رواية القصه واللي كان الفصل الحادي عشر11والثاني عشر12 بقلم رحاب القاضي
قال احدهم ذات مره: تعلمت القوه من اللحظه التي ضحكت فيها وكان يجب أن ابكي..
_دلفت مي خارج غرفتها بعد ان قامت والدتها بنداءها، وجلست امام مندور وخالد بغضب تحت نظراتهم الحاده..
مي بغضب مكتوم
نعم عايزين اي؟..
خالد بحده
انتي ي بت انتي مفيش ادب خالص ولا اي؟..
وقفت مي واردفت بحده
هو ده اللي عندي عايزين اي؟..
مندور بجمود
اي علاقتك بظابط الشرطه؟..
مي بعدم فهم
ظابط شرطة اي؟..
مندور بغضب
محمد البحيري اللي دايره معاه ع حل شعرك..
مي بملامح تبدو عليها الصدمه الشديده
ايي هو ظبط؟!..
خالد بسخريه
اي ي سكر متعرفيش انه ظابط وكمان متجوز ومخلف..
منال بحده
مين ده ي بت؟ مين ده اللي ماشيه معاه؟ دي اخرت ربايتي ليكي ي مي؟...
_مندور بجمود وهو ينهض ويقف امام تلك التي دموعها هبطت ع وجهها...
مندور
استني ي ست منال، خلي الهانم تفهمنا..
مي بانكار وعدم تصديق
انتو بتكدبو، انتو اصلا متعرفوش هو مين..
_ انتهت كلماتها بصفعه قويه ع وجهها من مندور سقطت اثرها ع الاريكه وهي ممسكه بوجهها ببكاء مرير، ونظرات والدتها التي ترمقها بلوم اشد..
مندور بحده
اسمعي ي بت انتي ابوكي كان صاحبي كان بيدخل بيتي ويقعد فيه وسط مراتي وبناتي كانه اخويا، وامك دي اختي ابوكي خطبها مني لما جه يتجوزها انا وهي طلعنا ايدينا فأيد بعض واكتر من الاخوات، فاقسم بالله لو ممشيتي عدل واتلميتي وركزتي فالكليه بتاعتك لاربيكي انا من اول وجديد زي مربيت نور بنتي واشد، انتي فاهمه..
_ نظرت له بغضب شديد، فحين جلس هو ع مقعده وهو مازال يرمقها بحده..
واردف بنبره حاده
قوليلي تعرفيه منين؟ وازاي متعرفيش انه ظابط؟..
_ نظرت للجهه الاخري بغضب، وصمتت ولم تجيب..
خالد بحده
ي بت اتكلمي عشان الواد ده مش بيكلمك لله فـ لله وعايزين نعرف قصده وعايز مننا اي؟..
مي ببكاء مصحوب بالغضب
ميعرفكمش اصلا، انا اتعرفت عليه من سنتين من ع الفيس وقالي انه شغال فمطعم بتاع ابوه من لما ابوه مات وهو ماسكه وانه متخرج من كلية حقوق، وحبينا بعض وهو بيحبني وهيجي يتجوزني لما اظبط اموري والله وامشي من الحته المقرفه دي..
مندور بجمود
هو يعرف انتي ساكنه فين؟..
مي بأحراج
لا هو يعرف اني ساكنه فحته شعبيه بس ميعرفش فين بالظبط..
خالد بهمس لمندور
اي الصدفه المنيله بنيله دي؟..
مندور بحده
اسمعي ي بت عثمان الواد ده تقطعي علاقتك بيه وامك هتاخد منك موبيلك لحد متتربي ولو عرفت انك شوفتيه تاني انا هتصرف معاكي...
نظر لمنال وتابع بجمود
الواد ده بيضحك بنتك، ده ظابط شرطه وسخ وابن *** ومتجوز ومخلف، فخافي ع بنتك ي منال وخلي بالك منها...
_ اردف كلماته وذهب للخارح ومعه خالد، لتذهب مي باتجاه غرفتها...
اوقفتها منال وهي تردف بحده
هاتي تليفونك ده قبل متدخلي اوضتك..
مي ببكاء شديد
حلي عني ي ماما دلوقتي والنبي..
_دلفت للغرفه واغلقت الباب بقوه خلفها..
منال ببكاء وغضب منها
روحي ي مي ربنا ينتقم منك ع اللي عملاه فيا، قلبي وربي غضبانين عليكي...
_اخذت تسير بغرفتها ذهاباً واياباً وهي تقوم بالاتصال به وملامحها غاضبه ودموعها تغرق عيناها..
اجاب عليها بهدوء ومرح
بقلق من مكالمات الصبح دي هاا..
مي ببكاء
لا متقلقش ي حضرة الظابط، ولا ابنك اسمه اي عشان انديلك بيه..
_هب جالساً ع مقعده وكأن صاعق كهربي اصابه واجابها بقلق..
محمد
مي ممكن تهدي، وتعالي نتقابل وانا هفهمك كل حاجه والله..
مي ببكاء شديد
مش عايزه افهم منك حاجه، انا عملتلك اي عشان تكدب عليا كل ده، ده انا حبيتك ي محمد وقولتلك متجحرنيش كفايه اني اتجرحت من اقرب ناس ليا، لي توجعني كده ليه؟..
امتلئت عيناه بالدموع واجابها بحزن
طيب عشان خاطري وحياة حبي ليكي اسمعيني...
مي ببكاء ونبره عاليه
مش عايزه اسمعك ولا اسمع حاجه عنك تاني انت فاهم...
_ اغلقت الهاتف بوجهه، وجلست ع فراشها وهي تبكي بقوه..
_اما هو ع الجانب الاخر، القي بهاتفه بغضب ع الطاوله، ونهض عن مقعده ووقف وهو يسير بالغرفه بغضب ودموع متحجره، اخذ يشد ع شعره بقوه..
اردف بحزن شديد
مش هسيبك ي مي لو حصل اي مش هسيبك..
_طرق العسكري الباب ودلف للداخل وادي التحيه العسكريه لمحمد..
واردف بثبات
في خناقه فالحجز تحت ي افندم والمساجين عاملين قلق فالقسم كله..
_محمد وهو يخلع ساعة يده ويلقيها ع الطاوله بغضب
محمد
جم فوقتهم، هات العساكر وتعالي ورايا...
ــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــ
_اسفل منزل مندور..
خالد وهو يتحدث بالهاتف بحده
انتي هبله ي نور، ده انا كنت هناك مع ابوكي هكون بعمل اي يعني؟..
نور بحده
وانا اعرف منين ميمكن رايح تخطبها..
خالد بغيظ
نور انا عندي شغل مش فاضي للهبل ده، وبعدين مين دي اللي اخبطها واسيبك ي هبله..
نور بغضب
اومال كنت عندهم بتعمل اي هااا؟..
خالد بغضب اكبر
ابوكي كان بيزورهم وبيشوفهم محتاجين حاجه ولا لا وخدني معاه...
نور بحده
وانت تروح لي؟ ولا البت مي عجبك؟..
خالد بغيظ
اقفلي ي نور عشان كلامك بجد يحرق الدم وانا مش ناقص..
نور بنبره حزينه
انا بحرق دمك ي خالد، شكرا ي عمم..
خالد بتنهيده غاضبه
ي نور اعقلي بقي وبطلي الحركات دي، وبعدين مليون مره اقولك ولا مين وحده تملي عيني غيرك ي عبيطه..
نور بهدوء
طيب مانا عارفه..
خالد بغيظ
وحياة امك كل ده وعارفه، اومال لو متعرفيش كنتي عملتي فيا اي؟..
نور بمرح
بغير عليك ي قمر ي حلو انت..
خالد بابتسامه هادئه
ي ستي ع قلبي زي العسل، المهم انتي فين؟...
نور بهدوء
انا نايمه، وكمان شويه اما تيجي سالي من الكليه هنروح عند اميره نباركلها..
خالد بجمود
لا قومي كده انا طالع ع السطوح تعالي نقعد شويه وبعدين نامي..
نور بحده
نعممم لا انا مش بتاعت سطوح ي حبيبي مستحيل اطلع...
_بعد قليل..
ـــــــــــــــــ
_نور وهي تجلس جواره ع السطح امام السور القصير...
نور
انت عندك قوة اقناع رهيبه، انا مكنتش هطلع لولا انت اقنعتني..
خالد بأبتسامه واسعه
اقنعتك فين انا؟ انا يدوب قولت براحتك لقيتك واقفه هنا مستنياني..
نور بغيظ
يعني انزل؟..
خالد بهدوء
لا طبعا خليكي..
نور بجديه
مالك طيب مدايق لي؟..
خالد بجمود
عندنا شغل النهارده، هنسلم طلبيات وكده فتلاقيني قلقان...
نور بمرح
يعم محسسني انك رايح تسلم مخدرات واو سلاح بخلقتك دي..
_نظر لها مطولاً بحزن شديد...
نور بقلق
في اي، بخاف من نظراتك دي، اوعي تكون هترميني من فوق..
ابتسم رغماً عنه واردف بهدوء
هو انا لو كنت هسلم مخدرات او سلاح كان هيبقي رد فعلك اي؟..
نور بهدوء
مش عارفه، اي السؤال الرخم ده؟..
خالد بجديه
جاوبي ي نور بجد..
نور بجديه
امممم مكنتش هحبك..
شحب وجهه واردف بصوت بالكاد خرج منه
ازاي؟..
نور بجديه
يعني انا حبيت خالد اللي طلعت ع الدنيا لقيته مؤدب ومحترم وجدع والحته كلها تشهدله، خالد اللي عمره ميفكر ياذي قطه مستحيل يفكر ياذي ناس بالسلاح او المخدرات ويكون سبب فموتهم، فهو ده خالد اللي حبيته..
_ابتسم لها بحزن ودموع متحجره.. فتابعت هي بحماس...
نور
خالد انت اتاثرت بكلامي، طيب مانا عاقله اهو وبقول كلام حلو..
_خالد وهو يحاوطها بزراعه لتضع هي راسها ع كتفه وهي تبتسم بسعاده واردف بحزن شديد....
خالد
انتي كل حاجه حلوه بتتلخص فيكي ي نور، الدنيا اصلا حلوه بيكي وباللي زيك..
_ابتسمت باتساع من كلماته لها، فحين هبطت دموعه هو ومسحها سريعا قبل ان تلاحظها هي...
ـــــــــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــــــــ
_وفي مركز النيابه...
الهام بقلق
ي عم مندور هو اتاخر لي؟..
_مندور وهو ينظر ليحي الذي يجلس بجوار المحامي بجمود..
مندور
هيجيبوه دلوقتي اطمني ي بنتي..
الهام بهمس
ياريت، انا كمان لازم امشي، شوقي لو عرف اني جيت هنا وكمان مع يحي وحضرتك مش هيعديها ع خير..
مندور بهدوء
متخفيش ولو كلمك تعالي عندي انا وهحللك الموضوع..
الهام بايماء
ربنا يخليك ي عمي مندور، انا مش عارفه اقولك اي...
مندور بهدوء
متقوليش حاجه انتي زي نور بنتي الهام..
_طرق العسكري الباب ودلف للداخل ومعه ذلك الشاب، الذي كان ينظر ارضا بملامح يكسوها الحزن والالم، وكدمات تملأ وجهه بقوه...
الهام بدموع
سليم..
_رفع راسه لها، فهرولت هي له تحتضنه بقوه، وضمها الاخر بقوه وبكاء مرير، نظر لهم يحيي بابتسامه حزينه وهو يتذكر شقيقته عائشه و شقيقه المشاغب ايضا ياسين، فحين استئذن وكيل النيابه بهدوء وغادر للخارج تقديراً لمندور العشري...
مندور بهدوء
حمدلله ع سلامتك يبني..
سليم بقلق وهو مازال يحاوط شقيقته بتملك
عم مندور حضرتك اللي خليتهم يخرجوني من امن الدوله صح؟...
مندور بجديه
مش وقته الكلام ده، انا عايزك تقعد وتحكيلنا كل حاجه عشان استاذ طارق المحامي يقدر يساعدك..
_ اومئ له سليم، وذهب وجلس ع المقعد الفارغ بجوار يحي..
طارق المحامي بهدوء
سامعك ي سليم احكيلنا بقي كل حاجه متسيبش فتفوته..
ابتسم سليم بدموع واردف بسخريه مؤلمه
كل الحكايه واللي فيها اني حبيت، انا اتخرجت من كلية التجاره اجتهدت واشتغلت معيد فالكليه حبيت بنت هناك، بنت رقيقه جدا، مش بايدي حبيتها ومبصتش هي بنت مين ولا ابوها مين وانا مين، مهو لو بايدي كنت هختار حاجات كتير تبقي فحياتي، انما في حاجات بتيجي وتقتحمنا من غير منكون عايزنها ولا حاسبينها..
