رواية زواج اضطراري الفصل التاسع9والعاشر10 بقلم اروي عادل
أروى٠٠ بحبك يا مغرور
عمر٠٠ أشهد أن لا إله إلا الله.. اخيرآ
أروى٠٠ بس بقى يا عمر متكسفنيش
عمر ٠٠ يا قلب عمر
( هنا الباب الغرفة دق كانت امل تحمل صينية الفطار)
أروى٠٠ ايه ده انا هفطار على السرير
عمر٠٠ طبعآ مش عروسه
أروى٠٠ طيب حتى اغسل وشى
عمر٠٠ انسى انت مش هتقومى من السرير النهاردة.. ولا انا هسيبك انا ما سدقت
■■■■■■■■■■■■■■■
مره يومين لما يخرج عمر ولا أروى من الغرفة
حتى التليفونات مقفوله
( دق الباب الغرفة)
امل٠٠ عمر بيه عزت بيه بيتصل على تليفونى
عمر٠٠ هاتى التليفون
.......
عمر٠٠ الوو يا بابا
عزت٠٠ ايه يا عمر مالك
عمر٠٠ مافيش ... هو حد قالك فيا حاجة
عزت٠٠ ماروحتش الشركة بقالك يومين وكمان قفل تليفونك قلقتنى
عمر٠٠ عادى قولت اخد يومين اجازة
عزت٠٠ اجازة انت عمرك ما عملتها.. اوعى يكون فى حاجة و مخبى عليا..
عمر٠٠ والله يا بابا انا كويس
عزت٠٠ على العموم جيلان هتجنن عليك
و مصممه نرجع من السفر
عمر٠٠ لأ يا بابا بالله عليك سيبنى اعيشلى يومين
عزت٠٠ مش فاهم تقصد ايه
عمر٠٠ بابا انا و أروى محتاجين نقضى يومين مع بعض
عزت٠٠ عمر انت بتتكلم بجد
عمر٠٠ ابنك بيحب مراته بابا بالله عليك تسيبونى يومين مع مراتى
( كان يتحدث فى التليفون وينظر إلى أروى الذى أصبح وجهها بالون الد،م من شدة الخجل
عزت٠٠ ربنا يهنيكم ببعض .. ماتخفش انا مش هخلى حد يرجع من السفر ..و ابقى اقول لجيلان ..اى حاجة زى مثلآ انك فى رحلة صيد مافيش شبكه فى البحر
عمر٠٠ربنا يخليك ليا...و متشكر اوى يا بابا سلام
(إنتهت المكالمة )
.■■■■■■■■■■■■
فى نفس اليوم فى جنينة الفيلا
٠٠٠٠٠٠٠٠٠٠٠٠٠٠٠٠٠
أروى و عمر يتناولون الفطار
أروى٠٠ كنت عايزه أسألك.. ليه قولت لوالدك اننا مع بعض
عمر٠٠ انا لسه هقول لدنيا كلها
أروى٠٠كدا هتزعل معجبينك منك
عمر٠٠ تفتكرى هيزعلوا
اروى٠٠ اه اكيد هيزعلوا
عمر٠٠ طيب طالما هيزعلوا بيقى لازم ازعلهم اوى
أروى٠٠ هتعمل ايه
عمر٠٠ ايه باخد سلفى مع المدام بتاعتى
( هنا اخد عمر صوره هو و أروى و نشرها على مواقع التواصل الإجتماعي .كتب على الصور.. ربنا رزقني باحلى زوجه

أروى٠٠ انت عملت ايه.. كده الكل هيعرف اننا مع بعض
عمر٠٠ طيب ما انا عايز كده . عايز الكل يعرف انك مراتى انا
أروى٠٠ طيب كمل فطارك يا مجنون
(بعد نشر الصوره بعشر دقائق و هاتف عمر لم يفصل رن الكل كان يريد ان يتأكد من الخبر)
اروى٠٠ تستاهل قولتلك بلاش
عمر٠٠ بالعكس انا مبسوط من نشر الصوره
( وهنا رن تليفون عمر كانت جيلان ذهب عمر بعيد حتى لا تسمع أروى المكالمة..)
.....
