وقفت عليا على رمال الشاطئ الخاص بفيلا سليم بالساحل
تتأمل البحر الممتد امامها الى مالانهايه والهدوء يغلفها لتتنهد وهي تسترجع بزاكرتها
كل الاحداث التي مرت بها منذ تعرفت على سليم تتزكر حبه وعشقه لها والسعاده والامان الزي يغلفها بهم..
سعاده لايعكر صفوها الا خطوبته من جومانه التي يرفض زكر اسبابها
وهي تشعر بالحيره بين كرامتها التي ترفض هذا الوضع الغريب وبين قلبها العاشق لسليم والذي يدق فقط من اجله ويطلب منها الصبر والثقه في سليم وحبه لها
لتتنهد بضعف وهي تتوه بين افكارها لتشهق بخوف وهي تشعر انها ترتفع فجأه في الهواء
لتبتسم بحب وهي ترى سليم يرفعها بين زراعيه
وهو يقول بمرح
= حبيبي سرحان في ايه ناديت عليكي مرتين ومش سمعاني
لتقول عليا بعشق وهي تضع يديها حول عنقه
= بفكر فيك طبعا يا حبيبي وفي اليوم الجميل ده الي بنقضيه لوحدنا ..حسه اني بحلم
ليحني سليم رأسه عليها وهو يقبلها بشغف ويقول من بين قبلاته التي يغمرها بها
= حياتنا كلها هتبقى حلم جميل طول مااحنا مع بعض
ليقوم برفع وجهها وهو يتأمل وجهها الشديد الاحمرار
وشفتيها المتورمتان بفعل قبلاته بعشق شديد
وهو ينزلها على الرمال برفق شديد وهو يحتضنها ويدفن وجهه في عنقها يقبله بدفئ وتملك لينزل لموضع قلبها الذي ينبض بقوه كرد فعل على قربه منها ويقبله بحنان وهو يحتضنها بقوه
حتى هدأت انفاسهم اخيرا ليرفعها مره اخرى وبجلسها على ساقيه وهو يحتضنها ويمرر يده على شعرها وجسدها يزيل منهم الرمال
وهو يقول بمرح
= برضه ملبستيش المايوه قلتلك مية مره ده شاطئ خاص ومستحيل حد يشوفك او يدخل من غير إذني والا انتي مكسوفه مني
لتهز عليا رأسها برفض وهي تقول
= لاء انا مقدرش البس مايوه دا عريان قوي ..اتكسف وبعدين انا لابسه شورت قصير خالص أهو
لينفجرسليم في الضحك وهو يحتضنها ويقول بمرح
= بقى ده شورت قصير خالص.. شكلك مشوفتيش البكيني الي انا جايبو ليكي فوق.. عموما يلا بينا اعلمك درس عوم جديد
ليحملها بمرح داخل الامواج وهو يلاعبها كطفله صغيره يحملها بين الامواج ويعلمها السباحه ليمر الوقت بهم سريعا مابين السباحه والمرح
ليحملها سليم اخيرا ويتوجه بها لداخل الفيلا
وهو يقول بحنان
= اطلعي خدي دوش وانا هطلب اكل لينا دليفري وبعدين هطلع انا كمان هاخد دوش
لتقول عليا بخجل وهي تضغط على يدها بتوتر
= سليم ممكن اطلب منك طلب ممكن تخليني اطبخلك المره دي نفسي تاكل من ايدي
ليفك سليم يد عليا وهو يقبلهم بحنان
= اعملي الي يريحك يا حبيبتي دا بيتك واي مكان املكه هو ملكك انتي كمان عاوزه تطبخي تغيري ديكور الي انتي عاوزاه اعمليه المكان وصاحب المكان ملكك تعملي فيهم الي انتي عوزاه... مفهوم
لتضحك عليا بسعاده
= وهي تقول.. مفهوم
لتصعد سريعا الى اعلى وقلبها يرفرف من شدة السعاده
بعد مرور ساعه
عليا تقف بالمطبخ تجهز طعام الغداء وسليم مازال بالاعلى
لتسمع صوته وهو يدخل المطبخ ويقول بتلذذ
