رواية مصيبتي الحلوه الفصل التاسع9 والعاشر10 بقلم حنين عادل
حسني : سيف مش وقت كلام دلوقتي عديني
سيف بيتعصب : نزلها
حسني : مراتك بتموت !
سيف : تموت ولا تغور في داهية!
بيزقه حسني وقبل ما بيطلع علي الباب بيخبطه سيف علي دماغه فبيقع وهو فاقد الوعي.
بيفتح حسني عينيه بتكون الرؤية مشوشة وبعدها بتبدأ توضح بيكون مربوط بالحبل علي كرسي
بيحاول يفك نفسه وبيزعق :
فُكني يا سيف أحسن لك
بيسمع صوت آهات جاي من وراه
بيلف دماغه شوية بيشوف جيهان نايمة علي الأرض وهدومها متقطعة كأنها مضروبة بالكرباج والدم مالي هدومها
ونايمة علي بطنها وايديها مربوطين لورا ورجليها مربوطين .
حسني بغضب : چيهان هو اللي عمل فيكي كده
چيهان بتعيط : قولتلك أنا راضية بنصيبي سيف انسان مجنون هو دلوقتي بيتهمني اني خاينة
انت مش متخيل القذارة اللي وصل لها لما كنت شايلني وضربك علي دماغك ووقعت وانت شايلني أنا أغمي عليا
صحيت لقيتني عريانة وهو بيضحك ومبسوط المجنون صورني وانا عريانة صور مراته !
حسني بغضب : هاقتلك يا سيف والله إن كنت انت مجنون أنا أجن منك
دخل عليهم سيف وهو مبتسم :
هاتقتلني وليك كمان عين
بص لچيهان وعدلهت برجليه بقت نايمة علي ضهرها وضربها برجليه في بطنها فاتوجعت و صوتت بصوت عالي
حسني كان بيحاول يُفك نفسه وهو متعصب
سيف : ايه يا حبوب زعلان علي عشيقتك
اتغيرت نبرة سيف للغضب وهو بيبُص لچيهان :
ايه ما كنتش مكفيكي يا فاجرة دورتي علي واحد تاني
چيهان بغضب: اخرس قطع لسانك أما تعيب في شرفي انا مافيش راجل لمسني غيرك ومش عشانك لأ مش محافظة علي نفسي عشانك عشاني ربنا وعشان تربيتي !
سقف وهو بيصفر: وانا عبيط هاصدق الكلام الهايف ده انا بقيت بشعر بإشمئزاز كل ما أبص لكم ...اتفوووووو
بيطلع ويسبهم وچيهان بتتفتح في العياط
حسني : اهدي كل حاجة هاتتحل
چيهان : أهدي ايه دا مجنون مش بعيد يكون قتل بنتي أو خياله يخيل له انها مش بنته
بيحاول يفك نفسه وبيكون الحبل علي حاجة بسيطة ويتقطع
بيدخل سيف وهو ماسك چركن وولاعة في أيده
سيف وهو مبتسم : بنزين ههه هاولع فيكم هاعاقبكم علي ذنبكم في الدنيا مراتي الزانية وانت !
چيهان بتنهار: افهم يا مجنون ماحصلش حاجة بينا والله وديني وأيماني ماحصل
سيف : قالوا للحرامي احلف قال جالك الفرج!
بيكب بنزين علي جيهان وهو بيضحك
حسني وهو بيحاول يفك الحبل: يا مجنون هتعمل ايه
بيضحك سيف: هاولع فيها هاخلي النار تاكل فيها عشان أبرد ناري
چيهان بخوف : يا سيف وبنتنا !
سيف : وانا اعرف منين أنها بنتي ما تقلقيش هاخليها تحصلك أو يمكن تكون سبقتك لهناك اصل انا قافل عليها اوضتها من الصبح هه
جيهان بخوف : يا مجنون بنتي
بتعيط وبتقول من بين شهقاتها : يااااااارب !
