رواية عندما يقع الوحوش في العشق الجزء الثاني2 الفصل الخامس عشر15والسادس عشر16 بقلم جنات
فى صباح يوم جديد فى فيلا زين وديما الكل قاعدين يفطرو
كارما:اخيرااا هتيجى معايا المستشفى
هنا:استنى عليا بس شهر ولا حاجه وهابقي اهم دكتورة هناك
ديما:طبعاااا مش بنوتى
هنا:روح قلبي يادمدومه
زين:انتى ونور هتكونو سوا ياهنا
هنا:طبعاااا احنا محدش يفرق بينا ابدااااا
كلهم ضحكو عليها
كارما:طب يلا عشان عندى عمليه بدرى ومش عايزة اتاخر
هنا:يلا انا خلصت اهو
زين:خدو بالكو من نفسكو
البنات:حاضر
البنات مشو وزين باس راس ديما وراح على الشركه
_________________
فيروز ونور نازلين السلم
حياه:ربنا يحفظو يابنات يارب
البنات باسو سيف وحياه وراحو قعدو مكانهم ونزل اسر صبح عليهم وقعد
اسر:مش انتى اتاخرتى يانور راحه فين كدا من الصبح
نور:اللى حضرتك متعرفوش انى هابقي دكتورة فى مستشفى الفيروز
اسر:دكتورة مرة واحده
فيروز:لسه فى فترة التدريب يااسر
سيف:وهتدربي مع مين بقي
فيروز:معايا انا وكارما وملاك ولين بس الاكتر انا
حياه:نور حبيبتى بلاش هزار هناك دى مستشفى يانور هاااا مش الكليه
نور:حاضر والله من امبارح وانتى بتعطينى نصايح
اسر:عشان عرفاكى لسانك ماشاء الله
سيف:يلا هروح انا على الشركه وباس راس حياه
حياه:فى حفظ الله ياحبيبي
اسر:ياسيدى ياسيدى
فيروز ونور ضحكو
فيروز:يلا عشان مش عايزة اتاخر عندى عمليه
نور:يلا
اسر:استنو اوصلكو فى طريقى
نور:ده قشطا اوى
البنات واسر خرجوو وحياه دخلت المطبخ
__________________
ملاك نازله من على السلم:ماما انا همشي عشان اتاخرت
ملك:طب افطرى الاول
ملاك:لا هاكل اى حاجه فى الكافتيريا
سليم:خدى بالك على نفسك ياملوكه
ملاك باسته من خده:حاضر ياقلب ملوكه.اومال فارس فين
سليم:فارس كان عنده مهمه بليل
ملاك:طب حد كلمه
ملك:قافل تلفونه لسه
ملاك:خلاص هابقي اطمن عليه يلا سلام
سليم وملك:سلام
__________________
الشباب فى المقر فى مكتب اللوا شاكر
شاكر:برافو عليكو ياابطال عملتوها وبجدارة
فهد:تربيتك يافندم
شاكر:البقاء لله يافهد شد حيلك يابطل
فهد:الحمدلله
شاكر:عندى ليكو مفاجاه بقي
كريم:اوعى تقول مهمه تانيه
شاكر ضحك:لالا انتو هترتاحو فترة
اسر:اومال ايه المفاجاه ياسياده اللوا
شاكر:هنعمل حفل باذن الله لتكريمكوو وكملن اسر وعدى وكريم هيتم ترقيتهم لمقدم
الشباب فرحو وحضنو بعض
شاكر:الف مبروك ياشباب
الشباب:الله يبارك فيك يافندم واعملو تحيه وخرجو من المكتب
اسر:يلا بقينا زى بعض انت مقدم واحنا كمان
فهد:تستهلوها ياشباب بجد
عدى:يلا نمشي احنا مش ورانا حاجه
كريم:هنروح فين
اسر:ماتيجو نروح للبنات
عدى:ونبي فكرة يلا
فهد:يلا
___________________
ملاك ولين كان عندهم عمليه خلصوها وخرجو
لين لاهل المريضه:الحمدلله العمليه نجحت بنسبه كبيرة
ملاك:هى الوقت هتتنقل العنايه وبكرة ان شاء الله هتروح اوضه عاديه
ام المريضه:الله يبارك فيكو ويحميكو لشبابكو يارب
لين:تسلمى ياامى اتفضلى انتى روحى ارتاحى وتقدرى تجيلها بكرة
