رواية عذراء الرعد كامله بقلم بسمه ) جميع الفصول حتى الاخير الخاتمه

رواية غمرني بحبه الفصل التاسع9والعاشر10 بقلم سحر السحرتي

لم تخبر احدا بالقصه الحقيقيه لا تعلم لماذا لم تشارك احد قصتها فضلت الاحتفاظ لنفسها بهذه التفاصيل المؤلمه 

*في البريك كانت سهر تحضر معها قطعه كعك بالشوكولاته وجلست مع ايناس وكريم

 ايناس: جايبه ايه شاركينا

: لا دي كيكة شوكولاته من النوع اللي بحبه 

:اشمعنى نفسك فيها قوي كده 

:لا اصل حاسه اني اتولدت من جديد شايفاني لابسه ابيض والكيكه دي كانه عيد ميلاد ليا 

:انا اول مره اشوف واحده فرحانه بالشكل ده انها فسخت خطوبتها

: اصلها خطوه كان نفسي فيها من زمان

: كان ايه اللي منعك 

:يوم الحادثه احساس انه شدك و خباك وراه من صاحبه اللي ما كنتش فاهمه هو عايز مني ايه ... لما مسك ايدي وبعدها ضربوا بعض كان دائما الاحساس ده يوقفني ويقول عيب تسيبيه 

:مش خايف يزعل دلوقت او بعد ما يفتكر

: الحقيقه انا ضميري دلوقتي بس مستريح  لاني ما قصرتش وعملت اللي عليا وزيادة واظن مش هيفتكر 

:انت ايه رايك يا باشمهندس مش لو افتكر سهر هيزعل

: اكيد انا لو كنت خاطب واحده زيها هزعل بشده خصوصا انه مش هيلاقي واحده باخلاقها 

*ضحكت سهر 

:مش للدرجه دي ايه رايكم اني كنت هفسخ الخطوبه يوم الحادثه وقلعت فعلا الدبله

: ايناس بجد يا مجنونه ليه

: كان عايز يقلعني الحجاب يبقى اخلاقي ما لهاش علاقه بانه خطبني 

كريم: امال خطبك ليه 

:كان بيقول انه بيحبني بس ما حسيتش 

:يعني لو حد حبك هتحسي 

:طبعا من غير ما يتكلم عينيه بتتكلم 

*ضحكت ايناس: هي لغه العيون من ضمن اللغات اللي بتحبي تتعلميها 

:بتكلم بجد يعني  انت لما كنت مخطوبه مش اول ما كنت بتقابليه بتشوفي لمعه في عينه بتقول لك قد ايه هو مبسوط انه شافك ... وانت مروحه بتلاقي عينيه حزينه انه هيفارقك  ...وانت بتسلمي عليه وايدك في ايده بتشعري بنوع من الكهرباء الخاصه جريت في عروقك

*كانت وهي توصف مشاعر الحب كريم كان يتخيل هذا الكلام فكل هذا قد شعر  به معها واكثر من ذلك بكثير 

ايناس: ايه يا بنتي الشعر ده ...  انت  حسيتيه ولا بتفتي

: يمكن حسيته يمكن بيتهيالي 

*ثم اخذت نفسا عميقا

: كله مع الوقت هيبان 

*وتوجهت بنظره حزينة  لكريم وكأنها تسأله هل تشعر بما أشعر به ام مجرد وهم في خيالي 

بقلمي سحر السحرتي 

*بعد البريك طلب كريم من سهر ان تاتي له بملف ذهبت و اعطته له 

:انا حاسس انك مبسوطه قوي النهارده ايه رايك بعد الشغل اعزمك على العشاء ونحتفل بمناسبتك السعيده

:  دي مناسبتي انا احتفل بيها بنفسي ليه عايز تحتفل معايا 

:احنا مش اصحاب نفرح ونزعل لبعض

: اه اصحاب وبصراحه انا فعلا محتاجه اقتراحك ده اوكي 

:هتروحي بعد الشغل تغيري هدومك ولا نطلع من هنا 

:لا نطلع من هنا لان لو روحت هنتاخر بالليل 

:هتركبي معايا ولا نتقابل هناك 

:خلينا نتقابل هناك احسن لان في شخصيات عظيمه في الشركه هتفهم الموضوع غلط وانا مش حمل ابرر لحد اي حاجه 