بيفتح الولاعة وهو بيضحك بهيستريا وبيكون هايرميها عليها
بيقوم حسني من علي الكرسي مرة واحدة وبيمسك الولاعة وبيحدفها بعيد
سيف بيزقه يوقعه عالأرض وبيجري علي الولاعة وبتكون أيده عالأرض
حسني بيقف علي أيده ويضغط عليها بجزمته بقوة..
سيف بيعنقله يوقعه عالأرض وبيسيب الولاعة مولعة وبيحدفها علي چيهان
ثواني لتغيير حياة إنسان ...وفي مشهد بطئ بتكون هاتقع عليها خلاص حسني بيمسكها بإيده وبيرميها من شباك
سيف بغضب بيطلع مسدس من جيبه بيقرب منه حسني فبيضربه بطلقة في دراعه
بسرعة حسني بياخد منه المسدس وبيضربه بيه علي دماغه ...
بيفك چيهان وهي بتترعش وبتعيط ...
بيطلع من الأوضة وهو شايلها وبيسمع عياط بنتها
چيهان : بنتي...بنتي
بيروح وبيفتح عليها الباب وبيطلعها وبتكون ملك بتمشي ...
بينزل بسرعة وهو شايلها والناس بتبص له وهي مستغربة
بيفتح باب العربية وبيسوقها بسرعة ..
وبيروح علي أقرب مستشفي.
#Back
بيتنهد حسني وهو بيبُص لملك.: كان أصعب يوم في حياتي
كنت آخد طلقة في دراعي ومش قادر وهي كانت هاتموت وانتي كنتي خايفة وبتعيطي ومأكلتيش وماغيرتيش
ملك كانت مصدومة بكلامه : بابا عمل كل ده !
ابتسم حسني : اللي انا حكيته جزء من اللي ابوكي عمله اللي جاي أفظع كان عنده هاجس للإنتقام فظيع لدرجة كبيرة وعشان يحققه خسر حاجات كتيرة أولها چيهان وانتي ودنيته وآخرته !
ملك : مش فاهمه ايه اللي حصل بعد كده
حسني بيكمل كلامه ...
اللي حصل اني جبت تقرير من المستشفي وديته للحكومة واتقبض عليه في محاولة شروع في قتل ....
فكرنا خلاص الدنيا هاتبقي كويسة وهانعيش في أمان كانت أمك اتعافت من الألام اللي في جسدها وانا كمان
أجرت شقة ليها في منطقة تانية وأجرت لي شقة جمبها عشان أحميكم ....
بس تأتي الرياح دائما بما لا تشتهي السفن
سيف جاب محامي من اللي بيلعبوا بالبيضة والحجر طلعوا من القضية بس مضي تعهد علي نفسه طبعا
عشان كده مابقاش في الصورة زي الأول
ملك : ازاي مابقاش في الصورة !
حسني : يعني مثلا حاول يئذينا أكتر من مرة
مرة كانت والدتك بتشتري خضار وانا معاها شوفت واحد ملتم وشه وراكب علي موتوسيكل فحسيت أن في حاجة غريبة ربنا ألهمني وشوفت في أيديه ازازة اول ما قرب زقيت الازازة بايدي بعيد عن چيهان ايدي اتحرقت بس هي كانت كويسة
لدرجة أن أجر قاتل مأجور فتح عليها الشقة بس ربنا ستر وضربته علي دماغه وقدرت أنها تنجو من مكره
وغيرها عربية واحنا معديين عاوزة تخبطنا وربنا يسترها معانا
حاجة تقع من فوق مبني ما يفصلهاش عنا الا ثواني والا كنا هلكنا
بعد ده كله لقي أن كل الأساليب دي مش نافعه لأن ربنا كان مكملها معانا بالستر ومش عاوزه ينتصر بكيده فلجأ لطريق تاني طريق بوظ حياتنا احنا التلاتة
ملك بتركيز : طريق ايه ؟؟
حسني : السحر !
