رواية حب في الصعيد الفصل السابع عشر17والثامن عشر18 بقلم فاطمة الالفي
دب الخوف والقلق على بيت العزازى بعد سماع اهم الانباء عن العملية الإرهابية واصابة إحدى الظباط فى العملية وكان القلق علي وجوهم جميعا ولا يستطيع أحدا ان يعلم أى اخبار عن جواد ..
نعمة : ولدى ياترى فيك اية ياولدى
صبرى : اتصلت على جواد ياوليد ياولدى
جواد : موبايله مغلق ياحج مش شرط ياجماعة يكون جواد فى العملية دى هو اكيد فى شغلة واول لم يخلص المهمة هيتصل مش تقلقو
كريمة : ياحبة عينى من جوة ياجواد كان لازمتها اية الشغلانة دى ياولدى
صبرى: كفاياكم نديب ونواح عاد الولد بخير واسكوتو ساكت
*********
حب بدموع : يارب يكون جواد بخير يارب يارب لازم اتصل على وليد اطمن
مها : مالك ياحب لسة بتبكى عشان قلم امبارح حجك عليه
حب: لا يامها بس تعبانة شويا هطلع اوضتى انتى كويسة عملتى اية
مها : زى ماجولتى بتجل علية وهو عمال بس بدو يرضينى باى شكل
حب: أيوة جدعة خلية يبوس ايدك ورجلك كمان
مها : هخلية يلف حولين نفسة عاد
حب: ماشى هعمل حاجة ورجعالك اوعى تشتغلى فى البيت ارتاحى
********
صعدت حب إلى غرفتها وحاولت الاتصال على وليد والاطمئنان على جواد وقد علمت أن لم يعلم شئ عن جواد إلى الآن وحزنت بشدة وصلت ودعت المولى عز وجل أن يكون بخير
*******
فى بيت عوض المنصوري
حسين : جولت اية يابوى
عوض : عايز تجوز بت محمد المنشاوى بت البندر
حسين : دة هيكون انتجام ليهم يابوى عشان إللى حوصل زمان
عوض: ولو رفضوك يافجرى حسين : وها مين دة إللى يترفض هى تطول تجوز مهندز زراعى جد الدنيا 2
عوض : خولاص نكلم الحج عبدالرحيم ونطلب يدها
عوض : هى البت زى لهطة القشطة يابوى
عوض : وهتنسى إللى حوصل ياولدى
حسين : لو حوصل نسب بينا يابوى هننسو العداوة لكن لو رفضونى مش هنسى واصل وهيتحصرو على شبابهم
عوض : ولد ابوك صوح
***********
نزلت حب إلى جدها تجلس جانبة والقلق ينهش قلبها على جواد ..
عامر قاصد يدايقها بعد سماع الأخبار
عامر: شوفت إللى حوصل ياجدى فى سينا بيجولو فى ظباط انصابو وظباط ماتو كمان ياعينى
عبدالرحيم : ربنا ينتقم منيهم ياولدى
حب: لا مافيش حد مات إصابات بس
عامر : وها وانتى مخلوعة على مين عادكدية
حب: انا بكلم جدى مش بكلمك فلو سمحت مش تتكلم معايا
عامر : شايف ياجدى انا أكبر منيها ومافيش احترام عاد
نجية : بجولك ياولدى خليك بعيد عن حب كفياك إللى عملتو فيها امبارح
عامر: طب عاوز اتحدت معاك ياجدى لوحدينا
حب: جدى انا طالعة اوضتى عن اذنكم
*********
عبدالرحيم : خير ياولدى فى اية
عامر : انا عايز اتجوز
عبدالرحيم : وها اتجننت فى عجلك ياولد ولا اية
عامر : لية عاد ياجدى شرع ربنا
عبدالرحيم: وها مراتك جصرت امعاك فى اية مخلفة وعندك عيلين منيها كيف تكسر بخاطر بت عمك وتجوز غريبة ياولدى كيف
عامر : هى مش غريبة هى كمان بت ولدك
عبدالرحيم: مين تجصد حب
عامر : ايوة ياجدى
عبدالرحيم: انت واعى لكلامك دى عاد انت لا بطيجها ولا هى بطيجك يبج كيف عايز تجوزها
عامر : ماحب إللى بعد عداوة ياجدى وانا ود عمها واولى بيها من الغريب
عبدالرحيم: انت بتضحك على شيبتى ياولد ولدى
عامر : لية عاد ياجدى