*تقابلوا في احد المطاعم حاولت مجاملته

: بجد شكرا انا هموت من الجوع مش قادره اروح اسخن الاكل ما بالك بقى ان انا لسه هطبخ 

:شكرا لك انت هتشاركيني الوجبه اللي دايما باكلها لوحدي 

:لوحدك ليه فين المدام والاول ... اه صحيح نسيت انهم مسافرين احنا ممكن نشارك بعض لغايه ماما ما ترجع او اسرتك ترجع الصديق وقت الضيق

: بتتكلمي بجد

: اه بتكلم بجد

: يا ريت ..... قولي لي انت مش زعلانه انك سبتي خطيبك 

:يوه انا مش هخلص من الاسئله في الموضوع ده كل الناس بتسال اسرتي زمايلي في الشغل لا مش زعلانه وبعدين يقطع من هنا ويوصل من هنا 

:مش فاهم

: فاكر جاكي المترجم الصيني

: اه ماله

: عرض علي الجواز وطلب مني افكر 

*ارادت ان تثير غيرته  وتحاول أن تستشف مشاعره بهذه الكذبة 

:وانت ممكن توافقي 

:وايه السبب اللي يخليني ارفض 

:انت بتحبيه

: لا طبعا

: امال ممكن توافقي عليه ليه

: زي ما وافقت على يزن عريس مناسب لكن الحب بعيد تماما عني 

: هو انت لسه ما قابلتيش الحب ولا حبيتي

: سؤال صعب خليني ااجل الاجابه عليه وناكل لو سمحت 

: ليه 

:عشان جعانه

: لا قصدي ليه تاجلي الاجابه 

:مش عايزه اكذب عليك فهدور على اجابه دبلوماسيه

: فاكره كلامك لايناس في البريك 

:اي جزء فيه 

:عن احساسك بالشخص اللي بيحبك 

:اه فاكراه ماله 

:انت فعلا حاسه ان في شخص بيحبك 

:شوف هو لما بيكون الانسان معجب بحد بيفسر بعض الاشارات على مزاجه لانه محتاج الشخص ده يبادله نفس مشاعره فتقدر تقول اه حاسه ان في واحد بيحبني او اني مش متاكده من احساسي غير لما ينطق ويقول ... لكن بالنسبه لايناس ده كان خطيبها يعني سهل الاشارات تبقى واضحه بالنسبة لها .... لكن أنا ممكن اكون فاهمة نظراته واهتمامه على مزاجي لاني فعلا بكن له بمشاعر مش قادره أفسر هيا ايه

: واذا الشخص اللي انت معجبه بيه رفض ينطق او ما نطقش خالص هتتجوزي جاكي

: ممكن عشان ابعد عن حب مفقود فيه الامل خاصه ان جاكي ناوي يرجع بلده و هسافر معاه 

:للدرجه دي عايزه تبعدي 

:شفت الحيرة اللي انا فيها بحبه وصعب يفضل قدام عيني من غير ما أقوله مساله صعبه تقدر تحلها 

:اكيد حلها مش انك تبعدي

: لما اكون مش عارفه اقرب من اللي بحبه نار حبه بتكويني يبقى البعد هو الحل

: تتجوزي واحد ما فيش بينكم حب او اي نوع من أنواع المشاعر وتبعدي كل المسافه دي هو الحل بالنسبه لك 

:مش لازم اتجوز ممكن اسافر عند اخويا هو بالفعل عرض عليا اسافر عنده لسه ما اخدتش القرار المناسب 

بقلمي سحر السحرتي 

*قال بمنتهى العصبيه وضرب طاوله الطعام بقبضه يده :السفر مش الحل 

*نظرت حولها :اهدى الناس بتتفرج علينا متعصب ليه كده 

:انت بتهربي بدل ما تواجهي وتتمسكي بحبك

: ما افتكرش هروح اقول له انا بحبك غير ان ظروفه صعبه  جدا بل مستحيلة هتقضي على الحب ده

: ليه ايه اللي خلاها مستحيله

 :مش هقدر افسر اكثر من كده ممكن ننهي الكلام في الموضوع ده

: عمري ما حسيت انك شخصية انهزاميه بتنسحبي  و تهربي من كل حاجه 

:ارجوك نقفل كلام بدل ما تقول حاجه ثانيه نندم عليها احنا الاثنين يا اما هضطر اقوم امشي 

