رواية أأستحق هذا العذاب الفصل الرابع والعشرون24وااخامس والعشرون25 بقلم ميفو السلطان
كان جبل يقف متسمرا عندما اقتربت بهدوء ومسكت يده تعالي يا جبل اني خلاص هريحك وزي ما جولت يمكن لما تاخدني ترتاح ...
ذهبت الي المنضده كانت عليها بعض الاوراق وبعض الاقلام واخرجت ورقه وبدات تخط فيها ....وهو ينظر اليها برهبه ...
اقتربت منه ...يلا يا جبل امضي ..
نظر اليها مبهوتا ....امضي امضي علي ايه .
قالت ببلاده ... امضي بس هريحك ..امضي عالورجه ...فقد كتبت عقد لهم وتركته ... ..اجفل النور يا جبل ..كان يمسك الورقه كالمخبول لا يفهم شيء ..هزت راسها واتجهت للنور وقفلته واقتربت منه .
انصدم مرتعبا عندما مدت يدها الي قميصه وقالت ..دلوك هتاخد مني اللي عايزه وبعديها هترتاح انك خدت جمر ...انت جولت جايز لما اخدك هرتاح... كانت تفك ازرار قميصه وهو مذهول .
فمسك يدها وصرخ.... انت بتعملي ايه ابعدها وذهب يفتح النور واستدار منفعلا ..انت مخبوله انت متجوزه اخدك في الحرام .
ضحكت ،مين اني متجوزه ...،،و حرام ،،،هو فيه حاجه في اللي بينا حلال يابن الناس .
صرخ.... انت ضاربه ورجه انت انخبلتي عايزه تلبسي نصيبه هتتجوزي مرتين ..ايه الحزن ده .
مسك الورقه ومزقها اربا و قال.....جمر انت تطلجي واخدك وتسمعي الكلام الا بجت حاجه ماحدش يتحملها .
نظرت اليه ببلاده فهو لا يعلم انها لم تتزوج من الاساس ..كانت تحس انها جثه تتنفس ..همست ... ..اطلج .،اه صوح فعلا هطلج وتاخدني ...حاجه تانيه اعملها .
جمر فيه ايه هنطلج وهكتب عليكي رسمي جدام الخلج .
اكملت ببلاده ..ايوه صوح هطلج وتكتب عليا جدام الخلج ..كانت تردد مايقوله كانها ليست معه .
احس برهبه فمنظرها عجيب ..شدها اليه وقال بخوف ... ..جمر بيكي ايه انت مخبيه ايه فيه جواتك حاجه واعره جولي .
ابتسمت ..ليه عايز تعرف ،،،انت لك في اللي جواتي يابن الناس اني عرضت عليك حالي انت اهه رفضت مالكش صالح باللي جواتي سيبه بحزنه ..
قال....جمر كتير عليا اللي بيحصلي ده يا بت الناس .
همست ..كتير ..طب مافكرتش مره تسامح وتنسي جايز دنيتك تهدي .
صرخ بحرقه ..اسامح اسامح حاولت حاولت اسامح بس الجهره مكلبشه في جلبي عمري مانسيت نومتي عالارض مكان جزمتك واني ببكي علي حب راح بالرخيص حاولت كل يوم بالليل بتعذب نفسي بس ماعارفش اني هنجن عايزك وخلاص .
شدت نفسها منه وقالت،.....عايزني وخلاص ..هو مافيش الا اكده ..تنهدت بوجع وانفاسها تشق قلبها ...،،اسمع يا جبل عشان بس اني والله ماعت فيا نفس يابن الناس انطج ..انت لك حاجه واحده بس عندي.... واشارت علي جسدها .،ده هو اللي هيخليك تاخد حجك مني وترتاح وتبعد وتنساني..انا غلطانه سماح ايه هعمل بيه ايه من اساسه ..
سيبتلك حالي وتاني بجولك خد يا جبل عشان تنسي جمر ... ألحج نفسك يابن الناس عشان اني لو انطبجت السما عالارض ساعه ماجول خلصت ماهتلاجنيش جدامك .اني هجفل النور عشان تاخد وتشبع عشان جمر مالهاش تتاخد الا في الضلمه ..مشي دنيتك والحج حاجه ..خد واشبع واللي فات ادفنه زي ماني دفنت كل حاجه .
صرخ انت مخبوله انت عايزه تجننيني ...
ابتسمت له بحنان لاول مره واقتربت ...احس برهبه فهيا منظرها عجيب ....اقتربت ووضعت يدها علي قلبه ...ادفن غلك يا جبل وعيش وافرح.. عمري ماتمنتلك حاجه عفشه حاول تنسي اللي جمر عملته فيك حاول جول يا رب وخرج الغل من اهنه هترتاح ..جته جمر مش هتريحك يا جبل بس برضك اهه بجولك خدها جايز زي ما بتجول لما اخدك هرتاح ونفضها وترميني .،اني خلاص عرفت اللي فيها يا جبل وعرفت جواتك ...خد واشبع هترتاح ...
جعدت سنين بدعيلك يريح جلبك وماعارفاش انت ليه اكده ماحدش يابن الناس بيجعد عمر الغل بيحركه .انت مش عايش واني خلاص عليا اكده اني مت من زمان ..ورجعت مت موته مالهاش راجعه انهارده لما كلمتك شجت جلبي ..والحمد لله انك جولتها وريحت جلبي كان الجلب اهبل وبيجول لسه فيه بس اللي فيه يحزن الحزن نفسه ..
بنصحك لله ارجع من موطرح ماجيت واتجوز بت خالك وانسعد عشان اخره الطريج ده عفشه وسيب جمر باللي كان ..
مسكها بقوه وقلبه يتمزق بجنون .. ......لاه انت مخبيه حاجه وكتي كيف المجنونه واعرف ايه واشوف ايه انطجي اني ماعتش هسكت لك واصل .،اني عايز اخلص الحزن ده شوفي ميته هتبقي معاي الا هموتك واخلص من عذابك اني جتتي ماعادتش مستحمله .
نظرت اليه تتامله ببلاده وكلامه يميتها اكثر قالت بقهر ...محسسني اني زباله وجرف عايز تطوله وترميه بسرعه ..كني مش بني ادمه بحس .. لاه كلبه فلوس .
صرخ .... هو جصه ومالك جالباها درامه اكده جولت هغرجك فلوس ودهبات بس اخدك ليا .
...ابتسمت تاخدني ،،،وتغرجني دهبات ،اقتربت منه ،عيون جمر ماعادتش عالدهبات يا جبل .
قال ساخرا ..امال علي ايه هاه علي حاجه اكبر مش اكده ..توصلي بجهرتك ليا تبقي ست الناس وهانم مش اكده وتتحكمي وتكبشي مني صوح ده اللي مخططاه ..صرخ بحرقه وهعملك كل ده هشبعك يا جمر جايز عينك تتملي وترحميني اني ماعتش فاهمك.
