رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

 رواية الحربايه والثعبان 

الفصل الخامس عشر15والسادس عشر16

 بقلم منه محمد

في منزل عائله دعاء علي السفره

داغر بهدوء وهو بياكل : انا مسافر الامارات شهر كامل , هاخد دوره تدريب ,تمرين ع الشغل

ميسر بسعاده: ده حلو اوي,  يعني هتاخد مرتب درهم اماراتي قلتها صح,  اما البت الفت محظوظه ووشها حلو عليك , واحنا لسه بنتكلم عن جوازكم , داغر حقق نجاح كبير

معمر بص لميسر ورجع لامه وقال: امي كنت بفكر يعملوا الخطوبه قبل ما داغر يسافر

بهيه بقهر: امممممم

داغر بضيق: معمر اظن قولتلك قبل كده , انا مش هقدر اتجوز الفت

معمر بص لميسر ورجع بصله بغضب: لكن ليه ؟؟ فيها ايه معاها دبلوم وطيبه وعرفناها والاهم من كل ده من بيئتنا وهتأقلم ع وضع عيشتنا

داغر وهو مكشر بستياء: بس دي حياتي ’ سبني اقرر مين البني ادمه الي هتكملها معايا , وانا مش هتجوز الفت_بص لميسر وقام _ مفيش فايده انك تجبرني اتجوزها , ولو ضغطت عليا هسيب البيت

معمر تابعه وهو ماشي وخبط ع التربيزه بنفعال: هي دي قيمتي, وقيمه كلمتي عنده

بهيه: اهدء يابني هحاول اقنعه

ميسر: ازاي هتقنعيه مستحيل يتفق معاكي

معمر بغضب: لاء وبيهددني انه هيسيب البيت,  لو عنده الشجاعه يعملها ويمشي مفكرني هجري وراه, انا الي ربيته من وهو صغير واشتغلت عشان اقدر اصرف عليه ,واطلعه باش مهندس ،ولما بقي قادر يكسب من ماله الخاص واقف يهددني , بجد هايل

ميسر بتولعها: خلاص كان محتاج وعشان كدا كان بيحترمك , وهو دلوقت مش محتاجلك , ودي قيمتنا عنده ،ليه تزعل نفسك كمل اكلك

معمر قام: مش عايز اكل

بهيه حاولت تمسك ايده : يابني اسمعني

ميسر قامت بزعيق فيها: روحي طيبي خاطر المحروس داغر

بهيه  حطت ايدها ع خدها ونزلت دموعها: ايه ذنبي في كل ده يارب 

...............قصص منه محمد كاتب.....................

في بيت عائله آمير

ناني فتحت الكياس: شوفي ده كده ياماما وده كمان

الجدة: ماشاء الله حلوين اوي

ناني: كلها براندات يارب دره يعجبها ذوقي 

الجده: متقلقيش دي الالوان تحفه وحاجات كلها ماركه

ناني: بصراحه دره اعز صديقه ليا وجايه من فرنسا واكيد الاذواق هناك احلي واعلي

الجده: برضو الي انتي جيباهم حلوين , وياستي لما توصل ابقي خديها معاكي للشوبنج تختار كلامي صح يادعاء

دعاء لسه هتنطق ناني وقفتها: ماما ليه تهتم اصلا

الجده: ليه متكنش مهتمه , احنا بنتكلم عن حماه رحاب , وهي الي هتجهزلها  كل حاجه زي اختها عندي حق يادودي

دعاء بحزن : ايوه ياجده

رحاب دخلت وأأعدت بغرور تفتح الكياس : واو عملتي شوبنج كتير , حاسه انك متحمسه بزياده لطنط دره المره دي

ناني: اكمنها مش بتنزل القاهره كتير , وجايه بعد مده طويله ,وفيه موضوع خاص

رحاب: كمان وايه هو

ناني: دي مفاجأه هتعرفيها لما يجي الوقت المناسب

رحاب: اوكيه اللون ده  ماستربيس  (تحفه) بجد 

ناني مبتسمه: الحمد لله انه عجبك

رحاب: اللون ده دايما بيجذبني 

الجده: دعاء اتصلي بأمير فكريه  يحجزلي  معاد عند الدكتور 

دعاء قامت: حاضر هتصل بيه

الجده لناني: مكنش يصح تتكلمي معاها بالطريقه دي

ناني بكل برود: انا قولت لها ايه زي ماتكون بتتمني لينا الخير اوي ،واعتقد موضوع السلسله ظهرها ع حقيقتها , معنديش اي ثقه فيها ،وحاسه انها هتدمر كيان البيت , وللسبب ده مش عايزه اشاركها في اي حاجه

الجده كتمت غضبها وسبحت بالسبحه وناني غمزت لرحاب الي مبسوطه ان دعاء بقت منبوذه لكن ميعرفوش ان دعاء واقفه وسمعت كل كلامها الي بيـ قتل فيها بالبطئ

.............قصص منه محمد كاتب............

في جناح دعاء  طلعت وقعدت تعيط  بشكل يدمي الحجر

آمير داخل شافها راح عليها: انتي بتعيطي هنا

دعاء  عيونها كلها دموع وصوتها فيه رعشة خفيفه: امال اعمل ايه , انت مش بتتكلم معايا , والكل في الييت اخد جنب مني , زي ما كون بقيت ميكروب معدي

آمير بحزن لحالها: تمام يادعاء بطلي عياط

دعاء : عارف انك مش طايق تشوفني  في اللحظه دي

امير حط ايده على كتفها يعتذر لها : اوكيه انا آسف , اتعصبت عليكي , وكنت وقح معاكي

دعاء  زاد عياطها اكتر : انا مش زعلانه لانك اتعصبت , ولا حتي اتواقحت انا مقهوره يا آمير ,  لانك مش بتثق فيا ولسه مش مصدقني , ومقتنع اني خبيت السلسله

آمير بنزعاج: حاولي تفهمي وجهه نظري احنا بنصدق الامور الي بتحصل قدام عنينا

دعاء: مش كل الي بتشوفه عنينا بيكون حقيقي احيانا العين بتكون خداعه

آمير: كل فرد في البيت يهمني اعمل ايه عشان اشيل المراره الي بينا

دعاء ببكاء : هو انا اقدر اعمل ده واخلي جوزي يكون  مش واثق فيا , قولي انا ليه اعمل حاجه تجرحني قدامك , هستفاد ايه قولي , بس انا متأكده ان فيه حد في البيت هنا عاوز يوقع بيني وبينك حد بيخطط اسقط في نظرك 

آمير بصلها شويه واخد بعضه ومشي  ودعاء نزلت دموعها على خدها !!!

