رواية الحربايه والثعبان الفصل الحادي والخمسون51والثاني والخمسون52 بقلم منه محمد
في شقه داغر
دعاء: تعالي ياميسر ادخلي انا معاكي
معمر قام من مكانه وقال بعصبيه : انتي ليه جايه هنا
ميسر بصوت متهدج من بين دموعها : معمر اسمعني ربنا يخليك
معمر بأسلوب حاد: انا بسأل انتي هنا ليه؟؟!!
دعاء بهدوء: ابيه انا جبتها معايا
معمر بحده: اعتذرتلك , رجعتلك فلوسك , لو معملتش كده , ملهاش اي علاقه معايا
دعاء: ابيه مينفعش تنهوا ارتباطكم بالسهوله دي , انت بتحبها كتير
معمر: وعملت ايه بحبي جرحتني بحبها
دعاء: هي محروجه ومكسوفه من غلاطها, حبيبي ليه تعاند من غير سبب, انت عمرك ما حنيت راسها قدام حد ودلوقت
معمر كمل : دلوقت بحنيها عشان احرجتني قدام الكل
ميسر نزلت دموعها: اجوك سامحني يا معمر انا غلطانة و عايزه اعتذر لداغر هو كمان 'عارفه اني كنت ع طول الوقت كنت ضدكم' بس انت كنت دايما معايا وعندي امل انك لسه معايا انا رجعت الفلوس لدعاء ناقصين 20 الف بس امي دخلتني جمعيه بيهم وهم دين في رقبتي لدعاء
دعاء: وانا قولت لك مش عايزاهم
معمر اتعصب: ليه مش عايزاهم دي فلوسك
دعاء بهدوء: ابيه ارجوك الاهم من المبلغ بيبو , لو مش عشان نفسك فكر فيه ازاي هيعيش من غير امه هو محتاجلها كتير ارجوك انا وآمير قررنا المبلغ هديه مننا لبيبو
بيبو خرج وجري عليها: ماما انتي هنا؟؟!!
ميسر ضمته بشتياق جارف: ابني حبيبي
بيبو بدموع: ليه سبتيني؟ انتي وحشاني اوي, هي ستي عيانه, كنتي لازم تاخديني اروح معاكي
ميسر مسحت دموعه برفق: ايوه كانت , بس امك مش هتسيبك تروح في اي مكان , هاخدك معايا ع طول , هنعيش كلنا سوي_مسكت ايد معمر_ معمر بص لدعاء الي هزت له دماغها انه يسامحها وهو قعد جنبها وضمها مع ابنه
...........قصص منه محمد كاتب...................
سولا اتصلوا بيها من الشركه ان العامل بيوصله مرتب بدون وجهه حق طلبت من السواق ياخدها لحد بيته تسأله عن السبب وبالفعل نزل وراح يخبط ع الباب ورجعلها
سولا سألته: لقيت العامل هو جوه مش كدا
السواق: لاء ياهانم مش موجود مفيش حد في البيت والجيران بيقوليلي مراته في المدرسه
سولا: مدرسه
السواق :ايوه هي بتشتفل فراشه هناك
سولا: اوكيه اطلع ع الشركه
السواق اتحرك بالعربيه ع نفس الطريق العامل راجع سولا لمحته وقالت للسواق ينزله بسرعه لكن في نفس اللحظه عربيه جيمي دخلت بكل سرعتها في العامل رقدته ع الارض وسولا شافت ابنها حصلها صدمه واخدت العامل لحد المستشفي وبعد الكشف
سولا: ها طميني يادكتور
د: عنده كسور مضاعفه وجروح عميقه بس لسه عايش
سولا: الحمد لله انه لسه عايش دكتور من فضلك اهتم بيه بعلاجه انا متكفله بحالته
د: اوكيه بس الموضوع ادخلت فيه النيابه لانها قضيه وغير كدا لما الحادثه محصلتش بعربيتك ليه تتحملي المسؤليه
سولا: انا متحمله تكاليف علاجه لانه اشتغل حارس عندي لفتره وطبعا مش من الرحمه اسيبه يموت ع الطريق وانا عارفه انه مش هيقدر يتحمل مصاريف المستشفي عموما انا همشي وبلغني اول ما يسترد وعيه
د: اوكيه
سولا مشت وهي بتفكر: لانه بقي مهم جدا بالنسبه لي اقابله واسأله ليه ابني حب يتخلص منه
..............قصص منه محمد كاتب..................
كل شويه مسدج في اتصال في فويسات لما زهقت وجابت اخرها قررت تتصل بيه
جمال بفرحه: اظاهر النهارده يوم سعدي, اخيرا اتصلت بيا السندريلا دعاء بنفسها
دعاء بجديه : انا عايزه اقابلك
جمال: حتي انا عايز اقابلك , معندكيش فكره عن مدي شوقي
دعاء: انا عايزه اقـ
جمال قطعها: كل الي عايزه تقوليه, قوليه لما نتقابل حددي المكان, وهجيلك
دعاء: اوكيه كون موجود ع المعاد بالظبط
جمال: مستحيل اتأخر يا روحي
آمير سمع المكالمه ولنفسه: ليه دعاء عايزه تقابل جمال ممكن يكون فيه سبب هو انا المفروض اسألها لاء هي هتقولي بنفسها لكن ازاي اسيبها تروحله لوحدها لو حاول يؤذيها لا انا هكون وراها
آمير قرب عليها بترقب تقوله عن المكالمه: حياتي ايه ترتيبك لليوم 'خارجه رايحه اي مكان
دعاء: لاء بس بتسأل ليه؟!
آمير اتقهر انها خبت عنه : اصلي بفكر نتغدي سوي في اي مكان' ونروح وناخد لنا صوره سوي وانتي حامل وبعده ندخل سينما او مسرح , يعني بقالنا يما مقضناش وقت طويل مع بعض
دعاء: ما احنا بنقضي وقت طويل هنا , غير كدا طنط وعمي قلقانين ع حاله رحاب , مش لايقه لو سبتهم لوحدهم في الوضع ده
آمير بضيق: اوكيه همشي انا
دعاء: مع السلامه حبيبي
...........قصص منه محمد كاتب...................
