رواية اقتحمت حصوني كامله بقلم ملك ابراهيم ) جميع الفصول حتى الاخير الخاتمه

رواية غمرني بحبه الفصل السابع7والثامن8 بقلم سحر السحرتي

في الصباح ارتدت سوت رياضيه تصلح لرحله وكان كريم ايضا يرتدي ملابس كاجوال تعجبوا من رؤيه بعضهم 

:كنت هقول لك البسي حاجه مريحه 

:انا فهمت كده من وصفك بس اول مره اشوفك من غير بدله

: ايه رايك اللبس مكبرني قوي 

:بالعكس البدله اللي بتكبرك ممكن اسالك هو مش المفروض تقضي اليوم مع المدام والاولاد وانا ممكن اقوم بالدور ده اتاكد من القريه

: المدام والاولاد طول الصيف مسافرين بين الساحل وشرم حتى في حفله الوفد كانت مسافره هي صيف شتاء مش بتقعد في البيت 

:طب كنت استريحت يوم الاجازه وانا رحت مكانك 

:عايزه تحرميني اقضي اليوم معاك

: نعم

: قصدي ارفه عن نفسي شويه انا طول الاسبوع شغل وهقعد في البيت لوحدي

: اها فهمت يعني مش مجرد تتاكد من المكان مجرد ترفيه عن النفس فهمت كده صح

: بلاش تقوليها بالطريقه دي بتحسسني اني بستغلك

: والحقيقه هي

: اني بستغلك فعلا 

*ضحكا سويا وانطلق الى القريه الريفيه قضايا يوما ممتعا بين الارض الزراعيه وبعض الاستراحات التي تشبه منازل الفلاحين لكنها مجهزه من الداخل لاستقبال الضيوف المختلفين 

*كان الفطار عباره عن عسل وفطير مشلتت وقشطه 

*ركبا سويا الخيل فانطلقت سهر وسط ضحكتها واسرعت كي تسبق كريم ولكنه متمكن من ركوب الخيل كلما اسرع اسرعت هي بدورها كي تسبقه فكادت ان تسقط لولا انه لحقها وامسك بها فكانت تقريبا داخل حضنه 

بقلمي سحر السحرتي 

*انتاباتهم مشاعر جديده على كليهما لم يعرفوا مسمى لها لكنها كانت مشاعر مفرحه ومريحه نفسيا الى ان انتبهت

: شكرا كان ممكن اقع و اتكسر 

:متاكده انك كويسه 

:اه كفايه كده نرجع عشان ما نتاخرش 

:لا احنا هنكمل اليوم سوا ولا انت تعبتي 

:يعني شويه

: طب تعالي ميعاد الغداء قرب ونشوف هنعمل ايه بعد كده 

*جلسوا سويا وهم يتناولون الغذاء مش هتحكي لي ايه اللي زعلك امبارح 

*حكت له ما حدث من زوج اختها ونزلت بعض القطرات من دموعها 

:سهر انا بسالك عشان تخففي من على قلبك مش عشان تعيطي مش بحب اشوف دموعك رغم ان شكلك حلو وانت بتعيطي 

*ضحكت: هو في حد بيبقى شكله حلو وهو بيعيط

: اه لما يبقوا خدوده موردين وحلوين قوي كده

 *ابتسمت اكثر: انت مجامل كبير بس عموما شكرا 

:لما تعاشريني اكثر هتعرفي اني مش بجامل مش بعرف وبتشكريني على ايه

: بصراحه اليوم ده فرق معايا جدا ريح نفسيتي شويتين

: افهم من كده انك هترجعي في قراراتك

: لا طبعا دي خطوه لابد منها جوز اختي ده شخصيه انتهازيه عايش في قته محلوله تقريبا مش بيصرف على البيت واختي عودته انها تتصرف من عندنا خليها تجرب يمكن تفوق لنفسها 

:ما والدتك مستريحه وما بتشتكيش

: والدتي بعد عمر طويل اختي هتعمل ايه انا ممكن اكون اتجوزت واخويا متجوز وكل واحد بيته مسؤوليته ما حدش هيشيل مسؤوليتها بعد كده بس ماما وجهه نظرها انها طول ما هي عايشه مش هتخليها تحتاج حاجه وبعد كده اختي هتعمل ايه لازم واقفه هو مش فقير هو بخيل وكسول 

