رواية مصيبتي الحلوه الفصل الخامس5 والسادس6 بقلم حنين عادل
بيدخل علي واحدة الاوضة قالبه شعرها الطويل لقدام ومش واضح وشها وباين علي ايديها أنها عجوزه
يامن : احم احم...اسمك ايه يا ماما
مش بترد عليه وفجأة بتفرق شعرها وبتبص عليها وبتهجم عليه ..
بيحاول يبعدها عنها ولكنها قوية وبضوافرها الطويلة بتخربشه في رقبته
بيزقها فا بتقع عالأرض
يامن: يا ولية سيبي البنطلون يا ناااااااس اغيثوني
بتعض في رجليه وبتخربش فيها بيحاول يبعد ويزقها بتغرز سنانها فيها
يامن : يا جماعة حد يساعدني اطرشتم الوقتي يا اوغاد
بيزق فيها وهي متبتة فبينزل علي الأرض وبيمسك شعرها:
ولية انتي زودتيها اوي سيبي البنطلون بقولك بدل ما امسك بنطلونك سيبي البنطلون
بيكون الممرضين بره بيسمعوا :
الله ينور عليك يا دكتور يامن حتي المرضي مش عاتقهم !
وبيرد عليه ممرض تاني:
والعة معاه الدكتور يامن ده قدوتي اصلا
وجوه الأوضة بيتوجع يامن ..
يامن : يظهر مالهاش الا حل واحد ..
بتدخل دماغها بين رجليه وبتعض وتخربش ..
يامن: فخادي يابنت الكلب !
وبره الاوضة:
دي وصلت للفخاد ههههه يا دكتور يامن يا خاربها ...
بيزنق دماغها بين رجليه وبيحاول يطلع الحقنة المخدرة
وفجأة بيصرخ بأعلي صوته !
في نفس الوقت المدير بيكون بيمر بره ...
بيتفتحوا عليه الباب وهي لسه بتخربش فيه
بيجروا عليه وبيمسكوها ..
المدير: دكتور يامن انت كويس
بيهز رأسه وهو باين عليه أنه بيتوجع ووشه احمر وواقف ضامم رجليه ...
المدير: عاوز تدخل الحمام
بيهز رأسه بالموافقة ...
المدير: طب اتفضل ..
بيمشي وهو ضامم رجليه واللي واقفين كاتمين ضحكتهم لحد مابيدخل الحمام ..
بيبُص يمين وشمال وبيجيب منديل يحشره في بوقه وبيصرخ ...
يامن : اااااه يا بنت الكلب دمرتيني مستقبلييييييييييي اااااه ياما يانا..
بيطلع من المستشفي وبيمشي وكإنه عنده التهابات وبيركب عربيته ..
يامن: اااااه يا مرارك الطافح يا يامن بتتباع فين وانا اشتريك يا .....يا ايه يا صحة !
*_______________________________*
وبتكون عبير واقفة قدام بناء هرمي كبير علي أحدث مستوي في كامل أناقتها وبيكون مكتوب عليها شركة المنصور للإستيراد والتصدير m.a Group
بتتنهد وبتدخل الشركة وهي في نفس الوقت مش عاوزه تدخل ..
بتدخل علي الموظفين والكل بيسلم عليها
وبتوصل لحد مكتب بهجت بتدخل فبتلاقي مكان السكرتيرة فاضي .
بتفتح الباب مرة واحدة فبتلاقيه قاعد جنبها علي الكنبة وماسك ايدها وبيبوسها..
بتقف فرح وهي متوترة وبتبُص للأرض بخجل
بتقعد عبير بثقة وبتبتسم وهي بتبُص علي فرح:
حلوة اوي قمر هي دي العروسة
بهجت ببرود: أيوه
فرح: عن اذنك !
بيوقفها صوت عبير:
ليه ما تقعدي يا حبيبتي انا عاوزه أتكلم قدامك
بتبُص فرح ل بهجت فبيشاور لها انها تقعد ...
بتتكلم عبير بإبتسامة :
انا عمري بحاول أسعدك يا بهجت بحاول أخليك مبسوط حتي لو علي حساب سعادتي كنت بحاول أخليك تحبني لاني لما كنت بسمعها منك كنت بحسها مش صادقة
لو سعادتك انك تتجوز السكرتيرة أنا ماعنديش مانع
بهجت بإبتسامة : يعني أنت موافقة !