= اممم ايه الريحه الي تجنن دي
وهو يحتضن عليا من الخلف و يقبل اعلى رأسها
= عوزاني اساعدك في حاجه انا احسن واحد يعمل سلطه
لتنظر له عليا بعدم تصديق
ليقول سليم بمرح
= في الحقيقه عمري مادخلت المطبخ بس انا بتعلم بسرعه
لتقول عليا بضحك وهي تشير للثلاجه
= لاء شكرا انا خلصت كل حاجه خد انت بس العصير من التلاجه وصبه في الكاسات
ليقبل سليم عنقها ويتوجه للثلاجه ويتناول العصير وهو يقول بمرح
= انتي تؤمري يا شيف عليا
مضى بعض الوقت وانتهت عليا من طبخ الطعام لتقرر ان يتناولو الطعام في الحديقه
لتقوم بوضع مفرش طعام كبير على ارض الحديقه تحت ظل شجره كبيره
وعاونها سليم في وضع اطباق الطعام الشهي الذي قامت بطهيه لتجلس عليا بجانب سليم الذي رفع يدها يقبلها بحب وهو يقول
= تسلم ايديكي يا حبيبتي الاكل شكله يجنن
لتبتسم عليا بسعاده وهي تقول
= طيب دوق وقولي رأيك
لتتفاجأ بسليم يرفعها عن الارض ويجلسها على ساقيه وهو يقبل اذنها
= هادوق وانتي في حضني ليأخذ قطعه من اللحم باصابعه ويضعها في فمها
وهو يقول بحنان
= انتي كان نفسك تأكليني من طبخ ايدك وانا نفسي أكلك من ايدي
ليقبل طرف فمها وهو يقول برقه
=افتحي شفايفك يا قلب سليم
لتفتح عليا فمها بطاعه وهي تأكل الطعام من بين اصابعه
ليستمر باطعامها واطعام نفسه وهو يحتضنها ويستمع باستمتاع الى حكايتها عن نفسها وعندما تتوقف عن الكلام يستحسها بحنان حتى تكمل
حتى انتهو من تناول الطعام وسليم يقول باستمتاع
= دا احلى اكل دوقتو في حياتي.. خليكي هنا هاشيل الاطباق وارجعلك
لتقول عليا باعتراض
= لاء انا جايه معاك
ليتعاونو في رفع الاطباق و بقايا الطعام
ليأخذ سليم بيد عليا ويقربها منه
وهو يقول بجديه وهو يشير لغرفة المعيشه
= عليا انا عاوز اتكلم معاكي في حاجه مهمه تعالي نقعد هنا
لتقول عليا بتوتر وهي تستشعر جدية نبارته
= حاضر
لتتوجه معه وتجلس بجانبه على الاريكه الكبيره الموجوده بغرفة المعيشه وهو يتناول يدها بين يديه
ليقول بجديه
= اولا وقبل كل حاجه لازم تعرفي اني مش بحبك بس لاء انا بعشقك وان القرار الي اخدته ده انا لازم انفذه و مفيش مهرب منه
لتبتلع عليا ريقها بتوتر وهي تقول بخوف
= في ايه يا سليم انا كده خفت
ليضغط سليم على يدها وهو يقول بحسم
= مفيش حاجه في الكون ممكن تخوفك طول ما انا عايش ..بصي يا حبيبتي انا عاوزك تسمعيني كويس
وبلاش تقاطعيني او تتسرعي في رد فعلك
ليأخذ نفس عميق وهو يقول بجديه
= انا هاتمم جوازي من جومانه والفرح هيبقى بعد اسبوعين
لتنظر له عليا بدهشه وهي تنزع يدها من يده ودموعها تتساقط بدون ارادتها
= ايه انت بتقول ايه ..هتتجوز جومانه وفرحكم بعد اسبوعين.. طيب وانا
ليقول سليم بحسم وهو يحاول تهدئتها
= انتي مراتي وهتفضلي مراتي
لتسحب عليا يدها منه بعنف وهي تقول باستنكار
= مراتك في السر وهي هتتجوزها قدام الناس كلها وتعملها فرح..