:مفكره انه كده هيتصلح 

: اهي محاوله يا تنجح يا تفشل لو نجحت كسبنا لو فشلت هو اصلا بروطه 

:ياه ده انت شايله منه قوي يا ترى ايه هي مواصفات فتى احلامك 

:بعد ما شفت عادل ممكن استغنى عن اي صفه الا صفه انه يكون راجل

: هههههه للدرجه دي

: هههههه واكثر ده مرار كم سنه كرهني في الصنف كله

: لا عاوزينك تحبي واحد بس من الصنف كله هو انا ممكن اسالك سؤال 

:غريبه بتستاذن رغم اننا اتفقنا نتكلم عادي مع بعض

: اصله شخصي قوي

: اتفضل طول ما هو مش حرام او عيب مسموح لك تسال اي حاجه 

:انت هتستني خطيبك لامتى 

:تصدق انا نفسي مش عارفه بس اكيد مش هطول بس محتاجه جرعه شجاعه اخذ بيها الخطوه دي مش يلا بينا بقى الليل قرب يدخل هناكل الثلاث وجبات هنا 

:ايه رايك نقعد كمان بيعملوا العشا اكل بدوي انما تحفه

: عرفت منين

: بيشكروا فيها

: مش بطلنا نخبي على بعض بلاش اقول لك بطلنا نكذب على بعض اعترف عينك بتقول حاجه ثانيه

بقلمي سحر السحرتي 

 *صمت قليلا 

:شكلك مش عايز تقول فينا من كده انت اللي بدات

: مش عايز اكدب عليك وفي نفس الوقت خايف اقول الحقيقه تزعلي 

:اذا وعدتك مش هزعل ايا كان هتقول

: القريه دي 

*كان متردد في اخراج الكلام

: ايه الكلام تقيل على لسانك ما تخافش اعترف شكلها بتاعه حد معرفه حسيت

: هي مش بتاعه معرفه هي بتاعتي شخصيا

: فعلا كنت حاسه انك عارف المكان او جيت هنا قبل كده لكن انت غلبت كل التوقعات ممكن تبقى تقول الصراحه بلاش اللفه دي تاني 

:كنت هتواقفي لو قلت ان نفسي نقضي اليوم سوا لاني حاسس بالوحده وضغط في الشغل ومحتاج حد معايا اكون بستريح وياه

: لو كنت طلبتها بالطريقه دي اكيد كنت هوافق

: كنت هتقولي ايه لمامتك

: دي بقى مش عارفه

: اهو انا عافيتك من ذنب انك تكدبي عليها وانا فعلا ناوي اجيب الوفد هنا و بتاكد فعلا ان القريه لسه على مستواها ودي كانت زياره مفاجاه ليهم انا ما كدبتش بس اخفيت عليك انها ملكي وانت ما كذبتيش

: طب ناوي تجيب الوفد امتى عشان احضر  السهره البدويه 

:بتغيري الموضوع عشان ما احسش بالاحراج اكتر من كده 

:صراحه اه 

:هتصدقي فعلا لو قلت لك اني بستريح نفسيا جدا وانا معاكي ليه مش عارف 

*ابتسمت وقالت بمرح :يمكن عشان موظفه شاطره 

*ضحك وتحدث بمرح له معنى اخر 

:تفتكري ان مفيش موظفين شاطرين زيك او احسن كمان 

:طب اكدب عليا

: مش اتفقنا بلاش كدب بينا 

:لا ما تطبقش قوي في حاجات تحتاج مجاملات وضحكت او كدب ما عنديش مانع

: طب يلا يا احسن موظفه هتتاخري 

:ايوه كده ده اسمه رفع معنويات مش كذب 

ابتسم: بتفسري الكلام على مزاجك

: دي دبلوماسيه 

:هههههه  صحيح على راي المستشار عبد الله بكاشه

: ده انا كيوت

: انا شايف طفله دلوقتي

 *بعفويه امسك يدها وسحبها خلفه لتركب معه السياره فتوترت وسحبت يدها منه لكنها لم تعلق لانها شعرت انه فعل ذلك دون قصد وهو ايضا تفاجا مما فعله ولم يعلق ايضا

