رواية عندما يقع الوحوش في العشق الجزء الثاني2 الفصل التاسع والعشرون29 والثلاثون30والاخير بقلم جنات
الشباب كل واحد جهز المكان اللى هيصللح فيه حبيبته ومراته
عند فيروز كانت قاعده فى الاوضه ومضايقه ان فهد محاولش يتكلم معاها او حتى يصالحها سمعت صوت عالى جاى من تحت نزلت بسرعه قابلت نعمه تحت
فيروز:داده نعمه فى ايه ايه الصوت ده
نعمه:معرفش يابنتى ده جاى من الجنينه اللى ورا ومحدش بيروحها غير فهد
فيروز:هو فهد رجع امته
نعمه:من شويا ورا على الجنينه يابنتى روحى شوفيه ربنا يستر
فيروز جرت على برا بسرعه
نعمه:ربنا يسعدكو ياولادى يارب
فيروز راحت على الجنينه اللى ورا والمكان كان ضلمه
فيروز بخوف:فهد ...فهد انت هنا
فجاه اتفتح النور والمكان كان متزين بشكل جميل بالورد الاحمر والشموع وفهد واقف وفاتح دراعه ليها فيروز اول ماشافت المنظر عيطت وجرت على حضن فهد بسرعه وفهد شالها ولف بيهااا كتير وهى متعلقه فيه بعد شويا فهد نزلها وباس راسها:حقك عليا ياروح قلبي انا اسف
فيروز:انا اللى اسفه انى اتكلمت معاك بطريقه من كويسه بس كنت زعلانه اوى منك
فهد باسها من خدها:انا اقدر على زعلى روحى بردو
فيروز:حلوة اوى المفاجاه دى
فهد:انا اعمل اى حاجه عشان افرح قلبي تعالى
فهد مسك ايدها وراحو على ترابيزة كان عليها اكل وشد لفيروز الكرسي وقعدت وراح قعد قصدها واكلو سوا وبعد ماخلصو اشتغلت موسيقى هاديه وفهد مد ايده لفيروز
فهد:تسمحيلى بالرقصه دى
فيروز:طبعاااا
ورقصو سوا وهما طايرين من الفرحه وبعد شوية فهد شال فيروز وطلعووو على اوضتهم
----------------------------
اسر اتفق مع فارس يكلم كارما ويقولها ان اسر قاعد مع واحده حلوة اوى فى مطعم وكارما اول ماسمعت كدا اتجننت ولبست بسرعه ونزلت راحت على المطعم ودخلت ماكنش فى حد خالص فى المكان وكان ضلمه ولسه هتلف تمشي اتسلط نور عليها ونور على اسر اللى واقف فى نص المطعم وفى ايده بوكيه ورد احمر كارما فرحت لما شافته وشافت المكان كله متزين بالبلالين وجرت على حضن اسر وبعد شويا بعدت عن حضنه
كارما:فارس قالى انك مع واحده هنا فى المطعم
اسر ضحك
كارما:تعرف لو كان حقيقه كنت قتلتك يااسر
اسر:ان كيدهم عظيم والله بس قوليلى اى رايك فى المفاجاه
كارما:حلوة اوى
اسر:يعنى مش زعلانه منى
كارما:انا مقدرش ازعل منك بس حبينا انا والبنات نعلمكو درس كدا
اسر:قولى بقي انكو متفقين علينا
كارما:بس جاب نتيجه اهووو
اسر:طب يلا نتعشي سوا طلبتلك كل الاكل اللى بتحبيه
كارما:وبصراحه انا ميته من الجوع
اسر:طب ينفع يعنى تجوعى بنوتى
كارما:ومين قالك انها بنت
اسر:مش عارف بس حاسس انها هتكون بنوته وشبهك كمان
كارما:ليه من ولد شبهك
اسر:اللى يجيبه ربنا حلو
كارما واسر اتعشو سوااا وقضو وقت رومانسي مع بعض
اسر:يلا نروح بقي
كارما:خلينا شويا ونبي
اسر قرب عليها:لا هنروح بصراحه انتى وحشانى اوى
كارما:عيب يااسر