لتنهار في البكاء
= انت بتقول انك بتحبني طب اذاي وانت هتتجوز واحده غيري.. حرام عليك يا سليم كل مره ترفعني لسابع سما وبعدين تنزلني لسابع ارض
ليرفع سليم وجهها اليه وهو ينظر لعينيها ودموعها المتساقطه وهويقول بحسم
= عليا اسمعي الكلام للاخر وبلاش تتسرعي انا عارف ان الوضع صعب عليكي
لتهز عليا رأسها بنفي وهي تبكي
= لاء ياسليم الوضع مش صعب عليا الوضع ده هيموتني انك تتجوز واحده غيري دا شعور هو والموت واحد
ليرفعها سليم اليه ويضعها فوق ساقيه وهو يحتضنها بقوه و حمايه ويقول بخوف
= بعيد الشر عنك يا عليا بلاش تقولي كده تاني انا مقدرش اعيش من غيرك دقيقه واحده بلاش الكلام ده لو بتحبيني
لتدفن عليا وجهها في عنق سليم وهي تقول ببكاء
= صعب اوي يا سليم الي انا حساه دلوقتي صعب
ليحتضنها سليم اكثر وهو يضمها اليه بقوه
= عارف يا قلب سليم انه صعب بس لازم يحصل علشان اخلص منه ونبتدي حياتنا مع بعض...
اسمعيني كويس انا اتفقت مع جومانه ان جوازنا هيبقى صوري قدام الناس وهيبقى لمدة شهرين بس
لترفع عليا وجهها المغطى بالدموع اليه وهي تقول بدهشه
= انا مش فاهمه حاجه يعني ايه
ليمسح سليم الدموع عن وجهها بحنان
= يعني جوازي انا وجومانه هيبقى صوري
فرح كبير قدام الناس وبس لكن مفيش حاجه هتكون مابينا وبعد شهرين بالظبط هنتطلق ونقول اننا متفقناش مع بعض
وشهرين كمان واعلن جوازنا واعملك احلى فرح في الكون كله
لتقول عليا بدهشه
= شهرين وتطلقها.. طيب بتتجوزها ليه من الاساس.. ليه مش عاوز تقولي ايه سبب جوازك منها
لبقول سليم بحنان وصبر
= انا قلتلك قبل كده السبب ميخصنيش لوحدي علشان اقوله ليكي...
علشان خطري استحملي معايا الموضوع كله هيبقى صوري علشان الناس وبس..
لتنظر له عليا بتحدي وهي تقول
= هي جومانه تعرف ان انا مراتك
ليتنهد سليم بصبر وهو يقول
= لاء متعرفش.. بس لو عوزاني اعرفها فانا مفيش عندي مشكله اعرفها حالا
لتقول عليا بتراجع وعينيها تلمع بالدموع
= لاء خلاص متقولش لها حاجه انا هصبر الشهرين دول ذي ما انت عاوز
ليحتضنها سليم بقوه وهو يمرر يده على شعرها بحنان ويقبل وجنتها بعشق وهو يقول
= عليا انا مقدر التضحيه دي الي بتعمليها لو كان فيه حل تاني انا كنت عملته ومكنتش عرضتك للوضع ده استحملي معايا وانا هعوضك عن كل لحظة حزن عيشتيها بسببي استحملي معايا يا حبيبتي
لتشهق عليا وهي تحتضنه لداخل احضانها وكأنها تخشى افلاته وهي تقول بدمع
= حاضر... حاضر..
ليرفع سليم وجهها اليه وهو يتناول شفتيها بعشق شديد و يودع قبلته كل عشقه لها والمه لتألمها لتطول قبلته لها وهي تستجيب بحراره بين زراعيه لينقلها على الاريكه وهي مازالت في احضانه ويوزع بعشق قبلات صغيره ناريه على عينيها ووجنتها
ليعود بشوق لشفتيها من جديد يقبلهم بنهم ثم يتركهم ليقبل عنقها وصدرها ببطئ وهو يحتضنها بقوه لداخل احضانه وهو بشعر بقوة حبه لها ويحاول السيطره على رغبته الشديده فيها ليدفن رأسه بداخل صدرها وهو يقبله بحنان
وعليا التي كانت تشعر انها في دوامه شديده من العشق والحب لايستطيع احد ادخالها فيها غير سليم رفعت يدها تملس بحنان على راس سليم المدفون في صدرها وهي تقول بحنان
= سليم
لتفاجأ بسليم يدفن نفسه اكثر في داخلها وهو يمرر يده تحتهاواليد الاخر تحتضنها ويقوم برفع قدمه و يضعها فوقها لتشعر به يحيطها من كل جانب ويغرق في النوم بدون ان يتحدث
لتقبل عليا اعلى راسه بحنان وهي تمرر يدها بحنان في خصلات شعره السوداء الغزيره وهي تشعر بتشبثه بها بقوه حتى وهو مستغرق في النوم
لتقول بحنان وهي تشعر بحبه يستولى على كل نبضه من نبضات قلبها ويتوغل داخلها ليستولي عليها بالكامل