_نظر له يحي بأهتمام، وكأنه راي شخص يعرفه جيداً، شخص كان بداخله وانكر وجوده منذ سنوات...
تابع سليم بدموع
كل ذنبي اني حبيت ودخلت البيت من بابه وخطبتها، واترفضت ووالله لما اترفضت بعدت عنها وقولت معذبهاش معايا بس ازاي وازاي انا اروح اتقدم لبنت الوزير السابق ناصر الشهابي، فلفقلي قضية قلب النظام العام دي ووداني امن الدوله وسط ناس منهم الوحش ومنهم اللي زي حالتي، نتاخد كل يوم نشوف العذاب الوان لحد منبكي زي العيال الصغيره واي الذنب اللي عملناه او الاذي اللي سببناه ليهم معرفش..
_ كان الجميع ينظر له بشفقه والهام التي تنظر لشقيها ببكاء شديد ع كم الالم التي تعرض لها، وكان هناك ايضاً يحيي من ينظر له بدموع متحجره انه ماضيه، هذا الشاب يتحدث عن ماضيه او ماضي يشبه ماضيه المؤلم..
اردف طارق بهدوء
اطمن ي سليم، الموضوع محلول هندفع الكفاله وهتخرج، زي ملفقو قضيه لحبسك بطريقه وسخه، بنفس الطريقه هخرجك...
_ ابتسم سليم بخبث وعيناه يكسوها الظلام والحقد...
ـــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ــــــــــــــــــــــــــــــــــــــــــــــــــ
_وفي ورشة شوقي جلست امامه صفيه واخبرته..
شوقي بجمود
خير ي صفيه سايبه القهوه بتاعتك وجايه عندي الورشه لي؟..
صفيه بهدوء
جايه عشان مصلحتك ي جوز اختي..
شوقي بفضول
مصلحتي فاي بالظبط؟..
اجابته بصوت هامس وخبث
سالي...
سوقي باهتمام شديد
ازاي برضو؟...
صفيه بابتسامه خبيثه
انت مش عايز تتجوزها هساعدك..
نظر لها بسخريه واردف
والله، وهتاخديني بقي عند الشيوخ اللي كنتي بتاخدي اختك عندهم عشان تخليني اكره سالي اللي جايه تقنعيني انك تسعاديني اتجوزها..
صفيه بهدوء
لا مش شيخ، عندي فكره تخليها ليك غصب عن الكل...
شوقي بجمود
واضمن منين ان دي مش حركة غدر منك او من اختك..
صفيه بهدوء
اسمع مني وشوف، وبعدين انا بعمل ده لمصلحة اختي..
شوقي بعدم فهم
ازاي، مصلحة اختك اتجوز عليها تاني؟!..
صفيه بخبث
قصدي انك لما هتتحوز سالي هتزعل يوم يومين وهتنسي وهتتقبلها زي الهام، وكمان انت بعد متتجوز سالي هتكتب الشقه اللي فيها اختي بأسمها..
شوقي باقتناع
موافق بس اتجوز سالي الاول، بس برضو هتجوزها ازاي ده كتب كتابها الخميس الجاي كمان يومين يعني، انا كنت ناوي اقلب ام اليوم من اوله لاخره..
صفيه بحقد
لا مش كده، انت هتلعب من بعيد..
شوقي بأهتمام
فهمني!!..
صفيه بأبتسامه يكسوها الظلام
هقولك....****....
ـــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــ
_هبط مندور من السياره، وايضا يحي الذي كان يقودها بجواره...
مندور بجمود
انا قولتلك ترجع انت عشان متسمعوش وهو بيتكلم ويقلب عليك المواجع..
يحي بهدوء
متقلبه ع طول ي حج اطمن..
مندور بحده
اللي عملته في الواد الظابط وصلني، لي عملت كده؟..
يحي بتنهيده طويله
هو والوسخ التاني بيدايقو اهلي فكنت لازم اوريهم جزء من الوش الجديد..
مندور بحده
كنت قولي ي يحي، ابقي عارف ابني بيروح فين وبيعمل اي، مش كل مره اعرف زي الغريب..
يحي بهدوء
مش عايز اشغلك ي حج..
مندور بغيظ
لا اشغلني وابقي عارف انت فين وبتعمل اي وانا هبقي راضي..
يحي بابتسامه هادئه
طيب صلي ع النبي واهدي واللي عايزه بعد كده هيحصل..
مندور بجمود
عليه الصلاة والسلام، كمان شويه خد الرجاله انت وتوني وخالد اسبقوني ع المخزن وقول لخالد شوقي ميجيش النهارده..
يحي بهدوء
حاضر بس احنا هنروح بدري كده لي، ده العشي لسه مأذن..
مندور بجمود
نفذ اللي بقولك عليه ي يحي..
_يحي بأيماء وهو يذهب لخالد وتوني الجالسين ع المقهي..
يحيي
اعتبره حصل ي حج، هقعد معاهم هنا شويه ونجمع الرجاله ونروح..
_ذهب مندور داخل ورشته الخاصه به، وذهب يحي ليجلس بجوار خالد وتوني ع المقهي وهم يتبادلون اطراف الحديث عن ما سيتم فعله اليوم بتسليم تلك الاشياء السامه...
توني بجديه
والله ي جماعه احنا مرتبينها صح ومفيش قلق غير من ابن عزام ده...
خالد بسخريه لازعه
ع الله تيجي من عنده النهارده وتخلص لحد كده بقي..
يحي وهو يلكمه بخفه ع كتفه
خف ي خالد مش كل مره تبقي ضارب الوش اللي يسد النفس ده..
توني بمرح وهو يتناول بعض الشاي
والله ي يحي خالد فيه من امي كتير وخصوصا الوش ده، نفس وش امي لما الواي فاي يخلص ومتعرفش تحضر المسلسلات الاجنبي بتاعتها دي..
_ضحك جميعهم بمرح، فحين لفت انتباه يحي سالي التي دلفت خارج منزلهم وهي ممسكه بيدها بالم واتجهت الي الصيداليه الخاصه بالحي..
خالد بقلق
دقيقه هشوف البت دي مالها واجيلكم نروح ع المخزن..
يحي وهو ينهض قبله
لا خليك انت، اجمعو الرجاله واستناني عند الورشه وانا هشوفها واجي وراكم....
_اومئ له خالد، وبدأ هو وتوني يهاتفون هؤلاء الرجال الذين يعملون معهم، فحين ذهب يحي الي تلك الصيدليه ووقف امام الباب يتابع ما يحدث بملامح غاضبه دون ان يلاحظ احد وجوده..
اردف ذلك الشاب الذي يقف بالصيداليه
طيب مش ع مهلك ي دكتوره، ينفع كده ايدك اتحرقت جامد..
سالي بهدوء
مكنتش اقصد ي دكتور باسم والله..
باسم وهو ينظر لها بابتسامه واسعه
الف سلامه عليكي، ده مرهم هيتحط دلوقتي عليها وهلفها ليكي بالشاش ده دلوقتي وهتخف..
سالي بتوتر
اا تمام، بس هي اميره فين تعملهملي، يعني عشان متتعبش حضرتك..
باسم بابتسامه خبيثه لن تفهمها سالي
اميره اجازه عروسه بقي، عقبالك..
سالي بأبتسامه هادئه
شكرا ي دكتور..
باسم وهو يجذب يدها بهدوء
انا هعملها ليكي متقلقيش....
_جاء صوته حاد من خلفهم، لينظران له سريعا..
يحي بحده وهو يتقدم من سالي ويجذب يدها من يده بقوه
شوف شغلك ي دكتور..
_نظرت له سالي بعدم فهم لما يفعله، وايضاً بألم من ضغطه ع يدها التي تؤلمها....
باسم بجمود
مانا بشوف شغلي ي استاذ يحي، والدكتوره فاهمه كويس انا بعمل اي...
يحي بنظرات ناريه ارعبته
وانا بقولك شوف شغلك، وانا ههتم بالدكتوره..
_ذهب بهاء واخذ يلهو ببعض الادويه بملامح غاضبه، فحين جذب هو ذلك الكريم وبدأ بوضعه ع يدها بهدوء..
سالي بقلق
هو في اي؟..
_لم يجيب عليها بل تابع ما يفعله بملامح يكسوها الغضب...
سحبت سالي يدها بغيظ من تجاهله
شكرا انا هخلي نور تحطه ليا فوق..
يحي بحده لازعه وهو يجذب يدها مجدداً بقوه
كان من الاول ي دكتوره...
سالي بألم وغضب
اي الطريقه دي هو في اي؟..
يحي بحده وهو يضع لها الشاش بطريقه جيده
في ان اميره مش موجوده يبقي كنتي مشيتي، مش تقفي والدكتور الممحن يمسك ايدك و..
قاطعته بحده وصوت شبه عالي
لمعلوماتك انا ايدي مدلوق عليها ميه مغليه ومحروقه ونازله اشوف حاجه تهديها، ومش محتاجه ابرلك حاجه تاني..
يحي بغضب شديد ونبره اعلي
لا ي هانم انتي مش هتبرري حاجه عشان لو اتكرر موقف زي كده تاني هشيل ايدك خالص واريحك منها...
_نظرت له بحده وذهبت للخارج، فحين رمق يحي ذلك الطبيب الذي ينظر له بتوتر ومسح ع وجهه بغضب وذهب للخارج، ثم الي توني وخالد الذين كانا يقفا امام الورشه ومعهم بعض الرجال الذين يعملون معهم..
خالد بقلق
في اي، كنت بتزعق لي؟...
يحي وهو يشعل احدي لفافات التبغ خاصته وملامحه غاضبه بقوه
مفيش حاجه، فين باقي الرجاله؟...
_ع الجانب الاخر كانت دالفه الي منزلها، ولكن اوقفتها احدي الفتيات وهي ترمقها بأبتسامه صفراء..
الفتاه بنبره خبيثه
سالي عاش من شافك..
سالي وهي تستجمع هدوءها
ازيك ي رحمه عاملة اي؟..
رحمه وهي تنظر لها من الاعلي للاسفل بغيظ
كويسه ي حبيبتي، انتي اخبارك اي محدش شايفك يعني؟ ..
سالي بضيق
الحمد لله كويسه، بس الكليه مش مخلياني افضي اتنفس حتي والله..
رحمه بسخريه
والله اممم، الكليه مش مخلياكي تتنفسي، بس مخلياكي فاضيه تتجوزي..
سالي بعدم فهم
اتجوز، هو انا اتجوزت فين ي بنتي؟..
رحمه بغيظ تحاول اخفاؤه
هو مش انتي كتب كتابك الخميس الجاي، دي الحته كلها عرفت..
سالي بصدمه وغضب
نعم؟! ده ازاي ان شاء الله...
رحمه بغيظ وهي تذهب من امامها
مش عليا انا الحركات دي ي سالي، متخفيش مش هحسدك، بعد اذنك..
_وقفت سالي تنظر اثرها بعقل مشوش، هل سيكتب كتابها الخميس القادم اي بعد يومين وهي لا تعلم، نظرت ليحي الذي يتحدث مع خالد امام الورشه بغضب وذهبت بأتجاههم...
سالي بحده
خالد خالي جوه؟..
_نظر لها جميع الواقفين بقلق من نبرتها الحاده..
خالد بقلق
ايوه جوه في اي؟..
نظرت ليحي بغيظ واردفت
طيب لو سمحت هات الاخ اللي جنبك وتعالي ورايا جوه..
_ دلفت للداخل، تحت ضحكات الآخرين المكتومه، ونظرات الغيظ منه ع طريقتها الفظه تلك امام الجميع..
خالد وهو يكتم ضحكاته
يلا ي اخ يحي نشوف في اي..
يحي بغيظ
يلا اما نشوف موضوع اخ ده مع الهانم بنت خالتك..
_ دلف الاثنين للداخل، ليجدو مندور وسالي يتحدثون بحده..
مندور بغيظ
اهو جه، يحي انت مش جيت وقولتلي ان سالي موافقه ع كتب الكتاب يوم الخميس..
_اجابه وهو يجلس امام مندور ع المقعد المقابل لسالي واجاب ببرود..
يحيي
ايوه..
سالي بحده
انا قولتلك اني موافقه ولا انت جيبتلي سيرة الموضوع اصلا..
يحي بنظرات حاده
كنت هقولك ع المعاد بس انتي موافقه بشكل رسمي ع اننا نكتب كتب الكتاب ولا اي ي حج مش هي قالت موافقه بنفسها كده يوم فرح توني..
مندور بايماء
ايوه انا فاكر كويس..
يحي بخبث قبل ان تعترض بشئ
وكمان انا وهي اتكلمنا فالموضوع تاني وهي كانت موافقه..