ملك بصدمة : معقول عمل ايه يعني...
حسني : والدتك تعبت جدا جدا كان بتصحي منهارة وتصرخ كنت بسمع صوتها من شقتي
كانت بتقول لي أن الدولاب بيتفتح وبيطلع منه كائن ضخم شكله يخوف بيقرب منها لحد ما تنهار من الصويت والخوف وبعدين يدخل تاني ..
كنت بقول أنها هلاوس لأنها مرت في الفترة اللي فاتت بأيام صعبة جدا ونفسيتها تعبانة شعور الخوف وعدم الأمان شعور مؤلم جدا
اتكرر الموضوع كتير جدا فمالقيتش حل غير اني أكون معاها في نفس الشقة
لأنها وكأنها بتمشي وهي نايمة أو بتكون مغيبة وعقلها مش موجود وبتفتح باب الشقة
كنت علي سطح العمارة في يوم مخنوق لقيتها ولا كأنها شايفاني وعاوزة تنط
بقيت مابنامش بالليل خايف تعمل حاجة في نفسها لحد ما اتأكدت من كلامها
لما طلع لي نفس الكائن ده وشوفته أنا كنت هاموت من الرعب لولا أني تمالكت أعصابي
#flash_back
في أوضة جيهان كانت نايمة عالسرير منكمشة في نفسها
دخل عليها حسني ..
چيهان بخوف ودموعها بتنزل: كان هنا يا حسني انا خايفة اوي
قعد جمبها وطبطب عليها : مصدقك انا مصدقك بس مش هانفضل كده احنا نسيب الشقة دي
بتدخل ملك وهي بتجري وبتعيط بخوف
حسني بيحضنها وبيحاول يهديها :
مالك يا حبيبتي اهدي
ملك : شوفت وحش طلع لي من الدولاب وقال لي مش هاسيبكم كلكم
چيهان سمعتها واتفتحت في العياط وملك كانت بتترعش
حسني : يبقي الحل مش في أننا نسيب الشقة بداية المشكلة هنا ونهايتها لازم تكون هنا ...
#Back
ملك : ايه الرعب ده يا ربي
حسني اتنهد : الرعب ده كان 24 ساعة في اليوم نشوف خيال أسود طالع من الحمام نشوف نور أحمر علي الحيطان
أكون واقف وأحس أن في حد ضربني بكل قوته وفي هوب سخن جمب وشي هايحرقها
سألت كتير وبحثت كتير عن شيخ بجد مش دجال يستغل الموضوع ويكسب من وراه فلوس بالكوم
لحد ما في ناس ولاد حلال دلوني علي شيخ ..
الشيخ اول ما دخل البيت قال إن فيه طاقة سلبية
#flash_back
حسني : مش فاهم يعني ايه فيه طاقة سلبية
الشيخ : بص يا ابني في حد مؤذي ابن حرام مسخر لكم جن يئذيكم وبالخصوص مراتك
حسني : طب اقرأ قرآن اصرفه مش الموضوع ده دواه القرآن
الشيخ : دا مارد قوي ربنا يعيني عليه ...
بدأ كلامه ب أعوذ بالله السميع العليم من الشيطان الرجيم
قل اعوذ برب الناس ملك الناس إله الناس من شر الوسواس الخناس الذي يوسوس في صدور الناس من الجنة والناس
ويشفي صدور قوم مؤمنين...
