رواية ريدي
الفصل السابع7
بقلم سروش بشار
وانا جاريه اتعترت لي بي حجر قربت اقع بث ما وقعت الحمد لله كشفت براحه لقيت الشارع فاضي بث طلعت ويا الشارع جاك زول😂😂 جريه واحده ما وقفت الا في الدكان 😂😂الحمد لله الشارع كان فاضي وصلت الشارع المضلم اللي قبل شارع الدكان يلا الشارع دا انا بموت خوف منو فيهو الكلاب الحيوانيه و الانسانيه 😪😭الحيوانيه ديل معروفه ياها الكلاب الواحده دي اما الانسانيه ديل عروه و اصحابو الاولاد ديل عندهم غراام معاي من نحن شفع بعمل لي رعب عديييل كان بمسكني و بدقني بدون سبب 😭😭 المهم بقيت ماشه براحه براحه الحمد لله كان فاااضي دخلت الدكان اشتريت جاتاني خميت الدكان كلو حلويات و شبس و اندومي وحاسبت بث اطلع كدا اشوف عروه و ايمن جاين اول ما شافني قعد يصفر صفارتو ديك😪😪 بث طوالي رفعت عبايتي وديك يا الجريه وكل ما اسمع صوت الصفاره اقوي ازيد في السرعه جريت جري بث فجاءه طاخ اخبط لي في زول حاحاتي وقعت في الارض رفعت راسي قلت ليهو ما بتشوف انت عاميان 😒😒وهو ساكت بث وبعاين لي قلت ليهو اطرش كمان ما بتسمع هيييي انت ما عندك زوق😤😤 دنقرت الملم حاجاتي و هو لسه واقف و خاتي يدو في جيبو وشايل الجوال في اليد التانيه و خاتيهو جمب اضانو وبعاين لي😳😳قلت ليهو بالعمي بركه الله ما تعاين لي يا انت 😒😒قال لي اسف ما قاصد 😊😊قلت ليهو بتعرف تتكلم انت يعني افتكرتك ابكم 😑😑قال لي لا بث هو كان...😯😯 قلت ليهو ما قعده العب معاك الكلمات المتقطعه انا علشان تتكلم معاي كدا علي ما اظن يا تتكلم عديل يا تسكت قال لي بث انتي 😥😥 قلت ليهو انا شنو 😑😑 لاكن في واحد ناداهو يا خالد لو خلصت مكالمتك تعال اتلفت ليهو وقال ليهو جاي اتلفت لقاني ماف اتخلع طبعا 😂😂 بث لاحظ الدلايه حقت علاقتي بتاعت المفاتيج وقعت كانت علي شكل اسمي قعد علي رجولو شالها وقرا اسمي قال لي نفسو بيان اسمها حلو زيها😍😍 و ابتسم قام ومشي دخل البيت وانا كنت واقفه ورا الباب وبعاين ليهو قلت شتت هسي دا اشيلها منو كيف شكلو طارق وصل لانوو في عربات كتار و شباب و كدا😪😪 اها مشيت دخلت البيت وقعدت اكل و شغاله في الكمبيوتر حقي لحد ما ماما جات قالت لي انتي هنا ليه ما مشيتي سلمتي علي طارق ماشاء الله زيينه اقسم بالله حلات الدنيا عليهو😍😍 قلت ليها بوووثي والله ما نفسي امش بكره الجامعه و تكون قافله معاااي علشان ما عايزه اشوف وشو ولا اسمع سيرتو😊😊قالت لي غيتو يا بتي الله يهديك يعني بمجرد انو سافر و ما ودعك تقعدي زعلانه منو السنين دي كلها يخسي عليك 😒😒قلت ليها امي الموضوع دا اتقفل زمااان يا امي ماف داعي نفتحو تاني 😊😊 وطلعت فوق لقيت زي عشره مكالمات فائته من رنو و ريل😪😪 (ريل دي بت
