رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية غمرني بحبه الفصل الخامس عشر15والسادس عشر16 بقلم سحر السحرتي

كانت الرساله الاخرى

: يا ترى عارفه انت الزوجه رقم كام 

*قامت بحظر الرقم ولم تلتفت لهذا الكلام وانتهت من تجهيز ملابسها بداخل عش الزوجيه 

: ها يا ماما ايه رايك في الشقه مش بذمتك احلى من اي فيلا 

:فعلا مجهزها حلو ومكانها جميل بتمنى تفرحي وتتهني يلا نروح عشان تعبت

: يلا يا حبيبتي 

*في اليوم التالي كانت تجهيزات الحنه وجدت رساله من نفس الرقم استغربت لانها قامت بحظره

: انا زوجه مهندس برمجيات مفكره انك هتقدري تمنعيني وكل ده عشان بحذرك انت لازم تشكريني .... لو كنت لقيت حد يحذرني بعد اللي شفته اكيد كنت  هشكره 

*رمت الهاتف بعيدا ولم تعرف كيف تتصرف حتى حضرت ايناس لمساعدتها 

:تعالي يا ايناس جوه شويه شوفي اللبس حلو 

:عن اذنك يا طنط 

*دخلت ايناس 

:في ايه ياسهر خير 

:عرفت منين اين اني  عايزاك في حاجه ثانيه 

:عشان احنا مختارين اللبس سوا مالك وشك مخطوف 

:ايناس انا بعتبرك اختي وانت عاشرتي كريم مده طويله في حاجه عن كريم ما اعرفهاش ولازم اعرفها 

:زي ايه مش فاهمك 

:شوفي الرسائل  دي

*قرات الرسائل فقامت باغلاق الهاتف كليا وهاتفها 

:دي اكيد مش مراته لانه رقم مصري وهي اصلا عمرها ما اهتمت بكريم او بشغله اكيد حد عايز يخطف فرحتك

: طب قفلت التليفونات ليه

: لانه ممكن يكون مهكرهم ويسمع احنا بنقول ايه

: والعمل انا مش مهتمه بمضمون الرسائل على قد ما انا عايزه اعرف مين بيعمل كده

: هنعرف بس بعد فرحك مش معقول هنعمل مشاكل وانت مسافره لما ترجعي ابقي احكي لكريم عليهم و اوعي  حد يبوظ فرحتك

: طب انا  هنزل مشوار بسرعه وقولي لماما اني هغير الفستان طلع مش مظبوط

: رايحه فين دلوقتي كلها ساعتين والناس جايه 

:مش هتاخر يا ايناس ارجوكي ساعه وراجعه 

بقلمي سحر السحرتي 

*ذهبت ووصلت الشركه عند كريم طرقت الباب ودخلت تفاجأ بوجودها في مثل ذلك الوقت فسألها بتخوف

: سهر بتعملي ايه هنا  مش المفروض النهارده حنتك

*ارتمت بداخل حضنه وبكت

: في ايه قلقتيني

: ابدا وحشتيني بقى لي يومين ما شفتكش

: انت كمان وحشتيني بس الموضوع مش كده

: هسالك سؤال وتجاوب بصراحه 

:انت اكتشفت اني كذبت عليك قبل كده 

:انت بتحبني

: ايه السؤال ده الفرح بكره بجد جايه و بتعيطي و بتسالي بس السؤال ده

: جاوبني بس

: لو احساسك ما ردش عليك ازاي اجابتي هتبقى رد

: طب في اي حاجه مخبيها لو عرفتها هرفض اتجوزك

: انا تقريبا حكيت لك كل حاجه وحشه عني قبل الحلو ليه كل ده ودلوقتي بالذات 

:مش عارفه حسيت اني محتاجه لحضنك وانك تطمني بس كده هروح الحنه قبل الناس ما توصل 

: سهر استني اسالك سؤال واحد ايه اللي حصل وبلاش تلفي و تدوري 

:هحكي لك وبلاش تعمل حاجه تبوظ فرحتنا

*حكيت له ما حدث وما شعرت به وكيف أنه بالنسبة لها ملجأها وسندها الوحيد 

: انت اتصرفت صح لما لجأتي لي وما خبيتيش عني حاجه وايناس برضة لما قفلت التليفونات هاتي تليفونك 

:ليه

: هكشف عليه 

:كده هتاخر 

: ٥ دقائق بس وهخلي السواق يوصلك 

*بعد عده دقائق 

:فعلا تليفونك اتهكر بعد ما فتحت الرساله الاولى خليه معاكي وبكره هبعت لك تليفون جديد صعب يتهكر لسه جاي من الصين ... بس ما تقفليش ده  ... وخليك حذره وانت بتتعاملي بيه على ما نعرف مين هو وعاوز ايه 