عمر٠٠ الو ماما حبيبتى وحشانى
جيلان٠٠ ايه الصوره إللى انت نشرها دى
عمر٠٠ عادى هو انا اول واحد ينشر صوره مع مراته
جيلان٠٠ عمر شيل الصوره حالآ
عمر٠٠ ليه شكلى وحش فيها
جيلان٠٠ انت فاهم انا اقصد ايه
عمر٠٠ لأ ياماما مش فاهم
جيلان٠٠مش دى إللى تناسب عمر الالفى
عمر٠٠ ليه مش دى اختيارك و لا نسيتى
جيلان٠٠ دى اختيار مؤقت عشان اعرف أربى أولاد علاء معانا
عمر٠٠ ياريت بلاش تتكلم فى الموضوع ده دلوقتى
جيلان٠٠ تمام بس لسه كلامنا مش خلص سلام
(أنتهت المكالمة )
..........
اروى٠٠ عمر .. عمر.. عمر انت مش سامعنى
عمر ٠٠ انتى بتكلمنى انا
اروى٠٠ هو فى حد غيرك هنا .. كنت بتكلم مين
عمر٠٠ ماما
اروى٠٠ اه كده فهمت .. امسح الصوره يا عمر
عمر٠٠ الصوره نشرتها و خلاص
أروى٠٠ ندمت انك نشرتها
عمر٠٠ بالعكس ..سيبك انتى من قصه الصوره دى..ايه رأيك..نروح نسهر فى ايه مكان النهاردة
اروى٠٠ انا وانت تانى نطلع مع بعد انت نسيت
عمر٠٠ المره دى الكل هيكون عارف انك مراتى
أروى٠٠ ممكن تخليها بكره
عمر٠٠ ليه
أروى٠٠ عشان النهاردة شبكة داليا ولا نسيت
عمر٠٠ اه معلش نسيت ٠٠ يلا بينا نطلع فى أوضتنا شويه
أروى٠٠ لا انت هتروح الشركة النهاردة
عمر٠٠ بلاش النهاردة خلينا نقضى النهاردة مع بعض
أروى٠٠ لازم اكون مع داليا النهاردة طول اليوم
عمر٠٠ امرى لله ممكن بوسه بقى
أروى٠٠ عمر بس احنا فى الجنينة
عمر٠٠ بوسه واحده بس عشان خاطر

■■■■■■■■■■■■■■■■
فى المساء
فى قاعة الافراح
........................
( عمر بتصل بأروى تقريبآ كل ساعة )
شهد٠٠ ايه النظام
أروى ٠٠ نظام ايه ده
شهد٠٠ صحيح فى الهم مدعيه فى فرح منسيه
أروى٠٠ ايه يا جدتى مالك
شهد٠٠ ما انا لازم أعرف
أروى٠٠ طلع عندك حق عمر بيحبنى
( هنا صراخوا الاتنين بجنون)
شهد٠٠شوفتى طلع عندى حق ازاى
أروى٠٠ لا وفى حاجه تانى .. نشر صوره على النت و احنا مع بعض كتب عليها احلى زوجه
شهد٠٠ بجد .. يا كل،به ازاى مش تقوليلي على الأخبار الحلوه دى
أروى٠٠ استنى عمر بيرن عليا
شهد٠٠ ردى بسرعه
........
عمر٠٠ الوو
اروى٠٠ الوو
عمر٠٠ مش كفاية كدا وحشتنى
أروى٠٠ كمان ساعة واحده بس
عمر٠٠ طيب هجى بعد ساعة..مش اتصل بيك هجيلك على طول .. أروى ساعة واحدة بس
أروى٠٠ حاضر هستناك..سلام
(إنتهت المكالمة )
.........
شهد٠٠ الموضوع شكله كده مش انكم اتصلحتوا وبس
أروى٠٠ بنت عيب
(عدى ساعة
هنا كانت أروى تنتظر عمر أمام القاعة
هنا قالت شهد )
شهد٠٠ ايه مستنيه عمر
أروى ٠٠ مش عارفه اتأخر ليه
شهد٠٠ لو هيتأخر شريف اخويا يوصلك
( شريف كان يحب أروى من قبل ما تيجى القاهرة )
أروى٠٠ لا هو اكيد هيجى
شريف٠٠ ايه يا بنات مش يلا
شهد٠٠ معلش ممكن نستنا مع أروى شويه
شريف٠٠ ايه جوزك نساكى
شهد٠٠ ايه يا شريف الطريقه إللى بتكلمها بيها دى
أروى٠٠ لأ عادى يا شهد
شريف٠٠ يلا هوصلك جوزك شكله مش جى
أروى ٠٠( بضيق) قولتلك لأ..