جيرانا برضو وصحبتنا😻😻) رجعت لي رنو ردت لي ريل قلت ليها يلا هلا والله قالت لي هلا شنو دا فظييييع خطييير مباالغه 😍😍 قلت ليها بتقولي في شنو انتي يا بت 😂😂قالت ما شوفتي طارق بقي كيييف😻😻😻 قلت ليها ما بهمني😊😊 قالت لي عثللل اقسم بالله كسااار بي شكل ما بيتوصف غيتو انا قات يا دنيا ماشي وانا اعلن انبراشي😍😍 والله يا بيان بقي حكايه تانيه😍😍 قلت ليها ليه اصلا كان ما اسنوبي يا بت امي😂😂 قالت لي اسنوبي اسنبيك وبقي شي خطييير طويل ومعضل اللون الاصفر دا يقول يا ليل والله انضف من جلختي حقت العيد العارفها ديك😂😂قلت ليها والله ما عندك موضوع😂😂 رنو قلعت منها الجوال قالت لي صري كمون و تعالي الليله اخوي دا سحروهو لي ما شوفتي البنات قعدو يصرخو كيف لمن شافوهو لمن خجل😂😂😂 قلت ليها بلاي هو بعرف يخجل سنه😏😏 قالت لي امشي كشفي ليهو بالشباك اصلا طلع غرفتو هو و اصحابو واااي يا بيان لو شفتي صحبو خالد 😍😍 قلت ليها تصدقي شفتو😂😂 قالت لي وين😳😳 قلت ليها خبطه فيهو وانا جايه من الدكان بث ما ركزت في شكلو😂😂 قالت لي ليه كدا يخسي عليييييك ياااخ دا عثل شديييييد والله انا لو في مكانك كان سرحت فيهو عديل😂😂😂 قلت ليها اقسم بالله ياسين دا شكلو ح يطلقك قبل ما يعقد عليك😂😂قالت لي يا بتنا دا اخر لي اسبوع حره الجمعه الجايه خلاص ح ابقي حلال يسو رفرف قلبي 😂😂 قلت ليها الله يعين ياسين يا رب 😂😂 قالت لي امييين😍😍 قلت ليها انا عايزه انوم بكره عندي تسليم عايزه اطلع بدري 😊😊قالت لي يعني ما حتجي تقعدي معاي😢😢قالت ليها والله صعبه بث بحاول انزل عليكم لمن اجي من الجامعه😊😊 ريل شالت منها الجوال وقالت لي والله الليله اللمه نقصاك انتي بث😭😭قلت ليها بنعوضها يوم تاني ان شاء الله بث اخلص المشاريع العندي دي 😊😊قالت لي ياريت تكون قبل العرس 😍😍قلت ليها ان شاء الله قفلت وخلصت البرنامج المطلوب اعملو نزلتو في فلاش و مشيت رقدت نومت صحيت تاني يوم صلاه الصبح صليت و لبست لي اسكرت كبريتي و قميص بيجي و طرحه مشكله و شنطتي حقت الضهر دخلت فيها الابتوب و الفلاش و نزلت تحت ودعت امي و شربت الشاي و طلعت لقيت خالد قاعد في ضهريه واحده من العربات قلت يا ربي اسالو من العلاقه لا ما ظريفه هسي بقول انا
كاتله روحي علشان اتكلم معاهو😒😒 طيب لقيت لي فكره بقيت عامله روحي بفتش في الشارع زي العندي دبوس واقعه قال لي مضيعه حاجه 😊😊قلت ليهو لا ولا شي وانت دخلك شنو ورجعت بفتش😂😂قال لي طيب راحتك قلت امكن اساعدك😊😊 قلت ليهو طيب عندي دلايه علي شكل اسمي ما عارفه ضاعت مني امس قلت يمكن وقعت لمن كنت جاريه😊😊 قال لي يعني انتي اسمك بيان و رفع لي دلايتي😉😉 قلت ليهو جيبها😊😊 قال لي امم واذا ما اديتك ليها 😊😊قلت ليهو اسمع احسن ليك اديني ليها وانت ساكت ما عارف انا ممكن اعمل فيك شنو لمن اعصب😊😊 قال لي شكلها غاليه عليك😊😊 خطفتها منو وقلت ليهو ما يخصك مسكني من يدي و قال لي انتي عصبيه كدا مالك روقي خلينا نتفاهم قلت ليهو دلايتي و شلتها سبب واحد يخليني اتفاهم معاك ماف فياريت خليك في حالك وانا في حالي و نفضدت يدي😊😊 و مشيييت الجامعه اتصلت بي عسجد قالت لي تعالي لينا في الكفتريا قلت ليها اصلا انا كنت عايزه امشي الكفتريا مشيت لقيتها هي ومعاها احمد و يمان و نهى و شهد قلت ليهم هلا بالفاشلين 😍😍 يمان قال لي اهلا