لين وملاك راحو مكتبهم عشان يرتاحو
ملاك:فيروز وكارما لسه فى العمليات صح
لين:اه لسه ربنا معاهم عمليتهم صعبه
ملاك:يارب انا راسي هتنفجر هطلب قهوة تشربي معايا
لين:ومين سمعك يلا اطلبي
_____________
الشباب وصلو المستشفى وسالو على البنات
اسر:الدكتورة فيروز وملاك ولين وكارما فين
الممرضه:الدكتورة فيروز والدكتورة كارما لسه فى العمليات اما الدكتورة لين والدكتورة ملاك فى مكتبهم
اسر:تمام
الشباب لسه هيمشو بيلاقو عربيه اسعاف جايه ونزل منها فارس وراسه مجروحه ومراد على النقاله
عدى:مرااااااد .ماله يافارس
فارس:متقلقش رصاصه فى دراعه بس نزف كتير
ملاك ولين جم بسرعه بعد الممرضه ماقالتلهم
ملاك:فارس انت كويس وبتبص على النقاله بتشوف مراد ده نزف كتير على العمليات بسرعه
لين:هنحتاج نقل دم لانه نزف كتير
عدى:انا هتبرعله
ملاك:طب روح مع الممرضه بسرعه
لين:فارس راسك لازم تخيط تعال بسرعه
فارس:مراد اهم انا كويس
فهد:مراد راح العمليات تعال عشان تخيط جرحك يكون خرج باذن الله
فارس:حاضر
____________
نور وهنا قاعدين فى مكتب فيروز
هنا:برن على فارس تلفونه لسه مقفول
نور:اكيد لسه فى المهمه لما يخلصو هيفتحو التلفونات ويطمنونا
هنا:يارب انا قلبي مش مطمن
نور:ان شاء الله خير
هنا:يارب
الباب خبط ودخلت الممرضه:الدكتوره ملاك عايزاكو معاها فى حاله طؤارى
هنا:تمام
نور:يلا بينا
هنا ونور بيروحو للين وملاك وبيشوفو الشباب واقفين
نور:فى ايه يالين
ملاك:هنا بسرعه فارس فى الاوضه اللى فى اخر الطرقه راسه فيها جرح عايزة يتخيط يلا خليكى مع لين
هنا بصدمه:فااارس
لين:مش وقت صدمات يلا
ملاك:نور تعال معايا العمليات
نور بخوف:مين
ملاك شافت خوفها:متخافيش دى رصاصه فى الكتف بس نزف كتير
نور:مراد
ملاك هزت راسها باه
الممرضه:سحبنا كيس دم يادكتورة
ملاك:طب يلا على العمليات
_______________
لين:روحى لفارس وانا هجيب الادوات واجى بسرعه
هنا دخلت الاوضه فارس قاعد على السرير ووشه كله دم
هنا بدموع:فارس
فارس لف شافها قدامه وهنا جرت على حضنه بسرعه:انا كويس ياهنا متخافيش خبطه بسيطه
هنا منهارة فى حضن فارس ولين دخلت
لين:هنا ممكن تهدى عشان تقدرى تساعدينى
هنا:حاضر
لين بدات تنضف حولين الجرح وهنا بتعطيها الادوات اللى بتطلبها وعينيها على فارس
لين:خلاص خلصنا
فارس:ومراد
لين:متقلقش ملاك ونور معاه.انا هروح اطمن عليه خليكى ياهنا
هنا هزت راسها ولين خرجت
فارس:ممكن تبطلى عياط بقي انا قدامك اهو كويس
هنا:حاضر حاسس باى وجع
فارس:اه ده بيوجعنى وهو بيشاور على قلبه
هنا:قلبك
فارس:لان حبيبتى عماله تعيط
هنا ضحكت:خلاص مش هعيط
فارس:ايوا كدا خلى الشمس تطلع
_____________
فى اوضه العمليات نور مركزه مع ملاك فى كل اللى بتطلبه منها وعينيها على مراد وخايفه عليه
ملاك:خرجنا الرصاصه هنخيط الجرح
ملاك بدات تخيط وخلصته
ملاك:نور مراد كويس هننقله اوضه عاديه كمان ممكن متقلقيش
نور:حاضر
_____________
الشباب كلمو سليم وجاسر واهليهم والكل جه المستشفى وفيروز وكارما خرجو من العمليات وعرفو باللى حصل واجو بسرعه
