رواية احلام ورديه
الفصل الرابع عشر14
بقلم نوسه حمد
اقنعتا طلال اجيب هيفاء واجو اقعدو معانا وقفلنا منو وشلت هم الدنيا والعالمين ف راسي لمن ملامح وشي اتغيرت عموري قال لي مالك حبيبتي قلت ليهو انت عارف حبيبي رغم انو هيفاء دي من عرفتها وهي بتحاول تضايقني بالكلام وبتتعمد ع انها تزعجني بس لمن طلال قال لي انو عاوز ارجع السودان وهيفاء دي م مرتو شلت لطلال هم طلال طيب ي عموري انا بعرفو وقعدتا ابكي لانو طلال عشرتو م بتهون نهاي ونحنا اتوعدنا نكون اخوان وانا وعدتو اكون اختو واقيف معاهو ف الكبيره والصغيره ومن اولها وف اسعد ايام حياتو اكون زهجان والله دا م برضيني عموري قال لي نوسه حبيبتي م تزعلي كلو بهون م تشيلي هم وانتي من امس م اكلتي يلا نمشي ناكل وتاني نتصل لطلال
مشينا مطعم اكلنا اكل حلو وقضينا احلا لحظات انا وعموري كنا مبسوطين شديد
عموري قال لي نوسه انا تعبان نرجع البيت عشان ناخد لينا نومه مسافه ناس طلال اجو😍😍😍😍😍😍😍😍😍انا كتبت العنوان لي طلال قلتا ليهو تمام حبيبي
مشينا الجناح بتاعنا صلينا الظهر واخدنا لينا نومه حلوه انا صحيت اذان العصر مخلوعه خاته ناس طلال ف راسي صحيت عمر قلتل ليهو عمر اصحا حبيبي وافتح تلفونك اتصل ع طلال لانو طلال متهور بقوم اتحامق وامشو السودان وعمي وخالتو سعاد بموتو
عمر قال لي نوسه حبيبتي اهدي شويه م تخافي وانا بقنع طلال م انزل الا اخلصو ايامن الحاجزنها
اتصلت ع طلال ردا لي وشكلو مضايق قلت ليهو نحنا منتظرنكم ي طلال طلال قال لي نوسه حبيبتي م تشتغلي بينا عيشي حياتك ونحنا ح نرجع
طبعا هي مجنونه بقت تكورك فيهو قالت ليهو انت مدام هي حبيبتك م اتزوجته ليه وبقت تكورك والخط فاتح انا اتكلم وهو م سامعني قالت ليهو انا من شفتك معاها لمن مشيت خليتني انا براي عرفتكم بتحبو بعض ونظراتك ليها نظرات حب وطلال بقا اقول ليها انتي مجنونه نوسه دي زي ساره اختي واحسن تشيليها من راسك وم تدمري حياتك ي بت الناس 😕
عمر شافني ببكي وانا بسمع ف كلامها شال مني التلفون واتكلم مع طلال وطلال م سامعو لانهم كانو بتشاكلو شديد
عمر قفل الخط جا قعد جنبي قال لي نوسه مالك ومالو طلال قال ليك شنو بقيت اعاين ف عيون عموري وببكي عموري حضني وقال لي حبيبتي اياك تزعلي نفسك عشانهم
قلتا ليهو عموري انا عمري وحياتي م حبيت راجل غيرك اجي نهايه الزمن هيفاء تخوني وتقول لطلال انو هو بحبني قال لي نوسه دا كلام شنو قلتا ليهو طلال دا اكتر من اخوي واتفقنا نكون اخوان مقربين لبعض ونحكي لبعض وطلال طوالي بقول لي نوسه حبيبتي هيفاء عملت ليهو موضوع قالت ليهو انت بتحبها وانا سمعت طلال بهدي فيها وقال ليها م تدمري حياتك نوسه دي زي اختي
يعني هيفاء بتغير مني برا شغله ومفتكرا طلال بحبني وعاوزه تعملني موضوع
عموري قال لي نوسه عايني هنا انتي واثقه من نفسك وانا واثق فيك شديد وم بجي يوم اشك فيك لانو وانا كنت خاطبك انتي كنتي بتتعاملي معاي بحزر شديد
وانا بتكلم مع هيفاء قلت ليهو لا ي عموري م تقول ليها حاجه وانا بضغط ع نفسي وخليهم اجو اقعدو معانا
