رواية عذراء الرعد كامله بقلم بسمه ) جميع الفصول حتى الاخير الخاتمه

رواية غمرني بحبه الفصل الثالث عشر13والرابع عشر14 بقلم سحر السحرتي

كانت الممرضة هي من طرقت الباب 

دخلت الممرضه واعطت الدواء لسهر وقامت بقياس درجه حرارتها لان وجهها كان احمر من شده الخجل لكن الممرضه ظنت ان لديها حراره في جسمها

: لا كويسه مفيش سخونيه تحب اعلي التكييف يمكن حرانه

 كريم :يا ريت الجو حر هنا قوي 

الممرضه: هو حضرتك هتقعد مرافق ولا هتروح لان مواعيد الزياره خلصت

: لا مرافق طبعا 

:خلاص هبلغهم ان معاها مرافق في الغرفه

: هي عندها دواء تاني النهارده

: لا كده خلاص الصبح 

:شكرا لك اقفلي الباب كويس عشان تعرف تنام وتستريح 

*وخرجت الممرضه واغلقت الباب 

سهر :كريم انت هتبات معايا هنا ولا ايه 

:عبد الله رفض تباتي معايا لكن ما جابش سيره ان ممنوع ابات معاكي وانا هستغل اللعب بالكلمات 

:هو محامي يلعب زي ما هو عايز 

:وانا عشره كبيره معاه اتعلمت منه ادخلي شويه خديني جنبك 

:جنبي فين عندك الكنبه دي للمرافق

*قال بكل برائة وخبث

: يرضيك انام على كنبه ممكن اقع من عليها 

:خلاص انا ممكن انام عليها 

:هو انا اسمي ايه مرافق يعني لازم ابقى مرافق للمريض في السرير تعالي بس في حاجات ما شرحتهاش كويس

*ابتسمت رغما عنها 

:كريم انا عايزه انام الدوا ده بيدوخني

: دي دواء ممتاز تعالي بس هشرح لك كلمتين صغيرين وننام لان عندي شغل مهم بكره غير اني لازم ازور عمي 

*بدا يقبلها عده قبلات ثم ضمها الى حضنه وغفا في النوم سويا 

بقلمي سحر السحرتي 

*في الصباح استيقظ وجدها ما زالت داخل حضنه قبل راسها وانسحب بالتدريج ولكنها شعرت به 

:صباح الخير يا حبيبي 

:معلش قلقتك 

:لازم تقلقني السرير اصلا صغير بس عارف انا عمري ما نمت كويس بالطريقه دي

: تصدقي انا كمان حاسس اني في منتهى النشاط بسبب النوم ده 

:ايه رايح فين بدري كده 

:هروح البيت اخذ دش واغير هدومي عندي اجتماع مهم

: طب اسال الدكتور هخرج امتى

: ليه يا حبيبتي انا حبيت اني مرافق في المستشفى هتخرجي مش هقدر انام في حضنك 

:معلش زهقت من هنا واحنا خلاص هنحدد ميعاد الفرح قريب 

:ايه رايك نخليه بعد اسبوعين

: قريب قوي مش هلحق اجهز حاجه وبعدين لسه ما دورناش على الشقه 

:الشقه موجوده هجيب مهندس ديكور كويس يفرشها بعد ما يقعد معاكي يعرف طلباتك 

:و هدومي و حاجاتي 

:سهر كل ده مقدور عليه هاتي اللي تحتاجيه لفتره اسبوع واحنا لما نسافر في شهر العسل نجيب الباقي كلمي مامتك بس عشان تحجز و تيجي سلام احسن اتاخر 

*خرج وعاد مسرعا 

:خير نسيت حاجه

: نسيت اهم حاجه 

*قبلها من شفتيها قبله سريعه وقال بمزح

: بعد كده ابقي اصحي بدري لان الشرح بياخد وقت 

*ابتسمت و احتضنته :بالسلامه يا حبيبي ما تتاخرش عليا 

*اتصلت عليه بعد الظهر فرد بلهفه وخوف

: خير يا سهر حاسه بحاجه

: لا ببلغك ان الدكتور قال اقدر امشي فهكلم سمر تيجي هي وجوزها يخرجوني

: سهر انت عارفه جوز اختك بلاش

*قالت بعصبية 

:المفروض يكون اتعلم الدرس لو رفض هاخد تاكسي 

:لا تاكسي ولا جوز اختك انت دلوقتي مسؤوله مني لو تقدري تستني ساعتين اخلص و اروحك انا لو مستعجله ابعت لك السواق 