ظلت تنظر اليه وكلامه ينهش قلبها.
قالت... اني ماشيه يا جبل ماعنديش كلام اجوله خلاص .
اقترب ومسكها .. اني بقه عندي كتير وعندي وعندي اما تطلجي وتبقي بتاعتي هعرف اني ليه ايه عندك وهاخده هعرف يا جمر جبل ماهواش اهبل وعارف انك مخبيه حاجه .،يحصل الطلاج اخدك واتصرف فيكي وهعرف ..اني هتصرف وانت تسمعي من سكات عشان العيشه تمشي لاني لا ههدي ولا هسيبك .
ابتسمت .،بس اكده ،،حاضر يا جبل هروح اطلج واجيلك علي طول هريحك عالاخر العبده اللي اتخلجت ليك هتعمل فيها مابدالك عاوز تشرح شرح عايز تغرز اغرز ،،الجته الميته مابتحس يابن الناس. هروح اطلج واجي تتصرف فيا بس اكده ..
واستدارت شعر ببعض الخوف فاندفع واحتضنها بقوه احست بقلبها يصرخ وجعا استكانت ونزلت دموعها وركنت علي صدره ترتاح شعر ببعض الذعر احس ان بها شيء مخيف ،،قال... .،جمر اني مش مطمن فيكي ايه .
ولاول مره رفعت يديها وحاوطته فانصدم وشدد عليها كانت تحس ان ذلك اخر نفس لها كانت تحتضنه ودموعها تسيل بغزار ابعدها همست ..جبل احضني بالله عليك ...احس بقلبه يتمزع اشلاء ...شدد عليها وهيا من احضانه تتنفس لاخر مره فقد عزمت ان ترحل بلا عوده ستنهي ذلك العذاب وكفي ..
بدا يشعر بالذعر والخوف ...مسك وجهها .....جمر ماتخوفنيش فيه ايه انت عامله ليه اكده .
همست بوجع ..اسكت يا جبل بالله اسكت حبه بس حاوطني بيدك واسكت .شدد عليها اغمضت عيونها وبدا شريط حياتها ينعاد ..
وقوفها اعلي السلم في حلقه التحطيب.. ..عيونها وقت ان خطفت عيونه ..حب سنه وعشق انغرز بداخلها ..فستانها الذي ستلبسه له وقت ان تكون حلاله ...ابيها وسليم والهدايا ..تركها له ونتشه قلبه ...دعاه عليها وموت اخيها فكلبشت فيه في تلك الذكري بقوه كانها تحتاجه تحتاج احد يملس علي قلبها التصقت به تشعر بالم حاد لعل دقات قلبه تطبب دقاتها المدبوحه لتتوالي ذكريات العذاب منذ ان عاد حياتها الي وقت ان طعن قلبها بقوله انه يريد جسدها ....في تلك اللحظه انت بوجع انه شقت قلبها وغرزت اصابعها في يده .فلم يعد القلب يشعر لم يعد القلب يضخ لتنتهي دقاتها باخر نفس بقربه وانساب جسدها مستسلمه لقدرها ان يخرج الجبل من حياتها .
كانت تغرز فيه وما ان انتهي شريط زكرياتها لانت ..وانسابت وتركت يدها فارتعب ...فصرخ .....بيكي ايه .
همست ونظرت اليه ودموعها متحجره في عيونها ... ،،،جبل بالله عليك ماتدعي عليا تاني واستدارت وتركته وهو يقف يحس بدبحه في قلبه كان قلبه يان وجعا ..
رحلت هيا وقد تشكلت حياتها امامها رحلت تبتعد عن الجبل وثقله فقد هال حجارته علي قلبها مزعت اوصاله ..ركنت حجاره الغل والكره علي قلب القمر تدعسه وتنهش فيه وهيا لم يعد هناك قطره دم تنبض لتكمل بها الحياه لم يعد هناك نفس فقد نتش النفس ونتش ما بداخلها من طاقه ..طاقه المواجهه والتحمل فليذهب وتذهب القصه قصه العذاب قصه لا تستحقها ولن تتحملها اكثر من ذلك ..
دخلت علي عرفان واخبرته انها راحله و ستاخذ باسم وترحل .
قال ..يا بتي الهرب مش حل اجعدي وهنشوف حل.
قالت... ..حل ايه يابوي .،دا بيجولي ماهجيبش منك عيال ماتنفعيش تربي عيالي ....بيجولي جايز لما اخدك ارتاح عايز ياخدني يجضي رغبته ويرميني .جالهالي في وشي حتي ماجملهاش ..كل كلامه عن جتتي وبس ....انت شايف حالي بقه كيف ..والله اصعب عالكافر ..اصعب عالجادر اللي مابيرحم ..اني اصعب علي اي حد الا هو مابصعبش عليه واصل ..لما جالهالي حسيت بالجرف من حالي معاه... اني جاعده ليه من اساسه .،ليه في حياته كت عملت ايه لده كله مالاجياش حاجه عملتها ..داني لو خاطيه وتبت كت اترحمت واني مش خاطيه ..اني صاينه نفسي وزهدت دنيته ..
قال عرفان بحزن ..جمر ..جوليله يا جمر انت بتعشجيه .
ابتسمت ..اجوله اجوله ايه ..اني مانفعش جته له ..هتفيد بايه اصعب عليه والا يشمت ..والا ينجن والا يجرف ماخبراش رد فعله ماهتحملوش ....اني جولتله خد بس ماراضيش عايز يجعدني جاره يديني فلوس ويكبش من جتتي ..عارف نفسي اجوله جوي اني مانفعش بس جواتي حاجه اكده مخلياني مش جادره .حتي لو مش هكون معاه حتي لو مابيحبنيش بس مش جادره اعري نفسي وابقي في عينه مجرفه ومشوهه ومعيوبه .. اني برضك حرمه وبحس والله بحس يابا عرفان ..كت اجول اني خلاص زهدت الدنيا ..اه زهدتها بس عند جبل ودنيتي واجفه هناك عالجسر جمر الحلوه لجبل ماعرفش ابين الحزن ده ماجدراش اني حرمه برضك والحرمه عزيزه في حالها ..اني خلاص همشي اني فوضت امري لله وهاخد الواد واطفش وتخلص الجصه .
قال.... وابوكي يا بتي .
قالت ..ابويا جال هيروح يجعد عند اخوه اني كلمته لحد ما استقر واعرف مكان كويس واجيبه ابوي ماعادش في الدنيا وبقي بيتوه ماجدراش احمله هم خلاص اني اتفجت معاه وجولتله وربك يعدلها .
قال...،،هتروحي فين طيب .