بقلمي سحر السحرتي 

*مرت الايام كانت ايناس ما زالت في الاجازه دخلت سهر المكتب لدى كريم

: بكره عزومه الوفد الصيني في القريه زي ما انت عارفة هتبقي مسؤوله عن حاجات كثير هتقدري تباتي ولة اعمل حسابي السواق يوصلك بالليل و يجيبك الصبح

: لو اونكل عبد الله هيبات افتكر ماما مش هتمانع

: ممكن تعزميها تبات معاكي

: لا انت ناسي انها سافرت عند اخويا 

:صحيح عموما المستشار عبد الله هيكون موجود هو والمدام فمفيش قلق من الموضوع ده تقدري تروحي بدري تحضري شنطتك وتستعدي هخلي السواق يعدي عليك يوصلك لانك هتستقبلي الوفد وانا هحصلكم 

:تمام نص ساعه وهمشي محتاج حاجه معينه غير اللي اتفقنا عليها 

:لا شكرا 

*كانت تعاملاتهم رسميه بعد ان امسك يدها لم يستطع مواجهتها وهي لم تستطع معاتبته 

*مضى اليوم في القريه كاي يوم هي تؤدي عملها على اكمل وجه وهو يراقبها من فتره الى اخرى ونظرات نبيل اليها لا تخلو من الوقاحه و يراقبها جيدا هي وكريم الى ان قال له والده 

:بطل الهبل اللي في دماغك قلت لك كريم مش بتاع ستات هي مجرد موظفه شاطره ومحترمه ووجهه كويسه للشركه

: انا حاسس ان في حاجه واكيد هوصل 

:دماغك دي هتوصلك لحيطه سد انا حذرتك ومش هقدر اقف في وش كريم مره ثانيه

: بكره هتصدق كلامي

* حل الليل وذهب كل فرد للنوم في غرفته المخصصه تسلل نبيل لكي يتلصص على غرفه سهر وينظر عليها من الشباك وجد من يلف ذراعه خلف ظهره وكاد ان ينكسر 

:عايز ايه مني مش هترجع الا لما اعمل لك عاهه مستديمه مش كل البنات قذره زيك امشي قدامي من غير ولا كلمه 

:هروح فين 

:بما انك لسه عيل صغير لك اب يترد عليه 

*جرته و طرقت باب غرفه والده بعنف

: مستر سامي مش قادر تربي ابنك انا ممكن اساعدك و اربيه بدالك بس هعمل له عاهة مستديمه وانا قد كلامي 

*ودفعته بقوه اسقطته في الارض

 سامي: ايه اللي حصل 

*قصت له ما جرى طبعا انا لا زعقت ولا لميت عليه الناس لان في ضيوف للشركه وانكل عبد الله لو عرف كل سفالته اكيد مش هيسكت 

*لم تذكر امامه اسم كريم او انها يمكنها الاستعانه به

 سامي: انا اسف يا بنتي انت عملت الصح لما لميتي الموضوع 

*قالت بعصبيه 

:هفضل المه لغايه امتى لحد ما ينجح ويعتدي علي 

سامي: لا عمرها ما هتوصل للدرجه دي 

:يعني اي درجه ثانيه عادي

: انا بعتذر لك ثاني ومكسوف منك 

*قال بكل خجل وهو ينظر في الارض 

:انا فعلا ما عرفتش اربي مش عارف اعتذر ازاي

: اظن حضرتك وعدتني انه مش هيضايقني ومع ذلك عملها مرتين انا المره دي اوعدك ان لو صدر منه اي حاجه صغيره اكيد هندمه عليها ومش هعمل اعتبارات لاي حد

*تركتهم وهي في طريقها الى غرفتها وجدت كريم

: ايه اللي مصحيك لغايه دلوقتي 

:قلقت قلت اتمشى شويه يمكن اعرف انام

: تتمشي بالبيجامه يا سهر

: ما هي بكم وعليها الحجاب ما فيهاش حاجه 

*قال بعصبيه :اخر مره اشوفك كده اتفضلي على اوضتك ولة بلاش تباتي بره بيتك مره ثانيه 