:لا هستناك هلم حاجاتي و اجهز 

*بعد ثلاث ساعات دخل وهو محرج

: ارفع راسك يا اخي فقد مضى عهد الاستعباد صحيح مصري يقول خمس دقائق وهم خمس ساعات بس سامحتك ما تقلقش

*قبلها في خدها

: حقك عليا كنت ناسي عمي عديت عليه عشان اقضى باقي اليوم معاكي

: هو عامل ايه النهارده 

:فاق بس لسه الزياره ممنوعه 

:طب يلا بينا عشان هموت وانام على سريري 

:وانا كمان

: انت كمان ايه

: هموت وانام على سريرك

: هو انت هتدخل معايا 

:طبعا امال مفضي نفسي ليه 

:مش هينفع اول مره تدخل البيت تبقى ماما مش هناك وبعدين الجيران لسه ما عرفوش اني اتجوزت هتبقى عيبه في حقي و سمعتي مش ناقصه

: عندك حق والحل لا عندك ينفع ولا عندي 

:كل واحد يروح بيته

: يعني مفضي نفسي وكل واحد يروح بيته حتى ما لحقتش اقعد معاكي

: خلاص نتغدى سوا في اي حته 

:تعالي نروح القريه الريفيه ونقدر نبقى على راحتنا كمان

: ونروح بالليل

: ونروح بالليل

بقلمي سحر السحرتي 

*ذهب بها الى القريه الريفيه وتناولوا الطعام سويا في مكان خاص لا يستطيع احد ازعاجهم 

:ما تيجي نبات هنا النهارده

: لا يا كريم ما تستعجلش كلها كام يوم ونبقى مع بعض وبكره هكون على قلبك في الشغل

: لا جبنا غيرك

: نعم تمشي فورا

: لا مش هينفع لان عندك حاجات كثيره عايزه تجهزيها ولما نسافر هتبقى ايناس لوحدها اما نرجع من شهر العسل ابقي ارجعي براحتك وامسكي كمان بدل نبيل 

:هو انت هتكمل في حبسه 

:اتحبس او خرج خلاص مش هيدخل الشركه ثاني و هشتري منهم الاسهم و اكتبها باسمك

: ليه باسمي

: لازم يعوضوك عن اللي عمله ومش هقدر اخليهم يكتبوها باسمك من غير ما اشتريها لان عمي كده هيفلس 

:طب ما تشتريها وتكتبها باسمك 

:لا لازم تعويض

: كريم لو سمحت كده انت بتاكد كلام الناس لو كتبت الاسهم باسمي خصوصا ان لك زوجه واولاد ارجوك بلاش

: ممكن ترمي كلام الناس على جمب وما تعمليش حسابهم طول ما انت ما بتعمليش حاجه حرام و لازم تتعوضي منهم وكده او كده هيمشوا من الشركه

: نشوف تعويض ثاني وخد الاسهم و انقلها باسمك ده حقك 

*امسك يدها وقبلها فاحتضنت زراعه ووضعت راسها على كتفه 

:مش مصدقه ان حلم حياتي اتحقق

: صحيح كنت بتحلمي بيا 

:كل يوم بحلم اني عروسه وانت شايلني وبتلف بيا

: هو ده الحلم اللي حكيتي لي ايناس عليه وانت بتلفي

*قالت بحزن وطفولة مصطنعة

: اه يوم ما زعقتلي

: كنت بتلفي بطريقه حلوه اوي و فستانك بيطير غيرت عليك قوي

: انت بتغير عليا بجد 

: فوق ما انت متخيله بكره بعد الظهر تكوني عندي في المكتب هبعت لك السواق

: ليه 

:هكون خلصت شغل ننزل نشوف الشقه و تختاري قاعه الفرح وبعدها نحدد ميعاد مع المهندس تقعدي معاه وتحددي طلباتك 