تاني يوم رجعت الفت وطيبه من مشوار بالليل لقوه اهالي المنطقه متجمعه قدام البيت
طيبه نزلت مفزوعه: ليه واقفين هنا
جار: ياست طيبه بيتكم اتسرق
طيبه: ايه
جار: حتي جوزك راح القسم يقدم بلاغ جات لي مراتي قالت لي وانا اتصلت بسامي بلغته
الفت طلعت تجري ع جوه وراحت تدور ع الفلوس والدهب لقتهم مسروقين انهارت صويت وعويل وطيبه دخلتلها واخدتها في حصنها
الفت بلطم وصريخ: اعمل ا يه دلوقت؟؟ اعمل ايه!؟
طيبه هدتها وراحت ع القسم تشوف سامي الي رجع وسمع الفت وهي بتبكي دخلها وبصلها وقفل الباب
الفت مسحت دموعها : انت هنا؟؟!!
سامي بخبث وهو بيقفل الباب بالقفل: انتي بتعيطي
الفت قامت بخوف: بتقفل الباب ليه
سامي مقرب عليها: هششش اهدي يابطه
الفت بتجري منه زي المجنونه : ابعد عني يا واطي
سامي اتك ع شفته بوقاحه: مش قبل ما اكلك هم يا بطتي
الفت زقته وفتحت الباب وطلعت للخارج لقت طيبه واقفه عيونها كلها دموع
سامي ارتبك وقفل زراير القميص: شوفتي الوقحه, بتحاول تغريني حاولت تاخدني منك
الفت صرخت فيه ببكاء: انت كداب
سامي صرخ فيها : انا كداب , حتي قالت لي معهاش فلوس, وموافقه تتجوزني , ولما رفضت هددتني انها هتقولك اني حاولت اعتدي عليها, حقيقي انا مكسوف من افعالها
الفت :والله العظيم ده كداب ياطيبه
سامي : بكدب هطردك من بيتي (سحبها من ايدها) يله امشي
الفت هي تصرخ و تبكي بشده: صدقيني والله العظيم كداب
سامي زقها بقسوه : يله بره
الفت : طيبه اعملي حاجه هروح فين
سامي زعق فيها : روحي في داهيه
الفت بتخبط وتصرخ ع الباب: طيبه ارجوكي امنعيه
سامي لطيبه: اياك تدخليها هتحصليها
الفت بتخبط: هروح فين الساعه دي والدنيا ليل
طيبه جابت فلوس وشنط الفت وطلعت لها لقتها كانت راكعه علي ركبها في مرحله انهيار
طيبه نخت قدامها : خدي دول وامشي
الفت: انا مظلومه والله ما عملت معاه حاجه
طيبه بدموع : انا عارفه انك مغلطتيش في حقي, هو عيونه زايغه وانا مجبوره اعيش معاه مليش حد غيره عارفه طبع ابويا الصعب , وانا راضيه زي ستات غيري كتير في المجتمع وانا واحده منهم بتسكت عن الخيانه وتعيش , ومطلوبه كمان تستحمل , ارجوكي سامحيني يا الفت ارجعي لـ امك الدنيا مليانه بالوحوش زي سامي , اركبي اول قطر ارجعي مهما كانت قسوه اهلك ارحم من العالم الي بره , صدقيني اكرملك وائمنلك
..........قصص منه محمد كاتب..............
في بيت سامو ع الموبيل
جيسي: جيمي انت اين؟؟!!
جيمي: انا مع صديقي 'ماذا حدث 'هل كل شئ ع مايرام
جيسي: ما مشكلتك لم تعد الي المنزل منذو عده ايام 'اين انت بالتحديد جيمي؟!
جيمي: انا في منزل احد اصدقائي 'وانا سعيد جدا
جيسي: انت سعيد جيمي 'ولكن هل تدرك مدي انزعاج عمتي بسببك 'تسأل عنك 'وتفتقدك عده مرات في اليوم
جيمي: عليكي ان تشرحي لمام 'لماذا اتشددت مع ابنها بسبب الاخرين
جيسي: جيمي انها والدتك 'لديها كامل الحق في توجهيك
جيمي بملل: ارجوكي لا تبدئي' صديقي منتظرني سأتحدث لاحقا
جيسي: لقد اغلق الخط
جمال فتح الباب وركب العربيه وبعصبيه: مام عماله تتصل كل ثانيه
سامو: انت مش حاسس انك اتخطيت كل حدودك خبط العامل بعربيتك مش خايف تدخل السجن بتهمه الـ قتل
جمال:كنت هعمل ايه' اسيبه يفضل يبتزني كل شويه 'مكنش قدامي حل تاني
سامو: طيب هو مات ولا انت وقفت لما خبطه
جمال: هقف ازاي اطمن عليه لو كنت نزلت كانت الناس ضربوني وبعدين اكيد مات انا دخلت فيه بالعربيه
سامو : ولو مامتش
جمال: هنشوف بعد كده ع الاقل اتخصلت منه حاليا
سامو: وايه خطوتك الجايه امتي هترجع البيت
جمال: ليه عايز تتخلص مني
سامو: لاء مش كدا
جمال: هرجع البيت لكن الاول عايز اوضح امر اخير لدعاء
سامو: عايز تعمل ايه معاها 'عملت فيها كتير ناولها ع ايه تاني
جمال: شئ هيخليها مش محترمه اطلاقا بعده محدش هيحترمها ابدا مره تانيه واكون جبت اخرتها
سامو : اخرتك انت الي هتبقي سوده, ياصاحبي
جمال مط شفايفه بستهزاء: تبقي زي ماتكون ميهمنيش
تلفونها مبطلش رن ردت بحده: خير
جمال: يله يادودي لحد امتي هفضل مستني
دعاء بحده : انت ايه حكايتك عمال تتصل كل شويه
جمال ببرود: عشان عايز اشوفك , وانتي عارفه بكره الانتظار
دعاء: قولت لك هكون عندك يبقي هكون عندك, بلاش تزعجني بالاتصال كل شويه, استني في المكان الي قولت لك عليه
جمال: ياحياه قلبي انا مستنيكي من امبارح انتي الي لسه عندك
دعاء: اظاهر متعود تستني بدري , بس انا هكون عندك ع معادي, حاجه كمان بلاش تتوهم اني جايه اقابلك لشخصك
جمال: انتي متعصبه عليا حتي من قبل ما تيجي هنا, اطمني مش هضايقك 'يله تعالي انا في الانتظار
............قصص منه محمد كاتب................
