده لو فضلت سنجل

رحاب حركت وشها بنزعاج: بس هي مش لابسه دبله

جمال ابتسم بمرح: : كنت بهزر بلاش تتوتري ريلاكس 

رحاب تابعته لما مشي وراحت فتحت الدرج وطلعت علبه وفتحتها كان فيها خاتم الماظ وبفرحه: حلو اوي جبهولي هديه وعايز يفاجئني _ رجعته في الدرج_ لاء مش هبوظ مفاجأته وهصبر لحد ما يلبسهولي بنفسه 

................قصص منه محمد كاتب................

دعاء : رحاب عامله ايه دلوقت؟؟!!

رحاب: مفيش داعي تقلقي عشاني , استغلي طاقتك في مكان تاني, لما ميكونش حد قلقان عليكي واجب عليكي تهتمي بنفسك , كويس جدا

دعاء وقفت وحاسه انها مش عارفه تنجح وتنسف الاسفين عشان بس آمير استغفرت وراحت المطبخ عملت شوربه خضار للجده ورجعت

دعاء للجده: يله حبيبتي كلي شوربه الخضار بالليمون هتريحك

الجده بتتكلم بالعافيه: شويه ميه

دعاء: حاضر

دعاء رايحه ع المطبخ طلعلها الثعبان

دعاء بغضب محتقن: ابعد عن طريقي

جمال: اهدي حبيبتي ,لو انفعلتي هتطلعلك تجاعيد بسرعه ,وانتي لسه حلوه وصغيره

دعاء اتكت ع اسنانها: انت وقح ووضيع وسافل ,واقف في بيتي وبتحب فيا ,مش خايف حد من الي هنا يسمعك

جمال: يسمع في ايه في كده , انتي عارفه انا قد ايه جريئ وشجاع , واظن عارفه كام بنت ارتبط بيها وقدام الناس , ولو ارتبطب بيكي مش هتفرق بالنسبه لي , ع العموم سيبك من الموضوع ده وقوليلي تحبي اجبلك هديه نوعها ايه في عيد ميلادك 

الجده كانت واقفه وسمعت كل حاجه ومن كتر الغضب سعلت بشده ونفسها اتكتم

دعاء جريت عليها: جدتي مالك

الجده مبرقه بعيونها ومش قادره حرفيا تاخد النفس من الي سمعته

دعاء صرخت بفزع: امال امال

امال جات جري : فيه ايه يا ست دعاء

دعاء بتوتر وخوف: اطلبي من عمي رياض يتصل بالدكتور ,ولا بعربيه اسعاف بسرعه 

امال: البيه مش في البيت

دعاء: اسالي طنط اي حد يتصل بالاسعاف, بسرعه

امال: حاضر,حاضر

دعاء بدموع وخوف: جدتي افتحي عنيكي ارجوكي 

...............قصص منه محمد كاتب.................

في منزل عائله دعاء قبل السفر بيوم

داغر: خدي الظرف ده فيه فلوس هتحتاجلها ,وهبعتلك مصروفك بنتظام, ع فيزا معمر, ولو احتاجتي اي حاجه اتصلي بيا فورا

الفت: طيب ما تبعت لي مصروفي في البوسطه ,انا الصراحه مش واثقه في اخوك ,لما قدر يخدع اخته لطمعه وجشعه للفلوس ,ع العموم انا هروح اقعد عندي امي فتره الست شهور , بس مش راجعه ع البيت ده تاني

داغربهدوء: هنتكلم في الموضوع ده لما ارجع

الفت: لاء لازم توعدني

داغر بضيق منها: لما ارجع هنعزل وهأجر شقه

الفت: شقه وايجار ليه الي هتاخده في ست شهور ع الي معانا نشتري بيت ملك

داغر: انا معيش الفلوس الي تكفي في الوقت الحالي 

الفت بعصبيه : ليه الفلوس الي معاك راحت فين , عطتها لدعاء مش كدا ,الفلوس الي حوشناها نشتري بيت تاني عطتهالها