: وانت مش هتقعد معانا 

:معلش خليها عليك وانا اخلص شغل واشوف مين هيمسك مكاني عشان نعرف نسافر نعمل شهر عسل من غير ازعاج انا وانت وبس 

:هو بجد هنعمل شهر شهر عسل 

:هو شهر عسل انما اسبوع بس 

:يعني هسيبك اسبوعين تشتغل و اشيل كل حاجه و تديني اسبوع واحد 

:انت طماعه قوي 

:اه طمعانه تقعد معايا اطول فتره ممكنه حقي مش بطلب كثير

: حقك طبعا نخليهم 10 ايام 

:خلاص كويس  انا راضيه

: انت ازاي كده 

:كده اللي هو ايه 

:هبله على طول

: انت هتغلط 

:كنت زعلانه انه اسبوع و انبسطت انهم بقوا 10 ايام ازاي 

:هذا انا راضيه على طول وبعدين انا اخذت كده تلت الشهر انما اسبوع ده ربع الشهر ايهما اكبر امال مهندس و برمجه ايه 

: هههههه يلا هروحك

: يلا احسن نفسي انام

: هانت يا حبيبتي كلها كام يوم ونبقى سوا 

*في اليوم التالي في الموعد المتفق عليه ذهبت الى مكتبه و طرقت الباب بتناغم وقالت لايناس

: ممكن اشوف الباشمهندس

: اهلا يا عروسه مبروك فرحت لك قوي 

:معلش كل حاجه جت بسرعه 

:المهم ان هي جت ده انا كنت فقدت الامل

: هو انت كنت عارفه

: يا بنتي انا قارئه افكار الشركه كلها

: زي قارئه الفنجان كده 

: هههههه بالضبط ادخلي هو مستنيك

*طرقت الباب بتناغم ودخلت 

:مشغول اجي وقت تاني

: لو مشغول افضي نفسي عشانك تعالي يا حبيبتي وحشتيني 

*وجذبها لتجلس فوق ساقيه وقبلها بنهم دفعته وابتعدت عنه 

:كريم احنا في الشغل حد يدخل 

:ماشي يلا بينا نشوف القاعه الاول 

:مش قلت الشقه 

*فقال بخبث :خليها في الاخر عشان ناخد راحتنا 

:راحتنا ازاي مش المهندس هيبقى هناك

: لا قلت لك هتتفرجي عليها الاول 

:ما تخليه يقابلنا هناك عشان نكسب وقت

: يا جبانه خايفه تضعفي

: لا خايفه عليك انا واخده دفاع عن النفس فلو عايز تحضر الفرح سليم خليك مؤدب

: هنشوف هتقدري تعملي ايه 

*ذهبا الى الفندق لترى القاعه وشرحت لها منسقه الافراح كل شيء واتفقت معها هي وكريم بعد ان تركتهم و ذهبت

بقلمي سحر السحرتي 

: دي قاعه كبيره قوي الفرح هيتكلف كثير

: انت هتتجوزي واحد من اكبر رجال الاعمال عايزه فرحه يكون ازاي 

:بس انا مش بحب التبذير ممكن نصغرها شويه ويحضر بس الناس اللي بنحبهم و يحبونا 

:سهر من هنا ورايح لازم تتعودي ان في مناسبات لازم تتعمل كبيره لان في مجاملات لا غنى عنها 

:طب نقلل من البرنامج في حاجات اوفر زياده عن اللزوم كذا زفه وشو روسي ولبس اثنين فستان فرح

: هي الموضه كده

: وده فرحي انا ومش عايزه امشي على الموضه انت عايزه في قاعه كبيره ماشي لكن كل الزياده انا هشيلها 

:بس حاولي يكون فرح يليق بمكانتي الاجتماعيه 

:حاضر هقلل شويه حاجات منظره مش اكثر 

:يلا بقى على الشقه 

*وغمز لها

: انا جعانه عايزه اكل يا حبيبي 

:تعالي نطلب اكل يوصل هناك لان مفيش وقت المهندس هيستلمها بكره وما تخافيش هيقابلنا هناك هو اخر الميعاد عشان كده قلت نيجي القاعه الاول 

