رواية اقتحمت حصوني كامله بقلم ملك ابراهيم ) جميع الفصول حتى الاخير الخاتمه

رواية ضوء القمر الفصل التاسع عشر19والعشرون20 بقلم سحر السحرتي

ذهب الفريق لمنزل الحاج جابر وتعرفت تولين على الحاجة نفيسة وحضنتها بشدة حتى احست الحاجة نفيسة بشعور غريب فى قلبها لتولين وتبينت من ملامحها واعاقتها انها حفيدتها فهمست فى اذنها

:انت بنت حسن

:اه يا تيتة هو موجود نفسي اشوفه قوي

:وطي صوتك شويه وهخليك تشوفيه

*سلمت الحاجة على جميع أعضاء الفريق بنفس الطريقة حتى لا يلاحظ الحاج جابر شئ

*بعد الغذاء غنت تولين اغنية ادمعت لها العيون 

:انا هغني اغنية لبابا عشان مسافر بقاله مدة طويلة (ناقصني امان) 

$انا مش قادرة اصدق لسه ان انت سايبني & واني خلاص مش ممكن اشوفك وتكلمني

$طب مين بعدك يدي حنانك ويطمني &مين هيطبطب مين هشكيله هرمي عليه

$راح السند اللي مقويني وبتحامي فيه &مك--سور ظهري واحساس عمري ما حسيت بيه 

$انا ما شبعتش منك لسة ناقصني امان &اه لو ينفع ترجع اشوفك حبة كمان

$انت سامعني رد على انا قلبي واج--عني& الايام من بعدك صعبة ربنا بعدك على تعبي يعني 

*كانت تبكي عندما تذكرت حادثة الاغت-ص-اب  وان والدها هو من كان سيحميها وكان هدفها ان يشعر جدها بق--سوة ما فعله واحتياجها الشديد لوالدها

بقلمي سحر السحرتي

*ذهب زياد اليها وامسك يدها ومسح دموعها وهمس لها 

:بطلي عياط احسن احضنك قدامهم وابوسك

*فضحكت عندما تخيلت ماذا سيحدث له اذا فعل ذلك

*قامت الحاجة نفيسة واحتضنتها وارادت ان تخفف عنها : قومي اتمشي في الارض عندنا ساقية جميلة وبعدين تعالي غني حاجة حلوة بدل النكد ده

*فضحكوا جميعا واخذها زياد لتسير قليلا مثلما قالت لها جدتها واتجه الى الساقية التي أشارت عليها جدتها وعندما اقتربا وجد تولين تسرع وكادت ان تقع لكن يد رجل فى الخمسين من عمره امسكتها واحتضنها واخذت تقبل كل جزء من وجهه وتبكي وتقبل راسه ويده وتعود وتحتضنه وهو ايضا ياخذها في احضانه ويبكي 

:سامحيني يا حبيبتي بعدت غصبن عني

:وحشتني قوي يا عمري كنت محتجالك قوي كل مرة كنت بفوز فيها كان نفسي تبقى موجود تفرح بيا كل مرة كنت بغني كان نفسي تسمعني حبيبى يا بابا

:عارف كل حاجه كنت متابع اخباركم من بعيد وكنت فخور بيك انت واخوك واختك بس مقدرتش ارجع

:ليه يا بابا ما جدي اتغير ولة انا بيتهيالي 

:اتغير بس مكسوف من امك انا مقدرتش احميها من اللي عمله واني كذبت عليها وكنت متجوز ومخلف بس هي كانت محتاجه حد معاها يحميها هي وولاء وامجد صاحبي وصاني عليهم قبل ما يموت ما قدرتش اقول لها اني متجوز لانها كانت هترفض

:ايه متجوز ومخلف

:هي ما قالتش

:لا انا اصلا لسه عارفه انك في مصر من مدة قصيرة كانت قايلة انك مسافر وكنت بحوش عشان اسافر وادور عليك 