............قصص منه محمد كاتب...............

في غرفه ميسر بتتخانق مع ابنها انه مش بيذاكر وبتضربه وهو جري منها لقت موبيلها بيرن اخدته وردت وامها بلغتها ان اختها الفت انتـ حرت لبست العبايه وجريت ع برا شافت بهيه وداغر شتمتهم ودعت ع داغر وراحت جري ع بيت امها

ميسر: بقي انا فكرتك بتهزري,  معرفش انك بت مجنونه , وهتنتحري بجد,  الحمد لله امك لحقتك قبل ما تمـ وتي وداغر يكمل حياته عادي

الفت: مقدرش اعيش من غيره ايه فايده الحياه لو هو مش معايا فيها

ميسر بصتلها بغيظ  : اسكتي والا هضربك , الحوارات دي تنفع في الافلام والمسلسلات , انتي مجنونه قال واقعه في حبه قال

الفت من بين دموعها الكتير: هو اننا نقع  في الحب خطيئه , انتي واخده معمر عن حب

ميسر بكيد: ايوه بس معمر هو كمان بيحبني , وانا اجبرت امه تيجي تطلبني , والشهاده لله نفذ لي طلبات كتير 

الفت قفلت عيونها وشهقت بقهر

ميسر: بطلي عياط مكنتش اعرف انك هتـ نتحري  فكرت امك بتهزر والله معمر قرب يجي من شغله وهتكلم معاه تاني في الموضوع ولو عايزه تتجوزيه هعمل البدع لحد ما احقق رغبتك متقلقيش بطلي عياط 

............

في جناح دعاء طلعت تتصل بأمير يمكن يخفف عنها لكنه رافض يرد عليها  واخد صفهم اتصلت بأمها يمكن لما تسمع صوتها ترتاح وبالفعل اتصلت

بهيه: ازيك ياحبيبتي

دعاء : ازيك انتي ياماما

بهيه: معقول يا دعاء تنسيني

دعاء جففت دموعها: معقول انساكي برضو يا امي , بس ملهيه في شغل البيت ،ها المهم طمنيني عليكي وع كل الي عندك

بهيه: ربنا ميحطش الي انا فيه في حد , بقيت زي الكوره بين داغر ومعمر

دعاء بقلق: ليه حصل ايه ؟

بهيه: معمر مصمم نروح نطلب الفت لداغر , وداغر هدد بأنه هيسيب البيت

دعاء: ايه يسيب البيت جراله ايه داغر ليه بقي متهور كدا

بهيه نزلت دموعها: اقولك ايه بس كل يوم بواجهه مشكله  ،الفت حاولت تنتحر

دعاء: ايه تنتحر وهي عامله ايه كويسه

بهيه: الحمد لله عملولها غسيل معده واختها واخوكي عندها 

دعاء: مكنش ينفع الي الفت عملته ليه ترخص نفسها وتحاول تجبر واحد مش عايز يتجوزها

بهيه: دماغها وتصرفها انا خايفه من الضجه الي هتحصل من معمر وميسر  , ميسر شتمتنا وراحت تجري ع اختها

دعاء: هي مالها الحياه قاسيه علينا كدا ليه يا امي

بهيه: ايوه يابنتي بس المره دي الموقف اقسي واشد  

دعاء: وقررتي ايه 

بهية: منا متصله بيكي اشوف رآيك وتقوليلي اعمل ايه , وننهي الحرب دي قبل ما القيامه تقوم

دعاء: امي لو واحد سكت الامر هيتحل لوحده , وابيه معمر طبعا مش هيسكت , بس انتي افضل مني تقنعي داغر , انا بجد معنديش حل حاليا , ومقدرش انصحك في الوقت الحالي اهتمي بنفسك هتصل بعدين

دعاء قفلت مع امها وانفجرت في العياط هي محتاجه لحد  تفضفض معاه  وفي نفس الوقت صعبان عليها امها وداغر من الوضع كله 

............قصص منه محمد كاتب.................

في الكافيه جمال من وقت ما عرف  من صاحبه محرم ان دعاء اتجوزت وهو مضايق وناقم ع نفسه وع الدنيا 

رحاب بصتله : ايه الي حصل ليه من اول ما قعدت  وانت ساكت 

جيمي: ولا حاجه

رحاب: اتصلت بيك كذا مره وبعتلك مسدجات كتير ع الاقل كنت ترد عليا

جيمي: امبارح مام واحد صاحبي , دخلت المستشفي وكنت مشغول معاه

رحاب: امممم وعامله اايه دلوقت؟!

جيمي اتنهد بضيق : افضل بكتير

رحاب سألته بفضول : بس ماله مزاجك

جيمي: ماله يارحاب؟؟!!

رحاب: انت مخبي عني حاجه 

جيمي  : مفيش حاجه من دي

رحاب: امال ليه مكشر كدا 

جيمي  بنبرةٍ حزينة: مام عاوزني اشتغل معاها , وبتتهمني اني بضيع وقت ع الفاضي

رحاب: مامتك معها حق , انت فعلا بتضيع وقتك , تعال نحط وقتي ع وقتك

جيمي: سوري مش فاهم ازاي احط وقتي ع وقتك

رحاب: جيمي لو مأخدتش قرار بنفسي هتفضل واقف في مكانك 

جيمي  سألها بستفسار: وانتي ايه علاقتك بكل ده

رحاب : افكورس ليا جمال انت عارف اني بنت عصريه جدا , وانت اهم شخص بالنسبه لي وانا عايزه نكمل مستقبلنا سوي

جيمي بجفاء: اسمعيني يارحاب انتي افضل بيست فريند  ليا , بفضفض معاكي بحريتي  , لكن الي بتفكري فيه مش ممكن يحصل ابدا , لاني مش بفكر فيكي غير صديقه وبس , ولو كنت بحبك اقسم لك كنت هقولك بنفسي عشان ابقي واضح ليكي

رحاب قامت تدخل الحمام وكلمت نفسها في المرايا: لا يمكن تعمل فيا كدا, انا بحبك لكن جرحتني مره تانيه , احنا مش مجرد اصحاب , انا بحبك الله يلعنك  , هو بيرفضني بسبب دعاء انت لسه بتحبها

بنت دخلت عليها الحمام شافتها منهاره : انتي كويسه 

رحاب صرخت : انا زي الزفت ،،زي الزفت

البنت : مالك 

رحاب صرخت  فيها زي المجنونه: مش عايزه اتكلم مع حد  ،اخرجي من هنا

البنت: استني اساعدك

رحاب زقتها وقفلت الباب وفضلت تشد في شعرها وتضرب الحيطه وتصرخ لدرجه جسمها رعش بطريقه تخوف!!!!!