*واتنفست بصوت عالي

: انت كنت خايفه فعلا مجنونه وبحب اخلاقك 

*بعد ان وصلا الى الشقه وتقابل مع المهندس وشرحت له كيف تريد فرش الشقه واختارت الالوان 

*كان كريم يراقبها ويتابع شرحها وبساطتها في الفرش رحل المهندس 

كريم :الشقه عجبتك 

:خايفه اقول لك كبيره تقول عليا فقريه 

بقلمي سحر السحرتي 

: هههههه فقريه حته واحده تعالي بقى نقعد في التراس ناكل 

:هو انت كنت فارشها اساسيات ليه 

:كنت بحب اهرب فيها واقعد لوحدي

: انت عمرك ما قربت من مراتك واولادك 

*اخذ نفس عميق انا قصرت مع اولادي كنت مشغول ابني الشركه من جديد .... لكن هي حاولت معاها بما اني كنت بتعامل معاها اكتر بحكم الحفلات والمقابلات ... لكن كنت بالنسبه لها كارت بنكي يصرف وهو ساكت وكفايه انه متجوز واحده زيها 

:انت مريت بكل ده واستحملت ليه 

:بصراحه كانت واجهه كويسه ليا والناس كانت دايما بتاخد بالمظاهر  .... وانا في بدايتي كنت محتاج ده يعني تقدري تقولي استفدنا من بعض ما كنتش ضحيه

: مش خايف اعترافك ده يخليني اغير رايي فيك 

:انت عايزه تعرفي عني الوحش والحلو ولا عايزاني كويس بس في عنيك 

:عايزه اعرف كل حاجه عنك ولو بحبك هاخدك كلك على بعضك مش هنقي

: خلاص سيبيني اعترف لك بكل حاجه 

*بدا يتحدث عن نفسه وعن بعض الاعمال والتصرفات التي قام بها في بدايه حياته لم تكن صحيحه ولم يكن فخور بفعلها 

:كريم هو انت عمرك عرفت واحده على مراتك

: واحده قولي وحدات 

*جحظت عينيها من المفاجاه 

:بتهزر ...قول انك بتهزر

: لا مش بهزر هحكي لك

الفصل الرابع عشر 

تنهد كريم وتردد كثيرا قبل ان يعترف لسهر بما فعله في الماضي 

:انا كنت بعرف ستات واتجوزتهم عرفي لان مش بحب المس واحده في الحرام

: ليه وانت متجوز زي ما بتقول واحده شيك و واخده بالها من نفسها ووجهه مشرفه لك

 :كان ليا متطلبات كراجل وهي كانت بترفض او بمعنى ادق كانت بتبقى عايزه الثمن

: يعني ايه هي م و مس

: انت قلت بنفسك كل مره عايزه خاتم او اسوره ولو عقد يا سلام ترضى عني شهر بحاله كله بتمنه قرفت منها ومن اسلوبها فكنت بتجوز 

*صمتت وشردت فيما قال

: ساكته ليه 

*زرفت الدموع دون إرادة 

:مالك يا سهر 

*تسالت وهي متخوفة من إجابته 

:هي دي الشقه اللي كنت بتتجوز فيها 

*صمت خجلا ونظر في الارض 

*قالت بنبرة حادة

:بص لي ورد عليا انا رفضت ادخل بيت مراتك تقوم عايز تتجوزني هنا في بيت مراتاتك

: انا رفضت اكذب عليك كنت عايزك تعرفي كل حاجه عني السيء قبل الحسن واي واحده كانت هنا كانوا فعل ماضي  

:لو سمحت عايزه امشي

*رد عليها بخيبة امل من رد فعلها 

:اتفضلي وخلي بالك لو سالتي على اي حاجه بعد كدة  هتضطريني اكذب عليك

*قالت بدموع امرأة مقهورة 

: انت متخيل احساسي اني هتجوز وعلى ذمتك واحده ثانيه متخيل النار اللي جوايا كل ما افتكر ان في واحده شاركتك كل  احاسيسك واني مش اول انسانه تلمسها عارف النار دي عامله ازاي دلوقتي وانا بعرف ان ممكن اكون الزوجه رقم 13 ويا ترى كانوا بيبقوا سكرتيراتك ولا بتتعرف عليهم ازاي 