بدأ الشيخ في تلاوة آيات القرآن الكريم وانا جسمي بيتنفض من الخوف والبيت بيحصل فيه حاجات غريبة الحاجات الازاز بتتكسر والمرايات وفجأة بيطلع صوت قوي بيصرخ
استعذت بالله من الشيطان وانا خايف بس طمني الشيخ أنه كده خلاص الأذي والبلاء اترفع عنا
وفجأة جيهان بتطلع تجري من الأوضة وهي بتصوت حتي أنها مالبستش حجابها
حسني : اهدي في ايه اهدي
چيهان بخوف وهي بتترعش : قال لي انا مش هاسيبك بسهولة وان مشيت هاخد عقلك
الشيخ بيطمنها وبيقول : أن كيد الشيطان كان ضعيفا ما تخافيش يا بنتي كله بقي تمام
#Back
ملك بابتسامة : طب الحمد لله ايه اللي كان بيحصل ده
دي تنفع تبقي فيلم أصل الابداع ده مايطلعش غير من واحدة زي الكاتبة حنين عادل موهوبة أوي
حسني بضحك : انتي بتقولي ايه
ملك : مش عارفة والله كمل ليه بقا ما عشتوش في تبات ونبات وخلفتوا صبيان وبنات
حسني: لأ حياتنا انتهت!
*____________________________*
وفي شركة المنصور
بهجت : ليه يا فرح حاسك متغيرة معايا ؟!
فرح : لا يا فندم مش متغيرة ولا حاجة اكيد حضرتك فاهم غلط
بهجت بيتنهد : طب روحي علي مكتبك دلوقتي
بتمشي فرح وبهجت بيرجع ضهره علي الكرسي لورا بغضب مكتوم:
بت مقشفة فقيرة من حارة معفنة مش راضية تعيش عيشة أهلها شافت نفسها عليك يا بهجت ما هو حقها لسه هاتتجوزك علي ايه وانت مالك مع عبير الحرامية
ياااااه دا انا ساذج بشكل في واحدة ست تتآمن علي سر زي ده في واحدة ست أصلا تتآمن علي فلوس يا غبي !
فين اراضيكي دا انا هاشرب من دمك
بيجي له تليفون
بيرد عليه ..
_ أستاذ بهجت ؟!
بهجت : أيوه أستاذ زفت مين حضرتك
_ أنا عارف مراتك عبير فين
بيقف بهجت بسرعة : قول لي أرجوك
_ العنوان **************
*___________________________*
يامن بيرجع من المستشفي بعد وقت طويل بيدخل علي اوضة جدته .
بتكون قاعدة جمب الكاست وبتسمع أغنية
أوعدك وانت وانت بعيد تفضل حبيبي تفضل حبيبي
أوعدك دائما فاكراك أوعدك ولا يوم هانساك
بيضحك يامن فبتنتبه له
يامن : هو مين يا مُنمن اللي توعديه انك هاتفضلي فاكراه جدو أكيد
بتقفل الكاسيت وهي مبتسمة : أكيد هو يعني هايكون في غيره ؟!
بيقعد جنبها علي السرير وبينام علي رجلها فبتلعب ليه في شعره
مني : مالك يا ضنايا فيك ايه ؟!
يامن بيتنهد : ماليش!
مني : عليا يا واد احكي لي ايه اللي مضايقك
بيتعدل وبيقوم يبص لها : تيتا نعمل ايه لو حبينا ........
بتقاطعه مني بضحك :نتجوز !
بيضحك يامن وبعدين بيكمل كلامه: استني بس أما أكمل طب لو حبينا حاجة مش لينا
مني بتبُص له بتركيز فبيتوتر وبيتلاشي النظر في عينيها
بتبتسم مني : طالما مش بتاعتنا يبقي نسيبها لصاحب نصيبها يا يامن !
بيهز يامن دماغه ....وكلامها بيتردد في مخه يبقي نسيبها لصاحب نصيبها !
وبرا الأوضة بيكون يوسف ساند علي الحيطة بضهره وبيكون سمع كل حاجة
عيونه بتنزل دموع زي الشلال
بيطلع علي أوضته وبيترمي علي سريره
بيقوم يقعد وهو بيمسح وشه وأحاسيسه متلخبطة بين حزين ومصدوم وحيران
يوسف : كان شك وبقي يقين يامن بيحب ملك !
الفصل العاشر
بيقوم يقعد وهو بيمسح وشه وأحاسيسه متلخبطة بين حزين ومصدوم وحيران
يوسف : كان شك وبقي يقين يامن بيحب ملك !