فيروز:ايه الاخبار يااسر
اسر:محدش لسه خرج
فارس جاي وهنا مسنداه:خرج ولا لسه
فهد:انت قومت ليه يابنى ارتاح شويا
فارس:انا كويس
ملاك خرجت:الحمدلله ياجماعه خرجنا الرصاصه ونقلنا ليه دم وهيتنقل اوضه عاديه الوقت
الكل:الحمدلله
سليم وملك وجاسر وريم وصلو المستشفى وشافو الشباب
ملك جرت على فارس وخدته فى حضنه:انت كويس ياحبيبي
فارس:بخير ياامى متخافيش
ريم:طمنونى على مراد هو كويس
ملاك:متقلقيش ياطنط مراد زى الفل الوقت هيخرج على اوضه عاديه
ريم:الحمدلله
مراد خرج على النقاله ودخلوها على جناح كبير والكل كان معاه وشويا وجه ادهم وليان وسيف وحياه وحور ومالك وبعد فترة مراد فاق والكل اطمن عليه ومشو وريم كانت مصممه انها تبات معاه
فيروز:ياطنط والله احنا كلنا موجودين مش هنروح النهارده فحضرتك روحى ارتاحى وتعالى بكرة
جاسر:خلاص ياريم البنات موجودين يعنى فى ايد امينه يلا عشان ترتاحى شويا
ريم:حاضر
مراد شاف الكل معادا نور وعينه فضلت تدور عليها وخصوصا لما عرف انها كانت مع ملاك فى العمليات بس مش موجوده معاهم
______________
نور فى الحمام عماله تعيط وانها كانت هتموت من الخوف على مراد وكان صعب عليها تشوفه مجروح تلفونها رن برقم فيروز
نور:الو
فيروز:انتى فين يانور
نور:انا فى الحمام فى حاجه
فيروز:ايوا تعالى عشان انتى اللى هتبقي مسؤله عن مراد عشان احنا عندنا عمليات
نور:حاضر هاجى اهو
نور راحت قدام الاوضه وخبطت وسمعت صوت مراد:اتفضل
نور دخلت ومراد فرح لما شافها بس شاف عينيها الحمرة وباين جداا انها كانت بتعيط
نور:حمدلله على سلامتك يامراد
مراد:الله يسلمك يانور
نور راحت على ورقه الملاحظات اللى متعلقه فى السرير تشوف ايه هو العلاج وراحت عند الادويه واخدت برشام وكوبايه ميا قربت من مراد
مراد:شكرااا
نور:بالشفا ان شاء الله
مراد:نور انتى كويسه
نور:اه الحمدلله انت حاسس بوجع
مراد:لا
نور:طيب انا وصيت المطبخ على اكل ليك
مراد:بس انا مش عايز اكل
نور:مينفعش لازم تاكل انت بتاخد علاج كتير وغلط انه يكون على معده فاضيه
مراد:صح مبروك على التعين
نور:اول عمليه دخلتها كنت انت
مراد ضحك:جربتى فيا يعنى
نور:متقلقش اوى كدا كنت مع ملاك
الباب خبط والممرضه جابت الاكل وبتبص لمراد اوى
نور:خلاص روحى انتى
الممرضه باصه لمراد ومش بترد على نور اللى اضايقت منها
نور بصوت عالى:انا بكلمك على فكرة
الممرضه:انا اسفه يادكتورة لو تحبي اساعدك
نور بعصبيه:تساعدينى فى ايه
مراد كاتم ضحكته بالعافيه على شكل نور
الممرضه:ناكل مراد
نور:مراد حاف كدا طب امشي من وشي الوقت احسنلك يلا
الممرضه خافت من نور وخرجت بسرعه
مراد:ايه يانور الانسه مغلطتش دى عايز تساعد
نور:نعم وانت عايزها تاكلك عادى ممكن امشي وننادى للانسه تاكلها بايديها
نور لسه هتمشي مراد مسك ايدها:قعدى يامجنونه
نور قعدت:قعدت اهو .يلا عشان تاكل
مراد:مش هتاكل معايا
نور:لا شكرااا مش بحب اكل المستشفيات
نور بدات تاكل اللى اتوترت من نظرات مراد
نور:بالف هنا