سالي بغيظ
ده امتي بقي ان شاء الله؟...
يحي بأبتسامه خبيثه
هنا فالمكتب من يومين لما كنتي مستنيه نور، ع الكنبه اللي قاعد عليها خالد دي..
_توترت كثيراً وتوردت وجنتيها وهي ترمقه بحده بان يصمت...
خالد بأبتسامه خبيثه ايضا
استغفر الله العظيم..
مندور بحده
هو اي اللي بيحصل بالظبط ي ست سالي..
_نظرت له بغضب وكادت ان تبكي من ذلك الموقف..
فاردف هو لمندور للهروب من الموصوع
سيبك منها ي حج كده كده هنكتب كتب الكتاب وخلينا فالشغل الرجاله جات بره هنطلع دلوقتي ولا نستناك..
مندور بجمود
لا اطلعو انتو، وانتي ي سالي اطلعي فوق واهدي، ومتقعديش مع نور كتير عشان شكلها لحست دماغك زيها..
_ضحك خالد ويحي بقوه ع هيئتها الغاضبه، فنهضت وذهبت للخارج وهي ترمق يحي بغيظ...
ـــــــــــــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــــــــــــ
_كانت الساعه تقرب من الواحده بعد منتصف الليل..
ع احد السواحل المائيه، كان يقف خالد ويحي وتوني ورجال مندور باكملهم....
خالد وهو ينظر الي ذلك المنظار المقرب
اهم ظهرو فاضل ربع ساعه كده ويوصلو..
يحي بجمود
اسامه روح نادي الحج عشان يقف معانا..
_ اومئ له اسامه وذهب واخبر مندور الذي دلف خارج سيارته التي كانت تقف بعيداً ووقف معهم، لتأتي بعد قليل سفينه كبيره بعض الشئ من الطراز الحديث..
_هبط منها بعض الرجال المسلحين ثم قام احدهم بمسك يد فتاه اقل ما يقال عنها انها فاتنه بملابسها الرسميه وشعرها الاشقر القصير وعيناها الزرقاء وبشرتها البيضاء وجسدها الممشوق...
توني بتنهيده طويله
حضر الاسد اللهم لا حسد..
يحي وهو يرمق الفتاه بتفحص
قصدك حضر البطل...
وقفت امامهم الفتاه واردفت بابتسامه جميله مثلها
كيفك ي حج مندور والله اشتقنا الك..
مندور وهو يصافحها بحرارة وابتسامه واسعه
نورتي مصر ي اخت الغالي...
اجابته وهي تنظر لاحدهم
منوره باهلها والله..
اردفت وهي تنظر لخالد بابتسامه واسعه
كيفك ي خالد..
خالد بجمود
الحمد لله ي انسه جيدا..
جيدا بمرح
لك هيك بترحب فيني...
خالد بهدوء
اومال ارحب بيكي ازاي...
اجابته بعناقها له وهي تردف بهمس باذنه
هيك بترحب فيني منيح..
يحي بهمس لتوني
ده لو نور هنا كان زمانها رمت الاتنين فالميه..
توني بغيظ
ي بخته يعم..
_ابعدها خالد عنه بهدوء، وهو ينظر ليحي وتوني بغيظ وهو يعلم بأنهم يتهامسون عنه..
واردف بجديه
هنزل البضاعه طيب ولا اي؟..
مندور بامر لرجاله
يلا ي رجاله شوفو شغلكم..
_ بدأ بالفعل الرجال بانزال البضاعه من ع تلك السفينه ومعهم توني ويحي وخالد..
مندور بقلق
انا عارف ان البضاعه نزلت فاسكندريه من الطياره وصلتي بيها ازاي لهنا، والتفتيش و..
جيدا بابتسامه واثقه
ما تقلق ي حاج مندور خيي عدنان ظبط كل شي قبل منتحرك من لبنان اصلا...
مندور بهدوء
ربنا يكملها ع خير، انتي هتيجي معانا ع البيت..
جيدا بأبتسانه واسعه وتصنع الرفض
لا بشكرك كتير بس انا راح ضل بالأوتيل...
جاء خالد لهم واردف بجديه وملامح غاضبه
البضاعه فالعربيات ي حج هنتحرك ع طول..
مندور بهدوء
طيب يلا بينا احنا، وهات حد من الرجاله يوصل جيدا للبيت عندنا..
خالد بغيظ
عندنا فين؟..
جيدا بهدوء
الحاج مندور قال اني راح ضل عندكن حتي بعود للبنان، بس انا قلتلو ما بيصير وراح ضل بأوتيل وخلاص..
نظر مندور بحده لخالد، ليجيبها خالد بقلق
لا ميصحش كده الحج مندور هيزعل هبعت حد من الرجاله، وانا هكلم نور ي حج عشان يستنوها..
مندور بحده
انا هكلمها ي خالد روح شوف شغلك..
_اومئ له خالد وغادر ليصعد احدي السيارت بجوار احد رجال مندور وكذلك يحي وتوني ومندور، وذهب احد الرجال ليصل جيدا تلك الضيفه الي منزل مندور..
ـــــــــــــــــــــــــــــــــــــــــــــــــــــ
_ وقفت سيارات مندور العشري ع احد الطرق الخاليه اطلاقاً من الماره، ليجدو عدد من السيارت ويقف خارجها عمر عزام..
_هبط مندور وبجواره خالد ويحي وذهبو له...
عمر بجمود
اهلا ي حج مندور فمعادك بالظبط..
يحي بحده
فين فلوس؟..
عمر بابتسامه ساخره
انا مش بتعامل بالفلوس والجو ده ي يحي..
خالد بحده
اومال بتتعامل اي، احنا جاين نهزر هنا ي عمر عزام..
_ اشار عمر بيده لاحد رجاله الذي تقدم منه وقام باعطاءه ذلك الجهاز الالكتروني المسمي بالايبات...
_عمر وهو يقوم بالضغط ع بعض الاشياء بذلك الجهاز..
عمر
مهو لو الحج مندور كان بيرضي يشتغل معايا، كنتو عرفتو انا بتعامل باي..
تابع وهو ينظر لمندور بجديه
الحج مندور يدخل حسابه هنا والفلوس هتتحول لحسابه فالبنك، انما اشيل فلوس واجي بيها، الجو ده مش بتاعي...
_مندور وهو يأخذ ذلك الجهاز ويعطيه ليحي واردف بجمود وهوو ينظر لعمر...
مندور
دخل حسابك ي يحي...
_ابتسم عمر من زاوية فمه، فحين رمق يحي مندور وكاد ان يرفض ولكن نظرات مندور الحاده جعلته يوافق ويفعل ما امره به مندور..
اخذ عمر الجهاز وضغط ع عدة اشياء واردف بجديه
الفلوس وصلت، اقدر اخد البضاعه..
مندور بجديه
العربيات عندك اهي اتفضل..
عمر بهدوء
تمام ي حج، وبكره هجيبلك العربيات بنفسي..
_ اومئ له مندور بنعم واخذ رجاله وغادر...
ـــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــ
محمد بحده
اسيبو اي ي خليل بقولك جه ومد ايده عليا وكمان هددني ان لولا اختك كان زمانه منتقم مننا..
خليل ببرود حاد
معلش امسحها فيا، مهو تلاقي ابوه زعله جامد..
محمد بغضب
انت اي البرود ده ي بني، انت مستوعب اللي ممكن يحصل فينا لو الواد ده كبر فالزفت اللي شغال فيه..
خليل بجديه
محمد هو مش قالك مش هياذينا عشان خاطر الزفته اختي خلاص سيبه وانا هبقي احاول اوقعه قبل ميكبر..
محمد بقلق
ولو معرفتش اوقفه؟..
خليل ببرود
يبقي كبر دماغك...
محمد بغيظ
اقفل ي خليل، انا غلطان اني كلمتك..
_ اغلق معه ثم حاول الاتصال بـ مي ولكنها وضعته بالحظر..
فأردف لنفسه بصوت غاضب
ماشي، انا بقي هتصرف ي بتاعت البلوك. انتي..
_ع الجانب الاخر ما ان اغلق محمد مع خليل، حتي ذهبت هي لغرفتها ودموعها تهبط بلا توقف ع وجهها..
هتفت بابتسامه وسط بكاءها
لسه بتحبني ي يحي، وكمان مش راضي تاذيهم وترد اللي حصل ليك ولاهلك...
ابتسمت بالم وهي تتذكر..
_فلاااااش باك...
ـــــــــــــــــــــــــ
يحي وهو ف بقوه وثبات لوالده
ايوه اتجوزنا ومش ندمان ع اللي عملته..
عادل بحده
يبني كان في حل تاني كده انتو بتعادو خليل اكتر وهو هيعند اكتر..
يحي بجمود
يخبط دماغه فالحيطه، فرح بقيت مراتي وفبيتي ولو راجل يعملها حاجه..
قمر وهي تحتضن فرح بقوه
ولا هيعمل حاجه ولا غيره هيزعل شويه ومسيره ينسي ويسامح، وبس بقي محدش يعكنن فرحتي بمرات ابني..
ياسين بمرح
فرح انتي لي ملبستيش فستان..
يحي وهو ينظر لها بابتسامه واسعه
هتلبس فستان وهنعمل فرح صغير لينا هنا...
عائشه بابتسامه واسعه
بجد فرحتوني الواحد بقاله كتير مفرحش..
_قطع جلستهم المرحه صوت طرق قوي ع باب المنزل..
يحي بجمود
خليكم هنا محدش يجي بره انا هفتح..
عادل بقلق
انا جاي معاك ي يحي استني..
_فتح الباب ليجد خليل يقف امامه ويرمقه بغضب دفين..
يحي بحده
عايز اي؟..
خليل بغضب وهو يحاول الدلوف للداخل
وسع ياااه انا جاي اخد اختي..
دفعه يحي للخارج بقوه واردف بغضب اكبر
لما تيجي بادب وتحترمها وابقي واثق انك مش هتأذيها ابقي وقتها اخليك تشوف اختك اللي هي مراتي...
خليل بغضب شديد وهو يجذبه من ياقته
مراتك، انت اتجوزتها يروح امك..
_لكمه يحي بقوه ليترنح الاخر بوقفته للخلف وصاح فيه بغضب..
يحيي
اااه اتجوزتها اتجوزت خطيبتي اللي غصبتها تسيبني...
خليل بغضب وصوت عالي
انتو فاكرين كده لويتو دراعي، اقسم بالله لوريكم ايام سودا سامعه ي فرح ورحمة ابوكي لربيكي ي و****...
_اغلق يحي بوجهه الباب ودلف للداخل، ليجدها تجلس ع الاريكه بجوار والدته وشقيقته وتبكي بصمت..
يحي بهدوء
انتي بتعيطي لي، انا معاكي ومحدش هيقدر يعملك حاجه..
فرح ببكاء
انا اسفه والله انتو كل اللي حصلكم ده بسببي..
يحي بمرح وهو يجلس امامهم
بسببي انا عشان انا اللي متنيل ع عيني بحبك ي ستي ومش هسيبك ابدا..
_ضحك جميعهم بقوه، فحين ابتسمت هي بخجل..
_فاقت من شرودها ع دلوف زوجها للغرفه وذهب الي جوارها ثم الي النوم دون ان يتحدث لها، اسندت راسها ع حافة السرير واخذت تبتسم بألم ودموع وهي تتذكر ذكرياتها معهم...
ـــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــ
_بعد منتصف الليل بالكثير دلف توني الي داخل منزله وهو يدندن بعض الاغاني الشعبيه بهدوء، ثم ذهب الي غرفته خلع جاكيته الجلدي وحذاءه والقي بجسده ع الفراش ودثر نفسه اسفل الفراش، ثم تململ بنومته، ثم هب جالساً..
واردف لنفسه بارهاق
في حاجه كده انا ناسيها..
عاد للنوم مجدداً واردف بملامح ناعسه
ما علينا...
فتح عيناه بقوه واردف بتذكر
اميره...
_هب سريعا جالساً وهو ينظر حوله يبحث عنها، ثم نهض سريعا وذهب الي المرحاض الخاص بالغرفه ولم يجدها، فذهب للخارج لغرفة والدته، وطرق الباب بهدوء لتجيبه والدته من الداخل..
توني بتوتر
امي هي اميره فين؟..
اجابته بحده
نايمه عندي غور نام..
توني بغيظ
نايمه عندك واغور انام، هو انا اتجوزتها عشان تتخمد عندك..
طرق ع الباب بقوه واردف بحده
اتنيلي اطلعي ي اميره..
_فتحت الباب ووقفت امامه وهي تعقد ساعديها امام صدرها بغضب...
اميره
نعم..
جذبها من زراعها بقوه
نعم الله عليكي، تعالي اتخمدي فاوضتك ي مدام..
