رواية الحربايه والثعبان
الفصل الثالث3 والرابع4
بقلم منه محمد
في فيلا رياض
رحاب : كنت فين وايه الي حصل لايدك
آمير: ولا حاجه مجرد جرح صغير ’ وانا بعمل الكوتش عشان كدا اتأخرت
رحاب بضيقه: طيب لما اتصلت بيك كذا مره وانت ولا مره رديت
أمير: الموبيل كان صامت هم الضيوف مشيوا؟؟!!
رحاب: لسه ماشين بس فيه خبر حلو عشانك اخترتلك عروستك
آمير بتعجب: عروستي..!!!!
رحاب بسعاده: ايوه عارف نهال صحبتي هتبقي مراه اخويا , قررت ده خلاص
آمير وقف شويه يفكر وقرر انه لازم يفاتح اهله في امر دعاء وراح غرفه نومهم وخبط
رياض: ادخل
آمير فتح الباب: مساء الخير
رياض: مساء النور
ناني بشده: آمير كنت فين استنناك ع العشاء
رياض بخضه: مال ايدك ايه الي حصلها؟؟
آمير: مفيش جرح صغير انا عايز اتكلم معاكم في امر مهم
رياض: قوله
ناني بحنيه: اتكلم ياحبيبي
آمير: انا عجباني بنت وعايز اتجوزها
ناني بستفسار: مين البنت دي؟!
أمير: اخت داغر الصغيره اسمها دعاء وانا بحبها
ناني بدهشه: بس انت مجبتش سيرتها قبل كده
آمير: لانها كانت بتكمل تعليمها , ومكنتش عايز اشغلها غير لما تخلص , ودلوقت عايزكم تروحه تخطوبهالي
ناني: لكن يابني احنا اختارنا نهال بنت كويسه وعارفين اهلها
أمير: ماما الجواز بيبقي مبني ع اختيار القلوب ورغبته , وانا بحبها وهبقي سعيد معاها ,ولا سعادتي ملهاش حساب عندكم
رياض بتفهم : طبعا سعادتك تهمنا’ انت ابننا الوحيد ,والجواز من غير موفقتك متمش , ومحدش يقدر يجبرك تاخد خطوه انت مش عايزها
أمير: شكرا يابابا كنت عارف انك هتتفهم وضعي
رياض طبطب ع دراعه: طبعا اطمن انا معاك كل حاجه هتم ثق فيا
آمير بص لامه الي قفلت ملامحها وقام وقف وقال: تصبحوا ع خير
رياض: وانت من اهله
ناني بتعنيف: انت عملت ايه يارياض ,ازاي تشجعه احنا منعرفش الناس دي ,ولا هم مين ,ولا من عيله مين اروح اخطب من غير ما اعرف
رياض بهدوء: ناني امير هو ابننا الوحيد وسعادته من سعادتنا , مانروح بيتهم ونشوفهم ع الطبيعه وبعدها نقرر اه او لاء
ناني: انا مش فاهمه حاجه طلعت البنت دي منين فجأه , والاغرب ان رحاب متعرفش اي حاجه
رياض: اهدي الموضوع ميستهلش الاقفش
..........قصص منه محمد كاتب...............
في بيت دعاء بعد المشكله
دعاء: يا امي كلي لقمه
بهيه بدموع: مش هاكل غير لما ابني يرجع
دعاء بتنهيده: عشان تاخدي العلاج هتتعبي
بهيه: ربنا وحده الي عالم اخوكي فين , قلبي وجعني, مقدرش اكل لقمه غير لما اطمن عليه
دعاء: اخويا هيرجع صدقيني
بهيه: قومي قولي لـ اخوكي معمر يدور عليه
دعاء: ابيه معمر هيدور عليه فين الساعه دي وهو زعلان منه
بهيه قامت وشدت الخمار: خلاص هطلع انا ادور عليه بنفسي
دعاء قعدتها: يا امي أقعدي واسمعيني , خلاص هتكلم معاه بس ارجوكي كلي لقمه صغيره عشان تاخدي علاجك
بهيه: مش هاكل غير لما داغر يرجع البيت , قومي يابنتي لاخوكي يدور عليه ويرجعه
دعاء : يا ماما انا هروح حاضر , بس لله كلي لقمه _ رفعت ايدها بالعيش_خدي دي بس من ايدي وهقوم
بهيه اكلتها من ايدها: اكلت يله قومي
