رواية الحربايه والثعبان
الفصل التاسع9 والعاشر10
بقلم منه محمد
يوم جديد ع السفره
ناني بمكر: امال العيش ده سئ جدا والفول مزوده الزبده ،فين اهتمامك بالاكل
امال: انا مهتمه وبعمل نفس كل مره يا ست هانم والعيش بخبزه بنفسي في بيتي وبجيبه
ناني: انا حرفيا زهقت من اعذارك ،كل يوم ،امشي يله من هنا ،دعاء من بكره تدخلي المطبخ
آمير رفع عيونه بدهشه ودعاء قالت: حاضر
ناني: انتي بتعرفي تطبخي مش كدا
رحاب: دي ست بيت شاطره وطباخه بريمو واكلها روعه جدا وبتخبز عيش واو تحفه ولا البطاطس المقليه بتطلع مقرمشه زي الفرنش فرايز من الاخر اكلها عشره ع عشره
ناني: خلاص من هنا ورايح هتعملنا الاكل لان امال بقت بتعك
دعاء: معنديش مانع
الجده: مالك ياناني بتطلبي من العروسه تقف في المطبخ
ناني: ولو عروسه هتستريح طول حياتها، ده بيتها برضو وعليها تتحمل المسؤليه
الجده: ايوه بس ده لسه بدري عليه ،استني عليها شهرين ولا اربعه
ناني: ده كان زمان ع ما العروسه تبدء تحط ايدها في شغل البيت مش يطلعوا من اول يوم لما ميكنش عليهم قيود ،يبقي تشغل وقتها بشغل البيت وانا حاسه انها بتقعد زهقانه تملي فرغها وبعدين مش هي الي كانت بتخدم في بيتهم عشان معندهمش خدامه
آمير قاعد ع اخره ٠٠٠ودعاء حست بأهانه شديده من تلميح كلامها
............قصص منه محمد كاتب................
في جناح دعاء قاعده في الفراندا حزينه
آمير قرب منها: عارف انك مضايقه للكلام الي اتقال ،انا آسف هتكلم مع امي حوالين الموضوع
دعاء: لاء متقولهاش حاجه ،مش عايزها تزعل مننا بعد كده
آمير اتنهد بخنقه : ايوه بس كمان مش هخليكي تعملي الي بتطلبه منك, انتي مراتي مش خدامه
دعاء مسكت ايده الاتنين وابتسمتله: ياحبيبي ده بيتي , وعادي لما اشتغل فيه معنديش مانع , ولا مشكله
آمير بصلها بضيق : بس انا عندي
دعاء: تمام لكن من فضلك بلاش تقولها اي حاجه , ولو بالطريقه دي هقدر اكسبها سيبني احاول مش عايزها تفكر انك بتفضلني عليها
آمير: دعاء انتي اجمل نعمه ربنا ادهالي , وانا عارف ان امي هتدرك ده قريب جدا انك طيبه ومخلصه لينا كلنا
دعاء :وانا هعمل كل جهدي عشان مامتك مشتكيش مني
آمير: مش هيبقي فيه شكوي غير لو امي حست انك بتحاولي تملكيني
دعاء: وانا مستحيل اتحكم فيك احنا مالكين بعض بالحب الكبير الي بينا
آمير: انا مش بس بحبك انتي سكنتي روحي
دعاء ببتسامه واسعه: وللسبب ده بحس اني بملكك
آمير: ده سحرك لان مش معقول كنت هحب اي بنت غيرك القلب دايما يختار البنت المميزه
دعاء: زي منا اختارتك
آمير: دوده انتي سعيده معايا
دعاء: انا بحس إن مافيش في الدنيا أسعد مني بحبك ليّ , حبك إداني المعنى لوجودي
آمير: وانا عشت سنين مستنيكي واول ما لمحتك قلت بس انا هاخدك وناويها
دعاء: وانت الانسان الوحيد الي اتمنيته , والي من كل قلبي حبيته
آمير : وانا من غيرك قلبي كان بينبض بس مفهوش حياه من غيرك
دعاء :وانا لما كنت بشوفك كنت بغمض عيني وافقد الاحساس
آمير بخبث:كنتي بتعملي ايه
دعاء :بغمض كدا-غمضت
امير باسها من شفايفها وضحك وقال:ودي جرعه العلاج
دعاء ضربته ع كتفه بهزار:انتهازي
امير قرص خدها وقال :بقولك ايه خلينا نخرج نتمشي وناكل ايس كريم
دعاء بتردد: مليش مزاج اخرج
آمير فهم: ليه ماما مش هتمانع اننا نخرج , غير كده هناخد رحاب معانا تاكل ايس كريم , بتحبه بجنون
دعاء: معلش خليني اروح ابلغ طنط الاول
آمير حط ايده ع كتفها : اوكيه نروح سوي ونسأل رحاب كمان
..............قصص منه محمد كاتب...............