(هنا ظهر عمر عندما كان شريف يتحدث الى أروى و قال )

عمر٠٠ هو فى ايه
أروى٠٠ عمر اتأخرت ليه
عمر٠٠ مين ده
شريف٠٠ يعنى ايه مين ده اتكلم بأسلوب كويس
عمر٠٠ نعم ٠٠ انت بتكلمنى انا..هو مين ده
شهد٠٠ ده شريف اخويا
أروى٠٠ يلا يا عمر
( كان شريف ينظر إلى عمر بنظره كلها حقد و كره)
عمر٠٠ استنى هو يبص ليا كده ليه
شهد٠٠ ابدا انت بس متهيألك
عمر٠٠ يمكن . طيب يلا يا أروى
شريف٠٠ باى يا أروى ابقى خلينى أشوفك
هنا نظرة أروى لعمر بأرتباك بينما قال عمر بغضب
عمر ٠٠ معلش انت قولت ايه
شريف ٠٠ أنا بكلم أروى
عمر ٠٠ أولآ أسمها مدام أروى ثانيآ. انت قولتلها خلينى أشوفك مش كده .
شريف ٠٠( ببرود) ايه ده ..هى الكلمة زعلتك أوى كده
ابتسم عمر و بنفس البرود قال
عمر ٠٠ بصراحه مش هكدب عليك الكلمة زعلتنى. أوى بس حظك انى لما بزعل يبقى زعلى وحش أوى .
هنا تحولت ملامح عمر لغضب هو يلكم شريف بقوة على وجهه و قبل أن يستوعب شريف ما يحدث كان عمر لكمه مره أخرى لذلك سقط شريف أرضآ فاقد الوعى
ثم جذب عمر أروى من يديها و غادر المكان

أروى٠٠ عمر براحه.. عمر استنى
■■■■■■■■■■■■■■■
فى سيارة عمر
٠٠٠٠٠٠٠٠٠٠٠٠٠٠٠٠٠
اروى٠٠ لسه مدايق
عمر٠٠ سبينى دلوقتى بلاش نتكلم
أروى٠٠ اسيبك وتروح فين منى
عمر٠٠ مين ده .. ماتقوليش أخوه شهد
أروى٠٠ فعلا هو أخوها
عمره٠٠ انا لما جيت كان بيقولك ايه
أروى ٠٠كان بيعرض عليا يوصلنى لما انت اتأخرت
عمره٠٠ ايه الثقه إللى كان بيتكلم بيها دى
أورى٠٠ عمر انا اعرف شريف من ايام ما كنت فى اسكندريه كنا جيران هو أخوه شهد عشان كده كان بيتكلم بعشم
عمر٠٠ متاكده انه مافيش حاجه تانى
أروى٠٠حاجة زى ايه
عمر٠٠ قوليلى انتى
أروى٠٠ عمر شريف أخوه شهد وبس
عمر٠٠ عارف بس ده بنسبالك انتى...
كانت أروى تنظر لعمر بأبتسامة لذلك قال عمر
عمر٠٠ بتبصلى كده ليه

أروى ٠٠عمر انت بتغير
عمر٠٠ ايه مش من حقى اغير
أروى٠٠ هههه
عمر٠٠ بتضحكى على ايه
اروى٠٠ انت ايدك طلعت جامده اوى يتخاف منك
عمر٠٠ طيب كويس انك عرفتى
أروى٠٠ تقصد ايه انت ممكن تضربنى
عمر٠٠ ايدى تقطع قبل ما تعملها
أروى٠٠ ( بدلع)بعد الشر عليك ماتقوليش كده تانى و اللهى ازعل منك . وبعدين انا زعلى وحش و ايدى تقيله كمان
■■■■■■■■■■■■■■■■
فى الفيلا
٠٠٠٠٠٠٠٠٠٠٠
دخل عمر الفيلا وهو يحاوط خصر أروى بحب و صوت ضحكاتهم تملأ الفيلا
لكن كانت المفاجأة العائلة كلها رجعت من السفر الجميع ينظرون إليهم بأستغراب )
