رواية اسرار البيوت
الفصل الثالث3
بقلم رانيا صلاح
حكايات من رَحِم المُجتمع.
أتي المساء سريعاً ونسمات الهوى تبدأ في أن تجعلك تشعر بلذة البروده .
في شقة عبدالله.
هدي..أهدي يانجاه ،نجمه هتبقي كويسه.
نجاه..قلبي وجعني عليها اووي.
هدي..معلش ياحبيبتي ،وبعدين عبدالرحمن طمنك ،وبسمة كمان ،قومي معايا نجهزلهم حاجه وهما شويه وهيجوا.
نجاه..تحركت بتثاقل شديد وقلبها ينتفض لوعة الخوف .
__
أمام المسجد
قاسم..كان يسند عبدالله ،حرماً ياحج.
عبدالله..جمعاً يابني.
قاسم..مالك ياحج أنت تعبان.
عبدالله..لا يابني ،وكاد أن يفقد وعيه.
قاسم..بفزع حاسب ياحج ،يلا نروح.
عبدالله..تحامل علي عكازه بيد،واليد الأخرى يستند بها علي يد قاسم.
قاسم..حمدلله علي سلامه عبدالرحمن .
عبدالله..الله يسلمك.
قاسم..غريبه منزلش يصلي.
عبدالله..عبدالرحمن في المستشفي.
قاسم..توقف من الصدمه وبإستغراب مستشفي.
عبدالله..نجمه عملت حدثه وهو رحالها.
قاسم..إزاي ميبلغنيش.
عبدالله..ربت علي كتفه ،معلش يابني .
قاسم..يلا ياحج،وأخرج هاتفه باليد الأخرى وكاد أن يرن علي عبدالرحمن ولكنه وجدهم يترجلون من التاكسي.
عثمان..نزل مُسرعا يفتح الباب لعبدالرحمن كي يحمل نجمه.
عبدالرحمن..نجمه .
نجمه..بوهن ها،وتسقط في اللاوعي مرة أُخرى.
عبدالرحمن..حملها بحذر شديد.
عبدالله..تحرك مُهرولاً براحه يابني.
عبدالرحمن..متقلقش يابابا،وصعد أمامهم علي السلم.
قاسم..أنت كنت معاهم.
عثمان..كنت بكلموا اطمن عليه وقالي إلي حصل ولما رحت لقيت نرمين و ديما وبسمه.
قاسم..تحركت عينه بلا وعي يبحث عنها ،وما إن وقعت عينه عليها شعر بوخزه في قلبه وطعم العلقم يكاد يقتله.،وسرعان ما تحكم بعينه ونظر للأرض مره أُخرى ،ولكن ذاك القابع بين أضلعه لم يكف عن الخفقان.،وفاق علي صوت عثمان.
عثمان..هطلع أنا .
قاسم..تمام وأنا هجهز القعده.
عثمان..تمام هطمنهم واكلم عاصم.
___
في شقه عبدالله.
طرقات شديد علي الباب.
نجاه..تحركت بفزع جيب العواقب سليمه يارب.
هدي..أتت راكضه من المطبخ أهدي هفتح أنا ،وعندما فتحت الباب عبدالله. وسارعت بسنده.
نجاه..تحركت امامهم تعالي حطها في سريرها يا عبدالرحمن.
وتحرك الجميع إلي الغرفه.
نجاه..براحه عليها .
عبدالرحمن..وضعها برفق كالزجاج يخفي أن يخدشه.،وقلبه لم يكف عن النزيف ،نظر لها بأسي ووجها شاحب بشدة.
نجاه..تعالت شهقاتها علي ابنتها.
عبدالرحمن..ضمها وقبل رأسها أهدي يا أمي هتبقي كويسه.
واذا بصياح عال.
___
في شقه حمدان
بسمه..عندما دخل الجميع ولم يتوقف أحدهم يسئل عن حالها شعرت بخذلان الروح وتحركت بتثاقل شديد إلي بيتها وأسرعت إلي سريرها عله يضم روحها المفقوده. ،فتحت الباب .
بسملة..مالك يابسمه.
بسمه ..بخفوت مفيش ،وتحركت لتحضن نفسها أسفل غطائها دون أن تُبدل ملابسها .
بسمله..بسمه أنتي كويسة.
بسمه..بتمته اه،وشدت الغطاء حتي أخمص قدمها ودموعها تتساقط دون صوت.
"ما أصعب أن تحتاج لعناق ولم تجد سوي يدك المبتوره💔..رانيا"
حمدان..دخل بيته يترنج أثر الكحول ،وهو يُدندن بنشاذ،وإذا بصوت الرضيعه يزداد في البُكاء ،قادته قدماه الي غرفة ابنته.