دعاء راحت بعد تردد كتير خبطت ع الباب: ابيه معمر
معمر فتح عيونه وقام : فيه ايه يا دعاء
دعاء: اخونا داغر مرجعش البيت لحد دلوقت
معمر: يمكن مع اصحابه اتصلي بيه وهيرجع
دعاء: اتصلت رفض يرد وقفل موبيله , وامي قلقانه وبتقولك روح دور عليه
ميسر فتحت الباب ع اخره وبعصبيه: هي امك مش بتهتم غير بيكي انتي او داغر ,يمكن انتم الاتنين ولادها ومعمر ملوش علاقه بيها , ولا يكون عدوكم
دعاء برتباك: الموضوع مش كدا
ميسر: لاء هو كدا وبعدين داغر شاب عاطل اكيد بيتسرمح مع حد من صحابه
دعاء بضيق من اسلوبها الفظ: بس داغر عمره ما اتأخر للساعه دي بره البيت قبل كده
معمر: ميسر كلامها سليم اكيد مع صحابه قولي لـ امك متقلقش ,انا لازم انام عندي شغل الصبح بدري
ميسر: سمعتي لازم يبقي عندك شويه احترام اخوكي , لازم يروح شغله وابني مدرسته ولا نروح نلف ع اخوكي في نص الليل امشي يله
دعاء اتحرق دمها لما ميسر قفلت الباب في وشها
بهيه سألتها: ها قالك ايه معمر راح يدور ع اخوه
دعاء حطت خصله من شعرها وري ودنها : اخويا نايم
بهيه بقهر: نام واخوه الصغير مش في البيت ,وامه صاحيه قلقانه عليه , ازاي جاله نوم كان لازم تصحيه
دعاء بتوتر: حاولت لكن
بهيه: فهمت احنا عبئ تقيل عليه , وبدء يكل مننا ليه يهتم بألمنا الي بنعيش فيه
دعاء مسكت ايدها برجاء: ابوس ايدك انتي عيانه , بصي هكتبله رساله ماشي ولما يفتح التلفون هيشوفها ويرجع طوالي ماشي
بهيه: ماشي
دعاء: يله لازم تريحي جسمك
اثناء كلامهم سمعوا الباب بيخبط دعاء جريت وفتحت بعصبيه: كنت فين, ولا مره فكرت فينا ولا في امك الغلبانه الي هتموت عليك , افرض جرلها حاجه اعمل ايه وانا لوحدي
بهيه طلعت تجري: داغر ابني (ضمته وبكت) روحت فين ياضنايا ,كدا متقولش امي يحصلها حاجه
داغر باس ايدها: حقك عليا سامحيني عارف انا غلطان
بهيه ببكاء: اوعدني يابني انك مش هتسيبنا مره تانيه
داغر مسح دمعتها: اوعدك عمري ما اسيبكم لوحدكم ابدا, بطلي عياط بقي (ضم اخته) دودوه بطلي انتي كمان
بهيه: ادخل يابني ادخل
.........قصص منه محمد كاتب............
في فيلا رياض
ناني خرجت وناولت اللبن للجده الي اغلقت كتاب الله المجيد
الجده بصتلها: مالك ياناني وشك مبوز كده ليه
مامي: امي آمير بيحب بنت وعايزنا نروح نخطبهاله
الجده ضمت حواجبها: مين دي ومن عيله مين؟؟!!
ناني مطت شفايفها: انتي عارفه صاحبه داغر امير عايز اخته , وكنت مفكره انه بيروح البيت لداغر , اتاريه بيروح عشان معجب بأخته
الجده بكل هدوء: تمام قررتي ايه؟؟
ناني: اظن انتي عارفه حال البنات الايام دي يحفروا للشاب الغني حفره ,وآمير مش مديني فرصه افكر في اختياره ده عايزنا نتكلم في جواز
الجده بهدوء: اظن هو شاب وعنده كل حاجه وناقصه زوجه ,لكن قبل ما تاخدي اي موقف قوي فكري كويس جدا
ناني بضيق: ياماما مش عارفه اعمل ايه ..ورياض ابنك موافق يروح بيتهم رغم اني مش موافقه وكنت بفكر اتكلم مع رحاب لما تصحا انا متأكده ان آمير مش هيرفض الي هتقوله
الجده: ربنا يقدم الي فيه الخير
...........قصص منه محمد كاتب...........