:هو ليه بيحصل معايا كده 

*قام باحتضانها

: يا حبيبتي انت عارفه ان كل انسان مبتلى والحياه مش دايما وردي وطول ما احنا مع بعض واثقين في بعض هنعدي كل حاجه 

*امسك راسها بين يديه 

:سهر اهم حاجه نبقى واثقين في بعض 

*وقبلها في شفتيها قبله حب واطمئنان

: انا بحبك وعمري ما هسيبك او اعمل حاجه تأذيكي 

:بجد يا كريم انا نفسي افرح وانا في حضنك مش عايزه الفرح مش عايزه اسافر المهم ابقى معاك و بس 

:هتفرحي و هنعمل احلى فرح يلا عشان ما تتاخريش يا حبيبتي وسيبي كل حاجه علي اهم حاجه عندي سعادتك 

*عادت وهي مطمئنه واندمجت مع اصدقائها وعائلتها لكنها لم تشرح لايناس ما حدث حين سالتها ... قالت لها انها ذهبت لتمشي قليلا لتصفي ذهنها .... لا تدري لماذا ردت هكذا عليها 

*مر اليوم على خير 

*صباح اليوم التالي وجدت كريم يطرق الباب

: خير يا حبيبي 

*قبلها على خدها 

:مالك مخضوضه ليه جاي اسلم على حماتي واخوكي مش معقوله اول مره اشوفه هيبقى في الفرح وحابب اوصلك للفندق حضرتي نفسك  وشنطه السفر 

:اه جوه هجيبهم بس حاساك النهارده وسيم زياده ولا بيتهيالي

بقلمي سحر السحرتي 

: ممكن لان النهارده اسعد يوم في حياتي  ....حماتي فين

: جوه اتفضل

*نادت على امها

:ماما كريم عايز يسلم عليك 

*رحبت به والدتها وسامر اخوها حتى انتهت سهر من تجهيز اشيائها 

:طب يا طنط هبعت السواق يشيل شنط سهر وهيرجع بعد ساعتين تكون سمر جت يوصلكم عند سهر 

:ما تتعبش نفسك سامر هيوصلنا 

:انا مش تعبان وبعدين سامر وعادل هينتبهوا على الولاد عشان سمر تقدر تقف جنب سهر وفي الفرح انا جبت مربيه هتراقبهم وتخلي بالها منهم اهم حاجه عندي النهارده سهر يبقى جنبها كل اللي بتحبهم

*احتضنته بفرحة وطبطت على ظهره وقالت بوجه بشوش ومشاعر صادقه 

:انا كنت خايفه على سهر بس اهتمامك ده طمني انا بحملك امانه تسعدها 

:وانا قد الامانه ادعي لنا بس يلا يا حبيبتي جاهزه 

*وضعت يدها في زراعه 

:اه جاهزه يا حبيبي 

*وهي في الاسانسير قبلته في 

خده 

:شكرا يا حبيبي

: على ايه

: كل حاجه واهم حاجه وجودك جنبي خصوصا امبارح لما حضنتني وطمنتني

:طب بعد الفرح اشكريني كويس لان الشكر ده زي قلته 

*وغمز لها فضحكت 

*كانت تستعد حتى جاءت رساله اخرى

: انت لسه ناويه تكملي افتكري اني قلت لك بلاش 

*لم تعرها اي انتباه وايقنت انه شخص يريد ازعاجها في اسعد لحظاتها 

بقلمي سحر السحرتي 

*انتهت من الاستعداد واصبحت في انتظار العريس الذي دخل منبهر بجمالها وفستانها وحجابها 

*تفاجات بان والدتها تطلب من الموجودين الخروج لتبقى هي وكريم وسهر فقط

*ضحكت سهر بعد ان خرجوا 

:ايه يا ماما هترقينا ولة هتقولي له الوصايا العشره

: لا هوقف الجوازه دي ما تلزمناش

: ليه يا ماما حرام عليك 

:حرام عليا اني ارميك لواحد اكبر منك و متجوز قبلك كثير 

:مين اللي لك كده 

:عرفت وخلاص 

:ولما عرفتي وخلاص اشمعنا دلوقتي ... ما فكرتيش  ان اللي بلغك في الوقت ده عايز يخرب الجواز ليه ما بلغنا من بدري  .... فرق السن مش مهم بالنسبه لي لانه مش كبير قوي وهو مش متجوز غير واحده بس وانت عارفة ده