عبدالرحيم: انا خابرك زين ياولدى انا مربيك على يدى ومش داخل نفوخى كلامك دى جول دة كلامك امك مش كدية بس لية اية السبب عاد
عامر: بوص ياجدى لو حضرتك عايز مايكونش فى دم بين العيلتين احنا والعزازية يبق اتجوز حب وعمى يجى يجعد وسط اهلة وناسو وهنسى ان هو سبب موت ابوى لكن لو رفضت وحب رفضت الجوازة دى وكانت عنيها على حد من عيلة امها يبق جبتوا لنفسيها وهتترمل قبل ماتدخل على واحد غيرى والطار إللى بين العيلتين مش هيوخلص لو عايز تقفل على الدم والطار يبج يوافج وتخبرها انها لازمن ترضى بود عمها وكمان انا مش هجبل بعد العمر كلهاتو يجى حد من عيلة امها ياخد ارضى ومالى يتمتع بية واجف اتفرج علية
عبدالرحيم: جول كدية بجى انت طمعان فى أرض عمك ومالة مش كدية مش فكرت غير فى المال وبس ياولدى ياخسارة تربيتى فيك انا مش ربيتك صوح ياخسارة انت تربية بهية وبس روح اعمل مابدالك ياولد الغالى واعتبر جدك مات ومن انهاردة مالكش كبير انت كبير نفسك ياخسارة ياميت خسارة
مها : جدى الحقنة ياجدى حب جاطعة النفس ياجدى مش بتنطوق ياجدى
***
هرول الجميع إلى غرفة حب يحاولو ايفاقتها
ماهر : لازمن ننجلها مستشفى
عبدالرحيم : مستنى اية ياولدى شيل خيتك ونروحو المستشفى
حملها ماهر ووضعها السياره وقادها ومعه الجد بجانبها وانطلق ماهر بسرعة إلى مستشفى
عبدالرحيم: ودينا مستشفى إللى كنت فية ياولدى خلى ولد خالتها يكشف عليها بدل الغريب ياولدى
ماهر بقلق : حاضر ياجدى
بعد لحظات كان الجميع فى المستشفى
دخلت حب الطوارئ وتم الاتصال على دكتور وليد لياتى يتابع الحالة
حضر عمار وعامر وعمهم أيضا..
حضر وليد وتفاجا بعائلة المنشاوى ..
وليد : خير كلكم موجودين امال مين إللى تعبان
عبدالرحيم: حب ياولدى
وليد بقلق : حب انتو عملتو فيها اية
عبدالله : شوفها ياولدى
وليد ينظر بوعيد إلى الشباب: ورحمة ابويا ماهرحم حد فيكم لو كان لمسها بسوء
ماهر بانفعال : هى كيف خيتى ومش حد ياذى خيتة
وليد بصدمة: هنشوف ..
دخل وليد يتفحص حب بقلق وخوف وبعد فترة خرج
وليد يتحدث مع جدة : تعالى ياجدى خلى عم حسن يوصلك المستشفى عندى حب تعبانة وبلاش تعرف جدتى
صبرى بقلق : جاى ياولدى بس كيفها ياولدى
وليد : لم تيجى ياجدى
عبدالرحيم: خير ياولدى بتى مالها
وليد : تعالى معايا ياجدى نقعد فى المكتب شويا
عبدالله : طمنا ياولدى
وليد : خير تعالى معايا ياجدى
********
عبدالرحيم : جولى ياولدى بت ولدى فيها اية
وليد : حب لازم تدخل العمليات حالا فى اسرع وقت
عبدالرحيم بصدمة : وها عمليات لية اية صابها
وليد : لازم تعمل عملية فى القلب هى عملية اسطرة هتكون بسيطة ان شاء الله بس لازم تعملها دلوقتى
عبدالرحيم: جلب هى جلبها منصاب ياولدى
وليد : شوفت بنت ابنك خدت القلب منك
عبدالرحيم بحزن : يعنى متاخدش منى غير المرض لية يارب لله الأمر من جبل ومن بعد
وليد وبلاش تعرف حد عشان كدة اتكلمت معاك لوحدينا ودلوقتى جدى جاى فى الطريق ولازم اجهز نفسى للعملية ادعيلها ياجدى ان شاء الله خير وتقوم بالسلامة بس انا دكتور وعارف هى زعلانة حالتها النفسية مش كويسة
عبدالرحيم: والله ياولدى ماحدش يجدر يدوسلها على طرف
وليد : طيب ياجدى لازم اجهز للعملية..