:خلاص هقفل الحوار واضح اني انفعلت من غير سبب تيجي نغير المكان

: لا ما فيش وقت يا دوب نقعد نص ساعه ونروح 

*وضع يده فوق يدها ولم تمنعه 

:متضايقه مني 

:لا بس انفعلت كده ليه

: ما قدرتش استحمل فكرة انك تبعدي وما اقدرش اشوفك 

: انت بنفسك قلت قبل كده ان في موظفين زيي واحسن مني

 :انت حاسه نفسك مجرد موظفه وبس

: في حاجات كثير حساها بس مش قادره افسرها هستريح جدا لو لقيت لها تفسير 

:ايه رايك نخلي الايام تفسرها لنا 

:ممكن استنى بس مش كثير ما عنديش استعداد اضيع وقت طويل زي ما ضاع مع يزن 

:ممكن ما اسمعش اسمه ثاني

: ليه الماضي جزء من حياتنا لازم نتعلم منه 

:معلش لو لي خاطر عندك 

:خاطرك كبير قوي عندي يا باشمهندس 

:كريم 

:نعم 

:اسمي كريم واحنا سوا ومع بعض كريم وبس

*ابتسمت وقالت بمنتهى الرقه اللي تشوفه يا كريم 

:هنتعشى مع بعض بكره 

: انت لسه فاكر ده كان هزار

: انا اعتبرته جد هو صعب عليك 

:لا بس هنبقى مع بعض 24 ساعه لا يفصلنا الا ساعات النوم هتزهق مني 

:يا ريت بس عمري ما  ازهق منك هستناكي بكره في نفس المكان 

:لا 

:ليه 

:خلينا نغير نفسي نروح اماكن كثير  مع بعض ( توترت)قصدي يعني تغيير ما يبقاش مكان الشغل ثابت ومكان العشا كمان هيبقى شيء ممل

: اتفقنا اوصلك

: لا هاخد تاكسي

: بالليل كده مش هبقى مطمن عليك ايه رايك تقدمي على عربيه بالقسط مش احسن 

:نشوف الموضوع ده بعدين 

*ذهبت وتركته وهي سعيده بداخلها احساس جديد بعد ان تخلصت من ارتباطها من يزن 

*استيقظت وهو يلف يده حول خصرها يحتضنها ويقبل رقبتها 

:سهر حبيبتي اصحي 

:شويه يا كريم عايزه انام في حضنك كمان شويه

*قبلها بشغف وداعب أنفها  

:طب كده هتتاخري على الشغل 

*استيقظت مفزوعه

: الشغل ....  الشغل .... هتاخر يا خساره .... كان حلم جميل كان لسه بيبوسني يقطع الشغل وسنينه 

*اختارت ملابسها بعنايه  كانت مبهجه مفرحه 

*راتها ايناس فضحكت

: اللي يشوفك يقول عليك انت اللي عروسه مش انا

: بتقولي فيها انا فعلا حلمت اني عروسه ونايمه في حضن حبيبي احساس جميل قوي خصوصا وهو شايلني وبيلف بيا 

*وبدات في الدوران حتى اصطدمت في كريم الذي استمع لما قالته لايناس

: مستر كريم اسفه 

*وقال بصرامة :يعني لما يدخل حد يشوف حضرتك بتلفي كده يقول ايه لو سمحت انتبهي شويه  لتصرفاتك 

:حاضر بعتذر مره ثانيه 

*بعد ان دخل كريم مكتبه نظرت لها بعتاب

:مش تقولي انه هنا 

:كنت لسه بشاور لك لقيتك لبست فيه  .... طالب حد فينا ادخلي

: لا روحي انت مش هعرف ابصله النهارده

بقلمي سحر السحرتي 

*خرجت ايناس وهي متضايقه 

:مالك في ايه زعق لك بسببي

: لا  في مؤتمر كمان اسبوعين في الغردقه لازم احضر 

: وايه اللي يزعل في كدة هي اول مرة تسافري

: لا هقول لجوزي ايه دلوقتي لسه عرسان جداد و هسيبه و اسافر 

:هو مدته قد ايه 

:خمس ايام 

:طب ما ينفعش يسافر معاكي تعملوا شهر عسل ثاني

: ما هو لسه راجع من اجازه الجواز هياخذ اجازه خمس ايام هتطير المرتب واحنا لسه ورانا التزامات 