*حزنت بداخلها انه صدق كذبتها وتعصب عليها 

:حاضر مش هبات مره ثانيه باره البيت 

*دخلت غرفتها مسرعه ونامت وهي تبكي 

*في اليوم التالي قامت بكل امور عملها وانتهت من كل شيء وذهبت لكريم

: مستر كريم انا خلصت الضيوف هيتغدوا وبعدين يمشوا اقدر امشي دلوقت

: ما تستني معانا ولا مستعجله قوي

: انا خلصت كل المطلوب مني وحاسه اني تعبانه عايزه امشي واستريح في بيتي 

*فهم انها تعاتبه بشكل غير مباشر على تعصبه عليها ليله امس

: واذا قلت لك اني محتاج لك شويه هتبقي لسه تعبانه

: اه بعد اذنك لو ما فيش حاجه مهمه ممكن امشي

: اتفضلي هخلي السواق يوصلك 

:مفيش داعي لاني هعدي الاول على المستشفى ازور خطيبي بقى لي يومين ما روحتش بسبب الشغل 

*علمت  انه سوف يغضب من داخله عندما يستمع انها سوف تذهب لزياره خطيبها 

*غضب كريم لكنه اراد اظهارا عكس ذلك

: لا طبعا ما نقدرش نتاخر على خطيبك اتفضلي برضه هخلي السواق يوصلك

: شكرا 

*وتوجهت وفي طريقها إلى المستشفى اتصلت والده يزن 

:خير يا طنط انا جايه في الطريق ... ايه معقول .... فاق

الفصل الثامن

*اسرعت الى المستشفى لكن لا تدري ما هذا الشعور هل هي فرحه بعودته ام فرحه بانهاء هذا الارتباط المنهك هل ستستمر معه ام ستتركه 

*طرقت الباب كان نائما 

:ازيك يا طنط فاق امتى

: امبارح بس كلمتك كثير تليفونك مقفول

: اه الشبكه كانت وحشه وهو عامل ايه  دلوقتي بيتكلم وحاسس بيكم

: اه هو كويس 

*استيقظ يزن واندهش من وجودها وقال

: انت مين انا اعرفك 

:حمد لله على السلامه يا يزن عامل ايه دلوقتي 

:كويس انت مين 

*شعرت ببعض الحزن هل لانه لا يتذكرها ام لانها أضاعت من عمرها ايام في انتظاره 

:انت مش فاكرني

: لا مش فاكرك 

*ارادت الخروج من هذا الموقف تحججت

:طنط انا هروح للدكتور اساله عن حالته 

:طيب يا حبيبتي ما تزعليش ده يمكن من اثر الحادثه بس هو فاكرنا  وفاكر كل اصحابه 

:مش هتاخر

*خرجت واغلقت الباب واستندت بظهرها عليه وهي تبكي فاستمعت الى حواره مع والدته 

:ازاي يا يزن مش فاكرها انت فاكر كل الناس

*قال بمنتهى السخرية والاستهتار 

:فاكرها بس بقول لها كده عشان تمشي

: ليه يا حبيبي دي اكتر واحده وقفت جنبك وتقريبا كانت بتيجي كل يوم في الوقت اللي كل اصحابك نسيوك دي خطيبتك اللي اتخانقت معايا عشان تخطبها

:انت عارفه الحادثه حصلت ازاي 

:لا هي قالت انك اتخانقت مع صاحبك وكنت بتدافع عنها

: انا ما كنتش بدافع عنها ولا حاجه كل الحكايه احنا كنا بنتسلى بنختار واحده نتعرف عليها وناخذ مزاجنا منها اذا ما كانش برضاها يبقى غصب عنها

 :انت بتقول ايه  انا مش مصدقة و اشمعنى سهر

:  مره واحد صاحبي جالي المكتب شافها و اتحداني اوقعها طبعا عشان هي محجبه وعامله فيها شريفه رحت خطبتها واخذتها معايا الحفله ويومها كنا كلنا هنتسلى بيها وخناقتي مع صاحبي انه كان عايز يبدا هو الاول انا رفضت لانها خطيبتي و لازم ابدا انا الاول لانه حق...