كمل بهجت :
انا بعمل كده عشانا احنا الاتنين انا نفسي اكون أب وانتي يعني
ابتسمت: العيب مني !
بهجت: مش قصدي يعني قصدي
وقفت وقاطعته:
ربنا يسعدك يا بهجت بس قبل ما تتجوزها تتطلقني !
وقف بهجت بتوتر:
انت بتقولي ايه؟!
ضحكت:
أه وفاكر حسابنا المشترك البعيد عن العينين ده اللي فيه شقي عمرك زي ما بتقول ؟!
بهجت بيبلع ريقه:
ماله؟!
ابتسمت عبير:
صفرته !
بهجت بصدمة :
ايه !
عبير: ايه مصدوم ليه استني ورثك من امك بقا بعد سنين طويله اللي هايتقسم علي تلاته علي حسب وصيتها انت ونصيب سيف لملك ونصيب اختك هايروح ل يامن ويوسف
فرح كانت بتبُص لها ومصدومة من اللي بتسمعه
مشت عبير وبهجت وراها :
استني بس يا عبير
عبير لفت ليه:
الموضوع منتهي يا بهجت ربنا يوفقك
بهجت بعصبية:
وفلوسي ؟!
عبير: فلوسك هي فلوسي يا حبيبي أو اقولك روح بلغ عني قولهم مراتي سرقتني
بس انت تخاف من منمن تعرف انك بتقلب من وراها وبتختلس وبتسرقها ومش هاتنطق صح
خلاص يبقي اعتبرها مكافآة نهاية الخدمة لواحدة استحملت وساختك العمر وماتكلمتش وكانت عارفة أن العيب فيك مش فيها وعاشت معاك برده بس كانت عبيطة عشان حبت انسان أناني
بهجت: قصدك ايه
ابتسمت بسخرية:
قصدي انت فاهمه انت عارف أن العيب فيك وانك اللي مش بتخلف مش انا وخبيت عني ويشاء ربنا أني أعرف الحقيقة لما واحدة صاحبتي رشحت لي دكتور مشهور ووريته كل حاجة التحاليل والاشاعات وكشف عليا وطلع العيب فيك انت و....
بهجت بيتوتر : كفاية كفاية !
بصت له من فوق لتحت :
اكتشفت يا بهجت اني ضيعت عمري عالفاضي مع حد ما يستاهلش شكرا يا بهجت انك خلتني اني أفقد الثقة في كل حاجة حتي نفسي وقراراتي وقلبي الغبي اللي حبك
انا عبير البت الهبلة المحترمة اللي عمرها ماعرفت راجل واتربت علي ايدك كرهتك قد ما حبيتك
مشيت عبير وسابتهم وفرح كانت سامعة كل حاجة وواقفة بعيد ......
مشيت وانا مرفوعة الرأس حاسة اني استرديت ولو جزء بسيط من كرامتي
يعز عليا ياجوزي وعشرة عمري وسنيني اشوفك مكسور بس للأسف انت اللي اضطرتني لده
فك بهجت الجرافته وهو حاسس انه مخنوق ودخل مكتبه وبيحاول ياخد ازازة المية
فرح :بهجت انت كويس بهجت
بيشاور لها علي حقنة علي المكتب وهو قاعد علي الكنبة وتعبان ومش قادر ياخد نفسه
بتجيبها بسرعة فبيفتحها ويمسكها ويضربها في رجله وهو بيحاول ينظم أنفاسه
بقلم حنين عادل كاتبة الجيل
*________________________________*
وفي الفيلا ....
الخدامين داخلين بالتلج ليامن
ويامن قاعد في بانيو مليان تلج وبيصرخ :
ااااااااه
مني من ورا الباب:
مالك يا بني فيك ايه
يامن بوجع: ولا حاجة يا منمن دا بس بطني وجعاني روحي ارتاحي في اوضتك وانا جاي وراكي ميعاد الدوا بتاعك
مني: طب ماتتأخرش طمني عليك
يامن: طيييييييب يا تيتا يلا يا حبيبتي
بتمشي مني تروح اوضتها....