قدام العربيه دعاء اتأخرت آمير حط الموبيل ع ودنه يتصل بيها ورحاب واقفه جنب الباب الي جنب السواق
دعاء خرجت بتمد: آسفه اتاخرت
آمير نزل الموبيل: كنتي فين بتصل بيكي
دعاء: معلش نسيت الموبيل طلعت اجيبه
رحاب فتحت الباب الي قدام وركبت وقعدت جنب آمير ودعاء حست بحرج وركبت وري وآمير اضايق جدا من الموقف الغبي بس سكت
رحاب مثلت: اوه انا اسفه جدا مخدتش بالي تعالي اقعدي قدام
دعاء: لاء خليكي يارحاب مفيش مشكله
رحاب اتكت ع شفتها بأحراج مزيف: بجد سوري تعالي مكاني وانا اقعد وري
آمير: دعاء ع حق خليكي قاعده مكانك
رحاب: متاكده معندكيش مانع
دعاء ببتسامه: يابنتي خلاص ،منا قاعده معاكم ،يله نتحرك
آمير: يله هتحرك
نزلوا وقعدوا ع كراسي في مكان هادي لكنه خلاب وآمير رايح جاي مضايق بس ساكت
رحاب: عارفه المكان ده المفضل ليا انا واخويا امير انا متأكده انك عارفه كده
دعاء: لا اخوكي مقليش
رحاب: معقول مقلتلهاش
آمير هز دماغه بـ لاء وهو بيناولهم كوبايات الايس كريم...!!
رحاب بدئت الاستفزاز: بس غريبه مكنتوش قبل الجواز بتخرجوا مع بعض
آمير كشر: اظن عارفه عايله دعاء محافظين ازاي
رحاب: امم عارفه بس اهلك شداد اوي مقفلين كدا
دعاء وشها اتغير جدا وآمير ضربها نظره
رحاب كملت: الي اقصد اقوله انهم مختلفين عن بيتنا تماما وخصوصا اخوكي الكبير ومراته وهم الي اعتراضوا ع الجوازه دي مش كدا
آمير اضايق من كلامها بس صابر وساكت
دعاء ردت: كل واحد له طريقه تفكير مختلفه وبيبقي له وجهه نظر مختلفه
رحاب: احمدي ربنا انهم مجوزوكيش لواحد تاني والاكانوا جابولكم واحد نفس تفكيرهم الرجعي
دعاء ابتسمت غصب وقربت منها كوبايتها ورحاب اكلت منها وده ضايق آمير جدا وحط من كوبايته لدعاء
.........قصص منه محمد كاتب............
في منزل عائله دعاء
داغر طلع: صباح الخير ياست الكل
بهيه: صباح الفل نمت يعني لحد الضهر
داغر: مكنش عندي حاجه اعملها قلت انام
بهيه: وعملت ايه في الوظيفة فيه الي روحتلها
داغر: انا روحت وقدمت في وظفتين وبعت الاوراق , وهروح لما يتصلوا بيا ،بس لو مكنش انا اتعودت ع قاعده البيت عاطل
بهيه : ان شاء الله ربنا هيفرجها من وسع بلاش تيأس كده
داغر بصلها: بس مالك شكلك قلقان حصلت حاجه
بهيه حطت ايدها ع قلبها: مش عارفه حاسه بشعور غريب كده
داغر بقلق :قومي نروح للدكتور
بهيه ردت بسرعه :لاء مش مستاهل انا حلمت حلم غريب امبارح شوفت اختك بتعيط
داغر: دي احلام ليه دعاء تعيط انتي عارفه امير مش بيتحمل عليها الهوي يلمسها
بهيه بحزن: عارفه بس من يوم ما مشت متصلتش غير مره واحده
داغر: ياحبيبتي اكيد مشغوله , دي لسه عروسه وانتي عارفه آمير وعايلته عندهم نظام ,مش بيستقبلوا الناس كل شويه
بهيه :ايوه فاهمه بس انا ام ولما اسمع صوتها بحس بطمئنان
داغر : لا هخليكي تكلميها حالا
بهيه لاء يابني هكلمها بنفسي اقوم اجهزلك الفطار
داغر ضم حواجبه: لاء مش جعان, هشرب كوبايه شاي مع بسكوت , وهقوم اعملها بنفسي
بهيه قامت وقعدته مكانه: لاء خليك انا هقوم اعملهولك
داغر :ربنا يخليكي يا امي
......قصص منه محمد كاتب.........
