رواية الخادمة وفرعون الصعيد الفصل التاسع والعشرون29والثلاثون30الاخير بقلم نوران احمد
تاني يوم الصبح صحيت رنا بحماسه وصحت هنا
هنا : عايزه انام سيبيني الله يباركلك مش قادره تعبانه هو الواحد ميعرفش يرتاح في البيت الزفت ده ياربي
رنا : يلا بلاش كسل لازم اعمل الفطار لجاسر النهار ده عشان أبين ليه ان انا احسن من البنت دي واكلي احلي منها واني ست بيت شاطره بصحي من بدري وبعمل كل حاجه يلا اخلصي هنتاخر
هنا : طب انتي عايزه تشقطيه انا مالي سيبيني يا بنتي الله يباركلك
جابت رنا كوبايه ميه ونزلت بيها عليها
هنا بصريخ : بغرق بغرق حسبي الله ونعم الوكيل فيكي وفي حسين بالمره اخلصي قدامي يا اختي مش هخلص منك النهار ده انا عارفه قدامي
نزلو البنات وبدأو يجهزون الفطار وسميه وساره بيساعدوها
رنا : اخير خلصت يلا يلا نحط الحاجه علي السفره بسرعه متحمسه اشوف جاسر هيقول اي علي الفطار يييي
حطو الاكل
حسين : انا مش قادر جعان جدا والأكل شكله يفتح النفس انتي اللي عملتيه يا هنا ولا اي
رنا : لا يا حسين ده انا اللي عملته لجاسر هو اتاخر ومنزلش ليه لحد دلوقتي هو تعبان ولا اي
هنا : غريبه مش باين لا هو ولا ام اربعه وأربعين الحربوقه دي
حسين : اسكتي يا شيخه ربنا ما يورينا وشها مش ناقصين قرف علي الصبح اطلعي صحيه يا رنا يمكن نايم كل ده
رنا : بس كان قال ليا في بدايه ما جيت البيت اني ممنوعه ادخل الاوضه بتاعته مش هيزعق لو دخلت
حسين : ده كان زمان لانك غريبه أما دلوقتي انتي قريبه منه جدا اخلصي بقا انا هاكل ومش هستنا حد انتي حره
جريت بسرعه علي اوضته بفرحه كبيرة خبطت كذا مره وبعدها سمعت صوت نرجس بتقول
نرجس : بس بقا بلاش شقاوه يا جاسر صحي جاسر ودخلت رنا بعصبية واتصدمت لما شافت جاسر صدره عريان ونرجس معاه بدأت دموعها تنزل وهي بتبص ليه ونزلت بسرعه علي تحت
اتصدم حسين لما لقي شكلها كدا جريت هنا وري رنا تمنعها من الخروج من القصر وحسين طلع علي فوق بسرعه اول ما دخل بعد وشه للناحيه التانيه وقال بقرف
حسين : متوقعتش منك القرف ده بس علي العموم رنا سابت القصر
قام جاسر بسرعه وجري وراها
جاسر : افهميني الموضوع مش زي ما انتي فاهمه اديلي بس فرصه اشرحلك
رنا : ابعد عني انا عايزه امشي من المكان ده وما لكش دعوه بيا ابدا كل اللي بينا انتهي يا جاسر خلاص ومش عايزه اسمع اي تفسير
جاسر : تمشي تروحي فين ارجعي يا بت اوضتك بدل ما اتصرف معاكي تصرف مش هيعجبك
رنا : بقولك اي انت ما لكش دعوه بيا ابعد عني بقا ولو راجل وريني هتمنعني ازاي
شالها جاسر بسرعه هي بتصوت ودخلها اوضتها
رنا بدموع : لو فاكر باللي بتعمله ده هسكت تبقا غلطان طلعني يا جاسر لو سمحت انا مش عايزه اقعد معاك في مكان واحد يا بني ادم انت
هنا بدموع : ليه كدا يا جاسر كسرت قلبها حرام عليك متوقعتش منك كدا ابدا
دخل جاسر المكتب ودخل وراح حسين