مراد:الله يهنيكى
نور جابت علاج اللى بعد الاكل واديته لمراد
نور:الوقت بقي لازم تنام عشان ترتاح شويا
مراد:وانتى
نور:هروح اشوف هنا والبنات عشان ناكل سوا
يلا اصبح على خير
مراد:وانتى من اهلى
نور اتوترت: لو احتاجت حاجه دوس على زرار ده وانا هجيلك على طول
مراد:حاضر
نور خرجت ومراد نام على طول من التعب
____________________
عدى اسبوع ومراد خرج من المستشفى واخد اجازة من شغله لحد مايتعافى وفى يوم بليل البنات كانو فى المستشفى
فيروز:اااه الناس اللى خلصت وهتمشي
نور:قورى قورى يابت
هنا:شكلنا هيحصلنا حاجه قبل مانوصل
ملاك:طب يلا هوينا انتى وهى ورانا شغل
نور:ماحنا ماشين اهو
فيروز:بابا بعت العربيه يانور
نور:حاضر
هنا:وفارس تحت هيوصلنى
لين:ايوا ايوا والعه معاك ياعم
هنا:يالهوى داحنا هنولع من قروكو
البنات كلهم ضحكو نور نزلت وسلمت على فارس وركبت العربيه بتاعتها وهنا مع فارس
__________________
نور راكبه فى العربيه وفاتحه صورة مراد
نور فى نفسها:وحشتنى اوى من يوم مخرجت من المستشفى وانا مش بشوفك ياترى هتنطق امته بقي انا هتشل من برودك يااخى
فجاه عربيه خبطت فى عربيه نور وطريق كان فاضي وعلى جنبين شجر كتير
نور:فى ايه ياعمو محمد مين دول
محمد السواق:معرف يابنتى والله
والعربيه فضلت تخبط فيهم لحد ماعربيه نور دخلت فى شجرة محمد السواق راسه اتخبطت ونزف
نور:عمو محمد رد عليا
محمد بتعب:اهربي يابنتى بسرعه
نور بصت وراها شافت عمر ومعاه اتنين نولت بسرعه من العربيه ودخلت بيت الشجر
عمر جه فتح العربيه مكنش فيها غير السواق
عز:ده شكله مات
احمد:اومال هى فين
عمر:اكيد هربت بس هتروح منى فين
نور فضلت تجرى بين الشجر وهى مرعوبه وسامعه صوتهم قريب منها ومش عارفه تعمل ايه وخايفه من عمر نور طلعت على شجرة واستخبت بين فروعها ومسكت فونها ومش عارفه تكلم مين وجسمها كلها بيترعش نور اول مافتحت الفون شافت صورة مراد اللى كانت فتحاها واتصلت عليه
مراد كان نايم على السرير تلفونه رن برقم نور
مراد:الو
نور بعياط وصوت واطى:مراد الحقنى
مراد:انتى فين يانور
نور:مش عارفه انا خايفه اوى
فجاه نور سمعت صوت عمر وصحابه كانو تحت الشجرة
عمر:هتروحى منى فين يانور هلاقيكى وهاخد حقى منك
عز:واحنا كمان
احمد:طبعااا هو احنا جينا معاك على الفاضى ولا ايه
عمر:اخدها انا الاول وبعد كدا هسيبها ليكو اعملو فيها اللى انتو عايزينه بس خلينا ندور عليها
مراد كان سامع الكلام قام بسرعه نزل وركب عربيته:نور
نور:انا خايفه يامراد
مراد :طب ابعتيلى لوكيشن بسرعه
نور:حاضر
نور بعتت اللوكيشن لمراد مراد طار بالعربيه على المكان بسرعه
مراد:متخافيش يانور بس انتى فين الوقت
نور:انا فوق شجرة
مراد:طيب خليكى مكانك ومتعملش صوت لحد مااجيلك
نور:متتاخرش ونبي
مراد:فى ثوانى هكون عندك
مراد وصل المكان ونزل بسرعه من العربيه:نور انا وصلت اهو وقريب منك
نور:حاضر
مراد:نور ...نور..المكالمه فصلت
مراد حاول يتصل تانى بنور فونها اتقفل
مراد نادى بصوت عالى:نووووووووووور......