حضر صبرى وعلم بتعب حب وحزن من أجلها فهي اصبحت غاليه على قلب الجميع ويرا فيها ابنته الذي اشتاق لها وظل يدعي الله ان ينجيها
جهز وليد نفسة لدخول غرفة العمليات
*********
فى المستشفى العسكرى
الطبيب المعالج: حمدلله على سلامتك يابطل
جواد بتعب : الله يسلمك يادكتور انا ممكن أخرج
الطبيب مستعجل ليه لازم تفضل تحت الملاحظه يوم كامل عشان نتاكد من سلامه الأوتار والأعصاب مكان الرصاصه
جواد: دى بسيطة
الطبيب : فعلا بسيطة بس ممكن يحصل مضاعفات حضرتك فى غنى عنها
جواد : لازم اخرج عشان اهلى دلوقتى هيتجننو عليه من القلق
لازم يشفونى قدامهم
الطبيب : بم انك مصير يبق تخلى بالك من الجرح وممنوع أى مجهود واسبوعين ترتاح وماتحركش كتفك غير فى الضرورة القصوى وتفضل فى الرباط دى عشان الجرح مايتلوثش
جواد : حاضر هعمل كل حاجة بس طمنى فى اصابات كتير
الطبيب : لا الحمدلله اتنين من العساكر بس إصابة مش خطيرة
جواد : الحمد لله
الفصل الثامن عشر
كان الجميع قلق بوجودها داخل غرفه العمليات وينتظر أن يخرج الطبيب ليطمئنو على وضعها
بعد ساعتين خرج وليد من غرفة العمليات
واسرع إليه الجد صبري والجد عبدالرحيم
صبرى : خير ياولدى
عبدالرحيم : طمنى ياولدى
وليد : الحمد لله العملية مرت بسلام بس هتفضل فى العناية وممنوع الزيارة غير لم تفوق ونطمن عليها وجودكم دلوقتى مش هيفيد بحاجة
ماهر : كيف هنضل جارها لم تفوج بالسلامة
صبرى : كيف نهملها لحالها ياولدى
وليد : ياجدى انا موجود وهتابعها بس مافيش داعى حد يفضل هنا الكل يروح يرتاح والصبح تعالو اطمنو ولم حب تنتقل غرفة عادية هخلى قمر تبات معها
ماهر : وها وخيتى تيجى تعجد جارها
******
حضر جواد فى هليكوبتر وبعد فترة وصل إلى مستشفى ليقابل وليد ويعلم ماذا حدث فى غيابة وما حال القلق المسيطر عليهم بعد سماع اهم الانباء
كان يريد ان يعلم ماذا عن حب هل قلقت عليه واحزنها غيابه ام لا تهتم به ،وهى أصبحت شاغله الأول ، تشغل قلبه وعقله وكيانه
******
كان يتحدث وفجاة ويعطي الممرضه الاوامر
وليد بصدمة: جواد انت بخير مالك منصاب
صبرى بقلق : جواد ياولدى فيك اية صابك كلهاتنا اتوغوشنا عليك ياولدى
جواد بابتسامة: انا بخير ياجدى دى طلقة طايشة ماتقلقش
وليد : الحمدلله انك بخير
وحضن جواد وليد
جواد : هههه براحة ياعم كتفى هيتخلع ههه بس جدى هنا لية
عبدالرحيم: سلامتك ياولدى
جواد بصدمة : الله يسلمك
هو فى اية ياوليد عيلخ المنشاوى هنا وجدى كمان فى اية
وليد : حب تعبانة تعالى معايا هقولك كل حاجة
جواد بخوف : مالها حب انطق ولية عيلة المنشاوى هنا
وليد : بصراحة حب سابت البيت من أسبوع اول لم انت نزلت مصر هى كمان سابت البيت وراحت عند جدها
جواد : نعم ولية خبيت ماقولتش لية واية تعبها هناك عملو فيها اية اقسم بالله لو حد لمسها ..
