رواية حب في الصعيد الفصل الحادي عشر11والثاني عشر12 بقلم فاطمة الالفي
فى بيت الجدة نعمات
نجاة : يامرحب ياولدى
جواد: كيفك ياعمتى
نجاة: بخير ياولدى مين دى ياولدى
جواد: دى ياستى قريبتك جوى جوى دى تبق بنت عمتى امنة
نجاة: وها امنة خيتى انتى بنت خيتى
حب بابتسامة: أيوة ياخالتو انا حب بنت امنة ومحمد ههههه
نجاة : تعى فى حضنى ياضنايا اشم فيكى ريحة خيتى
حب تحتضن خالتها وبعد فترة تم التعارف والاحاديث وكل شئ يخص حياة امنة
*******
فى المستشفى
شذى : دكتور وليد اتفضل الاشعة إللى تخص انسة حب
وليد : شكرا ياشذى
شذى : العفو عن اذنك
وليد : اتفضلى:
فتح وليد الأشعة وقرأ التحليل
وليد بصدمة: مش ممكن
*******
جاء اتصال إلى جواد من القاهرة
جواد: الو تحت امرك ياافندم حاضر حالا هقطع الاجازة تحت امرك مع السلامة
نجاة : خير ياولدى
حب: هتنزل مصر
جواد: معلشى ياعمتى لازم دلوقتى ارجع فى مامورية بينا ياحب اوصلك البيت واخد شنطة هدومى
حب: طيب ياخالتى مع السلامة
نجاة : هشوفك تانى يابتى وماتخفيش كلهاتنا هنية فى ضهرك
حب: اكيد ياخالتى
جواد: يلى مافيش وقت
***
بعد فترة وصلو المنزل
ذهب جواد إلى غرفتة وأحضر حقيبه السفر ووضع بها متعلقاته وبعد الانتهاء ذهب ليودع حب ..
حب بحزن : خلاص هتمشى
جواد: لازم البى نداء الوطن ههههه
حب: ربنا معاك
جواد: خلى بالك من نفسك ووليد هنا معاكى وعمتى كمان اوعى تعملى أى حاجة وان شاء الله هخلص المأمورية دى وارجع عشان لازم نوضع حل بقى وعمتى وجوزها يرجعو وسطينا من جديد المهم اتصرفى بحكمة
حب: انا بفكر اروح عند جدى عبدالرحيم وانتو تكملو هنا لازم أبدأ مع جدى هناك وتيتة
جواد بقلق: لا طبعا خليكى هنا اوعى تروحى هناك انا مش ضامن ارجوكى بلاش هناك دلوقتى خليكى هنا لازم نوضع خطط كتير الموضوع مش سهل ماشى خلى بالك من نفسك وانا هكلمك دايما اطمن عليكى دلوقتى اشوف وشك على خير
حب: مع السلامة هتوحشنا
جواد بابتسامة: وانتى كمان هتوحشنى اوى
*******
ودع جواد اهلة وعاد إلى القاهرة ليباشر عملة واستلام المهمة التى تنتظرة..
******
قررت حب بعد مهاتفة والدها ان تذهب الى بيت جدها عبدالرحيم لكى تحاول التقرب بينهم ولم الشمل المتفرق منذ عشرين عام ..
********
احضرت حقيبتها هبطت إلى الاسفل تتحدث مع الجد والجدة
حب: ازيك ياجدى عامل اية
صبرى : بخير يابتى كيفك
حب: الحمدلله
كريمة: وها انتى لامة خلجاتك وفيتانا يابتى ولا اية عاد
حب بابتسامة: بصراحة انا مش عايزة اسيبكم بس اكيد هنتقابل تانى ياتيتة بس عشان مشكلة السكن اتحلت لازم امشى
كريمة: والله حبيتك كيف البنتة يابتى هتوحشك جوى جوى
صبرى : نويتى خلاص يابتى بس اعرفى ان اهنية بيت جدك تيجى تجعدى فوج روسنا يابتى
حب تقبل جدها : ربنا يخليك ياجدى قدها وقدود وقبلت جدتها وودعت البنات قمر وبدر واولادهم ادهم وصبرى وكامل
وتركت المنزل
صبرى : استنى يابتى حد من الرجالة يوصلك كيف مابدك لتوهى يابتى
حب بابتسامة: لا ملوش لازم ياجدى الجامعة هتبعت حد يوصلنى السكن ماتقلقش اشوف وشكم بخير
صبرى : فى رعاية الله يابتى
***
خرجت حب بتنهيدة عميقة من منزل جدها وقررت أن تذهب إلى عائله والدها لتحاول الصلح بينهم تسعي لتحقيق هدفها الوحيد ، عودة والديها إلى أحضان عائلتهم
حب بشرود: ياترى لينا نصيب نتقابل تانى ولا الامور هتتعقد ولا اية ربنا يستر ويعينى على إللى
الفصل الثاني عشر
حاول وليد الاتصال على جواد لكن لا يوجد أى رد قرر العودة إلى بيت العزازى
*******
علمت حب بمكان سكن عائلة المنشاوى بوصف والدها وحاولت أن تصل إلى مكان البيت بمفردها لكن ضلت طريقها فجميع البيوت تتشابة ظلت حائرة فى أمرها إلى أن رائت شاب فاوقفتة تتحدث معة ..