داغر بحده : اي بيت في العالم نشتريه 200 الف جنيه

الفت: انا خسرت كل حاجه بسببها حتي فقدت ابني بسببها

داغر: بصي لنفسك قبل ما تلوميها هي مخسرتكيش ابنك ,انتي الي خسرتيها ابنها ,دايما شايفه العيب في الغير ,مش فيكي , بلاش تفوري دمي , وامشي يله عندي حاجات كتير لازم اجهزها ومش عايز اتخانق معاكي قبل ما اسافر

الفت: حاضر مش هزعجك بعد كدا, انا ماشيه من هنا نهائي, ومش راجعه ابدا, بس خليك فاكر حاجه واحده, الطريقه الي بتطردني بيها من بيتي ,واختك هتدفع تمن الالم الي عشته , هفضل ادعي عليها , وهتشوف هيحصل فيها ايه 

ميسر جريت بسرعه ولنفسها: الفت طماعه وغيرت لونها زي الحربايه عشان الفلوس.... معمر كان عنده حق مش هتسمح لنا ناخد اي حاجه .....ضيعت وقتي ومجهودي ع التعاطف معاها ......وهي متستهلش 

...........قصص منه محمد كاتب..............

في منزل عائله آميررحاب ع الموبيل

آمير: بتقولي ايه يارحاب جدتي دخلت المستشفي ليه؟؟!!

رحاب: معرفش حاجه انا لسه واصله حالا البيت, لما جيت بلغتني امال ان مامي اخدتها للمستشفي واكيد بابي عندها هناك

آمير: انا عارف ان جدتي عندها انفلونزا

رحاب: معرفش دعاء اكلتها ايه , خلتها تتعب للدرجه دي

دعاء بعصبيه: هأكلها ايه ؟ كل الي اكلته شوربه خضار,  وهي كانت مش قادره تاخد نفسها

رحاب بزعيق: وازاي تعبت كدا فجأه

دعاء: كانت بتكح بستمرار

آمير بنفعال: رحاب متفضليش ترمي اللوم ع مراتي بدون سبب, انا عارف انها لايمكن تعمل اي حاجه تتعب جدتي, اقفلي هتصل ببابا اسأله عن حالتها ,ومتقلقيش جدتنا هترجع البيت معافيه بأذن الله ,سلام

رحاب: سلام  , جمال من فضلك خدني لنناه

جمال: اوكيه يله تعالي 

...............قصص منه محمد كاتب...............

في المستشفي

رياض بذعر: ها يادكتور طمني والدتي عامله ايه؟؟!!

الدكتور: والدتك عندها التهاب رئوي حاد ولانها مريضه بالربو صعب تتنفس بشكل طبيعي

رياض: يعني حالتها في خطر ولا هتتحسن

الدكتور: احنا عطناها علاج وان شاء الله مع العلاج تتحسن

رياض: ان شاء الله متشكر يادكتور

جمال قرب: متقلقش الجده هتكون بخير

ناني: جمال ليه بس جبت رحاب لحد هنا هي تعبانه مكنش ينفع تيجي هنا

رحاب: مامي كنت قلقانه ومحدش فيكم بيرد عليا واضطريت اتصل افهم من آمير لقيته ميعرفش حاجه

رياض: عشان كدا آمير عمال يتصل بأستمرار ليه بس يابنتي تقوليله وهو مسافر

ناني بنفعال : ليه تقلقيه ,وهو في غربه

رياض: بتزعقلها ليه , هتكلم مع آمير اطمنه,  يله ارجعوا البيت مينفعش كلنا نفضل هنا

ناني: جمال خد رحاب للبيت متنفعش  تفضل هنا عشان العدوي

رياض: وانتي كمان روحي معاهم ياناني , دعاء لوحدها في البيت , وانا هفضل هنا يله

ناني هزت دماغها بأصرار: لاء مش هسيبك لوحدك هم يروحوا

...........قصص منه محمد كاتب............

