رواية عذراء الرعد كامله بقلم بسمه ) جميع الفصول حتى الاخير الخاتمه

رواية الحربايه والثعبان الفصل الثامن والثلاثون38والتاسع والثلاثون39 بقلم منه محمد

في كافيه

سامو: عملت كتير في وقت قليل ,بس هتعمل ايه لو دفعت الثمن, فاهم جواك ضغينه من دعاء وعايز تنتقم منها عشان رفضتك ,واهانتك لكن؟؟!!

جمال تابع: لكن العجوزه  الشمطاء عرفت كل حاجه , ولو قالت للكل كان سري انكشف

سامو: بس انت قـ تلتها

جمال: انا مقتلتهاش انا لما دخلت كانت اوردي ميته !!

سامو: تمام هتعمل ايه لوسرك انكشف فعلا, انت بتقول دعاء عارفه كل حاجه ,هتصرف ازاي لو نطقت ليهم ,او لجوزها نفسه

جمال: عارف انها مش هتسكت لفتره طويله,  واكيد هتتكلم, وسواء صدقوها او لاء ,هكون مشتبه فيه

سامو: وناوي تعمل ايه دلوقت؟؟!!

جمال: بفكر ازاي اخرسها ,والي هتخرسها رحاب هي استاذه في الحكايه دي

سامو ضحك: شيطان اقسم بالله

جمال: رحاب

سامو: الله عليك 

...............

في جناح آمير دخل وقعد مكشر

دعاء: ايه الي حصل وصلت لحاجه

آمير: لاء اشتبهت في عامل لكن لايمكن نقبض عليه,  لكن لو معانا دليل ضده مكنتش سبته

دعاء في سرها: حتي انا معيش دليل ضد جمال ازاي اقولك وانا عارفه انه ممكن يفلت منها ويدعي عليا ومين اصلا هيصدقني فيكم

دعاء : والكاميرات لقتوها اكيد حد فصل الجهاز عن عمد

آمير: فصل الاحمال 'تعطيل نظام 'فيه ميه مشكله حتي كاميرات شركتي اوقات بتفشل في التسجيل بابا حب يكبر المشكله ويصعدها بس انا خليته يفهم مش هنستفاد منها حاجه 'فيه وقت لكل شئ 'كتب موت جدتي كدا 'منقدرش نعمل اي حاجه

دعاء: وحد الله 'قوم غير هدومك 'وهنزل اعملك قهوه

آمير بتنهيده: اوكيه 

دعاء موبيلها  رن اخدته وردت: الو ايوه يا الفت؟!

الفت ببكاء: بدعي عليكي يارب تموتي ولو عشتي متشميش ريحه السعاده زي

دعاء بصدمه: انتي بتغلطي ليه دلوقت

الفت: بسببك داغر طلقني

دعاء شهقت: ايه

الفت: انتي واخوكي مش هتعيشوا مرتاحين ابدا هتشربي يادعاء من نفس الكاس الاول موتي ابني وبعدها طلبتي منه يطلقني مش هتعيشي سعيده ابدا غير لما تنتقمي مني 

دعاء: الو

آمير طلع من غرفه اللبس: ايه الي حصل قالت لك ايه غيرك كده

دعاء: بتقول ان داغر طلقها ومفكره ده بسببي بس انا معرفش اي حاجه

آمير بدهشه: طلاق

دعاء: ايوه

آمير: دعاء لو الفت قالت لك حاجه سيبك من كلامها المستفز ,واظن عارفه جوازتهم داغر كان رافضها, وكان لازم ده يحصل 'ومتوقع في اي وقت ,والي زيها يعرفوا بس يفسدوا حياة غيرهم ,ميعرفوش يستقروا

دعاء: انت مش فاهم دي بتحملني مسؤليه كل حاجه, بس انا مقولتش لداغر يطلقها ابدا, كنت قولتها زمان لما زقتني واجهضت

امير بهدوء :دعاء ممكن ننساها خالص ,وقولت لك قبل سابق متجبليش مشاكل اخواتك هنا في البيت ,ومتورطيش نفسك معاهم ,شايفه دخلتك ورمت اللوم كله عليكي,  وطولت لسانها كمان وهي الي غلطانه, اوعديني مش هنتكلم عنه تاني ابدا, اوكيه

دعاء :حاضر

آمير: مش قادرين يحلوا مشاكلهم يخلقوا مشاكل لغيرهم , يله كبري دماغك,  وانزلي اعمليلي فنجان قهوه

دعاء اتحركت و في بالها: ياتري اخدت القرار الكبير ده  ليه ياخويا.....ع الاقل كنت قلت لي السبب!؟

................