: لا متجوز

: معاكي اثبات

: لا مش معايا

: يبقى ليه عايزه تكسري فرحتي بكلام فارغ حقود قاله ومفيش اي دليل عليه 

:كريم انت كنت متجوز قبلها 

:ماما انا اللي برد عليك

: انا بكلم كريم اسكتي انت 

:يا طنط انا على ذمتي سهر بس وام اولادي ولو عايزه تستفسري عن اي حاجه هشرح لك واحكي لك لكن مش قبل ما اعرف مين اللي بلغك وقال لك ايه عشان اعرف ادافع عن نفسي

: لا هترد دلوقتي

: طنط انا مش هرد دلوقتي لان دلوقتي فرحنا ومش هحقق للي بلغك حلمه بانه يمنع جوازنا وفي جميع الاحوال سهر مراتي وماحدش هيمنعني اكمل الفرح مع احترامي لحضرتك

: يعني ايه ازعل واتفلق واخبط دماغي في الحيط طب انا همشي ولو هي عايزه تكمل تتفضل 

*امسك يدها و قبلها برجاء وتوسل

: لا طبعا اسف ما اقصدش اللي وصل لحضرتك انت زي امي بس كل الحكايه اني بحب سهر وانا كرجل اعمال عندي اعداء كثير ممكن يكون حد بيكذب عليك عشان يبوظ فرحتنا 

:وهيكسب ايه

: فضيحه لرجل الاعمال تضرب باسهمه في السوق ما فكرتيش فيها ليه من الزاويه دي 

: امال مش عايز تجاوبني على سؤالي ليه الإجابة سهلة اه او لا

: لان ما ينفعش اقول اه من غير ما اشرح وما فيش وقت وانا شرحت لسهر شريكه حياتي كل حاجه عني وهي وافقت اوعدك بعد الفرح لو عايزه شرح وافي بكل حاجه هشرح لحضرتك لكن توقفي الجواز دلوقتي عمره ما هيفيد حد غير الحاقد اللي بلغك حتى سمعه سهر ممكن تضر 

:امري لله اقنعتني اتفضلوا وبعد الفرح هتقعد تشرح لي كل حاجه بالتفصيل 

:من عيني يا ست الكل انت تؤمري

*كانت سهر تمسك بيد كريم بقوه وهي تشبك اصابعها مع اصابعه وكانت ترتجف من شده الخوف ان يلغى زفافها 

*بعد ان اقنع والدتها قبل يدها بحنية 

:ما تخافيش يا حبيبتي مش ممكن اسمح لحد ياخذك مني حتى لو امك

: انا كنت خايفه اتحط في اختيار بينك وبينها ما كنتش هقدر ازعلها او اتنازل عنك

: وانا عمري ما كنت هخليك تتحطي في الاختبار ده 

*تم الزفاف وكانت حفله من اجمل ما عاشته سهر في حياتها كانت ترقص مع كريم وعيونهم تشع عشقا وشوقا لم يخفى عن كل الحاضرين 

*تاكدت والده سهر ان كريم لا يحبها انما يعشقها وخاصه عندما احضر لها شبكه رائعه الجمال دون ان يخبرها وايقنت ان من اخبرها كان يريد نزع فرحتهم فأبت سؤاله عن ما قيل في حقه

بقلمي سحر السحرتي 

*انتهى الحفل وسافر كريم وسهر ليقضي اجمل ايامهم سويا دون ازعاج ... فقد اخذها الى جزيره بعيده يسكنها عدد قليل من الناس ليشعر انه هو وهي فقط

*كانت سهر سعيده والفرحة تملاء قلبها من هذه المفاجأة 

: انا مش مصدقه يا كريم معقول احنا لوحدنا ما فيش حد حوالينا ولا يقدر يشوفنا

: انا جبتك هنا عشان تبقي على راحتك تعومي و تلبسي اللي نفسك فيه يلا بقى نصلي

: ده مش وقت صلاه انا صليت الفجر خلاص ولسه بدري على الظهر

: انت بتستهبلي عليا صح يلا بقى لان في شرح كثير فاتك غير انك وحشاني اوي

:طب ننام ونصحى نصلي وتشرح وتسترسل في الشرح كمان 

:من ناحيه ننام فاحنا هنام

: يا كريم تعبانه وما نمتش

: انت نمت في الطياره انا رايح اصلي و براحتك

: لا احنا هنبداها بزعل دقيقه اجيب الاسدال

: ناس مش بتيجي الا بالعين الحمراء 

*بعد الصلاه غابوا في عالم العاشقين 

:مبسوطه يا حبيبتي 

:مش متخيل انا حاسه بايه دلوقتي مجرد انك معايا وانت حاضني بالشكل ده بجد احساس حلو قوي 