حب : لو سمحت يا كابتن
الشاب باستغراب: تجصدينى انا ياعروسة
حب بابتسامة: من فضلك فين بيت الحاج عبدالرحيم المنشاوى ممكن توصلنى هناك
الشاب بمكر: وها وانتى عايزة الحاج عبدالرحيم المنشاوى لية جريبك اياك
حب: أيوة قريبى
الشاب : بس شكلك غريب عنينا
حب: اوف هتوصلنى ولا اشوف حد غيرك
الشاب : بس الطريج مافهوش حد واصل والحج عبدالرحيم كيف جدى بس انتى جريبتة صوح
حب: أيوة وجايا من مصر ممكن توصلنى بقى اوف
الشاب بمكر : جولتيلى جايا من موصر يبج انت بنت ولدة محمد مش كدية ياعروسة
حب بقلق : لا لا مش بنت ولدة انا قربتة من بعيد
الشاب بابتسامة: وها مالك عاد اتلجلجتى لية الحج عبدالرحيم مالوش جرايب من مصر غير ولدة محمد لم ساب البلد زمان
حب: ممكن تبطل كلام كتير وتوصلنى من سكات
الشاب بمكر : ومالة ياعروسة نوصلك
الشاب بمكر لنفسة (ياحلاوة ياولاد لازمن اخبر بوى ان ولد المحروج باعت بتة يعنى اكيد هيجى بنفسية يعنى خبرة جريب جوى يابوى دة الدم هيبج بحر هههههه )
اوصلها الشاب،إلى منزل المنشاوي وظل جانبها ليخبر صديقه عامر بوصول ضيفتهم
الشاب : ياعامر ياعامر ياخوي
عامر: خبر اية ياحسين بتنادم عايز اية عاد
الشاب : بس تعالى ياخوى نتحدتو
عامر : خير ياغراب البيت
حسين : البت دى جريبتك وعايزة جدى عبدالرحيم
عامر : وها مين انتى ياحورمة
حسين: دى بت عمك محمد جاية من مصر
عامر : مين بت مين انتى اونطقى
حب: انا عايزة جدى عبدالرحيم
عامر : خلاث ياحسين هملنا انت السعادى وتشكر
حسين: وها أنا غريب ولا اية ياخوى
عامر : خلاص ياحسين هملنا عاد لم نشوفو حكايتها اية دى
حسين : طيب ياخوى هبج استناك على الجهوة ماتعوجش
عامر : طيب
******
عامر : تعالى خشى
عامر : ياجدى ياستى ياعمى تعالو شوف مين عنيدنا تعالو شوف عمار يا ماهر ياعمى كلهاتكم تعالو شوف مجايب مصر
عبدالله: خير ياولدى
عبدالرحيم: فى اية يا عامر بتزعج لية ياولدى حوصل حاجة
نجية : خبر اية يا ولد ولدى فى اية
مهجة : وها مين دة ياعامر اوعاك تكون اتجوزت علية من مصر
عامر: اجفلى خاشمك يامهجة خالص
عمار : فى اية ماتفهنا ياخوى ومين دى
عامر : دى بت عمكم امحمد خايف يجى لحاله بعد العمر دة كلهاتو باعت حورمة بدالة تستسمحنا نرضى عنية مش كدية يابت البندر ابوكى باعتك بعد ماهرب زمان كيف الحريم باعت بتة مش جادر يجى يوجف جصادنة باعت حورمة
حب: اتكلم على بابا كويس دة يبق عمك احترمة يااخى
عامر : ماليش عمام عمى اللى سبب فى موت بوى مايبجاش عمى واصل إللى يهرب كيف الحريم ويخرج عن طوع ابوه ويتجوز بنت العزازى ويهرب برة البلد مايبجاش عمى لم ابوى يموت بسببة عمى دى لو شوفتة انا هقتلة بيدى وهاخد بطار ابوى منية الاول جبل مااخدو من ولاد العزازى
حب: أنا غلط لم جيت هنا وبابا مش خايف يشوفكم ولا يواجهكم انا إللى اصريت ان انزل اتعرف على اهلى الاول وبابا مش ضعيف ولا جبان ولا خايف منك ولا من غير وانا راجعة مكان ماجيت مادام اهل بابا رافضين وجودى
