رواية عذراء الرعد كامله بقلم بسمه ) جميع الفصول حتى الاخير الخاتمه

رواية غمرني بحبه الفصل السابع عشر17والثامن عشر18 بقلم سحر السحرتي

دخلت سهر لمكتب ايناس وعلى وجهها ابتسامه 

:صباح الخير يا انوس

*تعجبت من فعل سهر 

: انوس صباح الفل يا حبيبتي افهم من كده انك سامحتيني 

:سامحتك وما فيش داعي تسيبي الشغل 

:طب وكريم هتعملي معاه ايه

*ارادت اختبار مدى حبها وقوة صداقتها معاها

 :هعمل ايه مش هقدر اطلق دلوقتي انت عارفه سمعتي هتبقى وحشه اني اطلق في اول الجواز ....  هتعامل عادي معاه ولما الاقي فرصه ويعدي وقت هطلب الطلاق 

:طب وتطلقي ليه هو بيحبك كملي معاه وشوفي هو محتاج ايه كملي الناقص في حياته مش هيقدر يستغنى عنك

: ازاي عايزاني اكمل معاه انت لسه امبارح كنت بتكرهيني فيه 

:بصراحه قعدت مع نفسي وحسيت بالذنب من ناحيتك وهو حاول يعوضني عن اللي عمله بس انت عارفه جرح الكرامه ما فيش اصعب منه .... عارفه يا سهر انا عملت كدة ليه اصعب حاجه على الست تبقى مجبره على علاقه زوجيه وهي كارهه الراجل وهو كان عايزني بس شهوه مش حب 

:يمكن الاختبار ده عديتي بيه عشان تعرفي قيمه جوزك دلوقتي

 :فعلا ده اللي انا قلته لنفسي عشان كده بقول لك ادي له فرصه وبما انك بتحبيه وهو بيحبك مع بعض هتتغلبوا على اي مشاكل 

:تفتكري هقدر اثق فيه انه هيكتفي بيا وهيبطل يدور أو  يبص على واحده ثانيه

: اللي فهمته الفتره القصيره بتاعه جوازنا انه كان بيدور على الحب ولو كان حبني كان هيقلب جوازنا رسمي

: و عصبيته انت مش قلتي مراته هربت منه 

:هو عصبي اه بس تقدري تهديه بحبك ليه وما يوصلش للدرجه اللي كان بيوصل لها معايا لاني ما حبيتهوش اصلا فما كانش هاممني يتعصب او لا  ...بالنسبه لمراته بصراحه انا كدبت عليك هي انسانه ماديه وبتحب المظاهر ومسافره عشان تتفسح وتلف الدنيا واخذت الاولاد معاها حجه انها معاهم عشان دراستهم هم اصلا هنا في مدارس احسن واغلى من بره

: تفتكري ادي له فرصه

 :انت كده او كده ناويه تقعدي معاه جربي مش هتخسري حاجه بالعكس ممكن تكسبي لو اكتشفت انه اتغير وهو في العموم طيب 

*صمتت قليلا وقالت بخجل 

: عايزه اطلب منك طلب يا سهر 

:اتفضلي 

:بما انك سامحتيني ممكن علاقتنا ترجع زي الاول من غير ما تحكي لي عن علاقتك بكريم .... او تاخدي رايي في اي شيء يخصكم ... انا حبيتك قوي ومش عارفه اللي عملته ده عملته ازاي كانت وزة شيطان فعشان نتلاشاها وما ترجعش تاني تبقى صداقتنا بعيدة عن حياتك الشخصية مش حابه اخسر واحده زيك

:انت بصراحه لو ما كنتيش طلبت مني كده كنت هشك انك بتحبيني

 *وضمتها بحب

: اخوات

: اخوات 

:ينفع بقى ادخل له

 :باي صفه شغل ولا المدام عشان اخذ اذنه 

: لا المدام هههههه 

:تدخلي طبعا من غير اذن 

بقلمي سحر السحرتي 

*دخلت المكتب وقبلت خده

 :وحشتني 

*امسكها من يدها وجذبها بقوه لتسقط فوق ساقيه وقبلها بقوه من شفتيها فدفعته ووقفت بسرعه 

