رواية مجنونه بالاجبار الفصل السابع7والثامن8 بقلم اروي عادل
(خبطت ماليكه على باب الأوضة لكن أسر لا يرد عليها و هنا فتحت باب الأوضة كان أسر وقف فى الغرفة نصف عر،يان غمضت ماليكه عينيها ثم قالت)
ماليكه٠٠ انت قليل الأدب على فكره ازاى تقف بالمنظر ده
أسر٠٠ دى أوضتى انا حر اقف فيها براحتك
( اتكسفت ماليكه ركضت من الغرفة هى مغلقه عينيها كانت هتقع لكن ركض إليها أسر و أمسكها من ذراعيها هنا فتحت عينيها نظر أسر في عين ماليكه وقال )
أسر٠٠ حسبى . و افتحى عينيك وانتى ماشيه عشان تعرفى تشوفى طريقك كويس
ماليكه٠٠ لو سمحت سيب أيدى
( ساب أسر ايديها غادرة ماليكه الغرفة )
◇■◇■◇■◇■◇■◇■
(الجده منتظره على مائدة الطعام )
تيته٠٠ أسر صحى
ماليكه ٠٠ اه هو جاى
تيته٠٠ آمال مالك .. هو أسر قالك حاجه دايقتك
ماليكه٠٠ لأ
أسر٠٠ صباح الخير يا تيته
تيته٠٠ صباح الخير يا حبيبى
( نظره أسر الى ماليكه هو يبتسم)
ماليكه ٠٠ فى حاجه
أسر٠٠ بصراحه شكلك حلو بعباية تيته
تيته٠٠ حلو بس دى قمر
ماليكه ٠٠ ميرسى يا تيته
أسر٠٠ مافيش ميرسى يا أسر . انا إللى قولت الأول على فكره
( ضحكت ماليكه لأول مره و هنا قال أسر)
أسر٠٠ ضحكتك حلوه اوى .. كمان اول مره اخد بالى ان عندك غمزتين
( اتكسفت ماليكه نظرت إلى الأرض بخجل )
تيته٠٠ انت بتعاكسها قدامى
ماليكه ٠٠ عن أذنكم هقوم اعمل شاى
(غادرة ماليكه)
أسر٠٠ ايه يا تيته انتى كسفتيها
تيته٠٠ هى اتكسفت من كلامك مش منى انا
أسر٠٠ هو انا ذوتها
تيته٠٠ اه
أسر٠٠ اعمل ايه ماهى حلوه اوى بصراحه
تيته٠٠ لم نفسك شويه.. ايه إللى جرالك كنت عاقل
أسر٠٠ والله ما انا عارف يا تيته
تيته٠٠ طيب اسكت ماليكه جاى علينا
ماليكه٠٠ اتفضلى الشاى يا تيته
أسر٠٠ طيب انا ماشى عايزين حاجة
تيته٠٠ تسلم ياحبيبى
أسر ٠٠ و انتى يا ماليكه
ماليكه ٠٠ لأ ميرسى
أسر٠٠ طيب سلامة عليكم( غادر أسر)
تيته٠٠ تعرفى يا ماليكه .. الواد أسر ده عرف بنات كتير اوى بس عمري ما شوفتوا بيبص على ايه بنت زى ما بيبص عليكى كده
ماليكه٠٠ انا مش فاهمه انتى عايزه تقولى ايه يا تيته
تيته٠٠ لا انتى فاهمه . عارفه ان أسر معجب بيكى
ماليكه٠٠ أسر انسان محترم .. وانا بقدره بس إللى فى دماغك ده مش مظبوط انا مجرد حالة بالنسبال لأسر مش اكتر
تيته ٠٠ حالة ازاى هو انتى كنتى مريضه عند أسر
ماليكه٠٠ اه انا كنت مريضه عنده فى المستشفى
تيته٠٠ بس أسر ماقالش كده. طيب كنت بتتعلجى من ايه
ماليكه٠٠ حاجات كتير
تيته٠٠ بس انتى مش باين عليكى حاجة
ماليكه٠٠ البركه فى أسر . لولا أسر انا كان زمانى محبوسه فى أوضاع فى المستشفى مش حاسه بالدنيا خالص
تيته٠٠ حالتك كانت صعبه اوى كده
ماليكه٠٠ اكتر من ما تتخيلى . .هحكيلك يا تيته
( حكت ماليكه كل حاجه ليها )