ابتسمت .،الدنيا واسعه... ربك حنين معايا حتتين دهب هبيعهم واشتري شويه حاجات وابيعها .
قال....،طب بصي فيه بيت في الاسكندريه ليا خديه واجعدي فيه .
قالت ..لاه ماعايزاش حد يعرف مكاني.
قال ،،،واني بجولهالك ماهعرفش حد مكانك ده عهد عليا يا بتي .
نظرت اليه دامعه ابتسم وقال ،،،ماهجدرش اسيبك تروحي اكده كتير عليكي لوحدك .
تنهدت ،،ده جضا ربنا وابتلاء مش جولتلي انه ابتلاء اني مصدجه دلوك انه ابتلا للصابرين الحامدين ...واني ماستحجش العذاب ده بس الحمد لله ربنا نزل علي جلبي صبره واني اجول الحمد لله اني دلوك دنيتي كلها باسم وبس ، جبل حياته وجفت عالجسر يوم ماكان عايز جمر مات هناك وكره جمر بس مابيسلهاش مش رايدها بس هيموت علي جتتها اجول ايه .،
فكرت اعملها لو كشفت حالي ليه هيجرف ويسيبني بس واعره علي جلبي جوي ،،مامتحملاش اني برضك بحس ماهتحمل نظره الجرف منه ماهتحمل روحي مش عايزك انت يتعاز فيكي ايه... مامتحملاش يا ابوي اني مره وبحس والله والرفض صعب علي جلبي مهما زهدت الدنيا اللي جواتي ليه كتير بخاف اجول ليه ايه جواتي عشان ماصدجش ان فيه امل ليا .
جبل مات وجمر كمان ماتت واللي فاضل مرار وطفح اسود بيحلل جتتت ميته .،هو مستني اطلج واروح ياخدني عشان خلاص ماعاد متحمل .بس حاولت بطريجتي اريحه رفض خلاص ياكل حاله يجعد بقه عايش ينح علي جته جمر اني لو ما مشيتش هموت نفسي بس جولت الواد ده هيتربي ذنبه ايه يبقي يتيم من كلو ،،بدعي ربنا يخرج حب جبل من جلبي عشان اعرف اكمل الا النفس ضاج جوي .
اقترب منها عرفان ..جمر اللي بيحب بياخد حبيبه علي عيبه .
ضحكت ..عيبه وهو ده عيب يا ابوي .،اني بخاف ابص لحالي من منظري تجولي عيب واللي يحب بقه ..جبل جه سكه ودوغري واضح وصريح مابيكدبش عليا عشان ماتعشمش ...جبل من رجعته عايز جته جته جمر النجع ..جالها جايز لما اخدك اهدي واخلص واني متوكده ان جبل جلبه خلاص ماعادتش جمر جواه.. خلاص اني همشي ولا هيعرفلي طريج يعيش بقه ماعت هفكر فيه لاني تعبت يصطفل مع حاله انا كتير عليا اللي جرالي ..تنهدت اني همشي بالله ده عهد سر ماتجولش .
تنهد...... حاضر يا بتي.
استدارت ودخلت الحجره تلملم اشياؤها مسكت الفستان سالت دموعها انهارا وانهارت تحتضنه وتشهق لتبعده اخيرا كانها تنزعه من روحها ..سيباه ليه يا جمر خلاص كلو خلص وكلو ضاع ده ماينسابش معاكي واصل خلصيها واجطميها يا بت الناس ..واحضرت الفستان وطوته ووضعته في صندوق ووضعت معه الخلخال الذي احضره لها ودموعها لا تتوقف ...خرجت لعرفان ...خد يابا عرفان ..جبل اني عارفه هياجي ..خد اديله حاجته جوله جمر جمر ماتت وخد هدومها احرجها والا ارميها خد حاجتك اللي حافظت سنين عليها جوات جلبي خدها عشان تعرف ان جمر سكته خلصت والجسر انهال بحزنه وهمه واندفنت الحكايه لا عاد فيه جمر ولا جبل ولا جسر من اساسه يوصل ما بينا .
قام هو متاثرا واحضر لها المفتاح واعطاها مالا اخذته بعد اعتراضات واصرار منه واخذت باسم وودعت ابيها ورحلت قمر بلا عوده .
رحلت قمر تاركا قلبها لم تعد تحس ان لها قلبا من اساسه فدعك النفس للنفس مميت يصعب علي الانثي ان يلفظها حبيبها ما ان يقربها ...تظن انها من الدونيه ما كان لها ان تقربه من اساسه .مات الجبل وماتت قمر في قلب الجبل ....تحملت كثيرا تحملت وهيا تظن انه ذنب ولكنها اخيرا ادركت ان جبل هو ذنبها في الحياه ولا بد ان تتخلص منه ...جبل احب وعشق ثم اتشح القلب غلا ولا ياتي من غل النفس الا شرورها كان عليها ان ترحل وتترك كل شيء وراءها فلم تعد تحتمل غرز اسهمه بداخلها فلم يعد هناك مكان لنصل سكين فالقلب غرز في منتصفه الف سكين شقه اشلاء ليس من السهل اعادته للحياه .
مرت ايام واستقرت قمر كانت فتره اجازه لباسم كانت تحضر اشياء وتنزل تبيعها للناس في الاسواق من ملابس وخلافه من مستلزمات النساء وتعود في المساء تحتضن ابن اخيها وتنام بلا شعور لم تعد تفكر في ماضيها لم تعد تفكر في شيء تعمل وتربي ابن اخيها وفقط.
نرجع للحزين اللي ماشفش فرح ....
مرت الايام علي جبل مميته فهو ينتظر بشوق ان تترك ذلك الرجل وياخذها وقرر ان يعرف مابها ما ان تكون في بيته وتحت طوعه ليمر يوما بعد يوم وهيا لا تاتي للعمل شعر ببعض القلق اتصل بها فاذا بتليفونها مغلق مر اسبوع كامل الا انه لم يستطع فذهب الي عرفان وما ان فتح له قال بلهفه .....جمر فين .
تنهد عرفان باسي ونظر اليه فهو ايضا مسكين يعشقها ولكن كبر النفس صعب .
قال عرفان ..ليه بتسال يا ولدي عايز منها ايه.
قال ......،هيا ماجالتلكش اظن اكيد عرفت .
ضحك عرفان ..جصدك اني اطلجها وانت تتجوزها .
ابتلع جبل ريقه ..قال ،،ايوه احنا اتفجنا علي اكده هيا فين مابتردش عالتلفون ناديها هاخدها ونمشي والا راحت بيتها اني رحتلها مالجيتهاش ناديلها عشان نخلص .
قال عرفان متنهدا باسي ... ..تخلص .،هو انت يا ولدي ماحدش علمك الكلام .
نظر اليه جبل بغضب .،نعم بتجول ايه انت .