في بيت دعاء

معمر : كنت النهارده في نص هدومي قدام حماتي لاول مره في حياتي , لانها كانت هتجوز الفت من الميكانيكي وانا منعتها ووعدتها ان داغر هيتجوزها  , وشوفي الحال بواجهه الموقف الي حصل ووقعت من نظرها , ماما داغر اذاكي ,والمره دي اذاني والنهارده عليكي تقرري و لو موقفتيش معايا المره دي هزعل منك جامد

بهيه بقله حيله: عندك حق يابني ,انا قررت طالما اتكلمت مع ام الفت مينفعش تتراجع ,ونلبسها خاتم الخطوبه بعد يوم ولا يومين ومن دلوقت هرتب الامور من دلوقت

معمر: طيب وداغر

بهيه: مش هيقول حاجه انا نفذت كلامه مره, ودلوقت لازم يقبل قراري, هو ده كتير يعمله عشاني

معمر: لازم يضحي عشانك يعني اقوم اتصل بحماتي

بهيه بقهره مداريه: اه قوم

معمر وهو بيقوم شاف داغر واقف بيسمع الكلام لف وشه وابتسم بخبث انه نفذ كلمته ومشي

............قصص منه محمد كاتب.............

في جناح دعاء وآمير واقفه بتكلم امها وبتتفق معاها ع الخطوبه

آمير قرب ووقف وراها بسؤال: بتخططي تروحي فين

دعاء لفتله وبصتله: ماما اتصلت تعزمنا ع  خطوبه داغر والفت , عايزنا نروح معاها

آمير  بأبتسامه: اه طبعا لازم تروحي ليه متردده كدا لازم تروحي

دعاء: يعني مش جاي معايا

آمير: دعاء لازم احضر متينج مهم بكره , روحي وهاجي اخدك , وابارك لخالتي وداغر

دعاء بحزن: طيب

آمير مسك دقنها  بنعومه تبصله : متزعليش , هبقي معاكي يوم كتب الكتاب والفرح , وبعدين دي خطوبه ع الضيق يعني موضوع عائلي

دعاء كشرت : مش زعلانه عشان كدا

آمير مسك ايدها ضم حواجبه: امال

دعاء نبره حزينه: عشان داغر اخويا مش سعيد , ماما اجبرته حسب قرار ابيه معمر وميسر

آمير طبطب ع كف ايدها بحنيه: هي مسأله وقت , وداغر هيقبل العلاقه وفتره بسيطه , والاكراه يتحول لـ اراده عشان كدا متقلقيش , المهم عندك فستان للمناسبه , ولا ننزل نشتري

دعاء بمرح: لا نشتري بس يكون قصير فوق الركبه

آمير حط جبينه ع جبينها: لا ما هو بالطريقة دي كده مش هيبقي فيها مرواح خالص

دعاء ابتسمتله ابتسامة واسعة: لاء كنت بهزر معاك,  انا عندي فستان قرايه فاتحتي ,ايه رايك

آمير: حلو جدا وبعد ما نبارك نخرج نتمشي في مكانا 

دعاء بفرحه: بجد

أمير: ايوه جدا , يله هروح افنش شغل مهم بره , وارجع القيكي مستناني , نسهر شويه  اصلك وحشتيني

دعاء: ماشي

آمير مسكها من وسطها وبص في عيونها الي حرفيا وحشته اوي: هتموتي بين ايدي

دعاء غمزته بمشاكسه: يعني انت الي هتعيش

............قصص منه محمد كاتب..............

يوم جديده في حياه دعاء  طلعت الفستان من ع العلاقه وسحبت الكيسه من عليه لقته مقصوص بالمقص بحلقت فيه بصدمة!!!

امال خبطت و دخلت: ست دعاء انتي لسه مجهزتيش السواق مستنيكي تحت

دعاء: كنت بجهز ممكن اسألك عن حاجه

امال: اتفضلي 

دعاء: شوفتي حد دخل اوضتي

امال: لا مشفتش حد كنت طول اليوم في المطبخ لكن حصل حاجه

دعاء  بقهره : شوفي الفستان

امال شهقت: ياربي ايه الي بيحصل مين قطعه كدا , مش ده الفستان الي اشترتيه مع امير بيه وملحقتيش تلبسيه

دعاء: ايوه ومش عارفه مين الي بيعمل فيا كده

امال: الله اعلم انا بجد مستغربه الاول سرقه السلسله , ودلوقت فستانك , بجد شئ  غريب , بس احلفلك انه مش انا يا ست دعاء

دعاء قالت بسرعه: لاء يا امال , مش بلومك ابدا , عارفه وواثقه انك لايمكن تعملي فيا كدا , بس فيه شخص بيضايقني امال ممكن تعملي فيا معروف

امال: عيوني ياست دعاء

دعاء: متقوليش لـ اي حد في البيت , يعني هينزعجوا بدون سبب

امال: مش هقول لحد بس هتلبسي ايه؟؟!!

دعاء بضيق : هشوف اي فستان من الي عندي  استني

امال وقفت زعلانه عليها لانها بتحب دعاء جدا 

دعاء رجعت بفستان: معلش يا امال  هتقل عليكي , دوسي لي ع الفستان بمكواه خفيفه

دعاء: دي حاجه بسيطه مش تقيله

دعاء: ع ناس تانيه تقيله معلش مشي عليه بالمكواه بسرعه

دعاء: امرك هكوهولك حالا 

...........قصص منه محمد كاتب..............