اسر:هتفضل تقولى عيب يابت انتى مراتى اقسن بالله مراتى
كارما ضحكت
اسر:يلا
كارما:يلا
-----------------------------
مراد اتفق مع عدى يكلم نور ويقولها ان مراد عامل حادثه ويبعتلها لوكيشن تروح عليها نور خافت على مراد ونزلت بسرعه وراحت على المكان وكان ملاهى واستغربت ان مافيش حد وفجاه حد حضنها من ضهرخا ونور صوتت
مراد:اهدى يامجنونه ده انا
نور اول لما سمعت صوت مراد لفت بسرعه وحضنته بقوة:انت كويس صح
مراد:انا بخير يانورى انا اللى قولت لعدى يكلمك
نور بعدت عنه وضربته فى كتفه وفى صدره:طب ليه تخوفنى كدا حرام عليك
مراد:لو كنت قولتلك تيجى معايا كنتى هتيجى
نور:لا
مراد:شوفتى بقي انا معايا حق لانى عارف انك زعلانه منى
نور:انت اللى متزعلش منى على الكلام العبيك اللى قولته
مراد:عمرى مازعل منك يانور
نور:انت حاجز الملاهى دى ليا
مراد:اه ياروحى
نور:بس انا حامل يامراد مش هقدر العب كل الالعاب
مراد:مش مشكله نلعب الحاجات السهله ولما تولدى باذن الله اجيبك وتلعبي كل الالعاب
نور:موافقه يلا بينا
نور لعبت كتير لحد ماتعبت
مراد:ممكن نهدى شويا بقي انا غلطان انى جبتك هنا والله
نور:بالعكس انا فرحانه جداااا انى فى المكان اللى بحبه مع اكتر حد بحبه
مراد باسها من خدها:ربنا يباركلى فيكى ياقلبي
نور:عايزة اكل ايس كريم ممكن
مراد:ممكن طبعااا بس بعد مانتعشي الاول
نور:تصدق انا جعانه يلا بينا
مراد:يلا
نور ومراد اتعشو ومراد جبلها ايس كريم وبعدها روحو بيتهم
---------------------------------
هنا كانت قاعده فى اوضتها جتلها رساله من رقم ان فارس بيخونها وبعتلها لوكيشن
هنا:ده المطعم اللى بروحه انا وهو على طول ماشي يافارس اماوريتك مبقاش انا هنا
هنا لبست ونزلت راحت على المطعم دخلت كان المكان متزين وشكله وااااو واسمائهم مكتوبه على الارض بالورد وفارس واقف وفى ايده بوكيه ورد ابيض زى ماهنا بتحب
هنا قربت منه:انتى بتخونى يافارس
فارس:انتى حوله ياهنا مانا متنيل مظبط المكان عشانك ايه مش شايفه اسمى واسمك دول
هنا قربو منه وحوطت رقبته بايدها:تعرف ياحبيبي لو كنت بتخونى بجد كنت رميتك من الدور ال١٥ اللى احنا فيه ده
فارس:والله الواد كريم قالى هترميك منه
هنا ضحك وحضنته:متزعلش منى يافارس على كلامى
فارس:انتى اللى متزعليش منى ياقلبي انى قصرت معاكى
هنا:بس المكان واااااو والاكل شكله حلو تعالى ناكل لانى جعانه
فارس:يلا ياحبيبتى
اقعدو اكلو ورقصو سوا وبعد شويا روحو على بيتهم
----------------------
فارس كلم لين وقالها ان كريم عامل حادثه وبعتلها لوكيشن راحت لين بسرعه على المكان وكان على البحر ومراكب كتير واقفه فجاه مركب منهم نور بانوار كتير وعليه اسمائهم كريم ولين وكريم واقف على بوز المركب
لين جرت عليه بسرعه واترمت فى حضنه
لين:خوفت عليك اوى لما فارس كلمى
كريم:انا بخير ياقلبي بس المهم انتى مش زعلانه منى
لين:مقدرش ازعل منك
كريم مسك ايدها ونزلو المركب