يامن بوجع: اااااه
ااااااه راااااااح راااااح راح القلب الطيب راح الحضن اللي انا فيه برتاح ساب لي حبيبي الآم وجراح رااااح
ماتسبنيش قول لي ازاي من غيرك اعيش ماتسبنيش خليك جنبي ماتكسرنيش ماتسبنييييش
منك لله يا ولية يا بومة ناااااار انا يامن راضي يتعمل فيا كل ده ..
بيدخل ملك ويوسف من باب الفيلا
ملك: ماكانش ليه لازمة ترجع تاني انا كويسة
يوسف: مالوش لازمة فعلا اي حاجة غيرك
بصت ملك في الأرض بخجل ..
ااااااااااااه ناااااار
بصوا علي مصدر الصوت ويوسف طلع يجري وملك وراه
يوسف: ده صوت يامن
دخل يوسف أوضة يامن
مني وهي واقفة قدام الباب: يا يامن يا بني قولي فيك ايه بس
يامن: بطني يا تيتااااااا
يوسف بخوف:
في ايه يا تيتا
مني: ماكملش نص ساعة في الشغل وجه ودخل الحمام وملاه تلج الشغالين رايحين جايين بالتلج وبيقول بطني الله ايه ده يا ساتر ايه الدم اللي علي هدومك ده
يوسف: حادثة بس الحمد لله جت سليمة لكل الأطراف اه بس تلج ايه اللي لبطنه ده يامن مالك يا اخي
مني : ربنا يستر طريقكم يا ولاد قادر يا كريم
يامن : بطنااااااي بطني يايوسف
كده يا قلبي يا حتة مني يا كل حاجة في الدنيا دي كده ! كداااااا
مني: اهو نازل غني راح القلب الطيب راح وماتسبنيش وزي ما انت سامع عين وصابتك يا بني
ملك: ممكن يكون بنت رفضته فا زعلان
يوسف: طيب يا تيتا روحي ارتاحي وانا هاشوفه وانتي كمان يا ملك يلااا
بيخرجوا فبيفتح يوسف الباب :
في ايه يا عم ايه اللي حصل
يامن بدموع: مستقبلي اتدمر الحق اخووك يا يوسف
يوسف بص علي التلج وبيقرب
يامن: في ايه يا جدع
يوسف: مافيش تحسن
يامن: الولية اللي منها لله
يوسف : لأ تعالي نروح لدكتور يمكن لسه فيه ايه
يامن: تفتكر ؟! يارب ....
يوسف: طيب يلا هاستناك بره
قام يامن :
ااه اووووه اييييه دا انا لو والدة مش هايبقي كده
بيلبس هدومه وبياخد كيس تلج ويوسف بيسوق العربية
يوسف: ايه اللي جري يا عنتيل زمانك
يامن: برئ والله
*______________________________*
بترجع عبير الڤيلا وبتدخل اوضتها وبتطلع شنطة سفر وبتلم فيها هدومها
بتبُص عليها وكأنها بتودعها والدموع علي خدها
وبتطلع منها
عبير: مش انا اللي خسرتك يا بهجت انت اللي خسرتني انت لازم أحب نفسي اكتر من كده
طلعت من باب الاوضة فلقت مني قدامها
مني وهي بتبـُص علي الشنطة:
ايه ده يا بنتي؟!
عبير: ده اللي لازم يحصل
مني: ده اللي قولتلك عليه
عبير : سيبي كل حاجة تمشي كده انا عاوزه اريح اعصابي شوية عن اذنك يا حاجة
مني: طب وانا دا انا يومي مايمشيش من غيرك
عبير بدموع:
والله هاتوحشيني يا حاجة بس اعذريني
هزت دماغها :
طب ما تتأخريش يومين وارجعي
عبير: حاضر يا حاجة
مني: خلي بالك من نفسك
عبير مشت وهي بتبُص علي الڤيلا بحزن ونظرات وداع .
*______________________________*
ملك بتكون قاعدة علي سريرها وماسكة اللابتوب بتاعها
ملك بتفتكر يوسف وكلامه ...
ملك: وبعدين بقا ده بيستغل كل موقف انا خايفة. ...
خايفة من ايه يا ملك خايفة انك تحبيه ما انت حبتيه واللي كان كان
بس لأ ده مش لازم يحصل لأ
*_______________________________*
وفي عيادة الدكتور
يوسف: ها يا دكتور طمني
الدكتور: لا زي الفل بس هانرجع حاجات مكانها ونطلع حاجات بص سيب لي نفسك خالص !