وليد: اهدى هى تعبانة اصلا وانا ماقولتش
جواد بقلق: مالها تعبانة فيها اية
وليد: لم عملت الايكو شكيت ان فى حاجة فى القلب والحمد لله طلعت مشكلة بسيطة كان ضيق فى الشريان وارتخاءفى الصمام بس وسط مش شديد وكان لازم تعمل اسطرة ونسلك الشريان وهتمشى على اقراص معينة تحافظ على القلب وهتبق كويسة مش فى أى خوف عليها بس بلاش توتر أو ضغط عصبى ونرفزة الحاجات دى بس
جواد بخوف : حرام عليك يااخى بقى كل دة يحصل وماتقوليش
وليد: خوفت اقولك على تعبها وانت مش موجود وفى مهمة كنت اعمل اية وخبيت عليك انها سابت البيت عشان انت مش تتوتر وتقلق وانت فى شغلك قولت لم ترجع هقولك كل حاجة بس هى كانت على اتصال بية كل يوم ويتكلم جدى وجدتى بس هى ماتعرفش ان قلبها تعبها انا اتفاجت بيها هنا من ساعات بس ودخلت العمليات علطول
جواد : طب لية مش قولتلها لية اتاخرت فى عمل الاسطرة
وليد: ماحصلش تأخير هى مش ادتنى فرصة حتى هى ماسالتش الايكو إللى عملتو نتيجتو اية بس وقتها كانت الامور تمام بس واضح انها اتعرضت بمجهود أو ضغط عصبى مش عارف حد زعلها هناك او اية مش فاهم
جواد : هى مش هتروح عندهم تانى واحنا إللى هنحل الموضوع وهى تفضل بعيد
وليد: طيب اهدى كدة انا قولت الكل يروح روح قدامهم وارجع تانى
جواد : نعم يتحرقو انا مش هخاف منهم انا مش هتحرك من هنا غير وحب معايا طب عمتى وجوزها عرفو
وليد: لا طبعا موبايلها اكيد عندهم تعالى نخرج ومش عايزين مشاكل هنا فى المستشفى
********
وليد : جواد روح جدى وارتاح انت كمان والصبح تعالى انا موجود
صبرى : يلى ياولدى دى ستك هتفرح بشوفتك بخير وترتاح ياغالى
جواد : اتفضل ياجدى
*******
عبدالرحيم : بينا يا ويلد منك لية نعود الصوبح
عبدالله : ربنا يعافيها يارب
ماهر : اتسند على ياجدى
عامر ينظر إلى جواد بغل
عمار : عامر يلى نمشى من ااهنية
********
جواد : اركب انت ياجدى انا مش هقدر اسيب حب ياجدى هفضل مع وليد
صبرى : خابر ياولدى بس من حجك ترتاح هبابة انت تعبان ياولدى عاد
جواد : مش هقدر ياجدى
صبرى : بتحبها ياولدى
جواد بحزن: بعشقها ياجدى وعايزك تجوزهالى
صبرى : جواز مرة واحدة مش لم تسترد عافيتها ياولدى
جواد : بردو هتجوزهالى ههه
صبرى : ربنا يصلح الحال نتحدت بعدين يا ولدى
جواد : حاضر ياجدى بلاش تخبر حد فى البيت ان هنا ومنصاب وانا هتصل الصبح على جمال واتكلم مع جدتى وامى
صبرى : عين العجل ياولدى عشان مش نجصين مناحة ونواح
********
عامر : شوفت إللى مايتسمه
عمار : تجصد جواد
عامر : هو فى غيرة كان نفسى اجتلة واوخلص منية جبر يلمة
عمار : هههه هو متصاب ياخوى طول بالك بس خدت بالك عاد من خوفة وجلجة على بت عمك شكلهم عاشجين بعضيهم هى كانت خايفة وجلجانة لم علمت بخبر اصابة فى عملية سينا يبج فى بينهم حاجة
عامر : ورحمة ابوى ماهيتهنو واصل وبكرة تشوف يا ولد ابوى
********
داخل غرفة العناية المركزة
بعد أن تم تعقيم جواد دخل ليطمئن على حب :