لين:تعرف انى دى احلى مفاجاه فى حياتى
كريم:عارف انك بتحبي المراكب اللى بتمشي فى النيل
كريم شغل اغنيه هاديه:تسمحيلى
لين:طبعا
رقصو سوا وبعدها اتعشو مع بعض وقضو وقت جميل على المركب ولفو كتير فى النيل وبعدها رجعو على بيتهم
-----------------------------
عدى ظبط مكان على البحر وزينه كله البلالين والورد وكلم مراد يكلم ملاك
مراد كلم ملاك وقالها ان عدى قاعد فى مكان على البحر وحالته وحشه اوى وسكران كمان ملاك نزلت بسرعه وراحت المكان واتفاجات بيه وفرحت لما شافت عدى وجرت على حضنه وفجاه بعدت عنه وشمت هدومه
عدى:مالك ياملاك
ملاك:مراد قالى انك سكران انت بتشرب بجد ياعدى
عدى:انتى عبيطه ياملاك ده فيلم عملته عليكى عشان تيجى ياحبيبتى
ملاك:لا والله كدا بتصالحنى يعنى
عدى:يعنى مش عجبك المفاجاه
ملاك ضحكت:لا عجبانى جداااا ربنا يخليك ليا ومتزعلش منى لو زودتها معاك فى الكلام
عدى:ربنا يباركلى فيكو
ملاك:مين فيكو دول
عدى:لا حول الله انتى والبيبي ياملاك مالك
ملاك:اصل بصراحه ريحه الاكل تحفه وانا جعانه اوى
عدى:ابو اللى يتعامل معاكى برومانسيه ياملاك ارحمينى
ملاك:حبيبي الرومانسيه دى مش بتاكل عيش ياروحى تعالى ناكل
عدى:صبرنى يارب
عدى وملاك اكلو سوا ورقصو وقضو وقت حلو مع بعض وبعدها رجعو على بيتهم
-----------------------------
عدت ايام وشهور والبنات بقو فى الشهر التامن وفى يوم حياه قررت تعمل عزومه ويكون فيها العيله كلهااا والكل كان فرحان انهم هيتجمعو من تانى
حياه فى المطبخ بتجهز الاكل وكارما معاها
حياه:كارما حبيبتى ارتاحى شويا عشان متتعبيش
كارما:متقلقيش ياحياه لما اتعب هرتاح والله
بعد شويا الكل وصلووو الماميز والبنات دخلو المطبخ لحياه والشباب والوحوش كانو فى الجنينه
حياه:واخيرااا اتجمعنا بعد وقت طويل
ليان:يارب ديما بيتك مفتوحه ومجمعنا ياحياتنا
ديما:ربنا مايحرمنا من لمتنا
ملك:يارب والمره جايه يبقو معانا القطاقيط للصغيرين
حور:مش ناويين تقولو بقي عرفتو نوع البيبي ايه
لين:احنا اتفقنا نسيبهل مفاجاه لوقت الولاده
ريم:طب قولو لينا ومش هنعرف الشباب
نور:ياريمو دانتى لو مراد قالك بس ياست الكب هتقرى بكل حاجه
كلهم ضحكو عليها
حياه:اخرجو ارتاحو برا يابنات عشان ريحه الاكل هتتعبكووو
فيروز:انتى بتقولى فيها ياماما انا مش طيقه ريحتها اصلا
ريم:البنات دول حملهم صعب الناس كلها الوحم بيبقى اول ٣ شهور
ملك:ودول تقريبا الوحم عندهم ٩ شهور
ليان:انتو مش ناوويين تبطلو نزول الشغل بقي
حور:والله اتكلمت معاها كتير مش موافقه
ملاك:خلاص ده اخر اسبوع فى التامن هنكلمه ومن اول التاسع هناخد اجازة
ديما:انتو تعبتو جامد الفترة اللى فاتت
كارما:الحمدلله ياماما
هنا:كان عندنا عمليات وحالات صعب تتاجل
حياه:ربنا يوفقكو ياحبايبى
حور:يلا اخرجو قولو لشباب تظبط القاعده واحنا هنخرج بالاكل اهو
البنات خرجو كل واحده قاعدت جمب باباها والشباب ظبطتو القاعده