قال عرفان... ،،بجول اللي شايفه بجول ان ربنا رباها سنين وبقت تعرف الدنيا كويس وانت سنين لسه ماعارفش حاجه عيل اهبل .
قال جبل غاضبا..... ماتحترم حالك هو مين اللي اهبل .
ضحك عرفان ..ماتزعلش اتي مابشتمكش اني بوصفك ..اجعد يا ولدي اجعد .
قال جبل ..اجعد فين هاتلي جمر اخدها وامشي دا مرار ايه ده اني علي ماطولها هتجبلي جلطه .
قال عرفان .،ولما تطولها هتعمل ايه يا ولدي .
قال جبل غاضبا .،....مالكش صالح باللي هعمله اني حر فيها .
قال عرفان ،،ليه عبده اياك كلبه تاخدها وتوديها مامصدجش ان الغل بعد العشج يعمل اكده.
صرخ .،انت مالك اغل وماغلش مش طلجتها .
ضحك عرفان .،لاه ماطلجتهاش .
بهت جبل .،ايه بتجول ايه ماطلجتهاش ازاي اني متفج معاها انت واجفلنا ليه انت حرام بقه اللي بيحصلي ده .
قال عرفان ،،وايه اللي حاصلك يا ولدي جولي .
اندفع جبل.... طلجها وبعد عنيها انت ماتنفعلهاش مش هتسعدها اني هاخدها اني من توبها.
قال عرفان ،،وانت هتسعدها يا ولدي هاه... هتفرح الغلبانه اللي ماشفتش فرح من الدنيا ،،جولي هتجعدها مرتك العمر كله والا ايه مش جولت ماهتجيبش عيال عشان ماتنفعش تربي عيالك .
بهت جبل فنظر اليه عرفان باسي ،،ايوه جالتلي كل حاجه جالتلي يا حبه عيني والجهر والحزن مالي جلبها.... جالتلي عايزك يمكن ارتاح .،جدرت تجولها يا ولدي ...حد يجول لمره عايز جتتها وماعايزش عيال ايه الرخص ده ...يا ولدي ما فكرتش جبل ماتتكلم الكلمه تخرج من خاشمك هتطلع تمزع فين... بس اجول ايه التمزيع ماعتش نافع هنمزع المتمزع ازاي... روح الله يهديلك حالك انت غلبان والله غلبان .
صرخ جبل...... اروح في انهي نصيبه انت طلجها وهاتهالي ،
قال عرفان وهترميها بعد كد ايه جول ..كت اجعد افكر انت ازاي اكده عايش كيف اكده هو العشج بيحرج اكده وبيعمي.
صرخ جبل ..مالك انت ماتخليك في حالك وهاتهالي .
ضحك عرفان ..اجبهالك منين يا ولدي جمر راحت خلاص جمر فاتتلك دنيتك ومشيت .
نظر الي عرفان مذهولا واحس بقلبه سينشق .،مشت مشت راحت فين انت سيبتها تمشي وما طلجتهاش سيبت مرتك تمشي ،
ضحك عرفان فصرخ .....انت بتضحك علي ايه .
قال... .،بضحك عالغلب اللي جدامي واحد مخبول بحب واحده وعاشج وعيونه بتصرخ بالعشج وبدل ماياخد عشجه في جلبه ويحضن عليه موته وخلاه يرمح ويكره الدنيا كلها .،جمر مشت ولا هتعاودش... جمر مش مرتي ولا عمرها كت مرتي .
نظر جبل اليه متجمدا ..،ايه مش مرتك امال امال جالتلي ليه اكده وتحرج جلبي .
قال عرفان بأسي... .،كت هكتب عليها فعلا بس ماتحملت تكون باسم حد تاني جولت اكده عشان تبعد عنيها واعرف احميها منك ومن غلك اللي طاح وموت كل حاجه .
نظر جبل وقلبه سينشق .،يعني ما اتكتبتش لحد تاني طب ليه كنا نفذنا اتفاجنا خلاص وتجعدلي افرح بيها .
تنهد عرفان ..تنفذ الاتفاج وتجعدلك ..انت بتتكلم عن بيعه وشاروه يابن الناس.. اتفاج ايه وطين ايه اللي بتجوله انت ماحسيتش بوجعها واصل جاي تجول اتفج روح الله يسهلك البت مدبوحه منك ومن الدنيا .
صرخ جبل.... اروح فين هيا فين جمر راحت فين اني اني والله اموت ..
هتف عرفان .......عارف هيا كت لازمن تمشي عشان زي ماهيا رب العباد عرفها جيمه الدنيا .. انت كمان لازمن تعرف جيمه اللي كت في يدك. جمر عشان تطولها تحفالها يا ولدي. جمر راحت خلاص وجالتلي بالحرف ..اني مت يا ابوي وهعيش جثه اربي ابن اخوي ..هربيه يبقي صالح احسن مني وانت اللي جولتلها ماينفعش تربي عيال ..الله يسهلك يا ولدي روح انسي واجفل الصفحه دي اني كت مفكر انك عشجان وحاولت اجف جارها ..بس العشج مابيجتلش النفس وانت جتلتها يا ولدي ،
وقف جبل وقلبه سينفجر ،،جمر مشت وسابتني ..تااااني تاني يا حزنك يا جبل تاني بينعاد الهم تاني ..جلبي بيتمزع اروح فين اروح فين اني كت هموت عليها بتعمل فيا ليه اكده جلبي بيحرجني وجتتي هتموتني ليه ليه نظر الي عرفان ...لاه انت تعرف مكانها انت تعرف .
قال عرفان .،ماعرفش حتي لو اعرف ماتستحجش تخش دنيتها سيبها يا ولدي ..
صرخ... اني ماهسيبهاش واصل هيا اكيد مستخبيه في دارهم امال هتروح فين مالهاش حته ولا ليها حد واستدار هاءجا..فقال عرفان ...استني يا ولدي ليك حاجه معايا ...واستدار عرفان واحضر له العلبه ..فتحها جبل ...نظر الي العلبه وسالت دموعه ففستانها يتوسط العلبه وعليه الخلخال احس بوجع وتذكر احتضانها له تذكر وقت ان تاوهت بوجع وغرزت اصابعها فيه احس انه حلت عليه مصيبه فهيا تنهي كل شيء حلمها وحلمه فالستان كان حلما اعادته اليه لتشق قلبه وتنزعه من مكانه فالحلم روحه ودنيته التي يعيش لها .
قال عرفان ..خد حاجتك ..الله يسهلك دنيتك بعيد عنها ...وقف جبل والقهر يكلبش في قلبه ...واخذ العلبه وعاد الي بيته وجلس يشعر بالموت يتذكرها بجنون فالعشق بداخله لم يعد يحتمله اراد ان يصرخ لها بعشقه فصرخ انت فييين انت فين اوديه فين اللي جواتي .،وقف يتامل الفستان والخلخال ودموعه تنهمر ليهب ،،له له اني ماهعرفش اعيش اكده ...
