رواية امتلكت قلب صعيدي الفصل السابع7والثامن8 بقلم نرمين حمدي
زين: فيه اي
لتبتلع ليلي ريقها ببطئ وتنظر لوعد لكي لا تتكلم
هارون: في اي ياصخر مبهدل البت كديه ليه
صخر: الحلوه كانت هتهرب
هارون بصدمه: ايه! انتي مكفاكيش الي عملتيه وكمان عايزه تهربي تصدجي انك متربتيش
صخر لينظر الي ليلي وزين: والي ساعدها علي كديه جاعد وسطينا
زين: تجصد ايه يعني انا معملتش حاجه
ليلي: ولا انا ايه هتلبسوهاني ولا ايه
صخر: متجلجيش هعرف ولو عرفت هتبجي خراب
لتبتلع ليلي ريقها مره اخري: ااا ربنا يعترك في الي عمل كديه
ليأخذ صخر وعد بقوه ويصعد لغرفته
وعد ببكاء بتحاول تفلت ايده: ابعد عني هو انت فاكرني هبات معاك في اوضه واحده ياجدو
زين: اعمل حاجه ياجدي لاحسن صخر يعمل فيها حاجه
هارون: مش لو كنت اتجوزتها انت كنت رحمتها من حاجات كتير
***
ليدخل صخر الغرفه ويرمي وعد بالارض وهي مستمره بالبكاء
ليخفض هو رأسه ناحيتها ويضع اصبعه علي فمه: شششش مش عايز اسمع نفسك
لتضع وعد يدها علي فمها لتكتم بكائها وهي ترتجف خوفا منه
صخر يتجه ناحيه دلابه ويأخذ ملابسه متجها للحمام
ما من اغلق الباب حتي ابعدت وعد يدها عن فمها واخذت نفس عميق
بعد مرور ربع ساعه خرج صخر وهو عاري الصدر وينشف شعره بالمنشفه
وعد ظلت تبكي وهي دافنه وجهها بين ركبتيها حتي غفت من الارهاق
وصخر صعد علي سريره ونام
****
في صباح اليوم التالي
استيقظ صخر علي صوت الباب
صخر: مين
الخادمه: انا يصخر بيه الوكل جاهز تحت والكل مستنيكي
صخر: ماشي
ظل صخر ينظر حوله ولم يجد وعد حتي وقعت عينه عليها وهي نائمه في نفس وضها منذ الامس ولو تتوقف عن البكاء حتب وهي نائمه
ليذهب اليها صخر : انتي جومي اخلصي
لتستيقظ وعد بفزع جعل صخر في دهشه فهو لم يرفع صوته لكل هذا الفزع
ليخرج صخر عن دهشته بعدم اهتمام: ااا جومي غيري خلجاتك دي وانزلي يلا
وعد ذهبت للحمام دون ان تحدثه
**
هارون: يامرحب بالعرسان
صخر: متعيشش الدور ياجدي انت عارف الي فيها
وعد فضلت باصه للاكل وملهاش نفس تاكل
وصخر اكل وهو واقف
الفصل الثامن
روايه"إمتلكت قلب صعيدي"
هارون لاحظ ان وعد مش بتاكل
هارون: مش بتاكلي ليه ياوعد
وعد بتبصله: مليش نفس
هارون: عايزك تعرفي اني مظلمتكيش لما عملت كديه انتي الي ظلمتي نفسك بنفسك
وعد: مش فارقه مين ظلم مين هي حياتي كلها باظت اصلا
هارون: باظت ليه
وعد: لا ابدا سيف مات قدام عنيا وانا اخدت ضرب عمري مشوفته في حياتي وجوزتني واحد اطيق العمي ولا اطيقوش بس كدا
هارون: بكرا تعرفي اني عملت كديه عشان مصلحتك محدش هيخاف عليكي كد الي منك
وعد: انت ليه مصمم تطلعه ملاك بقولك كان هيموتني في ايده خلاص ياجدوا انا قبلت بالواقع وخلاص المكتوبلي هشوفه
هارون:اسمعي كلمه هجولهالك وتحطيها حلجه في ودنك مش كل الي يبينلك انه بيحبك يبجي بيحبك ومش كل الي يجولك كلمه تجرحك يبجي بيكرهك بكرا تعرفي معني كلامي ديه
وعد: شكرا علي النصيحه عن اذنكم
في الشركه
السكرتيره بقلق: ياجماعه بسرعه كل واحد يروح علي مكتبه صخر بيه وصل لو شافنا كدا هيبهدلنا بسرعه يلا
وفي لحظه الشركه اتقلبت وكله بيخبط في كله
ليدخل صخر ويجد هدوء تام وكل واحد مركز في شغله
ثم يدخل الي مكتبه وتتبعه السكرتيره: صباح الخير ياصخر بيه
صخر بقرف: صباح النور
السكرتيره: صخر بيه ثروت بيه كلمني انهارده واعتذر عن الاجتماع لانه عنده حاجه مهمه ولازم يخلصها انهارده
صخر بعدم اهتمام: المطلوب
السكرتيره: كان بيستأذن من حضرتك انك تأجل الاجتماع وانا كلمت حضرتك كتير عشان ارد عليه بس حضرتك مكنتش بترد
صخر: الاجتماع في معاده بلغيه كدا
السكرتيره: بس ياصخر بيه
ليقاطعها صخر : في حاجه مش واضحه اوضحهالك ولا ايه جولت الاجتماع في معاده
السكرتيره: تحت أمرك ياصخر بيه
ليدخل حسام بعدها: اي ياعم العريس بجي تتجوز وانا ابجي اخر من يعلم تطلع مين بجي الي دخلت دماغك ديه الي بنات الدنيا حاولت ومنفعش
صخر: اه لو تركيزك في الشغل يبجي ذي تركيزك في حياتي كديه كنا بجينا في حته تاني
حسام: وانا ليا مين غيرك اتدخل في حياته جولي جولي مين الي خدت عجلك دي
صخر: متخلجتش لسه
حسام باستغراب: كيف يعني اومال اتجوزت كيف
صخر: انت مالك ياعم خليك في شغلك اخلص
حسام: طول عمرك غامض ومحدش يعرف عنك حاجه بس علي مين هعرف برضو
صخر: انت مش بتعرف غير الي انا عايزك تعرفه غير كديه مش هتعرف حاجه واصل
حسام: ماشي ماااااااشي علي العموم ياعم مياده الراوي بتسأل عليك كل يوم