في منزل عائله آمير
الجده: بصراحه مكنتش متوقعه انك هتكوني متسرعه بالمنظر ده
ناني: ليه هي مش واحده متجوزه ومسؤله من البيت وبعدين هو انا حملتها جبل من السؤليه
الجده: هو الموضوع بقي انك حمليتها مسؤليه عارفه ان دعاء قدها وقدود وهتهتم بالي طلبتيه منها لكن اسلوبك كان حاد وحاسه انك بتنتقمي منها عشان كبريائك الي حاسه انه انضر يابنتي الناس بيغلطوا حتي لو راحت تزور امها من غير استأذانك كنتي لازم تعدي وتفوتي
رياض: دعاء مش غلطانه في كده
ناني :قصدك ايه يعني انا الي غلطانه
رياض: انا قولت كده انا شايف ان آمير هو الغلطان لازم يحافظ ع التوازن بين امه ومراته والعلاقه دي طالبه مساحه واحنا لازم نديها المساحه
الجده :ابني كلامه عين العقل دول لسه متجوزين من اسبوع فاكره لما اتجوزتي انا حطيت عليكي قيود بالمنظر ده
رياض :الشهاده لله يا امي طول عمرك مراعيه خصوصيتنا، وعمرك ما قولتيلي ليه اتاخرت ولامره اتخانقت معاكي ،وسبت لي مساحه اخرج وادخل ،وكانت احلي ايام ،ولحد اللحظه
الجده: ناني
ناني: نعم
الجده: لما تنزل دعاء اتعاملي معاها بعطف هي مراه ابنك وجبتيها هنا وانتي فرحانه بيها ليه تتعاملي معاها بالشكل الحاد ده
ناني بندم: حاضر انا غلطت معاها معرفش حصلي ايه ؟! ومش عارفه ليه ظلمتها ع امر فعلا تافهه
رياض: خلاص الي فات عدي , صلحي بهدوء والمره الجايه خدي بالك , البنت سابت بيتها وجات عندنا وهي محتاجه حبنا واحترامنا , لو عاملنها بشده قلبها هيتكسر وهتتبدل , وآمير هيحزن عليها فكري في سعاده ابنك
ناني: حاضر يارياض
دعاء قربت منهم : صباح الخير
الجده بأبتسامه: دعاء تعالي ياحبيتي
دعاء: عملت الفطار ورصيته ع السفره اتفضلوا
ناني: قولتي ل آمير ينزل
دعاء: ايوه بيصلي الصبح ونازل
ناني: رايحين حالا
ريض بعد ما دعاء مشت قالها: شايفه يا امي دعاء نفذت كلام حماتها
الجده قامت: يله بينا ياولاد
.......قصص منه محمد كاتب...........
علي السفره
الجده: بجد تسلم ايدك يا دودي الفول جميل
رياض بنبساط: ولا البيض والله تحفه فعلا
آمير: تسلم ايدك
رحاب قربت: جود مورنينج
آمير: ليه قاعده في اوضتك وكلنا فضلنا مستنينك
رحاب: ابدا سهرت ع فيلم ونمت متأخر وفقدت الاحساس بالوقت ولسه يادوب صاحيه من خمس دقايق
دعاء: خدي كلي
رحاب باستياء : ايه ده عيش بلدي ع الصبح
الجده: جربيه ده حلو احلي من الفينو والتوست
دعاء: لو ملهاش نفس اجبلها التوست
رحاب: لاء ثانكيو مش عايزه اكل عيش مخبوز ع البوتجاز كدا من الصبح هاكل فاكهه بس
ناني: يابنتي العيش خفيف ،ودعاء عاملته حلو اوي انا حاولت اعمله ومعرفتش ومطلعش حلو كده حتي امال بطلعه محروق ،يله كلي رغيف وسيبك من الفاكهه الي تجوع طول اليوم
رحاب: مامي بليز
دعاء: آمير تاخد رغيف تاني
آمير: لاء خلاص شبعت ولازم امشي حالا
رياض: آمير اوعي تنسي الي طلبته منك
آمير: متقلقش مستحيل انسي ابدا
رياض: عارف ياحبيبي
آمير بخبث: اوبس شكلي نسيت موبيلي فوق
دعاء قامت: هطلع اجبهولك
آمير: هستناكي عند العربيه يله اشوفكم بالليل
الجده: روح في حفظ الله ورعايته
...........قصص منه محمد كاتب............
قدام العربيه
دعاء راحت عليه: موبيلك
آمير: ميرسي عندي ليكي اخبار حلوه
دعاء: ايه هي
آمير: مفاجأة، هقولك عليها لما ارجع المساء
دعاء كشرت: وانا هصبر لحد المساء قولي دلوقت
آمير: هقولك مش هسيبك لمده طويله
دعاء: براحتك هستني
آمير قرب عليها اوي وقال: هتستنيني انا ولا هتستني المفاجأه
دعاء لعبت في زراير قميصه: ليكم انتم الاتنين
آمير: تمام همشي دلوقت
دعاء: خد بالك من نفسك وسوق ع مهلك
آمير: حاضر يانفسي
......قصص منه محمد كاتب............