:امك دي اصيلة مش عايزة تش--وه صورتي قدامكم

زياد :احم احم 

:نسيت اعرفك زياد خطيبي اذا وافقت عليه رافض نشوف غيره اللي تؤمر بيه 

: انت لسة شقية 

:شقية بس يا عمي مجنناني معاها وبتبعني بسهولة يرضيك

:اهلا يا ابني مبروك طبعا موافق وربنا يعينك عليها 

:ايه ده شكلك هتتفق معاه عليا دى انا غلبانة 

*وامسكها من وجنتيها وقال بمرح

:بنتي عمرها ما تكون غلبانة انا مربيها تبقى قوية 

:وهي قوية بشكل يا عمي 

:نعم سمعاك بتقول حاجه اذا كنت قوية قيراط دلوقتي مع وجود بابا بقيت قوية ٢٤ فاهم 

:فاهم يا مفت--رية

حسن: وحشني صوتك الجميل ارجعي بقى وغنيلهم شويه وروحي الكامب وارجعي بالليل عشان تحضري خطوبة اختك

:هي اللي هتتخطب النهارده دي اختي 

:اه اختك الكبيرة 

:طب هو احنا هنقول لجدي 

:لا مش دلوقتي

:طب ينفع اكلم يوسف يجي دى هي--موت ويشوفك

:اه طبعا

:خلاص تعالى اقعد معانا بقى عشان تسمعني

:بس بلاش تبصي علي عشان جدك ما يشكش 

*اغمضت عينيها وابلغت يوسف

:خلاص يا حبيبي مسافة السكة يوسف هيطير ويبقى هنا بحجة انه جايب لي حاجات نسيتها 

:انتم لسه فيكم العادة دي

:ونبطل ليه 

زيا باستغراب : هو في ايه وكلمتي يوسف ازاي

ضحكت تولين : تعالى بس اما تكبر هبقى افهمك

بقلمي سحر السحرتي

*عادت وغنت اغاني مبهجة اسعدت الجميع واستئذنت للعودة الى الكامب للاستعداد للحفل

*عادت في المساء وكان معها يوسف 

:جدو اعرفك اخويا يوسف 

*حدثها يوسف بطريقتهم الخاصة

: جدو هو عرفك

:لا انا بناديه كدة لانه في مقام جدي 

جابر :اهلا يا ولدى انت شبها على راجل بس ملو هدومك

: اه هو اطول وسبقني في الدراسة بسنة بس انا اكبر منه ب ٥ دقايق وبذله بيهم

:انتم تؤام 

: اه يا جدو بس انا احلى طبعا

:طبعا يا بنتي اطلعي شوفي العروسة وتعالي متعينا بصوتك وانت يا يوسف خلصت كلية ايه 

:انا ظابط مهندس ملازم اول في الجيش يا جدو

: ونعم التربية اكيد ابوكم راجل عظيم

: ووالدتي كمان عظيمة لانها شالت مسؤوليتنا بعد بابا ما سافر وبعد عنا سنين

:مفيش اب بيبعدعن اولاده بمزاجه

:صحيح ربنا يسامح اللي كان السبب

:اكيد السبب اكل العيش سافر عشان يوفر لكم معيشة كويسه

:يا ريت بس السبب انسان قاس--ي قلبه حجر منعه عننا بجب--روته

:ازاي يا ابني احكيلي يمكن اقدر اساعدك 

:بعدين يا حاج دي مناسبة مش محتاجة نكد 

:مش كنت بتقول يا جدي زي اختك 

: انا شايف مقام حضرتك كبير مش زي جدي

:يا ابني كلنا ولاد تسعة

:بجد ما كنتش اعرف معلش تسمحلي اتمشى شويه مع خطيب اختي الهواء حلو قوي هنا على ما تبدا الحفلة

:اتفضل يا ابني

*تحرك زياد مع يوسف وساله

:مالك في ايه قلبت مرة واحدة علي الراجل 

:افتكرت اللى عمله فى امي ورميتها فى الس--جن مع المجرم---ين وحرمنا من ابويا وشيل امي همنا وجريها في البيوت عشان تدي كام درس تكمل بيه مصارفنا غير الاهالي اللي كانوا بيتاخروا عليها في دفع المصاريف او ياكلوا عليها فلوس الدروس ويشترطوا عشان تستلم فلوسها لازم العيال تجيب الدرجة النهائية في المادة عمرك شفت اهانة اكبر من كدة  

:بس حسيت ان تولين سامحته

:تولين طيبة كان كل مشكلتها بابا ولقته لكن لو كانت زارت ماما في الس--جن وشافتها في المكان الق--ذر اللي اترمت فيه مع المش--بوهين ما كانتش نسيت ده   