طب ايه العمل ايه الحل ؟!
ممكن ملك تكون بتحبه ؟!
طب وانا وقلبي !
طب ولو ملك بتحبني أنا طب هو ده حساس جدا!
ايه يا يامن الوقعة السوده اللي انت وقعتنا فيها دي
ليه يا يامن .
*________________________*
وفي أوضة مني جدتهم
يامن : ولو سبتها لصاحب نصيبها طب وقلبي أعمل فيه ايه ؟!
مني : ربنا عمره ما بيعمل حاجة وحشة وكل اللي هاتسيبه لله ربنا هايعوضك خير عنه وعسي أن تكرهوا شيئًا وهو خير لكم وعسي أن تحبوا شيئاً وهو شر لكم
ابتسم يامن : من ترك شيئاً لله عوضه خيراً منه ..
مني : بتحبها اوي؟!
يامن وهو شارد في ملك : أوي أوي أوي !
مني : طب وأخوك !
بيفوق من شروده : أخويا ماله يا منمن؟
ابتسمت وهي بتطبطب عليه : اياك يا واد ما تكونش فاكر أن أنا مش عارفة انك بتحب ملك بس مش هينفع يا يامن مش هينفع
يامن : عارف والله بس مش بايدي ومش عارف ده حصل ازاي انا فجأة بقيت بشوفها زي القمر أحلي بنت شافتها عيني من غير مجهود ولا ميكب ولا تصنع
فجأة بقيت بشوفها ست البنات واحدة مختلفة عن كل البنات اللي عرفتهم
فجأة بقيت أول ما شوفها أبقي عاوز أقولها كل الغزل اللي في الدنيا وأغاني الحب اللي لعبد الحليم وأم كلثوم كل كلمة فيها متفصلة عليها
عاوز امشي انا وهي تحت مطره ونتجنن عاوز أعمل حاجات كتير أوي معاها ....معاها هي وبس !
فجأة لقيتني بحسد اخويا علي حبها ليه وبتمني اني أكون مكانه !
كل ده مش عارف حصل امتي وازاي وفين أنا عارف اني خاين ٱحساس اني خونت أخويا مش مفارقني بس مش بإيدي والله هو قلبي ده
دمع وهو بيخبط علي صدره بقسوه وكمل كلامه :
هو قلبي ده اللي يستاهل الحرق هو اللي عمل كل حاجة هو اللي اتشعلق في حاجة مش ليه !
حضنته مني وهي بتهديه وبتطبب عليه
وهي بتردد : من ترك شيئاً لله عوضه خيراً منه..من ترك شيئاً لله عوضه خيراً منه..
*_____________________________*
بيركن بهجت عربيته وبيقف قدام عمارة كبيرة
بيطفي السيجار اللي في إيده تحت جزمته وبيطلع مسدسه ويحطه في جرابه اللي في الحزام
بيطلع في الأسانسير وشكله مش ناوي إلا علي شر......
بيقف قدام شقتها وبيخبط والباب بيتفتح....و ..
*____________________________*
ملك : كمل ليه بقا ما عشتوش في تبات ونبات وخلفتوا صبيان وبنات ؟!
حسني: لأ حياتنا انتهت!
ملك : ازاي حياتكم انتهت ايه الشيخ طلع دجال ولا ايه ؟!
حسني بيتنهد : لأ مش دجال دا معالج بالقرآن وعمل اللي عليه هو قال إن البلاء والآذي اترفع عنا بس لأ
من بعد ما چيهان طلعت وهي بتصرخ وقالت إنه مش هايسيبها الا وهو واخد عقلها معاه وانا خوفت أكتر ..
احساس اني ضعيف قدام الست اللي بحبها ومهزوم كان معلم فيا جدًا جدًا ....حتي اني علشانها قررت اروح ل سيف واترجاه يخلصها من العذاب حتي لو في مقابل اني أبعد عنها نهائي!