*كاد ان ينتهي من كلامه ولكنه وجد صفعه قويه على وجهه فصرخ

: ماما انت بتضربيني

: انا كنت عارفه انك مقضيها وبتشرب قلت شاب .... لكن تلعب ببنات الناس المحترمه المتربيه في بنات تقبل على نفسها الكلام ده مش هلومك تمشي معاهم لكن سهر  ...خساره تعبي عليك .....  هو ده عقاب ربنا ومع ذلك تفوق بعد سنه من الغيبوبه بدل ما تحمد ربنا بتتباهى باللي كنت عايز تعمله..... و ذنبها ايه تضيع سنه من عمرها مستنيه واحد ندل زيك  ....ذنبها ايه اول ما تفوق تمثل انك مش عارفها ... انا كنت رافضه خطوبتك منها لاني كنت فاكراها اشتغلت عندك ولعبت عليك وطمعانه في فلوسك لكن بعد الحادثه اثبتت انها بنت اصول ومتربيه اتمنيت فعلا انك تفوق وتتجوزها ... لكن بعد اللي قلته واحدة في اخلاقها خساره فيك 

:خساره فيا و هو انا اصلا كنت عايزها ده كان مجرد رهان

: يا ابني حرام عليك ربنا ردك من الموت و ادالك فرصه ثانيه بلاش تضيعها ... ربنا بيقول لك فوق من غفلتك .... اسمع لو استمريت في الطريق ده هتندم عمرك كله .... واحده زي سهر دي ما تضيعهاش من ايدك 

: سهر دي في زيها كتير واحسن منها كمان انا ايه اللي يربطني بواحده معقده ومحجبه وعامله لي فيها شريفه 

: انا نصحتك وانت حر بس اوعى تفكر انك  ممكن في يوم من الايام تتعرض لها او تاذيها انا اللي هقف لك

بقلمي سحر السحرتي 

*صعقت سهر بعد سمعاها لكلام يزن مسحت دموعها وطرقت الباب 

*رات والده يزن دموعها فظنت انها تبكي لانه نسيها 

:انا اسفه يا طنط ما لقيتش الدكتور 

*وقامت بخلع خاتم الخطبه ووضعته في يد والده يزن

: ليه كده يا سهر ليه يا حبيبتي 

:كده احسن لينا احنا الاثنين

: انت زعلتي عشان ناسيكي بكره يفتكرك 

:لو كان حبني ما كانش نسيني انا كمان الحقيقه يا طنط ما حبيتهوش  و ما قدرتش اخد الخطوه دي قبل ما يفوق لانها كانت هتبقى قله اصل لكن دلوقتي اقدر اسيبه وانا مطمنه حمد لله على سلامته مره ثانيه ... ادعي له كثير وطلعي صدقه حلاوه رجوعه .... هتوحشيني 

*بكت والده يزن

: انت كمان هتوحشيني اسالي علي انت بقيتي زي بنتي و غلاوتك كبيره في قلبي

: اكيد يا طنط هسال عليك اسمحي لي امشي وبكره هبعت باقي الذهب

: لا ده هديه مني لك

: معلش كده هبقى مستريحه اكتر سلام يا يزن 

*خرجت وبكت وهي تمشي طوال الطريق لم تكن تعلم كيف وصلت الى المنزل كم ساعه مشيتها حتى وصلت لكن ما تعلمه ان الدموع لم تفارقها طوال هذا الطريق الطويل 

*دخلت المنزل منهكه  و متعبه توضأت وصلت ركعتين شكر لله ودعته 

:الحمد لله يا رب انا راضيه  ... سنه ضاعت مني ومنعت عني مصير بشع كنت هقع فيه .... مصير مجهول اخره ...الحمد لله انا راضيه 

*انتهت من دعائها  و مناجاتها لربها وندرت باخراج صدقه شكر على نجاتها من ذلك المصير

 *رن جرس هاتفها فأجابت وصوتها متعب مليء بالحزن و يختنق بالدموع 

:مالك يا سهر معقوله زعلانه كل ده عشان اتعصبت عليك شويه امبارح

: لا ابدا انا كنت لسه هبعت لحضرتك رساله اصل شكلي اخذت برد ومش هقدر اجي بكره ممكن اخذ اجازه وكويس ان ايناس أجازتها خلصت وهتبدأ بكره