في بيت دعاء
الفت شافته فرحت جدا وراحت سلمت عليه: ازيك ياداغر
داغر بتكشيره: بخير
الفت: هو انا ممكن اطلب منك طلب
داغر مبوز جدا: ايه هو
الفت: تخرج معايا
داغر فتح بؤه ع اخره لانه بيكرها كره العمي ولف مشي
ميسر خرجت ع صوتها وبسؤال: الفت وصلتي امتي هنا؟؟َ
الفت ابتسمت: لسه جايه حالا عامله ايه ياختي
ميسر ببتسامه : انا عايشه في جهنم جوه البيت جيتي ليه جهنم
الفت : ابدا وحشتيني وقلت اجي اشوفك
ميسر:ليه واقفه بره تعالي ندخل ونشرب عصير دعاء اعمللنا كوبيتين عصير ليمون
الفت دخلت وقعدت معاها: الله ايه الخاتم الحلو ده
ميسر بسعاده: معمر جبهولي في عيد ميلادي
الفت: اه فات ع جوازكم عشر سنين بس لسه بذره الحب ما بينكم ولسه بيهتم بيكي
ميسر كشرت: ايوه مش كفايه مضحيه معاه بما فيه الكفايه سيبت بيتنا الجميل وجيت لجنينه الحيوانات ومسؤلين عنهم كلهم ومفيش تعريفه بتفضلنا من المرتب ومستحمله مصاريفهم
الفت: بس خلتيهم زي الجزمه في رجلك
ميسر: انا لازم اعمل كده عشان ميلعبوش في دماغ معمر , والاكانوا زمانهم اتخلصوا مني من زمان
الفت: انتي مين يقدر عليكي
دعاء دخلت بالصنيه: الليمون
ميسر بنفعال: ليه جايبه ليمون وبس امك معملتكيش واجب الضيافه , اختي جايه تزورني بعد مده طويله اعملي غداء
دعاء: حاضر
الفت بلطف: لاء يا دعاء مليش نفس اكل اصل لسه فاطره متأخر تعالي اقعدي معانا
دعاء: اصل عندي شغل هعمله وكمان تتكلموا براحتك لو احتاجتوا حاجه اتصلوا بيا
ميسر بعد ما خرجت دعاء بصت لاختها: ياختي متتعمليش معاها بأحترام اوي
الفت: ميسر مش لاقياه اي سبب من الي بتعمليه قوليلي هي خلصت جامعتها
ميسر مصمصت شفايفها: اخيرا خلصت بعد اربع سنين
الفت: مفيش حد اتقدملها
ميسر عوجت شفايفها: ياختي صرفنا ع تعليمها بالعافيه, لولاش واخده منحه كنا شحتنا , وبعدين مين بقي هيتكفل بشورها , اصل ابوها مسبش الابعديه , قوليلي بقي امك عامله ايه وبتقول عني ايه؟؟!!
الفت: وحشتيها اوي
ميسر: والله هي كمان وحشاني
الفت قامت: يله لما اسيبك واقوم بقي
ميسر: ماتقعدي معايا شويه
الفت: لاء عشان امك متزعقليش
ميسر: هبقي اروح اشوفها
الفت خرجت لقت بهيه بتقطع بطاطس: خالتي بتعملي ايه
بهيه ابتسمتلها: دعاء بتشتغل من طلعه النهار قررت احضر للغداء
الفت سحبت كرسي وأأعدت: هاتي اساعدك
بهيه: ليه روحي اقعدي مع اختك اتكلمي معاها انا بخلص ع طول
الفت: ياخالتي هو انا غريبه ليه بتعامليني ع اني ضيفه, سبيني اقشرها هو فين داغر كان لسه هنا لما جيت راح فين
بهيه: مشي يعمل شغل
الفت : ربنا معاه (في سرها) يعني اختفي لما انا جيت
ميسر خرجت وصرخت: الفت بتعملي ايه؟؟!!
الفت خافت وقامت برتباك: ولا حاجه كنت بسـ
ميسر بزعيق: حماتي يعني نفسي افهم اختي قاعده شويه وكانت ماشيه , خلتيها تعمل شغل البيت
بهيه: قلت لها بلاش بس هي اصرت
ميسر: عرفاكي انتي وبنتك بتهربوا من شغل البيت , كل الي فالحين فيه المؤامره والتخطيط
الفت: مالك ياميسر ايوه انا الي اصريت
ميسر بشخط: اسكتي انتي متعرفيش الناس دول قدي روحي يله
الفت في سرها: ميسر شيطانه مش هتخليني اتجوز داغر
...............قصص منه محمد كاتب..............
في غرفه رحاب
رحاب وقفت بدهشه: بجد يامامي امير قالك كده , ازاي ده شكلهم ناس ع قد حالهم جدا
ناني: هو انتي تعرفيها
رحاب هزت دماغها شمال ويمين: لاء قابلت اخوها في المول من يومين , وواضح من هيئته ولبسه انهم غلابه واكيد اخته زيه
ناني بنفعال: بصراحه انا مش عجبني زوجه من اختياره, عارفه الحب مطلوب بس الاهم العيله والواجهه الاجتماعيه مهمين للعلاقه وده بيهمنا جدا
رحاب أعدت جنبها ومسدت ع دراعها: شور مامي, انتي اهدي انتي عارفه امير ميقدرش يرفض اي حاجه بقولهاله اطمني متقلقيش هروح اتكلم معاه اوكيه
ناني: اوكيه
رحاب خبطت ودخلت: امير
آمير قفل الموبيل ع صوره دعاء وابتسم : نعم
رحاب: ايه الي سمعته قلت لمامي انك بتحب بنت تانيه
آمير بهدوء: حصل
رحاب: اسمها ايه
آمير لسه هيرد هي قطعته : مش مهم اسمها اظن قولتلك عروستك , انا خلاص اخترتهالك نهال بنت كويسه جدا
آمير: رحاب مش عايز اتجوزها, انا بحب واحده تانيه وعايز اكمل حياتي معاها
رحاب: معني كدا انك مش مهتم بأختياري
أمير بستغراب: ايه الكلام ده الموضوع مش كدا
رحاب كتفت ايدها: امال ايه؟؟!!