اسر: هتفضلى فى حضن ابوكى كدا كتير
زين:ماهى فى حضنك على طول سبهالى شويا
فهد بيبص لفيروز
سيف:هاااا عندك كلام عايز تقوله
فهد:انا اقدر ياوحش خد راحتك
فيروز ضحكت عليها
سيف:وانت يامراد باشا عندك اعتراض
مراد:لا طبعااا ياوحش انا اقدر اعترض بردو
نور ضحكت
مراد:اضحكى اضحكى
سيف:مش فى حضن ابوها تتضحك براحتها
كريم:ايه يامالك باشا حضنها حلو اوى
مالك شدد من حضنه للين:طبعااا بنتى حبيبتى
سليم:مش سامع صوتك ياعدى يعنى
عدى:هقول ايه يعنى كلهم اتهزقو اسكت انا احسن
سليم:انا كدا جدع
فارس:منور يازين باشا
زين:طبعاا يابنى منورين مش الوحوش
فهد بهمس سمعه الشباب بس:اهدو ونبي احنا مش قدهم
اسر:انت هتقولى احتمال ياخدو البنات معاهم وهما مروحين
عدى:الا دى بقي
مراد:اهدى ياض هيسمعوك
سيف بصوت عالى:بتتوشوشو فى ايه انت وهو
فهد:بقولهم يظبطو القاعده ياوحش
ادهم:طب يلا انجزو
بعد شويا الشباب كانو ظبطو المكان والماميز خرجو الاكل والكل قاعدو ياكل فى جو عائل. جميل مخلاش من هزار الشباب والوحوش وقضو وقت جميل سوااا وبعدها كل واحد اخد مراته وراحو على بيتهم.......
روايه عندما يقع الوحوش فى العشق ج٢
««الفصل ٣٠ الاخير»»
عدت الايام والبنات بقو فى الشهر التاسع
عند اسر وكارما
اسر:بقالك ساعه ياكارما بتجهزى خلصى بقي
كارما وهى واقفه بتلف الطرحه:يوووه يااسر مانا بلبس اهو
اسر قرب عليها:انتى تعبانه ياكارما
كارما:مش عارفه مالى كل شويا يجيلى مغص ويروح ومش مرتاحه
اسر:لو حابه ممكن نعتذر ومنروحش
كارما:لالا فيروز اول مرة تجمعنا فى بيتها مش عايزاها تزعل منى
اسر:طب يلا ياروحى خلصى
كارما:خلصت خلاص يلا ننزل
اسر وكارما نزلو وكان سيف وحياه جاهزين
حياه:مالك ياكارما
اسر:تعبانه وكل شويا بيجيلها مغص
حياه:حبيبتى ده ممكن يوم مغص الولاده لو زاد لازم تعرفينا
كارما:حاضر ياحياه متخافيش
سيف:طب يلا عشان منتاخرش
---------------------
عند فارس وهنا
هنا واقفه بتلف الطرحه:بتقول انا اللى ماخراك يلا قوم البس بقي بدل مانت عمال تلعب فى الفون
فارس:الوقت انا اللى مأخرك مش كدا
هنا قعدت بتعب على السرير وفارس خارج من اوضه اللبس
فارس:مالك ياهنا
هنا:مش عارفه مالى احساس غريب اوى
فارس:اوعى تعمليها وتولدى النهارده
هنا:الدكتوره قالتلنا فى اى وقت
فارس:طب يلا ياحبيبتى ننزل
هنا وفارس نزلو وكان فى انتظارهم ملك وسليم
فارس:هنا تعبانه يالوكاا
ملك:مالك ياحبيبتى
هنا:احساس غريب يالوكا اول مرة احسه
ملك:طيب ياحبيبتى لو تعبانه ممكن نعتذر
هنا:لا مش عايزة ازعل فيروز انا كويسه متقلقوش
سليم:طب يلا نمشي
-------------------
عند كريم ولين
لين:انا خلصت خلاص
كريم:لسه الطرحه
لين:دى بسرعه
كريم:بقالك ساعتين بتقولى بسرعه بسرعه
لين:خلاص اهو
كريم:يلا ننزل
نزلو كان ادهم وليان وافقين
ليان:كل ده
كريم:هى اللى اخرتنا والله
ادهم:ده العادى بتاعهم ياحبيبى يلا نمشي