بسنت..كانت تحاول تهدئتها ولكن هنا لا تكف عن البُكاء .،وأجفلت عندما فُتح الباب .
حمدان..بترنج ،إيه الدوشة دي هش.
بسنت..نظرت لوجه أبيها بنفور ،وتحرك ذهاباً وإياباً في الغرفه كأنه لم يكن .
حمدان..سكتي البتاعه دي وإلا أنتي عارفه إلي هيحصلك.
بسنت..نظرت دون رد.
حمدان..مبترديش ليه يابنت هدي.
بسنت..بحزن بنت هدي.
حمدان..جتك الهم والقرف ،خليكي كده زي البيت الوقف لو حق يغور من وشك.
بسنت..بدمع دون رد.
حمدان..زاد إستفزازه من عدم ردها ،فتحرك وصفعها مبترديش ليه خرسه.
بسنت..وقد فاض بها الكيل ،حرام عليك بقا عاوز ايه تاني كفايا الي عملتو فيا.
حمدان..عملت ايه يابنت هدي الحق عليا كنت بسترك وأجبلك سند.
بسنت..بسخريه االستر في الجواز ،والسند مبيتجابش وانا سندي مات من قبل ما أشوفوا .
حمدان..بتفولي عليا .
بسنت..بذمتك أنت أب أنت وبتهكم روح ياشيخ حمدان أنا ابويا مات من زمان أوي لما باعني عشان المصالح ،ولما باعني لما لجئتلوا وأنا بنزف ومكلفش نفسوا يدفعلي مليم لو علي السند فانا معنديش سند.
حمدان..وانا اصرف عليكي ليه انا مش مجوزك جوزك يصرف عليكي وعلي إلي في بطنك مش هربي في لحم غيري.
بسنت..دا إذا كنت ربيتك لحمك كأب ياشيخ حمدان.
..
هدي..خلاص ياحمدان .
حمدان..الشملوله جت أوعي كده جتك القرف أنتِ وبناتك.
هدي..معلشي يابنتي.
بسنت..نظره لأمها بعتاب صح معلشي.
__
في شقه حسان.
عثمان..يلا ياحبيبتي ارتاحي.
نوال..أتت من المطبخ وعندما رأتهم ،يالههوي في إيه يانرمين.
عثمان..مفيش ياماما هي تعبانه شوية.
نوال..تعبانه عندها ايه مش شايف وشها أصفر إزاي.
عثمان..متقلقيش هي كويسة هي لسه مخضوضه من الي حصل.
نوال..أنت بتنقطي بالكلام ياعثمان ماتقول حصل أيه.
عثمان..مفيش نجمه عملت حدثه وهي اتخضت.
نوال..وايه علاقه أختك بنجمه.
عثمان..ايه ياماما ما ديما صحبتها.
نوال..منك لله ياشملوله هي كانت ناقصه بلاوي مش كفايا وجودها وتحركت تحضر شئ لابنتها وخبطت ديما.
ديما..نظرت لنرمين وعثمان أنا أسفه وكادت أن تتحرك.
عثمان..ديما متزعليش من ماما هي طبعها حامي شويه.
ديما..بإبتسامه مكسوره طيب،وتحركت إلي البلكونة .
نوال..أتت تحمل صنيه عليها شوربه خضار ،يلا ياحبيبتي عشان تاكلي.
عثمان..ياماما مينفعش الي عملتيه مع ديما.
نوال..واد أنت أسكت وهي شغلتك الحامي بتاعها مش كفايا أبوك.
عثمان..أنا نازل .
نوال..علي فين العزم إن شاء الله.
عثمان..هروح لقاسم.
__
في البلكونه.
ديما..ضمت جسدها الي ركبتيها ودفنت رأسها بهم تبكي بشدة وتحاول إلا تصدر صوت.،ولكن شهقاتها تخونها من حين لأخر.
عثمان..كاد أن يخرج ولكنه سمع شهقاتها فتحرك الي البلكونه وجوها تبكي وهمسها الخافت يكاد يسمعه.
ديما..كانت تنظر إلي السماء ،أنت مشيت ليه يابابا أنت مش وعدتني تفضل جمبي ليه خلفت وعدك معايا ،مش كنت ديما تقول الوعد هو إلي بيخلينا نكمل ،أنت خلفت وعدك إزاي هكمل من بعدك.
عثمان..كاد أن يدخل لها ولكنه تراجع وتحرك للخارج .كاد أن يفتح الباب .
حسان..علي فين يابني.
عثمان..هروح لقاسم شويه.
حسان..طيب متتأخرش.
عثمان..تمتم بحاضر وتحرك إلي الخارج.
__
في شقه عاصم.