= انا هصبر ذي ما انت عاوز رغم ان ده صعب بس الاصعب منه اني ابعد عنك حتى لو كان ده على حساب كرامتي بس برضه مقدرش اعمل غير كده
اي حاجه انا مستعده لها غير اني ابعد عنك
لتشعر به يضمها بقوه وتملك وهو يدفن نفسه اكثر داخلها لتميل عليا على راسه الموضوعه بداخل صدرها وتدفن وجهها بعشق داخل خصلات شعره وتستسلم هي الاخرى للنوم وهي تحاول الاستعداد لاصعب امتحان قد تمر به في حياتها
الفصل العشرون
ارتدت عليا ملابسها وجهزت حقيبة سفر صغيره بها بعض الملابس الخاصه بها
وقد حزمت امرها بالسفر الى بلدتها فهي ليست مستعده لمشاهدة زفاف جومانه وسليم ولا الاستعدادات الخاصه بالتحضير للزفاف
لتتنهد بحزن وهي تتزكر انها لم تخبر سليم بقرارها فهي قد قررت الابتعاد من الان وحتى انفصاله عن جومانه
لتسمع صوت طرقات على باب غرفتها لتقول بشرود
= ادخل
ليدخل سليم الغرفه وهو يرتدي بدله رسميه كحلي اللون وقمبص ابيض يفتح زريه العلويين و يحمل في يده علبه صغيره رائعة
ويقول بابتسام
= صباح الخير يا حبيبتي...جاهزه علشان اوصلك للشغل
لتقول عليا بتردد
= صباح النور ..أنا مش هقدر اروح الشغل النهارده
ليقترب سليم منها ويحيطها بزراعيه وهو يتأمل وجهها الشاحب بدقه ويقول بقلق
= مالك يا عليا انتي حاسه بتعب وشك شكله تعبان
لتتجنب عليا النظر الى عينيه وهي تقول بصوت مرتعش
= سليم انا كنت عاوزه اطلب منك طلب بس مترفضش
ليأخذها سليم ويتوجه للاريكه ويجلسها بجانبه وهو يمسك يديها بين يديه وهو يقول بحنان
= حبيبتي انتي تؤموريني مش بس تطلبي واكيد عمري ما هرفض ليكي طلب اقدر احققهولك.. ها ايه هو الطلب الي مخليكي متوتره اوي كده
لتبتلع عليا ريقها بتوتر وهي تنظر لاسفل وتقول بصوت هامس
= انا عاوزه اسافر البلد
لبقول سليم باستفهام
= عاوزه تزوري البلد ماما وحشتك ..ليربت على يدها وهو يقول بحنان
= خلاص انا هفضي نفسي النهارده نروح سوى تقعدي مع والدتك طول اليوم ونرجع بليل
لتهز عليا رأسها برفض وهي تقول وعينيها تمتلائان بالدموع
= لايا سليم انا هاسافر البلد ومش هرجع الا بعد ما كل حاجه تخلص
ليضيق سليم عينيه وهو يقول بهدوء خطر
= يعني ايه مش فاهم
لتقول عليا بصوت قوي وهي ترفع رأسها تتحدى
رفضه الظاهر على وجهه
= يعني انا هسافر النهارده ومش راجعه الا لما كل حاجه تخلص
ليقول سليم ببطئ وهو ينظر اليها بهدوء ماقبل العاصفه
= وانتي تقصدي ايه بكل حاجه تخلص.. قصدك الفرح وتجهيزاته والا قصدك حاجه تانيه
لتقول عليا بتحدي
= لاء اقصد مش راجعه الا بعد ما تنفصل عن جومانه ذي ما انت قلتلي والا مش راجعه خالص
ليقول سليم بهدوء وهو يحاول السيطره على غضبه
= انتي بتهدديني يا عليا ..فاكره اني مقدرش امنعك لو حبيت من السفر والشغل او انك حتى تشوفي الشارع
لتنظر عليا له بتحدي ودموعها تتساقط وهي تقول بمراره
= عارفه يا سليم انك تقدر تمنعني اني اسافر او اني حتى اشوف الشارع بس حط نفسك مكاني انا مخنوقه كاني بموت وكل لما يقرب ميعاد فرحك انت وجومانه احس كأن روحي بتتسحب مني مش قادره اتحمل لتنهار في البكاء
ويرفعها سليم على ساقيه وهو يحتضنها بحمايه ويهدهدها بحنان ليقول وهو يقبل راسها المدفون داخل صدره
= بلاش كلامك عن الموت يا عليا لان انا الي بحس ان روحي بتطلع مني لما بتتكلمي كده وعموما خلاص يا حبيبتي انا هعملك كل الي انتي عاوزاه
ليرفع رأسها اليه ويقوم بمسح دموعها وهو يقول برقه
= خلاص كفايه دموع انا هعمل كل الي يريحك بس بطريقتي
لتقول عليا باستفهام وعينيها مازالت ممتلئه بالدموع
= يعني ايه
ليقول سليم بحنان وهو يقبل شفتيها برقه
= يعني انا مقدرش اسيبك في مكان يكون بعيد عني ومش متطمن عليكي فيه
انا هوديكي النهارده البلد تقعدي مع مامتك شويه تطمني عليها وتغيري جو وبعد كده ترجعي
لتقول عليا باعتراض
= بس...