ليان:لسه بيجيلك مغص ياحبيبتى
لين:بسيط
ليان:لو حسيتر بمغص جامد عرفينى
لين:حاضر
-------------------------
عند جاسر وريم
جاسر:كل ده بيجهزو
ريم:البنات بتاخد وقت وانت عارف براحتهم
جاسر:طبعااا ماهما حبايبك
ريم:كان نفسي يكون عندى بنت وجالى احلى بنتين
جاسر:طب رنى على ولادك استعجليهم
ريم:حاضر
----------------
عند عدى وملاك
عدى:ياملاك ياحبيبتى مش وقت مانجا خالص
ملاك:يووه هى طلبت معايا مانجا اقول لا يعنى
عدى:طب يلا ياحبيبتى اتاخرنا عليهم
ملاك:خلاص اخر واحده
عدى:ياااااارب الصبر من عندك
ملاك:سديت نفسي والله مانا اكله
عدى:ملاك حبيبتى ده خامس مانجايه سديت نفسك ازيك اومال لو مفتوحه بقي
ملاك:انت بتعد عليا ياعدى والله بطنى وجعتنى
عدى:البسي الطرحه يلا ماما بترن عليا
ملاك لبست الطرحه ونزلو
-------------
عند مراد ونور
نور:ييوووه بقي يامراد ده رابع دريس البسه ومش عاجبك
مراد: ياروحى كلهم حلوين
نور:ولما هما حلوين بتقولى اغيرهم ليه
مراد:مانتى اللى قمر فى كل اللبس وانا مش عايز حد يشوف مراتى وهى قمر كدا
نور:مرااااااااااد
مراد ضحك على عصبيتها:الحمل ده مخليكى عصبيه اوى
نور:بص والله مانا مغيره وهروح بده
نور لبسو الطرحه ومراد حضنها من ضهرها:حبيبي متعصب ليه
نور:انت السبب
مراد:انتى عارفه انى بغير عليكى من الهوا
نور:انا راحه وسك عيلتنا يامراد مش حد غريب
مراد:بردو
فونه رن برقم ريم
مراد:يلا ريم بترن
نور:خلصت يلا ننزل
نور لسه هتخرج من الباب:ااااااه
مراد بخوف:مالك يانور
نور:جالى مغص جامد
مراد:انتى كويسع تحبي نروح لدكتورة
نور:لالا كويسه يلا ننزل
-----------------------------
عند زين وديما
زين:خلصتى ياحبيبتى
ديما:لسه الطرحه
زين:طب يلا لان كلهم فى الطريق وكدا هنتاخر
ديما:خلاص خلصت يلا ياحبيبى
زين:يلا
--------------------------
عند فيروز واقفه فى المطبخ مع داده نعمه والبنات اللى بتساعدها
فيروز بتعب:كدا لسه السلطات
نعمه:ياحبيبتى انتى شكلك تعبانه اطلعى خدى شاور وغيرى وانا والبنات هنظبط الدنيا
فيروز:عندى مغص من الصبح يا داده صعب اوى
نعمه:ليكون مغص الولاده يابنتى
فيروز:مش عارفه هطلت اخد شاور واغير لان كلهم فى الطريق
نعمه:طلعى ياحبيبتى
فيروز طلعت وقعدت على السرير بتعب وفهد خارج من الحمام
فهد:مالك ياحبيبتى
فيروز:شويا مغص بس
فهد:قولتلك بلاش تتعبي نفسك وتوفقى فى المطبخ
فيروز:فرحانه انهم هيتجمعو عندى لاول مرة
فهد قعد جمبها:اهم حاجه تكوني بخير ياحبيبتى
فيروز:انا كويسه متقلقش عليا هقوك اخد شاور واغير لانهم جايين فى الطريق
فهد:هنزل تحت استقبلهم
فيروز:ماشي ياحبيبي
---------------------
بعد شويا كلهم وصلووو ووفهد وفيروز استقبولهم والكل كان جايب هدايا لفيروز وقضو وقت حلوووو ونعمه والبنات اللى معاها ظبطو السفره
فيروز:يلا ياجماعه الاكل جاهز