آمير: بحبها يارحاب بحبها وعايزها شريكه لحياتي
رحاب بتهكم : سو فاني, بنت غريبه بقت مهمه جدا بالنسبه لك اكتر مني, لدرجه خلتك تتجاهل مشاعري
آمير: رحاب مش كدا, افهمي حصل قبل كدا اني مدتش اهميه لاختيارك , بس ده جواز مش قميص ولا بنطلون هلبسه
رحاب بنرفزه وتهديد : لو فضلت مصمم انا بعد كده مش هسمعلك , ومش هتكلم معاك طول حياتي وانت عارف اني اعملها
آمير بشخط: رحاب استني
رحاب مشت ع بره متعصبه وأمير رااح لامه: ماما فهمي رحاب
ناني : افهمها ايه
آمير: فهميها اني مش هرتبط غير بالبنت الي بحبها ومتتعصبش غير لما تسمع وتفهم
ناني: هي مش هتسمع حاجه دلوقت , اكيد مضايقه عشان نهال , اظن كنت بتشاركها معاك في كل حاجه بس خبيت عليها امر مهم
آمير: ماما كنت منتظر الوقت المناسب وخليها تعرف ان دعاء بنت طيبه ولطيفه جدا ومثقفه ومتعلمه وانا واثق انها هتحب رحاب كمان
ناني: انت اكتر واحد عارفها مش هتسمع بسهوله , بس حاضر هتكلم معاها
آمير: شكرا يا امي انا لازم اروح الشركه
ناني: مع السلامه
الفصل الرابع
في غرفه ميسر قاعده تسمع اغاني وترقص سمعت صوت معمر سحبت ايشارب وربطت دماغها وفضلت ع كلمه أه يادماغي
معمر دخل بفزع: ايه مالك
ميسر مثلت التعب: راسي بتخبط من كتر الوجع
معمر بهتمام : اخدتي اي علاج
ميسر كشرت بستياء: مين ياحسره هيجبلي برشامه , طول اليوم قاعده في الاوضه الا محدش سأل عني
معمر : طيب يله قومي اخدك ع الصيدليه يدوكي ابره
ميسر : مش مستهله شويه صداع واشرب كوبايه شاي واخد برشامه يروح لحاله
معمر :هجبلك برشامه واعملك الشاي
بهيه دخلت :معمر يا ضنيا
معمر: نعم يمه
بهيه : انت ليه مسلمتش عليا وطلعت الصبح من غير فطار يابني كل الاخوات بيتخانقوا لكن قلوبهم بتصفي وانت الكبير العاقل شيل من قلبك
معمر :مش انا الي بدئت الخناق داغر , وانا اكبر منه وبتولي زمام الامور بعد وفاه ابونا ,ولازم احترم في البيت ياامي فيه غلط في كلامي ولا مليش حق
بهيه :لاء ياضنايا ليك كامل الحقوق وهنعمل زي ما بتقول وقلت لداغر ان امير ميجيش البيت هنا تاني ,بس صفي قلبك لاخوك ياحبيبي انا لو عشتلكم النهارده مش هعيشلكم بكره وعايزاكم قلوبكم ع بعض
معمر :خلاص مش زعلان 'وبلاش كلامك ده 'والا هزعل جامد
ميسر بحقد: معمر دماغي
معمر رحلها: الصداع شد ازيد
بهيه قربت عليها : مالك يابنتي
معمر : عندها صداع
ميسر بشخط : بتقولها ليه هو انا يعني بهمها
بهيه بعتاب: بتقولي ايه ليه مقولتليش ان عندك صداع
ميسر كشرت: هو انا هعلنها في الميكرفون ان عندي صداع , طول النهار مخرجتش من الاوضه ,محدش هان عليه يكلف نفسه , ويسال ويطمن عايشه ولا مت
معمر: سيبك من ده وقومي نروح للدكتور
ميسر قامت ومسكت في ايده : اه يما تعبانه
بهيه : ع مهلك
ميسر جعدت وشها: الصداع جامد يامعمر
معمر سندها برفق: طب امشي ع مهلك
ميسر بصتلها من تحت لتحت: امتي اتخلص من الصداع ده بقي
................قصص منه محمد كاتب.................