: ايه ده بتعمل ايه احنا في الشغل 

:اللي مش قد حاجه ما يبدأها 

:خلاص هبطل اجي واقول لك وحشتني

 :لا طبعا بس بلاش تجري شكلي انا بتلكك

: يعني ايه جريت شكلك في ايه دلوقتي 

:بوستيني في خدي واتكلمتي بحنيه قوي خليتني ادوب

: انا اتكلمت بحب مش حنيه في فرق

: كويس انك جيتي دي دعوه فرح ابن خالي وعازمنا اخر الاسبوع

 :ايه ده دى في اسكندريه بس غريبه انا مش عارفه قرايبك فكرت بس عندك عمك سامي

: لا عرفتك عليهم في الفرح بس من كتر الناس انت ما ركزتيش

: لا انا كنت مركزه معاك انت بس وما كنتش مصدقه اني بتجوزك وبعد اللي ماما عملته كويس اني ما فقدت الوعي وشلتني على المستشفى

: للدرجه دي

: واكثر يا كريم انت مش عارف انا بحبك قد ايه 

*قالت بدلع 

:كيكو هو احنا هنروح الفرح بس ونرجع

: قلب كيكو لا هنقضي ثلاث ايام ايه رايك 

*قبلت خده واسرعت بالخروج وهي تقول 

:حبيبي يا كيكو

:خذي هنا ايه شغل الحراميه ده 

:خلص شغلك وارجع البيت بسرعه هعمل لك حته اكله تحفه اروح اشوف شغلي احسن مديري صعب قوي

*في المنزل عاد كريم وجد سهر تنتظره بابتسامه ساحره وتجهز مائده الطعام مع ريتا العامله في المنزل

بقلمي سحر السحرتي 

 *اغتسل وبدل ملابسه وجلس ليتناول الطعام بعد عده لقيمات وضع الملعقه بقوه في الطبق وقال بعصبيه

: سهر 

*فزعت سهر مما فعل

: ايه يا كريم يا حبيبي في حاجه 

:وبعدين في الاكل اللي بتعمليه ده بطلي تطبخي دخلي ريتا هي اللي تطبخ

 *اخذت قطمه من طعامها وقالت بدهشه 

:ماله يا حبيبي ما حلو اهو والملح مظبوط

 *نظر لها بغضب انت عارفه من اول ما بدات تطبخي انا زايد كم كيلو  ....3 كيلو ينفع كده 

*ضحكت وهو ضحك معها

 :خضتني فكرته وحش اخص عليك 

: انا من اول ما قعدت اكل وبحاول اعمل نفسي جامد وامسك نفسي واقول معلقتين  و بس وكل معلقه تجرني للرزيله للمعلقه اللي بعدها لغايه لما هخلص الطبق 

*رن صوت ضحكتها العالي وكادت ان تختنق والطعام في فمها 

:حرام عليك هموت

: لا بجدانا عمري وزني ما زاد بالشكل ده والسرعه دي

: يعني غلطانه بهتم بيك وبعمل الاكل بحب عشان اسعدك

*امسك يدها وقبلها

: لا مش غلطانه تسلم ايدك انت عارفه ان ماما كانت رغم المساعدين اللي كانوا عندها كانت لازم وجبه الغداء تطبخها بايديها فكرتيني بنكهه طعام وطعامة اكلها 

:انا باخد بنصيحه اقرب طريق لقلب جوزك

 :انت واخده قلبي من الاول

 :اخذه برضو بزياده ولما تزيد في الوزن ما فيش واحده تبص لك 

:اه دي خطه من جنابك مش عشان بتحبيني

: ما انا عشان بحبك مش عايزه حد يبص لك

: اللي يبص يبص يا حبيبتي المهم مين اللي في القلب بس مجهود عليك خلي ريتا تتولى الموضوع ده لاني بجد وزني زاد

: انا ما اشتكتش 

:مش هستنى لما تشتكي يا اما تقعدي من الشغل

 :لا انا بحب اشتغل وخصوصا معاك اوعى تكون واخدها حجة عشان تقعدني لانك زهقت مني  في الشغل والبيت

 :ابدا يا حبيبتي ده انا لو اقدر هنقل مكتبك معايا بس لو نقلته مش هعرف اشتغل وافضل احب فيك  ....انا بس خايف تتعبي والفتره اللي جايه هيبقى في سفر كثير واحتفالات