عندما رأهم عمر قال
عمر٠٠ حمدالله على السلامه رجعتوا امتى
عزت٠٠ من بعد العصر على طول
ياسمين٠٠ حلو فستانك اوى يا أروى
جيلان٠٠ كفايه
عمر٠٠ فى ايه يا ماما
جيلان٠٠ ممكن اعرف ايه إللى بيحصل هنا
عمر٠٠ ايه ماما ..أروى كانت بتحضر خطوبة صاحبتها النهاردة فيه حاجة دى
جيلان٠٠ و انت بتعمل ايه معاها
عمر٠٠ ماما دى مراتى يعنى عادى لو خرجت معاها
جيلان٠٠ دلوقتى بقيت مراتك. مش دى إللى كنت مش عاوز تتجوزها ..مش دى إللى قولتلى عليها جايه من وراه الجاموسه
عزت٠٠ فى يا جيلان الكلام ده مالهوش لازمة دلوقتى
أروى٠٠ عادى يا عمى خليها تتكلم .. انا عارفه كل إللى حضرتك قولتى عليه
جيلان٠٠ عارفه كمان انك مجرد فتره و هتعدى فى حياة ابنى
عمر٠٠ ماما كفايه بقى.. اتطلعى يا أروى فوق دلوقتي
جيلان٠٠ انت ايه اللى جرالك ياعمر عيلة زى دى قدرت تأثر عليك ازاى .. انت عمر الالفى ابنى
هنا نظر عمر ل أروى قال
عمر٠٠ قولتلك اطلعى يا أروى فوق
ياسمين٠٠يلا يا أروى
(طلعت أروى وياسمين الى الغرفة)
عمر٠٠ فى ايه يا ماما مالك .. انتى تكر.هى انى اكون مبسوط
جيلان٠٠ مش مع دى
عمر٠٠ ليه يا ماما مالها أروى
جيلان٠٠ عشان انا عمرى ما اعتبرتها مرات ابنى
عمر٠٠ بس أروى انسان ممتازه اي حد يشرفوا انه يرتبط بيها
جيلان٠٠ اسمعنى يا عمر ده نهاية الكلام انا اتكلمت مع عمك فاروق و وافق انك تخطب نيفين
الفصل العاشر
جيلان٠٠ اسمعنى يا عمر ده نهاية الكلام فى الموضوع ده.. انا اتكلمت مع عمك فاروق و وافق انك تخطب نيفين
عزت٠٠ اتكلمتى مع فاروق امتى .
جيلان٠٠ النهاردة
عمر٠٠ مين قالك تعملى كده
جيلان٠٠ من امتى انت بتراجعنى في اى حاجة اعملها
عمر٠٠ لما يكون إللى بتعملى حاجه هتدمر حياتى
جيلان٠٠ فى ايه من امتى بتتكلم معايا كدا..
عزت٠٠ عمر عنده حق يا جيلان .. انتى اتسرعتى فى كلامك مع فاروق
جيلان٠٠ لأ .. ده كان أتفقنا من الأول.. ان جوازك من أورى مجرد شكليات عشان ولاد علاء.. يعنى كأنه مش موجود
عمر٠٠ و أروى ذنبها ايه فى كل ده
جيلان٠٠ ذنبها انها لا شكلنا و لا شبهنا .. ذنبها انها من واسط غير واسطنا
ياسمين٠٠ اهدى شويه ياماما
جيلان٠٠ اهدى ايه بقى ..والاستاذ عمر عايز يخلص عليا
عمر٠٠ هو انا لازم اوافق على أي حاجه انتى عايزها ..غير كدا اكون عايز اخلص عليكى
جيلان٠٠ انت ايه إللى حصلك٠٠ من امتى وانت بتعرضنى بالشكل ده .بس انا خلاص اخدت قرارى وهو انك انك هتجوز نيفين