في غرفه ناني ندهت ع رحاب
ناني: رحاب محتاره البس انهي فستان فيهم عندي حفله بالليل ومش عارفه انهي يليق اكتر
رحاب اخدت منها الفساتين رمتهم ع السرير وقالت بنرفزه: مامي انسي الفستان , وقوليلي الي حصل فجأه ،قاعده تمدحي دعاء ،عشان حضرت الفطار
ناني بهدوء: يابنتي البنت صحيت من بدري وعملت الفطار حلو جدا , فيها ايه لوقولتلها كلمتين شكر عشان تحس بقيمه مجهودها
رحاب بغيظ: اظن قولت لك حطي دعاء في مكانها بس انتي رفعتيها فوق دماغك
ناني :مش كدا يارحاب بس انا بهدلتها ع كلامك وغلط ومكنش ينفع ابالغ في رده فعلي
رحاب :بتقولي ايه يامامي ،استسلمتي عشان خاطر آمير
ناني: ايوه آمير هو ابني ،وسعادته غاليه عندي , ولو نقدر ناخد الي عايزينه بالحب يبقي ملوش لزوم للغضب , ودعاء بنت مؤدبه وهاديه , قولت لها كلام تقيل وكتير ومردتش عليا بكلمه واحده , معني كدا انها بتحترم الي اكبر منها
رحاب بنرفزه عليها : بجد مش مصدقه , اتغيرت لهجتك تماما, وبقت دعاء المفضله عندك من يوم واحد مش كدا اظاهر حطتلك سحر في الاكل
ناني: رحاب وبعدين
دعاء دخلت طنط تحبي اطبخ ايه ع الغداء اليوم
ناني بلطف : اي حاجه سهله عليكي بس الرز بالشعريه امير بيحبه وياريت اي صنف حلويات حلو ع ذوقك
دعاء : عنيا حاضر
ناني : دعاء استني
دعاء لفت :نعم
ناني : اختاري معايا انهي فستان، عندي حفله ومش عارفه اقرر البس ايه
دعاء : اظن ده هيبقي عليكي تحفه جدا اللون كمان متناسق مع حفله
ناني: فعلا ده شكله اجمل
رحاب حركت دماغها بضيق وخرجت من الغرفه بسرعه تخطط لدعاء
ناني بحنيه : دعاء اطلبي من امال تقف تساعدك
دعاء : حاضر
ناني : الف شكر يابنتي
الفصل العاشر
في منزل عائله دعاء بهيه قاعده تفطر بيبو تلفونها رن
بيبو بصلها: مين الي بيتصل خالتي ولا عمتي دعاء؟؟
بهيه: ايوه عمتك دعاء
بيبو: عايز اتكلم معاها
بهيه :سيبني اتكلم معاها الاول ,وبعدين خد كلمها
بيبو بفرحه: ماشي
بهيه فتحت الخط وردت: ايوه يادودوه
دعاء: ماما حبيتي عامله ايه؟؟!!
بهيه بزعل: انا كويسه، كده برضو يادعاء بقي من يوم ما مشيتي متتصليش الا مره واحده، هو فيه حاجه عندك
دعاء: انا كويسه ياماما ،كان عندنا ضيوف ،وكنت مشغوله معاهم
بهيه: داغر قالي اكيد مشغوله ،بس كنتي اقله اتصلي طمنيني ،ده انا اتصلت بيكي النهارده كتير ومردتيش
دعاء: كنت تحت في المطبخ ،والموبيل في اوضتي عشان كدا مردتش ياحبيبتي
بهيه: احسن حاجه عرفتي مسؤلياتك طوالي ،يابنتي عايزاكي مطيعه مش عايزه حد يشتكي منك ،انتي بنت كويسه وعايزاكي تثبتيلهم نفسك كزوجه وست بيت شاطره
دعاء: ببذل كل طاقتي عشان افوق توقعاتك
بهيه بضحكه: آمير واهله بيحبوكي وعايزاكي تحافظي ع الحب ده ،قوليلي امتي هتزوريني
دعاء: انا كنت عندك من يومين، صعب ازورك دلوقت
بهيه: عندك حق انتي لسه عروسه اعذريني انا ام واليوم الي بيعدي عليا صعب من غيرك
دعاء: امي
بهيه: ولا يهمك عذراكي والمفروض تقعدي مع جوزك واهله طول الوقت ،بيبو عاوز يسلم عليكي
دعاء: هاتيه
بهيه: اهو خديه معاكي
بيبو: عمتي عامله ايه وحشتيني
دعاء: حبيب عمتك عامل ايه
بيبو: انا بمب ،وانتي عامله ايه ،وهتيجي امتي؟!
دعاء: انا كويسه وهجيلك قريب خالص ،وهجبلك العاب وشوكلتات كتير
بيبو بفرحه: ماشي مع السلامه
دعاء: مع السلامه
...........قصص منه محمد كاتب.................
في الفراند رحاب رنت اسكيب ع جمال
جيمي قام وفتح الكام: هالو
رحاب: هالو بجد زهقنا موت ،وعايزه اتكلم معاك
جيمي: وانا زهقان اكتر منك فنمت
رحاب: طيب ما ترجع بقي ،ونسلي وقتنا سوي
جيمي: انا عايز بس هعمل ايه عندك
رحاب: فيه حاجات كتير ترجع عشانها منها تساعد والدتك في الشغل بدل ما هي هنا لوحدها
جيمي: هفكر في الامر ،وهتصل بيكي بعدين سلام
رحاب: باي
رحاب بعد ماقفلت الكام: ياتري اقول لجمال ع دعاء....لاء بالطريقه دي لايمكن ينساها .....دعاء الي بوظت عليا حياتي لوقت كبير...لازم ابوظ حياتها مع آمير وكل الي هنا
في نفس الوقت داغر دخل مع امير بعلبه جاتوه
داغر: قولي قولت لدعاء
آمير ببتسامه: لاء , بس قولت لها فيه مفاجأه , اقعد هطلع اندهلها, لازم تقولها الخبر بنفسك
داغر : اكيد هتتصدم من الفرحه
آمير ابتسمله وطلع السلم
.............قصص منه محمد كاتب............