ليقاطعها سليم بحزم
= مفيش بس يا عليا انتي هترجعي بس مش على هنا انا هوديكي المزرعه تقعدي فيها لحد ماكل حاجه تخلص وتالين هتكون معاكي وانا كمان مش هسيبك يعني هروح الشركه وارجع على المزرعه وهناك الجو مختلف وهادي وكله خضره وزرع واكيد اعصابك هترتاح هناك.. لكن انك تبعدي عني لاكتر من شهرين فده مش هيحصل
ليمرر اصبعه على شفتيها بحنان وهو يقول بعتاب
= مكنتش اعرف ان بعدك عني سهل اوي كده بالنسبه لك
لتتشبث به عليا وهي تحتضنه بقوه و تقول بضعف
= متقولش كده انت عارف اني مقدرش ابعد عنك بس غصب عني مش قادره اتحمل
ليبعدها سليم عنه قليلا وهو يمسح دموعها بحنان
= خلاص يا حبيبتي انا مقدر كل الي انتي حسه بيه
ليعيد خصله من شعرها وراء اذنها برقه
= شفتي بقى ناستيني انا كنت جاي ليه
لياخذ علبه غايه في الجمال من جانبه ويفتحها امام وجهها
لتنظر عليا بزهول لطقم رائع من الالماس والزمرد
مكون من قلاده ماسيه غايه في الجمال تتكون من وردات رقيقه من الماس المتشابك بدقه يتوسطها زمردات صغيره غايه في الروعه
وفي نهاية القلاده زمرده كبيره محاطه بحبات الماس الثمينه
ليرافق القلاده سوار وخاتم رائع من نفس التصميم
لتقول عليا بزهول وهي تمرر يدها على القلاده
= ده عشاني
ليقبل سليم وجنتها بحنان
= طبعا يا حبيبتي علشانك
لتقول عليا بزهول
= سليم هو ده ماس وزمرد حقيقي
ليقطب سليم جبينه وهو يقول بنفي
= لاء طبعا انتي مجنونه دا تقليد ايه مش باين عليه
لتتنهد عليا بارتياح
"= اه كده ريحتني دا لو حقيقي كنت اخاف البسه ليضيع
اصل شكله غالي اوي ..
