رواية ريدي
الفصل الخامس5
بقلم سروش بشار
قال لي بصراحه انا مرتبط هندي ماب زاتها جات و رفع ليها يدو اتلفت لقيتها ماب سعد الدين انا خلاص صبت فيني مطره 😭🚿و ضربتني صاعقه😫😫 جات سلمت عليهو بالاحضان وقالت ليهو حبيبي مشتاقين قال ليها بالاكتر والله تعالي اتفضلي اقعدي قالت ليهو اوووو بث شكلك عندك ضيف حبيبي معليش ما انتبهت ليك وسلمت علي 😊😊قال ليها لالا دي اختي بيان و انا حبيت اعرفك بيها لانها قريبه لي شدييد 😇😇قلت ليهو لو كان قلت لي ماب سعد الدين كان عرفتها ولا ناسي انها ساكنه في المربع الورانا 😊💔قال لي اي اي ساكنين قريب مننا بث لانو ما حصل شفتكم مع بعض او مشيتو ليها او جو ليكم قلت يمكن ما بتعرفو بعض😊😊 قلت ليهو لانو تفكيرنا مختلف فما بنتفق ولا شنو يا ماب😊💔 قالت لي بالظبط تفكيرنا مختلف لانو انتو تفكيركم لسه طفولي و انا خلاص عقلت ولا شنو حبيبي😏😏 (ماب و متاب سعد الدين تومتين و بنات سعد الدين معروفات في الحي مع انهم الفرق بينهم فرق السما للارض مختلفات عن بعض تماما يعني لو كان حبه متاب ما كان زعلت زي دا 😪😪 لانو ماب دي معروفه انها مفتريه ورافعه قزازها وما عندها احترام لا لي كبير ولا لي صغير و جنها تظهر تفاصيل جسمها وتتحنكش حتي المشي حقها متصنع غيتو كلام فاضي😤😤 ) مسك يدها و قال ليها اكيد حبيتي اقسم بالله حابسه دموعي بالغصب شربت الكبتشينو بتاعي زي الزول العطشان ليهو قرون وما صدف لقي مويه شفطه واحده خلصتو و اكلت الكيك سريع سريع علشان ما انتبه لي حركاتهم لمن اتشرقت 😂💔 طارق قال لي يا بت مالك في شنو😂😂 قلت ليهو ولا شي عايزه ارجع البيت😊😊قال لي بث نحن يا داب جينا😕😕 قلت ليهو لا انتو خليكم انا برجع براي و شلت جوالي و طلعت😪 حصلني قال لي مالك في شنو قلت ليهو ماف شي متضايقه سااي😪😪 قال لي عارف انو ماب ما عجباك بث هي اتغيرت يا بيان و لسه ح اغير فيها كتير لحد ما ابقي جاهز و اتقدم ليها ياخ انا البت دي بحبها من جووواي ومن زمان شدييييد ما صدقت اني لقيت لي فرصه معاها😍😍ابتسمت ليهو وقلت ليهو مبروك 😊😊 قال لي كيف يعني انتي ما زعلانه 😇😇قلت ليهو وازعل ليه بالعكس انا المفروض افرح ليك اخوي اخيرا في بت جابت راسو البزعلني شنو😊💔 قال لي بث علشان شوفتك طلعتي قلت بتكوني زعلانه او كدا 😅😅 قلت ليهو لالا ما زعلانه ولا شي يلا اجر الحق مزتك قبل ما تزعل وانا بعرف ارجع براي 😊😊 قال لي تسلمي يا احلا اخت في الدنيا و رجع ليها 😪😪اتخيلو مشي ولا فكر اني لا بعرف اقطع زلط ولا لي في المواصلات خلاني مقطوعه في الشارع و راسي شاطب بقيت ماشه في الطريق و ببكي 😭😭اتصلت بي رونق قالت لي بجي عليك هسي اصلا انا قريبه منكم عشره دقايق و جاتني رنو قالت لي الحصل شنو وعيونك دي مالها عامله كدا 😳😳قلت ليها ما عارفه😪😪 نفسي قافله
