رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

 

رواية انا حامل

الفصل السابع 7

بقلم نسمة عبد الله

م حبيت اتكلم مع عدناني في حتت انو ليه م كلمني ...

حسيت انو مهتم بمشاعري و إحساسي..اتغير شديد عن العدنان البعرفو وقت اتزوجنا ...

مسحت على بطني بهدوء.. و روقان الدنيا كلو في راسي .. عدت الايام بحلاوة محببة على روحي ...♡

دخلت التاسع بيومين بديت احس بوجع طفيف على فترات و لمن كلمت يمة حنيّن بتقول لي يكون لانو ولادتك قربت ..اليوم التالت بعد صلاة الفجر قاعدة على الكرسي بعد م غلبني الرقاد طلعت برا قعدت و جا العدنان من الصلاة و استغرب قعادي لاني غالبا بعد الصلاة بنوم قال لي

"الندى ...مالك ..

أشرت ليه و قلت وانا بشيل نفس 

" العدنان ...أنا حاسة اني ح الد الليلة دي...

جا مسك يدي و قال

" حاسة بوجع ...

هزيت راسي و قلت ليهو

" و كل م هو زايد ...

مسك يدي و سندني عشان اقيف و قال 

" ح اجيب الحاجات من الأوضة...

ضغطت على ساعد يده و قلت

"م قادرة امشي ...حاسة رجلي م شايلاني ...

انحنى بهدوء وهو برفعني من على الأرض طلع و نزلني فتح الباب ركبت ..مسك يدي و قال

"م ح اتأخر اجيب الحاجات ...

كان ح يتحرك بس مسكت يدو قوي و قلت

" يمة حنيّن جيبها معاك ...

ابتسم و هو بهز رأسه بهدوء دخل البيت ...بديت اتذكر كلام الدكتورة و هي بتقول لي اتنفس كويس ...

شهيق زفير شهق زفير ..الوجع بدا يزيد و انا بقول العدنان اتأخر ليه ...طلع بخطوات سريعة و وراهو يمة حنيّن و السارة و الغالية قفلو الباب و طلعو ورا ...

قعد جنبي و اتحرك ...كنت طول الطريق متماسكة وصلنا المركز ساعدني انزل و دخلنا قبل ادخل طبع بوسة على راسي و يدي و قال

"ارجعي لي بالسلامة ..♡

بتذكر لحظات الولادة العصيبة خصوصا لانو الولادة طبيعية بس لحظة الدكتورة ختت ولد على يدي اليمين و ولد على يدي الشمال و قالت ب ابتسامة

"الف مبروك ...♡

كانت من احلى اللحظات ...و الأولى انهم توأم م كنت عارفة لانو حجم البطن كان م كبير ..ضحكت و انا بعاين لكل واحد بضحكة

بعدها تقريبا فقدت الوعي...صحيت بلمسات خفيفة على راسي فتحت عيوني و العدنان قدامي ماسك كف ايدي ب ايدو الشمال و ب ايدو اليمين بمسد على راسي و خاتي راسو علي يدو الماسكة يدي و مغمض ...

ابتسمت وانا بهز يدي بهداوة رفع رأسه بخلعة و هو بقول بلهفة ..

" نداي انتي كويسة ...

لحظة لحظة لحظة ...هو قال نداااي ..من الخلعة لمن اتشرقت جاب موية و شربني و قال

"الف سلامه عليك ي الغالية ...

عاينت ليهو بخلعة و قلت

" العدنان انا الولدت ولا انت ...

عاين لي بعدم فهم تاني ضحك و قال

" كيف يعني ...

أشرت عليهو و قلت 

" تعال كدا شوية ...

ميل علي هبشت راسو و قلت 

" لا م سخن ...

ضحك و مسك يدي من على رأسه و طبع بوسة على كفي و قال..

" لا أنا كويس ...و كويس شديد كمان ..

قرب على السرير و قال ..