جذبت يدها منه بعنف واجبته بحده
لا مش هنام عندك، وهنام هنا وانت روح ي حبيبي نام عند اللي كانت بايت عندهم ولا اي ي خالتي..
اردفت والدته بتايد
معاكي حق ي ميرو، مهو لازم ينسي حياة العزوبية ويعرف انه متجوز ورجوع وش الصبح ده يبطله..
توني وهو يرمق والدته بغضب
انا مش هرد عليكي ي عشان انتي للاسف الشديد امي..
تابع وهو ينظر لاميره بحده
وانتي لو مجيتيش قدامي ع اوضتنا ه..
قاطعته بحده
هتعمل اي هتشتم ولا هتمد ايدك..
توني بغضب
لا ده ولاده، بس اقسم بالله لو متعدلتي وسمعتي الكلام لانتي طالق مني بالتلاته ي اميره..
_نظرت له بصدمه فهي لن تكن تتوقع ان يتحدث لها بهذا الغضب، فحين تركها وذهب لغرفته..
اميره بدموع لوالدة توني
عجباكي عمايل ابنك..
_نظرت لها والدته بحزن، ثم ذهبت للنوم واردفت لها بجمود..
ام توني
روحي لجوزك وخدي الباب فايدك انا قولتلك من الاول هيقفش منك لو جيتي تباتي عندي..
_ اغلقت اميره الباب وذهبت الي غرفتها هي وزوجها، لتجده يجلس ع الفرااش ويهز قدمه بغضب، ذهبت هي للجهه الاخري وكادت ان تذهب للنوم..
فاوقفها بقوله الحاد
وبعدين هتبطلي شغل العيال ده ولا اي؟..
اميره بحده
انت ليك عين تتكلم، افرض كنت عاندت معاك ي توني ومشيت كنا هنطلق..
توني بحده
مانا مش عارف اي اللي حصل لكل ده، انا طلعان ميتين ابويا فالشغل وجاي وش الصبح وحيلي مهدود يعني مكنتش بلعب وشايف قدامي بالعافيه، وبدل ملاقي مراتي قاعده مستنياني تهون عليا الاقي نكد وقرف...
اميره ببكاء
انا نكد وقرف ي توني، طيب قول لنفسك انا كام مره اكلمك وانت تكنسل ولا حتي عامل حساب اني قاعده قلقانه عليك وفالاخر مش من حقي ازعل..
_تنهد بقوه وجلس بجوارها ع الفراش وهو يجذبها لاحضانه...
توني
خلاص طيب، انا اسف ي ستي متزعليش بس هطلب منك طلب ويتنفذ..
_نظرت له بفضول.. فاردف بغيظ
متسمعيش كلام امي تاني ممكن، دي وليه دماغها تعبانه ومش فيها..
اميره بغيظ
لا ملكش دعوه بخالتي، وع فكره انت فاهم غلط هي كانت عماله تهديني وتقولي اجي استناك ونتفاهم بهدوء بس انا اللي مكنتش راضيه، وع فكره هي بتيجي معايا ضدك فاي خناقه من زمان عشان تقسم زعلك علينا ومتزعلش مني اووي..
نظر لها مطولاً بأبتسامه واسعه...واردف
انتي وهي اجمل واطيب اتنين فحياتي..
_احتضنته هي بقوه، ليضمها الاخر له وهو يقبل جبهتها بهدوء...
ـــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــ
سالي وهي تتناول افطارها بهدوء
امم مفهمتش اي اللي جابها برضو ومالنا احنا بيها...
نور بغيظ
يادي النيله، ي اغبي خلق الله مانا من الصبح بقولك ان بابا كلمني بالليل وقالي في ضيفه جيالكم استقبلوها كويس واجي انا ابت عندك وهي تبات فأوضتي..
سالي بحده
مانا فهمت ده، هي مين بقي؟...
_سعاد وهي تجلس امامهم بعد ان اتمت تجهيز الافطار..
سعاد
دي تبع عدنان صاحب الحج اللي من البلد اللي اسمها لبنان دي..
سالي
مراته يعني؟...
سعاد بنفي
لا اخته الصغيره..
نور بصوت هامس
بس بس الوحش جه..
_جاءت لهم تلك التي تدعي جيدا وهي ترتدي فستاناً زهري يصل لاسفل الركبه بقليل بحملات عريضه وتترك شعرها خلف ظهرها مفرود، لتصبح جميله للغايه..
اردفت بهدوء وهي تقف بجوار سعاد
صباح الخير عليكن...
_اجابها الجميع بهدوء، واردفت سعاد وهي تجذبها بهدوء من يدها
سعاد
صباح النور ي بنتي، اقعدي افطري معانا يلاا..
جيدا وهي تجلس بجوارها
اوكي، يسلمو ايداكي ي مدام سعاد الفطور كتير بيشهيي..
نور بصوت هامس لسالي
بت اساليها بتستعمل اي لوشها عشان يبقي صافي كده من غير حبوب..
سالي وهي تكتم ضحكاتها
اقسم بالله اتكسف اكلمها ابان راجل قدامها..
_قطع همسهم سوياً، عندما وجهت لهم الحديث..واردفت بنبرتها الرقيقه للغايه..
جيدا
انا بعرف انو الحاج مندور عنده بنت وحده، مين فيكن؟..
نور بهدوء وجديه
انا نور بنته، ودي سالي بنت عمتي وبنته برضو...
اومئت لها جيدا بأبتسامه واسعه واردفت بتوتر
هو خالد قاعد معكن هون؟..
_نظرت لها نور بغيظ شديد بل واحتدت ملامحها بقوه، فحين كتمت سعاد وسالي ضحكاتهم ع هيئة نور...
جيدا بقلق
شو في، قلت شي غلط انا؟..
_جاء مندور لهم وجلس ع راس الطاوله بعد ان القي عليهم تحية الصباح...
مندور بابتسامه واسعه
مش مؤتر اقولك ي بنتي ان البيت بيتك ويارب يكون عجبتك القعده هنا..
جيدا بابتسامه هادئه
بشكرك كتير ي حاج مندور، بس عنجد القعده هون كتير حلوه حاسه انو انا فبيتي...
سعاد وهي تربت ع كتفها بهدوء
بيتك ومطرحك ي بنتي، كملي افطارك..
_صدح صوت طرق ع باب المنزل، فلا يأتي احد لهم بذلك الوقت سوا خالد، نهضت سالي لتفتح فجذبتها نور بقوه لتجعلها تجلس رغماً عنها...
سالي بغيظ
في اي ي نور كنت هقع؟..
نور وهي تنهض بغضب
انا هفتح اترزعي..
مندور بحده
اقعدي ي نور ده خالد خلي حد يفتح غيرك..
_لاحظت نور ابتسامة جيدا الواسعه ما ان ذكر اسم خالد، وانها بدات تعدل من هيئة شعرها بتوتر..
نور بغيظ لمندور
بقولك اي يابا فكك مني ومن الجو ده دلوقتي وكمل فطارك احسنلك..
مندور وهو يرمقها بغضب وهي تذهب لتفتح الباب
البت بتزعقلي ي سعاد...
سعاد بقلق
معلش ي خويا متقصدش امسحها فياا..
مندور بغضب
ماشي ي نور بس افضالك وانا هربيكي كويس...
_ع الجانب الاخر، فتحت نور الباب لتجد خالد يقف امامها بهدوءه المعتاد..
نور بحده
عايز اي؟..
خالد بأبتسامه صفرااء
امممم انا كنت عارف اني هنزل الاقي الوش ده، فين سالي؟..
نور بغضب
ومالك ومال سالي من امتي بتسال عليها، ولا انت بتتلكك عشان تيجي تشوف البت الوتكه اللي جوه..
خالد بمشاكسه مرحه
لا بتلكك عشان اجي اشوفك انت ي قمر..
نور بحده وصوت عالي
بقولك اي متثبتنيش عشان انا مش طايقه نفسي دلوقتي..
خالد بحده
صوتك ي ماما اهدي بدل م ابوكي يجي يديني ويديكي بالجزمه..
_كادت ان تجيب عليه ولكنها لاحظت نظراته خلفها، لتتحول ملامحها للغضب بقوه ما ان استمعت لصوت تلك الشقراء..
التي اردفت بنبرتها الرقيقه
خالد منيح اني شفتك هلأ..
_اغمض هو عيناه بقوه، فهو يعلم تمام العلم بأن اقامة هذه الفتاه هنا ستجعل نور تغضب عليه كثيراً..
استدارت لها نور واردفت بحده
انتي مش كنتي بتفطري روحي كملي فطارك يلااا..
جيدا بغيظ من نبرتها الحاده
انتي شو دخلك افطر ولا ما افطر، انا اصلا بدي خالد بشي مهم...
خالد بصوت هامس وقلق
يادي سنين خالد السودا، منك لله ي خالي ع الشوره المهببه دي...
نور بغضب
خالد مش فاضي يختي عنده شغل...
ثم نظرت لخالد بحده واردفت
اتنيل انزل شوف اللي وراك..
خالد وهو ينظر لها بقلق
حاضر والله هنزل بس اهدي، وقولي لسالي تنزل عشان اسامه مستنيها هيوصلها للكليه...
اردفت تلك الشقراء سريعا
بليز خالد تفضيلي حالك شوي بدي احكي معك لحالنا بشي مهم..
_انهت حديثها وهي تنظر لنور بخبث، فحين استشاطت الاخري غضباً واغلقت الباب بوجه خالد بقوه، واخذت تبتسم لها بحقد وخبث شديد...
جيدا بنظرات خائفه
شو في، ليش عم تطلعي فيني هيك؟..
_ما انقذها من انياب نور الغاضبه مجئ سالي لهم التي ما ان رات هيئة نور وعلمت ان اذا بقيت هذا الفتاه امامها كثيراً ستقتلها بلا ادني تردد..
سالي بسرعه وقلق
اا انسه جيدا خالي بيناديلك....
_اومئت لها جيدا سريعا وغادرت بخوف شديد من نظرات نور...
سالي بقلق
في اي ي بت بتبصيلها كده لي؟..
نور بدموع متحجره من شدة غضبها
الصفرا بنت الصفرا دي عماله تتمايع ع خالد يرضيكي؟..
سالي وهي تكتم ضحكاتها
لا طبعا دي مجنونه عشان تبص لخالد دي، بس اهدي ومتعمليش اي حاجه لحد مخلص واجيلك عشان خالي يرضي يخليكي تنزلي معايا نجيب فستان كتب كتابي..
نور بهدوء
طيب، صح خالد بيقولك اسامه تحت ميتنيكي هيوصلك الجامعه..
سالي وهي تذهب للخارج
ماشي باي واهدي عشان خاطري..
_ اومئت لها نور بابتسامه صفرااء، فحين ذهبت سالي للاسفل، وما ان وصلت الي خارج البنايه حتي رات سياره ما تقف امام المنزل ويصدح منها صوت اغاني عالي للاغنيه الشهيره لمحمد قنديل"ي حلو صبح ي حلو طل"..
_ذهبت وصعدت بالخلف بأنزعاج من هذا الصوت العالي..فاردفت لذلك الذي يتكئ برأسه ع عجلة القياده..
سالي
وطي الصوت شويه ي اسامه والنبي...
_رفع هو رأسه لها لتشهق هي بصدمه... واردفت بحده..
سالي
يحي، انت بتعمل اي هنا؟...
_استدار لها للخلف واردف بصوت هادئ مع صوت محمد القنديل الذي يصدر من المسجل..
يحيي
من قد اي وانا بستناك وعيني ع الباب والشباك عشان اقولك واترجاك ي حلو يا حلو صبح..
كتمت ابتسامتها واردفت بحده مصطنعه
اي هو ده، اتفضل انزل ونادي اسامه..
يحي بهدوء
خلاص بقي ي حجه مترخميش، واهدي ده احنا خلاص بكره هنبقي متجوزين رسمي، ينفع نتجوز واحنا متخانقين..
سالي بغيظ
لا اهدي انت، بدل ميبقاش فيها جواز اصلا...
يحي بحده
لا ده غصب عنك هيبقي في ي سكر..
سالي بغضب
بزمتك تفرق اي انت عن شوقي بطريقتك دي وانت زيك زيه بتغصبني ع الجواز؟...
يحي بغمزه مشاكسه
الفرق اني يحي هاا يحي ي سالي...
ابتسمت رغماً عنها واجابته بتوتر
اي يحي يعني؟..
يحي بخبث
اسألي نفسك اي يحي يعني...
اجابته بحده مصطنعه
طيب وطي عبد الحليم اللي انت مشغله الصبح ده، واتفضل انزل نادي اسامه يوصلني والا والله هنزل واروح لوحدي..
