رواية حطمت كبريائه الفصل السابع7والثامن8 بقلم دنيا امام
تاني يوم عند جميله تقوم من نومها علي صوت الموبايل وهو بيرن
جميله: الو
اياد: صباح الخير ياقلبي
جميله: اياد صباح النور
اياد: ايه رئيك يا حبيبتي نخرج نفطر سوا بره
جميله: اوك هقوم اجهز نفسي
اياد: ماشي يا حبيبتي نص ساعه وهكون عندك
جميله: ماشي
ـــــــــــــــــــــــــــــــــــــــــــــــــــــــــــــــــــــــــــ
عند اياد ف الشركه قاعد ف مكتبه يدخل عليه رامي
اياد: كويس انك جيت تعالي اعمل الشغل دا عقبال ماجي
رامي: ليه انت رايح فين
اياد: هنفطر بره انا وجميله
رامي: اياد والله حرام اللي انت بتعمله دا
اياد: خليك ف حالك يا رامي
رامي: ماشي يا صاحبي بس هترجع تندم ف الاخر
ــــــــــــــــــــــــــــــــــــــــــــــــــــــــــــــــــــــــــــــ
عند جميله ف الڤيلا
جميله: ماما يا ماما
الام: ايه ياحبيبتي
جميله: ماما انا واياد هنخرج نفطر بره
الام: ماشي يا حبيبتي ربنا يهديكي
جميله: طيب عايزه مني حاجه
الام: لا يا بنتي بس متتأخريش هو اياد فين
جميله: اياد مستنيني ف العربيه بره يلا سلام وتمشي جميله
الام: ربنا يهدي حالك يابنتي ويسعدك يارب
ـــــــــــــــــــــــــــــــــــــــــــــــــــــــــــــــــــــــــــــــ
عند جميله واياد قاعدين ف النادي
جميله: قبل ماسافر كنت باجي هنا دايما انا وميس وريم
اياد: بجد المكان عجبك ايه رئيك فيه
جميله: المكان ممتاز وفكرته حلوه جدا
اياد: علي فكره انا صاحب النادي دا
جميله بصدمه: ايه
اياد: اه والله لما كنت ف امريكا شوفت ع النت ان الارض دي للبيع وعجبتني واشتريتها وفكرت اعملها نادي وعملتها وكنت بنزل رامي كل فتره يشرف علي العمال
جميله: فكرتك حلوه جدا بس انت كنت بتعمل ايه ف امريكا
اياد: انا كنت ماسك فرع شركتنا هناك وانتي كنتي بتعملي ايه هناك
جميله: انا بقالي 3 سنين ف امريكا كنت بشتغل ف مركز ..... لجراحه القلب
اياد: معقول ف سنك دا وجراحه قلب
جميله: المشكله مش ف السن اللي عايز يبني مستقبله هيبنيه
اياد: طيب هتطلبي ايه وينادي اياد علي النادل ويطلب الفطار ويفطروا ويوصل اياد جميله ويرجع الشركه
ــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
ريم قاعده هي وفريده وينزل احمد من فوق
احمد: بتعملوا ايه
ريم: بنتفرج علي فيلم تحفه تعالي اقعد معانا
احمد: للاسف اياد اتصل بيا وعايزني اروح اشوف الفندق اللي هيعمل فيه الخطوبه
الام: يابني انت لسه بقالك 3 ايام متجوز هتسيب مراتك وتخرج
احمد: مانتي عارفه ابنك لو قولت لا هيعمل ايه
ريم: خلاص ياحبيبي روح وانا هقعد مع ماما لحد ماتيجي
احمد: عايزين حاجه
الام: لا ياحبيبي مع السلامه
ويروح احمد لاياد الشركه
ــــــــــــــــــــــــــــــــــــــــــــــــــــــــــــــــــــــــــــــ
في الشركه عند اياد قاعد مع فريد المنشاوي ف مكتبه
اياد: ها ياعمي قولت ايه
فريد: طب يابني ناخد رأي جميله
اياد: ياعمي مانا قولتلك عايز اعملها مفاجأه
فريد: طيب يابني انا موافق بس لو جميله ساعتها رفضت انا مقدرش اغصب عليها
اياد: ماشي ياعمي سيب جميله عليا
فريد: خلاص يابني ماشي
ويدخل احمد: ايه يابني لفيت عليك الشركه كلها
اياد: اهاا معلش يلا بينا
احمد: يلا رامي هيجي معانا
رامي من وراهم: طبعااا
احمد: الله يخربيتك ياشيخ قطعت خلفي
رامي: هههههههه شكلك مسخره ههههههههه
اياد: يابني اعقل شويه
رامي: بقولك ايه اسكت انت اصلا عدو الهزار
اياد: طب يلا يازفت