في جناحهم آمير دخل لقاه دعاء بتختم الصلاه
آمير: دودوي
دعاء : اميري رجعت بدري قولي بقي انا مستنياك من الصبح ع نار
آمير: انتي ليه معندكيش صبر هقولك اصبري
دعاء: امير انا مبطلتش تفكير ياتري ايه المفاجأه الي هتقولهالي , ومش عارفه اركز انهي جو التشويق ده وقولي بقي ايه هي؟!
آمير: فيه خبر حلو جدا هيعجبك ،بس مش هقولك داغر هو الي هيقولك
دعاء: يعني كدا همسك الموبيل واجيب الرقم واتصل واستني لحد ما داغر يرد
آمير ضحك: وليه تتصلي ماهو قاعد تحت
دعاء وهي بتجري ناحيه الباب : ايه قاعد تحت بجد
آمير مسك ايدها وكشر: بجد خيبتي املي فيكي
دعاء ضمت حواجبها : ليه حصل ايه
آمير: اهتميتي بوجود اخوكي ونسيتيني ،بجد زعلت جدا يادعاء جدا
دعاء: لاء يا آمير مش كده كنت بس
آمير: رغم اني بحبك اوي وبهتم بيكي اوي اوي بس انتي مش مهتمه بيا خالص ،وانا غلطت في فهمك ناحيتي
دعاء: آمير انت عارف اني بموت فيك ،وبهتم بيك كل الامر ان اخويا هنا و
دعاء سكتت لما لقت آمير ابتسم وسألته: بتضحك ليه؟؟!!
آمير: اصلها بقت مهمه صعبه انك تعبرلي عن حبك ،فقلت لازم اخليكي تعبري ،ولازم امثل عليكي الزعل
دعاء: اه يالئيم بتمثل
آمير: اممممم بمثل
دعاء: بجد انت وحش اوي والله فكرتك زعلت بجد
آمير مسك ايدها: حياتي هو انا ممكن ازعل منك في يوم ,حبيت اغيظك
دعاء قلدمت وكشرت: اوكيه انا بقي مضايقه منك
آمير: والله معنديش مانع اصالح وادلع ,عشان انا بحب اشوف ضحكتك , بس للاسف اخوكي قاعد تحت
دعاء: نهاري اخويا نسيته يا آمير
آمير: وده الي انا عايزه ,,عاوزك تنسي كل حاجه لما اكون جنبك
دعاء: ممكن تصالحني بعدين _ شدته من ايده_ يله اخويا تحت
........قصص منه محمد كاتب...........
في بهو الفيلا رحاب داخله بصتله
داغر قام: هاي عامله ايه؟؟!!
رحاب قربت عليه: انت هنا ليه؟؟!!
داغر: هو مقدرش اجي هنا الا لسبب
رحاب: لاء تقدر اختك عايشه هنا دلوقت
داغر: وده بيت صاحبي كمان
رحاب: موركش حاجه تعملها دايما مع اخويا
داغر: انا مش ع طول مع اخوكي بس يظهر بقيت فعلا معاه , ممكن اسألك سؤال واحد لو معندكيش مانع يعني. هو انتي دايما متعصبه ومنفعله ولا انا بس الي بياخد الاوبشن ده منك
رحاب: بجد معنديش استعداد اتكلم مع شخص غريب معرفوش
داغر: بس الغرب بيكون في اول مقابله بس احنا اتعرفنا فمبقاش غريب
رحاب: فيه اشخاص بيفضلوا اغراب طول حياتك وبحذرك انه ميهمنيش العلاقه الي بتربطك بكل شخص في البيت هنا ،انا بس بهتم بنفسي وبس عشان كدا احسن لك تفضل واقف في حدودك اقعد وكن في مكان شويه
دعاء قابلتها وهي نازله هي وامير مكلمتهمش
دعاء جريت في حضن اخوها: داغر وحشتني
داغر ضمها: وانتي اكتر عامله ايه
دعاء: انا الحمد لله وانت
داغر: انا تمام وكله تمام
دعاء: ليه مجبتش ماما معاك ،والله وحشاني اوي
آمير: ايه هنقف نتكلم طول الوقت ،اجلسي وتحدثي
دعاء: اه صح اقعد ياداغر طمني الي عندنا بخير
داغر ابتسم: الكل ع مايرام وجئت هنا لاخبرك ببعض الاخبار الجيده
دعاء كملت معاهم هزار: وماهي الاخبار يا اخي داغر
داغر: اتعينت بشهادتي
دعاء عيونها وسعت بدهشه: ايه بجد
داغر ببتسامه واسعه : اه والله
دعاء بفرحه وحماس : الف الف مبروك ،قلت لماما فرحتها
داغر: لا لسه مقولتلهاش قولت ابلغك انتي الاول
دعاء عيونها دمعت بدموع : والله العظيم عايزه ارقص واغني , من الفرحه مش عارفه ارتاحت ازاي ,مبروك ياخويا الف الف مبروك
داغر: بصراحه الفضل لربنا وبعده لـ آمير ووالده
آمير: يابني مفيش داعي للشكر ،انت اتعينت بشهادتك وخبرتك , فأنت الاساس ،احنا مجرد سبب
دعاء قامت : هقوم اجيبلك عصير
آمير: عشان اخوها هتشربنا عصير
دعاء: تاني يا آمير بتسخف عليا
داغر: هي غريبه كدا تعيط حتي وهي فرحانه
آمير بمرح:حبيبتي حساسه 'وكلمه كمان عليها هرميك في البسين
داغر لعب حواجبه: ياريت الجو حر
............قصص منه محمد كاتب..............