يحي بسخريه حاده
ده عبد الخليم، تصدقي بالله انا طول عمري اعرف ان الغباء بيبقي فالدماغ، اول مره اشوفه انه فالودان والسمع، بتفاجئيني ديما والله...
سالي بغيظ وغضب
نادي اسامه ي يحي وخلصني عشان متأخرش..
_نظر لها بغيظ، ثم صاح بـ اسامه الذي كان يجلس ع المقهي ع بعد قريب منهم...
سالي بهدوء
يحي بجد ومتهزرش هو ده مش عبد الحليم؟..
_نظر لها بسخريه، ثم تنهد بهدوء وصمت...
سالي بغيظ
انت صدمتني ع فكره انا من وانا صغيره فاكره ان دي اغنية عبد الحليم..
ضحك بهدوء واردف بصوت هامس
غبيه...
سالي بغيظ
سمعتك ع فكره، اهو انت...
_هبط هو من السياره عندما جاء لهم اسامه...
يحي بجمود
هنتعبك ي اسامه وصلها الكليه وارجع..
اسامه بايماء
لا تعب ولا حاجه ي عم يحي انت تؤمر..
_صعد اسامه السياره بالامام، فحين مال يحي ع الشباك الخلفي..
واردف لها بهدوء
خلي بالك من نفسك..
نظرت له بهدوء ولم تجيبه...
يحي بجمود
براحتك ي سالي...
_ ابتعد عن السياره، فذهب اسامه بها الي كليتها، فحين استدار هو ليذهب الي ورشة عمل مندور، فلاحظ شوقي الذي يقف خارج ورشته وهو يرمقه بحقد شديد، وع الجانب الاخر صفيه التي تجلس ع احد مقاعد المقهي الخاص بها وترمقه بنفس نظرات شوقي..
يحي وهو يدلف داخل ورشة مندور
اعوذ بالله من الشيطان الرجيم ع الصبح...
_دلف داخل مكتب مندور، ليجد عمر عزام يجلس امام مندور الذي جاء للتو هو الاخر..
يحي بتجاهل لعمر
انت نزلت امتي ي حج؟..
مندور بخبث
من لما كنت قاعد فالعربيه..
_ ابتسم يحي بهدوء، ثم جلس امام عمر الذي ينظر له بثبات..
واردف بهدوء
اهلا ي عمر ..
عمر بابتسامه هادئه
اهلا بيك ي يحي...
تابع وهو ينظر لمندور
كده العمليه خلصت ومحصلش حاجه ي حج وعربياتك وصلتلك اهي وجبتهالك بنفسي، فده ميمنعش اننا نشتغل تاني سوا من غير قلق بينا..
مندور بجمود
اللي فيه الخير يقدمه ربنا ي عمر...
عمر بهدوء ليحي
عازمك النهارده انت وخالد ي يحي، حابب اشكركم ع انكم كنتو سبب اني اتعامل مع الحج مندور..
يحي وهو يذهب للخارج
هنشوف..
مندور بهدوء
رايح فين ي يحي؟..
يحي بهدوء
هروح المخزن عند توني وخالد هنشوف طلبيات الخشب اللي هتطلع النهارده..
اومي له مندور بهدوء.. عمر بجمود
عامل حفله صغيره فالمركب بتاعتي خالد يعرف المكان، اتمني تيجو لان هتبقي فتحة خير علينا كلنا..
يحي بهدوء شديد
ان شاء الله..
_ذهب يحي للخارج، فحين رمقه عمر بنظرات مطوله غير مفهومه..
مندور بهدوء
تشرب اي ي عمر؟..
عمر بجديه
مش مهم دلوقتي يحج، انا كنت جايلك فموضوع تاني...
مندور بجمود
خير ان شاء الله؟..
عمر بقوه وثبات
انا عايز اناسبك ي حج مندور...
_تهجمت ملامح مندور بحده... فحين تابع الاخر بنفس نبرته..
عمر
انا عايز اتجوز نور بنتك..
فماذا سيحدث...
الفصل الثاني عشر
قالت إحداهم ذات مره: خذلني فكسر قلبي، فدمرت حبي له بكبريائي....
عمر بقوه وثبات
انا عايز اتجوز نور بنتك ي حج مندور..
_احتدت معالم وجه مندور وهو ينظر له بصمت...
عمر بهدوء
انا جيتلك بعيد عن الشغل واي حاجه سواء هنتعامل مع بعض تاني او لا الموضوع ده ع جنب وملوش علاقه باللي بطلبه منك دلوقتي....
مندور بجمود
انت واخد بالك بتطلب اي ي عمر، بتطلب تاخد روحي وعمري كله، اللي يوم مهوافق اجوزها لحد يكون حد يستاهلها، ميكونش جاي ياخدها مصلحه لشغله..
عمر باستنكار
مصلحه لشغلي؟!..
مندور ببعض حده
هو انا لسه هتعرف ع عمر عزام ده اللي ربي خير من اللي اشتري...
عمر بجديه
انا لو هدور ع جواز المصلحه كان اولي اتجوز بنت ناصر الشهابي وزير سابق وضهر ليا فأي حاجه اعملها، انما انا اتجوزت زمان جواز مصلحه مش هكدب عليك، بس دلوقتي العمر بيعدي وانا بدور ع بنت اصول زوجه تليق تبقي ام اولادي..
مندور ببعض اقتناع بحديثه
والله انا مش عارف اقولك اي بس...
عمر بخبث
وبعدين انا مش مصدق الكلام اللي بيتقال فالحاره ع انها هتتخطب لخالد، بس انا عارف انه ابن عمتها وبس ولا انا فاهم غلط؟..
مندور بملامح غاضبه
هو فعلا ابن عمتها وبس..
عمر بابتسامه واسعه
يبقي كده مفيش اي مشكله ي حج، وهديك وقتك تفكر براحتك..
مندور بجمود
ورئيها هي ي عمر اهم حاجه..
عمر بثبات
طبعا، وانا مستعد لاي حاجه تطلبها..
مندور بهدوء
اللي فيه الخير يقدمه ربنا ي عمر...
ـــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــ
_في المنيا...
ـــــــــــــــــــــــ
_دلفت عائشه الي ورشة والدها، لتجد ياسين شقيقها يعمل ع احدي السيارت باندماج شديد..
عائشه بحده
انت معندكش دم والله ي ياسين مش قولتلك طلعلي صنية الشاي دي فوق..
ياسين وهو لا يشيح نظره عن السياره
مانتو عندكم كوبيات كتير فوق ي عائشه مش حوار هو..
عائشه بغيظ
مانت عارف امك مش بترضي تطلع كوبيات من الجديده غير لو في ضيوف..
ياسين وهو يدفعها من كتفها بقوه للخارج
طيب مش اخدتي الكوبيات غوري اطلعي فوق، خليني اخلص ام العربيه دي قبل ابوكي ميجي ويخليني انا اللي محتاج تصليح..
ابتسمت بشماته وهي تذهب للخارج
احسن والله تستاهل..
_ وقبل ان تذهب للخارج انتفضت بقوه ما ان رأت خليل يقف امامها حتي سقطت منها تلك الصنيه، فنظر لها ياسين بقلق واردف..
ياسين
مالك ي بت في اي؟..
_ وقبل ان تجيبه دلف خليل للداخل وهو ينظر لها بابتسامه بارده...
ياسين بغضب شديدوهو يجذب شقيقته خلفه
عايز اي، وجاي هنا لي؟..
خليل وهو يجلس ببرود شديد ع احد المقاعد الموضوعه
كنت فالقاهره كام يوم وقولت اجي اسلم عليكم اول مرجعت..
ياسين بحده
لا بينا سلام وكلام اتفضل من غير مطرود..
خليل بنبره جاده
اسمع ي ياسين انا مش هاخد عليك، انت كنت صغير ومتدركش الامور وقتها كانت اي، بس صدقني انت لو كنت مكاني كنت هتعمل اكتر من اللي عملته...
عائشه بغضب وحده
انت كدااب، انت بني ادم مريض ومتعرفش ربنا واللي عملتوه فينا وفاخويا ربنا هيخلصو منكم..
ياسين بحده
لو فاكر اني هصدق الكلمتين اللي قولتهم لابويا يبقي بتحلم، يحي اخويا اشرف من انكم تجيبو سيرته والايام بينكم وبينه ي ابن سيادة اللوا..
_نهض خليل من ع مقعده وهو يرمقهم بحده وغيظ.. واردف وهو يذهب للخارج..
خليل
ابقو افتكرو كلامكم ده لما اخوكم يشرف فالسجن تاني...
ذهب للخارح، فوقفت عائشه امام ياسين واردفت بقلق
هو اي الثقه اللي بيتكلم بيها دي؟..
ياسين بغضب
كبري دماغك من اي حاجه سمعتيها، دول تعابين واخبث خلق الله..
عائشه بدموع
انا خايفه ع يحي منهم...
ياسين بابتسامه هادئه وهو يحتضنها بهدوء
متخفيش يحي اللي شوفته اخر مره يتخاف منه مش يتخاف عليه...
عائشه وهي تبتعد عنه بغضب
اوعي يخربيتك وسختلي هدومي بريحتك دي..
ياسين بغيظ
غوري ي بت اطلعي فوق والا والله هفتح دماغك بالمفتاح ده...
ـــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــ
_في المستشفي التي تدرب بها سالي..
_كانت تسير بأحد ممرات المستشفي حتي اوقفتها احدي الممرضات.. واردفت لها باحترام..
الممرضه
ي دكتوره سالي، دكتوره نادين طالبه حضرتك فوق فالعياده...
سالي بهدوء وهي تذهب باتجاه الاسانسير
حاضر انا هروحلها..
_ذهبت للاعلي ومنه الي تلك الطبيبه بغرفتها الخاصه بفحص المرضي، طرقت الباب بهدوء وسمحت لها الاخري بالدلوف..
سالي وهي تدلف للداخل بأحترام
نعم ي دكتوره..
_شهقت بقوه ما ان وقع نظرها عليه يجلس امام الطبيبه ويرمقها بابتسامته الخبيثه..
نادين بجديه
تعالي ي دكتوره سالي، النهارده انتي هتستلمي الكشف ع المرضي هنا كأختبار ليكي وانا هعتذر واتمني متكونش في ولا غلطه...
سالي بتوتر وهي تنظر ليحي
اا يعني اشمعنا ي دكتوره النهارده؟..
نادين بجمود
هو اي اللي اشمعنا النهارده، انتي جايه هنا تدربي ي دكتوره سالي مش جايه تلعبي، وده اختبار ليكي وهيتحط فالشهاده كمان..
سالي باحراج
اسفه ي دكتوره مكنتش اقصد..
_نادين وهي تاخذ متعلقاتها وتهم بالمغادره تحت ضحكات الاخر المكتومه...
نادين
الاستاذ يحي اول حاله هتبدأي بيها، هو عنده جرح فبطنه اتخيط بره المستشفي وتقريباً حصله التهاب حاد، شوفي شغلك معاه..
_اومئت لها سالي فحين ذهبت نادين للخارج، واغلقت خلفها سالي الباب واتجهت ليحي بملامح لا تبشر بالخير.. واردفت بانفعال..
سالي
انت اي اللي جابك هنا انت اتجننت ي يحي..
يحي ببرود
هو اللي بيتعب ويروح مستشفي يبقي مجنون، وبعدين احمدي ربنا اني مقولتلهاش انك انتي اللي مخيطالي الجرح ي خايبه..
سالي بغيظ وهي ترفع ملابسه كي تنظر للجرح
فين الالتهاب اللي عندك وريني..
يحي وهو يبتعد عنها بمرح
في اي ي حجه، قوليلي وانا هرفع القميص اي قلة الادب دي..
سالي بحده وصوت شبه عالي
اخلص يحي عشان اشوف الغلب اللي ورايا..
_ دلفت لهم احدي الممرضات، فصمت الاثنين وهم يرمقون بعضهم بغيظ..
الممرضه بهدوء
دكتوره نادين طلبت مني ادخل اساعد حضرتك...
سالي بجمود
فيها الخير والله، تعالي ي ايناس مع النيله اللي واقف ده، لحد معقم ايدي واشوف جرح بطنه...
ايناس وهي ترمق يحي باعجاب
بقي ده نيله ده؟..
يحي بخبث وهو ينظر لسالي
قوليلها...
ايناس بابتسامه واسعه
اتفضل حضرتك اقلع القميص..
يحي بمرح
هو في اي بالظبط، وحده تقولي اقلع والتانيه كانت هتقلعني هي من شويه...
رمقته سالي بغيظ، فحين ضحكت ايناس بهدوء واجابته
مش قصدي، بس انت لازم تعمل كده عشان الدكتوره تعرف تكشف عليك..