تيته ٠٠ يعنى انتى هر،بانه من المستشفى .. انا كمان استغربت جيتى تقعدى عندنا كام يوم مش معاكى حتى شنطة هدوم.. كمان بنت فى سنك مش ماسكه تليفون . و خوف أسر عليكى. و منع أسر ليكى انك حتى توقفى فى البلكونه
ماليكه٠٠ خوفتى يا تيته
تيته٠٠ عليكى ياحبيبتى.. الناس إللى تعمل كده عشان تدارى جر،يمة ولادها اكيد مش هيسبوكى فى حالك
ماليكه ٠٠ ايوه همآ فعلا بيدوره عليا
تيته ٠٠ طيب و أهلك مش بيدوره عليكى
ماليكه٠٠ اهلى دفنونى من ٣ سنين
تيته٠٠ ازاى يعنى
ماليكه ٠٠ معرفش ده اللى حصل كل إللى أعرفه انى شوفت خبر المنشور عن مو،تى انا و ملك غرقانين فى البحر الأحمر
تيته٠٠ يعنى أهلك فاكرين انك مو،تى
ماليكه٠٠ اه انا بالنسبالهم ميته من ٣ سنين
تيته٠٠ يا قلب امك اكيد قلبها اتو،جع على فراقك انتى و اختك .. انتى ليه لحد دلوقتى ما عرفتيش اهلك انك عايشه
ماليكه٠٠ انا اللى مش عايزهم يعرفوا
تيته٠٠ ليه بس كده
ماليكه ٠٠ لانى من هقدر الرد عليهم لما يسألوني ملك ما،تت ازاى.. دى كانت ماما تروح فيها و بابا كمان مش هيستحمل الخبر كمان حاتم ممكن يتجن لو عرف حاجة زى كده
( بدأت ماليكه فى البكاء)
تيته٠٠ حاسه بيكى وآلله يابنتى.. رغم كل ده اكيد أهلك وحشينك
ماليكه ٠٠ وحشنى اوى اوى يا تيته نفسى فى حضن ماما ..نفسى حتى أمسك ايد بابا .. نفسى ارجع لحياتى تانى .. انا تعبت من الفراق و أهلى وحشونى اوى
تيته٠٠ لو خايفه انا ممكن اروح لأمك
ماليكه٠٠ لأ عشان خاطرى بلاش
تيته٠٠ خلاص ياحبيبتى براحتك
◇■◇■◇■◇■◇■◇■◇■◇■
فى المساء من نفس اليوم
تيته٠٠ مش عارفه أسر اتأخر ليه
ماليكه٠٠ أكيد عنده شغل .. انتى عايزه تنامى
تيته٠٠ مش قادره افتح عينى
ماليكه٠٠ ادخلى نامى و انا هجهز العشا لأسر
تيته٠٠ مش عايزه اتعبك
ماليكه ٠٠ لأ طبعآ مافيش تعب
تيته٠٠ طيب خدى التليفون ده
ماليكه ٠٠ اعمل بيه ايه
تيته٠٠ خلى معاكى انا مش عاوزه .. كبير على الفاضى بيو،جعلى أيدى كمان
ماليكه.. لا شكرآ ده تليفونك انتى
تيته ٠٠ اسمعى يا ماليكه انا كده كده اخرى فى التليفون اقول الو.. انا احسن حاجه ليه التليفون الصغير ابو زراير بيرايحنى
ماليكه٠٠ بس هعمل ايه بيه انا بردوا ..
هو فى حد عارف بوجودى غيرك حضرتك و أسر
تيته٠٠ اسمعى انا راسى و،جعنى و عايزه انام خدى التليفون من ايدى بقى
ماليكه ٠٠ حاضر
تيته٠٠ هو فيه واى فاى يعنى تقدرى أدخلى على النت براحتك.. يلا تصبحي علي خير
( غادرة تيته المكان إلى غرفة نومها
وهنا أمسكت ماليكه التليفون و قامت بفتح صفحتها على الفيس بوك
لأول مره من ٣ سنين وهنا رأت صوره نشرها أمها فى ذكرى وفاة ملك و ماليكه كانت صوره تجمعهم الثلاثه)

(فضليت ماليكه تتنقل من صفحة والدتها الى صفحة والدها و اخوها فى الفيس الى ان وصلت رساله ليها خافت ماليكه لكنها فتحت الرساله لاقيت الرساله من حاتم اخوها بيقول فيها ..مين انت ازاى فاتح الصفحه دى .الصفحة دى بتاعت اختى
مين انت ..
