رواية عذراء الرعد كامله بقلم بسمه ) جميع الفصول حتى الاخير الخاتمه

 رواية الخادمة وفرعون الصعيد الفصل الثالث عشر13والرابع عشر14 بقلم نوران احمد

هنا : بقول لك ايه ما تيجي نروح نقعد في اي كافيه كده على ما يجي جاسر اصل بصراحه انا تعبت من الوقفه وما ينفعش وقفتنا دي وجعانه قوي

رنا : لا لا جاسر قال نفضل مستنيين قدام المدرسه لحد ما هو يجي وانا هسمع الكلام انا مش ناقصه كل شويه يقول لي كلام يضايقني او حتى يقول لي ما اشوفش وشك او يبقى في عقاب انا مش عايزه وجع دماغي انا هسمع الكلام وخلاص

كان في شباب معجبين جدا بيهم وقرب واحد منهم وقال : كيفك يا جمر لو سمحتي هو اني كنت عايز اسال على كذا حاجه اكده في المدرسه بس حاسس ان اني اول مره اشوفك هو انتي جديده اهنه

خافت رنا واتوترت وبصت لهنا اللي قالت : اه احنا جداد فعلا هنا فما نعرفش حاجه في المدرسه فلو عايز اي حاجه ممكن تدخل جوه وتسال

بعد الشاب عن هنا وقرب من رنا وقال 

الشاب : اني جولت اتعرف عشان لو في حاجه اجدر اساعدك بعد اكده اصل اني في المدرسه اهنه على طول فممكن تدي لي رجمك عشان لو اكده اجيب لك اي حاجه جديده ومعي مذكرات ممكن اجيبها لك

هنا بضيق : في اي يا حلو ما يا عم قلنا مش عايزين فارقنا بقى مش عارفه انا ايه السماجه دي يا ربي 

ابتسمت رنا لما شافت عربيه جاسر من بعيد قرب الشاب وقال : ايوه بجى يا جمر ضحكت يعني جلبها مال وخلاص الفرج ما بينا اتشال جولي لي بجى اسمك ايه يا حلوه انتي 

رنا : نعم مين انا ها ابعد عني لو سمحت احسنلك 

دخل جاسر وهو شايف الولد ده مقرب من رنا وكان شايفها مبتسمه من بعيد فتضايق جدا نزل من العربيه بسرعه وراح عليهم وقال للولد

جاسر : مين ده وبيعمل ايه اهنه وبص للبنات الخائفين وباصين في الأرض ووجه كلامه للولد نعم عايز ايه يا شاطر 

الشاب بتوتر : اني بس كنت عايز اساعد كيف بنتين كيف الجمر اكده واجفين لحالهم جولت اساعد بس اكده

اتعصب جاسر وقال له : اني لو شفتك جريب منيهم مره ثانيه اني مش عيكفيني ان حتى اوديك للي خلجك غور من اهنه ما عايزش اشوف وشك واصل

وبص بعصبيه لرنا وهنا وقال : اركبي العربيه انتي وياها وحسابنا بعدين علي جله الحيه دي 

ركبه رنا بخوف وهي بتبص له بقلق وبعدين قالت لهنا : انا ما عملتش حاجه تفتكري هيعاقبني او هيقول لي حاجه انا خايفه انتي اللي كلمتيه انا مليش دعوه 

هنا : ما اعرفش بس هو متعصب قوي فانتي حاولي ان انت تسمعي وانتي ساكته ومتتكلميش واكيد هو ما يقصدش الكلام اللي هيقوله وعلى فكره هو عارف ان احنا ما عملناش حاجه غلط بس هو متضايق من فكره ان في واحد وقف معانا استحملي بقى موجه الغضب اللي هناخدها دلوقتي احنا مع بعض في السراء والضراء يا حبيبتي مفيش حاجه اسمها مين اللي كلم ومين لا مش كنتي واقفه معايا 

ركب جاسر ورزع الباب وراه ووصل بيهم عند القصر اول ما وصل نزلوا البنات جري على جوه دخل وراهم جاسر بعصبيه وقال لي رنا. اعملي حسابك ما فيش مروح مدرسه واصل بلا مرجعه وجله ادب 

رنا بخوف : لا بس انا عايزه اروح المدرسه انا بحب اروح المدرسه انا ولا مره رحت مدرسه ونفسي اروح وانا ما عملتش حاجه عشان تقول لي ما اروحش ثاني