بي كبيرتنا 😏😏قلت ليهم جاهزين لي ملاقه الدكتور المرعب 😂😂احمد قال لي والله انا ما ناوي احضر المحاضره دي 😂😂قلت ليهو فيها اتندس ما تنسي 😉😉يمان قال لي ما الوهمه هنا هو عمل فيها اتندس علشان يعرف الناس اللي بتتهرب من المشاريع😂😂قلت ليهو اها انت يا ابو شليل ان شاء الله جهزتو😏😏 قال لي كيف ياخ دا كلامك😌✋ قلت ليهو اها جهزتو عن شنو😏😏 قال لي عارفك حراميه عايزه تسرقي فكرتي😂😂 قلت ليهو جخخخخخ انا بي برنامجي يا سيد قايلني كسلانه زيك امس مساهره فيهو لحد الساعه2 😌✋احمد قال لي انجز والله😂 عمار قال لي بيان المظه كيفك يا عثل 😍😍قلت ليهو مظه في عينك وانت في عين المظه😂😂 قال لي الحمد لله معناك شديييده من ردك دا نفسي يوم يمر وبيان دي تتعامل حلو مع كل الناس والله اليوم داك ارطن اسباني 😂💔قلت ليهو امش اتعلم من هسي لانو دي اصلو ما صعبه علي المشكله ما فيني المشكله مع الزول البحكي معاهو يا مرض اذا هو بستاهل او لا😂😂 نهي قالت ليهو اها يا اب وجنه بطل كلام كتير ارح خرجونا قبل انس الاشول دا يخش اقسم بالله كان ادردقنا ليهو في الساحه الخضره ما بدخلنا 😂😂 قلت ليها اي اي تتزكري اول محاضره بشع بي كيف و سمعني كلام طالع نازل و بعد داك ما دخلني فقر خلاث 😂😂عسجد قاعده جمب يامن و شغالين خلط تحت تحت وما جايبن لينا خبر😉😉 قلت ليهم الختايره العشاااق قوماكم يا بشر 😂😂 قمنا معاهم ومشينا القاعه قعدنا فيها خمس دقايق بث انس جا داخل ختي اللاب توب حقو وشغل البروجكتر وبدينا المحضاره المرعبه 😂😂قال لينا انو ما حيقدر يشوف برامجنا كلنا جمع منا الفلاشات اي فلاش مكتوب فيهو اسم سيدو اختار خمسه و الباقي لماهم قال ح اشوفهم براي يلا بيان حسام عبير فزاع غيث تعالو كل واحد فيكم يشرح لينا برنامجو بتكلم عن شنو وفكرتو جات من وين 😊😊بديت انا طبعا ركبت الفلاش بتاعي في اللاب توب حقو و بجيت اشرح يلا البرنامج حقي فكرتو كانت عن الهكرز الناس اللي بتجي تهكر حساباتنا و اجهزتنا علشان تعبث في خصوصياتنا و تسرق معلومات شريكاتنا و حتي امتحاناتنا حقت الجامعات الناس بقت تهكر الجهاز العام وتسرق المتحان انا عملت برنامج شبييه بالانتي فيروس ضد الهكرز يعني اول ما تنزل البرنامج دا في كمبيوترك او جوالك او اي جهاز الكتروني عندك بعد تعمل الحساب بتاعك كدا زي انت قفلت علي جهازك في خزنه اول ما حد يحاول يهكر صفحه ليك او يقتحم اي حاجه بتخصك ما بيقدر لانو البرنامج دا ح يوجه جميييع الفيروسات الموجوده في اللحظه ديك اتجاه المتطفل الغريب غير انو ح يغير ليهو برمجه جهازو وحيفقل قبل ما يتم العمليه القرصنه اما بالنسبه لجهازك ح يديك انزار انو فلان الفلاني في المنطقه الفلانيه حاول يقتحم احد حساباتك في الجهه الفلانيه 😊😊 دكتور انس قال لي واو