لتضيف بثقه
= بس هو برضه باين عليه انه تقليد اصل مفيش طقم هيبقى فيه كمية الماس والزمرد دي كلها
لينظر اليها سليم بتعجب ثم غرق في نوبه من الضحك حتى ادمعت عيناه
لتقول عليا بغضب
= ممكن افهم انت بتضحك على ايه دلوقتي
ليحاول سليم السيطره على نفسه وهو يقول من بين ضحكاته
= بضحك عليكي ياقلب سليم بزمتك انا هجيبلك هديه تقليد دا حتى يبقى عيب في حقي
لتقول عليا بدهشه
= يعني هو حقيقي
ليقبل سليم وجنتها برقه
= طبعا حقيقي تعالي هنا عاوز اشوفه عليكي
ليقوم بازاحة شعرها وهو يقبل عنقها من الخلف بحنان
ليلبسها القلاده حول عنقها ثم يقبل كف يدها بعشق وهو يلبسها السوار ليتبعه بالخاتم
ليقول وهو يتأملها بعشق
= سبحان من خلقك يا عليا حتى الماس والزمرد بيزيد جمالهم لما بتلبسيهم مش العكس
ليحملها بين زراعيه وينزلها اما المراه لتتأمل عليا صورتها هي وسليم الذي يقوم بضم جسدها اليه من الخلف ليهمس بجانب اذنها
= اوعي تهدديني تاني ياعليا خصوصا في اغلى حاجه في حياتي.. انتي
ليقبل اذنها بحنان وهو يقول يلا علشان نلحق نسافر ونرجع قبل الدنيا ما تليل
لتهز عليا رأسها بالموافقه وسليم يديرها اليه ويقبل شفتيها بقبله اودعها كل حبه وخوفه من فقدها
في نفس الوقت
جومانه تجلس بجانب والدتها بغرفة الصالون في فيلتها وهي تتأمل كروت دعوة الفرح باعجاب لتنظر لوالدتها وتقول بخبث
= كروت دعوة الفرح شيك أوي بفكر اروح افرجهم لماما قسمت وتالين
لتتابع بسخريه وعليا طبعا
لترد والدتها بضيق وهي تتأمل كروت الفرح في يدها
= انا مش فاهمه انتي بتعملي ده كله ليه كروت فرح وفستان من اكبر مصممين في العالم و فرح بتجهزي له انتي وجيش من المنظمين كل ده ليه انا مبقتش فهماكي
لترد جومانه ببرود وهي تهز كتفها
= ايه الي مش فهماه يا ماما عروسه وبجهز لفرحي ايه الغريب في كده
لتقول والدتها باعتراض
= عروسة ايه يا جومانه انتي هتضحكي علياا
والا على نفسك إنتي عارفه انها جوازه مؤقته ولولا الزفت الي هببتيه مع سليم انا مكنتش وافقت ابدا على الجوازه دي
لتنظر لها جومانه وهي تقول بسخريه
= لاء انتي وافقتي على الجوازه دي علشان حتى لقب مطلقه هيرفع من برستيجك لما يكون اسمي جنب اسم سليم المنشاوي حتى لو كان في قسيمة طلاق
ثم تضيف بخبث
= وعموما يا ماما اطمني انا مش ناويه اتطلق
لتقول والدتها بسخريه
= مش ناويه تطلقي ..هو القرار بايدك وانا مكنتش اعرف
لتضيف بقسوه
= طول عمرك قرارتك غلط في غلط قبل كده روحتي عملتي علاقه مع واحد ايطالي ميسواش ورجعتيلي حامل علشان افتكرتيه اغنى من سليم
ومن حسن حظك ان سليم كان مشغول بعملية والدته الي كان بيعملها لها في امريكا ومعرفش الي هببتيه في ايطاليا من وراه
وقدرنا نلم الموضوع قبل ماحد ياخد خبر
ودلوقتي حتة بت فلاحه قدرت تاخده منك وخلته يبيع الدنيا علشانها
ولسه واقفه تتبجحي وتقولي مش هتتطلقي
اذا كان هو مانعك من انك تقربي من الفيلا وطلب منك صراحه انك متدخليش الفيلا من غير ميديكي اي مبررات علشان خايف على شعورها يبقى هيسيبك على زمته
لتقول جومانه بضيق وهي تهب واقفه
كفايه يا ماما انا مش صغيره علشان تسمعيني الكلام ده ولعلمك مفيش طلاق هيحصل... الا طلاقه هو من الفلاحه الي اسمها عليا
وان كان كل الي عملته مأثرش معاه فأنا عارفه انا هعمل ايه كويس
لتتركها وتتوجه للخارج
لتقول والدتها بغضب
= استني يا جومانه رايحه على فين
لترد جومانه بتصميم
= رايحه الفيلا اوريلهم كروت الفرح
= بلاش يا جومانه.. بلاش تتحدي سليم