:حضنك بس انت ما فهمتيش حاجه من اللي شرحتها تعالي هعيد شرح بس ركزي

*ضحكت بسعادة

: لا خلاص فاهمه كل كلمه خليني معاك كده نفسي الزمن يقف وما يمشيش عارف انا لو مت هبقى راضيه لان الحلم الوحيد اللي حلمته اتحقق خلاص

: بذمتك في حد في اللحظه الحلوه دي يجيب سيره الموت 

:اصل اوقات بيجي لي احساس ان عمري قصير هو صحيح لو مت هتتجوز غيري

: رسمي طبعا لا عرفي اه 

*ضربته بقبضه يدها على صدره 

:اخص عليك طب اعملها كده وانا هاجي لك في احلامك اخليك تصحى تكلم نفسك

: مش انت اللي بتسالي اكدب يعني 

*وضحك عليها

: انت مش دبلوماسي المفروض تكذب في الحالات اللي زي دي مثلا لما اسالك انا تخنت تقول لا يا حبيبتي ده انت هفتانه  ...او اقول لك الاكل حلو ولا وحش تقول طبعا ما فيش طباخه احسن منك

: انا حاسس ان دي اجابات اجباريه 

:طبعا عشان تعرف تعيش في سعاده للابد 

:طب ابقي غششيني

: هبقى المحلك

: طب ادفعي اللي عليك 

:اللي هو ايه

: فاكره لما شكرتيني امبارح في الاسانسير

: هاه لا مش فاكره

: تعالي انا هفكرك 

بقلمي سحر السحرتي 

*و غابوا مره اخرى في عالم الاحلام

*مرت ايام شهر العسل سريعا وعادوا الى عش الزوجيه

: كريم بعد بكره هننزل الشغل 

:ايوه يا حبيبتي مش عايزه تشتغلي وتحبي تقعدي زي ما تحبي

: لا اقصد هو انت عرفت مين اللي كان بيبعت لي الرسائل احنا من يوم ما سافرنا وانا قافله التليفون وكلمت ماما مره واحده طمنتها وقلت لها اني في مكان ما فيهوش شبكه

: انا عرفت مين قبل ما نسافر و اتعاملت بس ما حبيت ازعجك 

:مين حد اعرفه

: هو في غيره 

:هو ما حرمش بعد ما اتحبس 

:واضح انه مغلول اني اشتريت الاسهم بتاعتهم

: وعملت ايه معاه

 : اتصرفت وخلاص يا سهر

: هو انا ليه حاسه انك بتسلكلي 

:ايه بسلكلك دي يعني ايه 

:سيبك من المعنى وخليك في المضمون 

:خلاص بقى يا حبيبتي هو احنا هنتخانق 

:ما انت بتحسسني انه مظلوم وانا بفتري عليه

: عارف انه مش مظلوم يا سهر واني باجي عليك كثير بس عمي كان هيروح فيها المره اللي فاتت انا متكتف عموما خلاص هم مسافرين و سايبين البلد كلها و محطوط تحت المراقبه 

:هو ده اللي انت عملته كثر خيرك وتعبت نفسك ليه ما كنت بعتله جواب شكر

: امال ه قت له

:لا سيبه مرة يتحرش بيا ومرة يفضحني والاخير عايز يفرق بينا واكيد هينجح في المرة الجاية أنه يق تلني ما ده اللي فاضل يتعمل