: طب تعالى انسى عمي مستنيك عند الساقية اللي هناك 

*جرى يوسف وحضن ابوه وتركهم زياد ليتحدثوا سويا اخبره يوسف بكل ما حدث معهم باختصار وانه لن يسامح جده لان ما مروا به احد اسباب ابتعاد والدهم عنهم 

:ما تزعلش يا يوسف كله مقدر ومكتوب واذا كان على جوازة ولاء ربنا عوضها بصاحبك 

:لو كنت موجود كنت اثرت عليها ومن الاول حاتم ما كانش هيقدر يدخل حياتنا ماما اجبرت توافق لكن انت هي بتحبك قوي وبتعمل حساب زعلك 

:مش خلاص راح لحاله بشره ومحدش اضر منه وولاء اتعلمت الدرس

:اللي محدش يعرفه غيري انا وتولين وزياد انه حاول يغت--صب تولين وكانت هتضيع لولا ربنا قدرني ولحقتها في اخر لحظة شايف وشها اللي الك--دمات لسه ما راحتش منه كانت بسببه عرفت ليه مش هقدر اسامح جدي ..... لاني حسيت بالعجز اللي انت حسيت بيه لما ما قدرتش تحمي ماما 

*وقف حسن وكأن الدم--اء تغلي بداخله من احمرار وجهه

:الا ده مش ممكن اسمح او اسكت عليه وعملت ايه مع القذر ده

بقلمي سحر السحرتي 

*قص له يوسف ما فعله زياد وهو يتحدث معه اتت تولين

:بابا هو جدي هيجوز اختي غص--ب عنها

:انت بتقولي ايه

:انا كنت عندها فوق دلوقتي ولقيتها زعلانة مش فرحانه زي اي عروسة وفهمت من كلامهم معاها عشان تفرد وشها وانت ما تاخدش بالك ان جدي غاص--ب عليها هو انت مش قلت انه اتغير

:اللى فيه داء يا بنتي لكن المرة دي مش هسمحله ومش هيقدر يعمل حاجة امك خلاص اتجوزت راجل يقدر يحميها لكن ولادي خط احمر

*ذهب مسرعا وجد ابنته تجلس بجانب العريس والدموع تتلالاء في عينيها ولا تجروء على السماح لها بالنزول 

*نادى عليه والده: تعالى يا حسن سندس مش عايزة تلبس الشبكة غير وانت موجود

ماذا سيفعل حسن هل سيتخذ موقف ام سيقبل بالامر الواقع كما فعل مع هدى

الفصل العشرون 

*تحدث حسن بحدة وغض--ب 

:سندس مش هتلبس الشبكة ومش هتتجوز غير برضاها انت قدرت عليا زمان و استضعفتني وما قدرتش احمي هدى مراتي من شرك وجب--روتك لكن ولادى لا 

: انت بتقول ايه مين اللي قالك انها هتتجوز غص--ب عنها مفيش حد في البيت يجروء يقولك عايز اعرف مين اللي عملها

*تحدثت تولين بمنتهى الشجاعة

: انا اللي قلت له

:انت الغريبة اللي داخلة بيتي تولع--يه نا--ر يا سايبة يا اللي مالكيش اهل تربيكي 

*وقام بصف--عها على وجهها بقوة اسقطتها ارضا فحاول يوسف الهجوم على جده فمنعه زياد وحسن واكمل جابر كلامه بكل غضب وصوت عال ارعب الجميع

: انت عايز تتهجم عليا وفاكر انك تقدر تفلت انت ما تعرفش انا مين انا حالا هلبسك قضية واخليك تتفصل من الجيش اللي فرحان بيه ده 

*تحدث يوسف بغضب وصوت عال ايضا ونبرة مرعبة كأنه صورة مصغرة من جده

: تعملها ما هي مش اول مرة تتبلى على الناس زي ما عملتها في امي وبعدت ابونا عننا لكن انا مش هسمحلك لو هيضيع فيها مستقبلي وهعاقبك وانتق--م منك شر انت-قام عارف ازاي هحرمك من ابويا واخواتي

:امك مين وابوك مين وانا كنت اعرفك قبل كدة

:امي هدى فاكرها وابويا حسن ابنك .... اللى زيك عقابه يعيش لوحده وهخلي ابويا واخواته يرفعوا عليك قضية حجر ويرموك في دار مسنين عشان تدوق من قسو-تك وجبرو-تك 