احمد: هنروح فندق ....... القاعه هناك ممتازه وفي اوضه مخصصه للعروسه علشان تجهز فيها
اياد: تمام هنروح نحجزها
ويروح اياد ويحجز القاعه ويروح ع الڤيلا
ـــــــــــــــــــــــــــــــــــــــــــــــــــــــــــــــــــــــــــــــ
عند جميله ف الڤيلا قاعده بتكلم ميس ع الواتس
ميس: طيب تمام هكون عندك بكره
جميله: وهكلم ريم كمان لو هينفع تيجي معانا واحنا بنجيب الفساتين
ميس: تمام ياقلبي
جميله: عامله ايه انتي ومحمد😉
ميس: اسكتي دا قالي بعد خطوبتك احدد معاد مع اهلي علشان يجي يتقدملي 🙈
جميله: ربنا يتمملكم علي خير ياقلبي ❤
ميس: حبيبتي يا جوجو تسلميلي 😍
جميله: بت بت سلام اياد بيتصل
ميس: ههههههه دا انتي وقعتي بقي سلام ياحبي
جميله: احم الو
اياد: حبيبي بيعمل ايه دلوقتي
جميله: احم كنت بكلم ميس علشان نروح بكره نجيب الفساتين
اياد: طيب ياحبيبتي عايزاني اوصلكم ولا حاجه
جميله: لا شكرا هيبقا معايا عربيتي
اياد: ماشي ياقلبي خلي بالك من نفسك
جميله: ماشي
اياد: مش ناويه تقوليها بقا يا جميله
جميله باستفهام: هي ايه دي
اياد: بحبك
جميله: وبكسوف: ا.ا اا نا لازم ا اقفل علشان هنام تصبح علي خير سلام وتقفل جميله وهي مكسوفه وقلبها بيدق بسرعه وبتقول لنفسها بحبه بحبه اوي ازاي حبيته مش عارفه بس انا بحبه اوي
عند اياد قاعد بيفكر ياتري جميله هتوافق علي كتب الكتاب ولا لا وبعد تفكير ينام اياد
ـــــــــــــــــــــــــــــــــــــــــــــــــــــــــــــــــــــــــــــــ
تاني يوم تروح ميس عند جميله وتلاقيها لسه نايمه
ميس: نهارك ابيض يا جميله وتروح عندها وتقول بصراخ جميييييييله
جميله بخضه: ايه فيه ايه
ميس: انتي لسه نايمه
جميله: الله يحرقك يا شيخه في حد يصحي حد بالطريقه دي
ميس: ههههههه تستاهلي ههههه شكلك مسخره والله
جميله: ماشي يا ميس ماشي
ميس: كلمتي ريم
جميله: لا هكلمها دلوقتي وتتصل جميله بريم
ريم: ايه يا جوجو
جميله: بقولك تيجي معايا انا وميس نجيب فساتين الخطوبه ونعمل شوبنج
ريم: اوك ياقلبي هقوم اجهز نفسي واجيلكم الڤيلا
جميله: ماشي يا حبيبتي
وتقوم جميله تاخد شاور وتأدي فرضها وتلبس فستان موڤ طويل كب وجذمه بيضه وشنطه نفس لون الجذمه مع القليل من لمسات التجميل
جميله: يلا ننزل نستني ريم تحت وفي الوقت دا يتصل اياد
ميس: طيب هنزل انا استناكي تحت
جميله: ماشي ياقلبي وترد علي اياد الو
اياد: الو ايه بس مفيش ايوه يا حبيبي وحشتني كده يعني
جميله بكسوف: ا.ا ايااد بس بقا
اياد: هههههه اموت واشوف وشك وهو شبه الفراوله دلوقتي
جميله: اياااد
اياد: ههههه طيب خلاص هتروحي تشوفي الفستان امتي
جميله: دلوقتي بس مستنيه ريم تيجي طب هقفل معاك علشان ريم جت تحت وهنمشي
اياد: اول ماتيجي كلميني
جميله: ان شاء الله باي وتقفل جميله مع اياد وتنزل لريم وميس تحت
ريم: جوجو وحشتيني
جميله: وانتي كمان يا قلبي
ميس: يلا بينا
ريم وجميله: يلا
ــــــــــــــــــــــــــــــــــــــــــــــــــــــــــــــــــــــــــــــــ
عند اياد في الشركه في غرفه الاجتماعات
اياد: طيب يا محمد فكرتك ممتازه بس علشان نفتتح المستشفي عايزين حد يبقي مدير فيها
محمد: انا عندي اقتراح ايه رئيكم ف جميله
فريد المنشاوي: فعلا جميله دكتوره شاطره وانا متأكد انها قد المسؤليه
احمد: والله انا كمان شايف ان جميله قدها
شريف نصار: وانا زيكم معنديش مانع
اياد: بس جميله هتكون متجوزه في الوقت دا وانا مقبلش ان مراتي تشتغل
محمد: الكلام دا لو هي بتشتغل عند حد بره بس هي هتمسك المستشفي بتاعتنا وهي هتكون مديره المستشفي
اياد: بس ....