في غرفه رحاب

رحاب بصوت عالي لنفسها: الحمد لله اتصلت بـ نهال ووافقت تقابلني...... ودلوقت هقنعها بالي انا عايزاه

جمال دخل: هالو

رحاب بسعاده واضحه ع ملامحها: هاي

جمال قعد جنبها: ليه وشك مبسوط كده عملتي انجاز

رحاب: يس وهنجزه قريب جدا

جمال: بجد جود

رحاب: اه بالمناسبه شوفت خاتم في الدرج وظنيت انك جيبه لي

جمال :شوفتي الخاتم

رحاب: ايوه شوفته

جمال:  خساره بوظتي مفاجئتي

رحاب بسعاده:  بجد

جمال :طبعا كان ليكي

رحاب: اوكيه ليه معطتهوليش 

جمال حط ايده ع كتفها:  لان محلات المجوهرات تباعنا العمال بيصممووا مجوهرات بستهتار وفي اليوم الي كنت هدهولك فيه وقع الفص الالماس,  رجعته الورشه يتصلح , وثانكيو انك فكرتيني , وهجبهولك بكره , اوكيه

رحاب: اوكيه تلفونك بيرن

جمال قام من مكانه: دي مكالمه من الشغل لازم ارد عليها

رحاب بأبتسامه واسعه:  اوكيه

..............

دعاء واقفه في الجنينه بعيد عن آمير بتحاول تتصل بداغر مش بيرد

جمال قرب منها: هاي

دعاء: اعوذ بالله

جمال: ايه الاوبشن ده انتي بتعيطي؟ قوليلي ايه الي حصل, اتخانقتي مع آمير,  حد قالك حاجه ضايقتك

دعاء بصتله : لو سمحت امشي انا متوتره فعلا

جمال: شاركي خوفك معايا انا بحبك والله بحبك ارمي العبئ عليا وجربي

دعاء: بقولك امشي امشي

آمير واقف من بعيد متابع وقفهم سوي

ناني جات من وراه وشافتهم وقالت: اظاهر دعاء وجمال اتصالحوا

آمير:اه انا حتي حاسس بكده

ناني: مش اول مره اشوفهم زي السمنه ع العسل شوفت ازاي جمال قلق لما دعاء جرحت صوباعها

آمير بضيق: الواضح يا آمي كانوا زملاء في الجامعه لحد امتي هيفضلوا يتخانقوا وغير كدا عايشين مع بعض في نفس البيت

ناني: اممم مفهمتش ده غير دلوقت امال ليه دعاء اعترضت ع جوازه من اختك لو كان عندها بعض التحفظات كان لازم تحتفظ بيهم لنفسها

آمير: لما انسان ميحبش شخص بيقف ضده

ناني: لكن طريقتها في الكلام معاه مش بتقول انها مش بتحبه يله تعال

آمير استغفر ومشي وراها لانه مش هايخلي الشيطان يشككه في مراته حب عمره

في نفس اللحظه رياض طلعلهم: جمال

جمال: افندم ياعمو

رياض مسح ع شعر دعاء بحنيه ابويه وقاله: عايز استشيرك في موضوع عندي عميل مقرب ليا جدا عايز يبني مركز تجاري كبير وعايز مراجع هو خبرته قليله

جمال : افكورس انا مستعد

رياض حط ايده ع كتفه ومشي بيه: تعال ندخل نتكلم عن المشروع جوه

.....................

في غرفه رحاب جمال رجع ملقهاش قعد ينتظرها

رحاب دخلت: هاي

جمال:  كنتي فين مقولتليش و اتصلت بيكي غير متاح

رحاب: افتكر قولت لك رايحه اقابل نهال وروحت اقابلها

جمال: مش دي البنت الي رفضت تكلمك

رحاب: اه هي حبيت اعتذرلها

جمال: انتي وتعتذري لحد لا مش قادر اهضمها

رحاب: بالعربي كده اقنعتها بمجرد ما آمير يطلق دعاء يتجوزها

جمال نبره كلها تريقه: هو انتي بتحلمي ؟ اخوكي لسه ماسبش دعاء ’وانتي بتخططي لفرحه الجاي

رحاب بحقد: دعاء هتخرج من حياته قريب جدا ,ونهال مردتش ع كلامي بشكل واضح,  واظاهر معندهاش مشكله, لانها معجبه بـ آمير

جمال: ازاي متأكده من آمير انه هينفصل عن دعاء , عملتي ايه عشان اخوكي يكرها بشده ويرمي عليها الطلاق ,ويطردها ويتجوز واحده تانيه, ايه الي عملتيه قوليلي _قام بتهكم_ اما حكايه

.....

..............

في الموبيل

دعاء: ابيه بتصل بحضرتك كتير وانت مش بترد

معمر: ارد اقولك ايه بس يادعاء

دعاء: ليه داغر طلق الفت

معمر: السؤال ده تسأليه لداغر نفسه , وحاسس انه اخد القرار ده من غير ما ياخد استشارتك

ميسر سحبت منه الموبيل وحطته ع ودنها!!