الفت دخلت البيت وأأعدت ع السلم وانهارت في البكاء وافتكرت كل لحظه حصلتها يوم خطوبتها ع داغر وفرحه بهيه ودعاء وقد ايه ظلمتهم كتير
امها شافتها جريت عليها: الفت بنتي رجعتي ياضنايا
الفت وقفت ورمت نفسها في حضنها: امي ارجوكي سامحيني غلطت
امها: كنتي فين وعشتي مع مين؟؟!!ولا مره يا الفت ولا مره تتصلي بيا تطمنيني مش يمكن يجرالي حاجه لما سبتيني لوحدي , ومعرفش عنك اي حاجه
الفت :حقك عليا انا كنت قاعده عند واحده صاحبتي
امها بفضول : صاحبتك اي صاحبه
الفت: حكتلها ع طيبه والاحداث الي حصلت وعن تحرش سامي ليها وطردها
امها: ابن الحرام ازاي يعمل فيكي كدا
الفت بصتلها بحزن : لو مسبتش البيت مكنش حصل فيا كده ربنا عاقبني ع جرايمي
امها: لاء يابنتي المسأله مش كدا, لو عملتي جريمه ربك رحيم غفور , استغفري كتير الاستغفار بيرفع الذنوب
الفت نبره ندم : دعاء اول واحده لازم اعتذرلها, كنت قاسيه معاها اوي, وبسبب عنادي خربت بيتي وبيوت ناس كتير معايا ,وسببت لك الالم , ارجوكي سامحيني يا امي
امها: الام دايما عندها قلب صافي ناحيه ولادها , هي اول الي يسامحهم كل الي قاهرني هو انك مشيتي , ومهتمتيش بيا اصلا
الفت :لو كنت اهتميت مكنتش مشيت ابدا
امها اتنهدت في حرارة و قالت بهدوء: ليه مشيتي
الفت : لانك قررتي تجوزيني مره تانيه , لو مكنتش مصره , مكنتش اخدت الخطوه دي ابدا
امها : يابنتي عايزالك الافضل , عايزه يكونلك بيت وراجل يحميكي , ياتري فكرتي مستاهله تطفشي من البيت
الفت :جايز مقدرلي اعيش في مكان تاني
امها: ربنا يهديلك الحال قومي غيري وكلي لقمه ونبقي نكمل كلامنا
................قصص منه محمد كاتب................
في مكان فاضي عن الناس دخلت ووقفت وهو مديها ضهره
جمال لف وبصلها: طالما وافقتي تقابليني يبقي عندك كلام مهم
دعاء: فعلا كلام مهم وله اولويه بالنسبه لي
جمال بنظرات عاشق: عارفه وحشتيني قد ايه , ومستنيكي من امتي, لسه فيه وقت اسمعيني بقولك تعالي معايا عشان مصلحتك
دعاء: انا جايه اتكلم عن الست الي دمرتها
جمال بلا مبالاه: عايزه تقولي ايه ست مين
دعاء :انت عارف كويس انا بتكلم عن مين , وفاهم كويس كلامي , بلاش تتظاهر بالغباء والبرود كالعاده تدمر فينا وبعدين تمشي وتكمل مش كدا
جمال: حبي ليكي بتسميه تدمير
دعاء: انا لحد اللحظه مقدرتش افهم نوع الحب الي عندك ليا , غير انه مدمر ومؤذي, او انت مش فاهم معني الحب الحقيقي , الحب لايمكن يتفرض بالعافيه ع الناس, لا يمكن تجبر حد ع انه يحبك
جمال بصوته الساخر : انا شايف انك هنا بتعلميني ازاي احب
دعاء: لاء جيت هنا اقولك ممكن تتوب وترجع علاقتك برحاب, رغم مسبتش باب مفتوح لعايلتها لكن هي لسه بتحبك واكيد هتسامحك
جمال بغيظ : اممم كنت متخيل انك عايزه تقابليني , ونتكلم عننا , بس انتي هنا لرحاب , وجايه تشحتلها مني السعاده, ع فكره هي بتكرهك لحد النخاع ,ومش بس بتكرهك دي ممكن تمـ وتك لو طالت واظن مفوتتش اي فرصه انها تذلك
دعاء: انا عارفه كل حاجه , ودلوقت عرفت سببها كرهها , هي بتكرهني لانك فضلتني عنها والحب بيخلي الانسان اناني , وعشان كدا بقولك ممكن تكمل , وصدقني هي عشان هتتغير انت هتلاقي حبها اتربع في قلبك
جمال حط ايده قدامها بغضب: بس كفايه, اسطوانه فارغه عن الحب , عارفه ايه هي المشكله انك مفكره نفسك اخر بنت اتخلقت ع الارض, اه قولت لرحاب اني بحبك, واني اتجوزتها عشانك انتي, وضحتلها كل حاجه لكن نسيت اوضحه معاكي , في الواقع يا دعاء انا بقيت بكرهك زي ما بكره رحاب
دعاء: وانت نزلت من نظري, لحد امتي هتفضل دنيئ
جمال صرخ: انتي بتتمادي زياده عن اللزوم
دعاء صرخت قصاده: انا الي بتمادي زياده عن اللزوم, والي انت عملته ومصمم تعمله معايا , مكنش تمادي للابعد حد
جمال بقهر: عملت الي عملته عشان عشقتك
دعاء بصوت عالي : اخرس, اخرس, ده مش حب ده سميه جنون, هوس , تملك' انانيه, 'بلاش تتلفظ بكلمه الحب بلاش توسخ الكلمه , تفهم انت ايه عن الحب , والعشق تفهم ايه , انت الي فيه حب امتلاك ليس الا
جمال بصلها بغل: بتكسري قلبي لسه يادعاء , بس عارفه انتي حبك ميستهلش دمعه واحده من دموعي , لاني بسببك بدمر نفسي
دعاء بصتله بحتقار: للاسف مفيش فايده في اصلاحك, انا ماشيه ياجمال
جمال بحركة مفاجأة مسك كفها بغل: مش قبل ما اخليكي تركعي وتترجيني اسيبك
دعاء صرخت فيه: انـت مجنون.