يوسف: بس انا الحمد لله مش المريض
الدكتور: ههههه دا انت ورقة كربون ما فرقتش ما تشيلش هم خالص بص اتقل تاخد حاجة نضيفة
يامن: هو ده الدكتووووووور بمووووووت
*_____________________________*
*فرح بتكون قاعدة علي مكتبها وهي بتفكر :
جات الحزينة تفرح ما لقتلهاش مطرح ويا فرحة ما تمت خدها الغراب وراح مراته قشطته وان قولت عنده ورث مش بعيد أمه تغضب عليه لما نتجوز وتحرمه كنت فاكره اني لو خلفت ليه هاقش كل حاجة حتي دي طلعت علي فاشوش والبيه ما بيخلفش !
ده كده اخلع وانا الكسبانة هو انا هاطلع من هم لهم بس ازاي !
ايه الوقعة المنيلة بس دي !
صوت:
فرح هاتي ورق الصفقة الجديدة فرح
بتفوق من شرودها:
اوك يا بهجت بيه
بتدخل وهي شايلة الورق:
حضرتك دلوقتي احسن
بهجت بيهز دماغها وبيشاور لها تمشي ..
بهجت بتفكير:
عشان عندك هاتخسر كتير ما كنت طول عمرك متداري ومافيش مشاكل هو مافيش غير حل واحد ارجع واعمل ولا كان حاجة وأنها نزوة وعدت لحد ما عبير ترجع لي كل حاجة وبعدها هارميها في الشارع واعرفها مين بهجت المنصور !
طفي سيجارته وهو بينفخ اخر نفس فيها بغيظ !
*____________________________*
في العربية يامن ويوسف مروحين
يوسف: حاسس انك أحسن
يامن: الحمد لله لا أوجع الله لك قلبا يا بني
ضحك يوسف : لا جت سليمة خلي بالك علي نفسك المرة الجاية العمر مش بعزقة
يامن: انا اروح للولية بنت المفلتة دي !
*____________________________*
وفي أوضة ملك ....
بتكون قاعدة بتقرأ كتابة فن اللامبالاة ..
الباب بيخبط ..
ملك: ادخل .
يوسف : اييييه
ملك بإستغراب: ايه ؟!
يوسف بيدخل يقعد وبيشوف هي بتقرأ ايه
يوسف: فن اللامبالاة لامبالاة ايه اكتر من كده دا العمر لحظة والحلوفة مش ملاحظة !
ملك: عاوز ايه يا يوسف
يوسف: نتدوز !
ضحكت ملك: يحنن يا حبيبي
مسك يوسف قلبه:
احلي حبيبي سمعتها في حياتي !
ملك برفعة حاجب: سمعتها كتير انت
يوسف : كتير بعقل دا يا حبيبي ويا بيبي ويا ماي لف وماي هارت وماي سول بس احقاقا للحق انا واد قمور وعسول يعني
ملك بتقلع نضارتها :
طيب يا عم العسول والقمور خير
يوسف: علي فكرة انا قلبي عليكي يعني انا لو قولت يا جواز بدل البنت الف بس انا مش عاوز خيرنا يروح برانا
ملك بضحك : والله ! طيب يلا قول ...
يوسف: بكلمك بجد الجواز مني ليه فوائد كتير جدا
ملك : طب قول واحدة
يوسف: هاقول ثلاثة..
الأولي شاب كاريزما حليوة مافيش منه اتنين
الثانية صاحباتك هاتحسدك عليا
الثالثة الاستقرار والحب والسلام والسعادة اللي هاقدمها والعيال المقطقطين اللي هايكونوا شبهي
والرابعة من عندي ..
انك تتجوزي يوسف راضي شخصيا بنفس ذات نفسه
ضحكت ملك .
ابتسم يوسف: عارفة اني بحب ضحكتك اوي وعينيكي بحس أن عينيكي بتضحك معاكي
ملك: عاوزة أنام يا يوسف يلا من غير مطرود
بيقف يوسف وبيشاور لها علي دماغها:
فرصة ما تتعوضش فكري ....ها فكري
ملك: طيب يلا ...
بيطلع وبيقفل الباب ...وبيفتح تاني :
فكري واخدة بالك فكري
ملك: يوسف عاوزة انااااااام
بيقفل الباب وهي بتتنهد وبتحط المخدة فوق دماغها ..