دعاء تابعت: تق فيا والله ما كان عندي علم

ميسر: احنا مش واثقين فيكي واياك تتصلي بينا مره تانيه

دعاء: وانا ذنبي ايه؟ انا معرفش حاجه ,حتي اختك اتهمتني وهزقتني, وعشان انا متربيه ومحترمه رفضت اردعليها  بنفس اسلوبها

ميسر عوجت شفايفها بسخريه: متبقيش محترم,ه ولا بريئه, ابقي ردي ,موافقه اختي غلطت لكن مغلطتش متعمده ,انتي وجوزك دمرته حياتها

آمير كان داخل ووشه مبتسم لكنه رجع اتخبا لما سمع الحوار

دعاء بنفعال: انتي مالك ومال آمير, بتدخليه ليه هو ملوش علاقه بالي حصل, دي مشكلتنا

ميسر :هو اقرب صاحب لـ اخوكي, واليوم الي مشي فيه غضبان عرفت انه هينتقم

دعاء اتعصبت: بطلي تتهمينا انا وجوزي, انتي عارفه كويس اوي  ان جوازهم مكنش طبيعي, و داغر اتغصب عليها  لانه محبهاش , ولا كان عايزها من الاول

ميسر: كان ممكن يبقي طبيعي ويحبها,  لكن الاخوات الي عندهم اخت زيك مستحيل يعمروه بيت  ابدا

معمر: ليه كدا بس يمكن فعلا متعرفش حاجه

ميسر كملت: اسكت انت  دلوقت, اسمعي ابعدي عننا انتي واخوكي , ومن النهارده ملناش علاقه بيكم , واياك تيجي هنا تاني , ولا حتي تحاولي لاني هطردك فهمتي

 امير دخل بغضب وقالها: مش انا قولت لك ابعدي عن كل العك ده

دعاء قامت بخضه و بصتله ونزلت دموعها سيل ع خدودها

آمير: بس انتي بتحبي تورطي نفسك في مشاكل عايلتك (زعق) عايز افهم ليه بتفكري في مشاكلهم, مبسوطه دلوقت راضيه, يعني ورطوكي في ده كله , ومستكفوش بكده راحو مورطني معاكي,  اسمعيني كويس اوي بعد النهارده مش هتكلمي اخواتك تاني , ولو عملتي كدا خدي بعضك وروحي عيشي معاهم انتي حتي مش محتاجه لي 

دعاء بتحاول تمسك ايده: آمير

آمير رفع صوباعه في وشها وهو بيبعد عنها: ابعدي 

آمير نزل ركب عربيته ولام نفسه: انا ليه انفعلت عليها...هي متوتره وقلقانه ده شئ طبيعي ماهو اخوها ......وانا روحت فرغت غضبي عليها .....يمكن ده تأثير تذمر امي منها طول الوقت لكن الحقيقه هي اني بدوب بنتهي لما بشوفها قريبه من جمال...... انا مش حابب انهم يتخانقوا الاتنين ..... ولا يبقوا بيست فريند  .......مش عارف من حبي ليها خايف عليها مش منها..... لان انا واثق فيها لاء هي بنت محترمه .......وانا غلطان انا لازم ارجع اصالحها واعوضها عن اسلوبي  بطريقه مختلفه ع الاطلاق

.............

رحاب  من كلام جمال انها عملت ايه عشان امير يطلق دعاء قامت زي المجنونه ع الدرج وتصرخ: امال ’ امال

ناني دخلت: امال راحت السوبر ماركو بتدوري ع ايه

رحاب: حاجه مهمه ضاعت مني اتصلي بيها خليها ترجع

ناني: انا رآي ان فيه حاجه اهم, لكنك بتتجاهليها بستمرار

رحاب: حاجه ايه دي؟؟!!

ناني: انا بتكم عن جمال جوزك, انتي مش عطياله ادني اهتمام

رحاب نفخت بملل: مامي ازاي اهتم بيه هو بيبي

ناني: يابنتي الراجل محتاج الاهتمام زي البيبي , وانا بتكلم بمعني تاني خالص , الواحده لازم تربط جوزها سواء كان عامل ولا وزير  لو اهملت الزوجه زوجها , ممكن اي واحده تانيه, تاخد مكانها (بزعيق) انتي ليه مش بتفهمي الي بقوله

رحاب خلتها طلعت ورجعت تنكش في الدرج تاني لحد ما لقت الكارت الي كان جمال كاتبه لدعاء من سنتين وحست انها انتصرت ووصلت للنهايه

الفصل التاسع والثلاثون 

في منزل عائله ميسر دخلت البيت سلمت ع امها الي بتشكلها حاله اختها

ميسر: نعمل ايه يا امي مقدر ومكتوب

الفت طلعت بندفاع: انتي ايه الي جابك هنا. ليه يا ماما خلتيها تدخل

الام بحزم: الفت هي اختك وجايه تشوفك وتطمن عليكي

الفت: متسمهاش اختي دي عدوتي, هي الي خربت بيتي ,هي الي دمرت حياتي

ميسر:بلاش تجبيها فيا انتي بتجني الزرعه الي زرعتيها بغبائك

الفت : لو كان ده عقاب ع جرايمي تخيلي ايه الي هيحصلك

ميسر: سامعه يا ماما سامعه,  للسبب ده انا كنت ضد جوازها منه , كنت عارفه انها هترمي اللوم كله عليا