ملك بصدمة: تبعد عنها ليييييه
حسني : أوقات الحياه بتجبرني أننا نبعد عن اللي بنحبهم اللي بيحب ايه اللي يهمه غير أن حبيبه يكون كويس وبخير
عدي يوم والتاني والتالت ونفس اللي كان بيحصل مافيش تغيير چيهان بقيت مهزوزة داخلة علي الجنون اللي بتشوفه مش بيفارقها في الواقع ولا حتي في حلم
فهمت كلمته لما قال مش هاسيبك الا لما اخد عقلك خلاص هتجنن أو فعلا اتجننت ...
ملك بتبلع ريقها : وطبعًا ده كان سبب قوي تروح فيه لبابا تترجاه
حسني : كنت بستناه قدام شقته بالأيام ومش بيجي لحد ما اخيرا لقيته جاي بيتمرجح واضح أنه شارب شافني بص لي بقرف وفتح باب شقته ودخل ماكنتش هاقدر أكلمه في حاجة وهو بالمنظر ده فانتظرته للصبح ...
فوقت تاني يوم علي اللي بيضربني في جمبي شعرت بألم بالغ بس تحاملت علي ألمي ووقفت له
#flash_back
سيف بغضب : وليك عين تيجي هنا لحد بيتي !
بصيت له بكل ذل واستكانه : انا عاوز مساعدتك
سيف بغرابة : مساعدتي انا ليه
حسني : جيهان هاتجنن أرجوك ساعدها أنا عارف إن اللي فيها ده من صنع إيديك !
سيف ضحك بشماته : حسني بيه جاي يترجاني اللهم لا شماته بس أنا شمتان ههههه
حسني : أرجوك أنا هاعمل كل اللي يرضيك كل اللي انت عاوزه لو عاوزني أبعد عنها هابعد بس ساعدها حرام اللي بيحصل فيها ده دي حتي أم ابنك
سيف : تؤتؤ كلامك أثر فيا تمام انا هاساعدها بس ...
حسني بفرحة : بس ايه ؟!
سيف : تكتب لي كل ثروتك بيع وشراء
حسني : تمام
سيف بابتسامة : بالسهولة دي للدرجة دي بتحبها
حسني : انا اعمل أي حاجة في سبيل أنها تبقي كويسة
سيف بيغضب غضب مكتوم وبيقول بملامح باردة :
وتبعد عنها خالص ماشوفكش في حياتنا وان قربت لها هاقتلك وهاقتلها ..
حسني بيتردد المرة دي وبيفكر...
بيقاطعه تفكيره سيف وهو بينفخ : هااااا انا ماعنديش وقت أنا !
حسني بيهز رأسه وملامح وشه بقت حزينة وكأن حد خد روحه
سيف بضحك: حلو أوي ههه المهم تيجوا بكره انت وهي هنا بعد المغرب
وبيمشي سيف من غير حتي ما يسمع رده
بيكون حسني واقف حزين ومهموم بس بيتنهد بارتياح : يارب لو فيها راحتها من العذاب اللي هي فيه أنا والله راضي
بيروح البيت وبيدخل يشوفها وهي قاعده علي السرير بتترعش وعرقانه .
بتمسك هدومه بخوف وبتكلبش في صدره :
انت كنت فين أنا خايفه اووووووووي ماتمشيييييش وتسيبني
حضنته بقوه وحاجة بسيطة وكانت نائمه في حضنه
بص تحت عيونها اللي بقا أسود سواد الليل جسمها اللي بقي هزيل من قله الأكل شعرها اللي ابيض نصه من خوفها ...
اتنهد:انت بتعمل الصح يا حسني انت بتعمل الصح
ماكنتش عارف ليه الساعات بتجري بسرعة كده ياااه لو معايا أداة أو آلة توقف الوقت لبست عباية وحجاب عليها
الغريب انها بعد كل التغييرات اللي حصلت لها لسه يشوفها أحلي بنت في العالم ويمكن احلي من اول مرة شوفتها فيها
مشيت معايا وهي شبه مغيبة لحد ما وصلنا قدام بيت سيف مسكت في دراعي بقوة وعيونها اتملت بدموع وبقت تهز راسها أنها مش عاوزة تدخل ..
