داغر سابهم وطلع اخد عربيته وراح لصاحبه الوحيد اللي كان عايش معاه ف ايطاليا وصل ڤلته ودخل.
داغر بيه عندنا يا اهلا اسبوعين مش اشوفك يا واطي انت ايه اللي فكرك بيا دلوقتي.
داغر: بيجهزوا ف الجواز وانا مش ليا ف الحاجات دي قلت اجيلك ونتكلم شويه ولا انت معاك حد
اتيم: لا مش معايا بس قولي لسه مصمم علي قرارك ده حاول تنسي يا داغر.
داغر: انسي ايه انسي أن لما ابويا مسك فرع الشركه ف ايطاليا وأعجب بامي جدي غضب عليه بس علشان اتجوز من برة العيله بالرغم انها كانت واخدة الجنسيه الايطاليه بس لا هو ظلمهم وطردهم ومش اتجوز بنت عمه وظلمها اكتر لما عرف انها حامل وحرمني منها لما سابت البلد بحالها وعاشت ف ايطاليا هو اه بيعاملني حلو بس مش هنسي كسرت امي بسببه عمري ما هنسي يا اتيم فاهمني.
اتيم: وذنبها ايه بنت عمك المسكينه دي تاعبها معاك دي حتي بتحبك حاول تحبها يا داغر والدتك نسيت وسامحت وانت مش عارف تعمل تعمل ده.
داغر : والدتي طيبه يا اتيم واقفل ع الموضوع ده ومش هتكلم فيه تاني أنا بس مستحمل كل ده علشان ميراثي.
اتيم: اللي تشوفه ها تحب نعلب بلاي ستيشن مع بعض.
داغر : بابتسامه طيب تمام.
عند اريام كانت سرحانه وباصه من الشباك ودموعها مش مبطله نزول وافتكرت اول يوم جه فيه البيت كانت ليه طلته الخاصه.
فلاش باك.
كانت ف الجنينه بترسم زي عادتها أو ده لانه شغلها وهي سرحانه ف رسمتها لفت انتباهها ريحه برفان حلوة رفعت راسها لقت عمها فتح البوابه ونزل منها شاب وسيم ولابس كاجوال سرحت فيه دقائق كأنها سنه عمها جه عليها وسلم عليها بابتسامه اريام دخلت جوه وعمها احمد دخل وراها بابنه وعرفهم عليه.
احمد: اقدم لكم يا جماعه داغر ابني وهيعيش معانا هنا
داغر سلم عليهم واحد واحد وآخرهم سلم ع اريام اللي مدت أيدها بخجل وهو ابتسم لها وبصو لبعض نظرات خاطفه رجعت من الذكري دي ع صوت امها.
باك.
اسما: مالك يا بنتي سرحانه ليه وليه دموع"ك دي.
اريام: مفيش حاجه بس ده علشان أنا هسيبك مش اكتر.
اسما: بابتسامه ما انتي كل يوم هتزوريني ومش هتحسي ببعدي عنك تمام قوليلي داغر عامل معاكي ايه
اريام: كويس يا ماما حنين وبيعاملني حلو الظاهر اني اخترت صح.
اسما: بوج"ع ع الأقل مش هتعيشي ف عذا"ب وهيعاملك بحنيه حافظي عليه.
غاليه صاحبه اريام وصلت وسلمت ع الكل بابتسامه واستئذنت تطلع لاريام خبطت ع اوضتها واسما شافتها وسابتهم مع بعض
غاليه: عروستنا الحلوة اخبارها ايه.
اريام: مش كويسه يا غاليه أنا مش قادرة.
غاليه: مالك ف ايه اريام احكيلي.
اريام حكتلها كل حاجه ومش سابت تفصيله وغاليه كانت ساكته واتكلمت.
غاليه: غلطان"ه من الاول اريام كان لازم تعرفي من تصرفاته معاكي أنه مش بيحبك.
اريام: بدم"وع حبيته يا غاليه مش عارفه اعمل ايه.
غاليه: ملع"ون حبك ده لو هيعمل فيكي كده اسمعي لازم تبقي قويه قدامه هو مستغل جبنك وهو مبسوط بده اسبتيله انك غير كده.
أما تحت يوسف اتكلم.
يوسف: كل حاجه كده تمام وكتبنا قائمه المعازيم ومش ناقص حد بس داغر وصل هو صاحبه واتكلم.
داغر: لا فيه مدعو واحد مش كتبته.
يوسف: باستغراب مين ده اللي مش عزمته.
داغر: امي ولا دي مش من عيلتنا.
احمد ومراته اتصدم"وا من كلمه داغر وأحمد اتكلم.
احمد: اسكت يا داغر بلاش الكلام ده دلوقتي.