آمير جري بسرعه البرق وضربه بالبوكس وصرخ: ابعد عنها ياكلب, ازاي تتجرء ع استغلال اختي عشان توصل لمراتي يا حقير
جمال مسح دمه من ع شفايفه : وهي كانت اختك بريئه
آمير ضغط ع رقبته بصراخ: هـ قتلك لو قلت كلمه ضد اختي سامع
دعاء شدته: آمير سيبه
آمير رفع صوباعه في وشه وقال بنبرة حادة : غور من قدامي 'غور اختفي عن عيني امشي (بصلها) دعاء انتي كويسه
دعاء هزت له دماغها واخدها ركبها العربيه وجابلها ازازه ميا وشربها تسترد نفسها
آمير: تحبي نطلع ع الدكتوره نطمن
دعاء هزت راسها : لاء
آمير: اكيد
دعاء هزت دماغها تحت وفوق: ايوه
...................قصص منه محمد كاتب.....................
في منزل عائله آمير
ناني ببكاء: بنتي حالتها كل يوم بتسوء
رياض بضيق: والله مابقيت عارف اعمل ايه, ارجوكي وقفي عياط, لانه بيخلي الانسان ضعيف
ناني: مبقاش عندي القوه يارياض , كل يوم حالتها بتسوء وهي زي ماهي
رياض: الزمن هو اكبر علاج , الوقت كفيل يشفي كل جروحها
ناني: لايمكن نسيبها لوحدها خايفه تأذي نفسها
رياض: اكيد مش هنسبها لوحدها ابدا , الوضيع دمر حياه بنتي , اتكلمتي مع امه عن امر الطلاق
ناني لئلئت الدموع في عدسه عيونها: ايوه وقالت لي هتحلها في اقرب وقت مش هتوصلنا للمحاكم
رياض: تمام هكلم آمير يجهز اجرائات الطلاق , خلينا نخلص من الحقير نهائيا
اثناء كلامهم شافوا آمير مسند دعاء وهي في حاله يرثي لها وحكالهم كل الموضوع
ناني: آمير الاول خد مراتك للدكتوره اطمن
دعاء: طنط انا كويسه
ناني بنرفزه: ايه الداعي تروحي تقابليه
آمير بضيق: ده الي انا مستغربه ,ده واحد وضيع , حاول ينتقم منك. افرضي عمل فيكي اي حاجه, هتجنن ليه روحت له بالطريقه دي
دعاء: قلت هقدر اقنعه يبعد عني, ويسبني في حالي , ويرجع لرحاب لانها بتحبه بجد
رياض بتكشيره: يابنتي ده لايمكن يحصل, احنا لازم نخلص حياه رحاب من جمال, امير ابدء اجرائات طلاقها منه
دعاء: بس الي اعرفه ان رحاب لسه بتحبه
آمير: وده الي بنندم عليه لحد اليوم لازم تطلق منه
ناني: آمير عنده حق العلاقه دي فاشله متنفعش هو مش بيحبها
دعاء: وده الي حاولت اقنعه بيه, لكن وانا بتكلم معاه الانتقام مني عما عيونه
ناني بشده وحزم: دعاء مش هتقابلي الوضيع ده تاني, في اي حال من الاحوال
دعاء: حاضر
رياض: الحمد لله ربنا ستر المره دي ياعالم يحصل ايه, ابعدي نفسك يابنتي الله لايسيئك
..................قصص منه محمد كاتب...................
امها طلعت تدور عليها: انتي كنتي فين؟؟!!
الفت: امي انا مش همشي مره تانيه متقلقيش
امها: يابنتي منقدرش نغير الي حصل زمان ,لكن الدهب والفلوس الي هربتي بيهم الدهب كان ليكي ومش هطلبه منك, لكن الفلوس تخص ميسر رجعهملها لو عايزه فعلا تصلحي رجعي الحقوق لـ اصحابها,لحد امتي هتفضلوا مقاطعين بعض
الفت: الفلوس لداغر مش لميسر
امها: مش مهم لمين رجعهيم
الفت قالت بارتباك: امي معيش الفلوس
امها: امال مع مين
الفت :الفلوس والدهب اتسرقوا
امها ضربت صدرها بشهقه: يامصبتي عملتي ايه بس, متخيلتش تبقي مستهتره بالشكل ده
الفت بندم: عارفه اني غلطت
امها: كنتي المفروض تبلغي البوليس ونعرف مين الي سرقهم
الفت: يا ماما غصب عني اتسرقوا
امها : ربع مليون مبلغ مش شويه , محتاجين سنين نجمع فيهم
الفت : داغر من شغله جمع 200 الف ودعاء اخدته منه انا كنت هرجعله الفلوس بس القدر كان له راي تاني, ماما انا اخدت الفلوس من هنا لاني عارفه ميسر سرقاه ,هي كدابه ولفتك حوالين صوباعها , وكنتي هتدلها المبلغ من اول دمعه , هتنزلها قدامك
امها بقهره: انا علمتكم وربيتكم بعد وفاه ابوكم , حققت كل رغباتكم لكن شايفه بترموه اللوم عليا في كل حاجه , اختك بتلومني لاني ممنعتهاش سواء بتعمل غلط او صح , والنهارده انتي بتلوميني بنفس الكلام انا ما عطتكمش الحريه عشان تخربوا بيوتكم وتلوموني
............قصص منه محمد كاتب...............
جيسي لمحته نزلت جري ع السلم: جيمي الحمد لله انك اتيت الي المنزل, اين كنت هل تعلم كم كانت والدتك قلقه
جمال: اين مام
جيسي: انها في المستشفي
جمال: مستشفي لماذا
جيسي :ذهبت لمقابله الشخص الذي صدمته بسيارتك
جمال بدهشه: ماذا ؟؟ وكيف تعلم مام اني صدمت شخصا بسيارتي
جيسي : رآتك واخذته الي المشفي
جمال بستفهام: اي مشفي
جيسي حركت دماغها : لا اعلم, عمتي فقط هي الي تعلم , كل ما اعرفه هو ان المشفي اتصلت واخبرتها انه استرد وعيه, ذهبت فورا لمقابلته
جمال :وماذا اخبر امي
جيسي: لا اعلم جيمي
جمال وهو طالع ع الجنينه حط الموبيل ع ودنه يتصل بسولا
جيسي طلعت وراه : جيمي الان يتم تقديم الغداء هيا لناكل, انا لم اكل اي شئ ايضا
جيمي : هل طلبت منك الا تاكلي اذهبي انا لست جائع
جيسي: كنت فقط
جمال قاطعها بغضب: ارجوكي اذهبي, واتركيني وحدي, لفتره من الوقت
جيسي بعصبيه ونرفزه : الزم حدك , ماهذه النغمه التي تتحدث بيها معي!؟
جمال بجفاء: عندما اطلب منك الرحيل لماذا انتي هنا , من فضلك غادري واتركيني وشأني
جيسي نزلت دموعها : حسنا استرخي لقد كنت هنا فقط لـ حضرلك طعم الغداء, كما اردت ان اقول لك انني تحدثت مع والدتك كانت تتصل بيك وكان رقمك مشغول, اتصل بها عندما تكون متفرغ وعندما تشعر بالجوع تناول شيئا ايضا
جمال مسك ايدها: انا آسف لقد شعرت بالانزعاج, و فقدت السيطره
جيسي :يجب ان تسيطر ع غضبك جيمي ,انت متعصب جدا, وتفغل عن مدي ايذاء اي شحص امامك
جمال : كما قلت لم اكن افضل حاله مزاجيه, لهذا السبب انا اعتذر
جيسي مسحت دموعها: يجب ان تكون اكثر هدوء
جمال: هيا دعينا نتناول الغداء
جيسي بتردد: هل لي ان اسألك شيئا
جمال : ما هو السؤال
جيسي: لماذا اردت قـ تله
جمال بصلها بضيق وغادر من المكان
...............قصص منه محمد كاتب....................