الام: ورحبتي وباركتي بعد كده  وقولتي لو داغر اتجوز اي واحده مش هتبقي غير الفت

الفت: عملت كل ده لما اتوظف عشان الي هتاخده  , ده اسلوبها دايما ,عرفت لو اتجوزته هتكون قادره تلعب عليا وتسيطر ع البيت كله

ميسر: ماشي كلامك مظبوط انا الانسانه الي اهتمت بالبيت سنين طويله لكن انتي بدئتي تفرض نفسك بعد شهور بسيطه ,حتي اتمريستي واتريقتي عليا عشان طلبت منك شويه خزين للبيت , الواحد محتاج قلب كبير عشان يدي بسماح نيه ,بهيه داغر دعاء حتي تكاليف جوازها انا الي اتحملت المسؤليه معاه عارفه كان بيدفع قسط الترم كام لداغر عشان يطلع مهندس , ومقدرتش ادخل ابني مدرسه لغات , كتب دعاء كانت مهمه لكن مش مهم ابني لو راح مدرسه حكومية , علاج امه الضغط 'والسكر' والتهاب العيون 'سكت وقتها وعمري مافكرت اخرجهم من البيت

الفت: بس كنتي عايزه تخلصي من بهيه

ميسر: ايوه ابنها يبنلها اوضه فوق السطح , او تروح دار مسنين,  لكن مش اموتها واخد روحها

الام: اختك معاها حق كنتي لازم تصبري شويه,  انتي استعجلتي ع كل الامور وهلكتي نفسك

الفت بصتلهم هم الاتنين نظرات مليانه استياء ومشت

ميسر: اعصابها ع طول واصله للسما

امها: اقعدي تعالي

.....................قصص منه محمد كاتب...................

آمير ركن عربيته ووقف قدام محل للورود قرر يصالح حبيبته ع طريقته فتح الباب ونزل

بنت وقفت قدامه ماسكه باقه ورد كبيره: بنسوار

آمير بتعجب: آسف بتتكلمي معايا؟!

البنت مبتسمه في وشه: ايوه

آميربهدوء: انا آسف تاني بس معرفكيش

البنت: انا نهال صديقه رحاب من النادي,  واكيد اتعرفت ع بابي سامح الايوبي

آمير: ايوه شوفتك مره مع رحاب في ملعب التنس

نهال: ايوه وانا عرفاك كويس جدا

آمير: عامله ايه وبتعملي ايه هنا؟؟!!

نهال: انا تمام وكنت بشتري باقه ورود لخطوبه واحده صاحبتي , وشوفتك وقلت اسلم عليك

آمير بحترام وشياكه: اهلا وسهلا مره تانيه

نهال: ممكن نشرب قهوه في الكافيه هنا

آمير: اكيد , ليه لاء, بس حاليا

نهال كملت بداله: لازم اكون بجهز لخطوبه صاحبتي ,بس ممكن نتقابل وقت تاني

آمير: اكيد

نهال: بس ممكن رقم موبيلك عشان يعني اتصل افكرك بينا معاد ع قهوه

آمير: اكيد اتفضلي

نهال : ممكن تمسك البوكيه اطلع موبيلي

آمير اخده  منها: اكيد

نهال: ها ايه رقمك

آمير قالها الرقم وهي شكرته ومشت ع وعد اللقاء

.

في غرفه رحاب واقف بيجهز وطالع

رحاب وقفت: انت رايح فين؟؟!!

جمال: مام اتصلت وطلبت مني احضر اجتماع مهم

رحاب: بتقول ايه هو احنا مش كنا متفقين هنخرج نتعشا سوي

جمال: يبقي نروح يوم تاني لان ده اجتماع مهم

رحاب بتذمر : كل شئ مهم بالنسبه لك ما عدا انا,  مامي تقولي نفس الكلمتين باستمرار اني افضي وقت معاك ازاي اقولها ان حضرتك معندكش وقت ليا اطلاقا

جمال: انا عايز كدا اقضي اطول وقت معاكي, بس مع الاسف الشغل الي رايحه مهم, شايفه مام بعتت لي مسدجات لازم امشي باي

رحاب طلعت الفراند وشافت آمير داخل وع ايده بوكيه ورد اتغاظت وغارت وكشرت جدا

ناني دخلتلها: رحاب ليه مش جاهزه مش خارجه مع جمال

رحاب: الاستاذ عنده شغل مهم اهم مني  مامته كلفته بيه زي الحال دايما وأجل الخروجه ليوم تاني

ناني: كان اجل الشغل ليوم تاني 

رحاب: عرفتي ان مامته بتدخل في حياتنا, عطيتي ابنك ومراته كامل الحريه, و مش بعيد يكونوا 

الا تنين بيستعدوا يخرجوا , ويتفسحوا , وينبسطوا, حتي اشترلها ورد

ناني: وماله لو آمير اهتم بيها, انا عايزاهم يهتموا ببعض ,وعايزه جوزك يهتم بيكي, وتفهمي ان ليكي الحق فيه مش دعاء,  يارب تفهمي ومتفضليش حماره وغبيه

رحاب قفلت ملامحها: تقصد ايه بكلامها ؟وايه الي افهمه

...................قصص منه محمد كاتب...............