حسني بيمسكها من وشها : انتي مش واثقة فيا ؟!
بتهز راسها وبتقول بصوت مرعوش: واث....واثق..واثقة
حسني : طيب سيف هو الوحيد اللي عنده حل لمشكلتك صدقيني انا عمري ما هاسمح ليه أنه يئذيكي أرجوكي ساعديني ووافقي أننا نخلص من الكابوس ده !
بتهدي شوية وبتتنهد ...بيبتسم وهو بيبُص لها وبيقول:
رب الخير لا يأتي إلا بالخير..
بيخبط علي الباب وبيفتح سيف وهو بيضحك ...
جيهان بتتداري في حسني منه...
سيف ببرود : بقا كده يا حبيبتي ماشي ...
بيدخل وبيدخلوا وراه وبيفتح قفل أوضه أول مابيدخلوها بيلاقوها زي ما تكون معمل...
بيقعدهم علي كراسي قدام حيطة سوده وبيطلع كتاب وبيقرأ منه ...
فجأة الكراسي بتطلع لها سلاسل وبتكلبش علي أيديهم ورجليهم ..
حسني : ايه اللي بيحصل ده في ايه
چيهان كانت بتعيط بانهيار وبتترعش وحسني كان بيحاول يفك نفسه مش عارف ...
سيف: ودلوقتي اعرفكم علي أهم وأنجح اخترعاتي هههه
بيقرأ كلام مش مفهوم زي طلاسم من الكتاب فبيطلع الكائن اللي بيطلع لچيهان جيهان بتصوت بانهيار وبخوف لدرجة أنها بتتبول علي نفسها وبعدها بيغمي عليها ...
حسني بخوف والكائن بيقرب منه : ازاي اخترعته أعوذ بالله من الشيطان الرجيم ايه ده. ...الله لا اله الا هو الحي القيوم لا تأخذه سنة ولا نوم له ما في السموات وما في الأرض من ذا الذي يشفع عنده إلا بإذنه يعلم ما بين أيديهم وما خلفهم ولا يحيطون بشئ من علمه إلا بما شاء وسع كرسيه السماوات والأرض ولا يؤوده حفظهما وهو العلي العظيم
سيف ضحك: كمل كمل دا لو قرأت القرآن الكريم كله مش هاينصرف ..
حسني وهو خايف : اييييه ده ايه الكائن ده
سيف : ده حاجة من اختراعي قولتلك !
حسني : ازاي ده مش آلة ده كائن بيتكلم وبيتنفس عمر ما انسان يعرف يخلق جسم ويدب فيه الروح ويسئلونك عن الروح قُل الروح من أمر ربي !
سيف ضحك : لا ناصح يا ولا.......ده كائن من الجن قدراته محدودة اتسخر لخدمتي بعد ما ......
سكت سيف فرد حسني :
ااااه بعد ما بعت روحك للشيطان صح مالهاش تفسير تاني
سيف ببرود: المهم انا بقا وبكتب السحر قدرت اخليه يجمع بين كل قوي الجان قدرت أخليه كائن أسطوري ماحدش يقدر يقهره ولا ليه نقطه ضعف بل نقاط قوة ....
بص للكائن : شالوخ أنا بأمرك تبعد عن جيهان وتسيبها في أمان وتوري حسني الجحيم أشكال والوان
ضحك الكائن وكان صوته تخين جدا وقال:
مش كفاية بقا يا انسان يا ضعيف انت ايه قوتك قدام قوة جان؟! زهقت من أوامرك وتجبرك وخدت كل القوي اللي تخليني ملك الجان ..