*صرخ حسن باعلى صوته 

: لا يا يوسف عيب الكلام ده انا ما ربيتكش على كدة كفاية عليه اني اخودكم ونمشي من هنا

بقلمي سحر السحرتي  

*وتوجه بنظره لوالده

:انا هسيب البيت والبلد والفلوس اللي خفت عليها وقسيت عليا وكمان اسم العيلة اللي خلتني اطلق مراتي زمان فاكر لما سجن-تها عشان تضغط عليا وكنت عايز تتهمها بابشع التهم لما لقتني متمسك بيها ومش هاممني تحرمني من الفلوس اشبع بفلوسك واسم عيلتك 

الحاجة نفيسة :حسن زي ما ربيت يوسف وقلت له ما يصحش عيب تكلم ابوك بالشكل ده 

:عندك حق يا اما انا مش هتكلم معاه خالص واللي كنت خايف عليها انه ياذيها خلاص راحت مني واتجوزت .... لكن ولادي لا كفاية ان بنتي كانت هتضيع وانا مش جمبها اخود لها حقها وبنتي الكبيرة كان عايز يجوزها غص-ب عنها زي اخواتي البنات كلهم عاشوا مرار اختياره 

:ابوك كان عايز مصلحتك 

:مصلحتي ازاي دى مراتي ما كانش عيبها بالنسبة له غير انها ارملة ومعاها بنت يتيمة وان اسم عيلتها مش معروف بالنسباله تبقي مش بني ادمة تليق بعيلته .... غير انه اجبرني اتجوز واحده ما بحبهاش ورضيت وعشت معاها لكن لما خلفت بنتين كرها في عيشتها لما ماتت من الق-هرة ودى كمان ما قدرتش احميها منه ..... ولما اتجوزت هدى ما عاشتش معايا حياة طبيعية بقيت بشوفها هي واولادها يومين في الاسبوع عشان ما كنتش راجل اقوله اني هتجوز اللي حبيتها ووصية صاحبي وخلاني قدامها برضة مش راجل لما سجنها ..... حتى بناتي اللي كانوا مش عاجبينه انهم بنات بقوا احسن دكاترة في البلد ورافعين راسه ما رحمهمش وعايز يجوزهم غص-ب عنهم كده خلصت يا امي انا ماشي 

جابر: استنى عندك لو مشيت هحرمك من كل فلوسي

*سحب حسن تولين من يدها واوقفها امام جدها وقال

: انطقي قوليله انت كنت محتاجة فلوس رغم انكم مش لاقينها 

:لا كنا محتاجينك انت يا بابا انت بس وناكل طوب مش مهم كنا بنشتغل ونعرف نجيب الفلوس لكن حنيتك لا ما كناش بنعرف نعوضها بابا اللي كان بيقويني ويعرفني اتصرف ازاي مع اي يحد يتنمر على الاعاقة بتاعتي علمني اخد حقي احتياجنا كله كان له لانه احسن اب في الدنيا

:اهيه بنتي الصغيرة قالت لك المفيد تفتكر انا يا كبير هحتاج الفلوس حضن ولادي احسن من الفلوس وهتعرف قيمتنا لما نمشي 

نفيسة بدموع غزيرة : هتسيبني يا حسن 

: حقك عليا يا أما كل مرة كنت هتمرد عليه اسمع كلامك واقعد واصغر في عين نفسي لكن مفيش اغلى من الضنا وانت ام وعارفة يلا يا ولاد

*وامسك بيد تولين وسندس لكن تولين سحبت يدها من يده

بقلمي سحر السحرتي 

: اسمحلي اودعهم 

*نظر لها حسن بكل حب وفخر من مشاعرها الرقيقة وطيبتها

:تودعيهم رغم اللي عملوه في امك وحرموك مني 

:ماما طول عمرها بتقول لنا ان الاهل بيعملوا لمصلحة ولادهم ايوة في ناس بتتصرف غلط وهي مش عارفة بس هدفهم مصلحة ولادهم وجدي كان مفكر انه بيحبك بطريقته هي اه كانت غلط بس عذره انه لسة بيحبك 