في منزل دعاء بعد الخطوبه الي يادوب داغر لبس الفت الخاتم واستأذن ومشي واهله رجعوا وراه قعد في اوضته شويه وبعدين طلع يقعد مع امه واخته

بهيه بستغراب: بس قوليلي يا دعاء , ليه لابسه فستان قديم ,مش قولتي  هتلبسي الفستان الي جبهولك آمير يوم قرايه الفاتحه

دعاء: لبست الي طلع  في ايدي وجيت بسرعه , وبعدين فين العيب في الفستان ماهو حلو اهوه

بهيه: يابنتي مش لايق خالص ع المناسبه , ودي خطوبه اخوكي كنتي تلبسي فستان حسب المناسبه الفت تقول انك مش فرحانه وجايلها بفستان قديم

دعاء: يا ماما  انا جيت اطلع الفستان من الدولاب لقيته مقصوص بالمقص من كل حته

داغر بتعجب: ومين عمل كده

دعاء: هموت من التفكير مين الي ممكن يعمل كده , الاول سلسلتي ولقيتها في بدله آمير ودلوقت هدومي بتتقطع وبشك في 

معمر دخل بصوت عالي: تعال اتفضل صاحبك قاعد

آمير دخل: ازيك ياخالتي بهيه

بهيه بترحاب: الحمد لله يابني 

آمير: ازيك ياداغر (ضمه) مبروك الخطوبه

داغر سلم بدون نفس وآمير حس لكنه طنش وقعد

بهيه: شكرا انك جيت بس لو كنت حضرت الخطوبه كنت هبقي مبسوطه اكتر

آمير: اسف لاني مقدرتش ابقي موجود بس كان عندي شغل مينفعش اجله 

بهيه: دعاء قالت لي يله تعوضها يوم الفرح

آمير: اكيد بالمناسبه امتي الفرح؟؟!!

معمر: اول مايرجع داغر من الامارات قولي شغلك ماشي كويس

آمير: الحمد لله وقريب هفتح فرع تاني للتصدير

بهيه: ربنا يديم عليك كرمه وفضله وتنجح كمان وكمان (قامت وقفت) كملوا كلامكم وانا هقوم اجيب الحاجه الساقعه والجاتوه

آمير: ياخالتي هو انا غريب من فضلك اقعدي معانا

بهيه: اعز صاحب ليك خطب ضروري تاكل من الجاتوه هروح وارجع بسرعه

دعاء قامت وراها ومعمر كمل كلامه هو وآمير وداغر شرد بتفكيره في رحاب وبيسأل نفسه ليه بعد ما اديته امل خدته منه وهجومها ع اهله كان قاسي وملوش حتي مبرر

الفصل السادس عشر 

في منزل عائله آمير وتحديدا في الجنينه

آمير رحلها وقعد جنبها : رحاب مالك ليه مضايقه كدا اتكلمي معايا لو فيه حاجه قلقاكي

رحاب بصتله: فعلا بتهتم بمشاكلي , ولا انت مشغول بالاستمتاع بحياتك

آمير ابتسم: انا قلقان عشان كدا بسأل , ماما وبابا وجدتي قلقنين عليكي , ع الاقل قوليلي حصل ايه

رحاب: مفيش انا بس مزاجي مقلوب

آمير: والمزاج مش بيتقلب من غير سبب, اتخانقتي مع حد

رحاب: ايوه اتخانقت مع البيست فريند

آمير: اي بيست فريند ؟؟!!

رحاب: متعرفوهوش كان زميل من ايام الجامعه

آمير: دعاء تعرفه

رحاب: ايوه تعرفه كويس

آمير: خلاص اتحلت المشكله هطلب من دعاء تدخل وتصالح بينكم

رحاب: لاء ليه تدخل دعاء في الامر وكله بسببي انا

آمير: طيب ازاي نحل الخلاف مابينكم

رحاب: انا كويسه ياآمير من فضلك سبني في حالي دلوقت!!

آمير: ده الي مقدرش اعمله , رحاب انتي عارفه مدي اهتمامنا كلنا بيكي ،ولما بتزعلي كلنا بنبقي مضايقين عشانك , شوفي الاصحاب ليهم مكانهم الخاص , والعيله ليها مكانها الخاص,  فمش معقول تقطعي علاقتك بعايلتك بسبب مشكله مع البيست فريند

رحاب: اوكيه انا آسفه

آمير ضربها في كتفها بمرح: متتأسفيش , عايزك تعرفي امر واحد سعادتنا مرتبطه بأبتسامتك

رحاب ابتسمتله ابتسامه واسعه وهو ضحك: ايوه كدا النبي تبسم , يله فرفش يا ببلاوي

رحاب ضحكت: انا بقيت زي الفل

آمير: بالمناسبه مبن البيست فريند

رحاب توهت وقالت : انه الساحر

.............قصص منه محمد كاتب............

في جناح آمير الصبح بدري

آمير بصلها : بس قوليلي يادودي ليه ملبستش فستان قرايا الفاتحه

دعاء : لانه اتقص

آمير ضم حواجبه بعدم فهم: اتقص مش فاهم

دعاء قامت من حضنه وفتحت الدولاب وجابت الفستان وفردته: شوف مقصوص ازاي من كل حته

آمير بصدمه: مين الي عمل كدا؟؟!!

دعاء: نفس الي خباه السلسله دلوقت صدقتني

آمير: مين الي ممكن يعمل كدا؟؟!!

دعاء بحيره: انا مش عارفه مين الي بيعمل فيا كدا , ولو سألت حد في البيت يبقي بتهمه

آمير: انا مش فاهم مين الي جوه البيت بيحاول يؤذيكي , الي هنا كلهم عائلتي مش قادر حتي اتخيل ان حد فيهم بالبشاعه دي

دعاء: ومينفعش نتجاهل الي بيحصل ولا هتتهمني ان انا عملت كده

آمير: انا مقولتش كدا ولا نطقتها ع لساني  _مسك دماغه_ ايه الضغط ده بس يارب احتارت هشتغل ازاي دلوقت

دعاء: آمير انا آسفه مكنش قصدي ازعجك

آمير: عرفت الي عايزه تقوليه كويس جدا , انا هروح اجيب طنط دره من المطار , لاني اتأخرت ولما ارجع نقعد ونشوف مين الي ممكن يعمل كدا

دعاء: طيب

آمير ودعها ودعاء حطت الفستان مكانه ونزلت ع تحت!!

..............قصص منه محمد كاتب..........

في بهو الصالون آمير جاب دره من المطار والكل استقبلها بترحاب حافل جدا حتي دعاء

ناني: دعاء اعمللنا قهوة

دعاء: حاضر

دره: مراتك جميله ياآمير واجمل من الصور

آمير مبتسم: وده الي وقعني في حبها

ناني لدرة: اظن مجهده

دره: لا بعد ما شوفتكم راح التعب

ناني  : تعالي أقعدي

دره أأعدت: امال فين الحجا تغريد ورياض ورحاب

آمير: جدتي تعبت شويه , وبابا اخدها ع المستشفي , ورحاب اكيد جايه

ناني لمحتها: اهيه رحاب تعالي سلمي

رحاب جريت ضمت دره: حمدلله بالسلامه عامله ايه؟؟!!