: خلاص عندي حل وسط ايام الاجازه هطبخ لك او اي يوم هبقى فاضيه فيه 

:وانا موافق بس بلاش يبقى حلو كده 

 *بعد عده ايام كان حفل زفاف ابن خال كريم 

:كيكو هو انت هتروح الفرح كراجل اعمال ولا كقريب العريس 

:ايه الفرق (وضحك) المهم اني هروح كراجل

: هههههه مش حابه تلبس بدله كامله بحب اشوفك في لبس غير رسمي 

:يعني اروح مبهدل والفرح هيبقى فيه رجال اعمال 

: لا بلاش الكرفات ممكن

 *اقترب منها وهو يجحظ عيناه بغضب فتراجعت للوراء وتبدل حاله في لحظه 

:عشان خاطرك انت بس ممكن 

*دفعته بكلت يديها 

:اوعى كده انت كل شويه تخوفني بنظرتك دي

: بحب اشوفك وانت متعصبه وخايفه

 *قالت بحنيه ودلع

: يعني كويس لما امد ايدي عليك 

:انت تقدري

 *نظرت بحب داخل عينيه 

:اقدر بس ما تهونش عليا

*ضمها من خصرها بحب وقال بخبث عاشق

: ما بلاش نروح الفرح وتشرحي لي تقدري على ايه كمان 

*ضحكت وقالت بخجل

: انا عايزه اروح اسكندريه واتمشى معاك على الكورنيش وانا ماسكة ايدك مش مهم الفرح وهشرح لك بعدين

: هو احنا مسافرين نتمشى

: طبعا امال رايح تشرح هناك 

*وقال بخبث : طبعا امال واخد إجازة اهد حيلي في المشي

 :بطل افكارك دي هنتاخر 

*طرقت ريتا الباب وادخلت القهوه

كريم : مين اللي طلب القهوه دي 

:مدام سهر 

:سهر انا مش عايز قهوه

 :لا يا حبيبي دي ليا 

:انت مش ملاحظه انك بقيتي تشربي قهوه كثير 

:بصدع وهي والمسكن بيعملوا مفعول كويس 

:الصداع بنكشف عليه يا سهر مش مسكن وقهوه

 :حاضر اما نرجع هبقى اكشف يلا بقى 

بقلمي سحر السحرتي 

*دخل قاعه الفرح كانت سهر تضع يدها في ذراع كريم بكل حب ...  تفأجات ان يزن ضيف في الحفل توجهت بنظرها في الاتجاه الاخر لكنه تعمد ان يسلم عليها هي وزوجها 

:مش معقول مدام سهر و الباشمهندس ازيكم 

*سلم عليه كريم ثم ضم سهر من خصرها ليقول له بصمت انها ملكيته الخاصه 

*سلمت سهر عليه بمنتهى الرسميه

: اهلا مستر يزن يلا يا كريم نسلم على العريس

بقلمي سحر السحرتي 

*ابتعد يزن نظرت لكريم بخجل

: اسفه يا كريم عارفه انت بتحس بايه كل ما بتشوفه انا ممكن اطلع الغرفه فوق وانت خليك هنا براحتك

: بتتأسفي على ايه هو كان مجرد خطيب و انا متأكد أن ما كانش في مشاعر من ناحيته وخلي بالك هنقابله كثير بحكم اننا رجال اعمال بس اللي بطلبه منك تفضل معاملتك رسميه معاه زي ما عملتي 

*وقبلها في خدها

: كريم بلاش تبوسني قدام الناس بتكسف 

:انت مراتي يا سهر

 :اه بس احنا مش اجانب

: طب خليني النهارده عشان حابب اوصل رساله معينه

: طب ما تزودهاش وبعدين رساله ايه هو يعني كان بيحبني ما انا قلت لك على الخطه القذره بتاعته 

:حاضر عشان خاطرك

 *لم تسلم سهر من قبلات كريم طوال السهره واحتضانه لها بتملك رغم وعده لها لكنها لم تتفوه بكلمه لانها قدرت غيرته عليها  .....وعندما سمعت اغنيه رومانسيه امسكت يده لترقص معه بحب لمساعدته في ارسال رسالته ودعما لمشاعره 

*شعر كريم باحتوائها وحبها فاحتضناها ولف بها عده لفات

 :كريم ما تعملش كده ثاني امسكني بقى عشان دخت

: انت كويسه

: اه ليه

*رد بفرحة: دختي يعني ممكن يبقى في حاجه

 :لا ما فيش اي حاجه انا ملتزمه باتفاقي معاك 

: وانا لغيت الاتفاق انا نفسي دلوقتي حالا في بنوته منك وشبهك 

: لا خلينا نستمتع مع بعض شويه زي ما انت قلت بدل ما الدنيا تلهينا عن بعض 

*انتهى الحفل وقضت سهر مع كريم ايام جميله وعادت للعمل بكل نشاط 

*مضت عده اشهر كانت هادئه وسهر تعمل في الشركه مع كريم   .. وتحضر معه الحفلات  ...وتسافر ايضا معه ليعقد الاتفاقات 