: في ايه يا سهر عمرها ما هتوصل لكدة وقلت لك خلاص انا اتصرفت

: عموما يا كريم قصتك ناقصه ويوم ما هعرفها مش هسامحك

*رد بعصبية ولا مبالاة 

:اللي تعرفي تعمليه اعمليه

*صدمت من طريقته

: ايه ده انت قلبت كده ليه الموضوع فيه إنا ولازم اعرفها 

*قال بعصبية وصوت عالى لم تعهده من قبل

:بقول لك عمي كان هيموت وانت مصره اخذ موقف سفرتهم بره البلد نهائي اعمل ايه ثاني

: ولا حاجه هعمل انا وخليك باره الموضوع 

*امسك ذراعها بقوه والغضب يخرج من عينيه 

:انا قلت خلاص اتصرفت وبحذرك تعملي حاجه 

:اي ايدي بتوجعني انت ماسكني كده ليه 

:لاني بقول الكلمه مره واحده بس ولازم تسمعيها

*ردت بكل عند وتحدي

:لا يا كريم الكلام اللي قلته مش مقنع ولازم اعرف مين اللي بعت الرسائل و هعرفه

الفصل السادس عشر 

تحدث هذه المره بصرامه اكبر 

:ابقي جربي يا سهر تكسري كلامي و هتشوفي كريم مختلف 

:يعني هتعمل ايه هتطلعني باره البلد انا كمان اشك 

*قال بكل غضب وصوت عالي 

:سهر ابعدي عن الموضوع ده 

*رات الشر في عينيه ففضلت ان تبحث دون ان يدري

: حاضر هبعد وانت كمان ابعد وبلاش تتكلم معايا وشوفلك مكان تاني تنام فيه النهارده 

*وذهبت الى غرفه النوم تجري وارتمت على السرير تبكي 

*ذهب وراءها وقام باحتضانها فبعدته عنها فقال بعصبيه

: هو ايه شغل العيال ده انا جاي اصالحك 

:ومعنى انك جاي تصالحني ابوس ايدي وش وظهر و اتصالح عادي ولا كانك زعقتلي ولا كانك وجعتلي ذراعي صح عبدة انا ما ليش شخصيه

: مش كده يا حبيبتي انا ما قلتش كده بس عمي ده اللي فاضل من العيله ومش حابب يموت بسببي 

:موته هيكون بسبب عمايل ابنه 

:اهم مشيوا لو مات يبقى بعيد عني ما تزعليش بقى حقك علي ومش معقول مامتك جايه كمان شويه تلاقيك بتعيطي

: خلاص يا كريم قوم وانا شويه وهبقى كويسه

: لا مش هسيبك حقك علي بقى 

*وبدا في تقبيلها وذهب بها في عالمه الخاص كوسيله لردعها عن معرفه الحقيقه فتظاهرت انها نست كي تبحث دون أن يدري

*بعد اسبوعين من البحث في العمل ذهبت لمكتب ايناس

: ايناس فاضيه بعد الشغل عايزه اتكلم معاكي في اي كافيه قريب 

:اه بس ساعه لان جوزي اليومين دول بيرجع بدري

: مش هاخرك 

*بعد العمل جلست في احد الكافيهات مع ايناس

: من غير لف ودوران و هدخل في الموضوع على طول عشان ما تتاخريش انا بالنسبه لك ايه 

:صديقه واخت وبحبك جدا بس لازمته ايه الكلام ده يا سهر 

:والاخت تجوز اختها لجوزها اقصد طليقها 

*صدمت ايناس من كلام سهر 

: ايه مش فاهمه

: ايناس انت بالذات بتفهمي قبل ما نتكلم قلت لك من غير لف ودوران 

:طب بما انك عرفتي اكيد برده اكتشفتي أن دي حاجه كانت في الماضي وخلصت وده حصل اول ما اشتغلت في الشركه وحسينا ان ما فيش تفاهم كزوجين فانفصلنا و حسينا اننا بنتفاهم في الشغل اكثر فاستمرينا بنشتغل مع بعض مش اكتر من كده 

:انت كنت عارفه انه بيتجوز كثير وما حذرتنيش منه ليه بدل ما احبه 

:فكرتك زي باقي البنات هيتجوزك يومين وخلاص

: اختك و صديقتك و يتجوزني يومين وخلاص 

:اه و هتمشي زي اللي قبلك بس 

: بس اللي حصل العكس اتجوزني رسمي وعمل لي فرح فبعتي لي رسائل يوم الحنه

: اه كنت بحذرك منه 

:بتحذريني منه قبل الفرح بيومين هي دي الصداقه في نظرك 

:ما عرفتش اعملها قبل كده كان ممكن يكتشف و يرفدني من الشغل وانا عندي التزامات

: ولو عرف دلوقتي هتعملي ايه 

:سهر ارجوكي اخلص التزاماتي كم شهر و همشي

: انا هسيبك ومش هتكلم واحكيله لو جاوبتي على كم سؤال انت ورا الفيديو اللي نشره نبيل

: من غير قصد لمحت انك بترقصي كويس وان معايا فيديو لحنتي

: لمحتي انت من امتى بتلمحي يا ايناس

: انا بجد ما ليش علاقه ولا اعرف انه هيغيره ويحط رجاله حواليك بدل البنات كنت عايزاك تبعدي عن كريم بس ما يكون ليا يد

: سؤال ثاني في حاجه عن كريم لازم اعرفها

: اه كريم غضبه وحش قوي حاولي ما توقفيش قدامه وتناقشيه 

:نعم 

:زي ما بقول لك كده انا ما قدرتش اتحمل غضبه ولو قال كلمه اسمعيها من اول مره طبعه كزوج سيء هي مراته سافرت ليه تفتكري هربت منه زي ما قلت لك