: انت المرض عندك مظبطها ولة ايه

: الحمد لله انه ظبطها احسن كنت هضطر اجي وانا تعبانه

: انت متاكده انك تعبانه حاسس ان في حاجه ثانيه

: لا تعبانه جدا

: اجيب لك دكتور 

 : لا ده دور برد عادي بعرف اتعامل معاه 

:خلاص ابعت لك حاجه عارف انك لوحدك

: لا اختي هتيجي  بكره شكرا 

:طب ابقي طمنيني عليك 

:حاضر مع السلامه 

:سهر استني انت لسه زعلانه مني 

:ليه

: لما اتعصبت امبارح عليك اسف مش عارف عملت كده ازاي 

:لا مش زعلانه في هدايا ربنا بيبعتها لنا بتقول لنا ما فيش حاجه تستاهل الزعل عليها 

:مش فاهم  تقصدي ايه 

:بس انا فهمت تصبح على خير 

:وانت من اهله ارجوك لو احتاجتي حاجه كلميني

: حاضر 

 بقلمي سحر السحرتي 

*نامت هذه الليله بعمق و كأن جبلا كان فوق قلبها 

*في الصباح اتصلت عليها والدتها 

:سهر في ايه

: في ايه يا ماما

: امبارح قلبي كان مش مطمن وقلقانه عليك استنيت الصبح يطلع عشان اكلمك اطمن عليك 

:اطمني يا حبيبتي انا كويسه قوي قوي كمان 

:خير فرحيني

: يزن فاق والحمد لله مش فاكرني ففسخت الخطوبه

: ايه هو ده الخبر اللي يفرح ليه كده 

:ما كنتش بحبه 

:و ضيعت سنه من عمرك مخطوبه له ليه

 :لانه كان بيدافع عني ما قدرتش اطلع قليله الاصل ربنا بيكتب لنا الخير في كل وقت 

:وايه الخير في كده

: اني نقلت شركه احسن وراتب اعلى خدنا ايه من الجواز غير عينة عادل 

:انت لسه شايله منه 

:ده كرهني في الجواز نهائي و خلاني اجلته لاجل غير مسمى 

:ليه كده 

:سيبيني براحتي يا ماما ووقت النصيب ما يجي ما حدش هيقول له لا  ... المهم طمنيني انت عامله ايه عند اخويا 

:مبسوطه وشايلني شيل

: طب كويس راحة ليك وعقاب لسمر وجوزها 

:انت مصره و اخوك رايه كده بيقول لو ارمله او جوزها فقير نشيلها انما شغل استنطاع لا

: عرفتي بقى اني صح

: اه انتم صح وانا غلط مبسوطين روحي احسن تتاخري على شغلك وتقولي عطلتك

: لا خدي راحتك 

:من امتى

: اصل واخده النهارده اجازه

: ليه خير فيك حاجه انا قلبي كان حاسس 

:ماما  ...ماما اهدي انا كويسه بس بقالي يومين بشتغل مع الضيوف في القريه الريفيه فتعبت قلت اريح ومستر كريم مقدر ده واداني اجازه 

:كثر خيره وهتعملي ايه في اجازتك 

:هنام وبس

: ما تروحي شويه عند اختك وخدي لها معاكي شويه حاجات 

:ماما 

:عشان خاطري 

:حاضر هاخد معايا اكل جاهز ليها وعيالها وبس حلو كده

: عيب عليك 

:مش هصرف جنيه على النطع جوزها ولا بلاش اروح 

:خلاص روحي مخلفه يهوديه

: ده انا اليهوديه برضة خلاص مش هزعلك هطلبها تيجي هي والعيال ياكلوا هنا وبرضو بلاش هو كويس كده 

:دماغ جزمه

: شكرا بس على فكره ده عيب مصنع 

:يا قليله الادب 

:الحمد لله اني مش قدامك كنت حدفتيني بالشبشب

بقلمي سحر السحرتي 

*اتصلت على سمر

: اسمعي عزماك انت والعيال بس على اكل جاهز شوفي يحبوا ياكلوا ايه عشان اطلبه و تعالوا متاخر شوية

: طب وعادل

*ردت بسخرية 

: ماله يا حبيبتي 

:مش هتعملي حسابه 

:صحيح من عاشر القوم هو علمك البجاحه انا قلت انت والعيال مش عايزه خليك في بيتك معززه مكرمه