: طب معلش اكيد هيعذر ده شغل  انت رايحه تلعبي 

:سهر حبيبتي 

: هاه مش مستريحه من امتى حبيبتي دي 

:ممكن تطلعي مكاني

: بس مستر كريم طلبك انت 

:لا ممكن اعتذر  له و ارشحك مكاني اكيد هيقدر ويوافق هو اصلا طلب مني عشان انا مديره مكتبه بس لو عارف اني مش ممانعة انك تروحي مكاني هيوافق

: طب هسال ماما وانت اللي تبلغيه اخاف يزعق لي زي الصبح وانت كمان بقى لك كثير معاه

: ما تقلقيش هضبط الموضوع اتصلي على مامتك هاتي الموافقه عشان لازم احضر كل حاجه من دلوقت و احجز الغرف  

*بعد موافقه والده سهر دخلت ايناس لكريم وابلغته انها لا تستطيع الذهاب ولكن يمكن لسهر ان تحل محلها

: وهي سهر هتقدر تعمل شغلك انت فاهمه كل حاجه ومش اول مره تسافري 

:انا هفهمها على كل حاجه و اظبط معاها من هنا و هكون باستمرار معاها على التليفون وهي شاطره بتتعلم بسرعه ... لو متضايق خلاص هروح بس حضرتك قدر ان جوزي ممكن يتحرج اننا لسه في اول الجواز و اسيبه و اسافر

: ما هو لازم يتعود

: مش من اولها خليها عليك المره دي يا باشمهندس ها اختك الصغيره 

:طب اختي الصغيره وانا مسافر مش هتاخدها اجازه

: طبعا بس همشي بدري شويه ممكن

: كمان وماله تستاهلي رتبي الحجز وخلي الغرف قريبه من بعض عشان لو احتاجت حاجه تنفذها بسرعه مش زي المره اللي فاتت انت كنت في اخر الطرقه 

:هعمل حسابي لاني تعبت المره اللي فاتت ومش عايزاها تتعب عشان ترضى تروح ثاني

: نعم هو مش المره دي بس 

:ما تمشيها اول سنه جواز

: انت هتدلعيه قوي كده بس اعملي حسابك لو لخبطت اي حاجه انت اللي هتسافري وما فيش اعذار 

: اطمن هحفظها و افطمها كمان على كل حاجه 

*نجحت خطة كريم في جعل سهر تسافر معه بدلا من ايناس ساعده في ذلك زواج ايناس الذي كان مفيدا له هذه الفترة ليتواجد مع سهر اطول فتره ممكنه 

*كان كل يوم تتقابل سهر مع كريم بعد العمل

: احنا كل يوم مع بعض و هنسافر  برضه مع بعض

:  ودي حاجه حلوه ولا وحشه 

:الاثنين

: ازاي بقى 

:حاجه حلوه و خايفه اتعود تبقى حاجه وحشه لان ماما  لو رجعت او اسرتك رجعت هنبطل نبقى مع بعض ودي حاجة تزعل .... هو لازم اسافر معاك 

:اه بتسالي ليه

: ايناس اتحايلت علي واتكسفت ارفض

: عايزه ترفضي ليه 

:بصراحه حاسه اننا بنقرب من بعض زياده عن اللزوم وكدة هتعود  وده غلط خايفه من اخرته

:سهر انا جوايا احاسيس مش واضحه محتاج وقت بسيط احدد فيه هي ايه وقتها هصارحك  بكل شيء واخد الخطوات الصح لان الخطوات دي ما فيش فيها رجوع بس اديني شويه وقت و محتاجك معايا في السفر ممكن

: ممكن يلا نروح عشان الحق اوضب الشنط الطياره بالليل 

:هعدي عليك

: ماشي 

وصلا الى الغردقه كان كريم يستلم مفاتيح الغرف  التقت بيزن بالصدفه نظرت في الاتجاه الاخر لكنه نادى عليها