قرر يدخل يسألها لكن وقف يسمع الحوار ما بينهم
ناني: عامله ايه النهارده احسن
رحاب عقدت حواجبها و بصوت مخنوق: مامي مهما قلت لك , مش هتحسي بالالم الي جوايا عامل ازاي
ناني مسحت على شعرها بحنيه : لاء حاسه , بس رحمه ربنا احيانا بتيجي ع هيئه انه بيكشف لك الحقيقه , والمفروض اصلا تفرحي وتحمدي ربنا انه وراكي حقيقته وكشف لك وشه الحقيقي, وصدقيني مهما كان الالم الي هتعيشيه فهو ارحم بكتير من انك تفضلي عايشه في وهم كداب, اطلعي بلاش تفضلي قاعده لوحدك طول الوقت وحابسه نفسك في اوضتك
رحاب : عايزني اطلع اسمع ايه؟؟ الست دعاء راحت تقابل جمال
ناني : يابنتي راحت عشانك
رحاب رفعت وشها بستنكار: طبعا لانها لطيفه , وانا وحشه هي بتوزن كل الامور وبتعامل الكل بلطف , لكن انا مش زيها
ناني : مين قالك انك وحشه , رحاب انسي جمال هو ميستهلكيش , واتمني توقفي تفكير في
الماضي , وبعدين انا عايزه افهم هو انتي ليه بتلومي ع دعاء ,من غير ما تسمعي الحكايه كامله
رحاب بانفعال : الومها ! قوليلي جواب لما عرفت بنوايا جمال ليه راحت تقابله؟؟!!!
ناني: قلت لك راحت تعزز علاقتك معاه
رحاب بحده: وهي ليه تفكرلي , هي مش من حقها , تفكرلي
ناني نفخت منها بضجر : انا نفسي بجد افهم ليه بتكرهها كده , حتي بعد ما اتحملت الادعاء الكداب الي قولتيه عنها
رحاب :ده الي مفاجئني ليه لسه كويسه معايا
ناني: ودي اعظم صفاتها التسامح , معندهاش قلب اسود , ولا حاقد , وقلبها الكبير فايض للكل بالحب , وانا وانتي محاولناش نعزز علاقتنا معاها ,رغم المفروض كنا نحبها من كل قلوبنا ودلوقت كفايه معارك ورواسب من الي فات ومدخلهاش تدفع فاتوره ذنب معملتوش ,كفايه ظلم انا وابوكي عايزين السلام كفايه عواصف , واياك تقولي كلمه جارحه لدعاء , وتزعجي امير فهمتي
رحاب بصتلها بشده وناني خرجت من الغرفه وقفلت الباب بعنف
..........................قصص منه محمد كاتب.............
واقف قدام الفراندا و بينه وبين نفسه: ليه رحاب بتكره دعاء كتير لو عشان جمال حب مراتي ليه تحملها المسؤليه حتي بعد ما كشفت حقيقته امر مربك رحاب الوحيده الي عندها فك الالتباس تقولنا ايه مشكلتها مع دعاء 'دعاء الي عانت كتير بسببها لكن هي معندهاش ذره ندم واحده
دعاء قربت عليه بهدوء: أمير انا اسفه ع غلطتي ,مكنش ينفع اخد القرار مع نفسي
امير اضايق وكشر: وهي دي المصيبه تزعليني وترجعي باسفه
دعاء بضيق لزعله : مكنش قصدي ازعلك , ولا بحبك تزعل مني, وانت عارف كده كويس
امير بعتاب ولوم : دعاء انا المفروض شريكك , لكن انتي مش عايزه تتغيري , وبجد هتجننيني بسذاجتك بجد ايه العقليه دي
دعاء: آمير انا قلت اتكلم معاه , كان عندي امل هيسبني في حالي
آمير: ده واحد مفكر ان العلاقات مجرد مزحه, يوقع راجل في مراته , لما يشككه في اخلاقها
دعاء : من البدايه كنت عارفه اللعبه الي كان بيحاول يلعبها , عرفت نيته الخبيثه من اللحظه الي قرر يخطب رحاب , حاولت اقولك كذا مره, لكن كلمتي مكنتش ليها اي قيمه قدام كلمه رحاب وحبها , ودخل البيت عشان يدمرني , لاني رفضته وضربته يوم ما عطاني الكارت
آمير : ياريتك حكتيلي كل حاجه بصراحه, لو كنتي واضحه مكناش واجهنا المشاكل الي حصلت لينا بسببه
دعاء حطت ايدها علي صدره : حقك عليا بس انا خبيت خفت اخسرك
آمير امسك ايدها ضمها لصدره : دعاء لو بتداري عشان خايفه ع زعلي, او خايفه تخسريني, فنصحتي ليكي انك تصارحيني بالحقيقه مهما كانت مره, وانا هتقبلها وهحترمك لكن تخبي وتداري عليا لا هقبله ولا حتي هحترمك
دعاء نزلت دموعها: انا اسفه بجد اسفه
امير مسح دموعها:خلاص مش هنقدر نغير الي حصل ولا نرجع الي فات(قام من مكانه) استريحي
دعاء مسكت ايده بلهفه يقعد: انت رايح فين؟؟!!