كلهم اتجمعو حولين السفرة واكلو والكل كان مبسوطه وبعدها قعدو فى الجنينه والبنات باين عليهم التعب اوى الكل قاعد يهزر ويضحك وفجاه فيروز:ااااااااه
فهد جرى عليها:مالك يافيروز
فيروز:شكلى بولد
حياه:اشتالها بسرعه يافهد نروح المستشفى
فهد اشتال فيروز ولسه هيمشي كارما صوتت
اسر:انتى كمان هتولدى ولا ايه
كارما:انت لسه هتتكلم اخلص بولد يااااسر
اسر اشتال كارما وراح على العربيه وكلهم ركبو عربيتهن وراحو على المستشفى
فى عربيه عدى وملاك اللى حست بمغص جامد
ملاك:عدى
عدى:ايه ياحبيبتى
ملاك:شكلى بولد
عدى:نعم
ملاك:نعم ايه بقولك بولد
عدى:طب اهدى احنا رايحين المستشفى اهو
ملاك:مش قادرة ياعدى ااااااااه
بعد شويا كلهم وصلو المستشفى
فهد اشتال فيروز واسر اشتال كارما دخلو بسرعه على المستشفى وعدى نازل وشال ملاك
ملك:بتولد هى كمان ولا ايه
كريم ضحك:هما ظبطنها سوا ولا ايه وبص للين:اوعى تعمليها هنجبلكو اوض عمليات منين
الكل قاعد قدام اوض العمليات وهنا ونور ولين كل واحده قاعده فى حضن مامتها وسامعين صويت البنات وقاعدين موعوبين
نور بخوف:ماما انا خايفه اوى
حياه :اهدى ياروحى متخافيش ..مراد
مراد:نعم ياحياه
حياه:خد نور الكافتيريا الوقت لانها خايفه
نور:لا عايزة اطمن على البنات
سمعو صوت بيبي بيعيط
خرجت ممرضتين كل واحده شايله بيبي: زوج فيروز فين
فهد:انا فيروز كويسه
ممرضه:بخير شويا كدا وهتخرج اوضه عاديه اتفضل الف مبروك
فهد:هما تؤام
الممرضه:ايوا ولد وبنت الف مبروك
فهد اشتال الولد وسيف قرب واخد البنت وكل واحد اذن للبيبي فى ودنه
حياه:بسم الله ماشاء الله يتربو فى عزك يافهد
فهد:انا مش مصدق بقي عندى تؤام
الكل بارك لفهد وبعد سمعو صوت بيبي تانى بيعيط خرجت الممرضه ومعاها بيبي:زوج ملاك فين
عدى:انا انا
الممرضه اديته البيبي:الف مبروك بنت زى القمر
عدى:وملاك
الممرضه:الحمدلله كويسه
ريم وجاسر قربو عليه
ريم:ماشاء الله ربنا يحفظها
جاسر:مبروك ياعدى
عدى:اتفضل اذن ليها يابابا
جاسر اذن فى ودنها واداخا لعدى تانى
عدى:زى القمر ياريم مش كدا
ريم:تتربي فى عزك ياحبيبي
ملك:ماشاء الله ربنا يحفظها ليك ياعدى
سليم:ماشاء الله زى القمر
الكل بارك ليهم
اسر:هى كارما اتاخرت ليه
حياه:اهدى يااسر
سمعو صوت بيبي واسر قرب من الباب بسرعه وخرجت الممرضه ومعاها بيبي:زوج كارما
اسر:كارما كويسه
الممرضه:اه بخير اتفضل تتربي فى عزك
اسر:دى بنوته
حياه:مبروك ياحبيبي
اسر:جالى بنوته ياوحش
سيف اخدها منه واذنلها فى ودانها:مبروك يابنى
اسر:الله يبارك فيك ياوحش
زين:هات حفيدتى بقي ياوحش كفايه عليك
زين:ماشاء الله ربنا يباركلك فيها يااسر
ديما:ياروحى دى شبه كارما خالص
اسر:عشان كدا زى القمر
هنا:ااااااااه
فارس:انتى هتولدى انتى كمان
سليم:اشتال مراته اخلص
فارس اشتالها ودخلت اوضه العمليات وفيروز وكارما وملاك خرجو وراحو اوضه عاديه وسيف طلب جناج كبير عشان يكونو كلهم سوا وفضل قدام العمليات زين وديما وملك وسليم وبعد شويا سمعو صوت بيبي