الفصل العاشر 

رأى يزن سهر بالصدفه فنادى عليها 

:سهر .... سهر 

*التفتت له 

:نعم انت تعرفني 

:على فكره انا اللي كنت في غيبوبه

: اه ما انا عارفه خير في حاجه 

: انا افتكرت كل حاجه واسف اني نسيت 

:عادي ولا يهمك ما حصلش حاجه

: انت مش زعلانه انك فسخت الخطوبه

: اذا افتكرت كل حاجه زي ما بتقول يبقى هتفتكر اني كنت رافضه الخطوبه من الاول وانت اتحايلت عليا ....  والاسبوع اللي اتخطبناه ما لحقتش احبك ولا حسيت بمشاعر ناحيتك

: امال فضلت جنبي ليه 

:تقدر تقول رد جميل نوع من انواع الاخلاص والوفاء لانك دافعت عني واتخانقت مع صاحبك عشاني ... الا صحيح ما قلتليش هو كان عايز مني ايه واتخانقتوا ليه

: الحقيقه مش فاكر 

*ردت بسخرية 

:لما تفتكر ابقى قول لي احسن فضولي قاتلني

: انت نازله هنا 

:اه جايه المؤتمر مع المدير بتاع الشركه مستر كريم الالفي

: طول عمرك شاطره في شغلك مش حابه ترجعي الشركه

: ولا عمري فكرت اني ارجع لها 

:ليه مع ان بابا قال لي انك رفضتي تشتغلي فيها بعد الحادثه بسببي

 : كان احساس بالذنب من ناحيتك ان اللي حصل حصل بسببي وخصوصا لما كنت بشوف باباك ونظره الحزن في عينيه بس ربنا عوضني بشركه احسن 

:احسن من شركتنا

: اكيد عندك شك ... شركه الالفي من اكبر شركات البلد وشرف لاي حد ينضم ليها ومقدرني وعارفين قيمتي 

: ما انا كنت عارف قيمتك وانت بتشتغلي معايا 

:متاكد واضح انك لسه ما افتكرتش كل حاجه 

: لا فاكر بدليل المكافات اللي كنت بتاخديها

: المكافات اللي كنت باخدها والدك اللي كان بيصرفها لي انت كنت بتتخانق معاه ولا الذاكره عندك لسه بتسقط ذكريات 

كريم : سهر اتفضلي مفتاحك مستنيك من بدري بس واضح انك مطوله والحوار شدك 

:ابدا يا باشمهندس ده مستر يزن مديري السابق كان بيسلم بس

: لو خلصتي يلا عشان تلحقي تنامي المؤتمر هيبدا بدري 

:استاذن يا  مستر يزن فرصه سعيده اتمنى ما تتكررش 

*في الاسانسير 

:كريم انت زعلان 

*رد ببرود 

:هزعل ليه ده كان خطيبك عادي لما تتكلمي معاه

: انا قدمته ليك كمديري السابق وهو كان بيعرض عليا ارجع الشغل عنده 

:ورديتي عليه قلت ايه 

:فهمته ان ربنا عوضني بشركه احسن عارفه قيمتي مش كده بقلمي سحر السحرتي 

 *رد بلا مبالاه: اه طبعا 

*امسكت يده لتحايله 

:كريم لو سمحت انا عارفه انك بتضايق من اسمه ما بالك تشوفه قدامك شخصيا بس ده موقف اتعرضت له غصب عني وممكن اتعرض له كثير ارجوك ما تزعلش وقدر موقفي واظن انا ما تجاوزتش حدودي معاه ولا بتجاوز حدودي مع اي حد

*مازال مستمر في التعامل معها ببرود

: انا ما اتكلمتش ولا قلت حاجه شايله همي ليه 

*تركت يده وتحدثت بحدة وضيق منه

: وهشيل همك ليه انا بس لقيتك متضايق عموما الصبح هبقى جاهزه يا مستر كريم تصبح على خير

*اخذت تمشي في الغرفه ذهابا وايابا وتحدث نفسها 

:هو انا متضايقه ليه ما يتفلق .... هو بيعاملني كده ليه .... انا هطنشه ..... هو فاكرني تحت امره .... هو انا عملت حاجه ... ماشي يا كريم من هنا ورايح المعامله الرسميه و هتشوف وش ثاني  ....هتقدري ... اه هقدر مش هقدر ليه  .... طب فكري نفسك بالكلام ده .... هفكر نفسي وبكره هتظهر سهر ثانيه .... هو لما يزعل هتحايل عليه كثير المفروض وضحت موقفي يفهم ويقدر .... لا بس زعله وحش قوي  ..... تفتكري ده زعل ولا غيره .... غيره ايه انت كمان هتوهمي نفسك ان في حاجه بينكم وبيغير كمان 