ليقوم ويعود الي البلد لعلها عادت الي بيتها او الي اي مكان يعرف مكانها احد ... ذهب الي بيتها وصل هناك وظل يدق الباب ولكن لا جدوي كان يشعر بحرقه كان يرزع الباب ليسمع صوتا استدار للصوت ووقف ..اقترب منه شخصا سيغير مجري الاحداث ليعيد للجبل روحه ونفسه الذي فقده ويزيل غله تماما ويعود الجبل جبل القمر ..قمر النجع كله ..فمن هذا الشخص ...
الفصل الخامس والعشرون
ذهب جبل الي بيت قمر وقد اصيب بحاله من الجنون بفقدها احس ان روحه نزعت منه بعد ان تركته ولم يعرف لها مكان .ذهب الي البيت وظل يدور كالمجنون ويدق عليه ...وقف لا حول له ولا قوه يشعر بالغلب الشديد .....طب اعمل ايه اجيبها منين ...انت يا محروج منك لله انت السبب راجع معبي حزن وغل اهي طفشت منك وانت هتموت عليها ..انت فين يا جلبي حجك عليا جولت العفش كله وعملت العفش كله ..انت عيل حزين ومجرف تجولها اخد جتتك منك لله دانت مجنون بيها جته ايه وسخماط ايه علي ايامك الطين عيل ماتربيتش ..(كلنا بنقول والله 🤭) ...
تنهد وقام يقف امام الباب لا يجروء ان يرحل ليسمع صوتا خلفه ....
جبل ازيك يا جبل ...
التفت ينظر للصوت كانت سناء ابنه خاله ..ابتسم لها ابتسامه باهته فقلبه عليل لا يقوي علي الفرح ...تنهد ..ازيك يا سناء .
قالت ..انت فين يابن عمتي مالكش اهل تسال عليهم .
قال.... ..معلهش يا سناء دنيا .
نظرت اليه ....شوفتك بتخبط ...انت بتخبط كيف اكده براحه ماحدش جوا .
قال بلهفه ..ماشفتيش حد فيهم يا سناء بالله جولي .
قطبت هيا ...لاه ليهم ياما ماحدش عتب اهنه ...انت بتخبط عليهم ليه تعرف ابا حمدان اكيد ...مش جمر انت تعرفها والا ايه .
تنهد بوجع... ..لاه جمر ،،ايوه اعرفها ..
هزت راسها باستغراب ...تعرفها ... غريبه دي ...
قال قاطبا ..ايه اللي غريبه ...اعرفها كويس فيه حاجه .
قالت .....بتجول تعرفها صوح من ميته ...معرفه جديده اكيد .
قال ..فيه ايه يا سناء لا اعرفها من زمان من قبل ماسافر .
سهمت قليلا ...من زمان بتجول ..امال جالت لا ليه زمان ..
عموما ماتشغلش بالك ..ابقي تعالي هستناك في الدار واستدارت.
خفق قلبه و اندفع ومسكها ..استني راحه فين انت جولتي ايه دلوك ومين اللي جال .
قالت ..لاه مافيش ..دا عمر ....سنين عدت ...ماتشغلش بالك كت جابلتها عند داركو ..يلا اشوفك بخير وتركته ورحلت ..
وقف هو مبهوتا .....جابلتها عن دارنا ميته ده ..اسرع ومسكها ...استني يا سناء ماتمشيش جولي جابلتيها ميته وفين .
قالت ..فيه ايه ... اصل بعد مامشيت كت راحه اطمن عالدار خالتي الله يرحمها كت جالتلي الشباك ساعات بيتنطر جولت اخش ابص .روحت هناك جابلتها في داركو بس الغريب انت بتجول تعرفها من زمان ...هيا ساعتها جالت ليا ماتعرفكش .
نظرت اليها رجف قلبه وبدا دقاته تصرخ ...جمر جت دارنا بعد ما مشيت ...بجد يا سناء ..ايه شوفتيها في دارنا .
قالت ...ايوه دخلت لقيت الشباك فعلا متوارب بصيت لقيت جمر جوا الدار .
قال منفعلا بلهفه ...كت بتعمل ايه جولي انطجي .
قالت ....كت جاعده جوا الدار ..دخلت عليها لقيت عنيها حمرا وبتبكي ومجهوره ...كانت زي مايكون ماتلها نفر بتبكي بحرجه ومعاها تصويره متمزعه اكده بس مالحجتش اشوف تصويره مين. كت تصويره متجطعه وكت بتحضنها .
دمعت عيونه و رجف قلبه بشده ..ايه كت في دارنا متوكده يا سناء .
قالت سناء .....والله متوكده كت معديه لقيت الدار مفتوحه دخلت لقيتها جاعده بتبكي عالارض ويدها تصويره متجطعه ،،سالتها انت تعرفي مين جبل والا عمتي .
جالتلي لاه ماعرفش جبل بس عمتي اتوحشتها وكانت بتحكيلها حاجات وانها كت جايه مجهوره تكلمها وتحضنها بس عمتي سابت البلد .. جالتلي انا كت جايه بسال عالحاجه .. وسالتني عنيكو رحتو فين وهترجعو والا لاه ...جولتها انكو مشيتو وهملتو البلد ..ساعتها كني بطحتها بسكينه ..خدت بعضها من سكات ومشيت ،
كان هو قد انشل مكانه ،،،جمر جاتلي الدار جمر جمر جت عندينا .،ليه وكت جاعده بتبكي .. ..
رجف قلبه ونظر اليها .هتفت الفتاه .،كت مجهوره جوي يا جبل والله . يلا الله يسهلها ماطرح ماهي جاعده ...تنهدت افوتك بعافيه ابقي اسال علي جرايبك ماشي وتركته
وقف هو لا ينطق كان ينظر الي بيتها المقفول ترنح من هول صدمته ..جلس علي مصطبه امام البيت ساهما ...احس بقلبه سيخرج من مكانه ،،فيه ايه جمر جاتلي تدور عليا بعد ماسابتني جت تاني تدور امال ماجالتليش ليه ماجالتش انها جاتلي ليه كان ناري بردت وجلبي الولعه راحت من جواه ،جمر حبيبتي جاتلي الدار
ليه ماجالتش ليه فيه ايه ...لاه فيه اه فيه البت ماكتش طبيعيه ...،،،انت مخبيه حاجه واعره يا جمر بس ايه هيا ماخابرش انت جيتي تدوري عليا ليه ...ماجولتيش ليا ليه ايه اللي منعك يعني يعني ماسابتنيش يعني كت جايه ترجعلي والا ايه في سنتي الطين يا حزنك يا جبل هتموت محصور البت طفشت.... طب اجيبها منين دلوك اني مافاهمش حاجه جلبي بيموتني كت بتعمل ايه في داري هنجن .وماسكه التصويره حضناها وبتبكي ..جاتلي ليه ليه ...