الممرضه:مبروك ولد زى القمر
فارس:وهنا
الممرضه:هتتنقل اوضه عادى بعد شويا
فارس قرب منهم:شايفين حلو ازاى
زين اخدها:هات لما اذن ليه
زين اذنله فى ودنه وكلهم باركو لفارس وهنا خرجت وراحت على نفس الجناج وكلهم قاعدين سوا ونور شايله بنوته فيروز وفرحانه بيها اوى
اسر :هتسمى ايه ياحبيبتى
كارما:لا انت اللى هتسميها
اسر:هسميها كارمن عشان يبقي عندى كارما وكارمن
كارما:حلو اوى يااسر
حياه:وانتى يافيروز ناويين تسمو ايه
فيروز:انا هسمى الولد وفهد البنوته وانا نفسي اسمى يزن
فهد:حلو ياحبيبي انا هسميها زينه عشان يبقي يزن وزينه
ملك:وانتى ياملاك هتسمى
ملاك:دى مهمه عدى
عدى:هسميها مليكه اى رايك
ملاك:انا بحب اوى الاسم ده وكمان قريب من اسمى
ديما:هاااا دورك ياهنا
فارس:هتسمى ايه ياقلبي
هنا:نفسي فى ادم ايه رايك
فارس:بدام من اختيارك يبقي حلو ياحبيبتى
نور قاعده وحاسه بتعب
مراد:انتى كويسه يانور
كريم:لو ناوووين تولدى انجزو واحنا فى المستشفى مش ناقصه مشاوير هى
لين :بقي كدا يااااااااه
كريم:ايه اللى حصل
عدى:حققتلك امنيتك اهو اشتال يلا
كريم شال لين وراحت على العمليات وبعد شويا خرجت الممرضه ومعاها بيبي
كريم:طمنينى على لين
الممرضه:بخير الف مبروك ولد
كريم اخده وقرب من مالك:يلا اذن ياجدو
مالك اذنله وكلهم باركو لكريم ولين خرجت من العمليات
كريم:هتسمى ايه ياحبيبتى
لين:هسمى كرم
كريم:انا مش كرم انا كريم
كلهم ضحكووو عليه
كريم:حلو ياحبيبتى
حياه:انتى كويسه يانور
نور:مش عارفه مغص بيروح ويجى
حياه:طب تيجى نروح لدكتورة هنا
نور لسه هتعترض مراد قام وقف:يلا يانور نروح لدكتورة
نور قامت معاه وراحو لدكتورة كشفت عليها
الدكتورة:انتى هتدخلى العمليات الوقت ولادتك هتكون قيصريه يانور
نور بخوف:طب ليه مش زى البنات
الدكتورة:صعب يبقي طبيعى لان راس الطفل من تحت وكمان حامل فى تؤام صعب يبقي طبيعى
مراد شايف خوف نور:طب ممكن ادخل معاها يادكتورة
الدكتورة:اه طبعا بس ادخل اوضه التعقيم الاول
مراد:حاضر
نور دخلت على العمليات ومراد راح قالهم فى الاوضه ان نور هتولد وراح على اوضه التعقيم ودخل لنور اللى مسكت ايده وكانت بتترعش
مراد قري منها:ممكن تهدى مش انتى نفسك تشوفيهم وينورو حياتنا
نور:اه بس خايفه
مراد:وانا معاكى ومش هسيبك ابدااا
نور ابتسمت:ربنا يخليك ليا
نور طبعااا كانت فايقه لان كانت اخده بنج نصفى ومراد ماسبش ايدها ابدا وبيطمنها دايماا بكلامه بعد شويا نور سمعت صوت البيبهات والدكتورة قربتهم منها ونور باستهم
نور بتعب:دول بنات
الدكتورة:بنات زى القمر لمامتهم
--------------
بعد فترة فى الجناح
حياه:مبروك ياحبيبتى يتربو فى عزك
مراد:تسلمى ياحياه
ريم:هتسمو القمامير دول ايه بقي
مراد:دى مهمه نور
نور:انا عايزة لارين ودارين ايه رايك
مراد:حلوين ياحبيبتى
الكل كان فرحان والوحوش شايلين احفادهم مش عايزين يسبوهم ومبسوطين بيهم
----------------------