في منزل والده الفت

امهم: داغر عمل الي في دماغه اظن يما قولت لك مفيش راجل يتغصب ع واحده اخرتها طردك من بيته ومن حياته

ميسر: هي الي وصلت نفسها للحاله دي عامله زي السم المر للكل 

الفت : انا مش اسم منك انتي حتي مش مهتمه بأختك

ميسر :هو انا فرض اهتم بيكي غوري لجهنم 

الفت: جهنم ياخدك انتي

ميسر قامت وقفت وشخطت فيهم : ماما هو انتي جيباني اسمع اهانتها , انا مروحه بيتي

امهم : استني عندك انا جبتك نحل سوي مشكلتها مش للخناق معاكي

ميسر : وليه اساعدها ,عملت ايه لما وقفت جنبها

الفت :انتي سبق وعملتي اي حاجه عشاني, هو فيه واحده انانيه زيك ,تحب تعمل اي حاجه لـ اي حد , ده مستحيل , هي السبب في اني خسرت ابني 

ميسر  بتهكم: اهلا وسهلا ,نسيتي الي عملته, اجبرت لكل ان هم يضغطوا ع داغر يتجوزك  وانتي معلمتيش اي مجهود تكوني معاه عايله , شوفي نفسك ع طول متعصبه عليه وعلينا زقيتي دعاء وامه موقعتش من ع السلم لوحدها

الفت ارتبكت:  اتكعبلت من ع السلم انا مزقتهاش

ميسر اتعصبت: ايوه لكن كان زمانها عايشه , لو انقذتيها, سبتيها غرقانه في دمها, بدون رحمه

الفت بنفعال وتشفي:  احسن انها ماتت , مقدرتش اتحملها وهي قريبه من داغر ,ومستحوذه عليه

ميسر برفعه حاجب: شوفتي يا ماما شوفتي ,حطيت ستاره ع كل البلاوي الي عملتها ,وازاي كافأتني , مين الي اتكلم عن تقسيم البيت انتي ولا انا

الفت  صرخت فيها: انتي الي بدئتيها

امهم صرخت فيهم: بس كفايه انتم الاتنين , شوفي يا الفت تقدري ترجعي بيتك  لو عايزه , لكن من غير فايده بعد ما اتخانقتي مع  داغر , داغر مش معمر ,وعصبيتك مش هتأثر عليه , داغر بيتعصب بسرعه ,ومقدرش اسيطر عليه , ومستحيل يسمع لي مسكت دماغها بألم  اه دماغي يارب

ميسر بحنيه: اقعدي هعملك كوبايه شاي

داغر كان واقف بره وسمع كل حرف قالته وطلع للشارع رجع كل الي في جوفه وانهار بالبكاء! 

......قصص منه محمد كاتب...................

في الجنينه راحه جايه بقلق شافتها جريت عليها: رحاب جدتي عامله ايه

رحاب ضغط ع اسنانها: اسكتي خالص

دعاء: ع الاقل طمنيني الدكتور قال ايه؟؟!!

جمال بهمس: هتتحسن متقلقيش

رحاب بغضب: ايه الداعي تتكلم وترد عليها

جمال: كانت بتسال

رحاب: وطبعا ريحتها مش قادره تهز طولها وتروح المستشفي تطمن بنفسها هي بتتظاهر بالاهتمام

جمال: انسيها , وكأنها اول مره تتصرف بالشكل ده ممكن تهدي خدي علاجك ونامي

رحاب: ازاي اقدر انام في الحاله دي انا حاسه بالخوف ع نناه

جمال: وانا عشان فاهم سبب خوفك بقولك خدي الدواء هيريحك وتنامي ولما تصحي الصبح تحسي بالتحسن ثقي فيا

رحاب: هروح الاول اغير هدومي

جمال في نفسه الخبيثه: دعاء الليله لوحدها في البيت ويوم عيد ميلادها كمان وفرصه احتفل معاها

                الفصل السابع والثلاثون من هنا 

لقراءة باقي الفصول من هنا

تعديل المقال