اروح فيك ..فيه ايه اني بيتعمل فيا ليه اكده ...سهم قليلا ...يستعيد شريط زكرياته معها.....
....... ....حجك جالك يا جبل ...كت بدعيلك يا جبل ...اني ماستحجش ده يا جبل ...اني مش كلبه فلوس ...ماتت الدنيا في عيني .....ماتدعيش عليا كفايه ............
كل ده معناه ايه ..معناه ايه اني هنجن ..فيه حاجه ايوه مخبيه ..وعرفان بيجول جالتلي حاجات ماهتعرفهاش ..بيجول انها غلبانه وماتستحجش اكده ...فيه ايه مخبين ايه ...سليم ..سليم جال اني سيبتها في وجعها ...هو ايه ..يا مري هو ايه ...اعمل ايه دلوك هكمل حصره اكده البت اللي بعشجها راحت ...
ركن عالحائط دامعا ..كتي بتعملي ايه يا جلب جبل في داري كت جوليلي ماكتش وجعتك اكده ..مشت خلاص ..طفرت دمعه من عينه ....وجعتها اني جولتلها ماينفعش تربي عيلي واخدك عشان ارتاح اهوه ماهتشفش راحه عمرك كله ...جالتلك الحج نفسك وخدني كت عايزه تديني حالها وتمشي مفكره اني هشبع منيها وارميها ماني جولتلها العفش كله وعملت العفش كله...اني حلوف ماشفاش ربايه ... ..اعمل ايه حرجه جلبي كت عامياني عن عشجها عاشجها ومستكبر اجول ،،،اهه خليك استكبرت وارتاحت يابن العزايزه ...اني هنجن مشت حبيبتي ايوه حبيبتي يا جهري كت بتعمل ايه في داري يا مصيبتي السوده ...لاه اني ماهتحملش هروح لعرفان واعرف هو عارف حاجات ...
هب وقام و استدار يذهب لعرفان واذا به يصطدم بسليم .قال سليم جبل بتعمل ايه اهنه ..عجيبه دي . وواجف جدام بيت جمر هيا جوا والا ايه ...هم ان يخبط .
فقال جبل ..لاه ماهياش جوه .تنهد سليم بوجع قال جبل مندفعا ،،سيبت جمر ليه يا سليم .
قطب سليم .،بتسال ليه يا جبل .
قال .... ..يعني سمعت كلام واغش اكده .
قال سليم بغضب .،ماتصدجش جمر الشرف كله ماحد يطولها كان سليم قد ندم انه تركها وتزوج من اجل الانجاب .
قال جبل.... امال سيبتها ليه حد تاني كان في حياتها .،والا هيا كت بتدور علي حاجه معينه كت بت فايره وعنيها لفوج .
تنهد سليم ..اجول ايه سيبها بهمها يا جبل دي بت غلبانه كفايه اللي حصلها حاجه تجطع الجلب مانت شفتها شغاله عندك حاجه تحزن جطعت جلبي وانت واجف تزع فيها هيا ماتستحجش اكده من اللي جرالها .
دق قلبه ...قطب جبل .....ايه ..بتجول ايه اللي حصلها هو ايه .
تنهد سليم .. فقمر قفلت سكته وشعر بالاسي عليها ...والله يا جبل بت غلبانه جوي وتستحج الشفجه ماتسمعش كلام عنيها دي بت زي الدهب اجول ايه ربنا يصبرها علي ما بلاها .
صرخ جبل .....هو ايه اللي بتجوله ايه اللي بيها ويصبرها علي ايه ..وبلاها بايه جول .
قال سليم ....،.لاه يابن عمي ماجادرش اجول اني ماليش صالح الله يصلح حال الكل واستدار وقد ادرك انه استرسل في الكلام.
اندفع جبل ومسكه ..لاه انت بتحدفلي اللي في عبك تجنني وجاي تجولي مافيش لاه انطج فيه ايه.
قال سليم ..مالك انت عايز تعرف ليه ماتسيبها بهمها .
صرخ جبل..... اللي هو ايه....ايه الحزن اللي مخبينه ماتجول .
قال سليم .......اني واخد عهد ماجولش ولو عملت ايه ماهجولش ودفعه واستدار وجبل يقف مشلولا ....
يا حزنك يابن العزايزه هتنجلط ..يعني فيه حاجه اهه حاجه واعره ..دا واخد عهد الحزين ..علي ايه ومايجولش ليه فيه ايه جلبي بيتمزع ..،،مخبيه ايه وجاتلي الدار وطفشت...
كتير جلبي هيجف يا رب يا رب تعبت ايه اللي حصلها طيب وكلهم عارفين واني زي البهيمه الطايحه بنطح فيها لما موتها ... يا رب تعبت.
ظل ياكل حاله ثم عاد الي عرفان ودخل صارخا...... انت تجولي دلوك هيا فين ومخبيه ايه عني جمر جاتلي داري بعد ماسابتني فاهم يعني ايه..... جاتلي داري بعد مامشيت ...حاسس اني هنجلط مخبيه ايه جول يا حاج اني هموت والله .
تنهد الرجل ..يا ولدي ماخابرش انت بتجطع حالك ليه كل ده عشان جته مره .
صرخ جبل .....ماهياش طين وجطران ماهياش اني هنجلط بالله عليك والله رايدها مرتي وحبيبتي بس تجولي هيا فين هاتلي حبيبتي ماجادرش ابعد والله ما جادر.
قال عرفان ..جولتلك ماخابرش اني هيا جصه روح شوف حالك .
صرخ ....اشوف ايه وطين ايه جولي هيا مخبيه ايه وايه اللي حصلها ابوس يدك اني هموت .
نظر اليه الرجل بأسي ....فتهالك جبل وجلس محنيا واضعا يده علي راسه ..طب اعمل ايه اني اتحطيت في الطين ومافيش رحمه حبيت واحده وعشجتها وسابتني خلعت جلبي ولما رجعت عرفت ان فيه نصيبه مخبياها ولا حد راضي يجولي اروح اموت حالي حاسس انها عايزاني ورايداني واني هموت عليها... نظر الي عرفان ودموعه تنزل..متخيل بعد الحزن ده كله اعرف انها جت داري يعني ماهملتنيش جمر ماهملتنيش كت جايالي داري وبتبكي عليا ..طب ليه ما جالت ليه ليه .جابلت سليم جال سيبها بهمها ..اللي هو ايه حد يجولي جلبي انهري يمين الله .