كانت هنا بتحاول تسكتها وتبعدها واول ما اقرب جاسر من رنا بعصبيه جريت هنا على فوق وسابتها بصت عليها رنا وحست بالخوف زياده جوه قلبها وقالت : واطيه واطيه أقل حاجه تقفي جنبي 

قرب جاسر اكتر وقال : اني معيزش اسمع حديث واصل كلامي عيتنفذ ولو حتم عليا الأمر اني احبسك اهنه وعايز اجولك حاجه مهمه جوي مفيش طلاب ثانويه بيروحو المدرسه اني جولت عشان معتعرفيش اي احساس المدرسه تروحي وتغيري جو بس بعد اللي شوفته ده معسمحش ليكي تخرجي من اهنه واصل انتي فاهمه اطلعي علي غرفتك امشي من كدامي 

جريت رنا بدموع علي اوضتها لقت هنا هناك 

هنا : علي فكرة بقا هو معاه حق وكلامه صح اديكي شفتي لما روحنا هناك كان في ولاد قليلي الادب ازاي وبعدين اصلا ما فيش مدرسين بيدوا ثالثه ثانوي عشان كده ثالثه ثانوي بيقعدوا في البيت بيمتحنو بس 

رنا : كان ممكن يقول كده بشكل هادي لكن هو تعصب عليا وزعق فيا جامد وانا ما بحبش كده هي دي نقطه الاختلاف ما بينا

في المطبخ تحت كانت ساره بتكلم نرجس 

ساره : عملت زي ما جولتي لي يا ست البنات ولعت في الاوضه وكنت بحسبها فيها بس طلعت بسبعه ارواح طلعت ما كانتش هي اللي في الاوضه وانا ما اعرفش اعمل ايه خايفه يتكشف امري ولو اتكشفت هتبجى مشكله واعره جوي جوي ما عتعرفيش جاسر بيه كد اي بيهتم بيها 

نرجس : عشان اكده ده لازم اخلص منيها وانتجم منه من اللي عمله في ابوي بس اني ععرف كيف احرج جلبه عليها وانتي لو مسكوكي باي شكل واتحددتي عني هبعتك للي خلجك واتويكي

ساره : معتجلجيش واصل يا ست البنات اني ععرف كيف اتخلص منيها بس متنسيش حلاوتك ومحدش اهنه ممكن يشك فيني ابدا ولو حوصل هاخد الأمور علي كرامتي واستيب الشغل معتحددش عنك واصل يا ست البنات اطمني 

نرجس : ما تتحركيش من غير ما اجول لك استني اوامري و اشوفك راجبي الوضع كويس جوي اول ما تحسي ان البيت فاضي او ان الدنيا امان ابعتي لي وبس كده تتحركيش اي خطوه من غير ما تقولي لي سلام

في مكتب جاسر 

دخل حسين : بقول لك ايه انا عرفت ان اللي اتسبب في الموضوع ده حد من اللي عندك في القصر وغالبا من الخدم ولما اتكلمت مع سميه لقيتها بتتكلم معايا وهي متوتره كانها عارفه حاجه بس مش عايزه تقول عشان كده انا هراقب الوضع كويس قوي الفتره دي اما بقى بالنسبه لتوفي فهو متضايق جدا منك وشكله هيخاصمك قريب وفي مهمه جديده ولازم نخلص منها ها معايا ولا ايه

جاسر : عندي احساس ان اللي عايز يخلص من رنا حد بره القصر ده وحد ليه مصلحه كبيره في كده مش قادر افكر مين اللي ممكن يكون ليه مصلحه في ده بس كل ما افتكر حوار سعد اللي كان عايز ياخدها اتعصب انت عرفت حاجه عن الموضوع ده

حسين : لحد دلوقتي قلبت الدنيا وعملت كل تحرياتي ما فيش اي سيره عنه كانه مختفي ما لوش اسم محدد معروف بيه ما لوش مكان ما حدش يعرف اي حاجه عنه لسه هياخد وقت أما بالنسبه لموضوعنا بقا اي

جاسر : تمام ماشي بالنسبه لموضوعنا مش عارف مش قادره افكر بس سيبني لحد بالليل وبعدين جيب لي كل المستندات الخاصه بالمهمه دي وهنشوف هنعمل ايه فيها هنشوف هنخطط فيها ازاي

في اوضه البنات كانت رنا وهنا قاعدين بيتكلموا مع بعض وفجاه سمعوا حاجه بتخبط على الشباك عندهم طلعوا فتحوا الشباك لقوا حاجات بتتحدف جوه الاوضه وفجاه وو 