: انا مش قادره اصدق انت وكريم كنتم متجوزين و قدرتي تتعاملي معايا ازاي

: زي ما اتعاملت مع غيرك كثير 

:انت عداهم

: مش كلهم ناس بعرف عنهم بالصدفة وناس لا 

:هو انت كنت بتنزلي معايا وتشتري جهازي ازاي مش مصدقة كنت بتمثلي عليا انك صاحبتي ازاي

:شوفي انا دلوقتي متجوزه وبحب جوزي ولعلمك مبسوطه معاه اكثر ما كنت مع كريم بس 

:بس ايه 

:بس دخل قلبي شويه حقد انك اتجوزتيه رسمي وعرف الناس عليك اسفه سامحيني لاني حسيت اني رخيصه لما قبلت اتجوزه عرفي 

:وقبلتي ليه تتجوزيه عرفي

:استغل الفترة دى اني كنت محتاجه فلوس ظروفي كانت صعبة كنا وقتها هنترمي في الشارع ....... قلت جواز عرفي افضل من أنه يبقى من غير جواز خالص

: هو فعلا كان بيتجوز يا ايناس 

:اه ما كانش بيحب يعمل حاجه حرام 

:ومين اللي كان بيكتب العقود 

:كاتم اسراره والدك قصدي اللي انت معتبراه زي والدك 

*ردت بصدمة

:اونكل عبد الله

: اه سياده المستشار 

:انت اللي قلتي لماما 

:اه كنت بحاول انقذك باي شكل 

:تنقذيني بشكل غبي كنت عايزه تسوئي سمعتي لما يوم الفرح يتلغي الجواز انا كنت اتدبست خلاص وبقيت مراته 

:انا اتفاجئت انك كتبت الكتاب في المستشفى بالسرعه دي ما لحقتش الطريقة دي اللي جت في بالي 

:خلاص يا ايناس قومي روحي عشان جوزك لان انا كمان تعبت و مصدعه 

:سهر ارجوك سامحيني وخلينا نفضل اصدقاء 

:للاسف ما بقاش ينفع انا هسيب الشغل بس مسامحاكي لانه غصب عنك هو السبب هو اللي دفعك تعملي كده انت مجرد رد فعل

*عادت الى المنزل تبكي وتبكي إلى أن نامت وكأنها ارادت ان تنام وتستيقظ تجد كل ذلك كان كابوس مزعج وانتهى

*عاد كريم وجدها نائمه على غير العاده فبدل ملابسه بهدوء وخرج جلس في الصاله 

*استيقظت وقامت لترى اذا كان عاد من العمل لكنها كانت غير متزنه فسقطت استمع لصوت ارتطامها بالارض فدخل مسرعا 

:سهر حبيبتي مالك

: ابدا الصداع خلاني افقد اتزاني واقع

: طب تعالي اسندي عليا اوعي تكوني حامل هتبقى مشكله 

*اندهشت من جملته

: يعني ايه اوعي تكوني حامل  احنا متجوزين على فكره ولة ناسي وطبيعي ان ممكن اكون حامل 

*بعد ان اجلسها ترك يدها وقال بعصبيه 

:احنا متفقين من الاول نأجل الحمل سنه او اثنين وبعدها اعملي اللي يريحك عايزه دسته انت حره

بقلمي سحر السحرتي 

*ردت عليه بنفس العصبيه 

: انا ملتزمه في اتفاقي معاك بس افرض حصل من غير قصد  

:هتنزليه طبعا

: لا انت بتحلم يا كريم  .... وايه اصرارك اننا ناجل الخلفه ..... واضح انك عايز تتبسط معايا شويه وبعدين تطلقني وتطلع بأقل الخساير 

:مين اللي فهمك الكلام الفارغ ده 

:هي دي الحقيقه اللي واضحة قدامي و حقايق ثانيه كثير وضحت عموما انا عن نفسي بقيت دلوقتي مش عايزه حاجه تربطني بيك الحكايه كلها مساله وقت

: مساله وقت على ايه

: على ما تسيبني و ترميني زي غيري بس انا فعلا انا اللي استاهل انا اللي رخصت نفسي وقللت من قيمتي

: ايه الكلام اللي بتقوليه ده انا عمري ما هفكر اسيبك وشرحت لك انا ليه كنت بتجوز ولو ما كنتش حبيتك ما كنتش اتجوزتك رسمي