داغر: ليه أظن أن من حقي أن والدتي تكون معايا فاليوم ده ولا هتحرم"ها من اللحظه دي زي ما حرمتها من كل حاجه زمان.
احمد: داغر بس اسكت دلوقتي.
داغر: لا مش ساكت وبعن"د أنا عايز امي تكون معايا أو بلاش تحطها ف قائمه المعازيم أنا عزمتها وجايه بعد يومين واخد من القائمه وكتب اسمها وكده تبقي من ضمن المدعوين.
يوسف: بغض*ب حسابك ع عملتك دي بعد فرحك حسابها عسير وامك دي تحضر فرحك وتمشي مش هتقعد يوم زيادة بعد الفرح.
علي صوتهم اريام وغاليه نزلوا ع زعيقه"م اتيم لاحظ غاليه وتن"ح فيها اول مرة يشوف بنت بالجمال ده مسمعش حتي لداغر اللي كان بينادي عليه.
داغر: اتيم سرحان ف ايه.
اتيم: بتوهه مين اللي مع خطيبتك دي.
داغر بصلهم وبلامب"الاة وقال مش اعرفها
راحلهم وبصلهم بابتسامه.
داغر : ايدا عندنا ضيوف ولا ايه مش تعرفينها يا اري.
اريام: اولا اللقب ده مش بتاعك فاهم وبعدين يخصك ف ايه مين دي.
داغر: عايز اعرف مين أصحاب مراتي.
اريام مش جاوبت وغاليه ردت عليه من غير نفس.
غاليه: اسمي غاليه صحبتها الانتيم ما تشرفناش بصراحه.
داغر: انتي بتتكلمي كده ليه اتكلمي بأدب.
غاليه: أنا اتكلم براحتي ع فكرة.
داغر: اممم كده ع العموم اشبعي من صاحبتك علشان احتمال ده اكيد مش هخليكي تشوفيها تاني.
غاليه: بصفتك ايه بالظبط وبعدين لو عملتها مش هتل"وم غير نفسك فاهم.
داغر مسك ايدها واتكلم
انتي بتتحديني ولا ايه مش بمزاجك ع فكرة روحي كده ز"ق أيدها وغاليه صرخ"ت.
يوسف: ف ايه حصل ايه هنا.
غاليه: حفيدك هزقن"ي يا جدي وقلي مش هتشوفي صحبتك تاني وضربن"ي ووقع"ني ع الأرض.
كل ده قدام اريام اللي ضحكت ع صحبتها القويه واتيم عجبته شخصيتها وداغر اللي اتص"دم من كلامها.
يوسف: خد صاحبك واطلعوا فوق وانتي يا بنتي أنا بعتذرلك نيابه عنه ومش تقلقي صحبتك بيتها مفتوح ليكي ف اي وقت محدش هيمنعك منها كفايه انك صحبتها اللي بتعزها وانا كمان.
غاليه ابتسمت له وبصت لداغر بنص ابتسامه وسلمت ع اريام ومشيت.
داغر .....
الفصل الرابع
4/
كان واقف ف شباك اوضته بيبص ع اللاشئ فكرة أنها جايه هنا تاني هتصحي فيه مشاعر بيحاول يطفيها من زمان افتكر لما مسك فرع الشركه ف ايطاليا وشافها اول مره كانت مديرة قسم المبيعات والتسويق العقاري في الشركه احمد لما وصل طلب ملفات الصفقات وارباحها وأرباح قسم التسويق وهي جابتهم ليه كانت مجتهدة ومتحدثه لبقه جدا يوم عن يوم احمد كان بيحبها اكتر وهي بدأت تميل ليه لغايه ما اعترف لها بحبه واتجوزها بعلم الكل وأبوه لما عرف غضب عليه وثار وكانت هي حامل ف داغر يوسف سابعا بس علشان الولد واول ما ولدت اخدوه منها بس يوسف كان رحيم بيها ربته لغايه تلات سنين وبعدها سابته بأمر من يوسف ورجعت ايطاليا تاني وحيدة بس داغر كان بيشوفها كتير رجع من ذكرياته علي صوت مراته اللي مكانش سامع هي بتقول ايه.
احمد: بتقولي حاجه يا رضوي أنا آسف مش سمعتك خير عايزة حاجه.
رضوي: بابتسامه وايه الجديد انت طول عمرك مش سامعني المهم نقي واحدة من دول.
احمد: ايه دول بالظبط.
رضوي: مجموعه بدل نقيت شويه منهم فاضل انت تختار منهم.
احمد: أنا معايا بدل كتير مش محتاج شكرا لتعبك.
رضوي: لا ازاي لازم تختار حتي لما تتقابلوا بعد سنين تلاقيك ببدله جديدة.
احمد: قصدك ايه بكلامك.