وهنا قامت ماليكه بغلق الهاتف بسرعة .وهى تبكى
. هنا رن جرس الباب )
أسر٠٠ مساء الخير
ماليكه٠٠ مساء الخير
أسر٠٠ ايه مالك
ماليكه٠٠ مافيش.. ثوانى هحضرك العشا
(أمسكها أسر من ايدها و أزاح دموعها ثم قال )

أسر ٠٠ انتى كنتى بتعيطى
( هنا لفت وجهها وهى تقول)
ماليكه ٠٠ لأ
أسر٠٠ بصى انتى المفروض عرفتى انى دكتور رخم مش هسيبك غير ما اعرف مالك .فقولى على طول توفير فى الوقت
( هنا ابتسمت ماليكه)
أسر٠٠ فى حد و نبى عنده الابتسامه دى
و يكشر يلا قوللى حصل ايه
(قالت ماليكه على إللى حصل لما فتحت الفيس)
أسر٠٠ بس ده إللى مزعلك ده عادى
ماليكه٠٠ بس كده حاتم عرف ان فى حد فتح فيس بتاعى
أسر ٠٠ سيبك انتى من كل ده و تعالى شوفى انا حيبت ليكى ايه
ماليكه ٠٠ ايه صح الاكياس دى كلها
أسر٠٠ ده لبس ليكى
ماليكه ٠٠ ليا انا
أسر٠٠ اه بس ياريت ذوقى يعجبك
ماليكه٠٠ بس كده كتير
أسر٠٠ مافيش حاجه كتير عليكى
ماليكه٠٠ انت بتعمل معايا كده ليه
أسر٠٠ مش عارف ..بس اوعدك لو عرفت ابقى اقولك
ماليكه٠٠ انا ما بهزرش على فكره
أسر٠٠ و انا كمان ما بهزرش .. لانى بجد مش عارف .. بس حاسس انك مسؤوله منى
ماليكه٠٠ يمكن عشان انت متعاطف معايا.. او يمكن عشان صعبت عليك
أسر٠٠ أنا دكتور نفسانى اكيد فى حالات كتير كنت متعاطف معاها و حالات اكتر صعبت عليا بس عمرى ما عملت مع حد إللى عملتوا معاكى
ماليكه٠٠ لخبطنى . آمال ايه
أسر٠٠ سيبى الأمور ماشية زى ماهى ماشيه و الوقت هيوضح كل حاجة
ماليكه٠٠ حاضر .. هتتعشى
أسر٠٠ ايه رأيك نطلب اكل من بره قوللى نفسك ايه
ماليكه٠٠ بيتزا بالجمبرى
أسر٠٠ بس كده انتى تأمرى .
بعد ما قام أسر بألأتصال ليطلب الطعام قال
.