*احتوت سهر كريم و عوضته عن كل ما افتقده كانت بالنسبة له زوجته وابنته وعشيقته كلما مرت الايام ازداد حبه لها

*ذات يوم طلبها كريم في مكتبه وكان معه عميل وتحدث معها بعصبيه 

:مدام سهر حضرتك راجعتي الارقام دي

: اه يا فندم فيها حاجه

: اه معظمها غلط لو سمحت خلي بالك من شغلك و راجعيها ثاني 

؛اسفه يا فندم هروح اراجعها واجيبها على طول

: لا هنا قدامي وحالا

*كادت ان تذرف الدموع ولاحظ العميل ذلك فاستأذن بحجه ان لديه موعد وسيعود بعد ساعتين وفور خروجه بكت بشده 

*قام كريم من فوق مكتبه و احتضنها

: اسف اني تعصبت عليك بس ده شغل وكنت هعمل كده مع اي حد 

:انا مش بعيط عشان اتعصبت علي ده حقك واحنا اتفقنا نفصل بين الشغل والبيت

: امال عشان كلمتك قدام العميل 

:لا يا حبيبي 

:امال مالك في ايه بتعيطي كده ليه

: انا ما كنتش شايفه الارقام وعشان هي سريه ما قدرتش اطلب من حد يعملها المفروض ما كنتش جبتها لك وانا مش متاكده هي صح ولا غلط 

:يعني ايه ما كنتيش شايفه الارقام

 :يظهر اني محتاجه البس نظاره انا لازم اروح اكشف 

:طب يلا بينا

: بينا على فين هروح انا وانت كمل الشغل لان العميل مستعجل كفايه اللي حصل

: هتروحي لوحدك 

:ده دكتور عيون يا كريم ما تكبرش الموضوع لو في حاجه هكلمك

بقلمي سحر السحرتي 

:اللي تشوفيه 

*ذهبت سهر الي عياده الطبيب واكد لها ان ما بها ليس له علاقه بمرض في عينها وعليها ان تراجع دكتور متخصص في المخ والاعصاب 

*عادت الى المنزل وقررت الا تصارح كريم حتى تتاكد انها بخير 

*عاد كريم مسرعا الى المنزل ونادى عليها 

:سهر انت فين بكلمك كثير اطمن عليك ما ردتيش

: معلش كنت بكشف ونسيت بعد ما اخلص اكلمك

 :طمنيني الدكتور قال لك ايه 

:قال ما فيش حاجه يمكن اجهاد و ارهاق انا فعلا مش بنام كويس

 :عرفتيه كميه القهوه والمسكنات اللي بتاخديها يمكن دي اللي عامله لك ارق

: اه وقال لي اخفف منها 

:طب خذي اجازه يومين 

:لا معلش لما تخلص الصفقه دي الاول وانا هحاول مرهقش نفسي 

*وهي تتحدث كادت تسقط فامسكها كريم 

:سهر مالك

: مش عارفه دوخه كده بقت بتجيني من وقت للتاني 

:مبروك يا حبيبتي ممكن تكوني حامل 

:لا مش حامل 

:عرفتي منين

: لان عندي عذر شرعي ومالك مستعجل على الحمل كده اول الجواز زعقت فيا وقلت لي لو حامل انزل البيبي

 :كنت غبي واناني واتغيرت على ايدك ادخلي استريحي 

*مرت عده ايام ذهبت سهر لطبيب مخ واعصاب دون ان تخبر كريم فطلب منها ان تقوم بعمل اشعه وتحاليل

*ذهبت الى المستشفى لعمل الاشعه على المخ 

*بعد خروجها اصطدمت بيزن بالصدفه الذي كان دوره بعدها فهو يقوم بعمل اشعه بعد الحادث كل عده اشهر ليطمئن على نفسه 

*بدا بالحديث معها والسؤال عن صحتها ليطمئن عليها فشعرت بالدوار وكادت ان تسقط فامسكها يزن قبل ان ترطتم بالارض وكانت كانها داخل حضنه 

*تفأجات بكريم الذي ردد اسمها بغضب 

:سهر

 *ففزعت وقالت وهي تتلعثم 

:كريم انا هفهمك

: ايه ده 

بكت لتخيلها ماذا يمكن ان يفعل وهي تردد

: كريم انا هفهمك ما حصلش حاجه وفقدت الوعي وهي تتحدث

الفصل الثامن عشر 

بعد أن عادت لوعيها وجدت نفسها فوق السرير بالمستشفى والمحلول معلق في يدها وكريم يجلس بجانبها وهو غاضب 