رضوي: بتنهيدة ولا حاجه مش اقصد
احمد: رضوي الأفكار اللي ف دماغك غلط أنا بطلت افكر فيها مبقاش ف حياتي غيرك صدقيني.
رضوي: وانا مصدقاك بس كلامك بيقول غير كده لو نسيتها كنت بطلت تقول اسمها وانت نايم ع العموم ده مش غلط ده غلطي اني رضيت اتجوز واحد ف قلبه واحدة غيري حاولت اعترض ع الجوازة دي بس معرفتش نقي واحدة وقلي انا نازله تحت عن اذنك.
رضوي سابته ونزلت بس منزلتش دموع زي ما عملت ف سنين جوازها ده نصيبها ورضيت بيه أما احمد حاسس بالذنب اتجاهها لا عارف يعامل مراته كويس زي اي حد ولا عارف ينسي اللي دخلت قلبه مش راضيه تفارقه ابدا.
عند داغر دخل اوضته هو وصاحبه بس كان متعصب قوي.
داغر: أنا بنت زي دي تعمل فيا كدا ده اريام مش بتقدر تعلي صوتها عليا دي بس علشان زقيتها قالت لجدي الظاهر انها مش سهله ابدا.
اتيم: اكيد مش زيها لأن غاليه مش اريام يا داغر بس الصراحه البنت قويه وعجبتني وملكش الحق أنك تمنعها من صاحبتها.
داغر: وانا مش هسيب اللي عملته يعدي بالساهل فاهم .
اتيم: بضحك اه اه طبعا هدي اعصابك بس انت .
داغر راح للشباك لاقاهم واقفين مع بعض ولاقي فعلا من ملامحها أنها مش بيهمها حد داغر مش اهتم وقعد ع اللاب بتاعه يراسل مع مامته واتيم بص من الشباك لاقاها لسه واقفه فنزلهم.
اتيم وصلهم وسلم عليهم واتكلم.
اتيم: ازيك انسه اريام اخبارك ايه.
اريام: بخير نسيت اسلم عليك جوه يا اتيم معلش
اتيم: ولا يهمك عادي أنا بس جيت اعتذر نيابه عن داغر من اللي عمله ف صحبتك بالمناسبه أنا اتيم.
مد ايده يسلم عليها وهي بصتله بهدوء.
غاليه: وانا غاليه اسفه مش بسلم عن اذنكم اريام بكرة هجيلك وهبات معاكي لغايه بعد فرحك.
اريام: تمام مع السلامه انتي عن اذنك يا اتيم.
اتيم يصلها وهي ماشيه وسرح معاها ومش انتبه لاريام ابدا بعدها فاق ورجع لداغر.
بعد يومين داغر راح يجيب أمه من المطار اخدها وراح بيها بيت جده احمد من اول ما عرف أن ابنه رايح يجيبها وهو مش عارف يركز ورضوي ملاحظه عليه كده.
داغر وصل وأمه معاه بس كانت مترددة تدخل بس داغر شجعها.
داغر: يالا يا ماما ندخل جوه
مش قادرة يا بني مع اني مش قعدت هنا فترة طويله بس مش قادرة انسي اللي عملوه وحرموك مني.
داغر: متقلقيش كله هيكون تمام.
داغر اوعي يابني تكون هتتجوز البنت علشان تنتقم من حد أنا مسامحه صدقني.
داغر: بابتسامه مش تقلقي مش اللي ف دماغك ابدا يالا.
اخدت نفس طويل وطلعته ع مراحل ودخلت مع ابنها.
يوسف كان ف مكتبه وطلع لما دخلوا هما والكل كان متجمع.
يوسف: اهلا يا رند بالرغم انك مش من ضمن المعازيم بس ابنك خالف اوامري وجابك هنا غصبا عني بس منورة مصر
رند: بنورك يا يوسف بيه وانا مكنتش جايه وكنت هبارك لابني بمكالمه فيديو بس هو أصر ع مجيي متقلقش اسبوع الفرح ومش هتشوفني تاني.
داغر: يالا يا ماما انتي مرهقه من السفر ومش تهتمي لكلام جدي.
رند: داغر جدك ليه احترامه متقولش الكلام ده تاني وديني الاوضه انت بس.
داغر: حاضر اتفضلي معايا.
رند هي وماشيه ناحيه السلم قابلت رضوي وأحمد والاتنين وقفوا قدام بعض نظراتهم لخصت كلام كتير وقفتهم مع بعض كأن الزمن وقف بيهم ومحدش فيهم اتكلم ابدا رضوي هي اللي اتكلمت بابتسامه.
رضوي: حمد الله ع سلامتك نورتينا.
رند بصتلها بابتسامه وشكرتها وطلعت لفوق مع داغر
احمد بصلها كتير ومش اتكلم أو مش عارف يقول ايه.