يحي وهو يخلع جاكيته ويضعه امام سالي ع المقعد
ماشي، مع ان الدكتوره خيطتلي الجرح قبل كده من غير مقلع ولا حاجه، شكلها كانت خايفه عليا اخد برد..
_ تنهدت بغضب مكتوم، فحين بدأ هو بفك ازرر قميصه وهو ينظر لها بخبث، فتوردت وجنتيها ونظرت للجهه الاخري وهي تقوم بتعقيم يديها...
_ابتسم هو بهدوء، وذهب الي ذلك السرير الطبي الصغير وتمدد عليه بهدوء، فذهبت هي وجلست امامه واخذت تتفحص جرحه بتركيز، ولكنها نظرت له بغيظ.. واردفت بحده..
سالي
انت جرحك لم ومفهوش حاجه ع فكره..
يحي بجمود
عارف...
سالي بغيظ
اومال انت جاي لي؟...
جلس بهدوء واجابها بنفس نبرته
جاي عشانك..
ايناس باحراج
ااا انا هرتب مواعيد العيانين برا..
_ذهبت ايناس للخارج، فحين نهضت هي من مقعدها بملامح غاضبه... وصاحت فيه..
يحيي
انت بتستهبل ي يحي، جاي لحد هنا عشان ترخم عليا وخلاص...
نهض هو واخذ يرتدي قميصه بهدوء واجابها
لا جاي عشان احنا بكره هنتجوز ي سالي ومينفعش تبقي شايله مني بكره بالذات..
سالي بهدوء وهي تنظر لذلك الوشم الذي ع صدره
اشمعنا يعني بكره، ع العموم مش هتفرق هو كتب كتاب وخلاص، سيبك مني انا خالص..
يحي وهو ياخذ جاكيته ويمسكه بيده قائلاً
ازاي اسيبني منك هو مش في حضن بعد كتب الكتاب، ينفع اخد الحضن وانتي مقموصه كده..
سالي بخجل وتوتر
لا لا مفيش الكلام ده ع فكره انت هيخلص كتب الكتاب وتشوفلك اي داهيه تغور فيها..
يحي بغيظ
طيب اتلمي بدل ميبقي الحضن قبل كتب الكتاب..
سالي بحده
اطلع بره ي يحي انا ورايا هم تقيل النهارده...
يحي ببهدوء
معلش، انتي قدها وبعدين انا لولا واثق فيكي مكنتش قولت للدكتوره تديكي الاختبار النهارده..
سالي بنظرات غاضبه للغايه
نعم ي روح امك انت اللي قولتلها كده...
يحي وهو يتصنع الخوف
اهدي ي باشااا هفهمك، انا كنت جاي اصالحك وقولت اعمل عيان وتكشفي عليا، وجيت فاكر هلاقيكي هنا لقيت الدكتوره اللي مسؤله عن تدريبك فقولتلها ان كتب كتابنا بكره وانا عايز اصالحك فقالتي انها هتجيبك هنا ونتصالح بس بشرط انك تشيلي اليوم كله عنها ويبقي اختبار ليكي فمكنش قدامي غير اوافق..
سالي وهي تنظر حوالها بغيظ شديد حتي كادت ان تبكي
انت انت متخلف، انا مش جاهزه للأختبار، والناس اللي بره دي اقل غلطه هتنهيني فمجال الطب قبل مبدأ اصلا..
يحي ببرود
ده توتر عادي، انما انتي هتعالجيهم متخفيش..
سالي بحده
اطلع بره ي يحي مش طايقه ابص فوشك...
يحي وهو يذهب للخارج بغيظ
طالع ي سالي، بس دي تاني مره اجي اصالحك وانتي برضو مقموصه، رغم ان لما زعقتلك فالصيداليه كان عندي حق..
سالي بغضب
عندك حق فاي، انا كانت ايدي وجعاني و...
يحي بغضب شديد
ميلمسش ايدك ي دكتوره، ميتكلمش معاكي بالطريقه دي خالص، اللي حصل ده مش هسمح بيه ابداً...
سالي بخوف من غضبه هذا
محصلش حاجه ع فكره لكل ده، انا عارفه حدودي كويس..
يحي بتنهيده غاضبه
عارف، بس هو مش عارف حدوده وياريت تسمعي الكلام ي سالي...
_ اومئت له بهدوء وصمتت.، وكاد ان يذهب للخارج فأوقفه سؤالها..
سالي بضيق
هي مين فرح اللي اسمها مكتوب ع صدرك ده ي يحي؟...
يحي بجمود
كانت خطيبتي ومحصلش نصيب..
سالي بضيق
وازاي انا معرفش حاجه زي دي؟..
يحي بغمزه مشاكسه
بعد كتب الكتاب اقولك..
سالي بغيظ
لو معرفتش الاول مفيش كتب الكتاب...
_تنهد يحي بضيق وذهب للخارج، ثم الي الاسفل وقاد سيارته ذاهباً الي الحفل الذي دعاه له عمر عزام..
_ابتسم بهدوء وهو يضع يده ع موضع اسمها، وعادت ذاكرته للخلف مجدداً...
_فلاااااااش بااااااااااك...
ــــــــــــــــــــــــــــــــــــ
_ طرق يحي باب غرفة شقيقته، فسمحت له الاخري بالدخول، فدلف للداخل وهو يحمل بيديه عدة حقائب كثيره..
عائشه بمرح
اي ده انت جايب اي؟..
يحي وهو ينظر لفرح التي تجلس ع الاريكه بصمت وملامح حزينه
روحي كلمي امك عايزاكي بره ي عائشه...
عايشه بمرح
امممم بتوزعني مقبوله ي عم يحي، عشان فرحك النهارده بس...
_ ذهبت شقيقته للخارج، فحين وضع هو الحقائب جانباً، وذهب وجلس جوارها...واردف بجديه..
يحيي
انا عارف ي فرح انه كان نفسك اهلك يكونو معاكي النهارده، وانا مش مانعهم يجو، بس هرجع واقولك مسيرهم يهدو ويسامحونا...
فرح وهي تمسح دموعها
انا ااه كان نفسي يكونو معايا وجدا، واكتر حد كان نفسي يبقي معايا بابا...
يحي بهدوء
ربنا يرحه، ع فكره في حاجه عملتها عايز اوريهالك..
فرح بفضول
هي اي؟...
_يحي وهو يفك اول ازرر قميصه وظهر جرح بصدره يضع عليها بعض اللاواصق الطبيه..
فرح بفزع
اي ده، انت مين عملك كده؟...
يحي بابتسامه هادئه
طيب اهدي، انا يستي كنت بجيب البدله والفستان من محل كده، قصاده في محل بيعمل وشم والحاجات دي، طبعا الوشم حرام بس انا حبيت اكتب اسمك ع قلبي وعملته بس بماده كده زي مية النار بتطبع ومستحيل تتمسح ولا تختفي ابدا...
فرح بدموع
انت بتتكلم جد ي يحي؟..
يحي وهو يحتضنها بهدوء
انا لو اقدر اعمل اي حاجه مستحيله تثبت للعالم اني بعشقك هعمل كده...
فرح وهي تبادله العناق
ربنا ميحرمنيش منك ابداً...
_ فاق من شروده وهو يبتسم بمراره، واتبع سيره الي ذلك الحفل....
ـــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــ
_وفي المستشفي عند والد الهام..
الهام وهي تضع بعض الملابس بالحقيبه الصغيره
دقيقه بس ي بابا هطلع اشوف حد يساعدنا ننزل تحت واجي..
زينهم بحزن
سامحيني ي بنتي انا عارف اني حمل تقيل عليكي..
الهام وهي تقبله من جبهته بحنان
ياريت كل الحمول تبقي خفيفه عليا زيك كده ي بابا..
زينهم بدموع
الهام انتي مكدبتيش عليا صح، اخوكي عند صاحبه فاسكندريه وغلاوة يوسف ابنك صارحيني..
الهام بابتسامه هادئه
والله ي بابا سليم كلها يومين وهيكون عندك وقاعد معاك ومش هيسيبك تاني بس هو بيهدي اعصابه مش اكتر..
زينهم وهو يمسح دموعه بحزن
ربنا يطمني عليكي انتي واخوكي ي حبيبتي..
الهام وهي تذهب
ياارب ي بابا، دقيقه وجايه...
_ ذهبت الهام للخارج وذهبت باتجاه الاسفل ولكنها وجددت فارس يدلف خارج الاسانسير...
الهام بهدوء
ازيك ي فارس..
فارس باقتطام
كويس، عمي زينهم كويس، قلقت انه مخرجش من المستشفي مع ان معاده كان امبارح يخرج..
الهام بهدوء
مانا امبارح مكنتش فاضيه وجيت النهارده، وشكرا انك جيت وبتسأل، والحمد لله ان شوقي مش هنا..
فارس بحده
وحتي لو هنا انا كنت هاجي ي مدام مش هخاف منه الزفت ده..
الهام بغضب
لو سمحت ي فارس اتكلم كويس ع جوزي...
رمقها بسخريه واجابها
حاضر ي الهام هانم..
الهام بهدوء
سليم هيخرج كمان كام يوم و...
فارس بجمود
عارف انا بتواصل مع المحامي، بعد اذنك هطمن ع عم زينهم...
_تركها واتجه الي غرفة والدها، فحين هبطت هي الي غرفة الطبيب الخاص بمتابعة والدها، وكان هذا الطبيب احمد طرقت الباب بهدوء، فسمح لها بالدخول..
الهام بنبره هادئه
السلام عليكم ي دكتور..
اجابها بابتسامه واسعه
وعليكم السلام اتفضلي ي انسه الهام...
دلفت الهام للداخل ووقفت امام المكتب تابع هو بهدوء
انا عرفت اسمك من باباكي انه سالني عليكي امبارح وكده..
الهام بجديه
ماشي، انا كنت جايه بس اطمن ع حالته هو كويس ولا في حاجه تقلق..
احمد بعمليه
اطمني ي انسه الهام هو كويس جدا بس يحافظ ع علاجه وياخده. فالمعاد وان شاء الله مفيش قلق..
الهام بهدوء وهي تذهب للخارج
تمام ي دكتور، وشكرا جدا..
احمد بسرعه
لا تعب ولا حاجه، وانا فالخدمه فاي وقت الحج يحتاجني فيه ي انسه الهام..
الهام بابتسامه صفراء
كتير خير حضرتك...
تابعت وهي تشير لخاتم زواجها
وع فكره انا مدام مش انسه...
احمد بغيظ
بجد، قصدي سوري مكنتش اعرف..
الهام وهي تغادر
حصل خير بعد اذنك..
ـــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــ
_وبمكان اخر كانت تجلس مي باحد الكافيهات بجوار جامعتها وهي تضع يدها اسفل وجنتها، وتنظر امامها بحزن، جذب هو مقعده وجلس امامها..
مي بغضب
انت اي اللي جابك هنا؟..
محمد بهدوء
جايلك ي مي...
مي بحده وهي تهم بالمغادره
وانا لا عايزه اكلمك ولا اشوفك تاني ي كذااب..
محمد وهو يجذبها بقوه من يدها ويرغمها ع الجلوس مجدداً
طيب ممكن تهدي وانا هحكيلك كل حاجه..
مي بحده ونبره عاليه
انا مش عايزه اسمع حاجه منك، انت كدبت وضحكت عليا، لقيت عيله مراهقه قولت تتسلي بيها شويه و..
قاطعها محمد بقوه
انا بحبك...
صمتت ونظرت له بدموع.. محمد بنبره هادئه
والله العظيم حبيتك ي مي..
مي ببكاء
انت لي ضحكت عليا، لي تخبي عليا كل ده، سنتين بحالهم مصعبتش عليك لو للحظه تقولي الحقيقه؟..
محمد بحزن
خوفت، خوفت اخسرك وانا مصدقت لقيتك، مصدقت الاقي حد يحبني، حد اكون معاه الشخص الكويس اكون فنظره مثالي، مي انا حبيتني وحبيت نفسي بيكي انتي، حبيت الشخص البسيط اللي اتعرف عليكي وحبك من كل قلبه الشخص اللي بيكون معاكي طيب ومتسامح ومبيعرفش ياذي..
مي بدموع وسخريه مؤلمه
انما الحقيقه انك ظابط شرطه مش تمام، ومتجوز ومخلف وكنت بتتسلي بيا...
محمد بحزن
برضو مصممه متفهمنيش..
مي بحده
بالعكس انا اول مره فحياتي افهمك..
اتت لتغادر، فامسك يدها.. واردف بصدق
انا مش هسيبك ي مي، ومستعد اعمل حاجه بس متسبنيش..
مي بحده
انا عندي اني اموت ولا اكون معاك يوم تاني...
ـــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــ
_علي اليخت الخاص بعمر عزام..
يحي بملل
هي دي الحفله اللي عاملنا عليها حكايه ابن ال*** ده..