في منزل عائله دعاء بالليل معمر عيونه ع الموبيل
ميسر: شوفت الي حصل ؟!البنت الغبيه طفشت العريس
معمر بصلها: اتكلمي مع اختك وشوفيها ليه معترضه ع اي حد يتقدملها
ميسر: دي اتجننت في عقلها
معمر: مش يمكن معجبه بحد تاني!!
ميسر: بتقول ايه مفيش حاجه من دي , هي بتقول مش عايزه تتجوز دلوقت
معمر: يبقي متجبرهاش اختك عاقله وعارفه مصلحتها ،واكيد شايفه انه مش مناسب ليها
ميسر: دي تعرف مصلحتها دي لو كانت عاقله زي دعاء كانت فكرت في مستقبلها لكن لاء عايزه داغر الي ملوش اي فايده
معمر انتبه: ايه
ميسر برقت وقلبت الكلام : انت مسمعتش صح طبعا من اول ما ترجع من الشغل يا تفتح ملفاتك يأما تلعب ع موبيلك وتسمع الكل الا انا(قامت بغيظ وطالعه بره ) هو اصلا فيه حد في الييت ده بيسمعني , ومبقتش عايزه اتكلم مع حد هنا
معمر: مالها دي حصلها ايه مش رايح وراها غير لما انهي اللعبه الاول
..............قصص منه محمد كاتب.............
في منزل عائله آمير
رياض: واو الكنافه تجنن بجد اول مره اكل كنافه حلوه كدا
الجده: فعلا وسكرها معقول تسلم ايدك يادودي
رياض طلع علبه من كيسه وقام : دعاء الساعه دي اشترتها ليكي
دعاء برفض: لاء عندي امير جايب لي
رياض: لاء لما ابوكي يديلك حاجه ،تاخديها بدون اي اعتراض
دعاء اخدتها: الف شكر
رياض مسح ع شعرها بلطف: ربنا يباركلك
ناني: انا بقي جبتلك هديه خاصه اتمني تعجبك
دعاء: بس ياطنط
الجده: خلاص امك ادتك حاجه تاخديها من سكات ،ربنا يديم الحب بينكم
الكل: امين
دعاء: الف شكر يا طنط
الجده: دودي حته كمان
آمير بمرح: دي عاملها وحشه سيبوها متكولهاش
الجده بضحكه: اه عشان تاكلها لوحدك يا لئيم
رياض: عيل طفس
رحاب قاعده مش طايقه الي بيحصل وقررت لازم تكره الكل فيها
.........قصص منه محمد كاتب...........
في منزل عائله دعاء
داغر واقف بيفكر في كلام رحاب ورغم كلامها جارح بس بالنسبه له زي العسل لكنه مر!!
بهيه قربت عليه: داغر ليه واقف عندك ،اخوك مستنيك ع العشاء واول ما قولتله انك اتوظفت فرح اوي يله الاكل هيبرد
داغر: يله بينا
بهيه دخلت ووراها داغر الي سحب كرسي وقعد
معمر سأله: امي قالت لي انك اتعينت مهندس كمبيوتر في شركه كبيره
داغر: ايوه ياخويا
معمر: وطالما شركه كبيره اكيد المرتب معقول
داغر: ايوه مبدئيا 5000
ميسر شرقت: ايه بجد مبلغ حلو اوي
داغر: وهيدوني عربيه بعد اسبوع كمان
ميسر عيونها وسعت: كمان عربيه بجد حلو اوي يامعمر
معمر: فعلا حلو جدا
بهيه: رينا يبارك في آمير هو سبب كل ده
معمر: فعلا عمل بحق الصحوبيه
ميسر: وهو جوز اختكم دلوقت
معمر: اه بالحق دعاء عامله ايه؟؟!!