بيمشي يوسف وبيقرب من أوضة يامن ..
يامن : عارف انك زعلانة مني يا روح قلبي عشان ماكلمتميش بس انتي ماتعرفيش ايه اللي حصل لي
هاحكيلك ماشي الصبح بعربيتي شوية عيال اخدين اماينو نافخين عضلاتهم حبوا يستعرضوا عليا ويعملوا نمرة كسروا علي عربيتي وقال ايه طلع اللي معاك
قولتلهم بلاش تعصبوني بلاش عشان ما ازعلكمش دخلوا بقلب جامد مسكتهم عجنتهم في بعض إنما واحد منهم غدار جه وانا مشغول بضرب التانيين ضاربني علي دماغي
بس انا كنت اسد كملت ضرب فيهم واما اتطمنت أنهم اتكسحوا اغمي عليا بقا عشان الضربة اللي في دماغي !
ضحك يوسف وهو مش قادر يمسك نفسه ويامن بيشاور له يمشي بعصبية ..
مشي يوسف ودخل اوضته...
مسك البوم صور وقعد يقلب فيه ..
يوسف: بحاول أبان اني عادي بس وحشتوني اوي وحشتيني يا ماما وحشتني يا بابا اوي اوي
*____________________________*
وفي أوضة يامن بيكمل كلام
يامن : بكلمك بقالي شهر مش عاوزة تقولي انت مين برده أو نتقابل ؟!
_قريب يا يامن قريب هاتعرف
*__________________________*
بيدخل بهجت بعصبية أوضة مني ...
مني بعصبية: انت اتجننت يا بهجت ازاي تدخل من غير ما تخبط
بهجت: عبير فين يا ماما
مني: راحت تريح أعصابها يومين من اللي بتشوفه منك
بهجت بعصبية: مش عند اي حد مش عند ابوها أو اخوها مش عند حد من صحابتها راااااحت فييييين
#البارت_السادس
بيكون بهجت واقف متعصب ومش عارف عبير راحت فين
بهجت بعصبية: مش عند اي حد مش عند ابوها أو اخوها مش عند حد من صحابتها راااااحت فييييين ..
مني: ازاي الكلام ده ! طب ممكن تكون نزلت في أوتيل ولا حاجة
بهجت قعد عالكرسي ومسك دماغه ...
مني: اهدي هاترجع ما تخافش دي عبير بتحبك ومالهاش غيرك
بص لها وهو ساكت وقام خرج من الاوضة ودخل اوضته بعصبية وهو بينفخ
بهجت : انتي فاكرة اني هاسيب شقي عمري بالساهل كده والله لو فيها موتك يا عبير
*_____________________________*
بتكون فرح واقفة في البلكونة مش واخده بالها من مازن اللي واقف بيبُص ليها مبتسم
بتدخل أمها وبتلاحظه فبيتحرج ويمشي ..
فرح بتتعصب: مافيش فايدة في الزفت ده
بتضحك أمها:
يابت رايدك وطلبك كتير وانتي اللي رافضاه ما هو كسيب وأيده تتلف في حرير واهم من ده كله بيحبك وهي الوحدة عاوزه ايه غير راجل يحبها
ضحكت فرح بسخرية :
وانا هاكل الحب لما اجوع واتغطي بيه لما أبرد الحب ما بيأكلش عيش .
انا مش هاطلع من الهم اروح هم تاني انا عاوزه أعيش يا ما تعبت ما الناس عايشة في فلل وقصور اهو وحياتهم زي الفل اشمعنا احنا !
_ارزاق يا بنتي ومقسمها الخلاق
فرح: والله ما يستاهلوا النعيم ده !
_ ما يمكن فلوسهم هي اللي تعباهم اللي أعرفه ومخليني راضية اوي بحياتي وحامدة ربنا عليها أن ربنا عاطي لكل واحد 24 قيراط ومقسمهم ليه صحة وستر وفلوس وعيال وراحة بال واحنا الحمد لله ربنا مبارك لنا في كل حاجة حتي الفلوس اللي مش عاجباكي سترانا احسن ماكنا نجري علي مستشفي المرض الخبيث ولا الله لا يقدر يطلع حد فينا عليل الحمد لله انا راضية علي كل اللي يجيبه بس أنا سعيدة ومبسوطة وراضية بحياتي وانتي لازم ترضي عشان ربنا يكرمك
فرح بصت علي شكل الحارة:
هارضي ياما بس لما نطلع من الحارة المقرفة دي ونروح مكان احسن لأني تعبت
_طب ادخلي نامي يلا الوقت اتأخر عندك شغل
فرح: طيب .