" الليلة كانت احلى لحظة اعيشها في حياتي احلى لحظة..

ابتسمت وقلت 

" ممكن تجيبهم عشان حابة اشيلهم ...

ابتسم و طلع ..اتنهدت بألم طفيف اتحركت براحة و أنا بتكي على السرير و كل حتة في جسمي واجعاني ...لقيتو دخل و فتح الباب دخلت يمة حنين شايلة واحد و السارة واحد ..

ضحكت وانا بمد يدي ختتو في يدي و طبعت بوسة على راسي و قالت

"ربنا يفرحك زيي م فرحتينا ي بتي ..

مسحت دموعي وانا بمسك يدو و قلت 

"السارة جيبي التاني..

جات ادتني ليهو و قالت

:الف مبروك...يتربوا في عزكم...

العدنان قعد جنبي و قال 

"ولدين زي القمر ..زيك كدا..

عاينت ليهو و كان بعاين في وشي شديد همست ليهو و قلت 

" العدنان م تتصرف كدا لانو كدا بتوترني ...

ضحك و قال 

" حاضر ي ستهم ...

خجلت زيادة و قلت

" العدنان ...

ضحكت يمة حنيّن و قالت

" دي صدمة ي بتي ..الفرحة اثرت في رأسه...

خجلت من ملاحظة يمة حنيّن و عملت روحي مشغولة مع ..الببو...♡ الببويين...♡

ابتسمت على الاسم ..كان حجهم صغير شديد حتيتة كدا..♡ رفعت راسي على صوت السارة و هي بتقول 

" ح تسميهم منو ...

عاينت للعدنان و اتذكرت يوم عرفت انو أنا حامل ..♡ و قلت اكيد عدناني ح يسميهم على كيفو...

ضحكت و قلت 

" العدنان ح نسميهم شنو ...

قال لي 

" لسه معانا وقت ..نفكر ..

هزيت راسي بهدوء لانو أضايقت من القعدة ..لقيت العدنان بيشيلهم من يدي واحد ل يمة و التاني ل السارة و هو بقول ...ودوهم الدكتورة عشان قالت ح يقعدو اول تلاتة يوم في الحضانة ...

عاينت ليهو بتوتر و قلت 

" كويسين ..

هزا راسه و قال

"بالف خير..م تخافي ..

طلعو مننا ..جا راجع و قال بهدوء 

"اتمددي و ارتاحي حاسس انك م مرتاحة ..

اتعلقت نظراتي عليهو وانا بقول مع نفسي

" قال حاسس ...حاسي بي انا ...دا عدناني ولا غيرو..

جاب مسكن اداني و قال ..

"الدكتورة وصفت ديل و قالت بريحوك...

جاب موية و اداني قلت ليهو

" العدنان...

"هممممم ...

غمضت عيوني و قلت

"بطل تتصرف كدا لانو بتوترني ..

صمت لدقيقتين فتحت عيوني لقيتو بعاين لي..

قلت ليهو بنفاد صبر

"العدنان يااااخ

ضحك و قال 

" والله من فرحتي بيك م عارف اعمل شنو زاته و شايف انو دا قليل في حقك...

قبلت وشي بابتسامة بعدها قلت عشان اغير الموضوع

"اسمعني و ين الغالية...

قال بصوت دافي و هادي و جنين دغدغ كياني و مشاعري..

" هدي قدامي ..الغالية ام الغاليين ..

ابتسمت ربعت يدي و قلت

"يعني لو م ام الغاليين م كنت الغالية صح...

وقف و مسك يديني الاتنين و طبع بوسة على كل عين و قال 

" انتي المريودة و الغالية من اول يوم اتزوجنا فيه ولاخر يوم في حياتنا...♡

سحبت يدي و قلت

"العدنااااان بطل ..♡

          الفصل الثامن والاخير من هنا

لقراءة باقي الفصول من هنا

تعديل المقال