داغر: مبسوطه في حياتها
بهيه: ربنا يديم عليها السعاده آمير ابن حلال ومهتم بيها وبيرعيها كويس
ميسر بينها وبين نفسها : بقي له قيمه وسيما في غمضه عين ومرتب ضعف الي بياخده معمر وفوقه عربيه بفكر يتجوز اختي الفت
ميسر : داغر احطلك لحمه مشويه كمان
داغر كشر فيها : لاء اكلت
ميسر: حته كمان
داغر : شكرا شبعت
معمر : ناولهالي انا
ميسر: اه خدها
...........قصص منه محمد كاتب............
في جناح دعاء آمير فاتح الجهاز وبيشتغل ع المكتب
دعاء: امير
آمير عيونه ع الجهاز: اممم
دعاء: عايزه اقولك حاجه
آمير بيكتب: قولي
دعاء: الف شكر
آمير: علي
دعاء: ع تعين داغر وعندي كلام كتير بس مهما قلت مش هوفي حقك
آمير بصلها: دودوه داغر صاحبي ومقدمتلوش خدمه هو اخد فرصته
دعاء: ايوه اصل متعرفش كان حزين ازاي وحلمه يشتغل بشهادته وكل يوم ميسر تسمه وابيه معمر مش قادره اقولك ع كلامهم الي بيجرح ويوجع امي
آمير : عارف داغر بيقولي كل حاجه بس انتي مش بتقوليلي ولا بتشاركيني ولا حاجه
دعاء: قصدك ايه ؟؟ وليه بتقول كده, انا خبيت عنك ايه
آمير قام وقعد جنبها: خبيتي وبتخبي كتير يعني مقولتليش الي عملتيه طول اليوم وقد ايه كنتي مشغوله ومتأكد ان الامر كله صعب
دعاء: ده روتين يومي وبعدن انا بعمل جدول لكل يوم
آمير: بس انا بفكر اتكلم مع امي متخلكيش تشتغلي بجد , انا مش بالع الي بيحصل ده اطلاقا
دعاء: متقولهاش اي حاجه والا هتزعل مني تاني وانا مش حابه كده
أمير: وليه تزعل منك
دعاء: هتفكر اني اشتكتلك منها , ارجوك يا حبيبي بلاش تقولها , وانا معنديش مشكله ،فاليه تعمل كده
آمير: خلاص زي ماتقولي
دعاء: ايوه كدا انسي ده ،وقولي ايه رايك في هدايا مامتك
آمير: بصراحه شويه لانجيري حلوين اوي
دعاء: فعلا حلوين والحمد لله انها مبقتش زعلانه مني وبتتعامل معايا بموده
آمير: ده كويس
دعاء: عارف ان مامتك شبهك بالظبط
آمير: وانا بفكر اجيب بنوته شبهك انتي حالا
دعاء: مش وراك شغل
آميرملس ع خدها بحنان: خلصته وبقيت فضيلك انتي يانجمه حياتي ،يالي كل يوم حبك جوه قلبي بيزيد
دعاء : وانت قمر حياتي والانسان الوحيد الي لايمكن اعد الدقايق وانا في حضنه
امير ضمها: وانا امنيه حياتي تبقي طول العمر جنبي وفي حضني
دعاء بصتله نظره كلها حب وهو بادلها نفس النظره وخطفها جوه ضلوعه
.............قصص منه محمد كاتب.............
يوم جديد رحاب في الجنينه بتفكرفي خطه جديده لدعاء
دعاء: رحاب ليه واقفه هنا كنت بدور عليكي
رحاب: ليه فيه حاجه مهمه
دعاء: لاء مفيش حاجه بس زهقانه قلت نقعد نتكلم شويه
رحاب بعنجهيه وكبر: وليه زهقتي مش المفروض تكوني واقفه في المطبخ الساعه دي
دعاء: اه بس انا خلصت من بدري , لان طنط ناني طلبت من امال تقف تساعدني
رحاب بصتلها ورسمت على شفايفها ابتسامة خبيثة : اه تمام تمام
دعاء: وطنط ناني مبسوطه مني جدا , لاء وحالتها من ناحيتي اتحسنت
رحاب: اه الحمد لله
دعاء: آمير هيرجع متأخر عنده شغل وسافر , وكل شويه اتصل اكلمه لما حسيت هيطلعلي من التلفون يضربني
رحاب: اوه
دعاء: ايه رايك اعملنا قهوه محوجه ونشربها واحنا بندردش
رحاب ببتسامه مزيفه: اوكيه اوكيه
دعاء مشت ورحاب بينها وبين نفسها: سعادتك وسلامك زي السم في عروقي ...بس اوعدك مش هيدوم يمكن الكل متعاطف معاكي حاليا.... بس قريب الكل هيبقي ضدك ويبعدوا عنك اصبري
ثواني ودعاء جايه بالصنيه: يله جبت القهوه
رحاب: عملتيها بسرعه
دعاء: ايوه اتفضلي
رحاب دلقت القهوه علي ايدها وصرخت: اه اه
دعاء بفزع: ايه الي حصل
رحاب بتحرك ايدها وببكاء : اتحرقت يادعاء اتحرقت
دعاء اتوترت: انا اسفه جدا معرفش ده حصل ازاي
رحاب صرخت: اه ايدي اتحرقت
دعاء: انا اسف والله
ناني طلعت تجري: رحاب حصل ايه؟؟!!