الفصل الرابع عشر 

عندهم طلعوا فتحوا الشباك لقوا حاجات بتتحدف جوه الاوضه بتدخل من الشباك بصوا فيها لقوها جوابات استغربوا جدا بصت رنا وهنا لقو نفس الشاب اللي كان واقف قدام المدرسه وبيتكلم معاهم واقف قدام باب القصر وبيحاول يحذف الجوابات عشان توصل لاوضه رنا فتحت رنا واحده من الجوابات دي لقته بيوصف فيها شكلها وانه معجب بيها فاتصدمت

وقالت رنا  لي الهنا : اي ده انا بجد خوفت انا انا مش عارفه اعمل ايه دلوقتي جاسر لو شاف الموضوع ده هيعمل لي مشكله وانا اصلا مش ناقصه علاقتي بيه لحد دلوقتي زفت

هنا : بقول لك ايه سيبي لي انا الموضوع ده انا هنزل اديله ب اوسخ جزمه على دماغه ايه القرف اللي هو بيعمله ده شغل المراهقه ده  محبوش انا رايحه انا ها خليكي هنا ما تنزليش سلام

نزلت هنا ناحيه البوابه وهي بتتسحب وبتبص حواليها شافها حسين من بعيد ونزلت وراها 

هنا : انت يا ابني انت متخلف انت ايه اللي جايبك هنا وعرفت اصلا البيت منين هو انت مشيت ورانا لو كد من البيت شاف خلقه اهلك دي هينفخك انت مخوفتش من تهديد جاسر الصبح شكلك مستغني عن روحك 

الشاب : اني اول مره اشوف جمر وعشان اكده ما عسيبهاش واصل لازم اوصل لها حبي ليها هوصلك حتي لو عارف اني ممكن اموت 

هنا : يا شيخ غور في داهيه يا ابني حب ايه وقرف ايه انت متخلف انت عارف لو جاسر او حد من القصر شافك هيعمل فيك ايه امشي من هنا ومتجيش تاني انا قلبي عليك وعلي مصلحتك يا ابن الناس 

دخل حسين في اللحظه دي وعيونه فيها شر 

حسين بغضب : يعني مستخفلانه وتعرفي واحد وكمان بتقابليه يا بجاحتك

مسك حسين الولد من ياقه قميصه ولسه هيقرب يضربه وقفت هنا ومسكت ايده اول ما مسكت ايده فك ايده عن الولد فالولد طلع يجري 

هنا بخوف : ا  ا افهم ب بس اسمعني يا حسين انت فاهم الموضوع غلط الموضوع مش زي ما انت فاهم

مسكها حسين من ايديها بغضب وسحبها لجوه 

حسين : لا والله ايه اللي انا فاهمه غلط ها ما تنطقي تمام لو انا بقى فاهم غلط انا هوديكي لجاسر تفهميني انا وهو الصح 

هنا بخوف : لا لا لا لا لا لا لا بلاش جاسر الله يخليك يا حسين هفهمك والله الموضوع مش زي ما انت فاهم انا هشرح لك والله وهفهمك بس بلاش بلاش جاسر اسمعني اول مره اخاف منك بجد متبقاش كدا 

وقف حسين وبص ليها شاف دموعها 

حسين : انتي بجد يا هنا خايفه مني...... طب انتي شايفه اللي انتي عملتيه ده صح انك تقابلي واحد وان انا اسكت او اتعامل بهدوء في موقف زي ده ده صح

هنا بدموع : اول مره تزعق لي واول مره تتعصب عليا وشكلك خوفني انا مش متعود عليك كده انا دايما بحس بالامان معاك اول مره اكون خايفه انا ما عملتش حاجه غلط وانا عمري ما حبيت ولا سمحت لولد يكلمني بس

ضغط علي ايديها جامد وقال بغضب  : ما عملتيش حاجه غلط انك تروحي تقابلي واحد وتقفي معاه ده انتي ما عملتيش حاجه غلط مستنيه مني اعمل ايه اه بتحس بالامان معايا وانا مش قادر اقف هادي او اهزر معاكي او اتكلم وانا شايفك مع واحد انا بغير... جدا علي فكره يا هانم وجو الاستهبال ده محبوش 