امير قعد وبصلها: هخرج عشان مزعجكيش بكلامي
دعاء : وجودك مستحيل يزعجني, وبحس بالقلق لما بتبعد, وخصوصا وانت زعلان
امير :انتي الي عايزه البعد مش انا, افعالك وتصرفاتك , بتسحبيني بيها بعيد عنك
دعاء: عمري ما اتمنيت البعد ابدا , محتاجه دايما لوجودك حواليا ,مش بس انا ابننا كمان محتاجلك
امير :انا معاكي وهكون دايما معاكي مش هسمح اي حاجه تاذيكي ابدا
دعاء: ارجوك متزعلش مني وصدقني ندمانه اشد الندم اني مقولتكلش كل حاجه من اول ما قعد معانا ع التربيزه كانت امور كتير اختلفت
آمير: تعالي ننسي الي فات ونفكر في الي جاي
دعاء: يعني خلاص مش زعلان مني
آمير بصلها واتنهد: لاء مش زعلان, دعاء انا بحبك حب محبتهوش لنفسي , وبجد مش عايز اخسرك
دعاء: وانا كمان مش عايزه اخسرك , عشان خاطري متزعلش مني ,وافضل حبني
آمير حرك ايده ع وشها: مش زعلان وهفضل احبك
دعاء حضنته بتملك: انا بحبك اوووي , لو اتكررت حياتي الف مره , هختارك انت في كل مره من صماصيم قلبي
آمير ضحك ع اسلوبها الفكاهي: وانا بعشقك, مستحيل افرط فيكي , احضنيني اوي
دعاء : اياك تتخلي عني 'حتي لو انتخانقنا انا حبيت الحياه لما حبيتك امير
امير ضمها لصدره وباس رأسها بحنان : مستحيل اسيبك هتلاقيني دايما معاكي 'بخاف عليكي حتي لو اختلفنا شويه مش هسيبك 'هنعدي كل حاجه مع بعض لانك انتي مش بس حبيبه قلبي انتي' نن عيني و سكني 'واماني 'وكفايه اني بلاقي معاكي راحتي 'ولو عشقك ذنب مش هتوب عن عشقك ابدا والله غفور رحيم
دعاء بأجمل ابتسامه :وانا مش عايزه حد في الدنيا غيرك امير
الفصل الثاني والخمسون
جمال دخل غرفته واخد مسدس وحضر نفسه للعاصفه وفي الوقت الراهن هيبدء يهدد لمحها داخله
جمال قرب منها: مام كنتي فين, مستنيكي بقالي مده طويله!
سولا بنفعال وغضب: ليه عملت كده ليه 'قتـ لت جده رحاب؟؟ كنت ع اتم استعداد اتوقع منك اي حاجه الا انك تنهي حياه انسان 'قتـ لت مره والتاني حاولت تخلص عليه ليه؟؟!!
جمال: كان عمال يبتزني زهقت من اني ادفعله
سولا ببكاء يدمي القلوب: عشان تخفي جريمتك حاولت تقـ تله , مفكرتش لحظه قبل ما ترتكب الجريمه , وان الحقيقه مستحيل تتخبي للابد
جمال: انا مقـ تلتهاش , هي كانت كدا كدا ميته
سولا: مش مهم لكن دخلتلها بنيه الـ قتل ,ومسير الحقيقه تظهر
جمال: كانت ممكن تختفي لو مأنقذتيش حياته , هو لسه عايش بسببك
سولا: الحمد لله انه لسه عايش , والا كنت هتتشنق بسبب القـ تل العمد, انت لازم تتعاقب هقول لرياض انك قـ تلت امه
جمال: هتعاقبي ابنك
سولا: ايوه انا مش عشان ام اداري ع جريم ابني, انا كنت المفروض بلغت عنك انك ضربت العامل لكن مكنتش اعرف انت اصلا خبطه ليه, او الي بينك وبينه
جمال: مام يظهر نسيتي اني ابنك الوحيد
سولا: ايوه ابني الوحيد الي لحد اليوم رافض يسمع لي لو مرة واحده , قلت لك ابعد عن دعاء ورحاب اجهضت بسببك, حاولت افهمك قلت لك انقذ بيتك, لكن ولا مره سمعت لي
جمال: عايزني استقر اوكيه هرجع رحاب البيت
سولا: مفكر عايلتها هيرضوا بعد ما اعلنت عشقك المجنون بمراه ابنهم وانتقامك منها , معتقد ان اهل رحاب هترض تبص في خلقتك اصلا, ناني كلمتني طالبين الطلاق في اسرع وقت , زهقوا منك 'اخر ضربه وجهتهالهم لما اتحرشت بدعاء
جمال طلع بخطواته وراها مسك ايدها: مام اقفي اسمعيني
سولا ضربت ايده وبصراخ: مش عايزه اسمع منك اي حاجه, سمعاني ليك خلاك مجرم
جمال بصريخ رج المكان مع صداه : الاول تسمعيني والا
سولا بعنف وحده : والا ايه هتهددني ولا هتـ قتلني, الموت عندي افضل واهون من اني ابقي امك
جما ل اتحولت ملامحه من الغضب : مش هتسمعيني مش كدا_حط المسدس ع دماغه_ بس هخلص ع نفسي
سولا وسعت عيونها بصرخه: جمال
جمال اتك ع اسنانه بنفعال وعصبيه مخيفه : لو مسمعتنيش هفرغ المسدس كله في دماغي
سولا بتحرك ايدها بنهيار: اياك تعمل كدا, اياك
جمال: ع استعداد اعمل اي حاجه 'وانتي عارفه اني بنفذ
سولا و كل خليه في جسمها بتترعش : جمال ارمي المسدس ارمي
جمال: الاول اوعديني بأنك مش هتقولي لحد اي حاجه , والا هفرغ كله في راسي
سولا بخوف : جمال ابعد السلاح بسرعه!
جمال زعق فيها : يله اوعديني' انك مش هتقولي لحد
سولا : اوعدك ارمي السلاح
جمال بصرخه زي المجنون : اوعدي
سولا بتتكلم بسرعه: اوعدك مش هقول لـ اي حد
جمال بتحذير: لو خالفتي الوعد اوعدك هتلاقيني ميت قدامك
سولا جريت وراه: جمال استني جمال
جمال سابها ومشي وركب عربيته وساب المكان كله
..............قصص منه محمد كاتب................