*__________________________*
مــــــــلـــك ملك
بتبص ملك حواليها بتلاقيها في نفس المكان اللي شافته في الحلم
الرمل ابيض والضوء اللي حواليها مش ضوء شمس كأنها علي كوكب تاني وسماه خاليه من اي لون
بتلاقي جيهان واقفة في مكان ورجلها زي ماتكون غارزة فيه
بتجري عليها ملك ..
ملك: ماما ..
بترفع وشها وتبُص ليها :
ساعديني يا ملك انا تعبت
ملك: رجلك وجعاكي
جيهان: مش رجلي بس كل حاجة كل حاجة بتوجعني
حاولت تساعدها وتشد رجلها وجيهان بتتوجع
ملك بتدمع:
طب اعمل ايه انا دلوقتي ساعديني ارجوكي وطلعي رجلك
جيهان: ساعديني انت انتي اللي في ايدك الحل والخلاص
ملك: مش فاهمة !
بتتبخر من قدامها وهي من خوفها بتصرخ بعلو صوتها:
مااااماااااااااااااا
بتفوق من نومها وبتتنهد بفزع وبتقعد علي السرير ...
بتمسك كوباية ماية وبتشرب منها ..
_لأ في حاجة غلط ايه اللي بشوفه ده واشمعنا شوفته مع ظهور عم حسني معقول بسبب التفكير في الموضوع
حتي ولو في أمل 1% أن ماما عايشة انا هادور وراه
بس هو لسه ما كلمنيش وماعرفش ليه طريق ..
سمعت منبه تليفونها اللي هي ظابطاه فقفلته وقامت عشان تجهز لكليتها ..
اتوضت وقعدت علي السجادة ورفعت ايدها:
حبيبي يا رب أنا عارفه اني مقصرة في حقك بس بجاهد نفسي والله
اني ماقومش أصلي الفجر واعوضه الصبح ده مضايقني بس انا بحاول بس مش بقدر اللهم ردني إليك ردا جميلا
يارب لو ماما عايشة قربني منها وألاقيها وتبقي كويسة
يارب تكون عايشة دي هتكون أكبر فرحة في حياتي ...
وقفت تصلي في خشوع وفي الأوضة التانية بتاعت يوسف كان واقف يلبس وبيظبط الجرافته بتاعته وبيبُص علي بطنه
يوسف : ايه ده بقا فلوس الجيم والبروتين اللي خارب بيتي راح عالفاضي وهاكرش ولا ايه
كله بسبب الدراي فود والقرف ده لازم اخف منه .
بيسرح شعره وبيلبس ساعته وبيمسك برفانه بيرش منه وبيبُص في مرايته بغرور وهو بيعدل الچاكته :
انت في كل حالاتك قمر ههه
بيرفع حاجبه :
ايه الهبل ده انا اتعديت من الأهبل التاني ولا ايه
بيدخل يامن عليه مرة واحدة حتي يوسف بيتخص
يامن: 100 مرة أقولك ما تغلطش في أخوك الكبير
يوسف: احنا توأم يالا الكبير فين أن شاء الله؟!
يامن: نزلت قبلك ب 5 دقائق واللي اكبر منك دقيقة يعرف عنك بست شهور ععههه
يوسف: هايف اوي وبعدين خد هنا انت كنت واقف بتبص عليا وبتتسنط يعني ولا ايه
يامن بتوتر: لأ أصل أصل ..
يوسف: أصل ايه يا يامن دي خصلة سودة .
يامن: لا والله لعبت لعبة مع بنوته رقيقة وخسرت فحكمت عليا ابص علي حد من خرم الباب فتيتا لو شافتني هاتخلع وداني وملك تخصك للأسف ولو حد من الخدامين هاتفضح وهايكون شكلي وحش فاملقيتش حد غيرك باي بقا
جري يامن من قدامه ويوسف واقف متنح وبعدين قال:
هو ايه ملك تخصك للأسف دي مش مكفيه بنات الدنيا كلها !!!