عاصم..دخل شقته مُنهك من عناء العمل وكان جسده يأن من فرط التعب.
إيمان..كانت اتيه من البلكونة تحمل الغسيل،مالك ياعاصم.،وعندما لم يرد تحركت لتضع الغسيل في الغرفه وتاتي.
إيمان..تربت علي كتفه عاصم.
عاصم..مممم.
إيمان..شكلك مُرهق أوي قوم خد دش علي ما جهزلك الأكل.
عاصم..مش هاكل.
إيمان..طب قوم إرتاح جوه عشان ماتتعبش.
عاصم..أوف يا إيمان انتي عليكي عفريت اسموا قوم.
إيمان..في ايه ياعاصم الحق عليا عاوزك تترتاح عشان تقدر تركز في شغلك.
عاصم..شغل ايه وأنا تعبانه .
ايمان..مالك بس ياحبيبي.
عاصم..مليش .
إيمان.. ياعاصم.
عاصم..يوه بقي افصلي شويه ول اقولك أنا خارج وسيبهالك.
إيمان..ياعاصم استني بس رايح فين وأنت تعبان كده.
عاصم..رايح في داهيه وصفع الباب خلفه.
إيمان..بأسي يارب إهدهولي ،وتحركت الي البلكونه كي تعلم الي أين يتوجه.،ولكنها رأت عثمان يدخل البنايه فعلمت أنهم سيذهبون الي السطح كالمعتاد.
__
في شقه قاسم
عثمان..يطرق باب قاسم.
سناء..تفتح الباب ،تعالي ياحبيبي.
عثمان..إزيك ياخالتي.
سناء..بخير يا حبيبي .
عثمان..فين قاسم؟
سناء..جوه ادخلوا وأنا هعملك شاي.
عثمان..لا ياخالتي مليش نفس أنا داخلوا.
سناء..أنت كمان .
عثمان..في ايه بس.
سناء..هو وداخل مبوز ،وأنت زيو ،والموكوس الي فوق بيزعق ،دا أنتو تشلوا.
عثمان..أي موكوس بظبط.
سناء..هو في غير عاصم موكوس جتكم الهم.
عثمان...إيه ياخالتي هو أنتي هتفتحي فيا كمان.
سناء..شكل نوال مبستفاك.
عثمان..يا قاااسم تعالي يا عم.
قاسم..واقف علي باب غرفته عامل دوشة ليه.
عثمان..خلي خالتي تخف عني شويه.
قاسم..سيبك منو يا امي.
سناء..اتلم المتعوس علي خايب الرجا.
عثمان..تحرك خلف قاسم ،هي أمك شايطه ليه هي كمان.
قاسم..دون رد.
عثمان..لا انا مش جاي اكلم نفسي هتتعدل ول أروح.
قاسم.. يلا نطلع فوق.
عثمان..يلا ورن علي عاصم أمك بتقول كان بيزعق.
قاسم..يلا .
عثمان..أنا هسبقك واكلم عبدالرحمن.
عوده لشقه حسان.
حسان..دخل وجد الصمت يرنوا في أرجاء البيت ،ولكنه سمع شهقات تأتي من البلكونه تحرك بإتجاهها،ديما مالك يابنتي وقاعده علي الأرض ليه.
ديما..رفعت عينها التي أصبحت حمراء بشدة ،بابا وحشني اووي عاوزه ارحلوا.
حسان..إستغفري الله يابنتي ،وادعيلوا ،ومد يده لها يلا يابنتي قومي الجو هيبرد. ،قومي يابنتي.
ديما..مدت يدها ،عمي كنت عاوزه اتكلم معاك.
حسان..تعالي جوه نتكلم الجو برد لتتعبي.،وتحرك معاها الي الصاله وجلس علي الأريكه وأجلسها بجواره ،مالك بقا ياست البنات وموضوع ايه المهم إلي عاوزني فيه من الصبح.
ديما..كانت مُرتبكه بعض الشئ ،عمي أنا عاوزه ارجع بيتنا تاني.
حسان..أصاب الوجوم وجهه ليه يابنتي حد زعلك ول أنا قصرت معاكي في حاجه.
ديما..ربنا يديك الصحه ،بس عشان أبقي مرتاحه و..
حسان..كملي يابنتي.
ديما..أنا ثانويه عامه زي ما حضرتك عارف وكمان عشان مُذكرتي وكده.
حسان..طب دي أسباب تخليكي هنا مش تمشي علي الاقل أنتي بترجعي تعبانه محتاج اكل جاهز .
ديما..ياعمي أنا هكون مرتاحه هناك أكتر.
حسان..لا يعني لا يابنتي مش هتخرجي من هنا إلا علي بيت جوزك.