*حاولت التحدث لكن كريم اسكتها بإشاره من يده

 *دخلت الممرضه وخلعت المحلول من يدها بعد انتهائه وقالت

 :هي تقدر دلوقتي تمشي

 *ارتدت ملابسها في صمت وكانت تبكي في صمت 

*خرجت من المستشفى وكريم ممسك بيدها مسندا لها وركبت السياره

 :كريم ممكن افهمك اللي حصل 

:مش عايز اسمع حاجه ممكن لان رد فعلي مش هيعجبك

: احنا رايحين فين ده مش طريق البيت

 :ده طريق بيت مامتك هتقعدي معاها شويه 

:كريم انا ما خنتكش والله العظيم ما خنتك دي صدفه انا قابلته بالصدفه وحسيت بدوخه وهو مسكني

 *اوقف السياره فجاه وامسك بيدها بقوه 

:انت مفكره ان ممكن افتكر لحظه واحده انك خنتيني انا عمري ما شكيت ولا هشك في اخلاقك أو حبك ليا

 *بكت بشده اكبر 

:امال انت زعلان مني قوي كده ليه

 :لانك خرجتيني من دايره حياتك  بمعنى أصح مش معتبراني جوزك 

: انا ما عملتش كده صدقني

 :معناه ايه لما تبقي تعبانه و هتعملي اشعه على المخ اعرف برساله من المستشفى بتاكد على الميعاد  .... هو انا مش جوزك  .... مش من حقك اقف جنبك في مرضك قبل فرحك .... بتخبي عليا ليه هقصر معاك

: انا كنت هقول لك لما اتاكد اني كويسه ما كنتش عايزه اشغلك وانت بتتعب في الشغل

بقلمي سحر السحرتي 

*ارتمت داخل حضنه ارجوك ما تزعلش مني بلاش توديني عند ماما انا ما بقتش اعرف ابعد عنك 

:لا يا سهر هتروحي و تفكري مع نفسك انت عملت ايه غلط انت لغتيني من حياتك كمان غير تفكيرك اني بشك فيك

 :انا خفت اما شفته ساندني لما دوخت تفكر ان في حاجه بينا 

:طبعا اتضايقت بس مش للدرجه دي هو في واحده هتخون جوزها وهي بلبس المستشفى وخصوصا انت  .... ده انت ضاربه نص مصر في محاولات تحرش 

*ضحكت : يعني مش زعلان مني 

*اخرجها من حضنه و أدار محرك السياره 

:لا زعلان و هتروحي عند مامتك 

:بلاش يا كريم ارجوك عاقبني باي حاجه ثانيه الا بعدك عني

: اسف انا قررت زي انت ما قررتي تكشفي وتعملي اشعه من غير ما اعرف وخرجتيني من حساباتك

 *وصل الى منزل والدتها 

:اتفضلي انزلي

 *قالت بخجل وانكسار مش هتوصلني لفوق يمكن ادوخ 

:حاضر

 *في الاسانسير 

:ما انت خايف عليا جايبني هنا ليه

 :عشان تفكري كان ممكن اسيبك هناك في الشقه لوحدك خايف تزعلي اني هبات في الفيلا شايفه وانا زعلان خايف على زعلك اتمنى تراجعي نفسك وتفكري في اللي عملتيه 

*قالت بمنتهى الحزن هتسيبني قد ايه

: لغايه لما احس انك فكرتي وعرفت غلطتك ومش هتكرريها 

*خرجت من الاسانسير احتضنته

 :اسفه يا حبيبي عندك حق انا استاهل العقاب تقدر تمشي

: وانت مطلعاني لغايه هنا ومش هسلم على طنط

 :انا طلعتك عشان محتاجه احضنك عشان هتوحشني قوي 

:طب ادخلي هسلم وامشي 

*فتحت والدتها الباب تفاجات بها

:في ايه يا سهر بتعيطي ليه

: ازيك يا طنط ابدا دلع بنتك بقى عايزه تشوفك وماما وحشتني اقول لها اجليها عيطت قلت اجيبها لك خلي بالك منها انا عندي شغل استاذن