شريف نصار: مابسش هي هتمسك المستشفي خلاص
محمد: مفيش مشكله يا اياد لو مسكت المستشفي ومش لازم تروح باستمرار يعني كل فتره كويس
اياد: خلاص ماشي
ــــــــــــــــــــــــــــــــــــــــــــــــــــــــــــــــــــــــــــــــ
عند البنات في المحل
ريم: ايه رئيكم في الفستان دا
ميس: وااااو تحفه بجد
جميله: جميل جدا
ميس: طب ايه رئيكم في دا انا هاخده
جميله: جميل بردو
ريم: شكله جميل وانتي يا جميله
جميله: مش عارفه انا محتاره طب بصو انا هدخل اقيس الفستان دا وتدخل جميله تقيس الفستان وتطلع واول ما البنات يشوفوها وااااااااااااو
ميس: اقسم بالله قمر ايه الحلاوه دي يخربيتك
ريم: فعلا زي القمر
جميله: بجد
ميس: والله الفستان يجنن عليكي
جميله: طيب يلا بينا
ميس: طيب استنينا انتي يا جميله في العربيه واحنا هنيجي وراكي هروح بس اجيب حاجه وهاخد معايا ريم
جميله: طيب ماشي بس متتأخروش وتمشي جميله
ميس: اخلصي ياريم كلمي اياد بسرعه
ريم تتصل باياد : ايوه يا اياد اه كل حاجه تمام لا هي ناسيه اصلا طيب ماشي انت هناك يعني طيب خلاص احنا جايين
ميس: ها كل حاجه تمام
ريم: ايوه يلا نروح لجميله
عند جميله قاعده مستنيه البنات
جميله: اتأخرتو ليه
ميس: معلش ياقلبي
ريم: بقولكم ايه انا هموت من الجوع ايه رئيكم نتغدا مع بعض ف النادي
ميس: اه وانا كمان جعانه
جميله: طيب يلا نروح
ــــــــــــــــــــــــــــــــــــــــــــــــــــــــــــــــــــــــــــــــ
في النادي
اياد: رامي كله تمام
رامي: اه تمام
محمد: جميله شكلها ناسيه اصلا
اياد: كويس انها ناسيه
احمد: ريم قالتلي انهم وصلوا
اياد: طب يلا نزلو سكينه الكهربا
عند البنات
جميله: يلا نقعد هنا
ريم: لا انا بحب اقعد في المكان اللي هناك دا بعيد عن الدوشه
ميس: طيب يلا
جميله: ايه دا هو المكان ضلمه كده ليه
ويتفتح النور والورد ينزل علي جميله وتلاقي صوره كبيره ليها متعلقه ومكتوب عليها كل سنه وانتي طيبه يا جوجو وتلاقي احمد ومحمد واياد ورامي ويروح اياد :يقف قدام جميله
اياد: كل سنه وانتي طيبه يا حبيبتي ويلبسها خاتم ماسي
جميله مش مصدقه اللي بيحصل: هو فيه ايه
ريم: عيد ميلادك يا قلبي كل سنه وانتي طيبه
جميله: انا نسيت خالص وانتي طيبه يا حبيبتي
ميس: كل سنه وانتي طيبه يا جوجو
جميله: وانتي طيبه ياقلبي
محمد ويحضن اخته: كل سنه وانتي طيبه يا جوجو
جميله: وانت طيب يا حبيبي
احمد: كل سنه وانتي طيبه يا جوجو
جميله: وانت طيب ياحمد
رامي: كل سنه وانتي طيبه يا جميله
جميله ميرسي يا رامي وانت طيب
وتيجي تورته 5 ادوار وتتبهر جميله بشكلها
جميله: والله يا جماعه دا كتير اوي انا متشكره اوي علي المفاجأه دي
محمد: اياد هو اللي خطط لكل دا