بعد شهر الكل بيجهز لسبوع القطاقيط الصغيرين اللى هيكون كالعاده فى فيلا سيف وحياه
عند اسر وكارما كارما بتلبس واسر شايل كارمن
كارما:انا خلصت اهو هات بقي اما اكل كارمن قبل ماننزل وقوم انت اجهز
اسر:مش فاهم اشمعن الابيض يعنى اللى اختروه
كارما:لان حياه قالتلنا ان فى سبوعنا كان كلهم لابسين ابيض فاحنا حبينا نعمل زيهم
اسر:انا نشوف اخرتها معاكوو
-------------------------
عند فهد وفيروز فيروز لبست يزن وزينه وقامت تلبس وفهد قاعد جمبهم على السرير
بعد شويا فيروز جهزت وقعدت تاكل اطفالها
فهد لبس وقعد جمبها:مش مصدقه انى بقي ولد وبنت من روزة قلبي
فيروز:ربنا يخليك لينا
فهد باس راسهم:ويباركلى فيكوو
فيروز:يلا عشان منتاخرش
فهد:يلا
---------------------------
عدى شايل مليكه ومش عايز يسيبها
ملاك:انا كدا هغير بجد
عدى ضحك وحط مليكه على السرير وقرب من ملاك اللى بتلف الطرحه:دانتى روحى ياملاكى
ملاك:ومليكه
عدى:انا بحبها ومتعلق بيها لانها حته منك ياحبيبتى
ملاك:ربنا يخليك لينا
عدى باس خدها:هدخل اجهز انا بقي
ملاك:وانا هاكل لوكاااا
------------------------
مراد شايل دارين وعماله تعيط ونور خارجه من اوضه اللبس
نور:مغص تانى يادارين
مراد:اديها الدوا بتاعها
نور:لسه اخداه من شويا
مراد:طب هتفضل تعيط كدا
نور:هخلى ريم تعملها اعشاب زى امبارح
مراد:طب خليكى معاها وانا هكلمهم فى المطبخ يعملولها
نور:حاضر والبس بقي لان اتاخرنا.
مراد قرب من لارين اللى نايمه:شوفتى القمرايه الهاديه دى
نور:لما بيجيلها مغص بتفضل تعيط كدا بردو
ريم عملت الاعشاب وبعتتها لنور اللى سقيتها لدارين اللى هدت ونامت على الطول
مراد:الحمدلله سكتتت
نور:يلا لان اتاخرنا اوى
----------------------
فارس:ياهنا يلا الواد ده مش بيبطل زن
هنا خارجه من الحمام:متقولش عليه واد
فارس:ادم باشا حلو كدا
هنا:اه حلو هاته ااكله وادخل انت اجهز
فارس:حاضر
هنا اكلت ادم ودخلت تجهز هى كمان ونزلو
-------------------
لين:ياكريم بقي اخلص قوم البس
كريم:بقالك ساعتين بتلبسي وانا الوقت سبب التاخير مش بلاعب ابنى
لين:ابنك مين اللى بتلاعبه ده نايم ياكريم
كريم:يوه ماهو لما بيبقي صاحى مش بيبطل عياط
لين:يلا ياكريم قوم بقي
كريم لبس ونزلو كلهم
---------------------
بعد شويا كلهم وصلو لفيلا سيف اللى كان مجهز الجنينه كلها ومتزينه بطريقه حلوة اوى باسماء البيبهات والبلالين وقضو وقت عائلى جميل والوحوش فرحانين باحفادهم واتصورو صور كتيييير كلهم سوا
كريم:يلا كلكو قربو من بعض
سيف:احنا اتصورنا كريم كفايه صور بقي
كريم:دى صورة كل مناسبه يلا كله يقول بطيييييخ
ادهم:بطيخ ايه ياابن القرعه
ليان:انا قرعه ياادهم
ادهم:اسف ياحبيبي مش قصدى
كريم:يلا كله يضحك
كلهم قربو من بعض وكريم اخد صور كريم وكان باين عليهم السعاده
سيف:يارب ديما متجمعين فى الفرح
الكل:اميييييييييييييييييين...
تمت بحمد الله