*رن هاتفها برقم كريم

: اتفضلي ردي عليه رد رسمي .... لا مش هرد هقول له الصبح اني نمت على طول عشان يحس ان هو ولا في بالي ... كذابه هو مش في بالك ...  اه ... رنه كمان وهتردي  ...مش هرد ... مش هرد ...اهو بطل رن وما ردتش شفتي انا قويه ازاي  ....قويه قوي  ...انت عايزه مني ايه انا هنام  

*في صباح اليوم التالي في مطعم الفندق كانت سهر تتناول قهوتها في زاويه بعيده عن الناس وتعمل على اللاب توب شاهدها كريم فتوجه اليها وقف بجانب طاولتها لكنها لم ترفع عينيها من على اللاب لم يجد مفر فتحدث 

:سهر صباح الخير 

*اجابته وهي ما زالت تعمل

 :صباح الخير يا مستر كريم 

:بتعملي ايه

: بحضر شغل النهارده

: تسمحي لي اقعد معاكي

*ردت ببرود كما فعل معها بالامس

:اه طبعا اتفضل 

:كلمتك امبارح بالليل 

:كنت نمت كان في حاجه 

:انا كنت بكلمك وانا واقف في البلكونه ونور غرفتك كان مفتوح

: ممكن كنت بصلي وبخلص اطلع على السرير على طول بحب انام وانا متوضيه ومش بمسك حاجه بعد الصلاه فبعمل الموبايل صامت وبظبط المنبه قبل ما اصلي

: هتفضلي زعلانه ورفضه تبصي لي كثير

*تحدثت بكل رسمية كما قررت

: انا مش زعلانه لان ما فيش سبب للزعل وبخلص شغلي لان ايناس منبهه عليا انها هترفض اي غلط مني في المؤتمر ده مش عايزه تندم انها بعتتني بدالها .... خمس دقائق هكون مع حضرتك على ما تخلص فطار اكون خلصت ما تشيلش همي 

: ما اشيلش همك اممم طيب وانت ما فطرتيش ليه

: ما ليش نفس اخذت قهوه وخلاص

: المؤتمر وقته طويل معقول هتقعدي كل ده من غير اكل

: ما تشغلش بالك بيا انا واخده على كده

:  انا جبت لك معايا حاجه بسيطه ممكن تاكليها 

:ما كانش له لزوم تتعب نفسك ومش بقدر اكل اي حاجه ونفسي مسدوده

: بس انا مصر

: ليه 

:هو ايه اللي ليه

: ليه مصر وليه مهتم انا مجرد موظفه ما تشغلش بالك بيا

: انت شايفه انك بس مجرد موظفه

: اه بعد تصرفك امبارح معايا اظن كده النقط اتحطت على الحروف

:انت عملت منها موضوع  و مشكله 

:لا موضوع ولا مشكله انا خلصت شغل هسبق حضرتك على قاعه المؤتمر لان ايناس قالت انك بتحب تقعد قدام 

*تركته و ذهبت طول فتره المؤتمر لم تنطق بكلمه واحده لكن الحزن مسيطر عليها طوال الوقت 

بقلمي سحر السحرتي 

*بعد انتهاء فعاليات اليوم الاول للمؤتمر 

:مستر كريم انا سجلت كل حاجه هطلع غرفتي اكتبهم على اللاب وخلال نص ساعه هرسلها على الايميل بتاعك

: انت مش هتتغدي الاول الساعه بقت 6:00 ولسه ما اكلتيش حاجه من الصبح

: قلت لحضرتك الصبح ما تشغلش بالك بيا لان فعلا ما ليش نفس مش هتاخر نص ساعه وهرسل الميل 