*لم تعط لاحد فرصة وارتمت في حضن جابر وقالت والدموع تنساب من عينيها 

:كان نفسي الاقي بابا ولما عرفت ان ليا جد كان نفسي اعيش معاك واشبع من حضنك واتشاقى عليك وابقى الدلوعة بتاعتك بس انت من غير ما تقصد صعبتها علينا وامي اتبهدلت كثير بس هي مسمحاك .... هي قالت لي لو شفتك وعرفت اني حفيدتك اقولك كده وانا عشان تربيتها مسمحاك انا كمان اشوف وشك بخير يا جدو وما تقلقش كام يوم وهرجع لك تانى هتوحشني 

*احس جابر بشعور غريب وتولين تحتضنه فهذه اول مرة يحتضن احد احفاده كان قلبه قاسي يعتقد أن الحنية ضعف وان المال هو القوة 

*حضن تولين جعله يرق ويسترجع قسوته مع ابنائه واحفاده ازداد قلبه حنية حينما طبعت قبلات على وجنتيه وراسه ويده وطلبت منه ان يسامح والدها على انفعاله 

*لقد خطفت قلبه هذه الصغيرة بقلبها الكبير

*تحدثت تولين مع يوسف يطريقتهم

:تعالى اعتذر لجدو وسلم عليه بابا مش هيستحمل يزعل معاه 

:لا 

:عشان خاطر ماما هي سامحته وهي اكثر واحدة عانت منه

*تحرك يوسف بدوره وقبل يد جده واحتضنه

:انا اسف يا جدي سامحني انا شفت امي في السجن مع الحرامية والمنظر محفور في كياني من زمان حقك عليا

*وتحرك ليذهب مع والده تحدث جابر ولاول مرة يشاهد احد دموعه

:استنى يا حسن حقك عليا يا ابني انا اسف انت ظهري اللي بتسند عليه بلاش تكسر ظهري في اخر ايامي 

:ما بقاش ينفع استنى يا ابويا

تولين : هو ايه اللي ما بقاش ينفع انت علمتنا مهما الاب والام يعملوا لازم نسامحهم ... وما تنساش اننا سامحناك على بعدك عننا انت طلقت ماما لكن ما طلقتناش وكنا صغيرين ومحتاجين حضنك وحنانك واول ما دخلنا الحضن الكبير ده نسينا قسوة الايام يلا يا بابا ادخل في حضن جدي دى حضنه حلو قوي يلا عايزة اتجوز هنا في البلد 

*نطق زياد بعد صمت فترة 

:لا اذا فيها جواز يلا يا عمي المسامح كريم

تولين :هو انت لما سمعتني بقول عايزة اتجوز في البلد فهمت انه منك يمكن جدي يختار لي حد تاني

زياد: يلا يا عمي خود ولادك وامشو صلح ايه وكلام فاضي يلا يا راجل

بقلمي سحر السحرتي 

*سعد الجميع بهذه المزحة واخذ جابر ابنه حسن في حضنه واحتضن ايضا سندس واعتذر لها 

*ارتمت تولين في حضن نفيسة :انا هنام في حضنك النهارده

:كان نفسي بس بقالي ٥٠ سنة بنام جمب جدك حتي لما خلفت عيالي مفيش يوم ما نمتش جمبه 

:خلاص هنام جمبكم انتم الاثنين 

جابر :عيب اتحشمي 

:تحب انام جمبك لوحدي واخليها تشوف مكان تاني

*ضحك جابر وقال بحب

:جيتي قلبتي الدنيا ونورتيلي حياتي وفتحتي عنايا اللي كانت عامية عن حاجات كتير

*قالت بمرح : ولسة يا جدو انت لسة ياما هتشوف 

*امسك زياد يدها وسحبها وقال

:يا بخت من زار وخفف كفاية كده احسن توليعها

:جابر بصوت عال سيب ايدها هو انت كتبت عليها ولة لسة 

*رد زياد بخوف شديد :لسه يا جدو 

: خلاص تكتب عليها احنا كان عندنا فرح ولازم يكمل

*قبله زياد بفرحة وسعادة لا توصف

: ايه احلى جدو ده معقول في كدة ما ظهرتش من زمان ليه 

*ردت تولين باعتراض

:انا اسفة يا جدو مش عايزة اكسر كلمتك بس مش هقدر اتجوز زياد

   لماذا رفضت تولين الزواج من زياد                 

          الفصل الحادي والعشرون من هنا  

لقراءة باقي الفصول اضغط هنا

تعديل المقال