وكاتمه فيني عليك الله وصليني البيت بث تاني ما دايره حاجه 😔😔قالت لي و طارق وين وخلاك تطلعي براك ليه 😱😱قلت ليها ما عارفه ما تساليني دايره توديني البيت ولا اشوف زول غيرك 😭😭قالت لي خلاص كويس وقفت لينا بتاع حافله و ركبنا رجعنا البيت قالت لي ارح معاي قلت ليها لالا عايزه اقعد براي قالت لي يا بت انتي جنيتي امك ماف وبيتكم فاضي هسي لو جاك حرامي 😪😪 قلت ليها ما بفرق معاي بقول ليهو اسرق الدايرو و يطلع بي سلام😪😪 قالت لي ما نصيحه والله خلاص ارح انا بمش بابيت معاك الليله و المهم دخلت وكنت مخنوقه وعايزه ابكي بث كمان ما عايزه ابكي قدام رنو قلت ليها خدي راحتك انا طالعه فوق اغير واجي قالت لي تمام قعدت في الصاله تحت وفتحت التلفزيون وقعدت تحضر ضربت لي امها و كلمتها انها ح تبيت معاي الليله 😍😍وانا و طلعت فوق غرفتي و اتفقعت بكي بكييييت كدا لمن حسيت بي وجعه جوه قلبي يعني ما فكر فيني ولا في احاسيسي مشي حبه ليهو واحده تافهه ورخص مكانتي كدا تاني قلت لي نفسي انا البيبكيني شنو البجرح كياني شنو و البرخص مكانتي شنو هو اصلا عمرو ما عاين لي كان ختيني زي رونق انا براي اخدت وش زياده انا ما لازم افكر فيهو كتير اصلا هو ما بستاهل ودا شبهو اصلا انا ما ح اخليهو ياثر فيني انا براي عشمت نفسي فيهو وهو ما بستاهل 😪😪دخلت الحمام غسلت وشي و غيرت لبسي و نزلت تحت لي رنو لقيتها بتحضر في فلم اجنبي مشيت عملت لي اندومي و جيت قعدت جمبها وجبت ليها معاي كوره وقعدنا نحضر و كل ما اتزكر هو سلم عليها كيف و قعد يضحك معاها كيف ولاكني موجوده معاهم اقعد ابكي 😪😪 رنو قالت لي مالك😒😒 قلت ليها متاثره بالفليم بث ما اكتر 😊😊قالت لي والله😅😅 قلت ليها جد ليه مالك😊😊 قالت لي ولا شي بث ما قادره اصدقك😅😅 قلت ليها رنو ما تنقي فيني 😒😒قالت لي طيب طارق قال ليك شنو 😊😊قلت ليها ما عارفه😑😑 قالت لي بيان نحنا مع بعص لينا كم سنه ما تكذبي علي 😒😒قلت ليها جد ماف شي 😌😌قالت لي احلفي😏😏 قلت ليها خلاص ح اقول ليك بث بشرط 😪😪قالت لي اها شنو 😑😑قلت ليها ما تقولي ليهو شي ولا تساليهو حتي بعيونك ما تساليهو 😒😒قالت لي متخلفه انتي
اس الو بعيوني كيف😒😒 قلت ليها ما هبله انا علشان ما الاحظ انكم بتتكلمو بي لغه العيون😪😪 قالت لي كويس كويس اها احكي لي مالو وماشا وين خلاك براك 😶😶 قلت ليها اوعديني اول😒😒 قالت لي والله وعداحكي ياخ ما تشحتفي لي روحي 😑😑قلت ليها و اذا خلفتي😒😒 قالت لي امممم بدك فستاني الدهبي الجديد اللي جابو لي بابا من دبي بي اكسسوارو 😭😭قلت ليها خلاص صدقتك بث حلفتك بي الله اخلفي لانو فستانك داك والله انا نفسي فيهو من ما جابو ليك😂😂 قالت لي يا تحكي ولا بلطشك كف😤😤 قلت ليها عزمني علشان يقول لي هو مرتبط😊😊 قالت لي شنوووووو دا كلو علشان يقول ليك انو مرتبط 😱😱قلت ليها لا والاظرف عزمني علشان يعرفني بي حبيبتو😂💔قالت لي اصلووو لا جاب ليها قله زوق كمان😳😳 قلت ليها وما بتصدقي منو هي 😂😂قالت لي اها منو 😱😱قلت ليها ماااب😂😂 قالت لي ماب منو😳😳 قلت ليها مااب الواحده دي الشايفه روحها دي بت سعد الدين😂😂 قالت لي ح امووووت ما لقي ليهو واحده غير دي اي صحي هي مزه و قرضه و لبيسه وراقيه واي شي بث شايفه نفسها و رافعه نخرتها دي في السما 😪😪قلت ليها انا ما علي بيهو😌✋ قالت لي كيف يعني😳😳 قلت ليها يعني يحب العايزها ويخلي العايزها انا ما لي دخل فيهو 😊😊 قالت لي بس يا بيان😟😟 قلت ليها خلاص الموضوع منتهي ما لي دخل فيهزو يحب الدايرو ويخلي الدايرو 😊😊 قالت لي لكن يا بيان.... 😢😢قالت ليها ما لكن ولا شي وبي كدا قلنا حديثنا و عدينا باقي يوما عادي 😊😊مره اسبوع من الاكتاب و استماع اغاني حزينه شي يا وجعتي و انا مش انانيه وما ادراك