جمال نازل من ع السلم شافه: واو زهور بيتفول لمين دول

آمير: لحبيبتي لمين غيرها دعاء بتعشق الورد كتير

جمال بحقد مستخبي: انت محظوظ جدا عارف الي بتحبه مراتك او تكره

آمير بمعني مبطن: مين غيري  يعرف لو انا معرفتش عن حبيبتي كل حاجه, انا بحبها كتير وعارف اهتم بيها ازاي

جمال: في معظم الحالات الزوج بيخطئ ومش بيعرف ازاي يسعد مراته

آمير بصله بتهكم وضيق: وضح كلامك بتحاول تقول ايه؟؟!!

جمال: اقصد انا حاولت كتير اعرف ايه الي بتحبه رحاب , وايه الي بتكره,  لكن دايما بتشتكي مني كل يوم , ده حتي لسه زعلانه مني عشان مقدرتش اخدها نتعشا بره ,اعمل ايه مام  اتصلت بيا عندنا اجتماع مهم جدا تاجر جديد في عالم الاثاث هنتفق ع شغل جديد

آمير: جمال دعاء ورحاب كل واحده منهم بتفكر بطريقه مختلفه تماما,  رحاب مش بتحب حد يرفض طلبها او رغبتها,  اهتم بيها وركز معاها وخد بالك منها هي محتاجه لك اوكيه

جمال تابعه وهو طالع الجنينه وقال: قادر اشوف نظره الغيره والشك في عينك مني واظاهر سهمي صاب عين الهدف 

.................قصص منه محمد كاتب..................

قاعده في الجنينه بعد ما حجزت معاد مع دكتوره النساء لانها بتحس بدوخه وزغلله 

آمير قرب عليها مبتسم: حبي اشترتلك الورد ده النوع الي بتحبيه هديه بسيطه بس عارف انها هتعجبك

دعاء: ليه عملت كدا؟؟!!

آمير: كان لازم اعمل كده عايز ابهجكك ومتأسف جدا طلعت عن شعوري وقلت الي قلته لحظه انفعال بجد آسف مكنش يصح اقوله فارجوكي حبيبه قلبي سامحيني

دعاء: بلاش تحرجني بالاعتذار

آمير: اوكيه اعدلي مزاجك بقي

دعاء: انا فاين, بس حاسه اني مش كويسه

آمير مسك كفها بقلق: حاسه بأيه تحبي نروح المستشفي

دعاء: لاء اخدت معاد كمان اسبوع

آمير ضم حواجبه بتعجب: معاد ليه حياتي

دعاء مسكت ايده وبضحكه رقيقه: هقولك بمجرد ما اتأكد اعملك حاجه تشربها

آمير: لاء انا اصالحك الاول, وبعدها اخدك ونخرج نتعشا بره ,ونحتفل بعيد ميلادك, الي لسه متعلق 

دعاء: مفيش داعي ياآمير ,ممكن نحتفل السنه الجايه

آمير: ليه ياروحي حد عارف السنه الجايه ممكن يحصل فيها ايه,  خلينا نعيش النهارده يله قومي عشان نلحق نجهز وطلعيلي لبس ع ذوقك انتي 

........قصص منه محمد كاتب.......................

رياض بيتصفح الموبيل ع السرير لحد ما ناني دخلت قعدت قدامه لكنها مضايقه

رياض بصلها: ايه المشكله شكلك بيقول حصلت حاجه

ناني: رحاب مضايقه من جمال

رياض: ايه الي حصل اتخانقت معاه ,ماهي بنتك بتتعصب بسرعه النار

ناني: رياض مش عارفه ازاي اخليها تفهم لو اتكلمت معاها بصراحه خايفه تثور وتغضب ولو حاولت اخبي كلامي واقوله مداري مش بتفهم منه حاجه

رياض: ايه الحكايه قوليلي بصراحه كل الي قلقك ومخوفك

ناني: للاحظت ان جمال مهتم اوي بدعاء اكتر من رحاب وجايز دعاء

رياض قطعها: لاء دعاء متعملش كدا هي مضايقه منه مش فاكره مشاكلهم

ناني: ايوه بس دي قديمه من يومين شوفته ماسك ايدها  وكان قلقان عليها لما جرحت صوباعها حسيت بشعور غريب لما شوفته كده ومرضتش اقول لـ آمير احساسي وانت بنفسك شوفتهم  وافقين سوي في الجنينه