أسر ٠٠ ممكن بقى تشوفى الحاجات إللى جبتها مناسبه ليكى ولا لأ
ماليكه ٠٠ اكيد مناسبة كفاية انك تعبت نفسك و نزلت اشترتهم بنفسك
أسر٠٠ بصراحه مش بنفسى اوى.. كانت فى واحده معايا هى إللى اختارت معظم البس
ماليكه ٠٠( بضيق) اه اوكى .. صحابتك مش كده
أسر ٠٠ لا مش كده .. دى خطيبت سامح
ماليكه ٠٠ اه تمام ..انت بتبصلى كده ليه
أسر٠٠ حسيت انك اديقتى لما قولتلك واحده هى إللى اختارت ليكى البس
ماليكه ٠٠ لأ طبعا وانا ايه إللى هيديقنى
أسر٠٠ مش عارف .. قولى انتى
ماليكه٠٠ اقول ايه.. مافيش الكلام ده
أسر٠٠ متأكد
ماليكه٠٠ هو فى ايه يا أسر
( كان التوتر ظاهر على ماليكه)
أسر٠٠ مافيش .. جرس الباب
ماليكه٠٠ مالو
أسر٠٠ بيرن انتى مش سامعه
ماليكه ٠٠ سورى ماخدش بالى
أسر.٠٠ انا هفتح اكيد بتاع البيتزا
( فتح أسر الباب )
أسر٠٠ البيتزا وصلت
(جالس أسر و ماليكه لتناول البيتزا
و تحدثوا كثير فى مواضيع مختلف)
◇■◇■◇■◇■◇■◇■◇■
فى صباح اليوم التالى
(استيقظ أسر على صوت جدتو )
تيته٠٠ أصحى بقى يا أسر
أسر٠٠ فى ايه يا تيته
تيته٠٠ ماليكه مش فى البيت
قامه أسر مفزوع من النوم و هو يقول
أسر٠٠ يعنى مش فى البيت
(ركض أسر يبحث فى جميع غرف المنزل )
تيته ٠٠ انا دورت قبلك هى مش موجود
أسر٠٠ يعنى راحت فين
تيته٠٠ اهدى ياحبيبى
أسر٠٠ اهدى ازاى .. انا نازل أدور عليها
الفصل الثامن
أسر٠٠ اهدى ازاى .. انا نازل الدور عليها
تيته٠٠ استنا انا اديتها تليفونى امبارح تقريبآ هو معاها رن عليها
أسر٠٠ على الخط الأول و لا التاني
تيته ٠٠ الخط التانى ( اتصل أسر)
أسر٠٠ مش بترد
تيته ٠٠ رن تانى
أسر ٠٠ برن .. انا نازل
( خرج أسر يبحث على ماليكه)
◇■◇■◇■◇■◇■◇■
فى سيارة أسر
(اسر مازال بيحاول الاتصال بماليكه اخيرآ ردت )
أسر٠٠ الو ماليكه
ماليكه٠٠ ايوه يا أسر
أسر٠٠ انتى فين
ماليكه٠٠ معلش انى خرجت من غير ما تعرف
أسر٠٠ انتى فين انطقى
ماليكه ٠٠ هو فى ايه .. كلها ساعة و هرجع
أسر٠٠ ماليكه انا مش عايز اتعصب عليكى قولى انتى دلوقتى
ماليكه٠٠ انت بتزعقلى ليه
أسر٠٠ انتى عايزه تجنننى اخلصى و قولى انتى فين
ماليكه٠٠ فى المستشفى العام
أسر٠٠( بخضة) بتعملى ايه فى المستشفى. انتى كويسه
ماليكه٠٠ بشوف ماما
أسر٠٠ أنا جايلك
(إنتهت المكالمة )
(بعد مرور ربع ساعة اتصل أسر تانى بماليكه)
أسر٠٠ الو انا قدم المستشفى . انتى فين
ماليكه ٠٠ انا امام العياده الخارجية
أسر٠٠ أنا وصلت العيادة الخارجية . مش شايفك
ماليكه٠٠ قدامك مستخبيه وراه العمود
( وهنا رأى أسر ماليكه و هى تقف امامه)

ماليكه ٠٠ تعالى هنا استخبه
أسر٠٠ من ايه
ماليكه٠٠ من ماما
أسر٠٠ انتى جاية هنا عشان تشوفها وانتى مستخبيه منها ..انتى كده مجنونه رسمى
ماليكه٠٠ اه ما انا مجنونه ولا انت نسيت