بيجري يوسف وبيدخل علي يامن ..
يامن: انا أخوك الكبير وعلي فكرة انا الجيم بتاعي احسن من بتاعك وكتلي العضلية اكبر من كتلك
يوسف: هو ايه اللي ملك تخصك للأسف دي
يامن: انا قولت للأسف معقول ! طلعت نورمال ياعم
يوسف هز راسه: ماشي انت عامل ايه النهاردة وأشيائك
يامن: بخير الحمد لله دا انا هاطلع حاجة لله 😂
بقلم حنين عادل كاتبة الجيل
*______________________________*
بتكون واقفة فرح قدام المراية وبتكلم نفسها:
والله خسارة في الحارة المعفنة دي..
بتقعد عالسرير تلبس جزمتها:
هاخلع ازاي من بهجت ..
انا قولت خلاص وحياتي هاتترستأ وتبقي فل رجعت لنقطة الصفر من تاني .
بس كده كده المغفلين كتير والرجالة اللي عينها زاغية اكتر
بيجيها صوت أمها:
يلا يا فرح الفطار جاهز
فرح : طيب طيب بتقولي الفطار كأنها هاتفطرني ماندي !
توب علينا يارب من الفول والطعمية
*____________________________*
بتلبس ملك هدومها اللي عبارة عن بنطلون جينز أبيض وفوقه بلوزه ستان بيج مقفولة وطويلة
بتسرح شعرها اللي بيكون كاريه معدي ودنها بحاجة بسيطة
وبتبص للهيلز بتنهيدة:
بتقطم ضهري والله بس أعمل ايه اهو اي حاجة تطولني سنة بدل ما انا باين عليا اني في أولي إعدادي
بتطلع من اوضتها وفي نفس الوقت بيطلع يوسف من أوضته
يوسف: الله علي جماله في كده الله
يامن: دا أنا قلبي شاف جماله شاف عيونه تااااه أن شاء الله اعيش حياتي كلها معاااااااااه
يوسف بيربع ايده وهو بيبُص ليه ..
يامن : هههه استني والنبي بحب الحتة دي
والله ما كان علي بالي يا هوا والله ماكان علي بالي يا هوا قمرين قمرين دول ولا عينين قلبي بيسألني عليك اتاريني بفكر فييييييييييك
ضحكت ملك ويامن واقف راكن علي الباب وبيغني لها ...
قرب منه يوسف فدخل بسرعة وقفل الباب ...
يوسف : ماشي يا يامن
يامن: بنكشك يا صديقي !
بتنزل ملك ويوسف وراها ..
يوسف بتفكير: معقول فترة غيابي مشاعر يامن اتحركت ناحية ملك !
واذا ده حصل ! هايكون ايه الحل !
في نفس الوقت يامن بيقعد علي السرير وهو بينفخ وبيمسك تليفونه وبيتنهد:
ايوه يا كوكي البطة خدت شاور معاكي والله غرقت وعملتي لها إنعاش يا حرام وهي كويسة ايييييه ساحت من الحرارة ازاي ااااه البطة البلاستيك وانا فاكرها بطة بتقول واك واك هههههههه طب سلام عشان عندي شغل
بيبص علي أوضة اللبس :
والله خايف اروح منك لله يا ولية ..انا هاروح وماليش دعوة بالحالة دي ..
بيجهز وبينزل ويوسف وملك ومني قاعدين علي السفرة بيفطروا
بيقعد يامن وبيبدأ ياكل ...
ملك بتقوم وبتحط ليه المربي عالتوست وتديه ليه
يامن بيمسكه منها وبياكله وبيلاحظ أن يوسف مركز معاهم
بيبتسم يامن وهو بيبُص ليوسف :
انت كويس يا يوسف
يوسف بيهز رأسه وبيمسك منديل وبيمسح بوقه وبيقوم ..
يوسف: هاتيجي معايا يا ملك اوصلك
ملك: لأ مالوش داعي انا هاخد السواق ..
يوسف بيبتسم: تمام ..
بيمشي يوسف وعقله مشغول وبيفكر ياتري يامن ممكن يكون بيحب ملك ولا هما علاقتهم كده وقريبين من بعض بسبب أنهم قضوا مع بعض فترة أطول
بيوصل لقدام شركة المنصور. ..