تنهد عرفان ....حاول تجعد مع حالك وتشوف رايدها ازاي رايد جتتها تبقي تسيبها لانها عمرها ماهتكون ليك انما لو رايد جلبها ساعتها يمكن ربك يحل مابينكو .
نظر جبل اليه ودموعه تسيل ،،طب هتجولي علي مكانها ..تنهد عرفان وهز راسه باسي فشعر جبل بالقهر فنظر اليه ..طب ممكن اخش مكانها طيب اجعد فيه هبابه .
تنهد عرفان.... بيتك ومطرحك واشار الي حجرتها.
دخل ووقف يتخيلها في الحجره ودموعه تسيل اقترب من الفراش وملس عليه وهمس اتوحشتك جوي... اني اسف اني جولتلك رايد جتتك اسف ماخابرش طلعت مني ازاي بس ...والله رايدك وهموت عليكي اني تعبت ذنبي ايه يا رب يتعمل فيا اكده عشان رجعت مغلول منها ماني اتوجعت ..يا رب ردهالي اخدها في نن عيوني يا رب هموت عليها حبيبتي ..اخرج الخلخال من جيبه فلم يعد يتركه وظل يتلمسه بحنان يناجي فيه قرب حبيبته .
مرت الايام وجبل ياتي الي عرفان يتوسل اليه ثم تحول الامر الي ان يجالسه ويحدثه عن حياته وعن خططهم معا وعلاقتهم وما ينوي ان يفعله معها.. كان يتكلم كانها ستعود ويخطط لحياتهم وبيتهم كان قد بدا يعتبر نفسه من البيت وعرفان سعيد بوجوده فهو بمفرده وبدا يبات معه في الشقه واصبح لا يفعل شيء في حياته يذهب للعمل ويعود ليعيش مع عرفان وكثيرا ما يذهب لابو قمر ويزوره كان كثيرا ما يرجو عرفان ان يخبره عن مكانها ولكن عرفان نفس الرد انه لا يعلم مكانها .
كان يدعو ربه ان تعود لابيها وقد جعل شخصا يراقب بيت ابيها لعله ياتي بخبر عنها ..يشعر بلوعه وحرقه شعر بندم شديد اكل قلبه علي معاملته لها ..وانه كان لابد ان يستعيدها حتي لو اوجعته الف مره العشق الذي في قلبه لا يساويه اي خطا منها وخصوصا انه عرف انها اتت لبيته وان بها شيء خطير ابعدها عنه .
اما قمر كانت هيا وجدت في احد الشركات في المركز المجاور عملا .فكانت تعمل وفقط وتحاول ان تنسي او تتناسي كانت لوعه الفراق موجعه لها ولكنها ابدا لن تعود لتشعر بذل ومهانه في قربه وانه يريد جسدها وما ان يعرف مصابها سيقذفها بره حياته فلتخرج هيا بكرامتها ..كانت تكلم عرفان ويخبرها عن وجوده وايضا ابيها يخبرها انه ياتي لزيارته ومحمل بكافه الاشياء .و عرفان يحاول ان يرقق قلبها عليه ويخبرها كيف يعيش في حجرتها ودرجه وجعه في فراقها الا انها لا تمتثل ابدا له .
كان عرفان جالسا...اقترب منه جبل ..كيفك يابا عرفان اني جبت وكل يلا ..تنهد عرفان فهو اصبح يملا عليه البيت انهيا طعامهم ..جلسا واعد جبل الشاي اقترب من عرفان ...شوف معايا ايه ...واخرج من جيبه علبه قطيفه ..وفتحها كان خاتم كبير ،.ابتسم وقال ..ده خاتم جمر يابا عرفان ..جبتهولها من زمن شوف ايه رايك حلو هيعجبها ..
كان يتلمسه بحنان وعيونه تشع حب ..،
رفع عيونه ليجد عرفان حزينا ..فقال ..ايه وحش مش هيعجبها داني نقيت اكبر واحلي حاجه دا والله يابا عرفان كان فيه هوانم جاعده خدت رايهم ..ده تمن اول مكسب ليا صرفته كله والله ماكان معايا مليم ساعتها غالي عليا جوي شوفت جمري فيه ..بس لو مش هيعجها خلاص مش مهم المهم هيا تفرح ...عارف كمان ..جبتلها هدوم كتير جوي وستفتهم في الجصر عشان لما تخشه تشو حاجتها وتفرح بيها ...كت تجعد وتجول هتجيبلي كتير ...جبتلها والله احني راسه واخرج الخلخال ..جبتلك يا جلبي هتعاودي ميته اتوحشتك جوي جبلك مستنيكي .
عارف عم حمدان كت هناك وقالي انه هيبقي وكيلها اه ماسيبتوش الا لما جولتله اول ماتعاود هنكتب ..ماحبيبي بس زعلان شويه وهيعاود ..ماهو عاود قبل سابق وماسابنيش جمر ماسابتنيش يابا حمدان جمر بتحبني عارف كنا روحين بس الزمن اه الزمن بعدنا واني برضك حلوف اه والله يمين الله حلوف ماتربيت .بس عندك حج كان لازمن تبعد عشان اتربي صوح واعرف عشجي ماكدهوش حاجه واصل .ركن وجلس مبتسما يتامل الخاتم ...تنهد ..هجوم انام ..هجعد مع حبيبي شويه وانام تصبح علي خير وتركه ودخل حجرتها .
تنهد عرفان ..الواد جطع جلبي كفايه يا جمر هو بيعشجك يا بتي اجول ايه بس ...تنهد وقام يتكلم معها ..يا جمر يا حبيبتي عدي سنه والواد مجهور والله بيحبك يا بتي كفايه عذاب ليه اكده اني صعبان عليا .
تنهدت بقهر ..يا ابا عرفان بطل تجولي اكده اني والله فيا اللي مكفيني ماعتش تجبلي سيرته بالله عليك .
تنهد عرفان ..يا جمر اني كت معاكي وموافج بس دلوك الواد بيعشجك يا بتي ..كان يتكلم ولم يلاحظ جبل الذي عاد وقف متسمرا يسمع كلامها معه ليندفع ويمسك التليفون ..جمر جلبي بالله ماتجفلي عايز اعرف انت فين هموت والله يا جلبي بالله عليكي ..
سالت دموعها ارادت ان تقفل الا ان صوته اشتاقت اليه بشده صرخ بحرقه... ابوس يدك اسمعيني جمر اني اسف والله اسف علي كل حاجه عملتها وجولتها خابر اني وجعتك كتير وعملت كتير بس كان من حرجتي .. والله رايدك جمر اديني فرصه نتكلم طيب انت فين اني هتجن جولي انت فين حرام اكده بتعملي فيا ليه اكده بتعذبيني ليه .