أسر٠٠ اسفه يا ماليكه بس
ماليكه ٠٠ ما تتأسفش انت قولت حقيقتى مجنونه
أسر٠٠ ماليكه أنا بتعامل معاكى طبيعى ..على فكره انتى إللى طلبتى كده لما قولتلى أنى معندش دكتورك
ماليكه٠٠ تقوم تقولى انتى مجنونه
أسر٠٠ طيب ما انتى امبارح قولتلى انى قليل الأدب انا مزعلتش
ماليكه ٠٠ اه بس ده عشان كنت واقف قدامى نص عريان
أسر٠٠ اه بس ساعتها كنت واقف فى الأوضة بتاعتى انتى إللى فتحتى الباب عليا
ماليكه٠٠ على فكره انا خبطت على الباب الأول و ناديت عليك كمان انت إللى مش رديت
أسر ٠٠ تقومى تفتحى الباب
ماليكه٠٠ انا مش مسدقه نفسى ازاى انا واقفه معاك و بتكلم فى حاجة زى دى .. انت شكلك جننتنى
أسر٠٠ لأ بعد أذنك انا مستلمك مجنونه لوحدك
( ضحكت ماليكه على كلام أسر ثم قالت)
ماليكه٠٠ ماشى يا أسر ..طالما انا مجنونه ابقى خاف منى بقى
( هنا نظرت ماليكه و بدأت فى البكاء و هى تنظر إللى امامها)
أسر٠٠ فى إيه
ماليكه٠٠ ماما . الدكتوره ميرفت
أسر٠٠ فين
ماليكه٠٠ هى إللى واقفه قدام العيادة
أسر٠٠ وحشاكى
ماليكه٠٠ اوى .. لسه زى ماهى
أسر٠٠ طيب بتعيطى ليه دلوقتى
ماليكه٠٠ نفسى احضنها اوى
(بعدما ذهبت الدكتوره ميرفت )
أسر٠٠ يلا يا ماليكه
ماليكه٠٠ خلاص كده هى مشيت
( مسكها أسر من ايدها و غادروا المستشفى )
◇■◇■◇■◇■◇■◇■◇■
فى السيارة أسر
( كنت ماليكه متأثره برؤية أمها )
أسر٠٠ لما هى وحشاكى ليه مش عايزه تروحى تشوفى لأهلك
ماليكه٠٠ معلش يا أسر مش عايزه اتكلم دلوقتى
أسر٠٠ تمام براحتك
( كان ظاهر على أسر التوتر كل ما ينظر فى المرايا الجانبية للسيارة )
ماليكه ٠٠ هو فى حاجة . أسر . أسر
لم يسمع أسر ما قالت لذلك قال
أسر٠٠ ايه بتقولى حاجة
ماليكه٠٠ ايه روحت فين . انا بكلمك
أسر٠٠ معلش ماكنتش مركز
ماليكه ٠٠ ايه إللى اخد عقلك
أسر٠٠ لأ ابدآ بس فى حاجة غريبة.. فى العربية ورانا من ساعة ما خرجنا من المستشفى وهى متابعنا
ماليكه٠٠ يمكن يكون متهيألك
أسر٠٠ لأ انا غيرت الطريق بردوا همآ لسه ورانا
ماليكه٠٠ طيب ادخل من اى طريق يقابلك
و نشوف كده هيفضلوا بردو ورانا
(دخل أسر من اول طريق فرعى .. لكن السيارة مازالت وراهم )
أسر٠٠ شوفتى لسه ورانا .. أكيد كانوا متأكدين انك هتروحى عن والدتك عشان كده كانوا بيرقبوا والدتك على أمل انك تظهرى.. وانتى عملتى إللى همآ عايزينوا
ماليكه ٠٠ بعدين هنعمل ايه
أسر٠٠ هحاول أهرب منهم .. بس دى مش المشكله. المشكلة كده خلاص عرفوا انى معاكى
( من طريق الى طريق آخر قدر يهرب أسر عندما قفلت أشارة المرور على السيارة التى تتابعهم)
ماليكه٠٠ خلاص .الحمدالله . هربنا منهم
أسر٠٠ هربنا منهم وبعدين
(كان بيتكلم بعصبيه)
ماليكه٠٠ انت بتكلمنى كده ليه