بينزل من عربيته وبيدخل الشركة وبيدخل مكتبه يقلع الجاكت وبيحطه ..
وبيبان من اللوحة اللي علي مكتبه أنه مساعد رئيس مجلس الإدارة
*_____________________________*
بيكون يامن راكب العربية ومشغل اغنية وبيغني معاها
حيرت قلبي معاك وأنا بداري وبخبي
قولي أعمل ايه وياك ولا أعمل ايه ويا قلبي
بدي أشكي لك من نار حبي
بدي أحكي لك عاللي في قلبي
وأقولك علي اللي سهرني
وأقولك عاللي بكاني
وأصور لك ضنا روحي وعزة نفسي منعاني وعزة نفسي منعاني ...
يامن بتفكير:
بقيت بتسمع اغاني حب يا يامن والكلام اللي بتقول له للبنات اللي تعرفهم كدب ليهم بس حقيقة ليها
والغزل اللي في الدنيا مافيش كلمة فيه توصفها معقولة حبيتها وانت عارف ان أخوك بيحبها وهي بتحبه
بس الحب مش بإيدينا الحب بتاع ربنا بيزرعه في قلوبنا بس انا عمري ما هاخسر اخويا أو أكسر قلبه حتي لو هاموت فيها
طب مايمكن بسبب انها غير البنات اللي تعرفهم انت معجب بيها مش حب !
يا تري اللي هاتلمني فين بقا انتي فين يا توأم روحي مليت من انتظارك ..
بيجي رسالة علي تليفونه ..
بيفتحها ..
(صباح الورد وحشتني )
بيبتسم وهو بيقول :
اموت في الغموض ياتري شكلك ايه
بيمسك التليفون وبيبعت ريكورد:
مش ناوية نتقابل بقا الشوق قتلني وناره قايده في قلبي
*___________________________*
بيصحي بهجت متأخر وحد من الخدامين بيقول له أن في محضر عاوزه علي الباب
بيلبس الروب بتاعه وبيمشي وهو مستغرب وبيروح له ...
المحضر:
امضي بالإستلام لو سمحت
بهجت: ده ايه لو سمحت
المحضر: مرات حضرتك رفعي عليك دعوي خلع
بهجت بصدمة:
ايه !
*_____________________________*
وفي العربية ملك بتكون قاعدة ورا السواق
وتليفونها رن ..
بترد ملك بسرعة :
الو ...
حسني: فاضية نتقابل
بترد ملك بسرعة:
ايوه طبعا فين حضرتك ..
بتعرف العنوان وبتقول للسواق يوديها عليه
ملك بتفكير:
ياتري ايه بقيت الحكاية وهل فعلا انت يا ماما عايشة
بتوصل ملك للمكان اللي بيكون مطعم فخم ..وبتتفاجأ لما بتلاقي حسني شكله متغير ولابس بدلة وحلق دقنة ورابط شعره الطويل..
بتقعد قدامه وهي مستغربة شكله ....
بيبتسم حسني :
اخبارك ايه
ملك: بخير الحمد لله ممكن حضرتك تكمل ايه اللي حصل وتفهمني ماما فين عشان انا دماغي هاتنفجر من كتر التفكير
حسني بيتنهد:
شوفته بيعاملها اسوء معاملة قدامي
قررت استناها لما تبقي لوحدها وأتكلم معاها يمكن محتاجة مساعدة انا كنت خايف عليها منه ده مش انسان من تصرفاته ده وحش بشري مجنون
تابعتها ومشيت وراها وعرفت هي نازلة في شالية ايه وروحت للناس اللي جنبها في الشاليه واترجيتهم يبدلوا معايا بس فترة وجودي ووافقوا بس بعد ما اخدوا فلوس
كنت بسمع خناقهم أو بمعني اصح خناقه هو هي صوتها ماكانش بيطلع اساسا ..
ولاحظت صوت بيبي صغير كان بيعيط دايما وطلعت انتي
كان عندك تلات سنين ....بدأت الصورة توضح ليه مستحملة العذاب ده
كان نرجسي توكسيك مش عاطيها وقت تشم نفسها فيه ماشي وراها في كل حتة ومراقبها ما كانش فيه اي مدخل اكلمها
لحد ما فكرت في فكرة وكنت ضامن نجاحها أن