خالد بهدوء
لو كنت اعرف كده مكنتش جيت...
يحي بابتسامه جانبيه
كان الواد توني هيهص هنا لو جه معانا..
خالد بضحكه هادئه
لا مهو تلاقيه هايص فالجواز دلوقتي...
تابع خالد بقلق
ده لو نور شمت خبر ع اللي انا فيه، هتركب صوري ع خنازير وتنزلها ع النت...
يحي بمرح ايضا
والله انا لما بشوف عمايل نور اللاسعه دي، بقول الحمد لله ع نعمة غباء سالي..
_ ضحك الاثنين سويا بهدوء، حتي قطع همسهم مجئ شوقي ووقف معهم واردف بسخريه ليحي...
شوقي
هو في عريس كتب كتابه بكره يجي حفله زي دي..
يحي ببرود شديد
انااا، عندك مانع؟..
خالد بقلق
وانت مين اللي عزمك ي شوقي؟..
شوقي بجمود
الشيمي ومرضتش اكسفه..
خالد بغيظ
اصيل ي خوياا..
_ جاء ووقف امامهم احد الشباب وهو ينظر لخالد بحده.. واردف بغيظ..
باسم
منور ي خالد...
خالد بهدوء
ده نورك ي باسم...
باسم بحده
انا زعلان وشايل منك انت والحج مندور ي خالد، لان اتفاق الحج سعيد مع الحج مندور ان لينا جزء من العمليه اللي عدت، انما كلها تروح لعمر عزام ده جديد علينا، وقله مننا..
خالد بجمود
لا قله ولا حاجه، بس عمر عزام دفع اكتر..
باسم بغيظ
والاتفاق اللي بينا...
يحي ببرود
بله واشرب ميته..
باسم بغيظ
كلام اي ده ي خالد...
خالد ببرود ايضا
اللي سمعته ي باسم وروح شوف بتعمل اي مش فايقنلك..
باسم بغضب
ماشي منك ليه بس اللي ميزعلش...
شوقي بغضب بعد ان غادر الاخر
اي البرود بتاعكم ده افرض قرر يعمل حاجه مش تمام معانا..
خالد بجمود
ده مش هيقدر يعمل حاجه، اخره كلام وبس..
يحي بسخريه
زي ناس....
شوقي بغيظ
تقصد اي؟...
خالد بنفاذ صبر
بقولكم اي انتو الاتنين انا مش فايق لخنقاتكم وهغور اقعد وحدي وانتو ولعو فبعض بقي انتو حرين..
_ذهب خالد لاحد الاماكن الخاليه ووقف ينظر للماء بشرود، فحين نظر شوقي بخبث ليحي.. واردف
شوقي
ابقي روح عشان تنام بدري، عشان تقدر تستحمل يوم بكره ي عريس..
يحي بهدوء مستفز
ميخصكش، خليك فحالك...
_ع الجانب الاخر...
ــــــــــــــــــــــــــــــ
_تقدم عمر من خالد الذي كان يقف وحيداً، ووقف جواره بصمت.. ثم اردف بجمود..
عمر
سمعت انك خاطب بنت الحج مندور..
خالد بتنهيده غاضبه
حاجه زي كده....
عمر بخبث
وهي تعرف شغلك اي؟..
نظر له خالد بغضب... فتابع الاخر بسخريه
متفهمنيش غلط اصلها فمره اتقابلنا صدفه وقالتلي انك نضيف ومحترم وشريف والله فكرتها بتتكلم عن شيخ...
خالد بحده
وانت عايز اي يعني؟...
عمر بهدوء
ولا حاجه، بس مفيش حاجه بتستخبي يعني انا عمر عزام معروف بجراتي ومش بخبي ولا بداري شغلي عن حد بالعكس بقيت الناس تكدب نفسها وتقنع نفسها اني شريف وشغلي حلال عشان يبررو شغلهم معايا رغم اني معترف اني شمال، بس انت ويحي ومندور وشوقي حياتكم ع كف عفريت اللي حواليكم لو عرفو الحقيقه، نور مثلاً..
نظر له خالد بقلق واردف
مش هتعرف...
عمر بخبث
اتمني ده، انا مليش مصلحه بس عايز انبهك ان ولادالحرام كتير وممكن حد منهم يقولها وقتها..
خالد بغضب
نور بتحبني ولو عرفت ده مش هتصدق وهتيجي تسألني ووقتها هتسامحني و...
عمر بجمود
طيب اسمع بقي اللي هيحصل من واحد زيي خبره فكل حاجه، هي لو عرفت حبها ده هيتحول كره، لان اصعب حاجه ممكن تكسر اي ست خلقها ربنا الكدب والخداع، وانت بسم الله مشاء الله سنين بتكدب عليها ومفهمها انك ملاك وانت واحد شغلك وحياتك وفلوسك حرام ومليانه وساخه..
_صمت خالد وقلبه ينتفض بقوه ندماً وحزناً وخوفاً، نظر له عمر بحزن مصطنع وذهب من امامه، فحين ترك الاخر الحفل باكمله واخذ سيارته مغادراً ...
ـــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــ
_وفي منزل مندور..
مندور بهدوء
سالي فين؟..
سعاد
جات من المستشفي نزلت ي حبة عيني تاني مع نور جابت الفستان بتاع كتب كتابها وجات نامت ع طول...
مندور بجديه
طيب والضيفه جيدا؟..
سعاد وهي تجلس جواره ع الاريكه
خرجت ع بعد الضهر ورجعت من شويه اتعشت مع البنات وطلعت فوق عاجبها السطوح اووي...
مندور بجديه
طيب كويس، البت نور فين مش سامعلها صوت؟..
_نور وهي تدلف خارج غرفتها وهي تضع ع وجهها ماسك من اللون البني وعاقده شعرها للاعلي بشكل مضحك..
نور
انا هنا ي باا الحج خير؟..
مندور بامتعاض
اي اللي انتي منيلاااه فخلقتك ده ي بت انتي؟..
نور وهي تجلس امامهم ع الاريكه
ده ماسك ي بابا عشان وشي بكره يبقي منور فكتب الكتاب..
سعاد بحده
ي بت هي مش المفروض سالي اللي تعمل الحاجات دي..
نور بغيظ
قولتلها البومه، راحت قالتلي انا تعبانه وهنام...
مندور بجديه
سيبكم من الكلام الفاضي ده، في حاجه عايزه اقولها ليكم...
نور بحماس
خير ي بابا خالد قالك انه عايز يتجوزني صح، والنبي قول صح...
نظر لها مندور بحزن واجابها
لا مش خالد، عمر عزام عايز يتجوزك ي نور..
_نظرت له نور بصدمه وعدم تصديق، فحين ابتسمت سعاد بأتساع. واردفت...
سعاد
عمر عزام بنفسه عايز يتجوز نور، والله لو تمت لهتبقي ست الحته كلها ي نور..
نور بغيظ
بس ي وليه انتي اسكتي، بابا انا بحب خالد وهو قالي انه عايز يتجوزني والله، فأنسي موضوع عمر زفت ده..
سعاد بحده
انتي عبيطه ي بت انتي، بقي تسيبي عمر عزام اللي خالد واللي زيه شغالين عنده وتروحي تجري ورا خالد..
مندور بحده
سعااااد احترمي انك بتتكلمي ع ابن اختي ي هانم..
نور بشماته
احسن ي ماما احسن..
سعاد وهي ترمق نور بغيظ
والله مقصد ي مندور، بس من فرحتي بالعريس اللقطه ده والنبي مقصد ي خويا..
مندور بجمود
القرار لنور، عايزه مين؟..
نور بقوه وثبات
خالد طبعاً...
مندور بجديه
يبقي اسمعي بكره لو خالد مجاش وقالي انه عايز يتجوزك ع سنة الله ورسوله انا هوافق بعمر عزام، وكفايه لعب عيال بقي...
نور بثبات
هتشوف ي بابا، خالد لايمكن يستغني عني وهتشوفو..
_ رفعت راسها بفخر وذهبت لغرفتها...
ـــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــ
_في منزل فرح لاحظت حزنه، فذهبت وجلست بجواره قايله بقلق..
فرح
محمد هو في حاجه، انت من الصبح زعلان ومدايق..
محمد بسخريه
يفرق معاكي يعني...
فرح بتنهيده طويله
حتي لو قولتلك ايوه يفرق انت مش هتصدقني..
محمد بحده
ايوه مش هصدقك عشان انتي مش بتحبيني وعمرك محبيتي غيره، وانا اتجوزتك عشان اثبت لنفسي بس ان قادر اخد اللي عايزه سواء انتي او غيرك اللي عايزه هاخده ي فرح..
فرح بقلق من نبرته الحاده
معاك حق، وانت فعلا اتجوزتني ومبتسيبش فرصه عشان تعوض خسارتك زمان..
محمد بحده
غوري من وشي ي فرح انا مش ناقصك..
فرح بدموع
انا بكره هروح المنيا عايز تيجي معايا اهلا وسهلا، مش عايز براحتك..
محمد بغضب
غوري اهو ارتاح منك ومن نكدك شويه...
_ دلفت لغرفتها، وجلست ع الفرااش واردفت لنفسها بسخريه متألمه..
فرح
انت عوضت خسارتك ي محمد، انما انا من يومها وانا بخسر بس عمري مكسبت..
_هبطت دموعها وذاكرتها تلقي لها ما فات منذ سنوات بلا رحمه..
_فلاااااااش بااااااااااك:..
ـــــــــــــــــــــــــــــــــــــــ
_دلفت خارج غرفة عائشه وهي تردي فستان زفافها الرقيق الذي جلبه لها يحي، وكانت تترك شعرها البني الشبه قصير ينفرد ع ظهرها وبعض مساحيق التجميل تزين وجهها، لتبدو مثل الاميرات، وكان هو يقف مع والده وشقيقه الصغير واحد اصدقاءه وبعض اقاربهم...
قمر بابتسامه واسعه وهي تطلق بعض الزغاريت
بسم الله مشاء الله زي القمر ي حبيبتي..
عادل بابتسامه واسعه
تعالو طيب اقعدو بقي عشان نبدأ ليلتنا الجميله دي..
_كان يحي يقف وينظر لها بابتسامه حالمه، غير منتبه لاي احد حولهم، فحين كانت هي تموت خجلا من نظراته الجريئه تلك..
عادل بمرح
جرا اي ي ولد انت متنح كده لي؟...
يحي وهو يذهب لها ويحتضن يدها بهدوء
بس ي حج سيبني افرح بأعظم انتصار حققته فحياتي..
_ ما ان انهي جملته حتي كسر باب منزلهم بقوه ودلف للداخل عدد كبير من الرجال اصحاب البنيه القويه والمعالم الاجراميه...
يحي بغضب
انتو مين وازاي تدخلو كده؟..
_امسكه احدهم بقوه مكبلاً حركته وقام بعضهم بوضع مسدساتهم ع رؤس افراد عائلته...
واردف كبيرهم بحده للمعازيم
اللي خايف ع عمره يغور بره والا يعتبر نفسه جثه من غير روح...
_هرول جميع الضيوف للخارج بخوف شديد، واغلق هؤلاء الرجال الباب واضعاً خلفه احد المقاعد نتيجة كسره منذ قليل..
يحي بغضب
انتو مين وعايزين اي؟..
اجابه احدهم وهو ينظر لفرح بابتسامه هادئه
خليل باشا بيباركلك ي عروسه...
فرح ببكاء
خليل اخويا اللي باعتكم...
يحي بغضب
وحياة امه لاوريه واوديه فداهيه، وانتو لو مطلعتوش دلوقتي هتروحو معاه فستين داهيه...
_وقف ذلك الرجل ولكمه بقوه عدت لكمات، لينزف وجهه بقوه، تحت بكاء عائلته وصياح اخيه ياسين باسمه...
واردف بقوه
اكتم يااه انت دلوقتي هتنفذ اللي هنقولك عليه والا هتتفرج ع عيلتك الحلوه دي بدايه من الحج لحد الكتكوت الصغير وهما بيتقتلو قدام عنيك..
عادل بخوف شديد ع حياة اسرته
هيعمل كل اللي عايزينه ي بني بس ابعدو عنه..
_اخرج ذلك الرجل ورقة ما من جيبه، ووضعها ع الطاوله وبجوارها قلم واردف بحده..
الرجل
هتمضي ع عقد الطلاق ده، والانسه فرح وترجع لاهلها دلوقتي..
يحي بغضب
ده عند امك منك ليه...
_ابتسم الاخر بسخريه ثم ذهب الي يحي واخذ يلكمه بوجهه وبطنه بقوه، ليسقط الاخر ارضاً متالماً بقوه ووجهه اصبح ملئ بالكدمات...