ديما..يبقي لو هقعد ادفع في مصاريف البيت.
حسان .. حد قالك إني عاجز عن مصاريفك.
ديما..ياعمي عشان أبقي مرتاحه وحضرتك عارف بابا سيابلي فلوس في البنك وليها فوايد فهدفع.
حسان..بصرامه كلمه كمان وهتزعلي مني يابنت ماهر .
__
من داخل غرفه نرمين.
نرمين ..ياماما حرام هي ملهاش ذنب.
نوال..حرمه عليكي عيشتك ياختي .
نرمين..والله ياماما هي معملتش حاجه .
تابع«3»
نوال..بس متنقطنيش أنتي كمان ،مش كفايا ابوكي واخوكي عليا ،أنا عارفه ممامتش معاهم ليه وكنا ارتحنا وريحنا من الهم بتاعها.
حسان..فتح الباب بغضب ،كلمه كمان يانوال وهيبقي ليا تصرف مش يعجبك،يلا علي بيت أهلك ولما تتعلمي الأدب هبقي ارجعك.
نوال..بصدمه بتطردني ياشيخ حسان.
حسان..لما تغلطي في لحمي يبقي دا المفروض أنا ساكت واقول معلش وبكره تعقل وأنتي زي ما أنتي ،وإذا بوخزه حاده في صدره وضع يده علي صده اااااااه .
نوال..بصدمه حسان.،كلمي عثمان يلحقنا.
___
عثمان..يلا ياعم.
قاسم..ايه واقف كده ليه.
عثمان..مستنيك.
قاسم..فين عبدالرحمن.
عثمان..قال نسبقوا وهو هيحصلنا.،كلمت عاصم
قاسم..هو فوق.
عثمان..يلا ،ودقائق وكانوا علي السطح ،أهو قاعد اهوا.
عاصم..كان جالس نصف مستلقي علي الأريكه.
عثمان..خبط رجله الملاقاه علي الارض خدني جمبك.
عاصم..زفر بضيق اووف.
عثمان..لا ابوس ايدكم مش ناقصه غم هي مغمومه لوحدها.،وإذا بهاتفه يرن الو. ولكنه فزع من مجلسه حاضر أنا جاي وتحرك لباب السطح مصدما بعدالرحمن.
عبدالرحمن..في ايه .
عاصم..معرفش .
قاسم..أنتو هتردوا شكل في مصيبه يلا بسرعه وراه
__
في شقه حسان
حسان...اصبح يتنفس بصعوبه وجهه يميل لشحوب.
عثمان..بابا ،في ايه ياماما .
عبدالرحمن.. اوعي ياعثمان. كلم بسرعه الإسعاف .
قاسم..في ايه.
عبدالرحمن..اعراض ذبحه لازم يتنقل المستشفي فوراً ،ودقائق وكانت عربه الإسعاف تحمل حسان وهم خلفه .
نوال.. منك لله وصفعت الباب خلفها وركضت خلف الإسعاف.
ديما..تحركت الي هاتفها مسرعه الو.
بسمه..بهمس يكاد يخرج من حلقها ايوه.
ديما..الحقيني يابسمه.
بسمه..فزعت من نومها في إيه.
ديما..ببكاء عمي.
بسمه..أهدي ،وفهميني.
ديما..حاولت السيطره علي بكاءها ،عمي تعب وراح المستشفي أنا السبب.
بسمه..تعاليلي ،وأهدي عشان متجلجيش الازمه خدي نفس اهدي.
ديما..حاولت كتم شهقاتها.
بسمه..اهدي يلا هاتي البخاخه وتعالي ،انا هستناكي قدام العماره ،وبعد دقائق كانت ديما ترتجف مذعوره وتحاول التقاط انفاسها أمام بسمه.
ديما..بسمه أنا خايفه.
بسمه..ضمتها أهدي متخافيش تعالي.
ديما..مش عاوزه اطلع.
بسمه..تعالي مش هنروح بيتنا ،فاكره لما قولتلك هنروح مكان بحبو.
ديما..مش قادره أمشي.
بسمه..لو صبر القاتل علي المقتول كان مات لوحدوا تعالي،وصعدوا الي السطح.«كان مكان فارغ لا يحتوي إلا علي اريكتين وكرسين من الخيزران. وبعض الإيصيص الذي يحتوي علي النعناع.
ديما..إحنا جينا هنا أيوه
بسمه..مش هقتلك متخافيش .
ديما..إبتسمت .
بسمه..ايوه كده فوكيها ،خير حصل ايه.
ديما..زادت شهقاتها.
بسمه..بنفاذ صبر ديما أهدي قولنا ايه قبل كده متعيطيش وانتي بتتكلمي عشان متتعبيش.
ديما..حاضر