رياض: ايوه واستغربت لما شوفته قريب منها وبيقولها تشاركه حزنها ايه الي محزن دعاء

ناني: زاي ما عارف دعاء بتحب تكسب التعاطف وآمير قدام دموعها بينسي كل حاجه

رياض: هو جوزها لازم يهتم بيها ويخاف عليها

ناني: انا فاهمه انه لازم يعمل كدا واكتر ومعنديش اي اعتراض عليه بس انا قلقانه من دعاء كانت ضده لدرجه اتمنت الخطوبه تتفركش يمكن بتحاول تضرب اسفين بين رحاب وجمال عشان تبوظ علاقتهم وللهدف ده بتمد ايدها بالصداقه مع جمال

رياض: معتقده ان دعاء تفكر بالطريقه الخبيثه دي قولي لرحاب ترجع بيتها قبل ما رحاب ودعاء يتخانقوا ماهو لازم ده يحصل طول ماهم عايشين تحت سقف بيت واحد

ناني: قولتلها تمشي كذا مره ومش بتسمع لي هحاول مره كمان يمكن تسمع لي المره دي 

رياض: يامسهل

..........قصص منه محمد كاتب...................

 قاعده  بتبرد ضوافرها وسرحت: كل تصرفات آمير تتعارض مع خطتي.... لازم امشي مفيش فايده بيحبها ولا يمكن يسيبها

جمال: بتفكري في ايه

رحاب بصتله: انا قررت نرجع بيتنا بكره 

جمال ارتبك لانه موصل لسه لغرضه وقال: زي ما تحبي,  جينا هنا حسب رغبتك ليه اعترض ع اننا نرجع

رحاب: يعني مش مصدوم من قراري المفاجئ

جمال: اطلاقا انا مبسوط انك اخدتي القرار اخيرا,  وغير كدا كنا في يوم من الايام هنرجع مام كمان بتلح عليا وبتسألني بأستمرار , وبتقولي هنفضل هنا لحد أمتي ,وانه ميصحش نتقل اكتر من كدا

رحاب: هي فعلا معاها حق

جمال: هقوم الجنينه ادخن وارجع حالا

رحاب: اوكيه

...............قصص منه محمد كاتب.........................

في غرفه نومهم  بعد رجوعهم قاعده ودماغها ع كتفه وهو مشبك ايده جوه صوابعها النحيفه!!

دعاء: حبيبي شكرا

آمير: ع ايه

دعاء: شكرا لانك حسنت حالتي بحتفال عيد ميلادي  وكان يوم جميل

آمير: ده حقك عليا انسيكي كل الحزن وابدله بكل الوان الفرح بس ممكن اسألك سؤال

دعاء رفعت دماغها عنه و بصتله: طبعا

آمير: لسه بتحبيني زي اول ما اتقابلنا

دعاء : ليه هو احساسك ان حبي قل ناحيتك

آمير: عايز اعرف وبس, يعني لما بمنعك من حاجه بتسمعي لانك عايزه كده, ولا بتبقي مضطره تنفذي

دعاء: احنا ارتباطنا سوي مكنش غصب  ,وكل الي بعمله وبنفذه بدافع الحب, والاحترام 

آمير: والي انابعمله , بعمله عشان مصلحتك, معنديش نيه وحشه, لما طلبت منك متتكلميش مع اخواتك لاني مش عايز حد يجرحك من ستاتهم بكلمه , مش عايز قلبك الحلو يتأذي ولا يتوجع

دعاء: وانا متأكده مليون في الميه انك خايف عليا

آمير:  دعاء انا لما بشوف دموع وقلق في عيونك مش بتحمل ببقي هاين عليا اهد الدنيا عليهم  وده سهل عليا جدا , عشان كدا بقولك ابعدي  ,   يقدروا يحلو مشاكلهم,  غير كدا انتي تقدري تعملي ايه, ولا حاجه , وانا مش بحب كده, لما تجرحك ميسر او الفت,  مش بحب كده 

دعاء:  عايزه اقولك انك عندك حق مفيش راجل بيتحمل  يسمع مراته بتتهان بسبب مشاكل اهلها ,وداغر مش هنا ,وميسر نهت علاقتي مع ابيه معمر ,ماليش عايله الا انت ,وعايزه اقولك انك مش هتلاقي حد يحبك زي منا حبيتك انت في قلبي وروحي انت عمري حبك مكنش شئ متخطط له لقتني فجأه بحبك ادمنتك وكأني مش شابقه حد غيرك  

آمير: وانا بعشقك و لو اطول نجمه من السما اجبهالك

دعاء: انا مش عايزك تشتري لي نجمه من السما وكفايه عندي تشتري خاطري مش عايزك تهد الدنيا عشاني كفايه عندي ماتهدنيش وقت ضعفي ,مش عايز فلوس ولا هدايا , كفايه تطبطب عليا وقت حزني 

آمير: بحبك اوي وشكرا لانك بتسامحيني بسرعه من غير اي مجهود

دعاء بغمزه: ماهو ده جنون الحب

آمير قرب منها يلتهم شفايفها لكن موبيلها رن قامت وهو ضحك وقام يغير هدومه ودعاء شافت اسم داغر قلقت تكلمه وآمير يضايق نزلت ع تحت في الجنينه  عشان تاخد راحتها اكتر

...................قصص منه محمد كاتب...............