*بدات انفسها تعلو وكانها تحاول ان تستخلص الاكسجين من الجو 

:سهر انت كويسه

*ردت بمنتهى العصبية

: لا مش كويسه حاسه اني مخنوقه عايزه امشي من هنا 

*لم يستطع مجادلتها او تبرير ما فعله فرد بهدوء حتى يمتص غضبها

:طب يلا قومي نمشي

بقلمي سحر السحرتي 

*في الطريق كانت تبكي في صمت توقف بالسياره قبل ان يصل 

:سهر مش هينفع اسيبك تروحي وانت كده 

:اعذرني يا كريم اللي اكتشفته النهارده اكبر من كل توقعاتي كنت متخيله انك ممكن تكون عرفت واحده او كنت بتعرف قبل الجواز انت بنفسك زعلت واخذت موقف مني في الغردقه لما قابلت يزن وكان مجرد خطيبي لمده اسبوع ارجوك حس بيا 

*امسك يدها بحب وقبل كفها

:انا ما زعلتش انا كنت بغير وخايف ترجعي له او تحني له  ...يزن لسه شاب صغير في السن ووسيم وكل البنات هتموت عليه فرق السن بينا مسبب لي مشكله .... وارجوك بلاش تحاسبيني على الماضي انت الحاضر والمستقبل

: اظن هاخذ شويه وقت لما استوعب الحقيقه اللي عرفتها ونظرت كل الناس لما يسالوني ازاي قبلت اتجوز واحد مزواج 

:سهر محدش يعرف غيرك وبلاش تخلي كلام الناس يأثر على علاقتنا 

:للدرجه دي كنت كتوم في علاقاتك 

*بدا يفقد اعصابه  من تحجر تفكيرها وعدم تصديقه وقال بصوت عالي 

:انت مش عايزه تصدقيني وتستوعبي الفتره اللي عشتها قبلك كنت ببقى مضغوط ومحتاج واحده تحس بيا وتحتويني

: واحده مش وحدات 

:ما كنتش بلاقي عندهم اللي انا عايزه 

:ومتاكد ليه ان اللي انت عايزه هتلاقيه معايا

: ايوه لقيته 

:لقيته فين واحنا لسه مكتوب كتابنا بس

: اللي انا عايزه مش العلاقه الزوجيه اللي انا عايزه الحب و لقيته و حسيته معاكي .... عارفه اني الاقي الحب وانا عندي 40 سنه و خايف تحسي بالندم انك اتجوزتي واحد في سني و هتضيعي شبابك معاه .... عارفه احساسي لما عبد الله قال انه خبي على مامتك موضوع السن متخيله اني حاسس انك في اي وقت هتقولي لي طلقني لانك مش شايفه فيا غير راجل عجوز

*ارتمت داخل حضنه وهي تبكي 

:يا كريم انا بحبك انت اول راجل قلبي يدق له انا كمان مش صغيره انا عندي 25 سنه يعني عديت مرحله المراهقه واقدر اعرف اللي بحس بيه ده حب ولا انبهار و قراري اني ابعد عنك كان عشان انت متجوز و مخلف مش عشان انت كبير خلينا نرمي مشكله السن دي ورا ضهرنا ونشوف هنعمل ايه في مشكله تعدد الزوجات دي 

*وضحكت وضحك هو ايضا بدوره

: انا زعلانه من حاجه تدخلني في حاجه ثانيه

: انا هغير الشقه عشان تبقي مرتاحه بس لعلمك غرفه النوم الرئيسيه ما فيش واحده دخلتها وانت بنفسك لقيتيها فاضيه غرفه الضيوف هي اللي مفروشه 

:كريم هو ينفع ناجل الفرح شويه 

*اخرجها من حضنه وتحرك بالسياره وهو يقول بعصبيه نلغيه خالص لو تحبي 

*ردت بنفس العصبيه

: انا ما قلتش كده قلت ناجله انت حتى ما سالتش قد ايه 

:تحبي ناجله قد ايه سنه على ما تتعرفي عليا

: لا اسبوع كمان يعني يبقى بعد ثلاث اسابيع وما تسألش ليه 

:يعني ايه ما سألش و هتفرق ايه بعد اسبوعين من بعد ثلاثه

: كريم اسمع الكلام من غير سؤال لاني هتكسف اقول لك وما تزعقش معايا بالشكل ده مره ثانيه