كسره#
(اصلا كدا البنات بفرقو عاطفتهم و حزنهم في الاغاني و الدمووع 😔😔بث لو جيتو للجد ماف شي بستاهل تبكي عليهو خاصه لو ولد لانو لو هو عرف قيمه دموعك ما كان سابك😒😒 مع انو ما كل البسيبونا بكونو قاصدين او متعمدين يجرحونا بكون عندهم اسبابهم الخاصه واولها اسعدنا بشوفو لو بعدو عننا بنلقي سعادتنا فعلشان كدا لازم نتعلم انو من وجعنا نصنع قوتنا المره ما ضعيفه البضعفها تفكرها في نفسها كونها ضعيفه نعم هي حساسه بث قويه 😊👊)
المهم تاني رجعت وقلت لي نفسي اني براي عشمت فيهو لانو يوم ما قال عايزني او انا عجباهو دايما بقول لي اختي فما في داعي ازعل روحي علي الفاضي و المليان 😪😪اه مشيت الوضع عادي بث بقيت بتفاداهو وكل ما يسالني بيان مالك اتغيرتي علي بقول ليهو ولا شي ضغوط القرايه وكدا نزلت تانيه تانوي وبقيت بلاقيهم طالعين ونازلين مع بعض بوصلها الجامعه معاهو في طريقو وما ادرك ومرات بسوقني معاهو
عزومات وهي بتكون موجوده حتي بقي ما قاعد يحكي لي عنو زي زمان ممكن يومين ما يشوف وشي ولا يسال مني 😪😪 و في يوم جاتي رنو وهي بتبكي قلت ليها مالك يا بت في شنو قالت لي طارق ح يسافر 😭😭قلت ليها شنو و كيف و وين وليه 😳💔قالت لي بابا لقي ليهو منحه دراسيه علشان يمش يكمل دراستو هناك 😭😭قلت ليها هناك ويين 😱💔قالت لي المانيا 😭😭قلت ليها قولي والله 😱😱قالت لي اقسم بالله 😭😭قلت ليها وحيسافر متين😱😱 قالت لي يوم السبت😭😭 قلت ليها وهو قال ليك تجي توريني؟؟!😢😢 قالت لي لا ما جاب سيرتك بث انا قلت لازم تعرفي😔😔 قلت ليها طيب ايااك تكلميهو اني عرفت😑😑 قالت لي ليه 😢😢قلت ليها بث عايزه اتاكد من حاجه 😒😒قالت لي خلاص تمام اخدت بكيتها و اتونست معاي و رجعت بيتهم😌👊 تاني يوم لاقيت طارق الصباح سلم علي وركب عربيتو ولا حتي فكر انو يجيب لي سيره او يقول لي انو مسافر اما اليوم البعدو كنت مقيله معاهم في البيت بث برضو ما فكر يقول لي شي لمن شكيت انو ما مسافر لكن بعد سمعت خالتو بتتكلم عن التجهيزات لي سفرو صدقت 😢😢 يوم الجمعه جا وهو لسه ما كلف نفسو يقول لي وانا عامله منو رايحه ولا كاني سمعت حاجه 😪😪 السبت المساء جوالي رنه افتكرتو هو جريت رديت لقتها رنو قالت لي نحن في المطار 😭😭قلت ليها يوصل بالسلامه😊😊 قالت لي ما عايزه تودعيهو 😭😭قلت ليها اديني ليهوو😊😊شيت وقفت في الشباك وبقيت بعاين لي غرفتو البقت المضلمه دموعي جرو 😭😭رنو قالت لي بيان طارق دا شكلو بتكلم بالتلفون وما فاضي 😢😢 قلت ليها خير حبيبه لمن يخلص قولي ليهو بيان قاالت ليك توصل بالسلامه وبعدين كويس معاي اصلا انا ما بحب الوداع 😊😊و قفلت الخط و بقيت بقشقش في دموعي لمحت ماب واقفه في بابهم و بتتكلم بالتلفون وبتبكي قلت معناها بتحكي معاهو اتغظت شددددديد بث اكلتها في حناني قفلت الشباك وطفيت النور ورقدت نومت قلت احسن زاتو ارتاح من طلعاتهم و مرقاتهم و شوفتهم مع بعض