رواية ارواح معكوسه الفصل الخامس5 بقلم منه محمد
في اليوم التالي استيقظت "نهى" علي صوت رنين الهاتف فتحته و نظرت لهويه المتصل الذي كان "حسام" فتذمرت : استغفر الله العظيم عايز ايه الراجل ده ع الصبح
تجاهلته لكنه اتصل مره اخرى
نهى : يييي ده انت رخم ، ردت عليه بضيق : الو
حسام : صباح الخير يا احلى حاجه ف حياتي
تقذذت من حديثه و ردت ببرود : صباح النور
حسام : وحشتيني
نهى : ماشي
تعجب من حديثها البارد معه : مالك يا ليلى
نهى : يا حبيبي ما انا لسه صاحيه من النوم
حسام : حبيبي يا سلاااام
ضربت جبتها و هو تقول في سرها : يخربيت حبيبي اللي بقولها لكل الناس دي
حسام : يا لولو ما انت اللي بتحبي تصحي علي صوتي
نهى بسخريه : ليه هو انت منبه
حسام : المهم وحشتيني
نهى : يا بنتي ما انت لسه قايلي هي شغلانه
حسام : طب مش هنتقابل بقى بقتلنا فتره مش بنشوف بعض
نهى : ربنا يسهل ، ثم اغلقت المكالمه
_______________________________________________________________________________
وصلت " ليلى" مبكرا و جلست في مكتب "نهى"
نظرت لها "فرحه" بتعجب : ما شاء الله اول اشوفك بتيجي الشغل بدري
ليلى بدهشه : ليه هو انا علي طول بتأخر !!
فرحه : كتيييير
تحدثت ليلى بثقه : بس ده كان زمان دلوقتي في نهى جديدة
ضحكت "فرحه" علي طريقتها ف الكلام : ماشي يا نهى يا جديدة
ليلى : انا هاروح التويلت بسرعه
ثم ذهبت بينما "فرحه " محدقه فيها : تويلت !!
__________________________________________________________________________________
كانت "نهى" تجلس في المكتب تحاول غلق الهاتف لكي تتخلص من رسائل و اتصالات " حسام " الكثيرة و المزعجه : يوووه ده انت غلس اوي
اثناء ذلك سمعت صوت طرقا علي الباب
نهى : ادخل
دخلت "ليلى" : صباح الخيرررر
نهى : تعالي يا ستي شوفي حبيب القلب اللي صدعني ده ، مش عارفه بتحبي فيه الزنان ده
ليلى : لو سمحت متتكلميش عن حسام كده
نهى : يا شيخه اتنيلي
رن هاتفها للمرة التي لا تعرف عددها منذ الصباح
نهى : يييي اهو بيرن تاني خدي يا ستي ردي
اخذت الهاتف لترد عليه : الو وحشتني او يا حسام
نهى : ايه الناس دي ؟؟
ليلى : طبعا يا روحي هقابلك بس بعد الشغل ، ثم اغلقت المكالمه
نهى : مين دي اللي تقابله
ليلى : انا اصدقي انت يعني
نهى : لا طبعا مش هاقابل حد
ليلى : وصتي صوتك يا نهى
دخل والدها اثناء شجارهم ، فصمتوا
ليلى : طب انا هامشي بقى، و كملت بصوت هامس : بس هتقابليه
همست في سرها : منك لله يا حسام
جلس والدها امامها بتعجب : هي نهى بتعمل ايه عندك ؟
ليلى : اااا قولت اطمن عليها عادي يعني
شكري : غريبه انت مكنتيش طيقاها ف الاول
ليلى : لا منا كنت ظالمها
ثم استغلت الفرصه و قالت له : لعلمك بقى نهى ده بنت مجتهدة جدا و بتشتغل بكل ضمير انت لازم ترقيها
شكري : ياااه للدرجادي
نهى : ايون
ضحك علي طريقه كلامها الغريبه : ماشي يا ستي بس انا مش برقي حد غير لما اتأكد بنفسي انه يستحق يترقى فعلا
_____________________________________________________________________________________
بعد انتهاء العمل ذهبوا إلي منزل " ليلى" لتبدل ملابسها قبل الذهاب إلي "حسام"
اخرجت لها فستان باللون البرتقالي لكي ترتديه : خدي اللبسي ده شكله حلو
لم تعلق " نهى" بل كان فمها مفتوح بصدمه : انا البس ده !!
ليلى : ماله ؟
نهى : ده عريان و قصير لا يمكن البسه
ليلى بغضب : طب خلصني هتلبسي ايه
نهى : هاتيلي حاجه حشمه
ليلى : حشمه !! حاضر
_________________________________________________________________________________
وصلوا إلي المكان المحدد للمقابله
ليلى : اسمعي بقى انا هاقف من بعيد اراقبك و اللي هاقوله تقوليه هو هو لابسه السماعه
نهى : اه
ليلى : طيب تمام ، انا هامشي بسرعه
وصل "حسام" و هو يمشي بمشيته المغروره و هو يرتدي نظاره شمسيه
حسام : هاي
نهى ببرود : و عليكم السلام و رحمه الله و بركاته
مد يده لسلم عليها فسلمت عليه لكنه حاول تقبيل يدها لكنها سحبتها بسرعه
حسام : وحشتني
كانت "ليلى" تقف بعيد تسمع ما يقولون
ليلى بهيام : و انت كمان
وضعت يدها علي اذنها : لازم السهوكه دي يعني
ليلى : ايوه
تحدثت مقلده نبرتها : و انت كمان
حسام : عارفه لما بشوفك بحس انا سعيد
نهى : اممم شعور متبادل الحقيقه
كان يتحدث في اشياء كثيره لكنها لم تركز معه كان كل همها انت تنتهي من تلك المقابله السخيفه بسرعه
اثناء كلامه امتدت يدهه لتمسك يديها ف ابعدتها بسرعه و ضربته علي يده
نهى : لا ده حك يا بابا احترم نفسك عيب
ليلى : انت بتعملي ايه
نهى : اسكتي انت مش كفايه اني قاعده معاها
كان يحدق بها بصدمه : ليلى مالك
نهى : تعبانه تعبانه يا حسام يا اخويا
حسام : تعبانه من ايه ياروحي
نهى : منك ، ايييه الشغل الشغل تعابني اوي بقولك ايه انا عايزه اروح
حسام : لا تروحي ايه احنا لسه مقعدناش مع بعض
نهى : ما انت عمال تعمل حاجات غريبه احسام
حسام : انا اسف حقك عليا
نهى : و لا يهمك
حسام : طب تحبي تشربي ايه ؟
نهى : انت اللي هتدفع
حسام : اه
نهى : طب عايزه عصير قصب
ليلى : قصب ايه يا متخلفه انتي
لم تعيرها اي اهتمام
حسام : قصب !!
نهى : اه انا مفيش حاجه بتهدي اعصابي غير القصب
حسام : انا اسف اعتقد معندهمش قصب هنا
نهى : خلاص خليها عصير برتقان
حسام : اوكيه ، ثم نظر لها : وحشتيني
قامت بغضب : ما خلاص بقي يا حسام زهقتني انا ماشيه و ذهبت و تركته
حسام : خلاص انا اسف يا ليلي طب و البرتقان