دره: انا بخير لما شوفتكم

رحاب: جيتي لوحدك مش قولتي رامـ

ناني قطعته: كنت لسه هسألك رامز مجاش معاكي

دره: الاسبوع الجاي لما اتصل اقوله يجي

ناني : اه فهمت

دره: قوليلي يارحاب وصلتي لفين دلوقت في حياتك

رحاب: يعني خلصت جامعتي وواخده استراحه شهرين ع اللاقل وبفكر اعمل مشروع

ناني: عايزه تبقي بيزنس مان

دره: وماله ربنا يوفقها

.............قصص منه محمد كاتب.................

دعاء جابت صنيه القهوه  ووزعتها ع الكل ماعدا رحاب رفضت تاخد

دره شربت بتذوق: الله القهوه المحوجه تحفه وكدا هطلبها كتير يادعاء

دعاء: شكرا لحضرتك يا طنط دره واطلبي وقت ماتحبي انا رهن اشارتك

دره باعجاب: اموره وعسوله

الجده: دعاء بتطبخ اكل عشره ع عشره هي ست بيت شاطره والكل مقدرها

دره: فعلا اكلك لذيذ ماشاء الله  ،حتي القهوه هايله رحاب بتعرفي تطبخي ايه

رحاب بغرور: لاء انا مش بعرف اطبخ

دره: غريبه كل البنات مهوسين بالمطبخ والوصفات ويطبقوها من ع النت لازم تتعلمي الطبيخ

رحاب  ببتسامه رخمه : ايوه بس عندنا شغالين قايمين بكل ده وانا مستحيل انزل للمستوي المتدني ده عشان اخد كلمتين مدح

دره  استغربت : يابنتي الطبيخ عمره ماكان مستوي متدني  , بدليل المع الشيفات ع الشاشات , وكلهم مستواهم راقي عندك انا مليونيره وعندي خدم وحشم لكن بحب ادخل المطبخ بنفسي , مبحبش اعتمد ع حد

رحاب بستخفاف : ايوه يا طنط بس انا مقدرش مش متعوده

دره: بس يابنتي لو مش متعوده لازم تتعودي , وتتعلمي مفهاش حاجه , اطلبي من مراه اخوكي تعلمك

رحاب بحقد متغلف بغرور : طنط دعاء تقدر تعمل,  ده لانها من اسره متوسطه , وعمر ما كان عندها شغاله في بيتهم عفوا هقوم

آمير  وشه احمر من شدة الغضب وبنفعال: رحااااب

ناني: آمير اشرب القهوه ونتكلم بعدين  , ها يادره ناويه تروحي بكره فين؟؟!!

دره: شوبنج لازم اشوف القاهره

ناني: تمام نروح  ع طول بعد الفطار

........قصص منه محمد كاتب............

في جناح أمير واقف ع اخره من اسلوب رحاب المهين اتجاه دعاء الي كله وقاحه وأهانه

دعاء حطت فنجال الشاي و حضنته من وري وقالت: بتفكر في ايه؟؟!!

آمير اتنهد بضيق: بفكر في اسلوب رحاب , كان في منتهي الوقاحه , قدام طنط دره  , لازم تفكر وتحاسب قبل ما تتكلم

دعاء بهدوء: امير لو سمحت كلامها مكنش اهانه كبيره بلاش تزعل نفسك

آميربعصبيه : دعاء انتي مراتي واهانتك قدام الغريب والقريب , وتطلبي مني اتجاهله

دعاء طبطبت على كتفه : تمام موافقه جدا كانت وقحه , بس هي مقلتش حاجه غلط  , قالت مش واخده ع شغل البيت , بس ده امر طبيعي بالنسبه لي , ومعنديش اي مشكله فيه , ولا يقلل من قيمتي , واظن سمعت بنفسك طنط دره المليونيره بتدخل المطبخ بنفسها

آمير هز دماغه بتفهم : صحيح , حاولي تتكلمي معاها  لاني عرفت انها متخانقه مع صديقها لو تقدري تساعديها وتصلحي ما بينهم

دعاء  :  حاضر , ويمكن ده السبب ولا مش هتتصرف بالطريقه دي , وهي مزاجها مقلوب الايام الي عدت وحستها بتبعد عننا كلنا وجايز ده مضايقها

آمير: يمكن

دعاء ببتسامه جميله : انا هتكلم معاها متقلقش ماشي حبيبي

.....قصص منه محمد كاتب..............

في غرفه رحاب

ناني دخلت وراها منفعله جدا: انتي عملتي ايه

رحاب: عملت ايه دلوقت ؟؟!!

ناني: ليه رديتي ع دره بقله ذوق

رحاب بتهكم : وهي ليه تقارني بدعاء , بتحاول تثبت ايه ان دعاء فيري جود وانا اسوء

ناني: ليه اخدتي كلامها بشكل غلط هي مكنتش بتقارنك بحد كانت بتحاول تشوفك ست بيت شاطره

رحاب: وهي مالها تقيمني  بتاع ايه هي امي

ناني: يابنتي دره عايزه تخطبك لابنها عشان كدا سألتك

رحاب بعصبيه وغيظ : وليه مقولتليش ده قبل ما تيجي

ناني: منا قولتلك اهو عشان تاخدي بالك في كلامك معاها المره الجايه , واتعاملي معاها بلطف طول ما هي هنا ورامز شاب ظريف وانا وابوكي وجدتك موافقين عليه , هاخد دره بكره نعمل شوبنج وهنتغداء بره , تعالي معانا تساعدينا, ماشي

رحاب بينها وبين نفسها: مخافيش يارحاب .....مش هيحصل .....لازم دره تهرب من هنا بس ازاي .....لازم اعمل حاجه وتبقي بعيد عني ..... ايوه مفيش غير الساذجه دعاء ...ومنها اضرب عصفورين بحجر اطفش دره واوقع دعاء في الكل ...!!!!

............قصص منه محمد كاتب.............

في بيت جيمي ع السفره

سولا والدته: قولي ناويت تعمل ايه؟؟!!