طلعنا مشينا لي ناس طلال وطلال سبحان الله لمن اتغير بقا كئيب
دخلنا عليهم وقلنل ليهم جينا نسوقكم معانا وانا عملت نفسي م عارفه حاجه عشان م ازيد الطين بله
المهم بعد تعب اقنعانهم انهم اجو معانا وجبناهم الجناح واديناهم غرفه وقلت ليها هيفاء م تخجلي مني لو عاوزه اي حاجه قولي لي انتي زي اختي طبعا في وشها حركات استهتار واستفذاذ بس استحملتها عشان خاطر طلال طلعت منهم
مشينا صلينا المغرب وجينا طقينا ليهم الباب قلنا ليهم يلا نتعشا برا طلال قال لي نوسه انا تعبان عاوز اخد لي نومه قلتا ليهو تمام اخدو راحتكم بنجيب ليكم معانا عشاء
المهم طلعنا مشينا لينا مكان كده رهيب ورومانسي شديد اتعشينا فيهو وجينا راجعين متاخرين وجبنا ليهم معانا عشاء
المهم اول م قربنا للجناح نسمع صوت هيفاء تقول لي طلال م قادر تبعد منها جبتنا نقعد معاهم عشان تكون قريب من حبيبت القلب المهم عمر سمع الكلام وشكلو اتغير قال لي اقسم بالله الليله م اخليها تقول ليهو كده ليه وانتي ي نوسه بقيتي شرفي م بسمح لي زول اتكلم فيك
انا بقيت ابكي ومسكت عموري قلت ليهو لا حبيبي عليك الله م تتكلم معاها عشان طلال بس ونحنا م قليلن اصل زيها خليها تقول الداير تقولو وربنا موجود خليها تقول العاوزاهو ع الاقل تطلع الجواها
عموري قال لي تمام حبيبتي بس انتي قشي دموعك لانو انا نقطه ضعفي دموعك قلت ليهو اسفه حبيبي اوعدك م تشوفن تاني
دخلنا عليهم من شافتني سكتت سلمت عليهم قلت ليها هيوفا كيف ان شاء ألله اخدتو راحتكم انا جيت عشان نسوقكم معانا وطلال قال أنكم عاوزين تاخدو راحتكم وجبنا ليكم معانا عشا
اتعشو مسافه انا اخلط ليكم عصير فرش
ختيت ليهم العشاء قعدو اتعشو عموري قال لي حبيبتي انا طالع الغرفه وبنتظرك عشان م بعرف انوم الا اشوف بسمتك قلت ليهو حاضر حبيبي ثواني وح اجيك
هيفاء تعاين لينا وسبحان الله كميه حقد في عيونها عمري م شفتهم ف انسان مسلم
المهم عصرتا ع نفسي عشان خاطر طلال خلطتا العصير ودخلتو ليهم الغرفه قلت لي هيفاء عشان تاخدو راحتكم جوه
دخلت الغرفه لقيتا مقلوبه قلب يوم بس البت دي قلبت الغرفه انا بي طبعي بحب النظام نظمتا الغرفه ورتبتها وطلعتا وختيت ليهم العصير لقيتهم قامو من الاكل جيت شلت باقي الاكل لميتو ونظفتا السفره وشلت العصير وطلعتا غرفتنا
لقيت عموري منتظرني اديتو العصير وعندي مبخر كهربائي شلتو اديتو لي هيفاء قلت ليها بخري الغرفه
وغايتو عصرت ع نفسي شديد بس عشان انا م زيها وعشرت الناس م بتهون عندي
عموري قال لي نوسه انتي كل يوم بتكبري ف نظري رغم القالتو هيفاء وانتي بعد دا قلبك عليهم ربنا يحفظك لي
قلت ليهو حبيبي هيفاء دي لو بتفهم م كانت ضيعت احلا ايام عمرها بالمشاكل والكلام الفاضي وبعدين انا قول خشمها دا م باثر فيني طالما انا واثقه من نفسي وانت واثق مني وانا انسانه واعيه م بهبل بي نفسي واضيع احلا ايام عمري في كلاما وانا وعدتك اكون سبب سعادتك وم ح اجي يوم وانا اكون زعلانه فيهو عشان اضايقك وانا وعدتك ازرع البسمه جواك مهما الدنيا عذبتنا