عمر٠٠ لأ يا ماما انا اسف... انا بحب أروى و مقتنع بيها مش هتجوز عليها
جيلان٠٠ و علاء بردوا كان بحب ياسمين و مقتنع بيها و اتجوز عليها حنان
شعرت ياسمين بضيق عندما ذكرت زواج علاء
ياسمين٠٠ عن أذنكم انا طالعه
(غادرت ياسمين)
عزت٠٠ عجبك كده.. انتى ايه بقيتش تفرق معاكى مشاعر اى حد
جيلان٠٠ انت إللى فى ايه .. هى البنت الصعيديه عملت فيكم ايه .. اه ممكن تكون عامله ليكم عمل .. اه صح هى الناس اللى من الصعيد بيعملوا الحاجات دى
عزت٠٠ لأ انت كدا اتجننتى رسمى
عمر٠٠ انا تعبت .. بابا انا طالع فوق عن أذنك
عزت٠٠ اتفضل يا حبيبى
(غادر عمر)
جيلان٠٠ عزت ممكن تطلع من الموضوع ده نهائى
عزت٠٠ انا هطلع بس لازم تعرفى انا عمر غير علاء في فبلاش احسنلك.. عن أذنك انا كمان
جيلان٠٠ اتفضل امشى انت كمان ..بس لازم تعرفوا كلكم كل إللى انا عايزاه هيحصل
■■■■■■■■■■■■■■■
فى غرفة عمر
٠٠٠٠٠٠٠٠٠٠٠٠٠٠
أروى٠٠ مالك .. ايه إللى حصل تحت
عمر٠٠ ولا حاجة .. انا تعبان و عايزه انام
أروى٠٠ طيب خد دوش الأول بعد كده نام.. يلا انا محضرة الحمام
(هنا وقف عمر وجذب أروى إليه و حضنها )

أروى٠٠ مالك
عمر٠٠ محتاج حضنك
اروى٠٠عمر ممكن تقولى ايه إللى حصل تحت خلاك مدايق كده
عمر٠٠ عشان خاطرى بلاش نتكلم فى إللى حصل تحت
أروى٠٠ حاضر ياحبيبى
■■■■■■■■■■■■■■■
صباح اليوم التالى
٠٠٠٠٠٠٠٠٠٠٠٠٠٠٠٠٠٠٠
( أستيقظ عمر مبكرآ و ظل يتأمل فى أروى حتى استيقظت
عمر٠٠ صباح الخير

أروى٠٠ صباح الخير
عمر٠٠ يلا بلاش كسل
اروى٠٠ هى الساعة كام
عمر٠ الساعة ١١
اروى٠٠ يا خبر اتأخرت
عمر٠٠ اتأخرتى على ايه النهاردة الجمعة
اروى٠٠ اكيد والدتك هتزعل عشان معملتش فطار
عمر٠٠ دى مش شغلتك .. فى طباخ فى البيت
اروى٠٠ جيلان هانم مش بتحب الاكل من ايد الطباخ
عمر٠٠ مين قالك كده..احنا طول عمرنا بناكل من ايد الطباخ... بعدين انا عايزك ليه لوحدى مش عايز اى حاجه تشغلك عنى
أروى٠٠ هو فى ايه بالظبط ..
عمر٠٠ قومى البسى و انا هقولك
اروى٠٠ طيب قولى حتى احنا هنروح فين
عمر٠٠ هقولك بعدين ..يلا البسى هستنياكى تحت
■■■■■■■■■■■■■■
عمر٠٠ صباح الخير
جيلان٠٠ قول مساء الخير الظهر هيأذن
عمر٠٠ خلاص مساء الخير كويس كده يا ماما
جيلان٠٠ هانم بقى لسه نايمه
عمر٠٠ تقصدى مين
جيلان٠٠ هى فى غيرها..المدام أروى
عمر٠٠ اه لا هى نازله عشان رايحين مشوار
جيلان٠٠ كمان .. لأ الغى مشوارك انت و الهانم بتاعتك احنا جاى لينا ضيوف النهاردة ..