روايه عندما يقع الوحوش فى العشق ج٢
««الفصل ١٦»»
مراد وصل المكان ونزل بسرعه من العربيه:نور انا وصلو اهو وقريب منك
نور:حاضر
مراد:نور ...نور..يوووه المكالمه فصلت
مراد حاول يتصل تانى بنور فونها اتقفل
مراد نادى بصوت عالى:نووووووووووور
عند نور فونها فصل
نور:ده وقتك تفصل يعنى
نور حست بحاجه ماشيه على دراعها لقيته حشرة بعدتها بسرعه واختل توازنها ووقعت من على الشجرة ومن قوة الوقعه اغمى عليها عمر وصحابه كانو بيدورو على نور فى كل مكان احمد صاحبه لمح نور واقعه على الارض
احمد:عمر هناك اهى
عز:شكلها مغمى عليها
عمر وصحابه قربو من نور
عمر:كويس اوى انها مغمى عليها عمر شالها ومشي وراحو على كوخ صغير فى المكان اللى هما فيه وحطها على الارض
عمر:هاتو ميا لما نفوقها
عز جابله جدل ميا وعمر كبه كله على نور اللى شقهت من البرد
عمر:صباح الفل ياقمر
نور:انت عايز ايه ياعمر
عمر:عايز كل خير يعنى هاخد حقى منك
نور:حق مين ياابو حق انت انا كنت عملت فيك حاجه
عمر:والقلمين اللى نزلو على وشى من ايديكى الحلوين دول تسميهم ايه
نور:رد على قله ادبك يااستاذ انت احقر بنادم شوفته فى حياتى
نور اتفاجات بالقلم اللى نزل على وشها من قوتها راسها اتخبطت فى الارض وبوقها ومناخيرها نزف
نور:هتندم عاللى عملته ياعمر مراد هيوصلى وهيندمك انك مديت ايدك عليا
عمر:انا بقي هوريكى قله ادبي على حق .احمد عز اخرجو بره راقبو المكان واتصلو برجاله بتوعنا يجيو وانا هستفرد بالحلوة لما نشوف مراد باشا هيعمل ايه لما يجى
نور خافت على مراد واتمنت ان مراد يقدر يوصلها واترعبت اكتر لما شافت عمر قلع قميصه
نور:انت هتعمل ايه
عمر:مش قولتك كل خير ياقمر عمر قرب على نور وشد طرحتها وفك شعرها اللى نزل على اكتفها ووصل لاخر ضهرها
عمر:ايه الجمال ده يخربيتك هو انا هموت عليكى من قليل
نور:عمر ابعد احسنلك بلاش تغلط غلط انت مش قده
عمر:هنشوف ياحلوة
_______________
فيروز رجعت البيت متاخر
حياه:حمدلله على السلامه ياحبيبتى
فيروز:الله يسلمك ياحياتى انتى قاعده بردو تستنينى
حياه:معرفتش انام قبل ماتوصلو اومال نور فين
فيروز:ماهى نور رجعت من زمان
حياه:اختك لسه مجتش يافيروز
سيف نازل:فى ايه
فيروز:نور مشت من زمان يابابا مع السواق وانا كان عندى حالات
حياه:بنتى راحت فين ياسيف
سيف:طب اهدو وانا هكلم محمد السواق
سيف فضل يرن محدش بيرد ونور فونها مقفول
سيف:حياه اسر فين
حياه:لسه فى المقر مرجعش
سيف:انا هكلمه ونروخ نشوف نور
فيروز:هى نزلت مع هنا هكلم هنا اشوفها يمكن معاها
حياه:كلميها يابنتى
فيروز:كلمت هنا وقالتلى انها رجعت مع فارس ونور مع السواق
حياه:فضلت تعيط
سيف رن على اسر مش بيرد
_______________
عند مراد فضل يدور على نور وهو ماشي شاف شنطتها وتلفونها
مراد:انتى فين يانور
مراد شاف نور على بعد قرب بحذر لقى رجاله بعدد كبير اوى واقفين على باب كوخ اتاكد ان نور جوا بس مراد كان هيتجنن مش عارف يعمل ايه خصوصا ان دراعه لسه متعافاش بشكل كويس مراد فضل يمشي بين الشجر عشان محدش يشوفه لحد ماوصل ورا الكوخ مكناش فى رجاله وبص من شباك شاف عمر وهو بيقرب من نور وهى بتصرخ وبتحاول تبعده وكان حاسس بنار جواه مراد فكر يتصل على الشباب يجو يساعده لانه مش هيقدر على كل الرجاله دول لوحده بعت رساله لفارس وقاله يجيب الشباب ويجى باسرع وقت وبعتله اللوكيشن مراد بعد عن الكوخ وطلع ولاعه من جيبه وولع فى شويا رزع عشان يشغل الرجاله الرجاله شافو النار وخبطو على عمر