 سهر :استنى لما تاكل

: لا مستعجل عندي اجتماع 

*نظرت له بلوم و عتاب

: حاجه صغيره هاكل معاك .... عامله اكل ايه يا ماما 

:جوزك زي ما بيقولوا حماتك بتحبك عامله احلى حاجه وكنت بدعي انت او اختك تيجوا تاكلوا معايا والدعوه استجيبت وربنا رزقني بيكي انت وكريم .... اقعد يلا يا كريم خمس دقائق هحط الاكل على السفره

: استريحي انت يا ماما هحط انا الاكل

 كريم :هدخل اساعدها يا طنط

بقلمي سحر السحرتي 

 *دخل خلفها حدثها بهمس وحدة

  :انت تعبانه وقلت مش عايز اكل مصره ليه

: عشان دي اخر اكلة هاكلها طول فتره العقاب وانت مش معايا مش هقدر اكل وانت زعلان مني 

*كاد ان يتحدث بعصبيه ادخلت اصبع محشي في فمه

: وكمان محشي ورق العنب بتاع ماما ما يتفوتش

 *اكل وهو يتلذذ  :تصدقي فعلا 

*خرج من المطبخ وهو يحمل عده اطباق

 :تسلم ايدك يا طنط اكل سهر جنب اكلك يعتبر وحش جدا

: بالهنا يا حبيبي ابقى اعملها كتير وانا هاكلك احلى اكل

: ده انا بهرب من اكل سهر

: ليه

 :زودت وزني من حلاوته 

:طب يوم في الاسبوع بدل ما انا باكل لوحدي

: ليه يا ماما هي سمر بطلت تيجي 

:بقت تيجي خفيف من يوم نصيحتك الهباب ليها 

:ليه انا عملت ايه يعني

 :مش انت اللي قلت لها تهدد جوزها انها هتطلب الطلاق وهتاخد الشقه ونفقه اكثر من اللي بيصرفوا في البيت وهو  ماشي من ساعتها زي الالف و بيصرف ويكلف كمان لا وبقى يفسحهم 

:يعني انا غلطانه دلوقتي بعد ما كان تنبل و مستنطع عليها وعليكي وخلص ورثها

:كانت بتونسني بدل قعدتي لوحدي

: يا ماما فتره بس يتعود يصرف على بيته و هتيجي عندك زي الاول واكثر

: تفتكري

: اه انا متفقه معاها على كده وقلت لها تهدده ان جوزي عنده محامي شاطر هيبيعه هدومه 

:ادعي عليك بأيه يعني دي خطتك المنيله

 :اه بطلي تدلعي فيها وخليه يتعود يشيل مسؤوليه بيته عشان بعد عمر طويل لك هتتبهدل

:شايف يا كريم عمايل مراتك

 :امال لو عرفت العامله الكبيره هتقولي ايه

: عملت ايه سمعني

*نظر لسهر التي كانت نظراتها توسل فقال بخبث 

:ما انا قلت لك زودت وزني عايزة يطلعلي كرش 

: ده اسمه حب يعني عجبك اكل النواشف اللي كنت بتاكله قبلها 

:عندك حق يا طنط  .... انا اكلت وشبعت تسلم ايدك خلي بالك منها و اكليها كويس همشي انا بقى 

*اسرعت سهر وامسكت يده برجاء قبلت خده 

:مع السلامه يا حبيبي 

*رقرقت عينيها بالدموع واسرعت الى غرفتها

 *بعد ان ذهب دخلت والدتها 

:في ايه يا سهر انتم زعلانين

: لا يا ماما بس دي اول مره اسيبه من يوم ما اتجوزنا احنا دائما مع بعض 

:انت بتحبيه قوي كده

: قوي قوي يا ماما وحبيته اكثر بعد ما اتجوزنا و عاشرته لانه بيعاملني بحب كبير وطيبه 

*لوت شفتيها يمينا ويسارا

:طب يا نحنوحه وجيتي ليه يا شجره الدر لما مش قادره تبعدي عنه

 :وحشتيني و وحشني منقارتك امشي يعني 

:لا اقعدي نكدي عليا و غميني بعياطك يا تسكتي يا اما تكلميه يجي ياخدك مش ناقصه غم

: طب افرضي زعلانين ما تشيلنيش

: بيت ابوكي مفتوح بس اللي تزعل في بيتها احسن عشان المشكله ما تكبرش فاهمه 

:فهمت بس احنا مش زعلانين هنام شويه عشان مصدعه

: انت جايه تقعدي معايا ولا جايه تنامي

: لا بهرب من غسيل المواعين هههههه 

:عارفه تعالي المطبخ وانا هغسلهم واحنا بنتكلم طول عمرك تحبي تطبخي لكن تهربي من غسيل المواعين

