رواية سمو الأميرة الفصل الثالث3 والرابع4 بقلم زينب سمير
3..
- أنتِ!!
نازلي بإرتباك - انا أسفة على الأزعاج بس سمارة غفلتني ونطت من البلكونة لهنا
ضيق ما بين حاجبيه بتعجب - سمارة!!
- اه القطة بتاعتي
لمحتها وراه طالعة من البلكونة وبتتمشى بكل برود في الجناح همست بأسمها - سمارة
بص بيبرس وراه وشافها، بصتلهم القطة ولمحتهم بيقربوا منها بصتلهم بنظرة هجومية وبدأت تجري بعشوائية في كل مكان ونازلي وبيبرس بيحاولوا يمسكوها
- سمارة تعالي هنا..
قرب بيبرس منها ويادوب مسكها خربشته ونطت من بين صوابعه.. قربت نازلي ومسكت أيده اللي اتعورت تشوفها بقلق - ياخبر!! انا أسفة بجد
خلعت رباط شعرها الحريري وقربته من أيده، بعد أيده عنها بقوة و - مش مستاهلة كل اللي بتعمليه دا دي مجرد خربشة سطحية
أتنهدت وهي بتحطه جنبه..
بص لسمارة اللي لسة بتمرح جوه أوضته بكل راحة - خلينا نمسكها وتاخديها من هنا وتمشي، وجودك هنا غلط..
بصت للأرض بخجل وأومأت براسها وبعدت عنه خطوتين بحرج لاحظت سمارة هدوء صاحبتها وحزنها قربت منها وبدأت تتمسح فيها وبعدها بصت لبيبرس بغضب
وقبل ما تهجم عليه تاني مسكتها نازلي - خلاص ياسمارة كفاية كدا..
رفعت عيونها المرة دي تبصله فوقعت عيونه على عيونها بصلها للحظة بتفاجئ.. همس بخفوت شديد مسمعتوش - نـاز!
- بعتذر على الأزعاج مرة تانية
قربت من الباب علشان تفتحه في نفس الوقت اللي حد خبط عليه بسرعة قرب منها بيبرس وسحبها من دراعها للحيطة ورا الباب سندها على الحيطة ووقف قدامها حاطط أيده على بوقها يمنع صرختها اللي كانت هتفلت منها
- أشش..
رمشت بعيونها مرتين من غير كلام، سرح فيها وقرب من غير شعور منه.. لكن الخبط على الباب فوقه من حالته، جلى صوته و - مين؟
جاله صوت ميرال وهي بتحاول تفتح الباب - انا يابيبرس.. ميرال
تأفف وسـاب نازلي بعد ما شاورلها إنها تسكت، فتح الباب فتحة صغيرة وبصلها منها - نعم ياميرال في حاجة؟
- سمعت صوت من اوضتك وشوفت النور مولع قولت أكيد لسة صاحي وزهقان زيي.. فجيتلك علشان نتكلم ونسلي بعض
بص لساعة أيده وبصلها بغضب - أنتِ مش شايفة الساعة كام! أزاي تتجرأي وتجيلي في وقت زي دا، لو حد شافك عندي دلوقتي يقول علينا أية
- مش مهم يعني...
قاطعها بحدة - لا مهم، عندي أنتِ عارفة مهم قد أية
- أوف يابيبرس على مثاليتك الزايدة دي، متقلقش محدش هيفهمنا غلط لو شافنا سـوا، أنت محدش بيفهمك غلط
- علشان انا بحاول أعلم كل حاجة صح ومش هسمح ليكِ توقعيني في أي غلط مهما كان، ميرال لو سمحتي روحي أوضتك دلوقتي حالًا..
بصتله بتردد فكمل بصوت مضغوط بالعصبية - قولتلك أمشي
بصتله بخضة ومشيت علطول، قفل الباب وسنـد عليه بيتنفس بضيق وعصبية.
قربت منه تقول بهمس - أنت كويس
بعد عنها و - ملكيش دعوة ويلا أمشي أطلعي من اوضتي حالًا
بص لسمارة اللي نامت بين أيدها و - وحافظي على قطتك دي.. أزاي يسمحوا لخدامة أصلًا تربي قطة هنا!
أرتكبت و - هي مش بتاعتي انا بس..