عمر٠٠ انا مالى بالضيوف إللى هيجوا
جيلان٠٠ لأ مالك .. ده عمك فاروق و عايلته عشان نتكلم فى موضوع الخطوبة
عمر٠٠ احنا مش اتكلمنا وانا قولتلك مش موافق
( هنا نزلت أروى من فوق)
جيلان٠٠ اخيرآ الهانم تكرمت علينا و نزلت
عمر٠٠ ماما مالهوش لازمة الكلام ده
جيلان٠٠ اه و ماله ياحبيبى.. ممكن بقى الهانم تتفضل تروح على المطبخ عشان عندنا عزومه
أروى٠٠ تعرفى عمى راضى الطباخ بيعمل اكل تحفه اكيد هيعجب ضيوفك .. انا هتدخل دلوقتى اطمن آن كل حاجه تمام فى المطبخ ..اى أوامر تانى
( دخلت أروى المطبخ )
جيلان٠٠ شايف البرود إللى بتكلمنى بيه
عمر٠٠ مش احسن ما تتعصب تقول حاجه تدايقك.. يا ماما أروى مش خدامه فى البيت أروى زيها زى ياسمين بالظبط
( هنا جاءت أروى من المطبخ ثم قالت)
أروى٠٠ كل حاجه فى المطبخ تمام و الاكل تقريبآ جاهز
يلا بينا ياعمر
جيلان٠٠ و مين هيخدم على الضيوف
أروى٠٠ فى ناس بتقبض مرتب فى الفيلا عشان تهتم بأمور دى ٠٠ عن أذنك
(خرج عمر و أروى من الفيلا .. و جيلان بركان من الغضب ماهى لم يعجبها ما يحدث . كما لم يعجبها تقرب عمر من أروى
■■■■■■■■■■■■■
على النيل
٠٠٠٠٠٠٠٠٠٠٠
أروى٠٠ احنا بنعمل ايه هنا
عمر٠٠ شوفتى اليخت إللى هناك ده
أروى٠٠ ماله
عمر ٠٠ احنا رايحين فى رحلة نيليه بية
أروى٠٠ بجد ... انا بحبك أوى
( هنا ثم جذابها عمر له ثم قال بحب)
عمر٠٠ تعرفى فرحتك دى عندى بالدنيا

يلا بينا
■■■■■■■■■■■■■■
فى اليخت على النيل
٠٠٠٠٠٠٠٠٠٠٠٠٠٠٠٠٠٠٠٠٠٠
اروى٠٠ المنظر حلو اوى يا عمر
عمر٠٠ مبسوطه
أروى ٠٠ طبعآ مبسوطه أوى
عمر ٠٠ أوى أد ايه كده
اروى٠٠ مبسوطه أد النيل ده كله
عمر٠٠ ربنا يقدرني و افضل أسعدك طول عمرى
اروى٠٠ وجودك جانبى دى اكتر حاجه تسعدنى
( كانت أروى فرحان و بتتنطط مثل الاطفال)
عمر٠٠ تعالى خلينى اخد صوره لينا

أروى ٠٠ تانى يا عمر
عمر ٠٠ تانى و تلات و رابع و الف كمان
( قال جملته ثم نشر الصوره على مواقع التواصل الاجتماعي كتب على الصور يوم مع احلى زوجه و حب حياتى
.. هو يقصد ان تعلم عائلة عمو انه بيحب أروى ..ولا يريد نيفين)
أروى٠٠ عمر نشرتها ليه مش كفايه المره اللى فاتت
عمر٠٠ ايه نفسى الناس كلها تعرف أد ايه انا سعيد مع حبيبتى
أروى٠٠ استنا وانا كمان هنشرها على صفحتى على الفيس بوك
( كان يوم حلم بالنسبال أروى .كل حاجه كانت جميله)
■■■■■■■■■■■■■■■■
فى نفس اليوم فى فيلا الالفى
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ج
سعاد٠٠ آمال فين عمر وهو لسه ماجاش بردوا
جيلان٠٠ اكيد زمانه جاى
سعاد٠٠ هو مش من المفروض انه كان يبقى موجود و يحضر أتفقنا
جيلان٠٠ طبعا.. بس كان فى حاجه ضروريا فى الشركه كان لازم يروح بنفسه يشيك عليها
فاروق٠٠ مالك يا عزت انت ساكت ليه
عزت٠٠ لأ ابدا بس عندى صداع
نيفين٠٠ سلامتك يا عمو
رامى٠٠ آمال فين أروى
جيلان٠٠ افتكر حاجة عدله بالله عليك
رامى٠٠ هى عارفه ان عمر هيتجوز عليها
ياسمين٠٠ لسه متعرفش
( هنا بدء رامى فى تسجيل كل ما يدور من الاتفاق على زواج نيفين من عمر)
جيلان٠٠ فى كلام أهم منها عايزين نتكلم فيه ..
سعاد٠٠ بصراحه انا خايفه على نيفين انها تتجوز على ضره .. انا وافقت بس عشان نيفين بتحب عمر
جيلان٠٠ ماتخفيش نيفين مش هتحس انه فى غيرها و عندك ياسمين اسأليها عمرها حاست انه علاء اتجوز عليها ..