جيمي: مش ناوي اعمل حاجه , هعمل الي انتي شيفاه مناسب , معنديش اي مشكله

سولا: اوكيه انضم للشركه من بكره  محتاجه تساعدني

جيمي ع مضض: امممم

سولا: ومالك بتقولها كأنك مش مستعد لـ اي حاجه , فيه عندك مشكله,  لو كدا تقدر تتكلم معايا يمكن اقدر احالهالك

جيمي بياكل: معنديش مشكله

سولا: جمال نسيت اني والدتك والايام دي دايما مضايق ومتوتر وع طول سرحان ايه الموضوع فيه بنت معينه في دماغك

جمال: كان لكنها رفضتني

سولا: ده الي مضايقك ومزعلك

جمال: لاء يامام مش ده الي بس مزعلني

سولا: امال ايه

جمال: مش زي ما مفكره

سولا: بس واضح انك مش مقهور عليها  عايش حياتك  كل يوم مع غيرها,  يعني الامر مش صعب ولا بتحاول بردك تهرب من الواقع

جمال زاد غضبه : انا مش كدا يا مام , ايه رآيك في واحد حب بنت وعشقها وبكل سهوله رفضته , لاء يامام الامر صعب جدا,  وغير كدا ضربتني انا جمال الدين وقدام زملائي ,كسرت نفسي وجرحتني,  لكن انتي هتعرفي جرحي منين  وانتي بتدوري ع مساعد لشركتك يشيل عنك عبئ الشغل , عارفه ايه مشكلتك ومشكله داد انتم الاتنين انانين جدا , ومش بتفكروا غير في نفسكم ولا حد فيكم بيفكر فيا فطبيعي مفيش اي وجع يظهر عليا ليكي  (رمي الشوكه وقام)

سولا دخلتله: يابني ليه معتقد اني مش بهتم بيك لو مش بحاول اسألك عن حياتك, ده مش معناه اني مش قلقانه عليك,  انا لو كده كنت سيبتك زي ابوك,  لكن جبتك معايا وكوني بشتغل ليل مع نهار  , بس عارفه مسؤلياتي كأم

جمال: آسف قلت كلام وانا منفعل

سولا: مفيش مشكله لما تطلع غضبك عليا افضل بكتير ما تطلعه ع حد غيري بس يابني انسي الي حصل وتابع حياتك, لكن لو لسه عاوز البنت دي ممكن اتكلم مع عائلتها

جيمي بصوت كله قهره ووجع : مفيش داعي من ده خلاص هي متجوزه

سولا: خلاص اقفل ع الموضوع , وفكر في مستقبلك وانا ع اتم استعداد اشوفلك بنت كويسه واجوزهالك

جمال: مش وقته عايز استقر في وضعي الاول , واتعلم الانضباط والصبر , بمجرد ما انضم للشركه معاكي وبعدها هفكر في الارتباط

سولا: تمام زي ماتحب (قامت) ربنا يوفقك تصبح ع خير

جمال: وانتي من اهله

جيمي تابعها لحد ما خرجت وعيونه رغرغت بالدموع وقال: لايمكن الموضوع ده يتقفل يامام , لحد ما اعلم دعاء درس ع رفضها , وضربها ليه مش هرتاح ابدا غير لما ادمرها

دعاء خارجه من المطبخ لمحتها : رحاب

رحاب وقفت تبصلها تشوفها عايزه منها ايه وقالت في نفسها الخبيثه : انتي السبب في الي انا فيه ’ بس حاليا تقدري تحلي مشكلتي , لازم ارفض واستخدمك وسيله 

دعاء قربت بسؤال: رايحه ع فين؟؟!!

رحاب: خارجه رايحه النادي

دعاء: روحي يمكن ده يحسن مزاجك

رحاب بخبث: لكن عايزه منك خدمه صغننه لو امكن

دعاء: انا معنديش مانع ،لو طلبتي اي حاجه تروق مزاجك

رحاب بصتلها وقالت: مودي مضايق ع الاخير

دعاء: ايوه ليه انتي مضايقه 

رحاب: شوفي يادعاء انتي صاحبتي المقربه جدا مني , والوحيده الي اقدر اشاركها همومي واقولك الي مقدرش اقوله لحد غيرك انا قلقانه وخايفه اوي

دعاء بتعجب: ايوه من ايه؟؟!!

رحاب مسكتها من ايدها وسحبتها ع الكنبه: تعالي اقعدي واقولك , انتي عارفه سبب وجود طنط دره هنا مش كدا

دعاء هزت لها دماغها: ايوه

رحاب: وانا مش عايزه اتجوز ابنها بعد يعني ما موضوع داغر عارفه ان طريقتي كانت غلط بس اعمل ايه انا عايزه اختار شريك حياتي بنفسي , مش اتجوز واحد اختيار مامي وصاحبتها

دعاء بهتمام: رحاب انتي بتحبي حد

رحاب: ايوه

دعاء: طيب مفيش داعي للقلق اتكلمي مع مامتك , وانا متأكده مش هيكون حد هنا عنده اعتراض

رحاب: ايوه منا هعمل كده , بس مش حاليا , هو لسه  هيكلم عائلته الاول , وبعدها اقول للكل هنا , لكن انا طالبه انك تساعديني اخرج من الدتبيسه دي

دعاء بحيرة: ازاي , ازاي اساعدك

رحاب: شوفي يادعاء تروحي تكلمي مع طنط دره بطريقه ما  اني مش عايزه ابنها , وهي تفهم وترفض بنفسها

دعاء بتردد: لكن يارحاب

رحاب برجاء مصطنع: انتي صاحبتي اقرب حد ليا , وطالبه منك معروف مترفضيش يادعاء ارجوكي

دعاء بقله حيله: حاضر متقلقيش هعمل الي اقدر عليه 

رحاب: الف الف شكر لكن اوعي اسمي يتقال ابدا 

دعاء: اطمني

رحاب: اقدر امشي وانا مطمنه

دعاء: ايوه

رحاب: عايزه حاجه

دعاء: سلامتك

رحاب شاورتلها بسعاده: باي

.............قصص منه محمد كاتب..................