قاعده وبتراجع كل الاحداث الي حصلت لها من يوم ما دخلت الجامعه لحد اليوم
آمير دخل: دعاء
دعاء بصتله: نعم ياعمري
آمير: ليه رافضه تاكلي ماما مستنياكي تحت
دعاء: مش جعانه انزل انت كل 'وانا هاكل لما اجوع
آمير: مستحيل, انا ملاحظ بتفوتي وجبه العشا كل يوم 'عارفه مدي ضرر انك تجوعي نفسك' وانتي حامل
دعاء: مليش نفس آمير
آمير مسك شعرها بحنيه : اغصبي ع نفسك , حتي لو هتاكلي قليل , والا مش هاكل زيك
دعاء: تمام انزل وانا جايه وراك
آمير بمرح: انزلي بسرعه 'والا هقلدك 'وافوت العشا انا كمان
دعاء قهقهت بصوتها كله : انت عنيد اوي
آمير ضحك : وانتي متعبه اوي
دعاء: يله انزل هغير هدومي وجايه وراك
آمير: مش هاكل من غيرك اوكيه , والا هطلع اكلك انتي
دعاء ضحكت : حاضر والله نازله
...............قصص منه محمد كاتب....................
جيسي: كيف حال ذالك الرجل؟!!
سولا: انه افضل عن ذي قبل وسيخرج من المشفي خلال ايام قليله
جيسي: هل تحدثتي مع جيمي ؟ حاولت ان اسأله لكنه لم يخبرني, لماذا حاول قـ تل ذلك الرجل هل اخبرك او ذلك الرجل اخبرك بأي شئ
سولا انفجرت في البكاء صوت كله وجع
جيسي: عمتي لماذا تبكي , اذا واصلتي البكاء فسوف تتأذي بالتوعك, يمكنك مشاركه المك معي
سولا: لم يحاول قـ تله فقط 'بل قـ تل جده رحاب ايضا
جيسي بهلع كبير : ماذا؟؟!! عمتي هل هذا صحيح هل جيمي قـ تل جده رحاب
سولا هزت لها دماغها بمعني نعم
جيسي: ماذا سيحدث الان؟؟!!
سولا: حتي بعد ان قـ تلها حاول يـ قتل ضحيته الاخري انه قـ اتل مجرم
جيسي: ولكن هذا الرجل لايمكن ان يكون كاذبا
سولا: ذلك الرجل لايكذب كلامه صحيح
جيسي: ماذا سيحدث هل سيتعاقب جيمي
سولا بصوت بنتحب : لا استطيع ان افعل ذلك
جيسي: لماذا
سولا نزلت دموعها بغزاره : اذا فعلت هذا هدد سوف ينتحر, انا محطمه تماما لا استطيع ان اصدق ان ابني يستطيع ان يفعل شيئا هكذا, ربما لم اربيه بشكل صحيح
جيسي مسحت ع ظهرها بحنيه : كلا عمتي! انك بذلتي كل مجهود , علمتيه اساسيات الاحترام, لكنه طاوع الشيطان , انه خطأ جيمي فهو الذي اختار الطريق الخاطئ
سولا: كنت اعتقد انني لن اتغاض عن جرائمه , وسأذهب للشرطه واشتكي منه, لكنه حاول
الانتـ حار في تلك اللحظه ضعفت, لم اتمكن من فعل اي شئ
.............قصص منه محمد كاتب..............
آمير ماشي وراها: حبيبتي مكلتيش كويس
دعاء: قولت لك مش جعانه 'وكلت بس لانك طلبت مني
آمير ضم وسطها : ياحياتي لازم تهتمي بنفسك عشان بنتنا الي هتتولد قريب
دعاء بدلع رقيق : انت موجود اهتم بينا
آمير: انا عايز اقضي كل مرحله في حياتي معاكي
دعاء: شكرا انك عايز تكمل معايا
آمير : انا الي المفروض اشكرك , يعني بعد سوء الفهم غفرت لي ولعايلتي
دعاء : ممكن تنسي كل الي حصل منتكلمش عنه
آمير ابتسم وشدها ع رجله : عندك حق ونفكر في اسم بنتنا
دعاء: تخيلت انك هتزعل وهم كمان
آمير بتعجب: ليه
دعاء: يعني عشان طلعت بنوته ,وانت كان نفسك في ولد
آمير : بالعكس انا ميهمنيش نوعه ايه ,انا عموما بحب الاطفال سواء بنات او ولاد سيان 'وع فكره ماما وبابا فرحانين 'ومن دلوقت قاعدين يختارولها الاسم
دعاء: فعلا لاحظت, لكن رحاب لما بشوفها حزينه ’ بنسي كل سعادتي
آمير: جمال كان بمثابه الكابوس في حياتها , وكل ما سرعت في نسيانه كل ما كان افضل ليها
دعاء: تفتكر هتكون قادره ع نسيانه ببساطه
آمير: لازم تنساه ده حول حياتها جحيم , والحمد لله ربنا كشف وشه الحقيقي , والحمد لله ان سوء التفاهم زال بينا , والا كنت هفقد اجمل زوجه
دعاء باسته من خده : ادعي كتير مفيش حاجه تحصل تفرق ما بينا
آمير: مش هسمح لحاجه تفرقنا , فاكره اول مره شوفنا بعض فيها
دعاء: اه كنت جايه من الكليه ودخلت لقيتك قاعد 'قلت ايه الواد القمر ده نزل من السماء
آمير:وانا اول ما عيوني وقعت عليكي حبيتك في دقيقتين 'وهاجمني شعور جميل لدرجه كان نفسي اقوم اخدك انتي والكتب بالحضن
دعاء: عشان داغر قـ تلك 'وابيه معمر شنقك
آمير ضحك وقرص خدها : انا فداكي المهم اكون معاكي يالوزه
دعاء بعشق : ما انت معايا يا روحي اهو , وفي قلبي
آمير قرب من شفايفها: انتي اصلا النفس الي مقدرش اعيش من غيره , عارفه نفسي في ايه دلوقت
دعاء مسحت ع خده بحنان : نفسك في ايه ياقلبي
آمير باس خدها: نفسي اغمض عيني وافتحها القيكي ولدتي عشان احب فيكي ع راحتي بدل ما حنا مقضينها بوس زي المسلسلات
دعاء : اقولك حاجه بس متضحكش عليا
آمير: قولي ومش هضحك
دعاء: انا كنت متخيله من صغري ان العلاقه بين اي اتنين بوس بس زي المسلسلات