حسين : ممكن تفهمني اي القرف اللي بيحصل ده الحوار ده كله مش طبيعي ومش مرتاح في اي يا جاسر عمرك ما كنت زباله اوي كدا
جاسر : انت كمان يا حسين محدش فاهمني خالص كدا البت دي عايزه توصل لحاجه معينه وانا بريحها بس
حسين بغضب : وانك تغضب ربنا ده راحه يعني ولا اي فهمني معلش لو عند سيادتك وقت يعني
جاسر : يا ابني لا والله الموضوع مش كدا عمري ما أغضب ربنا اصبر بس 3 دقائق شوف هيحصل اي
سكتو شويه وفجاه لقو رجاله كتير باسلحه قدام قصر جاسر ومعاهم العمده وبينادي عليه
جاسر : ده بقا اللي بتكلم عليه يا معلم تعالا ورايا واتفرج علي المسرحية الجامده اللي هتحصل دي
طلع جاسر
العمده : كيف بت العمده تبات عند راجل عذابي رجعلي بتي يا جاسر والا انت عارف زين الرجاله دي ممكن تعمل اي معاك
نرجس بدموع متصنعه : لع يا بوي معدش ينفع دلوجتي واصل خلاص بعد اللي عمله جاسر فيا بالليل معينفعش ارجع
العمده : عمل فيكي اي يا بت كيف أكده لازم اغسل عاري بيدي حجتلك انت وهي يا جاسر هات السلاح يا هريدي
نرجس : لا يا بوي اني بحبه وعتزوجه متعملش كدا يا بوي ارجوك هنتجوز مش أكده يا جاسر
دخلت هنا وهي بتدي الفشار لحسين
هنا : هي دي الحلقه الكام عجبني اوي المسلسل ده بس الممثلين فاشلين سيكه حاسه
حسين وهو بياكل : حاسه مش متاكده ده فيلم محروق ومهروس ميه مره قبل كدا اسكتي بقا عايز اتفرج
نرجس : ليه يا بوي أكده تدخل الناس عشان تجتل نفس بريئه اللي اتكسر ممكن يتصلح عادي من غير دم
العمده : تجصدي اي يا عاصيه ازوجك ليه مستحيل اني لازم اغسل عاري بيدي شوفو يا اهل البلد الكبير بتاعكم وعمايله
نرجس : جصدي ابني ملوش اي زنب تجتله معانا يا ابوي هات الماذون وزوجنا عشان ترتاح وبكده مجيبتلكش العار واصل
هنا : طفل اي اللي اكتشفته في اول ليله ده البت دي بتنجم ولا اي اي الفيلم الهندي اللي ميدخلش عقل حد ده مين حمار غير ابوها يصدق كلامها اصلا
حسين : سيبك من الحمار والفيلم الازرق ده اي الحلاوه دي يا بت بتحلوي كل يوم عن اللي قبله كدا ينفع
هنا بكسوف : يوه جتك اي يا سي حسين بتكسف الله اختشي بقا
جاسر : كفايه محن بقا ولا اي عشان مكسرش دماغك انتي وهو وبعدين بص لاهل البلد وقال
اني بخاف ربنا وعمري ما جيت علي حج حد منيكم واصل ولا ظلمت حد ومعتجدش ان حد صدج الفيلم اللي بيحكوه دي ومع ذالك جبتلكم دليل ادخلي يا ساره
ساره : ايوه سي جاسر الست نرجس كانت بتخطط كيف توجعك في شباكها وتحبها وكنت بساعدها وامبارح حطت ليك منوم في العصير عشان تنام ولما تصحي تلاجيها جنبك ف تضطر تتجوزها والعمده عارف كل حاجه عن الخطه دي ونرجس هانم كلمته ييجي طوالي
هريدي : اخص عليك راجل هوزج يلا يا رجاله احنا غلطنا لما مشينا وري الراجل ده يجبل علي بته تتعري أكده كدام الرجاله وتغويهم يلا يا رجاله
كل راجل يمشي قبل ما يمشي بيتف عليه