في غرفه الضيافه دره الباب خبط

دره: ادخل

دعاء دخلت: اتفضلي فردتلك الهدوم

دره: شكرا يا حبيبتي تعبتك معايا

دعاء: ولا يهمك تعبك راحه , وبعدين دي مهمه بسيطه , تقدري حضرتك تطلبي مني اي حاجه بدون تردد

درة: دعاء انتي حلوه وطيبه اوي , وشيفاكي مهتمه بالكل ع اكمل وجهه , آمير بجد محظوظ بوجود شريكه لحياته زيك

دعاء: لاء ياطنط انا المحظوظه اني مراته وعايلته اهلي

دره: انتي تستاهلي ده, ممكن اقولك حاجه

دعاء: اتفضلي

دره: خليكي زي ماأنتي

دعاء: استعدي اكيد طنط ناني في انتظارك

دره: اكيد جايه معانا

دعاء: ايوه

دره: طيب يله روحي اجهزي

دعاء وقفت ولنفسها: ياتري اتكلم معاها ولا بلاش

دره: دعاء عايزه تقولي حاجه

دعاء: ايوه كنت عايزه اقولك حاجه لكن اتمني تسمعيني بهدوء 

دره: تقدري تقولي اي حاجه معنديش مانع اطلاقا اتكلمي وخدي راحتك

دعاء بهدوء: الي كنت عايزه اقوله  ،ان مسأله الجواز مسأله حساسه بين اي اتنين , لانهم هيكملوا حياتهم سوي , ولو فيه واحد منهم رافض يقبل يكون في حياه التاني

دره: انتي كلامك مظبوط لو رفض العلاقه هيبقي عبئ تقيل , لكن صدقيني انا عارفه ابني كويس جدا , انا هنا برغبه منه شخصيا

دعاء: ايوه بس مش معني كدا ان الطرف التاني موافق , وجايز فيه حد تاني داخل حياته 

دره: دعاء انا فهمت انتي عايزه تقولي ايه وصلت

دعاء: بس ارجوكي متقوليش لـ اي حد هنا ,رحاب صاحبتي المقربه ,وهي شاركتني بالي جوه قلبها , وطالبه من حضرتك تجيبي الرفض من عندك , رحاب مضايقه جدا ,ومتوتره, بسبب الموضوع كله

دره طبطبت ع ايدها بحنان: متقلقيش ابدا ,مش هقول لـ اي حد , وكويس اواي انك قولتليلي وهتعامل مع الموقف

دعاء ببتسامه صافيه: الف شكر

دره: ولا يهمك ربنا يباركلك

دعاء: استعدي

دره: وانتي كمان استعدي

دعاء: حاضر

ناني شافتها وهي طالعه قربت عليها: دعاء كويتي هدوم دره

دعاء: ايوه وعطتهالها

ناني بتحكم : خليكي في البيت , ماما هنا لوحدها وتعبانه,  لازم حد يفضل معاها , وجهزي العشي لحد ما نرجع

دعاء بقهر: حاضر

..........قصص منه محمد كاتب....................

في كافيه النادي

رحاب: يعني انت بتقول ان فيه حد مضطهد دعاء

آمير: ايوه

رحاب: تفتكر مين مامي بابي ولا نناه انا ولا انت

آمير: مفيش ولا واحد منهم احنا عايله دعاء وجزء مننا ليه فيه حد مننا يضايقها

رحاب: يعني فيه شبح بيضايقها عشان يطفشها من البيت , آمير احنا عمرنا ماحصلت الامور دي في بيتنا,  انت نفسك عمر ما الامور دي حصلت معاك , ومفيش بجد الا مراتك

آمير: الانسان اوقات بيرتكب اخطاء ع امور تافهه

رحاب بتتكلم بثقه : بالظبط  نفس وجهه نظري , الكل بيرتكب اخطاء , وده نفس الي حصل مع دعاء , خايفه تعترف بخطئها , هي بتخلق ان فيه حد بيحاول يضايقها

آمير: يعني عايزه تقولي ان مراتي هي الي قصت الفستان

رحاب: شور مين غيرها , ولما طلبت منها السلسله كدبت وقالت انها اتسرقت , هي عملت كدا عشان تخفي كدبها , وتاخد تعاطفك وتظهر قدامك انها بريئه 

آمير سرح بتفكيره ورحاب حست بنتصار انها عملتله غسيل دماغ  وشككته ناحيه دعاء

............قصص منه محمد كاتب................

في المطعم

دره: بجد الاذواق هنا حلوه وتجنن ومحتاره اقرر

ناني: عشان كدا كنت عايزه اجيب رحاب معانا , عندها ذوق عالي , لو جات معانا كانت  هتساعد كتير

دره: بنات اليومين دول بيعملوا الي ع مزاجهم  , مش بيهتموه بالي احنا عايزينه هم , بس عايزين راحتهم ورضاهم

ناني: رحاب مزاجها متقلب لاننا دلعناها طول حياتها, وللسبب ده بتتصرف من غير عقل في بعض الامور

دره بجديه: ناني رامز شاب عاقل وعنده شخصيه رزينه , وهو الي طلب اتكلم عن رحاب وجيت هنا بناء ع طلبه لكن لايمكن نجبر اولادنا حسب اردتنا احنا , ده جيل جديد بيعمل الي هو عايزه وكل واحد فيهم بيقرر حياته زي ماهو عايز ،من غير ما نفرض عليهم رآي ،كنتي المفروض تتكلمي الاول مع رحاب

ناني: دره بنتي ليه تعترض ع ابنك وهي عارفه سبب وجودك هنا

دره: عشان كدا بتتصرف بشكل غريب جدا

ناني: انتي غلطانه في فهمك عن رحاب ليه ترفض ابنك

دره: ناني احنا كأمهات لازم نصاحب بالذات بناتنا , عشان يقولولنا ع كل حاجه عن نفسهم,  لو كنتي قريبه من رحاب كانت قالت لك انتي ،مش تروح تقوله لدعاء

ناني: دعاء كلمتك

دره بتكشيره : ايوه وقالتلي ان رحاب رافضه ابني , وانا يستحيل افرض ابني ابدا هسافر فرنسا النهارده المساء

............قصص منه محمد كاتب.............

في منزل عائله آمير

دعاء للجده: اعملك كوبايه شاي بالنعناع

الجده ابسمتلها : ياريت 

ناني دخلت بغضب : انتي عايزه ايه؟؟  ليه مصممه تدمري سعاده البيت هنا , هو ده جزائي جبتك هنا عشان تهدي كيان البيت وتشوهي سمعته

الجده بستغراب: ناني فيه ايه ليه داخله متعصبه كدا

ناني بنفعال: ماما اسألي مراه حفيدك عملت ايه 

الجده: قولي يادعاء ايه الموضوع 

دعاء شفايفها رعشت وجسمها رجف ونطقت بلجلجه وارتباك: انـ.....ا نـ....