لتتجاهلها جومانه وهي تتجه لفيلا سليم بتصميم
في اليوم التالي
سليم يجلس في مكتبه يراجع بعض الاوراق الخاصه ببعض صفقاته لتدخل السكرتيره الخاصه به وبرفقتها جومانه
لتقول جومانه التي تشعر بالتوتر داخلها ولكن لا تظهره
= في حاجه يا سليم قالولي انك عاوزني
ليشير سليم لسكرتيرته بالخروج وهو يقول بصرامه
= مفيش حد يدخل طول ما جومانه موجوده ومتحوليش ليا اي تليفونات ..اتفضلي
لتومئ سكرتيرته بالموافقه وتخرج وهي تغلق الباب خلفها بهدوء
لينظر سليم لجومانه بتقييم وهو يقول بهدوء
= ايه الي وداكي الفيلا انا مش منبه عليكي متروحيش هناك الا لما تعرفيني الاول
لتقول جومانه بارتباك وهي ترسم ابتسامه متوتره على شفتيها
= كنت رايحه أفرج دعوات الفرح لماما قسمت و تالين
ليضرب سليم يده بعنف على سطح المكتب وهو يقول بانفعال
= كروت فرح ودعاوي ايه الي رايحه توريها لهم انتي نسيتي اتفاقنا
لتدعي جومانه البكاء
= انا فاكره اتفاقنا كويس بس انا مش فاهمه انت بتعاملني بقسوه كده ليه.. الي حصل بينا مكنش غلطتي لواحدي
ليقول سليم بتساؤل ساخر
= وهو ايه الي حصل بينا ممكن تفكريني
لتقول جومانه بارتباك ووجه شاحب
= تقصد ايه يا سليم مش فاهمه
ليقول سليم بقسوه
= اقصد يا جومانه اني راجل ليا علاقات بعدد شعر راسي واكيد لو عملت علاقه معاكي هبقى فاكر على الاقل اي جزء منها
لتقول جومانه برعب وهي تبكي بالفعل لاحساسها بانكشاف خدعتها
= انت بتقول ايه يا سليم قصدك ان انا خدعتك.. طب ليه ..انا هعمل كده ليه
ليقول سليم بصرامه
= محدش يقدر يخدع سليم المنشاوي
ليضيف بقسوه
= انا لما صحيت وشفت الوضع القزر الي كنا فيه منكرش اني مكنتش قادر اجمع افكاري وصدقتك
بس بعدها بلحظات كل حاجه كانت واضحه من اول حبوب الصداع الي دخلتني في غيبوبه لحد الوضع القزر الي صحيت عليه
لتقول جومانه ببكاء وهي تشاهد امالها تنهار
= اسمعني يا سليم انا هفسرلك كل حاجه
ليقاطعها سليم بقسوه
= وانا مش عاوز ولا يهمني انك تفسريلي حاجه الموضوع واضح ومش محتاج تفسير... يا مدام جومانه
لتشهق جومانه بعنف وهو يتابع بقسوه
= اسمعيني كويس يا مدام ... علشان دا اخر تحزير ليكي
انا كل الي بعمله ده... موافقتي اني اتجوزك رغم معرفتي بماضيكي المشرف وكذبك علياا ومخاطرتي باغلى شئ في حياتي علشان انقذ سمعتك
كل ده مش عشانك
ده اكراما لتربيتنا سوى و لوالدك الله يرحمه الي وصاني عليكي قبل مايموت والدك الي لولاه كانت كل حاجه ضاعت وانهارت بعد وفاة والدي.. لولا واقفته في ضهري ومعايا
فاكراما له ولافضاله علياا انا هحافظ عليكي وانقذ اسمه وسمعته انهم يتلطخو بالوحل
اتفاقنا هيتم وبعد شهرين بالظبط هيتم الطلاق بهدوء ومن غير شوشره وبعدها هتتنقلي لفرع الشركه في باريس والشركه هتوفرلك سكن ومرتب مناسب
وبكده ابقى وفيت ديني لوالدك..
ليتابع محزرا
= بس اي غلط منك او تصرف متهور اعتبري اتفاقنا لاغي ومتلوميش الا نفسك
لتهز جومانه رأسها بالموافقه ودموعها تنساب وهي تتجه للخروج من باب المكتب
لينادي سليم عليها بقوه
= جومانه
لتلتفت اليه جومانه وهي مازالت تبكي
ليقول سليم بهدوء
= انا لحد دلوقتي بعتبرك ذي تالين بالظبط حتى بعد كل الي حصل ده ..ياريت تحافظي على الي باقي من علاقتي بيكي علشان متخسريش كل حاجه
لتهز جومانه رأسها بموافقه وتخرج سريعا وهي تشعر باشتعال النار والكره في جسدها وهي تقول بكره
= حاضر ياسليم بكره تشوف انا هعمل ايه هندمك على اغلى حاجه في حياتك ذي ما بتقول وساعتها مش هتلاقي غير كتفي تبكي عليه