في فيلا آمير
أمير قابلها: رايحه ع فين
رحاب: لواحده صحبتي
آمير: طيب يله لاست جو
رحاب بغرور : ملوش داعي اقدر اروح لوحدي
آمير: رحاب هو انتي زعلانه للدرجه
رحاب بتكشيره : سوري اتاخرت
امير وقف قدامها: رحاب اسمعيني ,انتي عارفه اني بحبك ,ومش محتاجه اعرفك مدي اهميتك بالنسبه لي , انتي مش بس اختي انتي البيست فرند كمان
رحاب بعصبيه: واتعودت منك تشاركني كل قرار في حياتك , لكن خبيت عني اهم قرار
آمير: بعترف اني غلطت ،بس بليز بلاش حاجه تزعلنا من بعض, لو قابلتي حبيبتي مره واحده انا واثق هتحبيها
رحاب: زي منا واثقه لو قابلت نهال لمره واحده هتحبها جدا
آمير: مش عايز اقابلها
رحاب بنرفزه: اتس اوكيه ليه بتسألني اعمل الي تعمله
آمير نده عليها: ررررحااب
الجده قربت منه: فيه ايه ليه متزفزه كدا
آمير اتنهد بزعل: زعلانه مني
الجده بضحكه: زعلانه منك مستحيل اختك تزعل منك
أمير: عايزني اسمعلها نفس كل مره لكن ياجدتي المره دي مش ممكن
........قصص منه محمد كاتب.............
في فيلا آمير
رياض حطت الفنجال ع التربيزه: ها نويته تعملوا ايه؟؟
ناني : رحاب رافضه تسمع اي حاجه ومش ناويه تيجي معنا عند اهل دعاء
رياض: وامير
ناني: بيحاول يقنعها ,بس انت عارفها مش بتقتنع بسهوله, ايه رايك نكلم اهل نهال ونسيب دعاء
رياض: ايه الي بتقوليه ده , بزمتك ده اسمه كلام نجبر اببنا يتجوز ع مزاجنا احنا
الجده: ابني عنده حق
ناني: يعني انتي متفقه معاه
الجده: ايوه متفقه معاه
نامي: وكل الي طلبينه مني استسلم قدام اختيار ابني
الجده بهدوء: ناني مفيش راجل يتغصب ع شريكه حياته, دي نهايتها الطلاق ,نروح البيت الاول ونشوفهم وبعدها نقرر لازم نشوفهم ونتعرف عليهم
رياض: انا معاكي جدا يا ماما وبعدين ابنك بيحبها ,نقوم نفرض عليه نهال ونتعسه ,انتي هتبقي مبسوطه بتعاسه ابنك
ناني: ورحاب مش موافقه وقالت مش هتحضرله اي حاجه
الجده ببتسامه: هتوافق ده اخوها الوحيد,الاول نروح للبيت وبعدها نتكلم معاها
ناني بستسلام: اوكيه لو ده قراركم نروح بكره
رياض: ع بركه الله
ناني قامت :هروح اقوله افرحه
رياض: تمام
ناني خبطت ع غرفته ودخلتله الفراند: آمير
آمير نعم يا امي
ناني: عايزين نروح نزور عروستك بكره بلغ داغر او اخته
آمير بفرحه: بجد يا امي ورحاب جايه معانا
ناني: لايمكن تيجي المره دي ,الاول انا وابوك هنروح نشوف اهلها لازم نتعرف عليهم الاول
أمير مسكها من كتافها وبهدوء : ماما هم ناس بسيطه جدا بس يتحبوا بسرعه
ناني: يعني مش نفس ليفل مستوانا وعايزنا نناسبهم
آمير: يا امي كلنا ولاد تسعه وبعدين انا هاخد دعاء ليا
ناني: شكلك بتحبها اوي’ وبتتجاهل مكانتنا
آمير: ماما متعمليش من الامر قضيه ع العموم فرق المستوي مش مشكله ليا اطلاقا , لاني بجد بحبها وعايزها, وثقي لما تشوفيها هتزول كل اعتراضاتك ,وهتحبيها يمكن اكتر مني وهتشوفي
ناني ابتسمتله: اوكيه رايحين لحبيبتك بكره ,عايزه اشوف الي خطفت قلب ابني ,يله بلغهم اوعي تنسي
آمير بفرحه ع وشه: حاضر
.........قصص منه محمد كاتب.............
في بيت عائله آمير في الجنينه الكل مبسوط جدا بعد ما شافه دعاء واخلاقها وجمالها الهادي واهلها ناس طيبين خصوصا والدتها بهيه
ناني للجده: ماشاء الله البنت جميله وهاديه ومؤدبه ’ ملهاش صوت
الجده: كنتي متردده تروحي هناك بس شيفاكي راجعه مبسوطه
رياض بضحكه: عارفه يا ماما لو الامر في ايدها كانت جابت المأذون وخلت آمير يكتب وتجيب دعاء معاها ع البيت واحنا راجعين
ناني: بجد حبيتها اوي , بمجرد ما شوفتها عسوله خالص ي آمير رغم مستواهم مش راكب معانا بس البنت حلوه
الجده: يعني ماسه وتستاهل
رياض خبط امير بمرح في كتفه وبضحكه: بصراحه هي ماسه امير اختيارك هايل
آمير بسعاده من قلبه: الحمد لله كنت عارف انها هتعجبكم
رحاب قامت بغل وامير اخد باله بس سكت
الجده: وامتي قررتوا الدخله
ناني: آمير عايزها اقل من شهر يعني نبدء التجهيزات وعزمتهم ع بيتنا لازم يشوفه عيشتنا
رياض: هم ناس بساط جدا وبيتهم متواضع ,لكن الشهاده لله اخلاق وطيبين ,ودعاء ادب واخلاق ورقيقه
ناني بابتسامة: مبروك يا اميري
آمير: الله يبارك فيكم يارب
..........قصص منه محمد كاتب..........