الجده: ماتقوليلي ياناني عملت ايه دعاء؟؟!!

ناني بزعيق : ماتقوللها قولتي ايه لدره عن رحاب

دعاء: جدتي انا

الجده: قوليلي يابنتي ايه الحكايه

ناني: هتقولك ايه  انا هقولك الاستاذه قالت لدره ان رحاب رافضه تتجوز ابنها , ورحاب قالت ان رحاب بتحب واحد تاني واحنا جبرنها

الجده بنزعاج : ايه الكلام الفارغ ده مفيش حاجه من دي , احنا لايمكن نجبر رحاب لو بتحب واحد تاني تقدر تقولنا

دعاء: ياجدتي رحاب قالت لي فعلا ده

ناني صرخت في وشها: اياك تكدبي , بنتي لايمكن تخبي عني حاجه زي كده

دعاء مقهوره: انا بقول الحقيقه والله العظيم رحاب الي طلبت مني اقول ده لطنط دره

الجده بضيق: انا اتغشيت فيكي , مكنتش اعرف انك غبيه للدرجه ، حتي لو قالت لك رحاب كده كان لازم تيجي تقوللنا احنا مش لدره كدا مش بتحترمينا في البيت  , لو انتشر الخبر بين افراد العائله هيفكروه ازاي في اخلاق رحاب 

دعاء: انا غلطانه ،وبعترف عملت غلطه كبيره

ناني: انتي عملتي كدا عن قصد ،رحاب رفضت اخوكي وبكدا انتقمتي

دعاء حركت دماغها بنهيار: والله العظيم حتي مجاش ع بالي اصلا , انا حبيت اساعد رحاب الي هي صاحبتي

ناني اتعصبت: الف عدو خير من واحده صاحبه زيك 

الجده: وهي دي الطريقه الي تساعدي بيها حد دي مش طريقه للمساعده 

ناني: ماما اظن قولت لك بس انتي مسمعتنيش , وخلاص ظهرت ع حقيقتها بتحسدنا كلنا

دعاء: ياجدتي

ناني بغضب  : لو يهمك البيت كنتي اتكلمتي معايا

الجده: ناني الاول دره تسافر مفيش داعي نخلق خناق قدامها

ناني: دره راحت اوتيل وانا مش هتسامح مع مراه آمير , خليه يرجع وتنتهي الجوازه دي الليله لايمكن اسمح اقعد عدو في بيتي زيها

ناني مشت ودعاء بصت للجده تستنجد بيها لكنها لفت وشها عنها

...........قصص منه محمد كاتب..............

أمير بعد ما رجع وعرف باللي حصل واجهه دعاء برحاب

آمير بسؤال: يعني انتي بتقولي ان رحاب بتحب واحد تاني , عشان كدا مش عايزه رامز

دعاء: ايوه هي قالت لي ده بنفسها مش كدا يارحاب

رحاب: بتقولي ايه انتي اخترعتي قصه اني بحب واحد تاني , امتي قولتلك انا ده؟؟!!

دعاء بصدمه: رحاب جرالك ايه انتي قولتليلي مش عايزه تتجوزي رامز

رحاب ربعت ايدها ع صدرها : حصل قلت مش عايزه اتجوز رامز , لكن مقولتلكيش اني بحب واحد تاني,   لو كدا كنت قلت لعايلتي لاني عارفه مفيش حد هيبقي حريص ع سعادتي غيرهم

دعاء: لكن يارحاب انتي قولتيلي

رحاب قطعتها: بطلي كدب بقي

آمير بص لدعاء رئكشانات وشه اتشدد : لو ده حصل يادعاء ليه كلمتي طنط دره , حتي لو اختي قالت لك حاجه زي دي او فهمتي حاجه زي دي , كان لازم تقوليلي او تقولي لـ امي, ليه طنط دره نفسها , احنا مستحيل نجوز اختي من واحد غصب عنها , محدش هيهتم بسعادتها اكتر مننا

ناني بتهام مباشر:آمير انت يظهر لسه مش فاهم مراتك  , معملتش ده عشان سعاده اختك عملت كدا انتقام منها , لانها رفضت اخوها استكترت ع بنتي تناسب عايله مرموقه

دعاء  وشها مخطوف : انا حاولت اساعدها

ناني: اسكتي مش قادره اتحملك

دعاء مسكت دراعه برجاء: آمير اسمعني 

آمير شد ايدها من عليه بغضب: دعاء سمعت بما فيه الكفايه

دعاء: رحاب

رحاب: يله امشي من هنا 

........قصص منه محمد كاتب..................

في منزل عائله آمير وتحديدا في الصالون 

رياض: متوقعتش من دعاء تعمل المصغره دي فكرتها عاقله وناضجه

ناني: اتحملت لحد الحظه محبتش اعمل فوضي بس كل شئ له اخر

رياض: سالتي رحاب عن الحقيقه

ناني: ايوه رحاب اعترفت انها قالت الكلام ده لدعاء  , بس دعاء زودت من عندها انها بتحب واحد تاني  ومكنش ينفع تعمل كده

الجده: الخبر هينتشر وسط العايله فضيحه كبيره

ناني: ايوه وبنتي هي الي هيتشهر بيها , استخدمت صداقتها تخفي عدواتها ,بتفكر في ايه يا امير, شيفاك يعني مأخدتش قرار

آمير: اي قرار

ناني  بحده: دي ماتستحقش لا للحب ولا الاحترام الي اخدته بسببك رجعها بيت امها

امير: بتقولي ايه

رياض  بشده : ناني انتي في وعيك , دعاء زوجه ابنك , عايزه تخربي بيت ابنك ع امر تافهه

ناني بنفعال: دي مسأله بسيطه , مفيش ام عايزه تخرب بيت ابنها,  لكل كل شئ وله حدود , انا بلعت البنت دي عشان سعاده ابني غير كدا مستحيل تبقي اختياري ابدا 

رياض: بس الواقع جبتيها مراه ابنك

ناني: وبعترف اني غلطت  لما جبتها, وبصلح الغلطه مش عايزها في بيتي , ولو فضلت انا مش هتسامح معاها ولا معاه وده اخر قرار

رحاب واقفه بره وسعيده انها اخيرا هتتخلص منها انتظرت لليوم ده كتير وعملت جهد جبار عشان تطردها من البيت واخيرا تم 

              الفصل السابع عشر من هنا

تعديل المقال