: انت قصدك انه 

:اه اللي فهمته ما اخذتش بالي غير لما اتخانقنا

: للاسف وصلنا وكنت عايز احضنك و اصالحك 

:صالحني بكره هقابلك امتى

: بعد الشغل وهحاول اخلص بدري

: طب هبدا من بكره اشتري اللي ناقصني الصبح عشان نتقابل بالليل 

:خدي يا سهر

: ايه ده

: الكريدت ده اشتري اللي نفسك فيه 

:انا معايا فلوس على فكره وعندي ورثي من بابا سايبه لي لجهازي 

:سهر انت مراتي و مسؤوله مني ولازم احس انك مش زعلانه 

:وبالكريدت هبقى مبسوطه

: لا هعرف انك بتعتبريني جوزك وحاسه انك مسؤوله مني

: في كام  الكريدت ده هههههه 

:مفتوح يا حبيبتي اشتري اللي  نفسك فيه و اهتمي بيا 

:اهتم ازاي يعني

: الهدوم اللي هتدلعيني بيها 

:روح يا كريم روح يا حبيبي انت مصر تحضر الفرح بعاهة او متجبس بالسلامه يا حبيبي 

:سلام يا قلبي

 *ظلت طوال الليل شارده تفكر في سبب الخلاف بينهما وهل ستتقبل ما قاله لها وهل ستتعايش معه

بقلمي سحر السحرتي 

*في الصباح دخل كريم مكتبه وقد تفاجا بوجود سهر احتضنته و قبلته 

:ايه المفاجاه الحلوه دي خير

: ابدا ما عرفتش انام طول الليل بسبب الطريقه اللي كلمتك بيها والخناقه بينا وقعدت الوم نفسي اني بحاسبك على الماضي والمفروض اقبلك كلك على بعضك احاسبك بس من اول ما اتجوزنا فقلت اجي اصالحك ولو كنت اعرف عنوانك كنت جيت لك بالليل

: للدرجه دي عايزه تنزلي نص الليل عشان تصالحيني

: اه عشان بحبك

: عشان كنت قتلتك نص الليل يا سهر ركزي في كلامك و هتصالحيني ازاي 

*فتحت له علبه مليئه بالمعجنات المختلفه 

: بده المعجنات اللي عملت زيها للوفد الصيني 

: اشمعنا يعني المعجنات 

:بيقولوا اقرب طريق لقلب الراجل معدته ومش معقول هتاكل على الصبح لازانيا 

*قبلته : لسه زعلان يا حبيبي 

:عايزه تيجي لغايه هنا الصبح بدري وتعملي بايدك احلى معجنات وافضل زعلان ده انا ابقى راجل غبي

: لا يا حبيبي ما تقولش كده انا اللي كنت غبيه وغيرت عليك من حاجات قديمه وانتهت بس بجد من حبي لك 

:طب ممكن انت اللي تسامحيني 

:على ايه

: لاني اتعصبت عليك

: لا مش زعلانه 

:وانا كمان مش زعلان

: طب بما انك خلاص مش زعلان همشي عشان تشوف شغلك واقابلك بعد ما تخلص 

:استني ما تمشيش اقعدي معايا شويه

: انت مش عندك اجتماع كمان نص ساعه 

:وعرفت منين 

:كلمت ايناس اعرف جدول مواعيدك خفت ما تبقاش موجود 

*احتضنها بحب وعشق 

:انت عارفه انك احلى حاجه حصلت لي في الدنيا دي كلها 

*وقام بتقبيلها بنهم وعشق لم يتركها الا عندما طرقت ايناس الباب

: ايه الريحه الجميله دي شكرا يا سهر انا فعلا نزلت من غير ما افطر هاخد العلبه دي لان واضح ان الباشمهندس كده فطر 