_______________
فارس كان قاعد فى اوضته وصلته رساله من مراد وفتحها وقلق لما شاف اللوكيشين مكان مقطوع وبعت لشباب بسرعه كانو كلهم فى المقر وبعد شويا الشباب كلهم اتجمعو
اسر:طب هو مقالش عايزنا ليه
فارس:لا مقالش
عدى:طب تعال نروح بسرعه
كريم:اكيد فى حاجه بدام طالبنا كلنا
اسر:طب يلا اطلعو نروح بعربيتى
وطلعو فى عربيه اسر وراحو على المكان بسرعه
اسر فونه رن برقم سيف:الو يابابا.....ازاى مرجعتش...طيب يابابا
اسر قفل وبص لشباب:نور خرجت من المستشفى من زمان ومرجعتش البيت لحد الوقت وفونها مقفول
عدى:معقول تكون مع مراد
اسر:مش عارفاسر افتكر لما مراد قاله ان فى عربيه كانت هتخبط نور قدام الكليه وخاف على اخته يكون حصلها حاجه
______________
هنا راحت بسرعه على اوضه زين وديما وخبطت عليهم لان الوقت متاخر والكل نايم
زين فتح:فى ايه ياهنا
ديما:حبيبتى انتى كويسه
هنا بعياط:نور خرجت معايا من المستشفى ولسه مرجعتش البيت لحد الوقت
ديما:مين اللى قالك طب رنو عليها
هنا:فيروز لسه مكلمتانى وفونها مقفول
كارما سمعتهم وجت عليهم:فى ايه
هنا:نور مرجعتش البيت ومش عارفين عنها حاجه
زين:انا هكلم سيف واروحله
ديما:خدنى معاك يازين اروح لحياه
زين:طب البسي بسرعه وخليكو انتو يابنات هنا
كارما:لا هناجى معاك يابابا
زين:طب يلا البسو
_____________
عند عمر جوا لسه هيقرب ويبوس نور وهى بتصرخ وبتحاول تقاومه فجاه الباب خبط
عمر خرج:فى ايه مش قولت محدش يعطلنى
احمد:فى نار هناك
عمر:وانتو واقفين تتفرجو تعالو نطفيها وانت ياعز خليك قدام الباب عشان متخرجش
عمر والرجاله مشو ومراد جه من ورا عز وخلطه على راسه من غير مايشوفه ودخل بسرعه نور اتفزعت لما الباب اتفتح وفرحت لما شافت مراد
نور:مراد نور جرت على مراد ودخلت جوا حضنه مراد شدد على حضنها ونور جسمها كله بيترعش
مراد:انتى كويسه
نور هزت راسها بلا
مراد:يلا عشان نخرج من هنا استنى
مراد جاب الطرحه ولبسها لنور
نور:فى رجاله كتير بره
مراد:طب تعالى معايا متخافيش
مراد خد نور وخرجو وجرو بسرعه بين الشجر وبعدو عنهم عمر والرجاله رجعو بعد ماطفو الحريق لقو عز واقع على الارض عمر دخل الكوخ بسرعه ملقاش نور
عمر:دورو عليهم فى كل مكان بسرعه
الرجاله اتفرقت وعمر كان هيتجنن واحمد راح يشوف عز
نور مراد فضلو يجرو كتير
نور:خلاص مش قادرة اجرى اكتر من كدا
مراد:لازم نطلع على الطريق يانور هنا مش امان
نور هزت راسها بلا وقعدت على الارض
وسمعو صوت الرجاله قرب منهم مراد شاف شجره
مراد:نور قومى معايا بسرعه
نور:هنروح فين
مراد:هنطلع على الشجرة دى بسرعه مراد ساعد نور تطلع على الشجره وطلع هو كمان وفضل يتطلع على فروعها وياخد نور معاها عشان محدش يشوفهم الرجاله وصلو عند الشجرة وفضلو يدورو شويا ملقوش حاجه راحو يدورو فى مكان تانى
نور:اوووووووووف اخيرا مشو