جاسر : اظن بعد ما اتفضحتي وانتي اللي فضحتي نفسك مش انا معايزش اشوف وشك واصل انتي فاهمه بره
نرجس وهي بتبصله بشر : طب لو طلعت حامل يا جاسر اي جولك بجا
جاسر : لو فاكره اني شربت العصير بتاعك تبجي غلطانه اني واخد بالي كويس من تصرفاتك وطول الليل كنت صاحي وشايفك وحتي ملمستكيش ولو بالغلط بس كنت عايز اشوف اخرك لفين وعتعملي اي اطلعي بره بصتله بشر ومشيت وهي بتتوعد ليه
دخل جاسر وفتح لرنا
جاسر : لو نهدي حبه هنفهم شوفتي بقا اني مظلوم وجيتي عليا يا مفتريه
رنا : تصرفك مش مبرر ابدا انت عملت كدا قصد يا جاسر عشان تضايقني
بصت له بضيق ومشيت وبدأت تذاكر
حسين :معاها حق يا صاحبي انت استهبلت فيها بزياده بقولك اي بقا كلملي أهل البت دي خليني اتجوز واخلص
طلع جاسر الفون واتصل علي كريم
كريم : ايوه يا جاسر لو هنا زهقتك جيبها البيت و مالكش دعوه بحاجه هبعتلك العربيه حالا
جاسر : اي يا عم مش كدا اهدي واحده واحده حتي مفيش أزيك ولا عامل اي في اي يا جدع
كريم : مشغول والله يا جاسر المهم في حاجه ولا اي عملت مصيبه تانيه
جاسر : اه في شاب صاحبي وجدع ومحترم جدا كنت عايز
كريم : ايوه يعني عايز شغل ولا اي بص ابعته علي مكتبي وهبقا اشوف الموضوع ده
جاسر. بعصبية : اقسم بالله لو قطعت كلامي تاني لأكون جايلك الشركه اللي فرحان بيها دي ومهزقك قدام الكل وعايز حد بس يحوش عنك خلاص اسمع كلامي للآخر ده ظابط صاحبي وعايز يتقدم لهنا ويتجوزها ووو
الخادمه وفرعون الصعيد 30 والاخير
بقلم نوران احمد
كريم : خلاص يا عم اهدي علينا شويه بس قولي صاحبك ده عنده شقه كويسه وهو محترم علي ضمانتك
جاسر : ايوه انا واثق فيه جدا وهو جنبي ومعايا اهو لو عايز تكلمه
كريم : لا مفيش داعي بما انك واثق اوي كدا فيه واتصل بأمه واتصل بهنا ودخلهم في المكالمه وكمل وقال في شاب اتقدم لهنا علي ضمانه جاسر انا موافق كلكم موافقين ولالا لو موافقين اقرءو الفاتحه معايا دلوقتي مفيش وقت عندي
حسين بصدمه : طب ما تجوزهالي دلوقتي هاجي تمضي علي كتب الكتاب وتبقا مراتي وهتفضي خالص ومش هتشغل بالك بيها ابدا بعد كدا
كريم : لا طبعا لازم اعمل ليها فرح كبير جدا يليق بمستوانا واعزم فيه اكبر رجال الاعمال
حسين: اه هتستغل الفرح مصلحه تعمل صفقات علي العموم تمام أمتي هنتجوز يعني
كريم : بعد سنه من دلوقتي ان شاء الله يلا نقرا الفاتحه اول ما خلصو قراءه قفل كريم السكه
حسين : اي العيله السهله دي يا جدع في اي ده لو بيرمي أخته هيرتب ليها عن كدا وياخد وقت
كانت هنا بتتنطط من الفرحه فوق ورنا فرحانه جدا ليها
رنا : ربنا يسعدك دايما يا قلبي انا فرحانه بيكي اوي كدا ضمنت لما ازعل هاجي اعيش معاكم
هنا : حبيبتي انا وانتي يارب ويهدي حالك مع جاسر شويه بصت بحزن وسكتت وطلعت بره المكان وبدأت تذاكر كان جاسر كل ما يحاول يكلمها تتجاهله ومنعت الاكل والكلام معاه لحد ما دخلت عليهم الامتحانات خبط عليها جاسر فتحت ليه