اتكسفت هنا  وحست بحاجه في قلبها ولسه دموعها بتنزل قالت : ايدي يا حسين ايدي انت بتوجعني قوي لو سمحت الموضوع كله ان في واحد وقف واحنا في المدرسه وكان عايز يتعرف علينا واحنا رفضنا وهو حاول يقرب من رنا اكثر ويعرفها اكثر بس رنا كانت بتبعده وهي خايفه ان جاسر يعرف وهيعمل مشكله ف فتفاجئت ان هو واقف قدام باب القصر وجاسر لو عرف هيعمل مشكله كبيره قوي وخصوصا لرنا وانا عايزه احسن العلاقه ما بينهم هو ده كل الموضوع رحت علشان اقول له يبعد من هنا وانه هيتاذي لو فضل هنا وبس والله

ساب أيدها وقال حسين : ممكن حاجه زي كده تيجي تحكيها لي انا بسمعك كويس قوي وعندي هدوء انتي عارفه لكن  لما اشوفك في منظر زي ده انتي بجد هتشوفي وش عمرك ما شفتي قبل كده ومتزعليش مني وقتها اي حاجه اكون عارفها قبل اي خطوه تعمليها اكون عارف غير كده انا مش هسمح ده لو عايزه  هتشوفي وشي التاني انتي فاهمه 

هزت هنا راسها : فاهمه فاهمه خلاص اخر مره والله يا حسين وهبقا اقولك اي حاجه متوقعه اي من صاحب جاسر لازم يكون زيه 

حسين : امسحي دموعك دي مبحبش اشوفك كدا وبعدين انا زيه في الخطوط الحمره غير كدا انا متفهم جدا 

هنا بضيق : ما هو اصلا كله بسببك انت دموعي تنزل اي المشكله لو كنت عديت الموضوع وفي الاخر مبحبش اشوف دموعك اصلا واضح 

حسين : بقولك اي متخلينيش اقلب عليكي واتفضلي انجري قدامي  

هنا بهدوء : لا مش هروح اي مكان غير لما تصالحني طيب 

حسين بستهزاء : نعم اصالحك قال اصالحك قال .... عايزه اي من الاخره 

ابتسمت هنا : شوكولاته كتيييييير اوي واي حاجه قدامك في السوبر ماركت جيبها مش هقول لا 

حسين : تعالي يا مشاكل جيبي اللي انتي عايزاه معايا مش عارف انا ماشي مع بنت اختي ولا اي ده 

هنا  : اذا كان عجبك يا استاذ مع عجبك طلقني عادي جدا 

حسين : عاجبني عاجبني مقدرش اقول غير كدا بس اوصل للجواز والباقي سهل 

اما في اوضه رنا فضلت رنا تبص علي مكان الولد وهنا 

رنا  : هو فين وفين هنا هما ليه مش باينين وبعدين شافت كام ورقه على الارض ولسه بتوطي تجيبهم  الباب اتفتح خبت بسرعه الورق ورا ظهرها وفي ورقه وقعت وبصت بخوف وتوتر لجاسر اللي واقف قدامها 

جاسر : في ايه مال وشك انقلب كدا ليه انتي عامله حاجه غلط وخايفه ولا ده تأثير كلامي الصبح 

رنا : ها لالا ابدا مفيش اي حاجه خالص انا انا تمام مش عشان حاجه 

جاسر : كنت جاي  عشان حسيت ان انا انفعلت عليكي زياده شويه وكان لازم افهمك الامور بشكل ابسط وبهدوء بس انا اتعصبت شويه بسبب الموقف اللي حصل الصبح ف ما تزعليش مني

رنا بابتسامه : مش زعلانه منك طبعا انا عارفه ان انت خايف عليا بس ممكن بعد كده لو سمحت تتكلم معايا بهدوء انا بجد بخاف من الصوت العالي وفجاه وقعت ورقه من اللي في ايديها على الارض شالتها بسرعه من على الارض وحطيتها ورا ظهرها وبعدت 

جاسر  : اي اللي مخبياه وري ظهرك في اي في ايدك بتخبي الورقه مني ليها فيها أي 

رنا : ها لالا ولا اي حاجه كنت كنت كنت بس بلم الورق والزباله اللي علي الارض بس 

جاسر بضيق : رنا مش لايق عليكي الكدب ولو بتعرفي  وريني اللي في ايدك مخبيه اي وري ظهرك 

بعدت اكتر بخوف وهو شك اكتر وقرب منها وشد ايديها وسحب من أيدها الورق و

يتبع 

                     الفصل الخامس عشر من هنا

لقراءة باقي الفصول من هنا

تعديل المقال