أسر٠٠ عشان انتى مش مقدره حجم المشكلة إللى احنا فيها دلوقتى ..و كل ده ليه عشان حضرتك مابتسمعيش الكلام
ماليكه٠٠ أسر لو سمحت ماتتكلمش معايا بطريقه دى
أسر٠٠ هو ده بس إللى فارق معاكى طريقة كلامى
ماليكه٠٠ هو فى ايه انا مش فاهمه
أسر٠٠ خلاص الناس دى شافتك و شافتنى معاكى.. يعنى انا كده اتعرفت بالنسبالهم
ماليكه٠٠ هو ده إللى مدايقك انهم عرفوا انى معاك صح
أسر٠٠ لأ مش صح ..إللى مدايقنى ان المكان الوحيد إللى كان أمانه عليكى فيه بالنسبالى بيت جدتى كنتى حتى قدام عينى. دلوقتى مش هينفع تروحى هناك تانى . لانهم دلوقتى هيدورو ورايا و أكيد هيعرفوا انا عايش فين
ماليكه ٠٠ اعمل ايه كنت عايزه اشوف ماما
أسر٠٠ كنتى قولتلى اكيد كنت لاقيت طريقة تانى اخليكى تشوفيها بيها . مش إللى انتى عملتى ده. ولا انتى فاكره لما تلبسى سويتر و تحطى زنط على راسك ماحدش هيعرفك
ماليكه ٠٠ خلاص بقى . إللى حصل حصل
و روحت شوفتها و خلاص اعمل ايه فى نفسى دلوقتى .ارمى نفسى من العربيه عشان ترتاح
( هنا حاولت ماليكه تفتح باب العربية وهى ماشيه. مسك أسر ايدها بسرعة ثم قال لها بغضب )
أسر٠٠ انتى ايه إللى عملتى ده . انا كنت فاكر انك بقيتى كويسة لكن اثبتلى دلوقتى انك لسه مجنونه محتاجه علاج نفسى
ماليكه٠٠ اه انا لسه مجنونه .. لو ما نزلتنيش دلوقتى من العربية هوريك الجنان يبقى ازاى
( حاولت ماليكه فتح باب العربية مره ثانيه لكن أسر كان مسوجر باب العربية و هنا أوقف أسر العربية)
أسر٠٠ بتعمليها تانى. يا مجنونه
ماليكه٠٠ اه مجنونه. انا مجنونة .ماليكه مجنونه اية اقول تانى ولا كفاية انا مجنونه
( سكت أسر و حاول السيطرة على أنفعالو وغضبو من ماليكه )
أسر.٠٠ ممكن تسكتى دلوقتى
ماليكه٠٠ مش هسكت غير ما تنزلنى
أسر٠٠ ماليكه متعصبنيش اكتر من كده و ياريت اسكتى.. ايه مابتعرفيش تسكتى
( كان يتحدث بصوت عالى بغضب😡)
ماليكه٠٠ انا مش هسكت و هتنزلنى يا أسر أو هصرخ هقول انك خطفنى
أسر٠٠ مش هنزلك و اعملى إللى انتى عايزه
ماليكه ٠٠ كده طيب🗣
(صرخت ماليكه بصوت عالى وهنا جذبها أسر بأيده إليه و أيده التانيه حطها على فمها نظر إليها وقال)

أسر.٠٠ لو كنتى مجنونه انا اجن منك . لو صوتك تطلع تانى هتندمى . سامعنى .. انا هشيل ايدى مش عايز اسمع صوت تمام
( هزت ماليكه رأسها بالموافقه ثم تركها أسر و أدار السياره مره اخره .. و ماليكه هنا كانت تنظر إلى أسر بزهول ..و هنا توجه أسر الى مكان يشبه المطعم يبدو انه مهجور من فتره فتح أسر المكان و دخل هو و ماليكه )
أسر٠٠ انتى هتفضلى هنا . و اوعى تروحى اي مكان..او حتى تفكرى تطلعى بره. انتى فاهمنى طبعا . و إللى حصل النهاردة مش عايزو يتكرر تانى
ماليكه٠٠ ايه كمية الأوامر دى . هو انا شغاله عندك.ولا تكون اشتريتنى انا مش عارفه.