تبص جميله لاياد بحب: متشكره اوي يا اياد
اياد: انا تحت امر حبيبتي
تتكسف جميله وتقطع التورته ويقعد الكل يهزر ويضحك وبعد شويه يروح كل واحد علي بيته
ويجي اليوم المنتظر يوم خطوبه اياد وجميله
روايه (حطمت كبريائه)
البارت الثامن
ويجي اليوم المنتظر يوم خطوبه اياد وجميله
عند جميله قاعده ف الغرفه المخصصه لها وقاعده معاها ميس وريم
ميس: ايه يابت القمر دا
ريم: ايه الحلاوه دي يا جوجو
جميله: انا حاسه اني وحشه اوي وكمان شايفه ان الميك اب كتير
ميس: لا مش كتير انتي طالعه زي القمر
ــــــــــــــــــــــــــــــــــــــــــــــــــــــــــــــــــــــــــــــــ
عند الشباب في ڤيلا شريف نصار
رامي: ماتخلص ياخويا كل دا بتلبس
اياد: بطل زن خلصت اهو احمد فين
رامي: مستنينا تحت مع عمي شريف
اياد: طيب يلا بينا
رامي لنفسه: ياخوفي ياصاحبي تندم ف الاخر
ويمشي اياد يروح الفندق اللي فيه الخطوبه
ـــــــــــــــــــــــــــــــــــــــــــــــــــــــــــــــــــــــــــــــــ
عند البنات ف الفندق تدخل عليهم ثريا
الام: ايه القمر دا بس ربنا يحميكي يابنتي يارب
جميله: تسلميلي يا ست الكل
ويدخل عليهم محمد
محمد: بقي القمر دي تبقي اختي انا لا كده انا هغير عليكي من الواد اللي تحت دا
جميله: هههههههه
ريم: بابا فين علشان ينزل جميله لاياد
محمد وهو يعدل ياقه قميصه: احم مانا استأذنت من بابا انزل انا جميله ووافق يلا بينا يا جوجو
وتمسك جميله ف ايد اخوها وتنزل معاه واول مايشوفها اياد يتنح كانت لابسه فستان سواريه موڤ كت وشعرها ينسدل علي ظهرها مع تاج رقيق وبعض لمسات التجميل
اياد لنفسه: يخربيت جمالها ايه دااا
رامي: ايدوووووووو
اياد: ايه يازفت انت
احمد: ايه يابني بقالنا ساعه بنقولك روح هات عروستك
اياد يروح عند جميله ويمسك ايدها ويبوسها ويقول: ايه القمر دا
جميله: احم ا.ا اياد مينفعش
اياد: ينفع بصي هناك كده
جميله تبص مكان ما اياد بيقول تلاقي ترابيزه وقاعد عندها والدها والمأذون وترجع تقول لاياد: ايه دا بيعمل ايه المأذون هنا
فلااش باااك
اياد: عمي انا كنت عايز اكتب الكتاب في الخطوبه
فريد: بس يابني احنا اتفقنا خطوبه بس
اياد: انا عايز اعملها مفاجأه لجميله
فريد: مش عارف يقول ايه
اياد: ها ياعمي قولت ايه
فريد: طب يابني ناخد رأي جميله
اياد: ياعمي مانا قولتلك عايز اعملها مفاجأه
فريد: طيب يابني انا موافق بس لو جميله ساعتها رفضت انا مقدرش اغصب عليها
اياد: ماشي ياعمي سيب جميله عليا
فريد: خلاص يابني ماشي
باااااك
اياد: بصي يا جميله انا بحبك وعلشان بحبك عايزك تبقي مراتي عايز اتكلم معاكي براحتي عايز اقعد معاكي براحتي فهماني انا بحبك
جميله: ايوه يا اياد بس ...