:وعرفت منين 

:مش قادره تفهمي ان من نظره بفهم كل حاجه وانه مكتفي بيكي عن المعجنات

: قولي لها بس برضة مش هتاخدي العلبه 

:طب اقسمها معايا عشان ما تبقاش عيني فيها

: ايه رايك يا سهر اديها لها 

:لا

: كده اخص عليك

: واضح انك دخلتي على طول على هنا لو رحت مكتبك كنت هتلاقي علبه زيها عليه

: لا مش مصدقة انت احلى زوجه مدير شفتها بجد الاولى عمري ما شفت منها غير ريشها المنفوش  .... عموما عشان ما اعطلكوش الورق ده حاول تمضيه قبل الاجتماع قدامكم ربع ساعه 

*و اغلقت الباب وانصرفت سريعا 

:هي قصدها ايه 

*ضحك يا كريم 

:تعالي وانا اشرح لك بعد ان قبلها قبله شغف اكبر دفعته

: انت بتهرج هي عرفت منين انك كنت بتبوسني 

:من شفايفك الحمراء وخجلك هيكون من ايه يعني 

:ايناس دي مش سهله 

:بس طيبه هشوفك بعد الشغل

: لا هروح انام لاني سهرانه طول الليل ومصدعه جدا 

:طب روحي ونامي على ما اخلص ونتقابل بالليل تكوني ارتحتي 

:معلش بلاش النهارده سمر هتيجي بالليل تقطم فيه اني اتجوزت وهي اخر من يعلم

: هي ما عرفتش

: نسيت اقول لها

: بس لازم اشوفك

: خليها بكره الجمعه اجازه من اول اليوم نقضيه مع بعض ايه رايك 

:خلاص نقضيه في القريه الريفيه و اعزمي اختك وجوزها منها تصالحيها وتغير جو هي واولادها 

:بحبك قوي بس هيغلسوا علينا 

:انا كمان بحبك وما تقلقيش هنقعد في مكان سري بعيد عنهم

: و نركب خيل

: و نركب حصان واحد ايه رايك 

:لا انا عايزه اسبقك 

:مش هتعرفي بس ماشي 

*مضت الايام وقبل موعد الفرح باسبوع تحدث عبد الله مع سهر 

:خير يا اونكل 

:خلاص نبيل قضيته هتتحول للمحكمه ولازم تتنازلي قبلها لان كده مش هنقدر نعمل حاجه لو اتحولت

: هو حضرتك مصر ده كان هيفضحني  .... وراي كريم ايه 

:هو محرج منك بس قال لي انا معاها في اي قرار تاخده

: هو اشترى منهم الاسهم

: عمه خرج امبارح من المستشفى و وقعنا العقود النهارده 

:خلاص حضرتك اعمل اللي تشوفه

: لازم تيجي معايا بنفسك 

:حاضر

 *في النيابه تقابلت سهر مع نبيل 

:اظن كفايه كده وتبعد عني وبطل تتعرض لي

:انت ربنا نجاكي مني بس وقعت في الاصعب

: ايه مش فاهمه

: كريم مش سهل زي ما انت فاهمه ومش ملاك باجنحه زي ما انت شايفاه خلي بالك من نفسك وبلاش تامني له قوي

: انت حقود قوي كل الفتره اللي قعدتها في السجن دي ولسه قلبك اسود واضح انك كنت محتاج تقعد كمان شويه خلي بالك انت من نفسك لان واضح انك هترجع هنا ثاني

بقلمي سحر السحرتي 

*ذهبت هي وعبد الله وكانت شارده الذهن هو ليه بيقول كده على كريم يا اونكل انت عاشرت كريم شفت عليه حاجه وحشه

: ما تفكريش في اللي قاله هو دايما بيغير من كريم لانه احسن منه وناجح

: انا قلت كده برضة 

*عادت والده سهر واخوها سامر قبل الزفاف بيومين 

:حمد لله على السلامه يا ماما ازيك يا سامر عامل ايه

: انا نزلت زي ما طلبتي مع سامر وهو ما قدرش ياخد اجازه كبيره كنت عايزه انزل معاكي وانت بتشتري حاجاتك