آمير: يافرحتي بيكي وطب مفكرتيش بيخلفوا ازاي يا عبيطه
دعاء: ايوه فكرت اكيد بيتبنوا طفل
آمير: يتبنوا !ده انتي طلعتي في الحقيقه ع الله حكايتك , وانا لو مش مكسوف لعيط من تفكيرك الولبي
دعاء بتتحرك ناحيه الدولاب: لاء متعيطش يله لما اروح البس بيجامه
آمير شدها وضمها عليه بوقاحه: وتلبسي ليه خليكي من غير هدوم
دعاء بخبث : بعدين ابرد
آمير همس في ودنها :حضني يدفيكي , ومش ممكن جواه تبردي
دعاء خرجت من حضنه وضحكت: انت بجد مجنون
آمير ابتسم: مجنون بيكي , وبعدين راحه لما تنامي في حضني وياسلام لما تبوسي شفايفي
دعاء: ده انت بقيت منحرف خالص , وشكلك هتنام الليله ع الارض
امير ضم كتفها: اخص عليكي , ليه الذل بقي ,والله مهما احكيلك قد ايه بحبك مش هعرف اوصلك احساسي
دعاء: و انا كنت خايفه من تصميم ابيه معمرع رفضك اوي
آمير: معقول كنت هسيبك كدا بسهوله بس ايه رايك لما روحتله واخدتك
دعاء: لا طلعت مش سهل و عرفت ان قلبك بيحبني اوي
آمير: اكيد انا اعمل اي حاجه عشان خاطرك, انتي حبيبتي 'وبنتي واجمل حاجه جات لي في حياتي
دعاء بصتله بنظره كلها حب : وانا مستحيل احب حد زي ما حبيتك 'ولا عايزه حد شبهك 'ولا بديل عنك عايزاك كدا, بهدوئك , وكلامك, بعصبيتك وعنادك
امير :اوعديني تفضلي تحبيني
دعاء: اذا كان الوعد هيطمنك ان محدش ياخد الحب الي في قلبي غيرك, اوعدك الف وعد وهفضل جنبك طول العمر 'مش ممكن افرط فيك
آمير: وانا صدقيني وجودك معاي بيخليني احب الحياه كلها
..............قصص منه محمد كاتب.................
جيسي ندهت عليه بحده في نبرتها : جيمي انتظر اريدك
جمال وقف: افندم
جيسي: لم اتوقع منك هذا ياجيمي
جمال بمنتهي البرود: اوه !! واضح اخبرتك مام بالحقيقه
جيسي : لقد قتـ لت جده رحاب ؟ لماذا فعلت مثل هذا الشئ
جمال بنرفزه: من انتي حتي تسألي كل ذلك
جيسي بحده: الا تهتم بوالدتك ع الاطلاق 'هل تعلم مقدار الالم الذي تعانيه بسببك 'يجب عليك ان تخجل
جمال ببرود مخيف : جيسي بليز رجاء الهدوء قبل ان اكون وقحا معك, اهدئي من نفسك 'ومن الان فصاعد لا تتدخلي مطلقا في حياتي , علاوه ع ذلك لماذا تزالي في القاهره لماذا لا تعودي الي امريكا
جيسي بغضب: سارحل ليس لدي مصلحه في العبث مع قـ اتل
جمال ضربها بنظرات مرعبه وشدها عليه بعنف : ربما قلت لي هذه الكلمه اليوم 'ولكن اذا قلت ذلك مره اخري فسيكون ذلك سيئا للغايه بالنسبه لكي افهمتي
............قصص منه محمد كاتب...............
في منزل عائله آمير
ناني بأسف علي حالتها: رحاب حبيبتي لازم ترضي بالمقسوم 'شوفي ده نصيب وأختبار لازم تنجحي فيه 'مكنش قدامنا غير الطلاق
رحاب :مامي انا نفذت الي انتم قررتوه
ناني : ياحبيبتي انتي عارفه مبقاش فاضل حاجه لايمكن ان حياتك تستمر في المناهده بالطريقه دي عارفه ا الامر عدي صعب عليكي لكن في البدايه بس بعدين هتعرفي انك اخدتي القرار السليم في الوقت المناسب , حتي لو جه جمال هنا واتذلل واتوسل لا اخوكي ولا ابوكي هيوافقوا ترجعي معاه
رحاب بيأس: عارفه لكن القرار كان صعب جدآ عليا
ناني : عارفه انه صعب عليكي بس انتي قويه
داغر دخل مساء : الخير ياطنط
ناني ابتسمتله: مساء النور'اهلا بيك يابني
داغر :رحاب عامله ايه دلوقت؟؟!
رحاب بصتله وهزت دماغها انها بخير واستاذنت ومشت
ناني بترحاب: اتفضل اقعد يابني
داغر قعد : انا جيت اقابل دعاء
ناني: اه هي فوق هبعتلها , وبعدين ده بيت اختك لازم تجلها كتير
داغر: والله مشغول جدا في شغلي , وجيت لما حكالي آمير عن الي عمله الندل جمال, في اختي
ناني: وهي للاسف مقلتلناش انها رايحه تقابله, وآمير تتابعها ولحقها , والحمد لله رجعت بخير هقوم ابعتلك عصير
داغر :لاء ياطنط مفيش داعي للشكليات
ناني: لا يابني له داعي 'وبعدين ده عصير مش شكلي , هبعت كمان لدعاء 'عن اذنك اروح اطمن ع رحاب
داغر قام بحترام: اتفضلي
ناني مشت وداغر قعد و افتكر اخر حوار بينه وبين آمير عن رحاب
#فلاش
آمير: تحب تشرب حاجه قبل ما نتحرك
داغر: لاء شكرا
آمير: عايز اتكلم معاك في امر مهم
داغر بستفهام: عن ايه
امير: احنا قررنا نطلق رحاب, لان مفيش امل في استمرار العلاقه , رحاب دمرت حياتها بسبب عنادها
داغر بقهر: هو ده العند الانسان بيجري وري رغبته, لحد ما يقطع نفسه , وفي النهايه يموت , ع كلا ندعلها تسترد وعيها , قريب
آمير هز دماغه بحزن: اتمني ع الله يله بينا
#باك
داغر فرح لما شافها اليوم وشاف انها تقبلته واتمني لو توافق تبادله نفس مشاعره لانه لسه بيحبها زي الاول