*تركته و ذهبت تحت مراقبه يزن المعجبه بها وبملابسها المتناسقه المحترمه 

*كانت تلبس بدله رسميه وحجاب مناسب وتتعامل باحترافيه فقال لنفسه

: ازاي ما كنتش واخد بالي من جمالها واخلاقها  ...حمار 

*بعد نصف ساعه وجد كريم ان الميل ارسل له مع رساله منها 

:محتاج مني حاجه ثانيه النهارده 

*ارسل لها: لا شكرا بس ابقي ردي على التليفون لان احتمال احتاج حاجه انا دلوقتي قاعد مع رجال اعمال بنتكلم 

:تمام هبقى قاعده على البحر لو احتجت حاجه 

*ذهبت الى البحر وهي ترتدي بدله رياضيه جميله وجلست على كرسي البحر المفرود ووضعت السماعه في اذنها لتستمع الى بعض الاغاني 

*وجدها يزن فرصه للتحدث معها 

: ممكن اقعد معاكي

: لا 

:ليه

: انت شايفني قاعده لوحدي يعني محتاجه اقعد لوحدي و بعدين مفيش بيني وبينك اي تعامل دلوقتي أو اي حاجه نتكلم فيها

: انا كنت خطيبك لو انت فاكره وانت اللي اخذتي قرار الانفصال اظن من حقي فرصه ومش غلطتي اني فقدت الذاكره وفقت وانا ناسيكي 

:مستر يزن خطوبتي ليك ما كانتش مريحاني نفسيا واظن يوم الحادثه قلعت الدبله يعني كان عندي استعداد اسيبك وقتها انا كنت بتلكك 

:بتتلككي

: اه خليني صريحه معاك وخليك صريح مع نفسك انت ما حبتنيش ولا انا كمان حبيتك ممكن تسيبني بقى 

:لا انا حب

*قاطعته وقالت بحدة

: لو سمحت محتاجه ابقى لوحدي انا سايبه لك المكان 

*قامت لتبتعد فامسك يدها فنفضتها وقالت بصوت عالي ورفعت سباباتها كتحذير له

: اوعى تفكر تمسك ايدي مره ثانيه او تتكلم معايا ثاني

: انت بقى مش عايزه ترجعي لي لقيتي حد اغنى طبعا كريم الالفي وشركته احسن من شركتنا

*وجد صفعه قوية على وجهه وكأنها تخرج كامل غضبها مما فعل   

*وتحدثت بحدة وهي تبكي

:  انت هتكذب الكذبه وتصدق نفسك انا عرفت الحقيقه سمعت كل حوارك مع والدتك وعرفت انت كنت خاطبني ليه 

*اكملت بسخرية

: هو الرهان لسه شغال ولا ايه انا عمري في حياتي ما احتقرت حد اكتر منك ضيعت سنه من عمري مستنيه واحد سافل معدوم الضمير زي الهبله كنت مفكره انه بيدافع عني لكن اتاريه ذئب بشري وكان هيقدمني لاصحابه كأني سلعه رخيصه ... وتقول لمامتك عامله نفسها شريفه انا اشرف منك وانت  عارف و متاكد ...قال وانا اللي كنت بعتب على اهلك انهم سابوا حقك ورفضوا يبلغوا عن صاحبك شكلهم كانوا عارفين انك اكيد كنت بتتخانق على حاجه ممكن تدينك انت كمان ولما تفوق تترمي في السجن معاه 

*قالت بكل غضب داخلها

: اوعى مره ثانيه عينك تيجي في عيني امشي من هنا

*دفعته بكلتا يديه في صدره

*تركها وذهب 

بقلمي سحر السحرتي 

*كان كريم يراقبها من بعيد وقد راى يزن وهو يمسك يدها وهي تسحبها وبعدها تصفعه وانهيارها بالبكاء بعد انصراف يزن 

*ظل متحيرا هل يقترب منها ام يتركها وحدها بداخله عده اسئله  ونار الغيره تتاكله من الداخل ... ما الذي جعلها تنهار بهذا الشكل .... ما الذي دفعها لصفعه  ....هل بكائها لانها تحبه وهو نسيها فاضطرت لفسخ الخطبه ... هل يذهب اليها ويسالها ويطفئ النار التي تحرقه 

*ظل ذهنه شارد محتار ما بين يذهب ام يتركها لكن قبل ان يتخذ القرار وجدها انصرفت

                 الفصل الحادي عشر من هنا

لقراءة باقي الفصول من هنا

تعديل المقال