- اه اه بتاعة الاميرة اللي مسئولة عنها فهمت، قوليلها تحافظ على حاجتها بقى..
شاور ناحية الباب - اتفضلي أمشي بقى ولا القاعدة عجبتك هنا
وشها أحمر ومشيت علطول..
بص هو لأثرها وأتنهد بضيق، مرر أيده في شعره بعصبية كام مرة - في اية بقى، في أية..
****
أتنهدت نازلي وهي ماسكة سمارة بتلاعبها - وبس ياستي بسبب السـت سمارة هانم هزقني لما شبع
رفعت راسها فجاة تكلم دينا بتعجب - بس ميرال أزاي قريبة من بيبرس دا بالشكل دا؟ هما أصحاب؟
- فاكرة الرحلة التدريبية اللي طلعها كل أمراء الممالك من كام سنة؟ وقتها أتعرفت ميرال على بعض الأمراء منهم الأمير بيبرس وزي ما أنتِ شايفة الأمير حلو أزاي ووسيم وأقوى أمير لأقوى مملكة في العالم ومتعلم ومثقف فهي من وقتها بتحاول تقرب منه وتحظى بفرصة إنها تكون معاه زي كل ما الأميرات بتحلم
زمـت نازلي شفتيها علامة التفكير و - هو كويس اوي كدا يعني؟
بصتلها دينا بدهشة - أنتِ شيفاه حد عادي يعني؟
أفتكرته وافتكرت قربه منها، بعد راسها للناحية التانية علشان ميبنش توترها لدينا ورجعت تسألها تاني - وصاحبه اللي دايمًا لازق معاه دا.. اسمه.. جاد.. باين
- بيجاد؟ دا أمير مملكة الشمال، فاكرة الأميرة اللي هربت من فترة من فرحها وأتجوزت واحد من خدمها؟ تبقى أخته
وسعت عيونها بتفاجئ فكملت دينا - هو حلو برضوا ومتعلم يعتبر من أحسن الأمراء اللي موجودين في الساحة علشان كدا بيبرس مصاحبه
قربت منها تقول بهمس - أصل بيبرس دا الكل بيقول عليه مجنون بالكمال والعظمة مبيحبش أي حاجة غلط ولا مش كاملة يصاحب أحسن ناس يكلم أحسن ناس يتعامل مع أشرف وأغني ناس، عنده حوار الطبقية دي وانا أمير وكدا.. ومستحيل يغلط في حاجة..
- معقولة في كدا؟ أزاي مجربش متعة كسر القوانين وداق طعم خطر المغامرة؟
هزت دينا كتفها بجهل.
****
- بصي ياأميرة أقفي أنتِ هنا وانا هجيب حاجة بسرعة من جوه وهاجي أجبلك التـوت اللي عايزاه، تمام؟
- ماشي، هاتي سمارة أخليها معايا
نفت دينا - لا هرجعها الجناح فاكرة أخر مرة لما فلتت مننا وشافتها الملكة سوزان؟ ياخبر.. دا كان يوم عادي تخيلي تفلت في أيام زي دي.. لا بلاش أحسن
بصتلها نازلي بحزن ومتكلمتش
ندمت دينا على كلامها بس مفيش في أيدها حاجة تعملها.
بصت نازلي لشجرة التـوت اللي قدامها، أبتسمت لما لمحت حبات التوت قدامها رفعت ايدها علشان تطولها بس مقدرتش توصلها، حاولت ترفع نفسها كام مرة لكن من غير نتيجة تأففت وهي بتحاول تمسك فستانها الأصفر الباهت بأيد وبالأيد التانية تحاول تلقط التـوت..
ملمحتش بيجاد اللي واقف قريب منها بيراقبها بأبتسامة وجنبه بيبرس ساند على شجرة وراه بضهره ومكتف دراعاته ورجل واحدة تانيها وساندها على الحيطة والتانية على الأرض بيبصلها ببرود رهيب وهو بيلمح شعرها الاشقر بيطلع وينزل معاها وهي بتتحرك وتاج ورودها المعتاد على راسها، فستانها الأصفر اللي مظهر جمالها..