بقلمي سحر السحرتي 

: فهماني كده على طول

: اللي مربي قرد عارف نطه

 :قرد الحمد لله كريم مشي وما سمعكيش 

*جلست تتسامر وتتحدث مع والدتها

:يا خبر الوقت اتاخر انا سهرت النهارده

: يا ماما الساعه لسه 10:00 سهرتي ايه

 :انا بحب انام بدري هتنامي ولة قاعده 

:لا قاعده شويه ولة اقول لك ادخل احاول انام 

*مر الوقت عليها ببطء كئيب تبكي و تتقلب في السرير ... كأنه قطعه من الجمر .... لا تستطيع ان تتحمل هذا السرير .... لم يعد لها  ....تتمنى العوده لحضن زوجها  ....ارادت ان تقوم باخر محاوله و تستعطفه 

*وجد هاتفه يرن باسم سهر

*رد بلا مبالاه حتى لا تشعر باشتياقه

 :خير الساعه 12:00 بالليل وانت عارفه اني هنام عندي شغل مهم 

*لم يستمع منها اي رد كانت منهاره وتبكي بهستريا قال بخوف عليها

: سهر ردي علي انت كويسه 

*ردت عليه وهي تقطع بين الكلمه واخرى وهي تبكي

: لا .... لا ..... مش كويسه

*رد بلهفة ورعب عليها 

:ردي علي فيك ايه تعبانة

: مش .... مش ... عارفه انام من غيرك  .....السرير هنا مليان شوك    .....نار قايده من تحتي ..... ازاي عايزني اعرف انام وانا بقالي 10 شهور و12 يوم بنام في حضنك ....  بتشتغل بشتغل معاك .....  بتسافر بسافر معاك ..... انت قاسي و قلبك حجر

*كتم ضحكته على هذه الطفله التي تزوج منها

: قلبي حجر ليه بقى ان شاء الله

 :عشان اخترت عقاب قاسي وقالت بلكنه تهديد وقوة شخصية وكانت جادة فيما تقول

: اسمع 10 دقائق تكون عندي هنا والا شهر مش هتشوف وشي ولا تسمع صوتي وانا عارفه انك بتتعذب دلوقتي زيي زيك

: 10 دقائق ازاي لسه هغير هدومي

: لا تعالى زي ما انت وبالشبشب كمان

: بالشبشب يا سهر

: بالشبشب يا كريم والحق تك تك تك

: ايه ده بقى ان شاء الله

: بدا العد التنازلي اول ما اقفل سلام

 *اسرع كريم الى سهر فقد خاف ان تنفذ تهديدها لانها اول مرة تتحدث بهذه الصرامة فعلم انها في غاية الجدية

*رأته وهو يوقف سيارته من البلكونه اسرعت وفتحت الباب تنتظر خروجه من الاسانسير خرج وهو يلهث قالت بسخرية 

: بتنهج كده ليه انت طالع في الاسانسير وعندك تاخير ثلاث دقائق  ( وابتسمت)بس مش مهم 

*و ارتمت في حضنه وبكت بحرقة

: وحشتني قوي حقك عليا انا زعلانه منك قوي ومقهوره

: طب ما تعيطيش كده وقولي لي مقهوره ليه

: بعد ما عودتيني انك جنبي على طول بتبعدني عنك بالشكل ده انت مش بتعاقبني انت بتكسرني 

:بعد الشر عنك من القهره والكسرة يا قلبي انا كنت بعاقب نفسي لاني ما حسستكيش ان راجل يعتمد عليه لما تروحي تكشفي لوحدك من غير حتى ما تقولي ابقى ايه في نظرك

: ما تقولش كده  ....ليه ما تقولش اني مقدره انك مشغول فحبيت اشيل  من عليك

: هو انت بتشتري فستان يا سهر انت

*استمع صوت والدتها من الداخل 

:ادخلي يا نحنوحة جوه و اقفلي الباب انت وجوزك هتفرجوا علينا العماره

 *نظروا لها بخجل ثم اغلق الباب 

:ايه حكايتكم  سألتك قلتي مش زعلانين رفضت تقولي لي دلوقتي بتقولي للعماره كلها 

:هو انت مش كنت نايمه يا ماما

 :كنت نايمه يا قلب القلب بس سمعت صوت باب الشقه بيتفتح اتخضيت ونسيت انك بايته معايا متعوده دلوقتي اني لوحدي