رحاب ببكاء: مامي ايدي
دعاء: كنت بناولها فنجان القهوه بس اتزحلق من ايدي
ناني بنرفزه وغضب: ايه انتي عاميه, مش معقول الاهمال للدرجه الحرق جامد
رحاب بتعيط: اه يامامي
دعاء اتكلمت بتوتر : والله يا طنط ما كان قصدي
ناني: هتقفي ترغي هاتي ميه فيها تلج
دعاء: حاضر
ناني: تعالي يابنتي نروح للدكتور
رحاب: مامي دعاء عملت كده عن قصد اتصلي بأمير حالا بليز
ناني: آمير مسافر ومش عايزه اقلقه هكلمه بالليل
رحاب بتزمر بعناد : مش هروح للدكتور غير لما آمير يبقي هنا
ناني: بلاش تعاندي هكلمه
دعاء جريت ووشها شاحب : حطي ايدك في التلج
ناني مدت ايد رحاب بلطف: حطيها في التلج يهدي الوجع
دعاء: هجيب مرهم
ناني بزعيق: ابعدي عنها ,انا هحطلها مرهم ,يله ندخل نحط مرهم عليه
دعاء جسمها بيرجف : انا هحطلها
ناني صرخت في وشها: ابعدي عن طريقي
.................قصص منه محمد كاتب.................
في غرفه رحاب الي بتعيط بدلع رخم جدا ولآمير جه ع ملا وشه !!!
ناني: شايف ايدها مراتك عملت ده عن قصد
آمير بضيق: رحاب فاهمه غلط , ليه مراتي تعمل كده ؟؟ انا عارفها لايمكن تعمل شئء تافهه زي ده
رحاب عيطت بحرقه : خلاص كلكم واقفين معاها محدش مصدقني في البيت هنا
آمير بلطف : شوفي يارحاب احتمال تكوني فاهمه غلط , بعترف مراتي غلطت كان لازم تناولك الفنجال بحذر , بس وقع غصب عنها مش قاصده هتكسب ايه بعملتها دي
ناني بقتناع: ايوه يارحاب آمير كلامه صح , ليه دعاء تحاول تحرق ايدك ,اكيد فهمتي غلط
آمير: بالظبط غير كدا هم اصحاب جدا ,ومفيش اي مشاكل بينهم, ومش قادر اتخيل ان مراتي تعمل كده عمد في اختي
رحاب بنفعال: اوكيه انا كدابه وانتم صح حصل سوء فهم ودعاء مظلومه وانا مجرمه
آمير بنرفزه خفيفه : رحااب
رحاب: آمير لو سمحت امشي من هنا ،مش عايزه اسمع اي حاجه
آمير كشر بضيق : اسمعيني انـ
رحاب انتفضت من شدة الغيظ : بليز امشي من هنا محتاجه ارتاح
ناني: أمير امشي اطلع ارتاح هخليها تفهم , هي بتتوجع من الم الحرق ومش عارفه بتقول ايه
آمير حرك دماغه بضجر ومشي
ناني: ليه بس اتخانقتي مع اخوكي ع امر تافهه
رحاب زقتها : امشي انتي كمان من هنا , مش عايزه اتكلم معاكي
ناني: يابنتي
رحاب بغضب : بليز مامي مش عايزه اتكلم مع اي حد في البيت هنا
ناني :خلاص هقوم
رحاب اتغاظت والحقد ملاها اكتر لما الكل دافع عن دعاء اتحرقت عشان الكل يولع فيها لكن حصل العكس لاء مستحيل تستسلم اقسمت لتعمل الاكبر
.....قصص منه محمد كاتب..........
في جناج دعاء
دعاء بدموع: والله ما عملت ده عن قصد كنت بناولها الفنجان ايدينا اتخبطت في بعض ووقعت القهوه سخنه ع ايدها
آمير بهدوء: دعاء عارف انك مش متعمده ،وانا مش ممكن افكر او حتي اتخيل انك تعملي لعب العيال ده عن قصد
دعاء: والله ما كان قصدي ،ومش عارفه حتي ده حصل ازاي
آمير: عادي وارد ده يحصل ،بس خدي بالك المره الجايه ،انتي عارفه محدش فينا بيطيق يشوف رحاب بتتألم ،وانا بالذات بتوجع اوي لاني بحبها كتير
دعاء: رحاب غاليه عندي انا كمان , هي مش بس اختك هي صاحبتي , ومقدرش اتحمل اشوفها بتتوجع , وانا بالفعل اعتذرتلها ولو عاوزني انزل اعتذرلها تاني انزل
آمير: ملوش داعي هي متعصبه دلوقت وهتنام , ومزاجها هيتحسن لما يهدء الوجع , وهتكلم معاكم بعدين ،هقوم اغير هدومي وانام