قرب بيجاد منها علشان يساعدها وعيون بيبرس بتتابعهم ببرود
- محتاجة مساعدة؟
بصتله بخضة قبل ما تتعدل في وقفتها وتبص للأرض بخجل - سمو الأمير..
- لا قوليلي بيجاد بس، زي ما انا بقولك يا.. تخيلي انا معرفش اسمك لدلوقتي؟
- انا.. انا أسمي نازلي
- اسمك حلو.. زي كل حاجة فيكِ
بصت للأرض ولاعبت صوابعها بتوتر، بص للتـوت و - كنتِ عايزه تـوت؟
- اه
بعبث وهو بيقرب منها - تعالي أساعدك
قرب علشان يشيلها ويرفعا قاطعه صوت بيبرس الحاد - بيجاد أنت بتعمل أية؟
- هساعدها!
قرب منهم بضيق، خلع طاقيته اللي لابسها وبدأ يقطف حبات التـوت بعنف وسرعة ملئ الطاقية وقربها من نازلي - أتفضلي..
مسكت الطاقية منه بإرتباك وهي بتبصله بدهشة - مستنية أية اتفضلي أمشي..
مشيت بسرعة من قدامهم تابعها بيجاد وبعدها رجع يبصله - أنت بتعمل اية؟
- أنت اللي كنت هتعمل اية؟ هتشيلها!!
- أوف هتقولي دلوقتي أفرض حد شافك برضوا، بس شكلك مش واخد بالك إننا المرة دي في مكان مهجور ومحدش قريب مننا
قالها وهو بيبص حواليه في حديقة القصر اللي قطعوا جزء كبير منها لحد ما وصلوا للحتة دي
- هي صح لية دايمًا بلاقيها في أماكن مقطوعة ومهجورة زي دي؟ حتى جناح الاميرة بتاعتها في الناحية الغربية من القصر الهادية اللي مفهاش صويت ابن يومين اللي حضرتك أخترت نقعد فيها علشان هادية
- ملناش دعوة بيها ويلا علشان نرجع، معاد الغدا قرب.
****
- انهاردة يوم الرقص العشوائي
- الرقص العشوائي؟
- ايوة، كل الايام اللي فاتت كان كل واحد بيرقص مع اللي عايزه وقرايبه وكدا، انهاردة الكل هيغمي عيونه وينقى حد بطريقة عشوائية يرقص معاه، الله بجد هتبقى أجواء حلوة اوي..
اتنهدت نازلي بحزن أنها ممنوعة تحضرها
دينا بحماس - ما تيجي تحضري ياأميرة انهاردة؟
بصتلها بسخرية و - عايزاني انزلهم كخدامة زي ما الملكة قالت؟
- لا بس.. انهاردة الكل هيكون حاطط شريطة على عينه ومش هيكون شايف حد، استغلى الوضع وقبل ما تتخلع الشريطة والرقصة تخلص تطلعي بسرعة من الساحة
نازلي بضحكة خفيفة - اية جو سندريلا دا
- دي فرصتنا الوحيدة علشان لو حابة تحضري حفلة من الحفلات..
بصتلها نازلي بتفكير و...
4..
في قاعة الأحتفال، أعلن المنظم عن بداية الرقصة، والأضواء أنطفت، بدأ الكل يستعد
سأل بيجاد بيبرس بحماس - مش هتشارك؟
- لا، مليش انا في الهبل دا
قالها وعيونه وقعت على باب القاعة اللي أتفتح وطلت منه نازلي بفستان أسود مبهر بتبص حواليها بتوتر وإرتبـاك، ماسكة في أيديها شريطة فضية اللون.. لمحت سوازن قريب منها فأتخبت بسرعة ورا عمود.
همس وهو بيبص لمكانها اللي أختفت فيه - ولا أقولك.. هرقص.
وسبقه علشان يروح للساحة سايب مكانه بيجاد بيقول بدهشة - أمتى لحق يغير رأيه دا!!
تعالت صوت الموسيقى ولسة نازلي متخبية ورا العمود، جالها صوت دينا - سمو الأميرة!
- مش قادرة يادينا، شكلي خلاص اتعودت أبقى في الضلمة
ربتت دينا على كتفها بحزن و - طيب هروح أجبلك أكلك ونطلع سـوا
سابتها ومشيت، الأضواء ضلمت أكتر وبدأت كل الثنائيات يختاروا بعض بعشوائية
فجأة لقيت حد واقف وراها بيسحب الشريطة من بين أيديها ويلبسهالها.. أرتعشت بين ايديه ولسة هتصرخ قرب وهمس في ودنها - أشش..