: يا ماما اصل

 :مش عايزه اعرف اصل اكيد انت اللي مزعلاه بلاش تحكي لي لاني هغلطك قدامه فبلاش تحرجي نفسك روحي البسي وامشي معاه وحلي مشاكلك في بيتك وانت يا حبيبي نزلتك بالشبشب

: اعمل ايه يا طنط ما عرفتش تنام اتصلت عليا وقلقت عليها جريت من غير ما البس

 :هي مش بنتي بس قادره ومفتريه ما تديلهاش فرصه احسن تسوق فيها 

:سيبيها تسوق زي ما هي عايزه سهر دي جوهره

 :انت اللي ليا يا حبيبي 

:لحقت تلبسي يا عين امك

: يا حبيبتي لبست على السريع احنا بالليل وما حدش هيشوفنا عايزه حاجه هتوحشيني

: اه غيبي على قد ما تقدري عشان توحشيني انت تعالى يا كريم اي وقت بس لوحدك

: اعرفك مامتي حبيبتي اللي كنت بعيط عشان تجيبني عندها 

:هههههه متاكده انها مامتك

 : هههههه شكيت دلوقتي

بقلمي سحر السحرتي 

*عادوا سويا الى منزلهم و عاتب كل منهم الاخر بود وحب 

*كريم كان حريص ان يمتص غضبه ولا يظهر عصبيته فقد احس بقلق من حالتها الصحيه لا يدري هل سببه انها اخفت عليه الامر  ....ام فعلا بسبب تعدد مرات الصداع وفقدانها الجزئي للوعي

: كريم. .... كريم 

:ايه يا سهر

 :بقى لي كتير بكلمك انت سرحان ولا زعلان 

:لا تعبان وعايز انام كفايه كده النهارده 

:طب قوم ننام عاوزه شرح وافي عملت ايه من غيري

: لا تعبان مش قادر اشرح حاجه بكره

 :هو انت جه في دماغك ايه انا كنت تعبانه ومعلقه محاليل تفتكر ده قصدي المواضيع دي

: بحسب بطلتي كسوف مني وتجرأتي

: لا ما تحلمش تعال احكي لي ازاي كان هيجيلك نوم من غيري

:ده انا نمت و شخرت وانت قلقت منامي

*ضربته في كتفه 

:طب كمل نوم وانا هروح اشوف اوضه تانيه انام فيها 

 :تعالي نامي لان بعد شويه هتيجي تعيطي و تصحيني وتقولي سايبني لوحدي

: لا مش هقول كفايه اني جنبك فرق بينا حيطه بس اما احس انك واحشني هاجي ابص عليك 

:تعالي رغم انك غلطانه ما اقدرش ابعد عنك شكلك عامله لي سحر

 :هههههه عفركوش بنفسه عاملهولي

*في صباح اليوم التالي حاول كريم النهوض بهدوء دون ان تشعر به دخل الحمام وعندما خرج وجدها تحضر له الفطور 

:صحيتي ليه انت مش لسه تعبانة

 :لا بقيت كويسه طول ما انا جنبك 

:ادخلي ريحي وكنتي سبتي ريتا تعمل الفطار 

:حتى دي عايز تحرمني منها افطر على مجهز و البس

: لا يا سهر انت اجازه لغايه نتيجه الاشعه ما تظهر

: لا لما تبقى تظهر والدكتور يقول اجازه هبقى اقعد قبل كده انا على قلبك في اي مكان افطر بقى هلبس بسرعه

*في طريقها للدخول التفتت وعادت مره اخرى 

:كريم اوعى تفكر تنزل و تسيبني هزعل منك واعمل لك مشكله في الشركه وانا مجنونه و اعملها 

:لا يا حبيبتي مستنيك نفطر سوا 

:لا مش عايزه افطر

: انجزي مش هفطر من غيرك 

*مرت عده ايام وظهرت نتيجه الاشعه

 *ذهب كريم مع سهر لمقابله الطبيب 

*كانت سهر متوتره وتمسك بيد كريم بقوه حاول ان يطمئنها لكنه اراد من يطمئنه فتحكم في قلقه وربت على كتفها و احتضنها بحنيه

: مالك

 :قلقانه شويه 

 :ايه رايك انه هيقول انك بتدلعي 

:تفتكر يا ريت

 *دخلوا للطبيب فهمست في اذن كريم 

:هو مكشر كده ليه بيسد نفس المرضى

 :اسكتي خلينا نسمعه

 الدكتور : انا اسف يا مدام سهر

                 الفصل التاسع عشر من هنا

لقراءة باقي الفصول من هنا

تعديل المقال