دعاء: اخيرا فكرت تتصل بيا عارف كتبتلك كام رساله 

داغر: عارف انك قلقانه

دعاء: ليه طلقتها ياداغر مش قولتلك متعملش كده

داغر: انتي مش عارفه مدي حقاره الفت مقدرش اتحملها في حياتي بعد الي عملته 

دعاء: عملت ايه

داغر: سابت امنا سايحه في دمها ومساعدتهاش متخيله قسوه القلب وهي شايفه امنا بتنازع من الوجع وهي سابتها كانت تقدر تنقذها لو اتصلت بيا او بلاسعاف ووصلت المستشفي كانت عاشت

دعاء بذهول: الفت عملت كده

داغر مقدرش يكمل وانفجر في العياط وجمال سمع صوتها راحلها ووقف جنبها

دعاء نزلت الدموع من عينيها و تعالى لهيب أنفاسها  وحست بدوخه بسيطه لكن تمالكت نفسها: داغر هكلمك بعدين سلام

جمال بخوف: بتعيطي تاني انتي ليه عدو نفسك عينك مليانه دموع احتفظي بيهم ليوم تاني هتحتاجلها (مسك ايدها) بس ايه الخاتم الحلو ده رغم بترفضيني لكن لابسه الخاتم ده

دعاء حست بخوف شديد تملكها وحاولت تفلت ايدها منه بصعوبه: سيب ايدي, لخلي حياتك جحيم(صرخت بعزم قوتها) سيب ايدي بقولك, انت عملتي لي مشاكل بما فيه الكفايه , سيبني في حالي

جمال ساب ايدها ع سهوه لدرجه رجعت لوري  ووشها شحب وحست ان الكون بيلف بيها

جمال بقلق عليها: دعاء ايه الي حصل

دعاء مسكت في السلم بتحاول تهرب منه  لكن جمال سحبها و اخدها وقعت في حضنه

رحاب شافتهم نزلت جري  وزقتها وبزعيق: ايه الي بيحصل هنا ايه وقاحتك دي ,  مش مكفيكي اخويا رايحه لحضن جوزي

دعاء بتفتح عينها بالعافيه: الموضوع مش كدا

رحاب بصراخ: اخرسي انا شوفتك بين دراعاته, الله يلعنك انتي مش بتخافي ربنا

آمير نزل جري ع قوه الصوت: ايه الي بيحصل بتقوللها ايه 

رحاب: انا كنت ع حق دي تستاهل اقذر معامله , لو كنت مكانك كنت طردتها من البيت

دعاء: آمير والله مافيه حاجه هي غلطانه كنت بتكلم  مع داغر, طلبت مني اقطعه خوفت من زعلك ونزلت اكلمه حسيت بزغلله ودوخه وهو كان واقف هنا

رحاب بصت لـ آمير: انت مش مصدقني  مش كدا  الخاتم  فين ياجمال الي انت جبتهولي

جمال: في الورشه

رحاب شدت ايد دعاء بالخاتم وقالت: و بيعمل ايه في ايدها بيتصلح

جمال: رحاب

دعاء جسمها بيرتعش: بتقولي ايه جمال معطنيش الخاتم ده

رحاب بعصبيه قويه هزت جدران البيت:  هو عطالك الخاتم انا شوفته معاه

دعاء بنهيار: آمير الي جبهولي هديه في عيد ميلادي

آمير مذهول: انا امتي عملت ده؟  لو كنت جبتهولك كنت قولت لك , شوفت الخاتم في ايدك بس فكرت انتي الي اشتريته لنفسك

جمال بخبث ومكر: ايوه انا عطيت دعاء الخاتم هديه في عيد ميلادها لكن كصديق وبس

رحاب: كصديق ها ليه متقولش انتم الاتنين بدئتوه سوي الي نهتوه في الكليه,  هم حبوه بعض اربع سنين

دعاء صرخت في وشها: انتي كدابه محصلش

رحاب بصت لـ آمير: مش مصدقني مش كدا دقيقه واحده

جمال: يله بينا يادعاء بعد ما الكل عرف علاقتنا مفيش داعي للانكار

دعاء خلعت الخاتم ورميته في وشه..... ورحاب طلعت تجري ع فوق .......وناني ورياض نزلوا ع الصوت  

رياض : ابني هو في ايه؟؟!!