عبدالرحيم: انا بس إللى اجول مين يجعد ومين يمشى تعالى يابت الغالى فى حضن جدك
حب بابتسامة: تقبل يد جدها وتحضنة وتحضن جدتها نجية
نجية : ياجلبى كانى شايف امحمد ابنى ياحج ريحة محمد فيكى يابتى
عامر : يعنى عايزها تفضل ياجدى
عبدالرحيم : ايوة دى بيت جديها لم اموت ابج اعمل كيف مابدك ياولد ولدى بس طول ماانا عايش ماحدش هيمس بت ولدى الازغير وكلامك عن عمك مايرضنيش ياولد الغالى وماتحدتنيش واصل
عامر : وانا خارج برة الدار واصل
مهجة : استنى بس ياخوى
عمار : هملية يامهجة هيشم هوا ويعاود تانى
عبدالرحيم: مش هترحبو ببت عمكم
عبدالله : نورت دارك يابت اخوى انا عمك عبدالله
حب بابتسامة: ازيك ياعمو بابا حكالى عنك
عبدالله: تعالى اضمك لصدرى انت كيف بناتى
حب بابتسامة: تحضن عمها
عبدالله : وها رحبو بت عمكم
مها : اهلا يابت عمى وحضنتها
اما مهجة بدون نفس : اهلا يابت عمى
ماهر بابتسامة : ازيك يابت عمى نورتى الدار
حب: شكرا
عمار : مرحب
زينب : انا مرت عمك عبدالله مرحب بيكى يابتى
حب: تسلمى ياخالتى
بهية : مش هرحب بيكى ولا لية صالح بيكى دم جوزى فى رجبت ابوكى وامك
نجية : تعالى ياجلب ستك هتجعدى جارنا فى الجاعة الجبلية تعالى معايا
عبدالرحيم : حضرو الوكل
حب: الله حلوة اوى الاوضة ياتيتة
نجية : دى بتعت ابوكى يابتى وماحدش بيدخلها غيرى وانا بروجها بنفسى وبشم فيها ريحة ولدى اتوحشتو جوى يابتى
حب: خلاص هخليكى تتكلمى معاه فى الموبايل دة ماشى
نجية : وها بجد يابتى هسمع حسة
حب: أيوة استنى هتصل علية
نجية : اسمك اية يابت الغالى
حب بابتسامة: اسمى حب ياتيتة سهل اوى
نجية: حب بجى مش سمى على اسمى ماشى يامحمد هو اسم نجية مالو
حب: زى العسل ياتيتة
نجية : عندك اخوات غيرك يابتى
حب: لا انا بس
نجية : وها لية مش خواكى وجابلك راجل يكون سندك وعزوتك يابتى لية يهملك لحالك
حب : نصيبة بقى ياتيتة ههههه انتو الصعايدة كدة اهم حاجة عندكم الولد لكن البنت تطوخوها عيران هههه
نجية : وها ياجلب ستك والله حبيتك ودخلتى جلبى طوالى
حب: حبيبتى يا تيتة ياقلبى انتى
هنكلم بابا بقى
حب: اهو جرس بيرن ايوة يا بابا ازيك ياحبيبى فى مزة هنا عايزة تكلمك
محمد : ههههه بطلى هزار
حب: والله جد اتفضل
نجية بدموع : امحمدد كيفك ياضانى اتوحشتنى يا امحمد يا ولدي
محمد : امى ازيك ياست الحبايب هى حب عندكم
نجية : ايوة ياولدى لسة واصلة دلوك
ماتخفاش عليها ياضنايا دى لحمنا
محمد : عارف يا امى ربنا يخليك ليا ويبارك فى صحتك الحج عبدالرحيم كيف صحتة
نجية: نحمدو ياولدى مش هتعاود يانضرى
محمد : والله لو عايزينى اجى من دلوقتى هاجى بس انا شايف لسة شويا لم الدم ينتهى بين العيلتين يا امى اخاف انزل دلوقتى ويحصل حرب
نجية : اة ياولدى الصبر من عندك يارب جادر على كل شئ ياولدى