اياد: متخافيش ياحبيبتي دا هيبقي كتب كتاب بس والفرح وقت مانتي تقولي وافقي بقي يا جميله ارجوكي
جميله: خلاص موافقه
اياد بفرحه: يبقي نكتب الكتاب ويروح اياد يقعد جميله علي الكوشه ويرجع عند المأذون ويقعد قدام والد جميله ويقولوا ورا المأذون
المأذون: بارك الله لكما وبارك عليكما وجمع بينكم في خير
ويروح اياد يقعد جنب جميله ويبوس جبهتها وتتكسف جميله وتبعد وفي الوقت دا يطلب الدي چي من العريس والعروسه رقصه السلو
وترقص جميله مع اياد وهي فرحانه ومكسوفه
اياد: تعرفي ان دا اجمل يوم في حياتي كلها
جميله تتكسف: ومتردش
اياد: حبيبتي انا جوزك دلوقتي اتكلمي معايا
جميله: ا٠اا اقول ايه
اياد: قولي اللي ف قلبك ومخبياه
جميله: م م معنديش حاجه اقولها
اياد: طب وحياتي عندك مش مخبيه حاجه
جميله: بس بقا يا اياد
اياد: طب قوليها
جميله: هي ايه دي
اياد: اللي في قلبك جميله انتي بتحبيني زي مابحبك ولا لا
جميله: لا طبعا
اياد بمكر وحزن مصطنع: كنت عارف انك مبتحبنيش
جميله باندفاع: لا طبعا قصدي بحبك
اياد يبتسم: وانا بموت فيكي
جميله تستوعب هي قالت ايه وتتكسف وتتقلب وجنتاها خجلا وياخدها اياد في حضنه ويقول بهمس بحبك بحبك اوي
جميله: وانا كمان بحبك اوي يا اياد اوعدني ان عمرك ماتجرحني ابدا
اياد بتوتر: ا.ا اا ه طبعا
جميله بشك: فيه ايه يا اياد اتوترت كده ليه
وفي الوقت دا تخلص الرقصه ويتنهد اياد بارتياح
وبعد وقت من الفرح والسعاده يخلص الفرح وكل واحد يروح علي بيته وياخد اياد جميله ويتعشوا بره
ـــــــــــــــــــــــــــــــــــــــــــــــــــــــــــــــــــــــــــــــ
عند اياد وجميله قاعدين في النادي وفي المكان المخصص لهم
جميله: اياد هو انت ليه ارتبكت لما قولتلك اوعدني متجرحنيش
اياد بارتبارك: ا ايه اللي هيربكني بس ياحبيبتي
جميله: طب اوعدني يا اياد
اياد: ا ااوعدك ياحبيبتي
جميله: اياد انا فعلا حبيتك وبثق فيك ولو في يوم دمرت الثقه دي مش هتلاقيها تاني
اياد: طيب يلا نروح علشان الوقت اتأخر
ويوصل اياد جميله للڤيلا وقبل ماتنزل
اياد: جميله
جميله: نعم يا اياد
اياد ويقرب منها ويبوسها من شفايفها ويقول: بحبك
جميله باحراج: احم طيب تصبح علي خير
اياد: وانتي بخير ياقلبي ويمشي اياد يروح علي بيته
ـــــــــــــــــــــــــــــــــــــــــــــــــــــــــــــــــــــــــــــــ
عند جميله ف اوضتها قاعده بتفكر ليه اياد ارتبك كده لما جت سيره الوعد
جميله: ياربي هو انا اتسرعت لما وافقت علي كتب الكتاب بس يارب انا حبيته اوي وفرحانه اني بقيت مراته بس خايفه يجرحني معرفش ليه الاحساس دا بس خايفه يكسرني يارب ساعدني وتقوم تصلي ركعتين وتنام
عند اياد قاعد بيفكر ياتري اللي بيحصل دا صح
ويحاول يقنع نفسه انه مش غلطان ويدخل عليه رامي
رامي: مالك قاعد كده ليه
اياد: بفكر ياتري اللي بيحصل دا صح ولا غلط
رامي: مانا قولتلك يا صاحبي من الاول
اياد: بس انا مش غلطان اكيد
رامي: ومين قال انت مش غلطان بالعكس انت غلطت اكتر لما اقنعتها بكتب الكتاب يا اياد
اياد: بس هي وافقت بمزاجها
رامي: هي وافقت علشان حبتك وعلي العموم مترجعش تندم في الاخر عن اذنك يااا يااا ياصاحبي ويسيبه رامي ويمشي ويحاول اياد يقنع نفسه ان هو مش غلطان وبعد تفكير ينام اياد