في بيت دعاء الي منمتش وفرحانه وحاسه ان قلبها مش في مكانه
دعاء: الشاي يا بشا
داغر ضحك: قوليلي انتي مبسوطه
دعاء ببتسامه عريضه: اممم
داغر: آمير صاحب مهم عندي , لكن مفيش حد اهم من سعادتك عندي, لو موافقه هعمل اي حاجه عشانك
دعاء: انا معنديش اعتراض ع آمير
داغر برتياح: متأكده
دعاء: ايوه
داغر انبسط : كدا نشتري تورته وروحي ادي الشاي لامك
دعاء راحت لبهيه: كوبايه شايك يا ماما
بهيه: اظاهر دعائي اتحقق دلوقت, آمير شاب خلوق وطيب وانا متأكده انه هيسعدك واول مايرجع معمر من السفر هقوله ونروحلهم زياره بيتهم
دعاء: ماشي
معمر وصل وببتسامه: ايه سر اللمه الحلوه دي
بهيه بسعاده: حمدلله بالسلامه 'كويس انك جيت كنت عايزه اقولك ع حاجه
معمر: قولي يمه
ميسر طلعت : كانت عايزه تقولك ان آمير شاب مؤدب ومفيش منه اي سوء وجه يتقدم لدعاء
معمر : بتقولي ايه
ميسر: الي حصل جه اهل امير يخطبه دعاء وامك قالت ايوه من غير موفقتك
بهيه: مش كدا يابني انا لسه مردتش عليهم , واستنيتك اتكلم معاك الاول
ميسر: اي كلام انه يقعد كدا منظر’ بس انا متأكده ان الموضوع ده بيترتب له من وقت طويل وانا وجوزي منعرفش اي حاجه عنه ولا هو هيجي يتقدم كدا من فراغ
معمر بعصبيه: ميسر اسكتي لحظه امي انا قولت لك آمير ميجيش البيت ايه لزومه كل ده
بهيه: يابني اتصل بينا فجأه وقال اهله عايزين يقابلونا وانت كنت مسافر ازاي ارفض ولما جم اتفاجئت انهم بيطلبوا ايد اختك وقولتلهم اخوها مسافر ولما يرجع هنرد عليكم والامور هتمشي لو انت قلت تمشي غير كدا مفيش حاجه هتم
معمر: تمام اتصلي بيهم وقوللهم طلبكم مرفوض
داغر: معمر ده مش وقت تصفيه حساب وتنفعل المسأله متعلقه بمستقبل اختنا
معمر بعناد: انا عارف مستقبلها اكتر منك وقلت ردي النهائي فيه
داغر: بلاش تستعجل برفض لان آمير صحبي انت رافض الارتباط ده انسان كويس
ميسر: انت مش من حقك تقول رآيك لانك غمضت عيونك وسمحتله يدخل بيتنا ودلوقت تجوز اختك للراجل الي حط عيونه عليها وبعدين الناس هتقول علينا ايه في الحاره
داغر: انا عايز افهم واحد بيتقدم وغرضه شريف الناس هتقول ايه لو كل واحد شاف عيوبه فالحين بس نشوف عيوب غيرنا
معمر: برضو نعمل اعتبار للناس احنا عايشين في الحارة معاهم وفعلا هنقولهم ايه وهتبقي مسأله عرض وشرف
ميسر: جوزي كلامه مظبوط العلاقه دي مش ممكن تتم وده افضل حال لينا كلنا
داغر: انا عارف كويس نيتك من ناحيه دعاء
بهيه بنفعال: داغر اسكت
ميسر بحقد وغل: سبيه خليه يتكلم معمر لازم يعرف كرهكم الي جوه قلوبكم من ناحيتي
معمر: ليه بتتكلمي معاه
بهيه بهدوء : يابني فكر تاني براحه الناس كويسين جدا وجاين وغرضهم شريف لو رفضنا
معمر قطعها: ياما طلبتي رآي وقلت لا خلاص لكن لو عايزه تجوزهاله براحتك الامر متروك ليكم كله , لكن لو عملتي كدا متستنيش مني اي مساعده
داغر اتقهر ودعاء عيطت بدون صوت وجريت ع غرفتها
ميسر في سرها: مش هسيبك يادعاء تمشي من هنا بسهوله ومين يخدمني ويبقي زي الشبشب في رجلي
..........قصص منه محمد كاتب.............