سيف بغضب : يعني مش هاتنفذ أوامري انت خادم عندي
بيصرخ بصوت عالي جدا بيكتموا ودنهم من قوته:
انا ملك مش خدام ومين انت عشان تأمرني يا انسان
سيف بغضب : انت اللي جبته لنفسك يا شالوخ
بيمسك الكتاب وبيبتدي يقرأ كلام بيرفعه شالوخ لفوق بقوة وبيكون خانقه من رقبته ..
شالوخ بغضب وصوت عالي : انتم مش أسيادنا الأرض بتاعتنا احنا من بداية الخليقة احنا ملوكها احنا أسيادها وأسيادكمانت هتتعاقب هاتتمني الموت ومش هاتموت هاتشوف الجحيم أشكال والوان
بيفتح زي بوابة في الهوا باب لعالم تاني بيرميه فيه بكل قوة وسط صراخ وهلع وخوف سيف الأية اتقلبت في ثواني وسيف اللي كان مفكر أنه بيتحكم فيه وأنه خادمه وتحت أمره طلع شالوخ هو اللي بيستغله
وبيروح شالوخ ناحية جيهان وحسني خايف جدا وعمال يتحصن بالقرآن..
شالوخ بصوت مرعب :زي ما وعدتك مش هاسيبك الا لما أخد عقلك ...بيضحك ضحك مرعب وبيدخل البوابة المفتوحة دي وبتقفل وكأن مافيش اي حاجة حصلت ...
وفجأة بتحصل حاجة غريبة والسلاسل اللي في ايدهم بتتفك
بيقوم حسني وهو بيحاول يتلم علي أعصابه وبيحاول يفوق جيهان .
بتبص له وكأنها متعرفوش .
حسني : جيهان جيهان چيچي...
جيهان بتزقه بيقع علي الأرض وبتقول:
جيهان ايه الاسم الوحش ده انا اسمي سونيا وبشتغل رقاصة هههههههههه ورنة خلخالي ياما رنة خلخالي وانا ماشية ماشية ياما والكل قال اسم الله اسم الله حتي العزول القاسي القاسي ياما
وقف حسني وهو خايف من تصرفها وبيدعي ربنا أنه يخيب ظنه وماتكنش اتجننت
جرت من قدامه تفتح الباب جري وراها يلحقها وهو يجري وهي تجري وبتصوت وبتضحك في نفس الوقت
جيهان : الحقونييييي حرامي عاوز يخطفني
بيتجمعوا الناس حواليه بسرعة وبيضربوه وكأنهم بيطلعوا فيه غل الأيام وهما بيقولوا:
اه باين عليه محترم بس ايه صحيح مش باللبس جتكم نيلة مليتوا البلد.
قرفتونا نآمن ازاي علي بناتنا
ربنا يطلعنا من الدنيا دي علي خير
ربنا لا تحاسبنا بما فعل السفهاء منا
حجبوا الرؤية وضربوه قام وهو مش قادر وبيتوجع بعدوا عنه بعد ما كسروه حرفيا تحامل علي التعب وبقي يعرج بخطوة كبيرة وبعدها بقا بيجري يدور عليها والدموع علي خده
_چيهان جيهان .....لف كتير لحد ما قعد عالأرض بيأس وتعب والدموع ماليه عينيه :
آنا أسف أنا اللي وصلتك لكده بس صدقيني أنا كنت عاوزه أساعدك والله چيجي ماتسبنيش
ملك وآثار الصدمة علي وشها وكأنها مش مصدقة اللي سمعته: طب وبعدين ؟!
حسني : اتأكدت أنه فعلا خلاص خد عقلها وبقت مجنونة ودورت عليها ليل نهار ونهار وليل حتي الكل كان فاكرني مجنون وشحات من منظري ولكنها فص ملح وداب من يومها لحد دلوقتي وانا مافقدتش الأمل اني أشوفها ومابطلتش أدور عليها
الفصل الحادي عشر من هنالقراءة باقي الفصول من هنا