حلوو فكره حلوه بث انتي ما انتبهتي لي شي انو كدا ح تنمي المجرمين طيب اذا واحد مجرم عايز ينفز عمليه و المفروض الشرطه تهكر حسابو علشان تعرف معلومات عنو ح تعمل شنو😊😊 قلت ليهو بث يا استاذ ما ضروري البرنامج دا يكون عند كل الناس ممكن نخصصو بالمنظمات و الجامعات الشركات الكبيره لحفظ الخصوصيه 😊😊قال لي وتفتكري ما ممكن ينتشر اكيد ح ينتشر زول يلقي برنامج زي دا ح يبيعو من دون ما يتلفت لانو ح يلقي قروش زي الهبل في البرنامج دا😊😊 قلت ليهو بث😢😢 قال لي شكرا علي الاقل فكرتك احسن من غيرك يلا شيلي فلاشك ولمكانك البعدو😊😊حسيتو مستفز ياخ انا الفكره براها اخد معاي زمن وتعب و مجهود عقلي فوق ما بتتخيلو يجي يتنرفز فيني كدا غيتو شكيتو لي الله كافي البلا دا😤😤 مشيت قعدت و شفنا باقي البرامج وماشاء الله لازم يطلع ليك باي طريقه انو برنامجك ناقص و انو لغه الاحتمالات حقتك ضعيفه 😪😪 قال لي بيان ح تاخدي 80% من اعمل السنه اما غيث75% عبير50% لانو احتمالاتك ضعيفه شديييييد اما حسام وفزاع اولا شغالين مع بعض
او بالاصح البرنامجين شغالهم زول واحد وفكرتكم ما جبتوها من راسكم فكرتكم مسروقه و حاولتو تطوروها انا ما ح اقسي عليكم شديبد ف ح اديكم 10% من اعمال السنه 😊😊و الباقي حسب تقيم البرنامج نهايه الدوام كل واحد يجي يستلم فلاشو براهو علشان يعرف الانتقاد وين وبالنسبه للاتندس ح اشيلو من الفلاشات كل فلاش فيهو اسم سيدو و الما سلم فلاش يعتبر غياب 😊😊قلت لي نفسي الحمد لله مع انو برنامجي بيستاهل الدرجه الكامله لاكن اخير من عدمها😪😪 مهند حا قال لي مبرووك😂😂 قلت ليهو شن المباركه يا ود امي تمنين الف كف في..... 😪😪قال لي لو تميتيها احتمال تعدمي التمنين دي زاتها 😂😂 قلت ليهو والله نفسي من جووواييي من جووووه جووووه حوووه بنكرياس هارتي يوم يقول لي زول ح تاخد الدرجه الكامله 😂💔فزاع قال لي دا كلامك ياخ دا التوب عندو التمنين يعني انتي المفروض تعملي حفله عديل😂👏 قلت ليهو اها الحرامي ابو عين قويه حلفتك البرنامج دا عملو منو حسام ولا انت 😂😂 قال لي والله بداهو حسام واي زول تما الباقي بي طريقتو 😂😂قلت ليهم تستاهلو والله 😂😂قال لي انتي عارفه انا اصلا كنت قنعان كونو ادنانا درجه مع الناس والله ما قصر😂😂 قلت ليهو الله يهديك يا ود امي خلصنا محاضرتنا غيث قال لينا انا عازم المزز بوظه في الشرقي اولاد ما عندي بيكم شغله العندو قروش يجي و المنتظر مني حاجه احسن يقعد هنا 😂😂يمان قال ليهو ليه القسوه دي يا برنس ظبطنا الليله و بنظبتك بكره 😉😉نهي قالت ليهو علشان تعرف يعني شنو تكون مزه😌😌 غيث قال ليها بلاي انتي حاسبه نفسك مع المزز😂😂عسجد قالت ليهو ما براحه ياااخ ما كدا لاكن😂👏 نهي قالت ليهو اها المزه فينا منو عليك الله 😂😂غيث قال ليها الحقيقه بيان من الاخر كدا😍😍 فزاع قال ليهو اسكت ما تخليني اغني ليك يا وجعتي هسي😂😂 قلت ليهو النبي اتقلب لينا احمد امين و اطربنا 😂😂مهند قال لي صدقتي انتي ولا شنو يا السمحه 😂😂قلت ليهو مالك انت كمان ما تخليني انادي ليك نوف هسي😏😏 قال لي انا البقلب احمد امين واغني يا وجعتي😂😂 غيث قال لي مسكتي من يدو البتوجعو😂😂مهند قال ليهو ما تقعد تتفاصح هسي بنقعدك في كرسيك احسن ليك اسكت ساااي😂💔