في الجنينه بيت آمير
ناني راحت عليها: بنوتي ليه قاعده لوحدك كلنا قاعدين جوه بنتكلم ع فرح اخوكي
رحاب: مش ملاحظه انكم قررتوا بسرعه ونسيتي اني ليك بنت
ناني: لسه زعلانه انتي وآمير ’ انتي دنيتي كلها ونور البيت ازاي نقدر نتجاهلك
رحاب: مامي بليز متحاوليش تراضيني بالكلام عارفه انك قررتي ومعملتيش اي اعتبار لرآي
ناني: ليه يارحاب
رحاب: ليه لو كدا مكنتيش قررتي ابدا خطوبه اخويا من غير موافقتي
ناني: يابنوتي قلت لك تعالي معانا وانتي رفضتي وبصي لفرحه وسعاده اخوكي وانا بجد راضيه وموافقه ع البنت تبقي مراه ابني وهي بنوته لطيفه جدا وهاديه وكنت بتمني عروسه زيها لـ امير
رحاب بصتلها بضيق وقامت مشت متعصبه جدا
...........قصص منه محمد كاتب..............
في بيت دعاء
داغر: امي هتصل بوالد آمير واقوله اننا موافقين
دعاء: داغر انت في وعيك
بهيه: يابني مش ده وقت تتحدي وتعاند في اخوك وانت عارف ميسر بتعمل كل ده عشان تقوم خناقه ما بينكم
داغر: وده بقي طبيعي بالنسبه لي حتي جتتي نحست وبقي عندي مناعه منه وحتي لو عدينا ده هتلاقيها تطلع بأي حاجه تانيه تلعب عليها لخلق المشاكل امي دي سعاده اختي
بهيه: وانا مهتمه بسعاده بنتي كمان بس مش عايزه ميسر تستخدم الموضوع سلاح تبعد معمر عن دعاء هتلكم معاه تاني وتالت
داغر: ميسر بتحقد ع دعاء مش عايزها تتجوز من عيله غنيه وترتاح وحتي لو رفضنا آمير هتلاقي اي مشكله لاي واحد يتقدم لدعاء وكل مره هتثير مشاكل وبس
بهيه بقهره: عارفه وفاهمه ان ميسر بتحقد ع بنتي عشان كدا لازم نحذر ياضنايا انا مش عايزاكم تخسروا بعض انتم اخوات ودم وعصب
دعاء: امي معاها حق ياداغر
.......قصص منه محمد كاتب................
في فيلا آمير جاي بيجري من لعب الرياضه
آمير بغمزه: عامله ايه يا وردتي؟؟!!
الجده ضحكت بصوت عالي : شكلك مبسوط اليوم يا فلتي
آمير: ايوه سعاده مرتبطه مباشره بالقلب , وانا بعترف قلبي سعيد جدا
الجده: ربنا يديم عليك السعاده امتي هشوف مراه حفيدي
آمير شرب من كاس العصير وضحك: لما تطلبي مني
ناني قرت: بتتكلموا عن ايه؟؟!!
الجده: بقوله الكل شاف حبيبته الا انا
ناني: ولا تزعلي نروح هناك النهارده ع المغرب ,وناخد رحاب معانا هي كمان زعلانه اننا مأخدنهاش المره الي عدت ,هتفرح لما تشوف دعاء
الجده :اه لازم تيجي
ناني :امير ارجع البيت بدري اليوم
امير حط الكاس : اكيد اشوفكم ع تربيزه الفطار
ناني عيونها متابعاه : شايفه ابني ازاي مبسوط
الجده بسعاده: واضح انه بيحبها اوي
............قصص منه محمد كاتب.................