سعاد٠٠ معلش متزعليش منى بس ياسمين كان لازم تقبل بجوز علاء عشان ظروفها ..بس عند نيفين الوضع مختلف
( ظهر الحزن على وجه ياسمين)
جيلان٠٠ اسمعينى جوز عمر من أروى ده جوز مصلحة عشان خاطر الاولاد .. وانا ناويه ارفع قضية حق الحضانة الأولاد ان شاء الله هكسبها المحامى اكدلى و أول ما أكسب القضية عمر هيطلق أروى على طول
نيفين٠٠ وافقى بقى يا ماما
جيلان٠٠ وانت رأيك ايه يا فاروق
فاروق٠٠ انا اهم حاجة عندى رأي نيفين
نيفين٠٠ انا موافقه
سعاد٠٠ اذا كان كده انا بردوا موافقه
( هنا فتحت نيفين الفيس عشان تنشر الخبر
لكن كانت الصدمة كبيره صورة عمر و أروى منشوره على الصحفة عمر)
نيفين٠٠ ماما الحقى
سعاده٠٠ فى ايه مالك
نيفين٠٠ اتفضلى شوفى
سعاد٠٠ ايه ده يا جيلان انتى مش قولتى عمر فى الشركه
جيلان٠٠ ايوه طبعا فى ايه
سعاد٠٠ هى الشركة دلوقتى بقيت على النيل
جيلان٠٠ تقصدى ايه مش فاهمه
سعاد٠٠ اتفضلى شوفى بنفسك

سعاد٠٠ ده شكل اتنين هيطلقوا قريب
( كانت صدمة لجيلان بمعنى الكلمة لم تستطيع تنطق حتى بحرف و احد)
سعاد٠٠ سكتى دلوقتى ليه يا جيلان
جيلان٠٠ على فكره انتم فاهمين الصوره غلط
نيفين٠٠ الصوره إللى نشرها قبل كده قولت خلاص عادى طيب و دى كمان ايه
جيلان٠٠ دى مجرد صوره منشوره عادى لمجرد
المنظر العام يعنى..انتى عارفه عمر بيحب ينشر صور على الفيس دى بالنسباله مجرد صوره شكلها حلو
سعاد٠٠ طيب و انه يسيبنا و يروح يتفسح مع السينورة على النيل يبقى ده اسمه ايه كمان
جيلان٠٠ دى بقى غلطتى انا.. نسيت اقولوا انكم جايين
فاروق٠٠ انا شايف نسيب الموضوع ده دلوقتى
لما استفسر من عمر
رامى٠٠ انا شايف ان الصوره مالهاش قيمة عند عمر دى مجرد شو عمر بيحب بيعملو على
الفيس
( كان رامى حابب جواز عمر من نيفين يتم عشان جواز عمر من أروى يدمر )
جيلان٠٠ بالظبط كدا
نيفين ٠٠ خلاص يا رامى طالما انت شايف كدا ..بس عمر يوعدنى ان دى تكون آخر مره ليهم مع بعض
جيلان٠٠ طبعا بعد كده هتكون صورك انتى عمر و بس
■■■■■■■■■■■■■■■■
فى مساء نفس اليوم
٠٠٠٠٠٠٠٠٠٠٠٠٠٠٠٠٠٠٠٠٠٠٠
عمر و أروى مازالوا على اليخت...
عمر٠٠ اليحت وصل يلا بينا
أروى ٠٠ يا خساره اليوم خلص
عمر٠٠ ياستى اوعدك اننا هنيجى تانى . أن شاء يوم الجمعة إللى جايه
يلا بينا
■■■■■■■■■■■■■
فى صباح اليوم التالى فى فيلا الالفى
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عمر٠٠ صباح الخير ياماما.. مالك أعده كده ليه
جيلان٠٠ مستنيه حضرتك
عمر٠٠ عارف انى اتأخرت امبارح آسف
جيلان٠٠ اسف على انك اتأخرت ولا على الصور إللى نشرتها إمبارح
عمر٠٠ و انا هتأسف ليه على الصوره نشرتها مع مراتى
جيلانه٠٠ انت عارف زى ما انا عارفه.. انت ليه نشرت الصوره در
عمر٠٠ ماما انا قولتك من الأول انا مش هتجوز نيفين انتى إللى جبرتينى اعمل كده
جيلان٠٠ لأ هتتجوزها
عمر٠٠ انتى لسه بتقولى كده . اكيد شافوا الصوره و عرفوا انى مبسوط مع أروى
جيلان٠٠ اه فعلآ شافوا الصوره..عشان كده فرحك على
نيفين بعد اسبوعين