ربطها ليها ولفها علشان تواجهه، حط أيده على وسطها والتانية مسك بيها أيدها وقرب بيها ناحية الساحة علشان يرقصوا
دقات قلبها كانت بتتعالى بجنون، حاسة إنها عارفة الشخص دا
- أنت مين؟
- حد بيلاقي نفسه كل مرة قدامك مش عارف يسيطر على تصرفاته معاكِ.. سايب نفسه ليكِ
همست بتشوش - سايب نفسه؟ أنت جاد؟ بيجاد!
أيديه أشتدت على وسطها و - مش لازم تعرفي.
لفها حوالين نفسها مرتين ومع التالتة انتهت الموسيقي، وقفت مكانها ورفعت الشريطة علشان تشوفه لقيته مختفى، واحد قريب منها كان بيرقص مع واحدة، نزع الشريطة عرفته.. كان بيجاد!
ضيقت حواجبها بعدم فهم، بصت حواليها تاني بتشوش وقعت عيونها على سوزان بتبصلها بنظرات حادة وقربت منها خطوتين
بصتلها برعب وطلعت تجري من الساحة وعيون الكل ألتفتت حواليها
الكل بصلها مسحور! كأنها أميرة هاربة من زمن تاني.. ودخلت عليهم فجأة
جمالها ملهوش زي، فستانها أسود مع شعرها الطويل الأشقر، قوامها، كانت كأنها فراشة!
- مبهرة!
- مين دي؟
- أزاي مشوفنهاش قبل كدا؟
- بنت مين دي؟ انا مستعد اتجوزها حالًا
وكثرت الأسئلة وتبادلت الأسرة الحاكمة نظرات صامتة
****
- سمو الأميرة!!
قربت وقعدت على ركبتها قدامها وهي شيفاها منهارة من البكاء، رفعت نازلي عيونها اللي أحمرت من العياط وبصتلها بدموع - هيعقبوني أكيد، هيمنعوني أطلع من الاوضة تاني زي زمان، أكيد هيرجعوني الأوضة القديمة، دي مخيفة أوي يادينا
أتنهدت دينا بحزن عليها و - إن شاء الله متحصلش حاجة، القصر زحمة ومليان ملوك هيخافوا يعملوا أي حاجة تسوء سمعتهم
أتفتح الباب مرة واحدة وطلت منه سوزان الملكة وجنبها الملك رشيد.. والدها!
- أطلعي برة
قالتها سوزان لدينا، اللي مسكت نازلي أيدها بخوف
سوازن بحدة - أطلعي برة ياما هتتعاقبي معاها ومش لوحدك أنتي وجوزك الحارس.. هدرج أسمه في قائمة الجنود اللي هيخوضوا الحرب
دينا برجاء وبتحط أيدها على بطنها - لا أرجوكي متيتميش أبني من قبل ما يجي
- يبقى تسمعي الكلام
بصت دينا لنازلي بقلة حيلة وخرجت
قفلت الباب وقربت منها - أزاي تتجرأي وتكسري كلمتي؟
رفعت نازلي عيونها بس مبصتلهاش، بصت وراها لوالدها رشيد.. اللي عيونه كانت بتتهرب منها
- انا بس كنت عايزة أحضر فرح أختي
صرخت نازلي - دي مش أختك، أفهمي بقى محدش من العيلة دي أنتي ليكي صلة قرابة بيه، أنتي مجرب نكرة.. غلطة وهندفع التمن العمر كله بسببها
دمعت عيون نازلي وبكت بأنهيار - انا مش قادرة أعيش في الضلمة أكتر من كدا، ياأما تخرجوني من المملكة دي وانا مش هعرفكم طريقي تاني يااما هعرف الكل انا مين، وهقول اني بنت الملك المبجل
شاورت لوالدها اللي بصلها وكملت بدموع - بنته الغير شرعية من الخدامة، وساعتها وروني هتخبوني تاني ازاي
قربت سوازن منها ومسكت دراعها بشراسة - أنتِ بتهددينا؟!