كانت تبكي ويسمعها فقال ..طب نتجابل ومش هضغط عليكي ولا هعمل حاجه بصي هنتفاهم ..طب اشوفك طيب سنه كامله بعيده وجلبي انهري حرام بقه والله ماعت مستحمل.
شهقت بحرقه ..ماتبطل بقه وانسي انا اديتك فرصه تاخد اللي عايزه رفضت اعملك ايه يا اخي اموت روحي عشان تنساني خلاص يا جبل جمر شبعت جهر منك اه وجعتك زمان وانت جيت نهشت جلبي بطل ماعتش فيا جلب اتحمل وجعك انسي يابن الناس جتة جمر ماعادت تنفع يمين الله مانفع لمخلوج عيش بقه وانساني وانسي الوجع اللي وجعتهولك جمر ماتنفعش تبقي ست من اساسه بعد وارحمني وارحم جهرتي وقفلت الخط.
فصرخ..... لاه لاه كلميني لاه واعاد الاتصال فوجدها قفلت تليفونها انسي ايه انسي ايه بتجولي ايه حرام جمر استني.
فاستدار لعرفان بغضب وصرخ.... انت كت بتكلمها سنه واني مجهور وانت بتكلمها .حرام عليك ماصعبتش عليك جهرتي بتعملو فيا ليه اكده هيا بترط بكلام مافاهموش مالها بيها ايه ماتجولي انت عارف صوح عارف انها مخبيه حاجه عارف اني محصور جولي بالله عليك جولي اني ماعتش جادر وجعي بيموتني.
تنهد عرفان ،،واخده عليا عهد يا ولدي .
صرخ ..واخده عليك عهد تموتني حرام يابا عرفان ماتسمعلهاش والله هسعدها اني حاسس انها موجوعه واني رايد اخدها اداويها .
انت عارف بيها ايه صوح بيها نصيبه مخبياها عشان اكده طفشت صوح ،،قطب جبينه..... عيكون ايه طيب وماتنفعليش ... داني هموت علي طرفها يابا عرفان ساكت ليه جول مخبيه ايه دي ..طب من ميته وهيا اكده جول اي حاجه ماتسيبنيش اكده هتجن..
اني رجعت لجيت عيونها دبلانه وحالها مجلوب كت بهيم دي مش جمر ..جمر كت بت دنيا بتحب تبان وتظهر دي واحده كت ميته لابسه اسود في اسود مابتعملش حاجه مهما عملت مابتزعلش وما بتردش غرزت فيها حزن الدنيا وهيا مابتنطجش ...غلبت تجولي جالك حجك ...مخبيه ايه نصيبه ونصيبه كبيره...جولي فيها ايه احدفلي النصيبه كلها اللي في جلبك ..انت مبسوط اكده بالجهر اللي احنا فيه ..
تنهد عرفان ،،هكلمها يا ولدي جايز تحن .
تسمر جبل ... ..كنه اكده طب اني بقه هعرف اجيبها ازاي اني خلاص عليا جهر لحد اكده ... تطفش بقه زي ماتطفش جبل هيجبها ويحطها في حضنه رضا غصب بقه هيا حره وهعرف بيها ايه يابا عرفان هعرف وماهسيبهاش لو روحها طلعت ..خليها فاكره انها ماتنفعليش واني بقه هعرفها انها اتخلجت بس عشان تبقي بتاعتي خلصت علي اكده بقالي سنه جاعد بنح زي النسوان ليه مره اسيب حرمتي تبعد ولا ارجعهاش ،،.....طيب يا جمر اني هجيبك لو في بطن الحوت وهتعرفي ازاي تجولي ماتنفعيش ...لو بيكي ايه هتنفعي لو حزن الدنيا هتنفعي لو عضم في جفه هتنفعي ...خلاص اكده لا اني اهبل ولا عويل ارجع حرمتي ... وابقي جابلي بقه جبل هتعرفي تحوشيه عنك ازاي ..واستدار وكله عزم ان يجدها بعد ان اخذ رقم تليفونها .
اما هيا فظلت تنتحب لمده طويله لا تعلم ماهيتها يا رب ماعت متحمله لميته بقه مايسيبني في حالي هو ايه الجهر ده اني تعبت يا ريتني جولتله علي اللي بيا عشان يهملني من سكات ..انفجرت في البكاء وظلت تنتحب بقهر ،،صعب جوي اجول اني برضك ست وجلبي بيمزعني افضح جتتي اكده وابقي معيوبه يا مري يا رب هون عليا وابعده عني يا رب يسرلو حالي وخف وجعي واعملي الخير يا رب .،كانت تدعو بالخير ولا تعلم ان الخير بيد رب العباد يكيفه كيف يشاء وليس كما نشاء .
كانت تعمل في احد الايام ....ومرت ايام وايام وعادت الي حياتها المميته ...كانت ذات يوم تسير في الشارع استدارت لتجد عالسور بجوار بيتها كتابه ..شعرت برهبه ...وجدت جمل مكتوبه ...هشيلك بعيوني ...
انت بتاعتي ...حبيبي العمر كله ...عاشق ولهان سامحيني .
وقفت دامعه ...مين ده اللي بيحب اكده ..يا رب يسرلو حالو ... دخلت بيتها وجلست حزينه ..مر الوقت ..تجمدت فسمعت صوت كصوت جبل احست بقلبها يدق بعنف هبت مسرعه تفتح الباب وقفت تنظر في الشارع ولكن لا احد ..تنهدت ..انت مخبوله بتدوري علي ايه ايه اللي هيجيبه اهنه ..بقيتي تحلمي بيه هتنهبلي عليه يا جمر ...يا رب اني تعبانه ريح جلبي ..
مرت الايام كان الحال يتكرر المخطوطات بكلام العشق وطلب الغفران طول طريقها وهيا تتلفت حولها بجنون والحركه امام باب البيت والشباك يجننها حتي شعرت بالجنون . وبدا الخوف والهلع يصيبها فلم تعد تحتمل فهيا تحس به حولها .. ...
دخل عليها احد المدراء ..جمر انت مطلوبه تسافري الاجصر لشركه هناك تودي طلبيات مهمه ماحد يوديها غيرك .
شعرت بالخوف ..هاه ليه طيب ماتودي حد تاني .
قال ...لاه الريس جال انت همي يلا سواج الشركه .
تنهدت بغلب وعادت الي بيتها واخذت باسم وذهبت به الي احد اصدقاءها واتجهت الي الاقصر كان الاجتماع في احد الفنادق ذهبت هيا ليقودوها الي احد الاجنحه الكبري دخلت وظلت جالسه تنتظر اقتربت خادمه الفندق واعطتها عصيرا ظلت جالسه تنتظر الا انها شعرت بالاسترخاء لتركن رغما عنها وتتوه في النوم .،استيقظت بعد فتره وفتحت عيونها لتهب مرعوبه مره واحده عندما....