: لا انت اتجوزتني رسمي عشان ما كنتش هتعرف تتجوزني عرفي

*امسكها من ذراعها وقال بعصبيه وغضب 

:ايه الكلام الفارغ اللي بتقوليه ده مين حط الافكار دي في  مخك

: ايه سبب دراعي تاني بتمسكه كده تنكر انك قلت الكلام ده لايناس

: انا عمري ما اتكلمت مع ايناس أو غيرها  عنك او عن اي واحده اتجوزتها هي اللي قالت لك كده 

*دفعت يديه بعيدا عنها

: لا هي ما قالتش كده بس توقعت 

: توقعتي من ذكائك بتتوقعي وتعملي الحوار ده كله عايزة تتخانقي وخلاص 

: اه عايزه اتخانق بعد ما عرفت الحقيقه 

: حقيقة ايه 

: مين اللي كان بيبعت لي الرسائل ومين ورا الفيديو المنحرف اللي اتفبرك عني و دبسني في الجواز منك 

:انت شايفة انك ادبستي بجوازك مني

:اه ادبست لما تعرف اللي آذاني ومش راضي تجيب حقي وانت جوزي و سندي وظهري اللي لازم يدافع عني 

*شعر بغضبها وحزنها فقام باحتضانها وتقبيل راسها 

: ممكن تهدي انا اسف احكيلي بقى عرفت ايه يمكن يكون عندي تفسير وانت ظلماني

:لا مش ظلماك تنكر انك كنت متجوز ايناس 

:لا هنكر ليه ما انا معرفك اني كنت بتجوز ما ضحكتش عليك 

:لا ضحكت لما ما قلتش اسمها

:هو انا قلت لك على اسم حد اصلا عشان ابقى ضحكت عليك

:لا ما قلتش طب تنكر انك عرفت ان هي اللي كانت بتبعت الرسائل وقلت انه نبيل

:سهر وانا بجاوبك قلت مفيش غيره لكن ما قلتش هو شريك مين 

: يعني ايه هي كانت بتبعتها باتفاق مع نبيل

:اه

:اه و سايبها تشتغل معاك عادي وتضحك في وشي و عايشة حياتها وحقي ضايع

: ممكن تسمعيني بهدوء و هشرح كل حاجه 

:لا مش هسمع

: ليه يا حبيبتي انا حابب احل الخلاف بينا مش حابب يبقى في بينا مشاكل 

: كريم انا مش قادره اسمع حاجه الصداع هيموتني هعمل قهوه واخد مسكن و بعدين نتكلم ممكن لان مش قادره اتحكم في اعصابي وانا مصدعة وممكن اقول كلام يزعلك

: طب خليك انت يا حبيبتي هعملك القهوة 

*امسكت يده بكل حب 

: بجد يا كريم 

:  هو ايه اللي بجد 

: بجد من قلبك بتقولي يا حبيبتي و بتحبني بجد مش شويه وقت بتقضيه معايا و هتسيبني انا دماغي هتتفرتك من التفكير 

: ارتاحي انت بس و هعمل لك القهوة ونتكلم و هطمن قلبك اللي مغلبني ده

*بعد ان اعد لها كوبا من القهوة 

:هاه يا حبيبتي حاسه بتحسن 

: اه شويه 

: ناجل كلامنا لبكره وتستريحي وتنامي

: لا انا عايزه اطمن لو سمحت 

*جلس و اجلسها على ساقيه بداخل حضنه وارجع خصلات شعرها خلف اذنها وقبلها قبلة طويلة وتنهد وقال 

: سهر دي اخر مره هتكلم معاك في موضوع جوازي وما تخلنيش اندم اني حكيتلك وفتحت قلبي وقلت لك على الوحش في حياتي قبل الحلو 

:انا اسفه بس كل فترة بتفاجئ بحاجة تخلي مخي يشت 

: انا هحكيلك حكايه ايناس بس ومش ملزم بعد كده احكيلك على اي واحده ثانيه اتجوزتها

*اخذ نفس عميق وبدأ يقص عليها 

: ايناس اول ما اشتغلت عندي عجبتني فطاردتها وهي كانت رافضة طبعا الجواز العرفي .... بس انا كنت سئ جدا و استغليت ظروفها و احتياجها الفترة دى للفلوس لانها كانت بتمر بأزمة مالية .... وعشان تحلها وافقت وهي مجبرة عمرها ما حست بالسعادة معايا ولا انا بصراحه 