مراد بيحط ايده على خد نور:نور انتى كويسه
نور اتوجعت مكان القلم:اااااه
مراد:بيوجعك
نور بدموع:الحمدلله انك جيت فى الوقت المناسب مش عارفه لو كنت اتاخرت كان هيعمل فيا ايه
مراد مسح دموعها:انا معاكى وعمرى ماهسيبك
نور بضحك:احنا هنفضل متعلقين كدا زى القرود
مراد:قرود ليكى نفس تضحكى
نور:اضحك اضحك محدش واخد منها حاجه
نور عماله تتلفت تشوف لو فى حد من الرجاله قريب منهم مراد عينه عليها
مراد:نور انا بحبك
نور بصلته بصدمه:هااااا
مراد ضحك عليها:بحبك يانورى
نور بعصبيه وصوت عالى: قول والله
مراد حط ايده على بوقها:اسكتى يامجنونه هيسمعونا
نور بعدت ايده:يعنى سايب كل الاوقات اللى عدت علينا سوا وجاى تعترف بحبك هنا يامراد هنا وانا وشي متبهدل كدا وفى وسط الغابه والناس بيجرو ورانا طب والله حرام عليك
مراد بيضحك عليها:نصيبك كدا بقي
نور:نصيب مهبب اضحك اضحك يخربيت برودك هو انا هتشل من قليل بحب تلاجه ياولاد تلاجه
مراد مسك ايدها:قولتى ايه
نور:قولت هو انا لسه قولت حاجه دانا لسه هقول
مراد:انتى قولتى بتحبي تلاجه يعنى انا تلاجه يانور
نور اتحرجت:احم هو انا قولت كدا بجد
مراد:اه قولتى كدا
نور:وانت فرحان انى قولتك بحب تلاجه
مراد ببرود:مين قال انى فرحان
نور:زعلان صح بس ماهو انت عليك برود يشل بلد بحالها
مراد برفع حاجه:تلاجه وبرود لسانك طول ياقطه
نور:اسفه بجد مش قصدى
مراد:هعديها بمزاجى يانور نور بجد انا بحب ومن زمان اوى وكل ماقول هعترف اخاف يكون حب من طرفى بس لما شوفت الحب فى عينيكى وخوفك عليا وقت الاصابه قولت خلاص بقي مش هضيع وقت اكتر من كدا
نور وشها احمر من الكسوف وحولت تغير الموضوع:مراد
مراد:عيون مراد
نور:احنا هنفضل متشعلقين كدا بجد
مراد:انتى فصيله اقسم بالله
نور:ماهو بصراحه الجو مش صالح لرومانسيه خالص يامراد يلا ننزل
مراد:انا بعت لفارس والشباب هيجو استنى اكلمه
مراد رن على فارس:ايه يافارس انتو فين
فارس:خلاص عشر دقايق وهنبقي عندك
اسر:هى نور معاك يامراد
مراد:اه معايا يااسر لما نخرج من هنا هحكيلك كل حاجه
اسر اتطمن وبعت رساله لسيف يطمنهم
عدى:خليكو مكانكو لحد ما نوصل
مراد:تمام
____________
عند سيف جاله رساله اسر واطمن
سيف:الحمدلله
زين:فى ايه ياسيف
سيف:اسر بعتلى بيقول نور مع مراد والشباب رايحينلهم
حياه بخوف:الشباب كلهم ليه فى ايه
ديما:اهدى ياحياه المهم اطمنا انها مش لوحدها ومراد معاها
حياه:الحمدلله
زين:كارما خدى فيروز وهنا واطلعو ارتاحو فوق شويا
كارما:حاضر يابابا
البنات طلعو
سيف:حياه اطلعى ارتاحى انتى وديما واحنا هنستناهم الحمدلله اطمنا عليها
ديما:يلا ياحياه ارتاحى عشان يكونو هما وصلو بسلامه
حياه:حاضر
زين:بتفكر فى ايه ياسيف
سيف:خايف نور يكون حصلها حاجه
زين:بدام مراد معاها متخافش
سيف:انا خايف عليهم كلهم
زين:ربنا يستر
____________________
عند مراد ونور
مراد:شايفك خلاص مبقتيش خايفه
نور:يمكن عشان انت معايا
مراد ابتسم:لما نرجع لازم اكلم الوحش
نور:بجد هتكلم بابا
مراد:فى اسرع وقت
نور ومراد سمعو صوت الرجاله تانى
نور:هما مش بيزهقو ولا ايه
مراد:هشششششش
كان فى ٣ من الرجاله تحت الشجرة