أسر٠٠ هتسمعى الكلام يا ماليكه احسنلك
ماليكه٠٠ مش هسمع الكلام يا أسر
أسر٠٠ انتى ايه مابتعرفيش تقولى حاضر
ماليكه ٠٠ لأ مابعرفش
أسر٠٠ ماليكه متعصبنيش
( هنا اقترب أسر إليها لذلك ابتعدت ماليكة بأرتباك )
ماليكه٠٠ لو سمحت متقربش.. اوعى تحط ايدك عليا تانى. انا مش هسمحلك
أسر٠٠ خايفه ابقى اسمعى الكلام
ماليكه ٠٠ لأ مش خايفه ولا هسمع الكلام . انا ماشيه
أسر٠٠ تعالى هنا
(سحبها أسر إليه ثم قبلها بالقوة وهنا ابتعدت عنه ماليكه بذهول مما فعله )

(كانت قبله سريعه و قويه لكنها كانت كمهدئ سريع المفعول لأسر و ماليكه . عدى لحظات و الصمت سيد الموقف )
أسر٠٠ أنا آسف . انا مش عارف ايه إللى جرالى ٠ماليكه سدقنى ماكنش قصدى
ماليكه٠٠ انت مش قولت كلمة دايقتنى عشان تقولى ماكنش قصدى . انت بوستنى . يعنى زيك زى
(قطع أسر كلامها ثم قال)
أسر٠٠ اوعى تقوليها يا ماليكه انا مش زى ايه حد . ولا انتى بالنسبالى زى ايه حد
ماليكه٠٠ كلامك غير افعالك .. المفروض انت اكتر واحد تقدر تسيطر على نفسك يا دكتور
أسر٠٠ أنا قبل ما اكون دكتور انا انسان بدايق و بتنرفز و بتعصب ممكن كمان افقد السيطره على انفعالاتى و انتى كنت مصممه تنرفزينى
ماليكه٠٠ انت كمان دايقتنى
أسر٠٠ عشان خايف عليكى
ماليكه٠٠ خايف عليا تدايقنى
أسر٠٠ عشان حاولتى تأذى نفسك
ماليكه ٠٠ تقوم تبوسنى
أسر٠٠ عشان بحبك
( سكوت تام فى المكان.. مازالت ماليكة تستوعب ما قاله أسر
أسر٠٠ ايه مش هتردى
(حاولت تغير الموضوع فقالت )
ماليكه٠٠ اه . هو المكان ده ايه
أسر٠٠ بتغيرى الموضوع. ماشى ده مطعم كان بتاع والدى قبل ما يسافر بريطانيا .. وفى أوضة ممكن تنامى فيها
ماليكه٠٠ لوحدى
أسر٠٠ لو عايزانى معاكى اناموافق
( شعرت ماليكه بخجل )
ماليكه٠٠ انا اقصد هقعد هنا لوحدى
أسر٠٠ هو مكان مؤقت عقبال ما اشوف مكان غيرو
ماليكه٠٠ اوكى
أسر٠٠ خلاص انا هروح اجيب ليكى شوية طلبات و هاجى بسرعة
(غاب أسر لمدة ساعة بعد كده رجع و معاه طلبات إللى ممكن تحتاجها ماليكه خلال فترة غياب أسر عنها )
أسر٠٠ أنا همشى عشان اتأخرت كتير على الشغل .. و هقفل الباب من بره
ماليكه٠٠ اوكى .. بس اوعى تتأخر عليا
أسر٠٠ ماتخفيش .. اه صح فى حاجه انا قولتها و انتى لسه ماردتيش عليا فيها لما أجى عايز اسمع ردك تمام
( ضحكت ماليكه ثم غادر اسر)
◇■◇■◇■◇■◇■◇■◇■◇■
فى المستشفى
فى غرفة استراحة الدكاتره
أسر٠٠ سامح انا محتاج شقة ضرورى
سامح٠٠ ليه انت مش عايش مع جدتك.. ولا ناويت تتجوز
أسر٠٠ انت بتسأل كتير ليه تعرف ولا لأ
الممرضة ٠٠ دكتور أسر فى حد عايزك
أسر٠٠ مين
قبل أن تجاوب الممرضة قال مكرم
مكرم٠٠ انا يا دكتور
( هنا فهم السبب وراء زيارة مكرم)
أسر٠٠ خير يا مكرم بيه
مكرم٠٠ ممكن نتكلم لوحدنا
سامح٠٠ طيب امشى انا يا أسر
( غادر سامح)
أسر٠٠ هو فى ايه بالظبط
مكرم٠٠ فين ياره
أسر٠٠ ياره مين
مكرم ٠٠ انت هتستعبط. ياره إللى كانت معاك الصبح فى المستشفى العام
أسر٠٠ بس انا ماكنتش مع ياره فى اى المستشفى
مكرم٠٠ طيب شوف الصورة دى بعد كده رد
( كنت صورة ماليكه و أسر مع بعض عندما كانوا فى المستشفى العام)
مكرم٠٠ دلوقتى اكيد مش هتقدر تنكر
أسر٠٠ أنا عند كلامى انا ماكنتش مع ياره
مكرم٠٠ وصوره دى
أسر٠٠ وهى الصورة اللى فى الصوره دى ياره بردوا
مكرم٠٠ تقصد ايه يا دكتور
أسر٠٠ اقصد إللى فى الصوره اسمها ماليكه مش ياره
مكرم٠٠ تمام طالما العب على المكشوف كده . قولى
عايز كام وتقولى ماليكه فين