رواية احتراق الليل بقلم ايه المهدي
رواية احتراق الليل الفصل الثاني2 بقلم ايه المهدي
جاء الليل سريعا وليل تشعر بالتوتر لسبب لا تدري ما هو
قمر بهمس لها : خلاص بقا يا ليل انتي محسساني انك اول عروسة بطلي توتري
ليان : يا بنتي بالراحة عليها كل البنات كده
آتي لها شقيقها وهو ينظر لها بفرحة شديدة
مراد. : يلا يا ليل جدو عثمان مستني ومصمم هو اللي يسلمك لغيت أمسكت ليل باخيها وخرجوا من الغرفة لتري جدها عثمان ينظر لها بفرحة شديدة ذهب لها وقبل جبهتها بحنان
عثمان : الف الف مبروك يا بنتي وأمسك بيدها وهو يهبط بها للدرج واشقائها ورائها بحزن شديد فهي ليست شقيقهتم فحسب فهي والداتهم الثانية
عثمان لغيث : غيث انا بسلمك حفيدتي الغالية تحافظ عليها انت فاهم ولو زعلتها انا اللي هقفلك
فيروز بحقد : مش عارفة جدو بيحبها هي واخواتها علي ايه
خديجة بكره أيضا : انا احيانا بحس انها حفيدته الحقيقة مش احنا انا بكرهها قوي واتمني تحصل معجزة والاقيها اختفت من حياتنا علشان جدو يبطل يحبها
ريهام : مالكم يا بنات بتقولوا ايه
خديجة بتوتر : لا ابدا يا ماما بنقول أنه ليل طالعه حلوة
علي الناحية الأخري
آدم : مالك يا عريس افرد وشك جدك هيلاحظ وبعدين البنت قمر اهي ومحترمة يا اخي انت عايز ايه تاني عايز عبرا بتاعتك دي
غيث بحدة : ادم متغلطش فيها وكمان اسمها سيدرا
ريان : بس بقا الناس خدت بالها غيث ركز مع مراتك وفرحك بلاش مشاكل
مر اليوم بدون اي مشاكل للجميع وذهبوا العرسان لغرفتهم نظرت ليل للغرفة بتوتر شديد وقبل أن تتحدث
غيث بحدة : اسمعي يا ليل انا مبحبكيش وبحب بنت تانية وجدي شافك مناسبة ليا وانا قبلت علشان خاطره بس مش هقدر احبك
ليل بدموع : ليه تعمل كده كنت قولي من البداية كنت هرفض أو كنا حلينا الموضوع
غيث بتأنيب من نفسه : انا اسف مكنتش حابب نوصل لكده بس مكنتش عايزة اخدعك طب ايه رايك نكون صحاب
ليل بحزن : صحاب
غيث : اه صحاب ويا ستي انا موافق ناخد فرصة ونشوف علاقتنا هتوصل لايه انا عارف أنه من رابع المستحيلات اتجوز سيدرا أو ترجعلي لأنها سافرت ونهت كل حاجة فانا عايز ابدا من جديد بس استحمليني لحد ما انسا
ليل : طيب ماشي انا هدخل اغير هدومي وهنام علي الكنبة
غيث : لا نامي انتي علي السرير وانا هنام علي الكنبة ومش عايز اعتراض
ليل بتعب : حاضر وذهبت سريعا قبل أن تنهار أمامه
مر اليوم علي الجميع بفرحة ولكن بطلتنا الجميلة لم تغفل من كثرة البكاء فهذا اهم يوم لها آتي الصباح وهبط الجميع للاسفل
الجد لحسناء : جهزتي الفطار للولاد يا حسناء
حسناء بفرحة : أيوة يا بابا بس غيث قال لاء هنفطر معاكوا تحت وهما زمانهم نازلين وبعد عدة دقائق هبط غيث وزوجته ليل بارك الجميع لهم بمحبه ولكن الفتيات تنظر لها بكره شديد فهي تحتل مكانة كبيرة لدي جدهم
الجد بفرحة : تعالي يا حبيبتي انتي وجوزك جمبي هنا
ذهبت ليل وجلست بجوار الجد وبجوارها غيث
الجد بهمس لليل : الولد ده زعلك قولي محدش هنا يقدر يدوسلك علي طرف يا قلب جدك
ليل بابتسامة مصطنعه: لا يا جدو غيث طيب وكل امورنا تمام ورأت ليل نظرات الفتيات النارية لها
علي الناحية الأخري
جاء العراف لمنزل دياب ليخبره من هي حفيدة العناني التي تشكل خطر عليه
دياب : كنت مستنيك من زمان اتاخرت ليه
العراف : عارف بس لازم الصبر يا دياب في الأمور دي وأخرج تلك الكرة التي تظهر له ما سيحدث في المستقبل
طبعا كل دي خرافات ومافيش حاجة اسمها عراف ودجال والكلام ده محدش يقدر يعرف مستقبله الا ربنا سبحانه وتعالي
دياب بنبرة قلقة بعض الشئ: عرفت مين هي قولي
العراف : مش ظاهر عندي غير ليل اسمها ليل
دياب : ليل ليل مين عيلة العناني فيها حفيدتين حفيدة عاصم العناني وحفيدة عثمان العناني ليل مين فيهم
العراف بغموض : نهايتك يا دياب هي نهايتك والوقت مش بعيد الحق صلح اخطائك واوعي تعمل اللي في دماغك
دياب بغضب : مبقاش غيرك اللي هينصحني اسمع يا راجل انت يومين بالكتير وتعرفي انهي بنت فيهم ويلا بره مش عايزة اشوفك وشك الا وانت جاييلي كل خير والا انت عارف انا ممكن اعمل ايه
مر اسبوع علي الجميع وتقرب ليل وغيث كتيرا فأصبح غيث يحب الحديث معها ولكن متردد بداخله وليل تفعل كل ما بوسعها لإنقاذ زواجها
في ڤيلا عثمان العناني
كانت الفتيات تتحدت مع بعضهم حتي اتت ليل لهم لينفروا منها جميعا
ليل بابتسامة جميلة : ازيكم يا بنات عاملين ايه ممكن اشاركوا الحوار
فريدة بهدوء مصطنع: اتفضلي عموما احنا خلصنا كلامنا استغريب ليل نظراتهم لها فهي لا تدري لما لا يحبونها فهي تشعر بالاشتياق لشقيقتها وصديقتها ليان
في الداخل كان الجد عثمان يتحدث الي ابنائه
علي : بس يا بابا الأرض دي عليها مشاكل ودياب العزازاي كان هيموت وياخدها
زكريا : بس موقع الأرض دي حلو لو اتبني عليها المصنع هتبقي حلوة جدا يا علي
الجد عثمان : محدش هياخد الارض دي مننا مهما حصل آيمن عايز دراسة جدوي للمشروع
آيمن : حاضر يا بابا
في منزل دياب العزازي
لم يعرف من هي الفتاة التي ستدمره ليحاول بكل الطرق ايجاد خطة ما
دياب بخبت : يا ام محمود يا ام محمود
الخادمة بهرولة: نعم يا بيه
دياب بهدوء ما قبل العاصفة : انتي مش ليكي قريبة بتشتغل عند عتمان العناني
الخادمة بتوتر : أيوة يا بيه سحر بنت خالتي
دياب : حلو قوي بكرة عايز سحر دي تبقي قدامي واياكي اسمع انك عرفتي حد حاجة هتبقي نهايتك يلا غوري علي شغلك
ذهبت الخادمة بخوف شديد ماذا يريد من ابنة خالتها فهو لم يراها من قبل