جاسر : بكرا هستناكي اوصلك المدرسه وارجعك اتفقنا
هزت رنا راسها بضيق وقفلت الباب
تاني يوم ركبت العربيه وري بص ليها بضيق
جاسر : رنا بجد مش ملاحظه انك جايه عليا وظلماني جدا كمان كل دي كانت خطه ليه مش قادره تفهمي
رنا : واستغلالك لمشاعري وحبي ليك ده طبيعي وظلمتك بردو انت بعد ما كنت امان ليا كسرت قلبي مش مصدقه ومش عايزه اتكلم معاك لو كان الموقف العكس مكنتش هتستحمل ابدا عن اذنك وقف هنا
نزلت رنا وبص عليها جاسر بحزن وحس انه فعلا غلطان
وفي مكان تاني في بيت العمده
رن فون نرجس
نرجس : ايوه مين اخلص مافضياشي لوجع الجلب ده
المجهول : وراكي اي بعد ما جاسر ضربك علي قفاكي وخلي شكلك زفت قدام البلد كلها
نرجس بضيق : انت مين انت كيف تتحدث معي بالطريجه دي معتعرفش اني مين
المجهول : انا واحد عايز مصلحتك مش هدفك توصلي لجاسر وتخلصي من رنا عندي انا الحل هتساعديني
نرجس بفرحه : طبعا اني معاك جولي بس الخطه اي واني هنفذها بالضبط المهم نخلص من رنا
المجهول : يبقا تسمعيني كويس اوي ومش عايز اي غلطه
انا في مكتب جاسر في القصر.
جاسر بضيق : انا مش عارف اعمل معاها اي عشان تصفي مش كدا بردو يا جماعه دي صعبه اوي
حسين : هي معاها حق خليها تربيك شويه ده انت تربيه وسخه بعيد عنك
ضربه جاسر بقوه
جاسر : عندك حاجه حلوه قولها مش عندك مسمعش صوتك
حسين : طب بقولك اي البنات بتحب الحركات الرومانسيه اقف ليها قدام المدرسه واعترف بحبك أو اعمل ليها حفله مفاجاه وجيب ليها كل اللي نفسها فيه وصالحها بردو
جاسر : افكار كويس هعمل بيها اخر يوم امتحانات ليها تسلم يا حسين
بدأ جاسر يجهز المفاجأة وجه اخر يوم مدرسه واليوم الموعود
راح جاسر وصلها من غير ولا كلمه وده استغربته رنا وخافت يكون زهق منها بس فضلت ساكته دخلت المدرسه وهي طالعه شافت جاسر وفجاه اتجمعت بنات كتير حواليه بسرعه وفضلو يشدوه لمكان استغربت رنا بس قبل ما تستوعب اي حاجه لقت نفسها مخطوفه في عربيه غريبه واغمي عليها واخر صوره هي شايفاها كان جاسر وهو بيصوت باسمها
فتحت عيونها واتصدمت وبدأ جسمها كله يترعش لما شافته اكتر شخص بتخاف منه وبتكرهه في الدنيا
سعد : معقول نسيتيني يا حلوه انتي فاكره اني مش هعرف اوصلك ولا هعرف اخد اللي انا عايزه منك ها
رنا برعب : انا انا انا م مستحيل ا ا اخليك تقرب م مني ا ابعد ا احسن لك ح حبيبي عقيد كبير ومش هيسكت وهيكسر كل حاجه فوقك
نرجس بضحك : متقلقيش يا حبيبتي هنسيه انك كنتي عائشه في الدنيا اصلا
رنا بصدمه : معقول معقول انتي تاني مش كفايه اللي حصل منك تفتكري هيوافق تقربي منه اصلا مستحيل جاسر يعمل كدا
ضربها سعد بغيره وغضب
سعد : اوعي تنطقي اسم راجل وانا عايش انتي فاهمه ولا عايزاني اخلص عليكي يا حلوه
حست رنا أنها بتتعامل مع شخص مريض نفسي