آمير مذهول: انا مش فاهم لسه نازل هنا

جمال: اكسكيوزمي انا ماشي

رحاب نزلت بالكارت: امسك كلامه ليها

آمير فتح الكارت: ايه الكلام ده يادعاء

دعاء: هقولك الحقيقه كلها

رحاب خافت وبعصبيه: لسه بيسألها شوفت كل حاجه

آمير بعصبيه: رحاب انا بتكلم معاها اسكتي

رحاب بتداري ع كدبها: هتسألها عن ايه هي كدابه وكانت بتكدب عليك طول الفتره دي

دعاء: آمير انا مش بكدب والله

آمير وجه سؤاله ليها بصرامة : رد واحد جمال هه الي كتبلك الكلام ده وعطاكي الخاتم

دعاء جسمها كله بيترعش: ايوه عطاني الكارت ده ,وانا معترفه,  لكن الخاتم والله العظيم ورحمه امي  فكرته منك ,وانك سيبهولي

آمير صرخ بقهر: هو انا مجنون مش هقولك لو اشترتهولك

رحاب: ليه رافض تعترف انها غفلتك 

ناني: امير فيه امر مريب مش مفهوم انا شوفت علاقتهم بتكبر عن اليوم الي قبله

دعاء صرخت فيهم: محصلش انا بقول الحقيقه هو كتب لي ده ايام الكليه بس انا رفضته والخاتم

آمير: ليه مقولتليش انه كان بيحبك زمان

دعاء حاسه انها مش قادره تتكلم من كتر الكابوس الي وقعت فيه: انا

رحاب قطعتها: ازاي تقولك وهي شيفاك 

هتمـ وت عليها فلعبتها صح

دعاء تهز راسها بنهيار : مش صح هو بيلف ورايا اسمعني واحكيلك

آمير بنرفزه وصوت عالي جدا: بطلي كدب مش هسمع اكاذيب تاني

دعاء مسكت كفه وبتبكي بحرقه: اسمعني وهقولك كل حاجه

آمير شد ايده منها: كفايه وسبيني

دعاء بتجري وراه ع السلم:آمير لله اسمعني

رحاب  جرتها من  هدومها بقسوة:  تعالي هنا رايحه فين

دعاء بتضرب فيها: سبيني هقوله الحقيقه

رحاب بتزق فيها للخارج:  امشي اطلعي بره

دعاء برجاء وتوسل :عمي خليها تسبني هقول كل حاجه

رياض بصلها بحتقار وسابها ومشي

دعاء بعياط:  سبوني اتكلم معاه

رحاب بتسحب فيها :هتتكلمي تقوليله ايه

دعاء  صرخت بكل قوتها : امير انزل واسمعني هقولك كل حاجه

رحاب :عن ايه مش هيصدقك ومفيش داعي لتوضيحك

دعاء:  انتي بتحرفي الحقيقه  انتي عارفه ان انا وجمال كنـ

رحاب قطعتها : مين يعرفك اكتر مني اذتيني بما فيه الكفايه ودلوقت بتحاولي تسرقي حبي مني مش هستحمل وجودك هنا تاني اخرجي من هنا

ناني بتسلك ما بينهم: رحاب

رحاب صرخت في انهيار: مش هتقعد يامامي عملت كل حاجه قذره كانت قدامك لو خلتيها هنا هموت نفسي جمال سابني عشانها

دعاء: ده كدب والله انا معملت حاجه ثقي فيا ياطنط 

رحاب سحبتها من دراعها بقسوة شديدة : جمال مشي انتي كمان تمشي يله

دعاء تصرخ بدموع من الالم : سبيني ده بيتي

ناني بتحاول تاخدها من ايد رحاب: رحاب استني

رحاب: محدش هيقدر يمنعني عنها , والا همـ وت نفسي وقدامك , مش هتحمل وجودها يله امشي للشارع

دعاء: طنط قولي كلمه لوجهه الله

ناني: انا تجاهلت امور كتير  مش عايزه اخرب بيت ابني بس كل شئ له حد بس انتي خربتي بيت بنتي وكسرتي قلب ابني عشان كدا لوجهه الله ارحمينا وامشي دمرتي سلامه البيت عايزني اخسر ولادي كمان هطلب من السواق يوصلك بيت اخواتك مينفعش تعيشي خلاص معانا بعد الي حصل

دعاء: حرام عليكم اسمعوني آمير انزل واسمعني

رحاب فتحت الباب: امشي من هنا يله

دعاء طلعت قدام البيت ومسحت دموعها واقسمت لو شافت حد فيهم ولا كأنها تعرفه حتي آمير زي ما صدق فيها بدون مايسمعها لايمكن ترجعله تاني وهتردله الصاع صاعين 

             الفصل الاربعون من هنا 

لقراءة باقي الفصول من هنا

تعديل المقال