- دا اللي عندي
- تمام حلو اوي، القطة طلعلها صوت أخيرًا انا هوريكِ مقامك الحقيقي يانازلي بس نخلص بس من الفرح دا
رمشـت بخوف و - يعني اية؟
سـوازن بقسوة - مش أنتِ عايزة تخرجي برة القصر دا؟ انا هخرجك، جهزي نفسك هجوزك بعد ما نجوز أسمهان هانم
قربت منها وكملت بسخرية - بس اسمهان هتتجوز امير أبن أمراء حاجة تليق ببنت الملكة سوزان، اما أنتي هتتجوزي خادم هنا.. المكانة والزوج اللي تستحقيه أنتي وأمك
خرج صوت رشيد أخيرًا - سوزان..
بصتله بحدة فتابع - جواز نازلي أنتي ملكيش دخل بيه، نازلي..
قاطعته بحدة - نازلي اية؟ لتكون أتجننت وعايز تطلعها للنور وتعرف الناس بيها! تبقى أتجننت رسمي دي تبقى نهايتنا..
البنت دي..
شاورت لنازلي و - النقطة السودة الوحيدة اللي في حياتنا وأنت السبب فيها طيشك وجنانك هما السبب
رشيد بقوة - الحب عمره ما كان طيش.. انا حبيت جيهان ولو كانت لسة عايشة ومامتتش وهي بتولد نازلي انا كنت أتجوزتها وسـاويت الرؤوس ببعض وبنتها هتبقى أميرة زيها زي عيالك.. انا اللي سكتني ان جيهان ماتت
تدخلت نازلي بدموع - فقولت مش مهم بقى بنتها، اسلمها لسوازن تطلع فيها غلها كله وأكفر عن غلطتي
بصلها بحزن فتابعت نازلي بجمود وهي بتبص لسوزان - انا موافقة على كل اللي هتعمليه فيـا
سوزان - حلو اوي علشان الطاعة دي هقلل عقابك ممنوع تطلعي برة الأوضة دي مهما كان التمن، وبعد فرح أسمهان هعرض عليكي كل رجالنا وتختاري منهم اللي يعجبك وهجوزهولك..
قالت كلامها وخرجت، فضل رشيد واقف مكانه بيبصلها بآسف، بعدت وشها عنه وبصت لـ اللا شئ بحزن.
****
مـر يومين ونازلي حبيسة أوضتها، دخلت دينا وقربت من الشرفة فتحت الستائر فدخل ضوء الشمس ينور الأوضة ووقع على نازلي وشعرها اللي كان مرمي على المخدة جنبها.. لمع شعرها تحت ضوء الشمس، وهي زاد جمالها الضعف بالفستان اللي لونه أخضر باهت اللي كانت لبسـاه..
- يـلا علشان تفطري ياسمو الأميرة
- حطي الأكل يادينا وانا لما هجوع هقوم أكل..
قربت دينا وفي ايديها سمارة حطتها جنب نازلي فقربت القطة منها وبدأت تتمسح فيها وتمسح على شعرها بلسانها ضحكت نازلي وهي بتنام على ضهرها وبتاخد سمارة في حضنها
- كفاية ياسمارة خلاص عرفت اني وحشتك وانتي كمان وحشتيني
قالتها وهي بتتنهد وتحضنها وتبوس فيها كمان
خبط الباب فقربت دينا منه، فتحته فطل منه بيبرس، لمح من وراها نازلي بشكلها دا شعرها في كل مكان وهي مفترشة السرير وسمارة في حضنها بتلاعبها بصلها للحظات بعيون واسعة قبل ما ينتبه لحاله ويبص لدينا و - انا بس كنت..
لاعب شعره بتردد وكمل - خبطت على الباب الغلط
قالها ومشى علطول بعد ما رمى نظرة أخيرة على نازلي اللي مأخدتش بالها من وجوده.