رنا : انا بحب جاسر وفي خلال دقائق بس هلاقي حبيبي جاي يا خدني
لسه سعد بيقرب منها يضربها وقفته نرجس
نرجس : مش وجته يا سيد الرجاله تعالا بس نكمل كلامنا ونستمتع بره شويه
سعد : لا اطلعي انتي بره وانا جايلك انا مستني اللحظه دي من زمان اوي
خرجت نرجس وهي بتبص لرنا بكره وقرب سعد منها اكتر
مسكها سعد من شعرها : قولتي بقا يا روح امك بتحبي مين طب هنشوف بقا حبيب القلب لما يشوفك في حضني هيعمل ايه هيوافق أنه يبص في وشك تاني وده معتقدش أنه هيعمل كدا الصعايده بيغسلو عارهم بأيديهم وهيقتلك بايده
بدأت رنا تعيط اكتر وبتترعش : ابعد عني مستحيل جاسر يعمل فيا كدا انا بكرهك اوي
سعد بخبث : انا هخليكي تحبيني وتكوني سعيده معايا وتحبي ده اوي وبدا يقرب اكتر منها وهي تصوت لحد ما دخل جاسر وكسر الباب ونزل في سعد ضرب بغل وهي بتعيط وهي مبتسمه انها شافته
دخل حسين بالقوات بسرعه وقبض عليهم وجري جاسر علي رنا وحضنها فضلت تعيط في حضنه
رنا : اتاخر عليا اوي يا جاسر و وحشتني اوي مبسوطه اني شوفتك كنت خايفه اوي من غيرك
جاسر : انا معاكي يا قلبي وعمري ما هسيبك ابدا وشالها وراح بيها القصر وهي مش راضيه تسيب حضنه وبتترعش كان جاسر مبسوط بالوضع دخلها اوضتها ونزل
هنا : عايزه افهم حاجه يعني انتم الاتنين كنتم عارفين ان سعد عايز يخطف رنا ومراقبينه من زمان
حسين : ايوه يا ستي لانه الوحيد اللي متقبضش عليه من ملجأ رنا ودوخنا علي ما عرفنا نوصله وعرفنا أنه ناوي يخطفها عشان كدا جاسر كان بيوديها وبيفضل مستنيها ويرجعها مكناش متوقعين خالص ان الزفته نرجس هتبقا معاه وتشتت جاسر عشان سعد يقدر يطلع برنا
هنا : طب عرفتو مكانهم ازاي اكيد هو مش غبي عشان يجيبها نفس المكان اللي بيقعد فيه
جاسر : كنت جايب لرنا سلسله في شرم وهي مش بتقلعها ابدا فيها جهاز تعقب عشان اكون مطمن عليها وعلي طول جبناها واتقبض علي العمده وبنته وسعد وهتبدا الحياه تحلو بقا
قررو يعملو فرح حسين وهنا وجاسر ورنا في نفس اليوم وكان فرح كبير جدا وقبل الفرح طلعت نتيجه الثانويه العامه وقدرت رنا تدخل كليه تربيه وكانت مبسوطه جدا وفي يوم الفرح جه اكبر الشخصيات المهمه وكان فرح علي مستوي وهما بيرقصو
حسين : مش كفايه كدا اخوكي عزم أمه الا اله الا الله انا زهقت بقا وعايز اروح بيتي معاكي وحشتيني يا هنهن
هنا : كنت مبسوطه بكلامك بعد هنهن دي عايزه اتطلق ناو
حسين : مش لما اتجوز الاول وحياه امك انتي واخوكي انا زهقت مستني اليوم ده من بدري واللحظه اللي بحبها مش راضيه تيجي كدا كتير
كريم : الموسيقى وقفت وكلامك الناس كلها سمعته وفضحتنا خدها وامشي مش ناقصه وجع دماغ
شال حسين هنا وجري بيها علي شقتهم
ضحكت رنا وجاسر عليهم
جاسر : اي رايك تيجي نعمل زيهم
رنا : نعم تقصد اي
شالها جاسر وجري بيها وسط ذهول المعازيم من المجانين دول دخلو شقتهم وبدأت عش الزوجيه الجميل بتاعهم
تمت بحمد الله