في غرفه ميسر معمر بيمشط شعره في المرايا
دعاء بصوت واطي : ابيه الشاي
معمر: حطيه يادعاء
ميسر بقرف: شايف ضاربه البوز ازاي
معمر: ليه البنت دخلت عادي هتضرب بوز ليه بس
ميسر: لانك رفضت آمير
معمر: والي بعده يعني
ميسر: هو انت عيل صغير هفضل اشرحلك كل حاجه , آمير كان بيجي تقريبا كل يوم, واختك كانت بتحوم حواليه
معمر لف وبصلها واتعصب: اختي مش كدا انا مربيها ,ولو كان فيه حاجه في قلبها ناحيته كنت عرفت بيها
ميسر: انا باخد وادي معاك ليه تتعصب ,يمكن تكون رفضت بس اهلك مش هيسلموا بسهوله هيعمله الي هم عايزينه
معمر: يتجرؤ يعملوا اي حاجه ضد ارادتي ,وانا الي هجهزها لو عرضوني يبقوا ياخده مني قرش واحد همشي اتأخرت
ميسر: اقعد الاول اشرب الشاي
معمر بدون نفس وهو طالع: مش عايز
ميسر قامت: هشرب كوبايتي هو مفيش نهايه للمشاكل سبني ودبسني في الكوبايتين
بهيه شافته خارج وقفت بهدوء: معمر يابني
معمر لف وبصلها: نعم يمه
بهيه: عايزه اتكلم معاك في امر مهم جدا’ بس بالله عليك اسمعني براحه وبلاش تاخد قرار الا ما تفكر فيه بالهداوه
معمر: يمه لو كنتي هتكرري نفس الموضوع اظن سمعتي اجابتي عليه
بهيه: ليه مش بتحاول تفهمني؟؟
معمر: ايه الي المفروض افهمه أمير اخر راجل ع كوكب الارض
بهيه: يابني مش كل يوم الفرص بتيجي ونلاقي شاب خلوق ومؤدب انا بفكر في مستقبل دعاء
معمر: يعني دعاء عايزه تتجوزه يبقي الكلام صح بقي
بهيه: بلاش تظلمها
معمر: لما هو كدا ليه مصرين عليه اوي , اختي مسؤليتي وهجبلها عريس متدين محترم متقلقيش انا متأخر عن الشغل نتكلم لما ارجع ماشي
بهيه: ماشي ياضنايا ماشي
معمر: يله سلامو عليكم
بهيه: وعليكم السلام ورحمته
........قصص منه محمد كاتب................
في بيت آمير
ناني: رحاب ليه مش جاهزه آمير رجع مش ناويه تيجي معانا
رحاب: مامي اظن قولت لك انا مش مهتمه اقابل البنت دي
ناني: اخوكي هيزعل لومجتيش معانا
رحاب: بليز مامي متجبرنيش اروح ,,لما محدش يهتم بيا انا كمان مش ههتم بأي حد
امير كان قرب وسمع كل كلمه قالتها ورحاب لفت واتفجأت بوجوده لكن همشته ومشت!!!
ناني: حبيبي متخدش كلامها ع قلبك, انت عارف هي بتكبر الامور ع شئ تافهه, ولما تحس بغلطتها هترراجع نفسها
آمير: جدتي جاهزه
ناني: كانت بتلبس هروح اشوفها
الجده طلعت وامير اخدهم بالعربيه وركن ونزل جدته بشويش ومسك ايدها
آمير: ع مهلك ياوردتي
الجده موزعه عيونها في كل مكان: البيت صغير بس روحه حلوه , ويحسسك بجمال الارياف وحواليه الزرع
أمير: فعلا داغر ودعاء بيحبوا يزرعوا كل انواع الخضار
ناني: لما تشوفي دعاء هتحبيها اوي
الجده: بجد
ناني: ناس مريحه ولطاف جدا
أمير: الدخول من هنا
وبالفعل دخلوا وبهيه رحبت بيهم جدا جدا
ناني: اسفين اننا جينا كدا ع غفله
بهيه: ايه الكلام ده بس ’ده بيتك تقدري تيجي في اي وقت
ناني: الحجا تغريد حماتي وامي وجده آمير
بهيه: ده انا مبسوطه لما شوفتك ياحجا تغريد
الجده بتواضع : انا كمان يا ام دعاء وحبيت اشوفها عشان كدا جيت
دعاء دخلت بالعصير بخجل: السلامو عليكم
الكل رد السلام وناني قالت: دي دعاء يا ماما
الجده بأعجاب: بسم الله ماشاء الله ,تمام زي ما سمعت عنها, بجد عروسه امير قمر اربعتاشر
ناني بصت لامير الي مبسوط جدا بمدحهم عنها
ميسر :الناس دي بتعمل ايه هنا
بهيه باحراج:ميسر دي جده امير وهي جايه تشوف دعاء
ميسر بحقد:مش قولتلكم الجوازه دي مش هتم , معمر رفض وانتي مصممه تدخلي الناس دول هنا
بهيه من تحت درسها: ميسر لوجهه الله اسكتي عيب دول ضيوفنا
ميسر :هو انا هخاف منهم انا وجوزي مش موافقين وهيكون احسن لو مجتوش هنا تاني
دعاء اتجمعت الدموع في عيونها وهي بتشوف شكل أميرها المتغير وآمير عيونه ع ميسر بغل مش مصدق الاهانه دي لاهله
ميسر: دعاء ليه مضيافه كدا هو انا هصرف عليكم ولا ع ضيوفكم بجد كل حاجه ليها حدود
ناني حطت الكاس بعصبيه: قومي ياماما اتعرضنا لاهانه بما فيه الكفايه
بهيه : يامدام ناني اسمعيني
ناني: يله يا ماما أمير انت كمان قوم يله
ميسر بتشوحلهم بأيدها بوقاحه: الباب من هنا بالسلامه