فرح ببكاء شديد
طلقني ي يحي اسمع كلامهم وطلقني..
جثي ذلك الرجل ع ركبته امام يحي واردف بحده
هاا هتسمع الكلام ولا لسه نفسك طويل...
يحي بصوت متقطع من شدة المه
مستحيل اطلقها..
_امسك الرجل براس يحي واهذ يضربها بالارض بقوه، فحين اخذ بعض الرجال الواقفون يلكمونه بجسده بقوه، وكان هو يتألم بقوه وعيناه لا تري سوا اهله وهي، لاحظ سقوط والده ع ركبتيه وهو ممسك بقلبه بألم..
_توقفون عن ضربه، وامسك احدهم بـ ياسين الصغير ووضع ع راسه سلاحه..
واردف ذلك كبيرهم بجمود
احنا مبنهددش احنا واخدين اوامر ننفذ ومش هناخد دقيقه واحده فالسجن، فهتطلق ولا تترحم ع اخوك..
ياسين ببكاء
الحقيني يحي، ي يحي...
_نفضت فرح يد ذلك الرجل الممسكه بها، وذهبت له واحتضنت وجهه الملئ بالدماء بيديها الصغيرتين.. واردفت من وسط بكاءها..
فرح
اسمع كلامهم وغلاوتي عندك، هما مش هيسبونا نبقي لبعض اسمع كلامهم....
يحي بدموع والم شديد
عايزه تسبيني ي فرح؟...
فرح ببكاء شديد
غصب عني، هما هياذوك وهيأذو اهلك وهما ملهمش ذنب، بس والله مهنساك وهتفضل ديما فقلبي ي يحي..
اردف ذلك الرجل بحده
هتخلص ولا نخلص احنا..
فرح وهي تذهب وتحضر ذلك العقد من ع الطاوله
هو هيطلقني اهوو والله..
وضعته بين يديه واردفت ببكاء شديد
حبي ليك اكبر من اي ورقه واي علاقه، بس ده نصيبنا ولا انا ولا انت انانين، امضي ي يحي...
_ امسك القلم ونظر لها ببكاء وحزن شديد، وقام بتدوين اسمه، ذهب ذلك الرجل واخذ الوقه ووضعها بجيبه، واشار لرجاله..
مردفاً بغضب
هاتوه بقي لتحت عشان الباشا عايز يعلمه درس حلو كده بنفسه..
فرح ببكاء هيستيري
هو طلقني خلاص سيبوهم فحالهم..
اشار الرجال لباقي رجاله
انتو خليكم هنا ممنوع حد يتحرك بره البيت، ولا اقولكم انزلو انتو بالواد ده تحت وانا هستني هنا، اصل قلبي رهيف ومليش فالعنف..
اجابه احدرجاله
اوامرك ي عمهم...
_ اخذ الرجال يحي للاسفل وهو غارق فدماءه، تحت نظرات اهله المليئه بالخوف والرعب عليه، صدح صوت بكاء طفلة عائشه، لتنهض سريعاً لاحضارها، فدفعها احدهم لتسقط ارضاً..
اردف ذلك الرجل بانزعاج
ادخل هات العيل ده مش ناقصين صداع..
عائشه ببكاء وخوف شديد
محدش يقرب من بنتي والنبي دي طفله ملهاش ذنب فحاجه..
نظر لها هو بتفحص واردف بهدوء
متخفيش ي حلوه ده هيجبهالك..
_جاء ذلك الرجل وهو يحمل الصغيره بيد واحده والقاها ع عائشه بقوه، لتصرخ الطفله ببكاء شديد، واخذت عائشه تحتضنها بقوه وتحاول تهدأتها..
_ ظل ذلك الرجل ينظر لعائشه بنظرات غير سويه بالمره فحين اختبئت هي خلف والدتها هروباً من نظراته تلك وهي تضم ابنتها لها بقوه، فحين نهض هو من ع مقعده وذهب باتجاه عايشه وجثي ع ركبته امامها...
واردف بخبث
مالها يا حلوه ما تسكتيها؟...
نوال بحده وهي تحاوط ابنتها بقوه
ابعد عنها ي حيوان...
اجابها الاخر وهو ينظر لعائشه بتلك النظرات السابقه
بس ي حجه، وخدي حفيدتك عشان عايز الحلوه فحاجه خاصه..
عائشه بجسد منتفض وبكاء
ابعد عني والا هصوت وافضحكم والله...
_ جذب منها صغيرتها بقوه واعطاها الي احد الرجال، وجذبها من حجابها بقوه تحت صرخاتها العاليه التي هزت ارجاء المنزل وبكاء والدتها وصياحها بذلك ان يتركها..
عادل بصوت متألم
هقتلك لو مبعدتش عنها..
_لم يستمع ذلك الوحش الثائر لاي منهم، وجذب تلك المسكينه لاحدي الغرف ودفعها بقوه لتسقط ع الفراش، وحاول الاعتداء عليها بقوه ولكنها كانت مقاومتها الاشرس وصياحها مازال يعلو ويعلو...
_ابتعد عنها واردف بغضب وهو يشير بمسدسه ع رأس صغيرتها فالخارج..
الرجل بنبره غاضبه
هتهدي ولا ورحمة امي هخليكي تصوتي كويس ع بنتك...
عائشه ببكاء شديد
ابعدو عننا والنبي سيبوها..
_اقترب منها ذلك اللعين واخذ يعتدي عليها بكل قوه تحت صياحها القوي وايضا والدتها التي تصرخ بالم شديد ع ما يحدث لابناءها، ووالدها الذي يذحف ارضاً نتيجة الم قلبه يحاول تخليص ابنته من ذلك الحقير وشقيقها الصغير الذي يتابع ما يحدث ببكاء شديد...
_اما بالاسفل...
ــــــــــــــــــ
_كان خليل يقوم بضربه بقوه وهو مكبل من خلال هؤلاء الرجال، وايضا محمد معه يقف ويتابع ما يحدث بشماته..
خليل بحده
بقي انت فاكر انك هتلوي دراعي يالااا وتتجوز اختي غصب عني، طيب انا اهو بعمل فيك ما بدالي وطلقت اختي منك وبزل فيك زي الكلب من غير محد بيقولي ولا هيقولي بتعمل اي، عشان بعد كده تحترم نفسك وتبص للي يناسبك وفي مقامك..
_انهي جملته بلكمه قويه جعلته يسقط ارضاً مجددا، ولكن تلك الضربات كانت لا يشعر بها فقد ما يؤلمه صوت صياح شقيقته ووالدته الذي يتسلل لاذنه...
خليل بحده وهو يضع قدمه امام وجه الاخر
كده انا خدت حقي وعرفتك انت واهلك مقامكم ودلوقتي هجيب اختي اللي لو قربت منها تاني مش هكتفي حتي بموتك بس لا انت واهلك كلهم..
_ ذهب الاخر للاعلي، وخلفه هؤلاء الرجال، فحين نظر هو حوله للذين ينظرون له بحزن وشفقه وخوف من مساعدته، وحاول النهوض بصعوبه من تلك الالام التي تجتاح جسده، وذهب للاعلي وصل لمنزله ليجد الباب مفتوح وصوت صياح شقيقته يدوي بالمكان، دلف للداخل ليجد والديه وشقيقه وفرح جالسون ارضاً ويبكون بقوه،و هؤلاء الرجال ومعهم خليل ومحمد يقفون وينظرون لتلك الغرفه التي يصدر منها صوت شقيقته وهم يضحكون بشماته وتسليه واحدهم ممسك بابنة شقيقته ويضع ع راسها سلاحه غير مهتم ببكاؤها الشديد، لاحظ خروج ذلك الرجل من الغرفه التي يصدر منها صياح شقيقته وهو يعدل من هيئة ملابسه، فأحتدت عيناه بظلام دفين ودموعه هبطت بألم، وامسك بمسدس احدهم سريعاً وقام بتفريغه بأقل من لحظه بجسد ذلك الرجل الذي دلف خارج الغرفه منذ لحظات..
"هذه القسوه لم تكن رغبتي وايضاً هذا الماضي ما تمنيتهُ يوماً💔"
_ فاقت من شرودها ودموعها تغرق وجهها بقوه ولا تتوقف عن البكاء... واردفت لنفسها بصوت مبحوح من كثرة البكاء ع تلك الليله التعيسه..
فرح
انا اسفه ي يحي انا اللي كنت السبب فكل ده...
ـــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــ
_وفي منزل مندور مجدداً..
_كانت نور واقفه بشرفة غرفة سالي وهي ممسكه بهاتفها تحاول الاتصال به ولكنه لا يجيب اطلاقاً..
نظرت لسالي النائمه خلفها واردفت بتنهيده قلقه
فينك بس ي خالد...
_لاحظت وقوف سيارته امام المنزل، وهبط منها ودلف للداخل وهو يحمل جاكيته الجلدي ع يده وملامحه غاضبه بقوه، اغلقت النافذه بهدوء وذهبت خارج الغرفه، ثم الي خارج الشقه باكملها، سمعت خطواته بالاعلي فهرولت خلفه..واردفت بصوت هادئ...
نور
خالد استني، انت كنت فين كل ده؟..
استدار لها ونظر لها مطولاً بدموع متحجره واجابها
بعدين ي نور نتكلم مش فايق انا دلوقتي للرغي ده..
تركها واتجه للاعلي الي السطوح.. نور وهي تلحقه
مش فايق اي، لا لازم تفوق..
خالد وهو يقف بمنتصف السطح واردف بحده
في اي ي نور بقولك مش فايق ومش عايز اشوفك خالص دلوقتي ارحميني..
كتمت حزنها بألم واجابته بابتسامه جاهدت لاخراجها
طيب هنزل والله، بس اهدي واسمعني...
خالد بغضب
يوووووه بقي ي نور..
نور بدموع
خالد انت لازم بكره تكلم بابا وتخطبني منه عشان ع...
استدار لها واردف بحده وهو يشير لرأسها
انتي مبتفهميش ي نور بقولك مخنوق وهموم الدنيا كلها فوق كتافي، وانتي جايه تحكي فأم الموضوع اللي مش هنخلص منه ده، انا مش هتجوز دلوقتي ي نور وده اخر كلام عندي..
مسحت دموعها بهدوء واجابته
طيب انا عارفه انك مدايق دلوقتي بس عشان خاطري ي خالد بكره كلم بابا و...
خالد بغضب وهو يدفعها باتجاه الاسفل
انزلي بقي ي شيخه خنقتيني...
_دفعها بغضب دون ان يشعر بنفسه، ولكن كانت دفعه قويه جعلتها تسقط ارضاً مزامنتاً مع دلوف تلك التي تدعي جيدا الي السطح...
_ نظرت له نور بدموع وعدم تصديق وكأن من يقف امامها ليس خالد الذي احبته منذ طفولتها بل عشقته، هل هو من اهانها الان بتلك الطريقه البشعه..
جيدا بقلق
شو عم بيصير هون؟..
نظر لها خالد بندم امام نظراتها المليئه بالدموع، وجثي امامها سريعا.. واردف وهو يحاول اسنادها..
خالد
نور انا اسف بس بجد انا مخنوق وتعبان اووي و...
نور بجمود وسط دموعها وهي تنظر لجيدا خلفها
محصلش حاجه...
_نهضت سريعا وهبطت للاسفل وهي مازالت غير مصدقه لما بدر منه..
جيدا بقلق وهي تقترب منه
شو في ي خالد، ليش دفشتها هيك؟..
خالد بجمود
مفيش حاجه انا رايح انام..
جيدا بهدوء
بس انا كنت عم استناك حتي تجي كان بدي نحكي شوي..
خالد وهو يذهب للاسفل
بعدين، تصبحي ع خير...
_دلفت هي لشقتهم، وذهبت الي تلك الاريكه التي توجد بالصاله وجلست عليها وهي تحتضن نفسها ببكاء شديد والم يجتاحها بقوه، دلف والدها خارج غرفتها بعد ان صدح صوت اذان الفجر..
مندور وهو يجلس بجوارها بقلق
مالك ي حبيبتي، بتبكي كده لي؟....
نظرت له نور من وسط بكاؤها واجابته
انا موافقه اتجوز عمر عزام..
مندور بحزن
وخالد ي نور، اي اللي غير رئيك؟...
نور ببكاء مرير
عشان انت طلع عندك حق ي بابا، خالد مبيحبنيش وانا اللي مكنش عندي لا دم ولا كرامه وبجري ورااه، خالد بيتثلي بيا لكن عمره مهيتجوزني، انت كان معاك حق ي بابا وانا موافقه بعمر عزام ع الاقل شاريني..
_اردفت بكلماتها ودلفت لغرفتها سريعاً، فحين تنهد مندور بغضب..
واردف لنفسه بحزن: غبي ي خالد غبي...
فماذا سيحدث...