رجعت دينا وفي بسمة خفيفة على وشها
- عارفة مين كان هنا؟ الأمير بيبرس
- وكان عايز أية دا؟
- بيقول إنه أتلغبط في الأوضة بس على مين، تلاقيه كان عايز يطمن عليكِ علشان مختفية بقالك يومين
- بطلي أحلام يادينا وناوليني صينية الأكل
لفت أنتباهها بطن دينا اللي منتفخة شوية - لسة معرفتيش ولد ولا بنت؟
بصت دينا للأرض بخجل - لسة بس ضياء قالي مش فارق معاه اية اللي هيجي كفاية إنه مني
ضحكت نازلي ورجعت تبص لسمارة تاني وتلاعبها
قعدت دينا في وشها وحطت ايدها على خدها و - وانتِ بقى هتعملي اية؟ هترضى بالأمر الواقع كدا ومش هتتكلمي وهتعملي اللي سوزان عايزاه؟
- تعبت من المناهدة يادينا، أهو خليني أتجوز اللي أتجوزه وأطلع من القصر دا وأرتاح
- أنتي اميرة يانازلي، أميرة ولازم تتعاملي كأميرة مفيش حد في الممالك كلها يستحق يبقى أميرة وملكة غيرك.. جمالك وذكاءك ولباقتك كل دا يرجح كفتك عن أي حد.. دا انتِ لو ظهرتي للنور، ياخبر على عروض الجواز اللي مش هنلاحق عليها
نازلي بسخرية - من الجنود والعمال ياحبيبتي.. انا أميرة غير شرعية لو ناسية
- مش كل الناس بتفكر كدا دلوقتي، عندك المملكة الغربية الملك بتاعها من حاجة وعشرين سنة وقف قدام الكل وأتجوز الملكة وكانت بنت غير شرعية برضوا وأهو محدش قدر يكلمه ولا في حاجة حصلت لبلده
- دي حالة من وسط ألف، حاجة متحصلش دلوقتي يادينا، عندك أنتِ مثلًا واحد زي الأمير بيبرس اللي بتقولي عليه دا اللي بيقدس الكمال وبيتبع البرتوكلات تتوقعي يرضى يبص لواحدة زيي؟
دينا بأحتجاج - لو حبك يمكن..
- مش هيحبني، مش هيديني فرصة إنه يحبني أصلًا دا هو مفكرني مجرد خادمة ومش راضي يبص في وشي تخيلي لما يعرف إني بنت غير شرعية! بطلي تخليني أحلم يادينا وروحي شوفي شغلك، انا كويسة
بصتلها دينا لمرة أخيرة وبعدها مشيت.
****
- كنت فين كدا؟ ومالك ساكت لية! بقالك يومين مش طبيعي
- مفيش انا كويس يابيجاد
بص حواليه بملل - هو الفرح دا مقربش يخلص!
بيجاد وعيونه بتلف في المكان بمرح - لية ما الدنيا لذيذة أهي.. شايف البنت دي حلوة أوي..
بصلها بيبرس بسرعة وبعدها رجع يبص قدامه تاني بخيبة أمل، ضيق بيجاد حواجبه بتذكير - صح نازلي.. عارفها انت صح؟
بيبرس بلامبالاة مصطنعة - البنت الخدامة دي؟
- اه، مختفية بقالها يومين
لمح دينا جاية من بعيد ومعاها راجل - بس.. بس.. أنتِ ياحلوة
بصله الراجل اللي معاها بصة شـر مسكت دينا دراعه وهمست بحاجة وبعدها قربوا منهم
- نعم ياسمو الأمير
أنحنت ليهم هي والراجل اللي معاها وبعدها بصتله بتساءل
بيجاد - كنت عايز اسألك عن نازلي الخدامة
بصله الراجل بدهشة أثارت انتباه بيبرس قبل ما يقول بأندفاع - خدامة اية؟ نازلي هانم دي أم...
قاطعته دينا - الخدامة نازلي كويسة ياسمو الأمير، عايز منها حاجة؟
- لا أبدًا، خلاص أتفضلي أنتِ بس أبقى قوليلها إني سألت عنها
اومأت بنعم ومشيت هي وزوجها وعيون بيبرس بتتابعه بنظرات حادة.
قبل ما يرجع يبص قدامه ويرفع راسه تحديدًا بيبص لشرفة نازلي
أول مكان لمحها فيه!
في اول لحظة وصل فيها القصر دا!
كانت أول وش يشوفه
ويتمنى ميشوفش غيره!
همس أسمها بخفوت شديد و - نـازلي، أنتِ عملتي فيـا أية بالظبط؟!