: لا جايه يولع هو احسن انا والعيال هفتانين منه لله

: ايوه كده احبك تاكلوا ايه بقى 

:بروست وفراخ مشويه وكباب

: ده انتم جعانين مش هفتانين بقى حاجه واحده يا اجمل اخواتك هو المرتب فيه كام للبعزقة دي

: هو انت بتصرفي مرتبك على ايه 

:وانت مالك هتشاركيني في مالي ده انت بقيتي نسخه منه خلاص انا هختار هو انا  اللي غلطانة انا بسالك ليه اصلا 

*دخل كريم المكتب وجد ايناس لكنه احس ان المكتب ينقصه شيء بعدم وجود سهر فهنأ ايناس على عودتها ودخل مكتبه يحمل حزنا غير مفهوم بداخله 

*دخل سامي و اخبره ان خطيب سهر قد استعاد وعيه  وان الجميع يهنئ والده بشفاء ابنه ولابد أن سهر عنده الان 

*ازداد حزنه لكنه سيطر عليه حتى لا يظهر وانشغل في عمله و اجتماعاته 

*في اخر النهار اتصل بسهر كي يسمع صوتها بحجه انه يهنئها بسلامه خطيبها 

*في ذلك الوقت وهو يتصل كانت سهر تحاسب عامل التوصيل فرد ابن اختها بدلا عنها وعندما راى الطعام هلل

: الاكل  ... هناكل .... هناكل هييييه 

:يا سمر  هو عيالك كأنهم ما شافوش اكل من زمان هتفضحونا .... وانت مين قالك تمسك تليفوني

 *واخذت الهاتف وردت

: اهلا يا مستر كريم 

:عامله ايه دلوقتي 

:بقيت احسن واختي جت هي وعيالها واهم قالبين دماغي بدل ما اريح 

:هو انت ما خرجتيش النهارده

: لا طبعا انا تعبانه مش قادره امال اخذت اجازه ليه 

*خجل ان يسالها عن خطيبها واحس براحه لحد ما لعدم خروجها

: هتقدري تيجي بكره ولا تاخديه اجازه كمان

: اه جايه بدل المدرسه اللي انا فيها 

:مستنيكي سلام

بقلمي سحر السحرتي 

*في اليوم التالي كانت ترتدي ملابس بيضاء زاهيه كأنها ملابس العيد 

*تعجب كريم من رؤيتها وظن انها سعيده بعوده خطيبها عندما دخلت مكتبه 

:مبروك 

:على ايه

: خطيبك فاق 

:يزن ااااه فاق بس ما بقاش خطيبي 

*وجدت لمعه غريبه في عينيه وبدا يتفحص يدها وجدها دون دبله 

:بجد حصل ازاي 

*ضحكت من طريقته في السؤال 

:صحي من الغيبوبه مش فاكرني اتلككت وقلت لمامته لو كان حبني كان افتكرني واخذت ديلي في اسناني وقلت يا فكيك وقد كان و الحمد لله مش عارفه حسيت انه هم كان طابق على نفسي

: امتى حصل ده 

:يوم ما وصلني السواق المستشفى 

:يعني اول امبارح ما بلغتنيش ليه 

:ابلغك بايه

: انه فاق وانك فسختي الخطوبه 

:كل حاجه حصلت بسرعه وتعبت بعدها 

*وقالت ببعض الحدة وكأنها تذكرت كيف تحدث معها 

:وابلغك ليه اصلا هو كان في بينا معاد ولا ناسي انك اتعصبت عليا 

:مش اعتذرت وانت قبلتي

: امتى ده

: هو خطيبك يفوق من الغيبوبه انت تقعي فيها 

:سابقا خطيبي سابقا لو سمحت 

:تعرفي اني حبيت كلمه سابقا دي قوي 

:نعم يا باشمهندس كريم عندنا شغل كثير النهارده وانت معطلني 

*خرجت والابتسامه لا تفارق شفتيها

 ايناس: ايوه مين قدك خطيبك فاق 

: سابقا يا حبيبتي دلوقتي بقيت سنجل 

: ومبسوطه قوي كده ليه الندل سابك اول ما فاق

: لا انا اللي سبته هحكي لك

                 الفصل التاسع من هنا

لقراءة باقي الفصول من هنا

تعديل المقال