*ونظر بخجل في الارض 

: كانت جوازه شهوة من بنت جميله أطلقنا .....  وعشان أكفر عن ذنبي من ناحيتها وعشان ظروفها سبتها تكمل شغل .... وهي بصراحه كانت مخلصه وأمينة .... لغاية لما شفتك و اشتغلتي هي حست اني بحبك 

: ايه المشكله ليه كانت بتكرهني و خلاها تعمل كده

: هي مش بتكرهك هي بتحبك لكن شايله مني لاني اجبرتها على الجواز العرفي ولما جت تتجوز ما قدرتش تتجوز طبيعي طبعا الا بعمليه ترجعها بنت  زي ما انت فاهمه

: كان ايه المشكله يعني  في جوازها 

:سهر افهمي كان جوزها هيعرف انها كانت على علاقه براجل ثاني ومش هيصدق انه جواز لانه غير موثق 

:ااااه فهمت برده ايه علاقته بالرسائل والفيديو

: الفيديو هي ملهاش علاقه بيه هي بس حبت تبعدك عني فلمحت لنبيل ان عندها على اساسي يهددك بيه و يتجوزك  لكن عمرها ما كان في بالها انه يعمل كده 

:والرسائل

: هو بقى اللي لمح لها  تنقذك عن طريق الرسائل وممكن يتجوزك عشان ينقذ سمعتك من الفضيحه 

:طب ليه ما اخذتش معاها اي اجراء

: ايناس ظروفها صعبه وانا حسيت انا قد ايه كنت ندل معاها هي اتضايقت اني اتجوزتك رسمي وعملنا فرح والناس كلها عرفت 

:لكن اما اتكلمت معاها حسستني انك شويه و هتطلقني وان مراتك هربت منك 

:هي عرفت اني متجوزك للابد عشان كده حصل  جواها شويه حقد لانها ما قدرتش تتجاوز انها غشت جوزها لما خبت عليه أنه مش اول راجل يلمسها بس هي طيبة صدقيني 

:ازاي عرفت انك انت متجوزني للابد

: لاني اشتريت اسهم عمي و كتبتها باسمك رغم رفضك وكنت ناوي اقدمها هديه في عيد جوازنا اللي جاي هتورطني في هديه ثانيه اظن ما فيش حد ناوي يسيب واحده يخليها شريكه معاه في شركته

 *قبلها بحب :انت شريكه حياتي وقلبي و شركتي

: وانت ليه ما فهمتنيش كل ده لما سألتك بدل المشكله اللي حصلت بنا

: ما كنتش عايز ايناس تنزل من نظرك و تقدري تتعاملي معاها عادي

 :انا كلمتها النهارده وكانت مصره تكرهني فيك 

:انا قلت لك ظروفها واللي انا عملته معاها ..... انا فهمت السبب و عذرتها ...... القرار عندك يا تسامحيها يا اما لو تحبي ارفدها و هخلي حد من اصحابي يشغلها عنده لانها فعلا ظروفها صعبه 

:مش عارفه يا كريم مش قادره افكر واكتر حاجه كمان ضايقتني ان اونكل عبد الله هو اللي كان بيكتب لك العقود العرفي 

:عبد الله صديق قديم لوالدي ومن بعده كان صديق ليا وعارف كل ظروفي وقبل ما تدخلي المستشفى كنت طلبت ايدك منه و اتناقشت معاه بس تراجعت لما قدمتي استقالتك فكرتك هترجعي ليزن 

:وهو كان موافق على جوازنا

: اه وطلب مني اعترف لك بكل حاجه وانا وعدته فبلاش تلومي عليه 

: طب انت ليه لما بتتعصب بتمسكني جامد من ذراعي وبحس انك ممكن تضربني

: اسف يا سهر انا فعلا عصبي بس بحاول معاكي اتحكم في اعصابي فارجوك سامحيني وانا هتغير ومش هعمل كده تاني وبلاش تخلي الماضي يطاردني ويعمل مشاكل في حياتينا

 *قبلته بحنيه ودلال

 :حاضر يا حبيبي بس لو كنت صريح معايا من الاول لما سالتك كنت وفرت علينا المشاكل دي كلها

: انا قلت اسبابي حاولي تقدريها 

*وقام بحملها بين ذراعيه 

:هتعمل ايه 

:اسكتي مش فاتك شويه شرح 

ضحكت : استنى بس لما تاكل انت لسه ما اتعشيتش 

:حد يبقى معاه حبيبته ويدور على اكل تعالي عندي كلام كثير 

وغرقا في عالم الاحلام في 

اليوم التالي ذهبت سهر لمكتب ايناس

            الفصل السابع عشر من هنا

لقراءة باقي الفصول من هنا

تعديل المقال