: يا ماما انا ما اشتريتش غير هدوم ومكياج لان كريم اشترى كل حاجه للشقه 

:شقه انت مش بتقولي انه مديرك اللي شفته في فرح ايناس وانه غني اقل حاجه كان يعيشك في فيلا

: انا اللي طلبت كده 

*جذبها سامر لحضنه 

:طول عمرها فقريه يا ماما مش ناقصك حاجه يا حبيبتي محتاجه فلوس كل ما اسالك تقولي معايا ما تتكسفيش 

:شكرا يا حبيبي كريم اصلا مديني الكريدت ورافض اشتري اي حاجه من فلوسي

 والدتها :اقل واجب قال تتجوزي واحد غني وتعيشي في شقه اكيد مراته اللي مطلقها قاعده في فيلا

: يا ماما الشقه كبيره وحلوه وبعدين مين قال لك انه مطلق مراته 

:عمك عبد الله قال انه منفصل  .... هو لسه متجوزها

: يا ماما هو منفصل عنها بس هي لسه على ذمته

: ايه الكلام ده و ازاي توافقي تتجوزي واحد متجوز انا ربيتك تخطفي راجل من مراته الجوازه دي على جثتي انها تتم

 سامر: اهدي يا ماما ازاي يا سهر تعملي كده وانكل عبد الله ازاي يقبل عليك الكلام ده

: طب ممكن تهدوا انا هفهمكم 

:اتفضلي ولو اللي قلتيه غير مقنع زي ماما ما قالت مش هنكمل الجوازه دي 

:يا ماما مراته اخذت اولاده وهاجرت يكملوا تعليم باره وهو بلغها انه هيتجوز وطلب يطلقها هي رفضت و موافقه طول ما مصاريفهم  بتتدفع يعمل اللي هو عايزه

: ايه الست دي 

:شفتي بقى

: برضة ايه اللي يجبرك تتجوزي واحد زيه اكيد لما هترجع هتبقى على ذمته لسه وهتطالبه بحقوقها الزوجيه ليه تقبلي على نفسك كدة من قله الرجاله

: يا ماما هي عمرها ما هترجع دلوقتي خالص وهو منفصل عنها بقى له كتير من قبل ما تسافر 

:يا بنتي ما يزن كان كلمني وكان عايز يرجع لك و وسطني وانت رفضتي ليه شاب وحلو وانت اول جوازه ليه 

:انت عارفه ازاي اني اول جوازه ليه يزن طلعت علاقاته كتير اضمن منين انه صحيا سليم  ...وكمان عرفنا عنه انه بيشرب ازاي كنت عايزاني ارجع له 

:كان بلاش هو كمان بس زنقت على كريم

: يا ماما انا بحبه وهو طيب وحنين حتى اسالي سمر يوم الاجازه كان بيعزمها مع جوزها يخرجوا معانا

: هي شكرت فيه وبتقول اسم على ما يسمى كريم وهو كان كريم معاها قوي

: ازاي كان كريم معاها قوي 

:بتقول انه كان بيملا عربيه جوزها من خيرات القريه

: بنت ال .... ما قالتش عشان عارفه اني هتخانق معاها

: خلاص بقى يا سهر ما تكبريش الموضوع

: اه عشان الموضوع جاي على هواكي طيب يا سمر

 سامر: هشوف كريم امتى 

:في الفرح هو مش فاضي اليومين دول لاننا هنسافر بعد الفرح على طول

: فين

: كريم قال لي مفاجاه ماما هتيجي تتفرجي على الشقه وانا بودي فيها باقي حاجاتي

: اه تعالي لاني مش هعرف اشوفها بكره الحنه وبعده الفرح وانت مسافره 

*وفي الطريق وجدت رساله 

:مبروك يا عروسه انا ضرتك خلي بالك من نفسك انا عرفت اهرب بجلدي لو تعرفي تهربي قبل ما تدبسي لانك داخله الجحيم برجلك 

*ورساله من نفس الرقم

: كريم اللي انت شايفاه حاجه وكريم اللي هتتجوزيه حاجه ثانيه خالص 

ورساله اخرى

                 الفصل الخامس من هنا

لقراءة باقي الفصول من هنا

تعديل المقال