جواد بلهفة : كان نفسى اشوفك اول لم افوق من اصابتى افتح عينى عليكى كنتى اول اسم نطقة قلبى قبل لسانى ولم جيت اجى اشوفك كدة مش حاسة باى حاجة حوليكى بس انا زعلان منك انتى ماسمعتيش كلامى وروحتى عنديهم برجلك من غير ماتعرفينى وانا قولت بلاش تصرف طايش لية عملتى كدة عاجبك ان اجى الاقيكى كدة عملو فيكى اية وانا وربنا المعبود ماهخليهم يدوقو طعم الراحة ياحب لو كان حد فيهم سبب فى رقدتك دى مش هسمح بية ياحبى
جواد بتنهيدة : ايوة حبى انا بحبك ياحب من اول لم حسيت بدقات قلبى ونبضى بيزيد اول لم اشوف عينك بتضحك بحس انى قلبى بيضحك عشانك لم اسرح فى ملامحك غصب عنى ببتسم انا ماعرفتش ان بحبك اوى كدة غير لم بعدت حسيت بنار جوة قلبى من بعدى عنك :
دخل وليد : احم احم كفاية كدة ياجواد تعالى معايا نقعد برة
جواد بقلق: هى كويسة بجد ياوليد
وليد بابتسامة: والله كويسة
*********
فى بيت المنشاوى
نجية بفزع: خير ياحج وينها بت ولدى ياحج
عبدالرحيم بتعب: فى الميستيشفى ياحجة عملت عملية ولازمن تضل فى العناية
نجية بتضرب على صدرها بفزع: وها اية صابها يانضرى ياعينى عليكى يابت ولدى ياحبة عينى اكيد عين وصابتها ياحج لازمن ارجيها وابخرها
زينب : ربنا يقومها بالسلامة طب كيفها دلوك
عبدالله : الضاكتور طمنة بيجول بخير من النجمة هنكون عنديها نطمنو عليها
بهية : وعملية اية دى إللى عمليتها يعنى البت معيوبة بجى وجايا مرضانة
عبدالرحيم : بهية مش عايز اسمع حديت ماسخ واكتمى خاشمك وانتى ووالدك البكرى مش تتحدو معايا واصل بعد كدية
عامر : لية ياجدى عشان جولت الحج
عبدالرحيم: كسر حجك همولنى لحالى وغورو من وشى
*********
فى بيت العزازى
الحاج صبرى: وها لسة صاحى ياجمال ياولدى
جمال: مستنظرك ياجدى روحت فين اتاخرت لية عاد
صبرى : مافيش موصلحة ياولدى وبخلصها
جمال : طيب عايز اطمنك على جواد كلمنى دلوك وهو بخير وهيعود بكرة
صبرى : الحمدلله ياولدى طمنت امك وستك
جمال : ايوة ياجدى بس شكلك تعبان ومهموم مالك ياجدى
صبرى : هجول اية ياولدى ربنا يصلح الحال ياولدى انا طالع انام تصبح على خير ياولدى
جمال : وانت من اهل الخير
********
جمال بشرود : لازمن اعرف اية مخبية على ياجدى وهعرفة..:
******
عودة إلى المستشفى
وليد: قولى اصابتك جامدة ولا طايشة زى ماقولت
جواد : ههههه مش هتفرق
وليد: يابنى مالك طب ورينى الجرح كدة
جواد : لا الدكتور قال هفضل أسبوعين كدة ولم يلم افك الغرز ولازم ماحركش كتفى عشان الأعصاب مش تتاذى يعنى
وليد: هى وصلت للأعصاب يبق رصاصة كانت عميقة بقى
جواد : الحمدلله انا انكتبلى عمر جديد انا كنت هتغربل لوله ربنا ستر وحمانى كنت لابس واقى الرصاص الحمدلله
وليد: الحمدلله
جواد : انا قولت لجدى عاوز اتجوز حب
وليد: بتتكلم جد بس حالتها مش حمل جواز دلوقتي
جواد : لية انت مش قولت كويسة والقلب مش تعبان اوى زى عمتى
وليد: فعلا بس بردو لازم راحة لمدة 6 شهور بعد العملية
جواد : ومالو تبق مراتى بردو وهتكون فى حمايتى وهشيلها جوة قلبى وروحى وعمرى كمان
وليد: ياعينى على جواد لم يبهدله الحب ههههه
جواد : ههههه بكرة تتبهدل بهدلتى هههه
وليد: ومين قالك انى مش متبهدل زيك بالظبط
جواد بابتسامة: بجد من ورايا يا واطى وانا ماعرفش
وليد: مش لم هى تعرف الاول ههههه
جواد : بقى كدة