مراد شاور لنور تفضل مكانها ومراد نزل بمهارة عاليه من على الشجره وضرب واحد منهم على رقبته وقع فى الارض الاتنين اللى معاه شافو مراد وهجمو عليه ومراد اتغلب عليهم بسرعه
مراد:نور نطقى يلا
نور نطقت ومراد مسكها وكانت فى حضنه نور بعدت عنه
نور:ايه الجمدان ده كله ضربت التلاته بايد واحده
مراد:هنمشي بقي ولا ايه
نور:رجعنا لام البرود تانى
مراد مسك ايدها وبدوا يمشو براحه
نور بهمس:احنا ماشين براحه ليه
مراد:هششششش
نور:كدا هنوصل البيت السنه الجايه
مراد وقف وبصلها برفعه حاجب:هتسكتى خالص ولا اسيبك وامشي
نور بصوت عالى سمعه رجاله عمر اللى قريبين منهم:تسبنى وتمشي دانت لسه معترفلى بحبك والوقت هتتخلى عنى بذمتك اهون عليك
مراد:انتى عايزة تفضحينا مش كدا بصي كدا وراكى
نور بصت لقيت عمر وصاحبه ورجاله كتير
نور جرت مسكت فى دراع مراد:مش هزمر
مراد:انتى عاطيه لحد فرصه يزمر ولا يبطل حتى
نور:اسفه
مراد:خليكى هنا وانا هروح اتعامل معاهم
نور:لالا دول هيفرموك مش شايف مناظرهم
مراد:يفرمونى وعضلاتى دى مش عجباكى على العموم الشباب خلاص وصلو
مراد قرب من عمر:انت عايز ايه من الاخر
عمر:عايز المزة دى
مراد ضربه بوكس من قوته بوقه نزف:عينك متروحش على حاجه تخصنى فاهم
عمر:لا مانا عارف من زمان انها تخصك من وقت ماضربتنى عشانها فى الكليه
مراد:لا جدع ولاماح ياض
الرجاله بدو يقربو من مراد ومراد بيتعامل معاهم بمهارة بسبب شغله
عمر اتسحب وراح مسك نور وحط سكينه على رقبتها:مراد باشا
مراد لف شاف السكينه على رقبه نور:ابعد عنها احسنلك
عمر:لا يلا خلصو عليه
الرجاله بدات تضرب مراد وهو بيتفادى ضربهم جه واحد من وراه وضربه على راسها مراد وقع على الارض وفضلو يضربو فيه برجليهم
نور انهارت:مراااااااااااااااااد
مراد عينه عليها
نور:قوم ونبي خليك معايا عشان خاطرى ياعمر خليهم يسبوه ونبي
عمر:بتحبيه اوى كدا ياحلوة
فجأه الشباب وصلو وشافو المنظر وقربو من عمر وضربوه بحذر عشان نور عمر وقع على الارض واسر اخد نور فى حضنه وهى منهارة
نور:مراد يااسر مراد
الشباب ضربو الرجاله كلهم وعدى ساعد مراد يقف وفهد وصل بعدهم بعربيه كبيرة اللى بينقولو فيها المساجين وخد كل الرجاله ومراد قرب من عمر وفضل يضرب فيه
عدى:خلاص يامراد هيموت فى ايدك
فهد اخده على العربيه وامر السواق يروح على المقر
اسر:انتى كويسه ياحبيبتى الحيوان ده اللى عمل فى وشك كدا
نور:بوظ خريطه وشى والله
كريم:ليكى نفس تهزرى ونبي
عدى:يلا يامراد عشان تروح المستشفى عشان الجروح دى
اسر:لا تعال هنروح على البيت الكل قلقان وهناك حد من البنات يعالجوه
فارس:بس دراعه بيزف شكل الجرح فتح
اسر:كل حاجه موجوده عند حياه تعالو يلا
فهد:طب يلا نمشي
عدى:هروح انا ومراد وكريم وفارس فى عربيه مراد
اسر:تمام تعالى انت معايا فهد
نور:عمو محمد يااسر
اسر:متخافيش ياحبيبتى عم محمد فى المستشفى الوقت
نور:الحمدلله يلا نروح بقي انا تعبانه اوى
نور مشت مع اسر ولفت بصت على مراد اللى عينه عليها
فارس بهمس:يلا ياعم الحبيب من وقته
مراد بصله بصه خرسته
كريم ضحك على فارس:جبان
عدى:يلا اركبو الكل قلقان فى البيت
مراد:يلا .......